[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.20 # Vayupurana 2.20: adhyāyaḥ 20 Vāyupurāṇa 2.20 - **Language:** Sanskrit ### adhyāyaḥ 20 ### [2.20.1](https://indike.org/pramana/in.purana.vayu.2.20.1) bṛhaspatiruvāca.. ### [2.20.2](https://indike.org/pramana/in.purana.vayu.2.20.2) yamastu yāni śrāddhāni provāca śaśa(śiva)bindave. tāni me śrṛṇu kārtsnyena nakṣatreṣu pṛthak pṛthak .. 20.1 .. ### [2.20.3](https://indike.org/pramana/in.purana.vayu.2.20.3) śrāddhaṃ yaḥ kṛttikāyoge karoti satataṃ naraḥ. agnīnādhāya sāpatyo jāyate sa gatajvaraḥ .. 20.2 .. ### [2.20.4](https://indike.org/pramana/in.purana.vayu.2.20.4) apatyakāmo rohiṇyāṃ saumyenaujasvitā bhavet . prāyaśaḥ krūrakarmmā tu cārdrāyāṃ śrāddhamācaret .. 20.3 .. ### [2.20.5](https://indike.org/pramana/in.purana.vayu.2.20.5) kṣetrabhāgī bhavet putrī śrāddhaṃ kurvvan punarvvasau. dhanadhānyasamākīrṇaḥ putrapautrasamākulaḥ .. 20.4 .. ### [2.20.6](https://indike.org/pramana/in.purana.vayu.2.20.6) tuṣṭikāmaḥ punastiṣye śrāddhaṃ kurvīta mānavaḥ. āśleṣāsu pitṝnārcya vīrān putrānavāpnuyāt .. 20.5 .. ### [2.20.7](https://indike.org/pramana/in.purana.vayu.2.20.7) śreṣṭho bhavati jñātīnāṃ maghāsu śrāddhamācaran. phalgunīṣu pitṝnārcya saubhāgyaṃ labhate naraḥ .. 20.6 .. ### [2.20.8](https://indike.org/pramana/in.purana.vayu.2.20.8) pradhānaśīlaḥ sāpatya uttarāsu karoti yaḥ. sa satsu mukhyo bhavati haste yastarpayetpitṝn .. 20.7 .. ### [2.20.9](https://indike.org/pramana/in.purana.vayu.2.20.9) citrāyāṃ caiva yaḥ kuryāt paśyedrūpavataḥ sutān. svātinā caiva yaḥ kuryādvidvām̐llābhamavāpnuyāt .. 20.8 .. ### [2.20.10](https://indike.org/pramana/in.purana.vayu.2.20.10) putrārthantu viśākhāsu śrāddhamīheta mānavaḥ. anurādhāsu kurvvāṇo naraścakraṃ pravarttayet .. 20.9 .. ### [2.20.11](https://indike.org/pramana/in.purana.vayu.2.20.11) ādhipatyaṃ labhecchraiṣṭhyaṃ jyeṣṭhāyāṃ satataṃ tu yaḥ. mūlenārogyamicchanti āṣāḍhāsu mahadyaśaḥ .. 20.10 .. ### [2.20.12](https://indike.org/pramana/in.purana.vayu.2.20.12) āṣāḍhābhiścottarābhirvītaśoko bhavennaraḥ. śravaṇāyāṃ sulokeṣu prāpruyāt paramāṃ gatim .. 20.11 .. ### [2.20.13](https://indike.org/pramana/in.purana.vayu.2.20.13) rājyabhāgvai dhaniṣṭhāsu prāpnuyādvipulaṃ dhanam. śrāddhaṃ tvabhijitā kurvan vindate'jāvikaṃ phalam .. 20.12 .. ### [2.20.14](https://indike.org/pramana/in.purana.vayu.2.20.14) nakṣatre vāruṇe kurvvan bhiṣaksiddhimavāpnuyāt. pūrvve proṣṭhapade kurvvan vindate'jāvikaṃ phalam .. 20.13 .. ### [2.20.15](https://indike.org/pramana/in.purana.vayu.2.20.15) uttarāsvanatikramya vindedghā vai sahasraśaḥ. bahurūpakṛtaṃ dravyaṃ vindet kurvvaṃstu revatīm. aśvāṃścaivāśvinīyukto bharaṇyāmāyuruttamam .. 20.14 .. ### [2.20.16](https://indike.org/pramana/in.purana.vayu.2.20.16) imaṃ śrāddhavidhiṃ kurvvañchaśabindurmahīmimām. kṛtsnāṃ tu lebhe sa kṛtsnāṃ labdhā ca praśaśaṃsa tam .. 20.15 .. ### [2.20.17](https://indike.org/pramana/in.purana.vayu.2.20.17) iti śrīmahāpurāṇe vāyuprokte nakṣatraviśeṣe śrāddhaphalavarṇanaṃ nāma viṃśo'dhyāyaḥ .. 20 .. \* ## Linked texts (1) - [Brahmāṇḍapurāṇa](https://indike.org/pramana/in.purana.brahmanda.2.18.5) — Vyāsa, Sanskrit --- Source: [https://indike.org/pramana/in.purana.vayu.2.20](https://indike.org/pramana/in.purana.vayu.2.20) · Pramāṇa