[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.23 # Vayupurana 2.23: adhyāyaḥ 23 Vāyupurāṇa 2.23 - **Language:** Sanskrit ### adhyāyaḥ 23 ### [2.23.1](https://indike.org/pramana/in.purana.vayu.2.23.1) sūta uvāca.. ### [2.23.2](https://indike.org/pramana/in.purana.vayu.2.23.2) tato manvantare'tīte cākṣuṣe daivataiḥ saha. vaivasvatāya mahate pṛthivīrājyamādiśat .. 23.1 .. ### [2.23.3](https://indike.org/pramana/in.purana.vayu.2.23.3) tasya vaivasvato vakṣye sāmpratasya mahātmanaḥ. ānupūrvyeṇa vai viprāḥ kīrttyamānaṃ nibodhata .. 23.2 .. ### [2.23.4](https://indike.org/pramana/in.purana.vayu.2.23.4) manorvaivasvatasyeha sargamādāya sāmpratam . manoḥ prathamajasyāsan navaputrāstu tatsamāḥ .. 23.3 .. ### [2.23.5](https://indike.org/pramana/in.purana.vayu.2.23.5) ikṣvākurnahuṣaścaiva dhṛṣṭaḥ śaryātireva ca. nariṣyantastathā prāṃśu rnābhāgo'riṣṭa eva ca. karūṣaśca pṛṣadhraśca navaite mānavāḥ smṛtāḥ .. 23.4 .. ### [2.23.6](https://indike.org/pramana/in.purana.vayu.2.23.6) brahmaṇā tu manuḥ pūrvaṃ coditastu nibodhata. sraṣṭuṃ pracakrame kāmaṃ niṣphalaṃ samavarttata .. 23.5 .. ### [2.23.7](https://indike.org/pramana/in.purana.vayu.2.23.7) athākarotputrakāmaḥ parāmiṣṭiṃ prajāpatiḥ. mitrāvaruṇayoraṃśe manurāhutimāvapat .. 23.6 .. ### [2.23.8](https://indike.org/pramana/in.purana.vayu.2.23.8) tatra divyāmbaradharā divyābharaṇabhūṣitā. divyasannahanā caiva iḍā jajñe iti śrutiḥ .. 23.7 .. ### [2.23.9](https://indike.org/pramana/in.purana.vayu.2.23.9) tāmiletyatha hovāca manurddaṇḍadharaḥ smṛtaḥ. anugacchāmi bhadrante tamilā pratyuvāca ha .. 23.8 .. ### [2.23.10](https://indike.org/pramana/in.purana.vayu.2.23.10) dharmmayuktamidaṃ vācyaṃ putrakāmaṃ prajāpatim. mitrāvaruṇayoraṃśe jātāsmi vadatāṃ vara .. 23.9 .. ### [2.23.11](https://indike.org/pramana/in.purana.vayu.2.23.11) tayoḥ sakaśaṃ yāsyāmi mā no dharmo hato'vadhīt. saivamuktvā punarddevī tayorantikamāgamat .. 23.10 .. ### [2.23.12](https://indike.org/pramana/in.purana.vayu.2.23.12) gatvāntikaṃ varārohā prāñjalirvākyamabravīt . aṃśe'sminyuvayorjātā devau kiṃ karavāṇi ca .. 23.11 .. ### [2.23.13](https://indike.org/pramana/in.purana.vayu.2.23.13) manunaivāhamuktāsmi anugacchasva māmiti. tathā tu vadatīṃ sādhvīmiḍāmāśritya tāvubhau .. 23.12 .. ### [2.23.14](https://indike.org/pramana/in.purana.vayu.2.23.14) devau ca mitrāvaruṇāvidaṃ vacanamūcatuḥ . anena tava dharmajñe praśrayeṇa damena ca .. 23.13 .. ### [2.23.15](https://indike.org/pramana/in.purana.vayu.2.23.15) satyena caiva suśroṇi prītau svo varavarṇini. āvayostvaṃ mahābhāge khyātiṃ kanyā prayāsyasi .. 23.14 .. ### [2.23.16](https://indike.org/pramana/in.purana.vayu.2.23.16) sudyumna iti vikhyātastriṣu lokeṣu pūjitaḥ. jagatpriyo dharmmaśīlo manorvaṃśa vivarddhanaḥ .. 23.15 .. ### [2.23.17](https://indike.org/pramana/in.purana.vayu.2.23.17) mānavaḥ sa tu sudyumnaḥ strībhāvamagamat prabhuḥ. sā tu devī varaṃ labdhvā nivṛttā pitaraṃ prati .. 23.16 .. ### [2.23.18](https://indike.org/pramana/in.purana.vayu.2.23.18) budhenāntaramāsādya maithunāyopamantritā. somaputrādbudhāccāsyā ailo jajñe purūravāḥ .. 23.17 .. ### [2.23.19](https://indike.org/pramana/in.purana.vayu.2.23.19) budhāt sā janayitvā tu sudyumnaṃ punarāgatā. sudyumnasya ca dāyādāstrayaḥ paramadhārmmikāḥ .. 23.18 .. ### [2.23.20](https://indike.org/pramana/in.purana.vayu.2.23.20) utkalaśca gayaścaiva vinatāśvastathaiva ca. utkalasyotkalaṃ rāṣṭraṃ vinatāśvasya paścimam . dikṣu vātasya rājarṣergayasya tu gayā purī .. 23.19 .. ### [2.23.21](https://indike.org/pramana/in.purana.vayu.2.23.21) pravisṛṣṭe manau tasmin prajāḥ sṛṣṭvā divākaraḥ. daśadhā taddadhat kṣetramakarot pṛthivīmimām .. 23.20 .. ### [2.23.22](https://indike.org/pramana/in.purana.vayu.2.23.22) ikṣvākureva dāyādānanyān daśa samāpnuyāt. kanyābhāvāttu sudyumno nainaṃ bhāgamavāpnuyāt .. 23.21 .. ### [2.23.23](https://indike.org/pramana/in.purana.vayu.2.23.23) vasiṣṭhavacanāccāsīt pratiṣṭhāno mahādyutiḥ. pratiṣṭhā dharmarājasya sudyumnasya mahātmanaḥ .. 23.22 .. ### [2.23.24](https://indike.org/pramana/in.purana.vayu.2.23.24) tat purūravase prādādrāṣṭhraṃ prāpya mahāyaśāḥ. mānavebhyo mahābhāgā strīpuṃsorlakṣaṇaṃ prati. mānavaḥ sa tu sudyumnaḥ strībhāvamagamat punaḥ .. 23.23 .. ### [2.23.25](https://indike.org/pramana/in.purana.vayu.2.23.25) etacchrutvā tu ṛṣayaḥ papracchustadanantaram . mānavaḥ sa tu sudyumnaḥ strībhāvamagamat katham .. 23.24 .. ### [2.23.26](https://indike.org/pramana/in.purana.vayu.2.23.26) sūta uvāca.. ### [2.23.27](https://indike.org/pramana/in.purana.vayu.2.23.27) provāca vacanaṃ devī priyahetoḥ priyaṃ priyā . sa me mamāśrame deva yaḥ pumān saṃpravekṣyati. bhaviṣyati dhruvaṃ nārī sā tulyāpsarasāṃ śubhā .. 23.25 .. ### [2.23.28](https://indike.org/pramana/in.purana.vayu.2.23.28) tatra sarvāṇi bhūtāni piśācāḥ paśavaśca ye. strībhūtāḥ saha rudreṇa krīḍantyapsaraso tathā .. 23.26 .. ### [2.23.29](https://indike.org/pramana/in.purana.vayu.2.23.29) umāvanaṃ praviṣṭastu sa rājā mṛgayāṃ gataḥ. saha piśācairbhūtaistu rudraiḥ strībhāvamāsthitaḥ .. 23.27 .. ### [2.23.30](https://indike.org/pramana/in.purana.vayu.2.23.30) tasmāt sa rājā sudyumnaḥ strībhāvaṃ labdhavān punaḥ . mahādevaprasādācca gāṇapatya mavāpnuyāt .. 23.28 .. ### [2.23.31](https://indike.org/pramana/in.purana.vayu.2.23.31) iti śrīmahāpurāṇe vāyuprokte vaivasvatamanoḥ sṛṣṭikathanaṃ nāma trayoviṃśo'dhyāyaḥ .. 23 .. \* ## Linked texts (7) - [Brahmāṇḍapurāṇa](https://indike.org/pramana/in.purana.brahmanda.2.60.1) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.65.19) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.9.11) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.36.14) — Sanskrit - [Brahmapurāṇa](https://indike.org/pramana/in.purana.brahma.7.13) — Vyāsa, Sanskrit - [Agnipurāṇa](https://indike.org/pramana/in.purana.agni.272.8) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.74.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.2.23](https://indike.org/pramana/in.purana.vayu.2.23) · Pramāṇa