[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.24 # Vayupurana 2.24: adhyāyaḥ 24 Vāyupurāṇa 2.24 - **Language:** Sanskrit ### adhyāyaḥ 24 ### [2.24.1](https://indike.org/pramana/in.purana.vayu.2.24.1) sūta uvāca.. ### [2.24.2](https://indike.org/pramana/in.purana.vayu.2.24.2) nisargaṃ manu putrāṇāṃ vistareṇa nibodhata. pṛṣadhro hisayitvā tu gurorgāvamabhakṣayat .. 24.1 .. ### [2.24.3](https://indike.org/pramana/in.purana.vayu.2.24.3) śāpācchūdratvamāpannaścyavanasya mahātmanaḥ. karūṣasya tu kārūṣaḥ kṣatriyo yuddhadurmadaḥ .. 24.2 .. ### [2.24.4](https://indike.org/pramana/in.purana.vayu.2.24.4) sahasrakṣatriyagaṇavikrāntaḥ saṃbabhūva ha. nābhāgāriṣṭaputrastu vidvānāsīdbhalandanaḥ .. 24.3 .. ### [2.24.5](https://indike.org/pramana/in.purana.vayu.2.24.5) bhalandanasya putro'bhūt prāṃśurnāma mahābalaḥ. prāṃśoreko'bhavat putraḥ prajāniriti viśrutaḥ .. 24.4 .. ### [2.24.6](https://indike.org/pramana/in.purana.vayu.2.24.6) prajānerabhavat putraḥ khanitro nāma vīryavān. tasya putro'bhavacchrīmān kṣupo nāma mahāyaśāḥ .. 24.5 .. ### [2.24.7](https://indike.org/pramana/in.purana.vayu.2.24.7) kṣupasya viṃśaḥ putrastu pratimā na babhūva ha. viṃśaputrastu kalyāṇo viviṃśo nāma dhārmikaḥ .. 24.6 .. ### [2.24.8](https://indike.org/pramana/in.purana.vayu.2.24.8) viviṃśaputro dharmātmā khaninetraḥ pratāpavān. karandhamastasya putrastretāyugamukhe'bhavat .. 24.7 .. ### [2.24.9](https://indike.org/pramana/in.purana.vayu.2.24.9) karandhamasutaścāpi āvikṣinnāma vīryavān. āvikṣito vyatikrāmat pitaraṃ guṇavattayā .. 24.8 .. ### [2.24.10](https://indike.org/pramana/in.purana.vayu.2.24.10) marutto nāma dharmātmā cakravarttisamo nṛpaḥ. saṃvarttena divaṃ nītaḥ sasuhṛt saha bāndhavaiḥ .. 24.9 .. ### [2.24.11](https://indike.org/pramana/in.purana.vayu.2.24.11) vivādo'tra mahānāsīt saṃvarttasya bṛhaspateḥ. ṛddhiṃ dṛṣṭvā tu yajñasya kruddhastasya bṛhaspatiḥ .. 24.10 .. ### [2.24.12](https://indike.org/pramana/in.purana.vayu.2.24.12) saṃparttena hṛte yajñe cukopa subhṛśantadā. lokānāṃ sa hi nāśaya daivatairhi prasāditaḥ .. 24.11 .. ### [2.24.13](https://indike.org/pramana/in.purana.vayu.2.24.13) maruttaścakravarttī sa nariṣyantamavāptavān. nariṣyantasya dāyādo rājā daṇḍadharo damaḥ .. 24.12 .. ### [2.24.14](https://indike.org/pramana/in.purana.vayu.2.24.14) tasya putrastu vikrānto rājāsīdrāṣṭravarddhanaḥ . sudhṛtī tasya putrastu naraḥ sudhṛtinaḥ sutaḥ .. 24.13 .. ### [2.24.15](https://indike.org/pramana/in.purana.vayu.2.24.15) kevalastasya putrastu bandhumān kevalātmajaḥ. atha bandhumataḥ putro dharmātmā vegavān nṛpaḥ .. 24.14 .. ### [2.24.16](https://indike.org/pramana/in.purana.vayu.2.24.16) budho vegavataḥ putra stṛṇabindurbudhātmajaḥ. tretāyugamukhe rājā tṛtīye saṃbabhūva ha .. 24.15 .. ### [2.24.17](https://indike.org/pramana/in.purana.vayu.2.24.17) kanyā tu tasya draviḍā mātā viśravaso hi sā. putraścāsya viśālo'bhūd rājā paramadhārmikaḥ .. 24.16 .. ### [2.24.18](https://indike.org/pramana/in.purana.vayu.2.24.18) viśālasya samutpannā viśālā nayanirmitā. viśālasya suto rājā hemacandro mahābalaḥ .. 24.17 .. ### [2.24.19](https://indike.org/pramana/in.purana.vayu.2.24.19) sucandra iti vikhyāto hemacandrādanantaram. sucandratanayo rājā dhūmrāśca iti viśrutaḥ .. 24.18 .. ### [2.24.20](https://indike.org/pramana/in.purana.vayu.2.24.20) dhūmrāśvatanayo vidvān sṛñjayaḥ samapadyata. sṛñjayasya sutaḥ śrīmān sahadevaḥ pratāpavān .. 24.19 .. ### [2.24.21](https://indike.org/pramana/in.purana.vayu.2.24.21) kṛśāśvaḥ sahadevasya putraḥ paramadhārmikaḥ. kṛśāśvasya mahātejāḥ somadattaḥ pratāpavān .. 24.20 .. ### [2.24.22](https://indike.org/pramana/in.purana.vayu.2.24.22) somadattasya rājarṣeḥ sutobhūjjanamejayaḥ. janamejayātmajaścaiva pramatirnāma viśrutaḥ .. 24.21 .. ### [2.24.23](https://indike.org/pramana/in.purana.vayu.2.24.23) tṛṇabinduprasādena sarve vaiśālakā nṛpāḥ . dīrghāyuṣo mahātmāno vīryavantaḥ sudhārmikāḥ .. 24.22 .. ### [2.24.24](https://indike.org/pramana/in.purana.vayu.2.24.24) śaryātermithunaṃ tvāsīdānārto nāma viśrutaḥ. putraḥ sukanyā kanyā na bhāryāyā cyavanasya tu .. 24.23 .. ### [2.24.25](https://indike.org/pramana/in.purana.vayu.2.24.25) ānārttasya tu dāyādo revo nāmnā tu vīryavān. ānartto viṣayo yasya purī cāpi kuśasthalī .. 24.24 .. ### [2.24.26](https://indike.org/pramana/in.purana.vayu.2.24.26) revasya raivataḥ putraḥ kakujhī nāma dhārmikaḥ. jyeṣṭho bhrātṛśatasyāsīdrājā prāpya kuśasthalīm .. 24.25 .. ### [2.24.27](https://indike.org/pramana/in.purana.vayu.2.24.27) kanyayā saha śrutvā ca gandharvaṃ brahmaṇo'ntike. muhūrttaṃ devadevasya mārtyaṃ bahuyugaṃ vibhoḥ .. 24.26 .. ### [2.24.28](https://indike.org/pramana/in.purana.vayu.2.24.28) ājagāma yuvā caiva svāṃ purīṃ yādavairvṛtām. kṛtāṃ dvāravatīṃ nāma bahudvārāṃ manoramām .. 24.27 .. ### [2.24.29](https://indike.org/pramana/in.purana.vayu.2.24.29) bhojavṛṣṭyandhakairguptāṃ vasudevapurogamaiḥ. tāṅkathāṃ raivataḥ śrutvā yathātattvamarindamaḥ .. 24.28 .. ### [2.24.30](https://indike.org/pramana/in.purana.vayu.2.24.30) kanyā tu baladevāya suvratāṃ nāma revatīm. dattvā jagāma śikharaṃ merostapasi saṃsthitaḥ .. 24.29 .. ### [2.24.31](https://indike.org/pramana/in.purana.vayu.2.24.31) reme rāmaśca dharmātmā revatyā sahitaḥ kila. tāṃ kathāmṛṣayaḥ śrutvā papracchustadanantaram .. 24.30 .. ### [2.24.32](https://indike.org/pramana/in.purana.vayu.2.24.32) ṛṣya ūcuḥ .. ### [2.24.33](https://indike.org/pramana/in.purana.vayu.2.24.33) kathaṃ bahuyuge kāle vyatīte sūtanandana. na jarāṃ revatī prāptā palitañca kutaḥ prabho .. 24.31 .. ### [2.24.34](https://indike.org/pramana/in.purana.vayu.2.24.34) meruṃ gatasya vā tasya śaryyāteḥ santatiḥ katham. sthitā pṛthivyāmadyāpi śrotumicchāmi tattvataḥ .. 24.32 .. ### [2.24.35](https://indike.org/pramana/in.purana.vayu.2.24.35) kiyanto vā suragaṇā gandharvvāstatra kīdṛśāḥ. yacchrutvā raivataḥ kālān muhūrttamiva manyate .. 24.33 .. ### [2.24.36](https://indike.org/pramana/in.purana.vayu.2.24.36) sūta uvāca.. ### [2.24.37](https://indike.org/pramana/in.purana.vayu.2.24.37) na jarā kṣutpipāsā vā na ca mṛtyubhayaṃ tataḥ. na ca rogaḥ prabhavati brahmalokagatasya hi .. 24.34 .. ### [2.24.38](https://indike.org/pramana/in.purana.vayu.2.24.38) gāndharvvaṃ prati yaccāpi pṛṣṭastu munisattamāḥ. tato'haṃ saṃpravakṣyāmi yāthātathyena suvratāḥ .. 24.35 .. ### [2.24.39](https://indike.org/pramana/in.purana.vayu.2.24.39) sapta svarāstrayo grāmā mūrcchanāstvekaviṃśatiḥ. tālāścaikonapañcāśadityetat svaramaṇḍalam .. 24.36 .. ### [2.24.40](https://indike.org/pramana/in.purana.vayu.2.24.40) ṣaḍjarṣabhau ca gāndhāro madhyamaḥ pañcamastathā. dhaivataścāpi vijñeyastathā cāpi niṣādavān .. 24.37 .. ### [2.24.41](https://indike.org/pramana/in.purana.vayu.2.24.41) sauvīrī madhyamagrāmo hariṇāsyā tathaiva ca. syātkalopabalopetā caturthī śuddhamadhyamā .. 24.38 .. ### [2.24.42](https://indike.org/pramana/in.purana.vayu.2.24.42) śārṅgī ca pāvanī caiva dṛṣṭākā ca yathākramam. mdhyamagrāmikīḥ khyātāḥ ṣaḍjagrāmaṃ nibodhata .. 24.39 .. ### [2.24.43](https://indike.org/pramana/in.purana.vayu.2.24.43) uttaramandrā rajanī tathā yā cottarāyatā. śuddhaṣaḍjā tathā caiva jānīyāt saptamāṃ ca tām .. 24.40 .. ### [2.24.44](https://indike.org/pramana/in.purana.vayu.2.24.44) gāndhāragrāmi kāṃścānyān kīrtyamānān nibodhata. āgniṣṭomikamādyantu dvitīyaṃ vājapeyikam .. 24.41 .. ### [2.24.45](https://indike.org/pramana/in.purana.vayu.2.24.45) tṛtīyaṃ pauṇḍrakaṃ proktaṃ caturthaṃ cāśvamedhikam. pañcamaṃ rājasūyaṃ va ṣaṣṭhaṃ cakrasuvarṇakam .. 24.42 .. ### [2.24.46](https://indike.org/pramana/in.purana.vayu.2.24.46) saptamaṃ gosavaṃ nāma mahāvṛṣṭikamaṣṭamam. brahmadānañca navamaṃ prājāpatyamanantaram .. 24.43 .. ### [2.24.47](https://indike.org/pramana/in.purana.vayu.2.24.47) nāgapakṣāśrayaṃ vidyādgotarañca tathaiva ca. hayakrāntaṃ mṛgakrāntaṃ viṣṇukrāntaṃ manoharam .. 24.44 .. ### [2.24.48](https://indike.org/pramana/in.purana.vayu.2.24.48) sūryyakrāntaṃ vareṇyañca mattakokilavādinam. sāvitramarddhasāvitraṃ sarvvato madrameva ca .. 24.45 .. ### [2.24.49](https://indike.org/pramana/in.purana.vayu.2.24.49) suvarṇañca sutandrañca viṣṇuvaiṣṇuvarāvubhau. sāgaraṃ vijayañcaiva sarvabhūtamanoharam .. 24.46 .. ### [2.24.50](https://indike.org/pramana/in.purana.vayu.2.24.50) haṃsaṃ jyeṣṭhaṃ vijānīmastumburupriyameva ca. manoharamadhātryañca gandharvānugataśca yaḥ .. 24.47 .. ### [2.24.51](https://indike.org/pramana/in.purana.vayu.2.24.51) alambuṣeṣṭaśca tathā nāradapriya eva ca. kathito bhīmasenena nāgarāṇāṃ yathā priyaḥ .. 24.48 .. ### [2.24.52](https://indike.org/pramana/in.purana.vayu.2.24.52) karopanīta vinatā śrīrākhyo bhārgavapriyaḥ. viṃśatirmadhyamagrāmaḥ ṣaḍjagrāmaścaturddaśa .. 24.49 .. ### [2.24.53](https://indike.org/pramana/in.purana.vayu.2.24.53) tathā pañcadaśecchanti gāndhāragrāmasaṃsthitān . sasauvīrā tu gāndhārī brahmaṇā hyupagīyate .. 24.50 .. ### [2.24.54](https://indike.org/pramana/in.purana.vayu.2.24.54) uttarādisvarasyaiva brahmā vai devatā'tra ca. harideśasamutpannā hariṇāsyā vyajāyata. mūrcchanā hariṇāsyaiva asyā indro'dhidaivatam .. 24.51 .. ### [2.24.55](https://indike.org/pramana/in.purana.vayu.2.24.55) karopanītavitatā marudbhiḥ svaramaṇḍale. sā kalopanatā tasmānmārutaścātra daivatam .. 24.52 .. ### [2.24.56](https://indike.org/pramana/in.purana.vayu.2.24.56) manudeśasamutpannā mūrcchanā śuddhamadhyam. madhyamo'tra svaraḥ śuddho gandharvvaścātra devatā .. 24.53 .. ### [2.24.57](https://indike.org/pramana/in.purana.vayu.2.24.57) mṛgaiḥ saha sañcarate siddhānāṃ mārgadarśane. yasmāttasmāt smṛtā mārgī mṛgendro'syāśca devatā .. 24.54 .. ### [2.24.58](https://indike.org/pramana/in.purana.vayu.2.24.58) sā cāśramasamāyuktā anekān pauravān ravān. mūrcchanā yojanā hyeṣā rajasā rajanī tataḥ .. 24.55 .. ### [2.24.59](https://indike.org/pramana/in.purana.vayu.2.24.59) tāla uttaramandrāṃśaḥ ṣaḍjadaivatakāṃ viduḥ. tasmāduttaratālañca prathamaṃ svāyataṃ viduḥ. tasmāduttaramandro'yaṃ devatāsya dhruvo dhruvam .. 24.56 .. ### [2.24.60](https://indike.org/pramana/in.purana.vayu.2.24.60) apānāduttaratvācca dhaivatasyottarāyaṇaḥ. syādiyaṃ mūrcchanā hyevaṃ pitaraḥ śrāddhadevatāḥ .. 24.57 .. ### [2.24.61](https://indike.org/pramana/in.purana.vayu.2.24.61) śuddhaṣaḍjasvaraṃ kṛtvā yasmādagniṃ maharṣayaḥ. upatiṣṭhanti tasmāttaṃ jānīyācchuddhaṣaḍ‌jikam .. 24.58 .. ### [2.24.62](https://indike.org/pramana/in.purana.vayu.2.24.62) yaḥ satāṃ mūrcchanāṃ kṛtvā pañcamasvarako bhavet . yakṣīṇāṃ mūrcchanā sā tu yākṣikā mūrcchanā smṛtā .. 24.59 .. ### [2.24.63](https://indike.org/pramana/in.purana.vayu.2.24.63) nāgadṛṣṭirviṣā gītā nopasarpanti mūrcchanām. bhavantīva hṛtā hyete brahmaṇā nāgadevatāḥ. ahīnāṃ mūrcchanā hyeṣā varuṇaścātra devatā .. 24.60 .. ### [2.24.64](https://indike.org/pramana/in.purana.vayu.2.24.64) śakuntakānāṃ kṛtvā ca upamāṃ yānti kinnarāḥ . uttamāṃ mūrcchanā tasmāt pakṣirājo'tra devatā .. 24.61 .. ### [2.24.65](https://indike.org/pramana/in.purana.vayu.2.24.65) gāndhārarāgaśabdena gāṃ ca dhārayate'rthataḥ. tasmādviśuddhagāndhārī gandharvaścādhidaivatam .. 24.62 .. ### [2.24.66](https://indike.org/pramana/in.purana.vayu.2.24.66) gāndhārānantaraṃ gatvā sṛṣṭeyaṃ mūrcchanā yataḥ. tasmāduttaragāndhārī vasavaścātra devatāḥ .. 24.63 .. ### [2.24.67](https://indike.org/pramana/in.purana.vayu.2.24.67) seyaṃ khalu mahābhūtā pitāmaha mupasthitā. ṣaḍjeyaṃ mūrcchanā tasmāt smṛtā hyanaladevatā .. 24.64 .. ### [2.24.68](https://indike.org/pramana/in.purana.vayu.2.24.68) divyeyaṃ cāyatā tena mandaṣaṣṭhā ca mūrcchane. nivṛttaguṇanāmānaṃ pañcamañcātra dhaivatam .. 24.65 .. ### [2.24.69](https://indike.org/pramana/in.purana.vayu.2.24.69) pūrṇāḥ saptasvarā hyevaṃ mūrcchanāḥ saṃprakīrttitāḥ. nānāsādhāraṇāścaiva ṣaḍevānuvidastathā .. 24.66 .. ### [2.24.70](https://indike.org/pramana/in.purana.vayu.2.24.70) iti śrīmahāpurāṇe vāyuprokte vaivasvata manuvaṃśagāndharvvamūrcchanālakṣaṇakathanaṃ nāma caturviṃśo'dhyāyaḥ .. 24 .. \* ## Linked texts (8) - [Brahmāṇḍapurāṇa](https://indike.org/pramana/in.purana.brahmanda.2.61.1) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.9.22) — Sanskrit - [Critical edition (Baroda)](https://indike.org/pramana/in.lit.ramayana.valmiki*crit.1.46.13) — Sanskrit - [Brahmapurāṇa](https://indike.org/pramana/in.purana.brahma.7.27) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.36.23) — Sanskrit - [Agnipurāṇa](https://indike.org/pramana/in.purana.agni.272.12) — Vyāsa, Sanskrit - [Varāhapurāṇa](https://indike.org/pramana/in.purana.varaha.197.169) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.4.1.61) — Sanskrit --- Source: [https://indike.org/pramana/in.purana.vayu.2.24](https://indike.org/pramana/in.purana.vayu.2.24) · Pramāṇa