[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.25 # Vayupurana 2.25: adhyāyaḥ 25 Vāyupurāṇa 2.25 - **Language:** Sanskrit ### adhyāyaḥ 25 ### [2.25.1](https://indike.org/pramana/in.purana.vayu.2.25.1) pūrvvācāryyamataṃ buddhvā pravakṣyāmyanupūrvvaśaḥ. triṃśataṃ vai alaṅkārāṃstān me nigadataḥ śrṛṇu .. 25.1 .. ### [2.25.2](https://indike.org/pramana/in.purana.vayu.2.25.2) alaṅkārāstu vaktavyāḥ svaiḥsvairvarṇaiḥ prahetavaḥ. saṃsthānayogaiśca tathā pādānāṃ cānvavekṣayā .. 25.2 .. ### [2.25.3](https://indike.org/pramana/in.purana.vayu.2.25.3) vākyārthapadayogārthairalaṅkārasya pūraṇam. padāni gītakasyāhuḥ purastāt pṛṣṭhato'thavā .. 25.3 .. ### [2.25.4](https://indike.org/pramana/in.purana.vayu.2.25.4) sthānāni trīṇi jānīyāduraḥkaṇṭhaśirastathā. eteṣu triṣu sthāneṣu pravṛtto vidhiruttamaḥ .. 25.4 .. ### [2.25.5](https://indike.org/pramana/in.purana.vayu.2.25.5) catvāraḥ prakṛtau varṇāḥ pravicāraścaturvidhaḥ. vikalpamaṣṭadhā caiva devāḥ ṣoḍaśadhā viduḥ .. 25.5 .. ### [2.25.6](https://indike.org/pramana/in.purana.vayu.2.25.6) sthāyī varṇaḥ prasaṃcārī tṛtīyamavarohaṇam. ārohaṇaṃ caturthantu varṇaṃ varṇavido viduḥ .. 25.6 .. ### [2.25.7](https://indike.org/pramana/in.purana.vayu.2.25.7) tatraikaḥ saṃcarasthāyī sacarāstacarībhavan. atha rohaṇavarṇānāmavarohaṃ vinirdiśet .. 25.7 .. ### [2.25.8](https://indike.org/pramana/in.purana.vayu.2.25.8) ārohaṇena cārohavarṇaṃ varṇavido viduḥ. eteṣāmeva varṇānāmalaṅkārānnibodhata .. 25.8 .. ### [2.25.9](https://indike.org/pramana/in.purana.vayu.2.25.9) alaṅkārāstu catvāraḥ sthāpanī kramarejinaḥ. pramādaścāpramādaśca teṣāṃ vakṣyāmi lakṣaṇam .. 25.9 .. ### [2.25.10](https://indike.org/pramana/in.purana.vayu.2.25.10) visvaroṣṭrakalāścaiva sthānādekāntaraṃ gatāḥ. āvarttasyākramotpattī dve kāryye parimāṇataḥ .. 25.10 .. ### [2.25.11](https://indike.org/pramana/in.purana.vayu.2.25.11) kumāramaparaṃ vidyādvistaraṃ vamanaṃ gatam. eṣa vai cāpyapāṅgastu kutārekaḥ kalādhikaḥ .. 25.11 .. ### [2.25.12](https://indike.org/pramana/in.purana.vayu.2.25.12) śyenastvekāntare jātaḥ kalāmātrāntare sthitaḥ. tasmiṃścaiva svare vṛddhistiṣṭhate tadvilakṣaṇā .. 25.12 .. ### [2.25.13](https://indike.org/pramana/in.purana.vayu.2.25.13) śyenastu aparohastu uttaraḥ parikīrttitaḥ. kalākalapramāṇācca sa bindurnāma cāyate .. 25.13 .. ### [2.25.14](https://indike.org/pramana/in.purana.vayu.2.25.14) bindurekakalā kāryā varṇāntasthāyinī bhavet. viparyayasvaro'pi syādyasya durghaṭito'pi na .. 25.14 .. ### [2.25.15](https://indike.org/pramana/in.purana.vayu.2.25.15) ekāntarā tu vādyantu ṣaḍjataḥ paramaḥ svaraḥ. ākṣepāskandanaṃ kāryyaṃ kākasyevoccapuṣkalam .. 25.15 .. ### [2.25.16](https://indike.org/pramana/in.purana.vayu.2.25.16) santārau tau tu sañcāryau kāryaṃ vā kāraṇaṃ tathā. ākṣiptamavarohyāpi prokṣamadyantathaiva ca .. 25.16 .. ### [2.25.17](https://indike.org/pramana/in.purana.vayu.2.25.17) dvādaśañca kalāsthānamekāntaragatantataḥ. preṅkholitamalaṅkāramevaṃ svarasamanvitam .. 25.17 .. ### [2.25.18](https://indike.org/pramana/in.purana.vayu.2.25.18) svarasaṃkrāmakāccaiva tataḥ proktantu puṣkalam. prakṣiptameva kalayā pādānītarayorbhavet .. 25.18 .. ### [2.25.19](https://indike.org/pramana/in.purana.vayu.2.25.19) dvikalaṃ vā yathā bhūtaṃ yattad hrāsitamucyate. uccārādvisvarārūḍhā tathā cāṣṭasvarāntaram .. 25.19 .. ### [2.25.20](https://indike.org/pramana/in.purana.vayu.2.25.20) yastu syādavaroho vā tārato mandrato'pi vā. ekāntarahitā hyete tameva svaramantataḥ .. 25.20 .. ### [2.25.21](https://indike.org/pramana/in.purana.vayu.2.25.21) makṣipracchedano nāma catuṣkalagaṇaḥ smṛtaḥ. alaṅkārā bhavantyete triṃśadye vai prakīrttitāḥ. varṇasthānaprayogeṇa kalāmātrā pramāṇataḥ .. 25.21 .. ### [2.25.22](https://indike.org/pramana/in.purana.vayu.2.25.22) saṃsthānañca pramāṇaṃ ca vikāro lakṣaṇantathā. caturvidhamidaṃ jñeyamalaṅkāraprayojanam .. 25.22 .. ### [2.25.23](https://indike.org/pramana/in.purana.vayu.2.25.23) yathātmano hyalaṅkāro viparyasto'tigarhitaḥ. varṇamevāpyalaṃkarttuṃ viṣamaṃ hyātmasambhavāt .. 25.23 .. ### [2.25.24](https://indike.org/pramana/in.purana.vayu.2.25.24) nānābharaṇasaṃyogādyathā nāryā vibhūṣaṇam. varṇasya caivālaṅkāro viparyasto'tigarhitaḥ .. 25.24 .. ### [2.25.25](https://indike.org/pramana/in.purana.vayu.2.25.25) na pāde kuṇḍale dṛṣṭe na kaṇṭhe rasanā yathā. evameva hyalaṅkāro viparyasto vigarhitaḥ .. 25.25 .. ### [2.25.26](https://indike.org/pramana/in.purana.vayu.2.25.26) kriyamāṇo'pyalaṅkāro rāgaṃ yaścaiva darśayet. yathoddiṣṭasya mārgasya karttavyasya vidhīyate .. 25.26 .. ### [2.25.27](https://indike.org/pramana/in.purana.vayu.2.25.27) lakṣaṇaṃ paryyavasthāpi varṇikābhiḥ pravarttanam. yāthātathyena vakṣyāmi māsedbhavamukhodbhave .. 25.27 .. ### [2.25.28](https://indike.org/pramana/in.purana.vayu.2.25.28) trayoviṃśatyaśītistu teṣāmetadviparyayaḥ. ṣaḍjapakṣo'pi tattvādau madhyo hīnasvaro bhavet .. 25.28 .. ### [2.25.29](https://indike.org/pramana/in.purana.vayu.2.25.29) ṣaḍjamadhyamayoścaiva grāmayoḥ paryyapastathā. mānoyottaramandrasya ṣaḍevātrāvikasya ca .. 25.29 .. ### [2.25.30](https://indike.org/pramana/in.purana.vayu.2.25.30) svarālaṃpratyayaścaiva sarvveṣāṃ pratyayaḥ smṛtaḥ. anugamya bahirgītaṃ vijñātaṃ pañcadaivatam .. 25.30 .. ### [2.25.31](https://indike.org/pramana/in.purana.vayu.2.25.31) gorūpāṇāṃ purastāttu madhyamāṃśastu paryyayaḥ. tayorvibhāgo gītānāṃ lāvaṇyamārgasaṃsthitaḥ .. 25.31 .. ### [2.25.32](https://indike.org/pramana/in.purana.vayu.2.25.32) anuṣaṅgaṃ mayoddiṣṭaṃ svasārañca svarāntaram. paryyayaḥ saṃpravartteta saptasvarapadakramam .. 25.32 .. ### [2.25.33](https://indike.org/pramana/in.purana.vayu.2.25.33) gāndhārāṃśena gīyante catvāri mandrakāṇi ca. pañcamo madhyamaścaiva dhaivate tu niṣādajaiḥ. ṣaḍjarṣabhaiśca jānīmo mandrakeṣveva nāntare .. 25.33 .. ### [2.25.34](https://indike.org/pramana/in.purana.vayu.2.25.34) dve cāparāntike vidyāddhayaśullāṣṭakasya tu. prākṛte vaiṇavaiścaiva gāndhārāṃśe prayujyate .. 25.34 .. ### [2.25.35](https://indike.org/pramana/in.purana.vayu.2.25.35) padasya tu trayaṃ rūpaṃ saptarūpantu kauśikam. gāndhārāṃśena kārtsnyena paryayasya vidhiḥ smṛtaḥ . evañcaiva kramoddiṣṭo madhyamāṃśasya madhyamaḥ .. 25.35 .. ### [2.25.36](https://indike.org/pramana/in.purana.vayu.2.25.36) yāni gītāni proktāni rūpeṇa tu viśeṣataḥ. tattu saptasvaraṃ kāryyaṃ saptarūpañca kauśikam .. 25.36 .. ### [2.25.37](https://indike.org/pramana/in.purana.vayu.2.25.37) aṅgadarśanamityāhurmāne dve samake tathā. dvitīyabhāvācaraṇā mātrā nābhipratiṣṭhitā .. 25.37 .. ### [2.25.38](https://indike.org/pramana/in.purana.vayu.2.25.38) uttare ca prakṛtyevaṃ mātrā tallīyate tathā . hantāraḥ piṇḍako yatra mātrāyāṃ nātivarttate .. 25.38 .. ### [2.25.39](https://indike.org/pramana/in.purana.vayu.2.25.39) pādenaikena mātrāyāṃ pādonāmati vīraṇā. saṃkhyāyāścopahananaṃ tatra yānamiti smṛtam .. 25.39 .. ### [2.25.40](https://indike.org/pramana/in.purana.vayu.2.25.40) dvitīyaṃ pādabhaṅgañca graheṇābhipratiṣṭhitam. pūrvvamaṣṭatṛtīye tu dvitīyaṃ cāparītake .. 25.40 .. ### [2.25.41](https://indike.org/pramana/in.purana.vayu.2.25.41) arddhena pādasāmyasya pādabhāgācca pañcake. pādabhāgaṃ sapādaṃ tu prakṛtyāmapi saṃsthitam .. 25.41 .. ### [2.25.42](https://indike.org/pramana/in.purana.vayu.2.25.42) caturthamuttare caiva madravatyāṃ ca madrake. madrake dakṣiṇasyāpi yathoktā varttate kalā .. 25.42 .. ### [2.25.43](https://indike.org/pramana/in.purana.vayu.2.25.43) pūrvvamevānuyogantu dvitīyā buddhiriṣyate. pādau cāharaṇaṃ cāsmat pāraṃ nātra vidhīyate .. 25.43 .. ### [2.25.44](https://indike.org/pramana/in.purana.vayu.2.25.44) ekatvamupayogasya dvayoryaddhi dvijottama. anekasamavāyastu patākāhariṇaṃ smṛtam .. 25.44 .. ### [2.25.45](https://indike.org/pramana/in.purana.vayu.2.25.45) tisṝṇāṃ caiva vṛttīnāṃ vṛttau vṛttā ca dakṣiṇā. aṣṭau tu samavāyāste sauvīrā mūrcchanā tathā. kuśatyanuttaraḥ satyaṃ sapta sattvasvaraṃ tu yaḥ .. 25.45 .. ### [2.25.46](https://indike.org/pramana/in.purana.vayu.2.25.46) iti śrīmahāpurāṇe vāyuprokte gītālaṅkāranirddeśo nāma paṃcaviṃśo'dhyāyaḥ .. 25 .. \* ## Linked texts (1) - [Brahmāṇḍapurāṇa](https://indike.org/pramana/in.purana.brahmanda.2.62.2) — Vyāsa, Sanskrit --- Source: [https://indike.org/pramana/in.purana.vayu.2.25](https://indike.org/pramana/in.purana.vayu.2.25) · Pramāṇa