[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.27 # Vayupurana 2.27: adhyāyaḥ 27 Vāyupurāṇa 2.27 - **Language:** Sanskrit ### adhyāyaḥ 27 ### [2.27.1](https://indike.org/pramana/in.purana.vayu.2.27.1) ..sūta uvāca.. ### [2.27.2](https://indike.org/pramana/in.purana.vayu.2.27.2) anujasya vikukṣestu nimervaṃśaṃ nibodhata. yo'sau niveśayāmāsa purandevapuropamam .. 27.1 .. ### [2.27.3](https://indike.org/pramana/in.purana.vayu.2.27.3) jayantamitivikhyātaṃ gautamasyāśramābhitaḥ. yasyānvavāye yajñe vai janakādṛṣisattamāt .. 27.2 .. ### [2.27.4](https://indike.org/pramana/in.purana.vayu.2.27.4) nemirnāma sudharmātmā sarvasatvanamaskṛtaḥ. āsīt putro mahāprājña ikṣvākorbhūritejasaḥ .. 27.3 .. ### [2.27.5](https://indike.org/pramana/in.purana.vayu.2.27.5) sa śāpena vasiṣṭhasya videhaḥ samapadyata. tasya putro mithirnāma janitaḥ parvabhistribhiḥ .. 27.4 .. ### [2.27.6](https://indike.org/pramana/in.purana.vayu.2.27.6) araṇyāṃ mathyamānāyāṃ prādurbhūto mahāyaśāḥ. nāmnā mithiriti khyāto jananājjanako'bhavat .. 27.5 .. ### [2.27.7](https://indike.org/pramana/in.purana.vayu.2.27.7) mithirnāma mahāvīryo yenāsau mithilābhavat. rājāsau janako nāma janakāccāpyudāvasuḥ .. 27.6 .. ### [2.27.8](https://indike.org/pramana/in.purana.vayu.2.27.8) udāvasoḥ sudharmātmā janito nandivarddhanaḥ. nandivarddhanataḥ śūraḥ suketurnāma dhārmikaḥ .. 27.7 .. ### [2.27.9](https://indike.org/pramana/in.purana.vayu.2.27.9) suketorapi dharmātmā devarāto mahābalaḥ. devarātasya dharmātmā bṛhaduccha iti śrutiḥ .. 27.8 .. ### [2.27.10](https://indike.org/pramana/in.purana.vayu.2.27.10) bṛhaducchasya tanayo mahāvīryaḥ pratāpavān . mahāvīryasya dhṛtimān sudhṛtistasya cātmajaḥ .. 27.9 .. ### [2.27.11](https://indike.org/pramana/in.purana.vayu.2.27.11) sudhṛterapi dharmātmā dhṛṣṭaketuḥ parantapaḥ. dhṛṣṭaketu sutaścāpi haryaśvo nāma viśrutaḥ .. 27.10 .. ### [2.27.12](https://indike.org/pramana/in.purana.vayu.2.27.12) haryaśvasya maruḥ putro maroḥ putraḥ pratitvakaḥ. pratitvakasya dharmātmā rājā kīrttirathaḥ sutaḥ .. 27.11 .. ### [2.27.13](https://indike.org/pramana/in.purana.vayu.2.27.13) putraḥ kīrttirathasyāpi devamīḍha iti śrutaḥ . devamīḍhasya vibudho vibudhasya suto dhṛtiḥ .. 27.12 .. ### [2.27.14](https://indike.org/pramana/in.purana.vayu.2.27.14) mahādhṛtisuto rājā kīrttirājaḥ pratāpavān . kīrtti rājātmajo vidvān mahārometi viśrutaḥ .. 27.13 .. ### [2.27.15](https://indike.org/pramana/in.purana.vayu.2.27.15) mahāromṇastu vikhyātaḥ svarṇaromā vyajāyata. svarṇaromātmajaścāpi hrasvaromābhavanṛpaḥ .. 27.14 .. ### [2.27.16](https://indike.org/pramana/in.purana.vayu.2.27.16) hrasvaromātmajo vidvān sīradhvaja iti śrutiḥ. udbhinnā kṛṣatā yena sītā rājñā yaśasvinī. rāmasya mahiṣī sādhvī suvratātipativratā .. 27.15 .. ### [2.27.17](https://indike.org/pramana/in.purana.vayu.2.27.17) śāṃśapāyana uvāca.. ### [2.27.18](https://indike.org/pramana/in.purana.vayu.2.27.18) kathaṃ sītā samutpannā kṛṣyamāṇā yaśasvinī. kimarthañcākṛṣadrājā kṣetraṃ yasmin babhūva ha .. 27.16 .. ### [2.27.19](https://indike.org/pramana/in.purana.vayu.2.27.19) sūta uvāca.. ### [2.27.20](https://indike.org/pramana/in.purana.vayu.2.27.20) agnikṣetre kṛṣyamāṇe aśvamedhe mahātmanaḥ. vidhinā suprayuktena tasmātsā tu samutthitā .. 27.17 .. ### [2.27.21](https://indike.org/pramana/in.purana.vayu.2.27.21) sīradhvajāttu jātastu bhānumānnāma maithilaḥ. bhrātā kuśadhvajastasya sa kāśyadhipatirnṛpaḥ .. 27.18 .. ### [2.27.22](https://indike.org/pramana/in.purana.vayu.2.27.22) tasya bhānumataḥ putraḥ pradyumnaśca pratāpavān. munistasya sutaścāpi tasmādūrjavahaḥ smṛtaḥ .. 27.19 .. ### [2.27.23](https://indike.org/pramana/in.purana.vayu.2.27.23) ūrjavahāt sutadvājaḥ śakunistasya cātmajaḥ. svāgataḥ śakuneḥ putraḥ suvarccāstatsutaḥ smṛtaḥ .. 27.20 .. ### [2.27.24](https://indike.org/pramana/in.purana.vayu.2.27.24) śruto yastasya dāyādaḥ suśrutastasya cātmajaḥ. suśrutasya jayaḥ putro jayasya vijayaḥ sutaḥ .. 27.21 .. ### [2.27.25](https://indike.org/pramana/in.purana.vayu.2.27.25) vijayasya ṛtaḥ putra ṛtasya sunayaḥ smṛtaḥ. sunayādvītahavyastu vītahavyātmajo dhṛtiḥ .. 27.22 .. ### [2.27.26](https://indike.org/pramana/in.purana.vayu.2.27.26) dhṛtestu bahulāśvo'bhūdbahulāśvasutaḥ kṛtiḥ. tasmin santiṣṭate vaṃśo janakānāṃ mahātmanām. ityete maithilāḥ proktāḥ somasyāpi nibodhata .. 27.23 .. ### [2.27.27](https://indike.org/pramana/in.purana.vayu.2.27.27) iti śrīmahāpurāṇe vāyuprokte vaivasvatamanuvaṃśakīrttanaṃ nāma saptaviṃśo'dhyāyaḥ .. 27 .. ### [2.27.28](https://indike.org/pramana/in.purana.vayu.2.27.28) vāyūmahāpurāṇam - uttarārddham - 28 ..sūta uvāca .. ### [2.27.29](https://indike.org/pramana/in.purana.vayu.2.27.29) pitā somasya vaiviprā jajñe'trirbhagavānṛṣiḥ. so'ti tasthau sarvalokānbhagavāntsvena tejasā .. 28.1 .. ### [2.27.30](https://indike.org/pramana/in.purana.vayu.2.27.30) karmaṇā manasā vācā śubhānyeva samācaran. kāṣṭhakuḍyaśilābhūta ūrddhvabāhurmahādyutiḥ .. 28.2 .. ### [2.27.31](https://indike.org/pramana/in.purana.vayu.2.27.31) suduścaraṃ nāma tapo yena taptaṃ mahatpurā. trīṇi varṣasahasrāṇi divyānīti hi naḥ śrutam .. 28.3 .. ### [2.27.32](https://indike.org/pramana/in.purana.vayu.2.27.32) tasyorddhvaretasastatra sthitasyānimiṣaspṛham. somatvantanurāpede mahābuddhiḥ sa vai dvijaḥ .. 28.4 .. ### [2.27.33](https://indike.org/pramana/in.purana.vayu.2.27.33) ūrddhvamācakrame tasya somatvaṃ bhāvitātmanaḥ. somaḥ susrāva netrābhyāṃ daśa vā dyotayan diśaḥ .. 28.5 .. ### [2.27.34](https://indike.org/pramana/in.purana.vayu.2.27.34) taṃ garbhaṃ vidhinādiṣṭā daśa devyo dadhustadā. sametya dhārayāmāsurna ca tāḥ samaśaknuvan .. 28.6 .. ### [2.27.35](https://indike.org/pramana/in.purana.vayu.2.27.35) sa tābhyaḥ sahasaivātha digbhyo garbhaḥ prabhānvitaḥ. yathāvabhāsayaṃllokāñjhītāṃśuḥ sarvabhāvanaḥ .. 28.7 .. ### [2.27.36](https://indike.org/pramana/in.purana.vayu.2.27.36) yadā na dhāraṇe śaktāstasya garbhasya tāḥ striyaḥ. tataḥ sa tābhiḥ śītāṃśurnipapāta vasundharām .. 28.8 .. ### [2.27.37](https://indike.org/pramana/in.purana.vayu.2.27.37) patantaṃ somamālokya brahmā lokapitāmahaḥ. rathamāropayāmāsa lokānāṃ hitakāmyayā .. 28.9 .. ### [2.27.38](https://indike.org/pramana/in.purana.vayu.2.27.38) sa hi devamayo viprā dharmmārthī satyasaṅgaraḥ. yukto vājisahasreṇa siteneti hi naḥ śrutam .. 28.10 .. ### [2.27.39](https://indike.org/pramana/in.purana.vayu.2.27.39) tasminnipatite devāḥ putre'treḥ paramātmani. tuṣṭuvurbrahmaṇaḥ putrāḥ mānasāḥ sapta viśrutāḥ .. 28.11 .. ### [2.27.40](https://indike.org/pramana/in.purana.vayu.2.27.40) tatraivāṅgirasastasya bhṛgoścaivātmajastathā. ṛgbhiryajurbhirbahubhiratharvāṅgirasairapi .. 28.12 .. ### [2.27.41](https://indike.org/pramana/in.purana.vayu.2.27.41) tataḥ saṃstūyamānasya tejaḥ somasya bhāsvataḥ. āpyāyamānaṃ lokāṃstrīn bhāvayāmāsa sarvvaśaḥ .. 28.13 .. ### [2.27.42](https://indike.org/pramana/in.purana.vayu.2.27.42) samena rathamukhyena sāgarāntāṃ vasundharām. triḥsaptakṛtvo vipula ścakārābhipradakṣiṇam .. 28.14 .. ### [2.27.43](https://indike.org/pramana/in.purana.vayu.2.27.43) tasya yaccāpi tattejaḥ pṛthivīmanvapadyata. oṣadhyastāḥ samudbhūtāstejasā saṃjvalantyuta .. 28.15 .. ### [2.27.44](https://indike.org/pramana/in.purana.vayu.2.27.44) tābhirdhāryatyayaṃ lokān prajāścāpi caturvidhāḥ. poṣṭā hi bhagavān somo jagato hi dvijottamāḥ .. 28.16 .. ### [2.27.45](https://indike.org/pramana/in.purana.vayu.2.27.45) sa labdhatejāstapasā saṃstavaistaiśca karmmabhiḥ. tapastepe mahābhāgaḥ pajhānāṃ daśatīrdaśa .. 28.17 .. ### [2.27.46](https://indike.org/pramana/in.purana.vayu.2.27.46) hiraṇyavarṇā yā devyo dhārayantyātmanā jagat. vibhustāsāmbhavetsomaḥ prakhyātaḥ svena karmmaṇā .. 28.18 .. ### [2.27.47](https://indike.org/pramana/in.purana.vayu.2.27.47) tatastasmai dadau rājyaṃ brahmā brahmavidāṃ varaḥ. bījauṣadhiṣu viprāṇāmapāñca dvijasattamāḥ .. 28.19 .. ### [2.27.48](https://indike.org/pramana/in.purana.vayu.2.27.48) so'bhiṣikto mahātejā mahārājyena rājarāṭ . lokānāṃ bhāvayāmāsa svabhāvāttapatāṃ varaḥ .. 28.20 .. ### [2.27.49](https://indike.org/pramana/in.purana.vayu.2.27.49) saptaviṃśatirindostu dākṣāyaṇyo mahāvratāḥ. dadau prācetaso dakṣo nakṣatrāṇīti yā viduḥ .. 28.21 .. ### [2.27.50](https://indike.org/pramana/in.purana.vayu.2.27.50) sa tatprāpya mahadrājayaṃ somaḥ somavatāṃ prabhuḥ. samājajñe rājasūyaṃ sahasraśatadakṣiṇam .. 28.22 .. ### [2.27.51](https://indike.org/pramana/in.purana.vayu.2.27.51) hiraṇyagarbhaścodgātā brahmā brahmatvameyivān. sadasyastatra bhagavān harirnārāyaṇaḥ prabhuḥ . sanatkumārapramukhairādyairbrahmarṣibhirvṛtaḥ .. 28.23 .. ### [2.27.52](https://indike.org/pramana/in.purana.vayu.2.27.52) dakṣiṇāmadadatsomastrīllom̐kāniti naḥ śrutam. tebhyo brahmarṣimukhyebhyaḥ sadasyebhyaśca vai dvijāḥ .. 28.24 .. ### [2.27.53](https://indike.org/pramana/in.purana.vayu.2.27.53) taṃ sinī ca kuhūścaiva vapuḥ puṣṭiḥ prabhāvasuḥ. kīrttirdhṛtiśca lakṣmīśca nava devyaḥ siṣevire .. 28.25 .. ### [2.27.54](https://indike.org/pramana/in.purana.vayu.2.27.54) prāpyāvabhṛthamavyagraḥ sarvvadevarṣipūjitaḥ. atirājātirājendro daśadhātāpayaddiśaḥ .. 28.26 .. ### [2.27.55](https://indike.org/pramana/in.purana.vayu.2.27.55) tadā tat prāpya duṣprāpamaiśvaryamṛṣisaṃstutam. sa vibhramamatirviprā vinaye vinayo hataḥ .. 28.27 .. ### [2.27.56](https://indike.org/pramana/in.purana.vayu.2.27.56) bṛhaspateḥ sa vai bhāryāntārāṃ nāma yaśasvinīm. jahāra sahasā sarvvānavamatyāṅgiraḥsutān .. 28.28 .. ### [2.27.57](https://indike.org/pramana/in.purana.vayu.2.27.57) sa yācyamāno devaiśca tathā devarṣibhiśca ha. naiva vyasarjayattārāṃ tasmāyāṅgirase tadā .. 28.29 .. ### [2.27.58](https://indike.org/pramana/in.purana.vayu.2.27.58) uśanāstasya jagrāha pārṣṇimaṅgiraso dvijāḥ. sa hi śiṣyo mahātejāḥ pituḥ pūrvaṃ bṛhaspateḥ .. 28.30 .. ### [2.27.59](https://indike.org/pramana/in.purana.vayu.2.27.59) tena snehena bhagavān rudrastasya bṛhaspateḥ. pārṣṇigrāho'bhavaddevaḥ pragṛhyājagavandhanuḥ .. 28.31 .. ### [2.27.60](https://indike.org/pramana/in.purana.vayu.2.27.60) tena brahmarṣimukhyebhyaḥ paramāstraṃ mahātmanā. uddiśya devānutsṛṣṭaṃ yenaiṣāṃ nāśitaṃ yaśaḥ .. 28.32 .. ### [2.27.61](https://indike.org/pramana/in.purana.vayu.2.27.61) tatra tadyuddhamabhavat pratyakṣantārakāmayam. devānāṃ dānavānāñca lokakṣayakaraṃ mahat .. 28.33 .. ### [2.27.62](https://indike.org/pramana/in.purana.vayu.2.27.62) tatra śiṣṭāstrayo devāstuṣitāścaiva ye smṛtāḥ. brahmāṇaṃ śaraṇaṃ jagmurādidevaṃ pitāmaham .. 28.34 .. ### [2.27.63](https://indike.org/pramana/in.purana.vayu.2.27.63) tato nivāryośanasaṃ rudraṃ jyeṣṭhañca śaṅkaram. dadāvāṅgirase tārāṃ svayameva pitāmahaḥ .. 28.35 .. ### [2.27.64](https://indike.org/pramana/in.purana.vayu.2.27.64) antarvatnīṃ ca tāṃ dṛṣṭvā tārāntārādhipānanām. garbhamutsṛjase na tvaṃ vipraḥ prāha bṛhaspatiḥ .. 28.36 .. ### [2.27.65](https://indike.org/pramana/in.purana.vayu.2.27.65) madīyāyāṃ tanau yonau garbho dhāryaḥ kathañcana. atho nāvasṛjattantu kumāraṃ dasyuhantamam .. 28.37 .. ### [2.27.66](https://indike.org/pramana/in.purana.vayu.2.27.66) īṣikāstambamāsādya jvalantamiva pāvakam. jātamātro'tha bhagavān devānāmākṣipadvapuḥ .. 28.38 .. ### [2.27.67](https://indike.org/pramana/in.purana.vayu.2.27.67) tataḥ saṃśayamāpannāstārāmakathayan surāḥ. satyaṃ brūhi sutaḥ kasya somasyātha bṛhaspateḥ .. 28.39 .. ### [2.27.68](https://indike.org/pramana/in.purana.vayu.2.27.68) hrīyamāṇā yadā devānnāha sā sādhvasādhu vā . tadā tāṃ śaptumārabdhaḥ kumāro dasyuhantamaḥ .. 28.40 .. ### [2.27.69](https://indike.org/pramana/in.purana.vayu.2.27.69) sannivārya tadā brahmā tārāṃ candrasya saṃśayaḥ. yadatra tathyantad‌brūhi tāre kasya sutastvayam .. 28.41 .. ### [2.27.70](https://indike.org/pramana/in.purana.vayu.2.27.70) sā prāñjaliruvācedaṃ brahmāṇaṃ varadaṃ prabhum. somasyeti mahātmānaṃ kumārandasyuhantamam .. 28.42 .. ### [2.27.71](https://indike.org/pramana/in.purana.vayu.2.27.71) tataḥ sa tamupāghāya somo dātā prajāpatiḥ. budha ityakaronnāma tasya putrasya dhīmataḥ .. 28.43 .. ### [2.27.72](https://indike.org/pramana/in.purana.vayu.2.27.72) pratipūrvvañca gamane samabhyuttiṣṭhate budhaiḥ. utpādayāmāsa tadā putraṃ vai rājaputrikā .. 28.44 .. ### [2.27.73](https://indike.org/pramana/in.purana.vayu.2.27.73) tasya putro mahātejā babhūvailaḥ purūravāḥ . urvaśyāṃ jajñire tasya putrāḥ ṣaṭ sumahaujasaḥ .. 28.45 .. ### [2.27.74](https://indike.org/pramana/in.purana.vayu.2.27.74) prasahya dharṣitastatra vivaśo rājayakṣmaṇā . tato yakṣmābhibhūtastu somaḥ prakṣīṇamaṇḍalaḥ . jagāma śaraṇāyātha pitaraṃ so'trimeva tu .. 28.46 .. ### [2.27.75](https://indike.org/pramana/in.purana.vayu.2.27.75) tasya tatpāpaśamanaṃ cakārātrirmahāyaśāḥ. sa rājayakṣmaṇā muktaḥ śriyā jajvāla sarvvaśaḥ .. 28.47 .. ### [2.27.76](https://indike.org/pramana/in.purana.vayu.2.27.76) etatsomasya vai janma kīrttitaṃ dvijasattamāḥ. vaṃśantasya dvijaśreṣṭhāḥ kīrtyamānaṃ nibodhata .. 28.48 .. ### [2.27.77](https://indike.org/pramana/in.purana.vayu.2.27.77) dhanyamārogyamāyuṣyaṃ puṇyaṃ kalmaṣaśodhanam. somasya janma śrutvaiva sarvapāpaiḥ pramucyate .. 28.49 .. ### [2.27.78](https://indike.org/pramana/in.purana.vayu.2.27.78) iti śrīmahāpurāṇe vāyuprokte śomotpattirnāmāṣṭāviṃśo'dhyāyaḥ .. 28 .. \* vāyūmahāpurāṇam - uttarārddham - 29 sūta uvāca .. ### [2.27.79](https://indike.org/pramana/in.purana.vayu.2.27.79) somasya tu budhaḥ putro budhasya tu purūravāḥ. tejasvī dānaśīlaśca yajvā vipuladakṣiṇaḥ .. 29.1 .. ### [2.27.80](https://indike.org/pramana/in.purana.vayu.2.27.80) brahmavādī parākrāntaḥ śatrubhiryudhi durjayaḥ. āharttā cāgnihotrasya yajvanāñca dadau mahīm .. 29.2 .. ### [2.27.81](https://indike.org/pramana/in.purana.vayu.2.27.81) satyavāk karmmabuddhiśca kāntaḥ saṃvṛtamaithunaḥ. atīva putro lokeṣu rūpeṇāpratimo'bhavat .. 29.3 .. ### [2.27.82](https://indike.org/pramana/in.purana.vayu.2.27.82) taṃ brahmavādinaṃ dāntaṃ dharmajñaṃ satyavādinam. urvaśī varayāmāsa hitvā mānaṃ yaśasvinī .. 29.4 .. ### [2.27.83](https://indike.org/pramana/in.purana.vayu.2.27.83) tayā sahāvasadrājā daśavarṣāṇi cāṣṭa ca. sapta ṣaṭ sapta cāṣṭau ca daśa cāṣṭau ca vīryavān .. 29.5 .. ### [2.27.84](https://indike.org/pramana/in.purana.vayu.2.27.84) vane caitrarathe ramye tathā mandākinītaṭe. alakāyāṃ viśālāyāṃ nandane ca vanottame .. 29.6 .. ### [2.27.85](https://indike.org/pramana/in.purana.vayu.2.27.85) gandhamādanapādeṣu meruśrṛṅge nagottame. uttarāṃśca kurūn prāpya kalāpagrāmameva ca .. 29.7 .. ### [2.27.86](https://indike.org/pramana/in.purana.vayu.2.27.86) eteṣu vanasukhyeṣu surairācariteṣu ca. urvaśyā sahito rājā reme paramayā mudā .. 29.8 .. ### [2.27.87](https://indike.org/pramana/in.purana.vayu.2.27.87) ṛṣaya ūcuḥ.. ### [2.27.88](https://indike.org/pramana/in.purana.vayu.2.27.88) gandharvā corvaśī devī rājānaṃ mānuṣaṃ katham. devānutsṛjya samprāptā tanno brūhi bahuśruta .. 29.9 .. ### [2.27.89](https://indike.org/pramana/in.purana.vayu.2.27.89) sūta uvāca.. ### [2.27.90](https://indike.org/pramana/in.purana.vayu.2.27.90) brahmaśāpābhibhūtā sā mānuṣaṃ samupasthitā. ailaṃ tu taṃ varārohā samayena vyavasthitā .. 29.10 .. ### [2.27.91](https://indike.org/pramana/in.purana.vayu.2.27.91) ātmanaḥ śāpamokṣārthaṃ niyamaṃ sā cakāra tu . anagnadarśanañcaiva akāmāta saha maithunam .. 29.11 .. ### [2.27.92](https://indike.org/pramana/in.purana.vayu.2.27.92) dvau meṣau śayanābhyāśe sa tāvad vyavatiṣṭhate. ghṛtamātraṃ tathāhāraḥ kālamekantu pārthiva .. 29.12 .. ### [2.27.93](https://indike.org/pramana/in.purana.vayu.2.27.93) yadyeṣa samayo rājan yāvatkālañca te dṛḍham. tāvatkālantu vatsyāmi eṣa naḥ samayaḥ kṛtaḥ .. 29.13 .. ### [2.27.94](https://indike.org/pramana/in.purana.vayu.2.27.94) tasyāstaṃ samayaṃ sarvaṃ sa rājā paryapālayat. evaṃ sā cāvasat tasmin purūravasi bhāminī .. 29.14 .. ### [2.27.95](https://indike.org/pramana/in.purana.vayu.2.27.95) varṣāṇyatha catuḥṣaṣṭiṃ tadbhaktyā śāpamohitā. urvaśī mānuṣaṃ prāptā gandharvvā ścintayānvitāḥ .. 29.15 .. ### [2.27.96](https://indike.org/pramana/in.purana.vayu.2.27.96) gandharvvā ūcuḥ. cintayadhvaṃ mahābhāgā yathā sā tu varāṅganā. āgacchettu punarddevānurvaśī svargabhūṣaṇā .. 29.16 .. ### [2.27.97](https://indike.org/pramana/in.purana.vayu.2.27.97) tato viśvāvasurnāma tatrāha vadatāṃ varaḥ. tayā tu samayastatra kriyamāṇo mato'naghaḥ .. 29.17 .. ### [2.27.98](https://indike.org/pramana/in.purana.vayu.2.27.98) samayanyutkramāt sā vai rājānaṃ tyakṣyate yathā. tadahaṃ vacmi vaḥ sarvaṃ yathā tyakṣyati sā nṛpam .. 29.18 .. ### [2.27.99](https://indike.org/pramana/in.purana.vayu.2.27.99) sahasā yogameṣyāmi yuṣmākaṃ kāryasiddhaye. evamuktvā gatastatra pratiṣṭhānaṃ mahāyaśāḥ .. 29.19 .. ### [2.27.100](https://indike.org/pramana/in.purana.vayu.2.27.100) sa niśāyāmathāgamya meṣamekaṃ jahāra vai. mātṛvadvarttate sā tu meṣayoścāruhāsinī .. 29.20 .. ### [2.27.101](https://indike.org/pramana/in.purana.vayu.2.27.101) gandharvāgamanaṃ jñātvā śayanasthā yaśasvinī. rājānamabravītsā tu putro me hriyateti vai .. 29.21 .. ### [2.27.102](https://indike.org/pramana/in.purana.vayu.2.27.102) evamukto viniścitya nagnastiṣṭhati vai nṛpaḥ . nagnaṃ drakṣyati māṃ devī samayo vitatho bhavet .. 29.22 .. ### [2.27.103](https://indike.org/pramana/in.purana.vayu.2.27.103) tato bhūyastu gandharvvā dvitīyaṃ meṣamādaduḥ. dvitīye'pahṛte meṣe ailaṃ devī tamabravīt .. 29.23 .. ### [2.27.104](https://indike.org/pramana/in.purana.vayu.2.27.104) putrau mama hṛtau rājannanāthāyā iva prabho. evamuktastadotthāya nagno rājā pradhāvitaḥ .. 29.24 .. ### [2.27.105](https://indike.org/pramana/in.purana.vayu.2.27.105) meṣābabhyāṃ padavīṃ rājan gandharvvairvyutthitāmatha. utpāditā tu mahatī māyā tadbhavanaṃ mahat .. 29.25 .. ### [2.27.106](https://indike.org/pramana/in.purana.vayu.2.27.106) prakāśitantu sahasā tato nagnamavekṣya sā. nagnaṃ dṛṣṭvā tiro'bhūtsā apsarā kāmarūpiṇī .. 29.26 .. ### [2.27.107](https://indike.org/pramana/in.purana.vayu.2.27.107) tirobhūtāntu tāṃ jñātvā gandharvāstatra tāvubhau. meṣau tyaktvā ca te sarve tatraivāntarhitābhavan .. 29.27 .. ### [2.27.108](https://indike.org/pramana/in.purana.vayu.2.27.108) utsṛṣṭāvuraṇau dṛṣṭvā rājā gṛhyāgataḥ prabhuḥ. apaśyaṃstāṃ tu vai rājā vilalāpa suduḥkhitaḥ .. 29.28 .. ### [2.27.109](https://indike.org/pramana/in.purana.vayu.2.27.109) cacāra pṛthivīṃ caiva mārgamāṇastatastataḥ. athāpaśyacca tāṃ rājā kurukṣetre mahābalaḥ .. 29.29 .. ### [2.27.110](https://indike.org/pramana/in.purana.vayu.2.27.110) plakṣatīrthe puṣkariṇyāṃ vigāḍhenāmbunāplutām. krīḍantīmapsarobhiśca pañcabhiḥ saha śobhanām .. 29.30 .. ### [2.27.111](https://indike.org/pramana/in.purana.vayu.2.27.111) apaśyatsā tataḥ subhrū rājānamavidūrataḥ. urvaśī tāḥ sakhīḥ prāha ayaṃ sa puruṣottamaḥ .. 29.31 .. ### [2.27.112](https://indike.org/pramana/in.purana.vayu.2.27.112) yasminnahamavātsaṃ hi darśayāmāsa taṃ nṛpam . tata āvirbabhūvustāḥ pañcacūḍāpsarāstu tāḥ .. 29.32 .. ### [2.27.113](https://indike.org/pramana/in.purana.vayu.2.27.113) dṛṣṭvā tu rājā tāṃ prītaḥ pralāpān kurute bahūn. āyāhi tiṣṭha manasā ghore vacasi tiṣṭha he .. 29.33 .. ### [2.27.114](https://indike.org/pramana/in.purana.vayu.2.27.114) evamādīni sūkṣmāṇi parasparamabhāṣata. urvvaśī tvabravīccailaṃ sagarbhāhaṃ tvayā prabho .. 29.34 .. ### [2.27.115](https://indike.org/pramana/in.purana.vayu.2.27.115) saṃvatsarāt kumāraste bhavitā nava saṃśayaḥ. niśāmekāntu vai rājā hyavasattu tayā saha .. 29.35 .. ### [2.27.116](https://indike.org/pramana/in.purana.vayu.2.27.116) samprahṛṣṭo jagāmātha svapurantu mahāyaśāḥ. gate saṃvatsare rājā urvvaśīṃ punarāgamat .. 29.36 .. ### [2.27.117](https://indike.org/pramana/in.purana.vayu.2.27.117) uṣitvā tu tayā sārddhamekarātraṃ mahāmanāḥ. kāmārttaścā bravīddīno bhava nityaṃ mameti vai .. 29.37 .. ### [2.27.118](https://indike.org/pramana/in.purana.vayu.2.27.118) urvvaśyathābravīccailaṃ gandharvāste varaṃ daduḥ. taṃ vṛṇīṣva mahārāja brūhi caitāṃstvameva hi .. 29.38 .. ### [2.27.119](https://indike.org/pramana/in.purana.vayu.2.27.119) vṛṇe nityaṃ hi sālokyaṃ gandharvāṇāṃ mahātmanām. tathetyuktvā varaṃ vavre gandharvāśca tathāstviti .. 29.39 .. ### [2.27.120](https://indike.org/pramana/in.purana.vayu.2.27.120) sthālīmagneḥ pūrayitvā gandharvvāśca tamabruvan. anena iṣṭvā lokantaṃ prāpsyasi tvaṃ narādhipa .. 29.40 .. ### [2.27.121](https://indike.org/pramana/in.purana.vayu.2.27.121) tamādāya kumārantu nagarāyopacakrame. niḥkṣipya tamaraṇyāñca sa putrantu gṛhaṃ yayau .. 29.41 .. ### [2.27.122](https://indike.org/pramana/in.purana.vayu.2.27.122) punarādāya dṛśyāgnimaśvatthaṃ tatra dṛṣṭavān. samīpatastu taṃ dṛṣṭvā hyaśvatthaṃ tatra vismitaḥ .. 29.42 .. ### [2.27.123](https://indike.org/pramana/in.purana.vayu.2.27.123) gandharvvebhyastathākhyātumagninā gāṃ gatastu saḥ . śrutvā tamarthamaśilamaraṇiṃ tu samādiśat .. 29.43 .. ### [2.27.124](https://indike.org/pramana/in.purana.vayu.2.27.124) aśvatthādaraṇiṃ kṛtvā mathitvāgniṃ yathāvidhi. teneṣṭvā tu salokaṃ naḥ prāpsyasi tvaṃ narādhipa. mathitvāgniṃ tridhā kṛtvā hyayajatsa narādhipaḥ .. 29.44 .. ### [2.27.125](https://indike.org/pramana/in.purana.vayu.2.27.125) iṣṭvā yajñairbahuvidhairgatasteṣāṃ salokatām. vāsāya ca sa gandharvvastretāyāṃ sa mahārathaḥ. eko'gniḥ pūrvamāsīdvai ailastrīṃstānakalpayat .. 29.45 .. ### [2.27.126](https://indike.org/pramana/in.purana.vayu.2.27.126) evaṃprabhāvo rājāsīdailastu dvijasattamāḥ. deśe puṇyatame caiva maharṣibhiralaṃkṛte .. 29.46 .. ### [2.27.127](https://indike.org/pramana/in.purana.vayu.2.27.127) rājyaṃ sa kārayāmāsa prayāge pṛthivī patiḥ. uttare yāmune tīre pratiṣṭhāne mahāyaśāḥ .. 29.47 .. ### [2.27.128](https://indike.org/pramana/in.purana.vayu.2.27.128) tasya putrā babhūvurhi ṣaḍindropamatejasaḥ. gandharvvaloke viditā āyurddhīmānamāvasuḥ .. 29.48 .. ### [2.27.129](https://indike.org/pramana/in.purana.vayu.2.27.129) viśvāyuśca śatāyuśca gatāyuścorvaśīsutāḥ. amāvasostu vai jāto bhīmo rājātha viśvajit .. 29.49 .. ### [2.27.130](https://indike.org/pramana/in.purana.vayu.2.27.130) śrīmān bhīmasya dāyādo rājāsītkāñcanaprabhaḥ. vidvāṃstu kāñcanasyāpi suhotro'bhūnmahābalaḥ .. 29.50 .. ### [2.27.131](https://indike.org/pramana/in.purana.vayu.2.27.131) suhotrasyābhajjahnuḥ keśikāgarbhasambhavaḥ. pratigatya tato gaṅgā vitato yajñakarmmaṇi .. 29.51 .. ### [2.27.132](https://indike.org/pramana/in.purana.vayu.2.27.132) plāvayāmāsa taṃ deśaṃ bhāvino'rthasya darśanāt. gaṅgayā plāvitaṃ dṛṣṭvā yajñavāṭaṃ samantataḥ .. 29.52 .. ### [2.27.133](https://indike.org/pramana/in.purana.vayu.2.27.133) sauhotrirvaradaḥ kruddho gaṅgāṃ saṃraktalocanaḥ. asya gaṅge'valepasya sadyaḥ phalamavāpnuhi .. 29.53 .. ### [2.27.134](https://indike.org/pramana/in.purana.vayu.2.27.134) etatte viphalaṃ sarvvaṃ pītamambhaḥ karomyaham. rājarṣiṇā tataḥ pītāṃ gaṅgāṃ dṛṣṭvā surarṣayaḥ .. 29.54 .. ### [2.27.135](https://indike.org/pramana/in.purana.vayu.2.27.135) upaninyurmahābhāgā duhitṛtvena jāhnavīm. yauvanāśvasya pautrīntu kāverīñjahnurāvahat .. 29.55 .. ### [2.27.136](https://indike.org/pramana/in.purana.vayu.2.27.136) yuvanāśvasya śāpena gaṅgā yena vinirmame . kāverīṃ saritāṃ śreṣṭhāṃ jahnubhāryyāmaninditām .. 29.56 .. ### [2.27.137](https://indike.org/pramana/in.purana.vayu.2.27.137) jahnuśca dayitaṃ putraṃ suhotraṃ nāma dhārmikam. kāveryyāṃ janayāmāsa ajakastasya cātmajaḥ .. 29.57 .. ### [2.27.138](https://indike.org/pramana/in.purana.vayu.2.27.138) ajakasya tu dāyādo balākāśvo mahāyaśāḥ. babhūvuśca gayaḥ śīlaḥ kuśastasyātmajaḥ smṛtaḥ .. 29.58 .. ### [2.27.139](https://indike.org/pramana/in.purana.vayu.2.27.139) kuśaputrā babhūvuśca catvāro vedavarcasaḥ. kuśāśvaḥ kuśanābhaśca amūrttārayaśovasuḥ .. 29.59 .. ### [2.27.140](https://indike.org/pramana/in.purana.vayu.2.27.140) kuśastambastapastepe putrārthī rājasattamaḥ. pūrṇe varṣasahasre vai śatakratumapaśyata .. 29.60 .. ### [2.27.141](https://indike.org/pramana/in.purana.vayu.2.27.141) tamugratapasaṃ dṛṣṭvā sahasrākṣaḥ purandaraḥ. samarthaḥ putrajanane svayamevāsya śāśvataḥ .. 29.61 .. ### [2.27.142](https://indike.org/pramana/in.purana.vayu.2.27.142) putratvaṃ kalpayāmāsa svayameva purandaraḥ. gādhirnāmābhavatputraḥ kauśikaḥ pākaśāsanaḥ .. 29.62 .. ### [2.27.143](https://indike.org/pramana/in.purana.vayu.2.27.143) paurukutsābhavadbhāryā gādhistasyāmajāyata. pūrvvaṃ kanyāṃ mahābhāgāṃ nāmnā satyavatīṃ śubhām. tāṃ gādhiputraḥ kāvyāya ṛcīkāya dadau prabhuḥ .. 29.63 .. ### [2.27.144](https://indike.org/pramana/in.purana.vayu.2.27.144) tasyāṃ putrastu vai bharttā bhārgavo bhṛgunandanaḥ. putrārthe sādhayāmāsa caruṃ gādhestathaiva ca .. 29.64 .. ### [2.27.145](https://indike.org/pramana/in.purana.vayu.2.27.145) tathā cāhūya sudhṛtiṛcīko bhārgavastadā. upayojyaścarurayaṃ tvayā mātrā ca teśubhe .. 29.65 .. ### [2.27.146](https://indike.org/pramana/in.purana.vayu.2.27.146) tasyāṃ janiṣyate putro dīptimān kṣatriyarṣabhaḥ. ajeyaḥ kṣatriyairyuddhe kṣatriyarṣabhasūdanaḥ .. 29.66 .. ### [2.27.147](https://indike.org/pramana/in.purana.vayu.2.27.147) tavāpi putraṃ kalyāṇi dhṛtintaṃ tapodhanam. śamātmakaṃ dvijaśreṣṭhaṃ carureṣa vidhāsyati .. 29.67 .. ### [2.27.148](https://indike.org/pramana/in.purana.vayu.2.27.148) evamuktvā tu tāṃ bhāryyāmṛcīko bhṛgunandanaḥ. tapasyābhirato nityamaraṇyaṃ praviveśa ha .. 29.68 .. ### [2.27.149](https://indike.org/pramana/in.purana.vayu.2.27.149) gādhiḥ sadārastu tadā ṛcīkāśramamabhyagāt. tīrthayātrāprasaṅgena sutāṃ draṣṭuṃ nareśvaraḥ .. 29.69 .. ### [2.27.150](https://indike.org/pramana/in.purana.vayu.2.27.150) carudvayaṃ gṛhītvā tu ṛṣeḥ satyavatī sadā. bhartturvacanamavyagrā hṛṣṭā mātre nyavedayat .. 29.70 .. ### [2.27.151](https://indike.org/pramana/in.purana.vayu.2.27.151) mātā tu tasyai daivena duhitre svaṃ caruṃ dadau . tasyāścarumathājñānādātmanaḥ sā cakāra ha .. 29.71 .. ### [2.27.152](https://indike.org/pramana/in.purana.vayu.2.27.152) atha satyavatī garbhaṃ kṣatriyāntakaraṃ śubham. dhārayāmāsa dīptena vapuṣā ghoradarśanā .. 29.72 .. ### [2.27.153](https://indike.org/pramana/in.purana.vayu.2.27.153) tamṛcīkastato dṛṣṭvā yogenāpyanumṛśya ca. tadābravīddvijaśreṣṭhaḥ svāṃ bhāryyāṃ varavarṇinīm .. 29.73 .. ### [2.27.154](https://indike.org/pramana/in.purana.vayu.2.27.154) mātuḥ siddhyati te bhadre caruvyatyāsahetunā. janiṣyati hi putraste krūrakarmātidāruṇaḥ .. 29.74 .. ### [2.27.155](https://indike.org/pramana/in.purana.vayu.2.27.155) mātā janiṣyate vāpi tathābhūtaṃ tapodhanam . viśvaṃ hi brahma tapasā mayā tatra samarpitam .. 29.75 .. ### [2.27.156](https://indike.org/pramana/in.purana.vayu.2.27.156) evamuktā mahābhāgā bhartrā satyavatī tadā. prasādayāmāsa patiṃ suto me nedṛśo bhavet. brāhmaṇāpasadastvanya ityukto munirabravīt .. 29.76 .. ### [2.27.157](https://indike.org/pramana/in.purana.vayu.2.27.157) naiṣa saṅkalpitaḥ kāmo mayā bhadre tathā tvayā . ugrakarmā bhavet putraḥ piturmātuśca kāraṇāt .. 29.77 .. ### [2.27.158](https://indike.org/pramana/in.purana.vayu.2.27.158) punaḥ satyavatī vākyamevamuktābravīdidam. iccham̐llokānapi mune sṛjethāḥ kiṃ punaḥ sutam .. 29.78 .. ### [2.27.159](https://indike.org/pramana/in.purana.vayu.2.27.159) śamātmakamṛjuṃ bharttaḥ putraṃ me dātumarhasi. kāmamevaṃvidhaḥ putro mama syāttu vada prabho .. 29.79 .. ### [2.27.160](https://indike.org/pramana/in.purana.vayu.2.27.160) mayyanyathā na śakyaṃ vai kartumeva dvijottama. tataḥ prasādamakarot sa tasyāstapaso balāt .. 29.80 .. ### [2.27.161](https://indike.org/pramana/in.purana.vayu.2.27.161) putre nāsti viśeṣo me pautre vā varavarṇini. tvayā yathoktaṃ vacanaṃ tathā bhadre bhaviṣyati .. 29.81 .. ### [2.27.162](https://indike.org/pramana/in.purana.vayu.2.27.162) tasmāt satyavatī putraṃ janayāmāsa bhārgavam. tapasyabhiratandāntaṃ jamadagniḥ śamātmakam .. 29.82 .. ### [2.27.163](https://indike.org/pramana/in.purana.vayu.2.27.163) bhṛgoścaruviparyāse raudravaiṣṇavayoḥ purā. yamanādvaiṣṇavasyāgnerjamadagnirajāyata .. 29.83 .. ### [2.27.164](https://indike.org/pramana/in.purana.vayu.2.27.164) viśvāmitraṃ tu dāyādaṃ gādhiḥ kuśikanandanaḥ. prāpya brahmarṣisahito (savitā) jagāma brahmaṇāvṛtaḥ .. 29.84 .. ### [2.27.165](https://indike.org/pramana/in.purana.vayu.2.27.165) sā hi satyavatī puṇyā satyavrataparāyaṇā. kauśikīti samākhyātā pravṛtteyaṃ mahānadī .. 29.85 .. ### [2.27.166](https://indike.org/pramana/in.purana.vayu.2.27.166) parisrutā mahābhāgā kauśikī saritāṃ varā. ikṣvākuvaṃśe tvabhavatsuveṇurnāma pārthivaḥ .. 29.86 .. ### [2.27.167](https://indike.org/pramana/in.purana.vayu.2.27.167) tasya kanyā mahābhāgā kāmalī nāma reṇukā. reṇu kāyāntu kāmalyāṃ tapodhṛtisamanvitaḥ. ārcīko janayāmāsa jamadagniḥ sudāruṇam .. 29.87 .. ### [2.27.168](https://indike.org/pramana/in.purana.vayu.2.27.168) sarvavidyāntagaṃ śreṣṭhaṃ dhanurvedasya pāragam. rāmaṃ kṣatriya hantāraṃ pradīptamiva pāvakam .. 29.88 .. ### [2.27.169](https://indike.org/pramana/in.purana.vayu.2.27.169) aurvvasyaivamṛcīkasya satyavatyāṃ mahāmanāḥ. jamadagnistato vīryyājjajñe brahmavidāṃ varaḥ. madhyamaśca śunaḥśephaḥ śunaḥpucchaḥ kaniṣṭhakaḥ .. 29.89 .. ### [2.27.170](https://indike.org/pramana/in.purana.vayu.2.27.170) viśvāmitrastu dharmātmā nāmnā viśvarathaḥ smṛtaḥ . jajñe bhṛguprasādena kauśikādvaṃśavarddhanaḥ .. 29.90 .. ### [2.27.171](https://indike.org/pramana/in.purana.vayu.2.27.171) viśvāmitrasya putrastu śunaḥśepho'bhavanmuniḥ. hariścandrasya yajñe tu paśutve niyutaḥ savai. devairdattaḥ sa vai yasmāddevarātastato'bhavat .. 29.91 .. ### [2.27.172](https://indike.org/pramana/in.purana.vayu.2.27.172) viśvāmitrasya putrāṇāṃ śunaḥ śepho'grajaḥ smṛtaḥ. madhucchando nayaścaiva kṛtadevau dhruvāṣṭakau .. 29.92 .. ### [2.27.173](https://indike.org/pramana/in.purana.vayu.2.27.173) kacchapaḥ pūraṇaścaiva viśvāmitrasutāstu vai. teṣāṃ gotrāṇi bahudhā kauśikānāṃ mahātmanām .. 29.93 .. ### [2.27.174](https://indike.org/pramana/in.purana.vayu.2.27.174) pārthivā devarātāśca yājñavalkyā samarṣaṇāḥ . udumbarā udumlānāstārakā yamamuñcatāḥ .. 29.94 .. ### [2.27.175](https://indike.org/pramana/in.purana.vayu.2.27.175) lohiṇyo reṇavaścaiva tathā kārīṣavaḥ smṛtāḥ. babhravaḥ pāṇinaścaiva dhyāvajapyāstathaiva ca .. 29.95 .. ### [2.27.176](https://indike.org/pramana/in.purana.vayu.2.27.176) śālāvatyā hiraṇyākṣāḥ syaṅkṛtā gālavāḥ smṛtāḥ . devalā yāmadūtāśca śālaṅkāyanabāṣkalāḥ .. 29.96 .. ### [2.27.177](https://indike.org/pramana/in.purana.vayu.2.27.177) dadāti bādarāścānye viśvāmitrasya dhīmataḥ. ṛṣyantaravivāṅyāste bahavaḥ śauśikāḥ smṛtāḥ .. 29.97 .. ### [2.27.178](https://indike.org/pramana/in.purana.vayu.2.27.178) kauśikāsośrumāścaiva tathānye saidhavāyanāḥ. pauroravasya puṇyasya brahmarṣeḥ kauśikasya tu .. 29.98 .. ### [2.27.179](https://indike.org/pramana/in.purana.vayu.2.27.179) dṛṣadvatīsutaścāpi viśvāmitrāttathāṣṭakaḥ. aṣṭakasya suto yo hi prokto jahnugaṇomayā .. 29.99 .. ### [2.27.180](https://indike.org/pramana/in.purana.vayu.2.27.180) ṛṣaya ūcuḥ .. ### [2.27.181](https://indike.org/pramana/in.purana.vayu.2.27.181) kiṃ lakṣaṇena dharmeṇa tapaseha śrutena vā. brāhmaṇyaṃ samanuprāptaṃ viśvāmitrādibhirnṛpaiḥ .. 29.100 .. ### [2.27.182](https://indike.org/pramana/in.purana.vayu.2.27.182) yena yonābhidhā nena brāhmaṇyaṃ kṣatriyā gatāḥ . viśeṣaṃ jñātumicchāmi tapasā dānatastathā .. 29.101 .. ### [2.27.183](https://indike.org/pramana/in.purana.vayu.2.27.183) evamuktastato vākyamabravīdidamarthavat. anyāyopagatairdravyairāhṛtya yajane dhiyā. dharmābhikāṃkṣī yajate na dharmaphalamaśnute .. 29.102 .. ### [2.27.184](https://indike.org/pramana/in.purana.vayu.2.27.184) dharmmaṃ caitaṃ samākhyāya pāpātmā puruṣādhamaḥ. dadāti dānaṃ viprebhyo lokānāṃ dambhakāraṇāt .. 29.103 .. ### [2.27.185](https://indike.org/pramana/in.purana.vayu.2.27.185) japaṃ kṛtvā tathā tīvraṃ dhanalobhānniraṅkuśaḥ. rāgamohānvito hyante pāvanārthaṃ dadāti yaḥ .. 29.104 .. ### [2.27.186](https://indike.org/pramana/in.purana.vayu.2.27.186) tena dattāni dānāni aphalāni bhavantyuta. tasya dharmmapravṛttasya hiṃsakasya durātmanaḥ .. 29.105 .. ### [2.27.187](https://indike.org/pramana/in.purana.vayu.2.27.187) evaṃ labdhvā dhanaṃ mohāddadato yajataśca ha. sakliṣṭakarmaṇo dānaṃ na tiṣṭhati durātmanaḥ .. 29.106 .. ### [2.27.188](https://indike.org/pramana/in.purana.vayu.2.27.188) nyāyāgatānāṃ dravyāṇāṃ tīrthe sampratipādanam. kāmānanabhisandhāya yajate ca dadāti ca .. 29.107 .. ### [2.27.189](https://indike.org/pramana/in.purana.vayu.2.27.189) sa dānaphalamāpnoti tacca dānaṃ sukhodayam. dānena bhogānāpnoti svargaṃ satyena gacchati .. 29.108 .. ### [2.27.190](https://indike.org/pramana/in.purana.vayu.2.27.190) tapasā tu sutaptena lokān viṣṭabhya tiṣṭhati . viṣṭabhya sa tu tejasvī lokeṣvānantyamaśnute .. 29.109 .. ### [2.27.191](https://indike.org/pramana/in.purana.vayu.2.27.191) dānācchreyāṃstathā yajño yajñācchreyastathā tapaḥ. saṃnyāsastapasaḥ śreyāṃstasmājjñānaṃ guruḥ smṛtam .. 29.110 .. ### [2.27.192](https://indike.org/pramana/in.purana.vayu.2.27.192) śrṛyante hi tapaḥsiddhāḥ kṣātropetā dvijātayaḥ. viśvāmitro narapatirmāndhātā saṃkṛtiḥ kapiḥ .. 29.111 .. ### [2.27.193](https://indike.org/pramana/in.purana.vayu.2.27.193) kapeśca purukutsaśca satyaścānṛhavānṛthuḥ ārṣṭiṣeṇo'mīḍhaśca bhāgānyonyastathaiva ca .. 29.112 .. ### [2.27.194](https://indike.org/pramana/in.purana.vayu.2.27.194) kakṣīvaścaiva śijayastathānye ca mahārathāḥ. rathītaraśca rundaśca viṣṇuvṛddhādayo nṛpāḥ .. 29.113 .. ### [2.27.195](https://indike.org/pramana/in.purana.vayu.2.27.195) kṣātropetāḥ smṛtā hyete tapasā ṛṣitāṅgatāḥ . ete rājarṣayaḥ sarvve siddhiṃ sumahatīṅgatāḥ. ata ūrddhvaṃ pravakṣyāmi ayorvaṃśaṃ mahātmanaḥ .. 29.114 .. ### [2.27.196](https://indike.org/pramana/in.purana.vayu.2.27.196) iti śrīmahāpurāṇe vāyuprokte candravaṃśakīrtanaṃ nāmonatriśo'dhyāyaḥ .. 29 .. \* ## Linked texts (9) - [Brahmāṇḍapurāṇa](https://indike.org/pramana/in.purana.brahmanda.2.64.1) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.20.2) — Sanskrit - [Brahmapurāṇa](https://indike.org/pramana/in.purana.brahma.9.2) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.16.20.47) — Sanskrit - [Critical edition (Baroda)](https://indike.org/pramana/in.lit.ramayana.valmiki*crit.1.70.9) — Sanskrit - [Vallālacarita](https://indike.org/pramana/in.lit.historical.vallalacarita.2.11.6) — Ānandabhaṭṭa 1510, Sanskrit - [Agnipurāṇa](https://indike.org/pramana/in.purana.agni.273.8) — Vyāsa, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.100.4) — Kumāra Kavi, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.9.85) — Ṭoḍaramalla 1564, Sanskrit --- Source: [https://indike.org/pramana/in.purana.vayu.2.27](https://indike.org/pramana/in.purana.vayu.2.27) · Pramāṇa