[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.32 # Vayupurana 2.32: adhyāyaḥ 32 Vāyupurāṇa 2.32 - **Language:** Sanskrit ### adhyāyaḥ 32 ### [2.32.1](https://indike.org/pramana/in.purana.vayu.2.32.1) ..sūrya uvāca.. ### [2.32.2](https://indike.org/pramana/in.purana.vayu.2.32.2) yadorvaṃśaṃ pravakṣyāmi śreṣṭhasyottamatejhasaḥ. vistareṇānupūrvyeṇa gadato me nibodhata .. 32.1 .. ### [2.32.3](https://indike.org/pramana/in.purana.vayu.2.32.3) yadoḥ putrā babhūvurhi pañca devasutopamāḥ. sahasrajidatha śreṣṭhaḥ kroṣṭurnīlo jito laghuḥ .. 32.2 .. ### [2.32.4](https://indike.org/pramana/in.purana.vayu.2.32.4) sahasrajitsutaḥ śrīmāñchatajinnāma pārthivaḥ. satajitsutā vikhyā tāstrayaḥ paramadhārmikāḥ .. 32.3 .. ### [2.32.5](https://indike.org/pramana/in.purana.vayu.2.32.5) haihayaśca hayaścaiva rājā veṇuhayaśca yaḥ. haihayasya tu dāyādo dharmmatattva iti śrutiḥ .. 32.4 .. ### [2.32.6](https://indike.org/pramana/in.purana.vayu.2.32.6) dharmmatantrastu kīrttistu saṃjñeyastasya cātmajaḥ. saṃjñeyasya tu dāyādo mahiṣmānnāma pārthivaḥ .. 32.5 .. ### [2.32.7](https://indike.org/pramana/in.purana.vayu.2.32.7) āsīnmahiṣmataḥ putro bhadraśreṇyaḥ pratāpavān. vārāṇasyadhipo rājā kathitaḥ pūrva eva hi .. 32.6 .. ### [2.32.8](https://indike.org/pramana/in.purana.vayu.2.32.8) bhadraśreṇyasya dāyādo durmado nāma pārthivaḥ. durmadasya tato dhīmān kanko nāma viśrutaḥ .. 32.7 .. ### [2.32.9](https://indike.org/pramana/in.purana.vayu.2.32.9) kanakasya tu dāyādāścatvāro lokaviśrutāḥ. kṛta vīryaḥ kārtavīryaḥ kṛtavarmā tathaiva ca .. 32.8 .. ### [2.32.10](https://indike.org/pramana/in.purana.vayu.2.32.10) kṛto jātaścaturtho'bhūtkṛtaviryāttato'rjunaḥ. jajñe bāhusahasreṇa saptadvīpeśvaro nṛpaḥ .. 32.9 .. ### [2.32.11](https://indike.org/pramana/in.purana.vayu.2.32.11) sa hi varṣāyutaṃ taptvā tapaḥ paramaduścaram. dattamārādhayāmāsa kārttavīryo'trisambhavam .. 32.10 .. ### [2.32.12](https://indike.org/pramana/in.purana.vayu.2.32.12) tasmai datto varān prādāccaturo bhūritejasaḥ. pūrvvaṃ bāhusahasrantu sa vavre prathamaṃ varam .. 32.11 .. ### [2.32.13](https://indike.org/pramana/in.purana.vayu.2.32.13) adharmme dīyamānasya sadbhistasmānnivāraṇam. dharmmeṇa pṛthivīñjitvā dharmmeṇaivānupālanam .. 32.12 .. ### [2.32.14](https://indike.org/pramana/in.purana.vayu.2.32.14) saṃgrāmāṃstu bahūn jittvā hatvā cārīn sahasraśaḥ. saṃgrāme yuddhayamānasya vadhaḥ syādadhikādraṇe .. 32.13 .. ### [2.32.15](https://indike.org/pramana/in.purana.vayu.2.32.15) teneyaṃ pṛthivī kṛtsnā saptadvīpā sapattanā . saptodadhiparikṣiptā kṣātreṇa vidhinā janāḥ .. 32.14 .. ### [2.32.16](https://indike.org/pramana/in.purana.vayu.2.32.16) tasya bāhusahasrantu yuddhyataḥ kila dhīmataḥ. yauddho dhvajo rathaścaiva prādurbhavati māyayā .. 32.15 .. ### [2.32.17](https://indike.org/pramana/in.purana.vayu.2.32.17) daśayajñasahasrāṇi teṣu dvīpeṣu saptasu. nirargalāḥ sma nirvṛttāḥ śrūyante tasya dhīmataḥ .. 32.16 .. ### [2.32.18](https://indike.org/pramana/in.purana.vayu.2.32.18) sarve yajñā mahābāhostasyāsan bhūritejasaḥ. sarve kāñcanavedīkāḥ sarve yūpaiśca kāñcanaiḥ .. 32.17 .. ### [2.32.19](https://indike.org/pramana/in.purana.vayu.2.32.19) sarve devairmmāhābhāgairvimānasthairalaṃkṛtāḥ. gandharvvairapsarobhiśca nityamevopaśobhitāḥ .. 32.18 .. ### [2.32.20](https://indike.org/pramana/in.purana.vayu.2.32.20) tasya rājño jagau gāthāṃ gandharvo nāradastathā. caritaṃ tasya rājarṣermahimānaṃ nirīkṣya ca .. 32.19 .. ### [2.32.21](https://indike.org/pramana/in.purana.vayu.2.32.21) na nūnaṃ kārttavīryasya gatiṃ yāsyanti mānavāḥ. yajñairdānaistapobhiśca vikrameṇa śrutena ca .. 32.20 .. ### [2.32.22](https://indike.org/pramana/in.purana.vayu.2.32.22) dvīpeṣu saptasu sa vai khaḍgī varaśarāsanī. rathī rājāpyanucaro'nyo'gāccaivānudṛśyate .. 32.21 .. ### [2.32.23](https://indike.org/pramana/in.purana.vayu.2.32.23) anaṣṭadravyaścaivāsīnna śoko na ca vibhramaḥ. prabhāveṇa mahārājñaḥ prajā dharmmeṇa rakṣataḥ .. 32.22 .. ### [2.32.24](https://indike.org/pramana/in.purana.vayu.2.32.24) pañcāśītisahasrāṇi varṣāṇāṃ sa narādhipaḥ. sapta sapta vārān samrāṭ cakravarttī babhūva ha .. 32.23 .. ### [2.32.25](https://indike.org/pramana/in.purana.vayu.2.32.25) sa eva paśupālo'bhūt kṣetrapālastathaiva ca. sa eva vṛṣṭyā parjanyo yogitvādarjjuno'bhavat .. 32.24 .. ### [2.32.26](https://indike.org/pramana/in.purana.vayu.2.32.26) sa vai bāhusahasreṇa jyāghātakaṭhinena ca . bhāti raśmisahasreṇa śāradeneva bhāskaraḥ .. 32.25 .. ### [2.32.27](https://indike.org/pramana/in.purana.vayu.2.32.27) sa hi nāgasahasreṇa māhiṣmatyāṃ narādhipaḥ. karkoṭakasabhāñjitvā purīṃ tatra nyaveśayat .. 32.26 .. ### [2.32.28](https://indike.org/pramana/in.purana.vayu.2.32.28) sa vai vege samudrasya prāvṛṭkālāmbujekṣaṇaḥ . krīḍanniva sukhodvignaḥ prāvṛṭkālañcakāra ha .. 32.27 .. ### [2.32.29](https://indike.org/pramana/in.purana.vayu.2.32.29) lulitā krīḍatā tena hemasragdāmamālinī. ūrmmibhrūkuṭisannādā śaṅkitābhyeti narmadā .. 32.28 .. ### [2.32.30](https://indike.org/pramana/in.purana.vayu.2.32.30) purā sa tāmanusarannavagāḍho mahārṇavam. cakāroddhṛttya velāntaṃ sa kālaḥ prāvṛṇodvanam .. 32.29 .. ### [2.32.31](https://indike.org/pramana/in.purana.vayu.2.32.31) tasya bāhu sahasreṇa kṣobhyamāṇe mahādadhau. bhavanti līnā niśceṣṭāḥ pātālasthā mahāsurāḥ .. 32.30 .. ### [2.32.32](https://indike.org/pramana/in.purana.vayu.2.32.32) cūrṇīkṛtamahāvīcilīnamīnamahāviṣāḥ. patitā viddhaphenaughamāvarttakṣiptadussaham .. 32.31 .. ### [2.32.33](https://indike.org/pramana/in.purana.vayu.2.32.33) cakāra kṣobhayanrājā doḥsahasreṇa sāgaram. devāsuraparikṣiptaṃ kṣīrodamiva sāgaram .. 32.32 .. ### [2.32.34](https://indike.org/pramana/in.purana.vayu.2.32.34) mandarakṣobhaṇakṛtā hyamṛtodakaśaṅki tāḥ. sahasotpāditā bhītā bhīmaṃ dṛṣṭvā nṛpottamam .. 32.33 .. ### [2.32.35](https://indike.org/pramana/in.purana.vayu.2.32.35) nataniścalamūrddhāno babhūvuśca mahoragāḥ. sāyāhne kadalīṣaṇḍā nirvātastimitā iva .. 32.34 .. ### [2.32.36](https://indike.org/pramana/in.purana.vayu.2.32.36) sa vai baddhvā dhanuryāna utsiktaḥ pañcabhiḥ śataiḥ. laṅkāyāṃ mohayitvā tu sabalaṃ rāvaṇaṃ balāt. nirjitya baddhvā cānīya māhiṣmatyāṃ babandha tam .. 32.35 .. ### [2.32.37](https://indike.org/pramana/in.purana.vayu.2.32.37) tato gatvā pulastyastu arjunaṃ ca prasādayat. mumoca rājā paulastyaṃ pulastyenānupālitam .. 32.36 .. ### [2.32.38](https://indike.org/pramana/in.purana.vayu.2.32.38) tasya bāhusahasrasya babhūva jyātalasvanaḥ. yugānte'mbudavṛkṣasya sphuṭitasyāśaneriva .. 32.37 .. ### [2.32.39](https://indike.org/pramana/in.purana.vayu.2.32.39) aho mṛdhe mahāvīryaṃ bhārgavo yasya so'cchinat. mṛdhe sahasraṃ bāhūnāṃ hematālavanaṃ yathā .. 32.38 .. ### [2.32.40](https://indike.org/pramana/in.purana.vayu.2.32.40) tṛṣitena kadācitsa bhikṣitaścitrabhānunā. sapta dvīpāṃścitrabhānoḥ prādādbhikṣāṃ viśāmpatiḥ .. 32.39 .. ### [2.32.41](https://indike.org/pramana/in.purana.vayu.2.32.41) purāṇi ghoṣān grāmāṃśca pattanāni ca sarvvaśaḥ.. ### [2.32.42](https://indike.org/pramana/in.purana.vayu.2.32.42) jajvāla tasya bāṇeṣu citrabhānurdidhakṣayā .. 32.40 .. ### [2.32.43](https://indike.org/pramana/in.purana.vayu.2.32.43) sa tasya puruṣendrasya prabhāveṇa mahāyaśāḥ. dadāha kārtavīryasya śailāṃścāpi vanāni ca .. 32.41 .. ### [2.32.44](https://indike.org/pramana/in.purana.vayu.2.32.44) sa śūnyamāśramaṃ sarvaṃ varuṇasyātmajasya vai. dadoha savanadvīpāṃścitrabhānuḥ sahaihayaḥ .. 32.42 .. ### [2.32.45](https://indike.org/pramana/in.purana.vayu.2.32.45) saṃlebhe varuṇaḥ putraṃ purā bhāsvinamuttamam. vasiṣṭhanāmā sa muniḥ khyātaścāpaḥ śritaḥ śrutaḥ .. 32.43 .. ### [2.32.46](https://indike.org/pramana/in.purana.vayu.2.32.46) tatrāpadastadā krodhādarjunaṃ śaptavānvibhuḥ. yasmānna varjitamidaṃ vanaṃ te mama haihaya .. 32.44 .. ### [2.32.47](https://indike.org/pramana/in.purana.vayu.2.32.47) tasmāt te duṣkaraṃ karmma kṛtamanyo haniṣyati. arjuno nāma kaunteyo na ca rājā bhaviṣyati .. 32.45 .. ### [2.32.48](https://indike.org/pramana/in.purana.vayu.2.32.48) arjuna tvāṃ mahāvīryo rāmaḥ praharatāṃ varaḥ. chittvā bāhusahasraṃ vai pramathya tarasā balīṃ .. 32.46 .. ### [2.32.49](https://indike.org/pramana/in.purana.vayu.2.32.49) tapasvī brāhmaṇaścaiva vadhiṣyati mahābalaḥ. tasya rāmastadā hyāsīnmṛtyuśāpena dhīmataḥ .. 32.47 .. ### [2.32.50](https://indike.org/pramana/in.purana.vayu.2.32.50) rājñā tena varaścaiva svayameva vṛtaḥ purā. tasya putraśataṃ hyāsīt pañca tatra mahārathāḥ .. 32.48 .. ### [2.32.51](https://indike.org/pramana/in.purana.vayu.2.32.51) kṛtāstrā balinaḥ śūrā dharmmātmāno yaśasvanaḥ . śūraśca śūrasenaśca vṛṣṭyādyaṃ vṛṣa eva ca .. 32.49 .. ### [2.32.52](https://indike.org/pramana/in.purana.vayu.2.32.52) jayadhvajaśca vai putrā avantiṣu viśāṃpateḥ. jayadhvajasya putrastu tālajaṅghaḥ pratāpavān .. 32.50 .. ### [2.32.53](https://indike.org/pramana/in.purana.vayu.2.32.53) tasya putraśataṃ hyeva tālajaṅghā iti śrutam. teṣāṃ pañca gaṇāḥ khyātā haihayānāṃ mahātmanām .. 32.51 .. ### [2.32.54](https://indike.org/pramana/in.purana.vayu.2.32.54) vīrahotrā hyasaṅkhyātā bhojāścāvartayastathā. tuṇḍikerāśca vikrāntāstālajaṅghāstathaiva ca .. 32.52 .. ### [2.32.55](https://indike.org/pramana/in.purana.vayu.2.32.55) vīrahotrasutaścāpi ananto nāma pārthivaḥ. durjayastasya putrastu babhūvāmitradarśanaḥ .. 32.53 .. ### [2.32.56](https://indike.org/pramana/in.purana.vayu.2.32.56) anaṣṭadravyatā caiva tasya rājño babhūva ha. prabhāveṇa mahārājaḥ prajāstāḥ paryyapālayat .. 32.54 .. ### [2.32.57](https://indike.org/pramana/in.purana.vayu.2.32.57) na tasya vittanāśaśca naṣṭaṃ pratilabheta saḥ. kārtavīryasya yo janma kathayediha dhīmataḥ .. 32.55 .. ### [2.32.58](https://indike.org/pramana/in.purana.vayu.2.32.58) vittavān bhavatyatraiva dharmmaścāsya vivarddhate. yathā tvaṣṭā yathā dātā tathā svarge mahīyate .. 32.56 .. ### [2.32.59](https://indike.org/pramana/in.purana.vayu.2.32.59) iti śrīmahāpurāṇe vāyuprokte kārttavīryyārjunotpattivivaraṇaṃ nāma dvātriṃśo'dhyāyaḥ .. 32 .. ## Linked texts (7) - [Brahmāṇḍapurāṇa](https://indike.org/pramana/in.purana.brahmanda.2.69.2) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.33.1) — Sanskrit - [Brahmapurāṇa](https://indike.org/pramana/in.purana.brahma.13.158) — Vyāsa, Sanskrit - [Padmapurāṇa](https://indike.org/pramana/in.purana.padma.1.12.108) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.68.2) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.11.25) — Ānandabhaṭṭa 1510, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.77.3) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.2.32](https://indike.org/pramana/in.purana.vayu.2.32) · Pramāṇa