[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.33 # Vayupurana 2.33: adhyāyaḥ 33 Vāyupurāṇa 2.33 - **Language:** Sanskrit ### adhyāyaḥ 33 ### [2.33.1](https://indike.org/pramana/in.purana.vayu.2.33.1) ṛṣaya ūcuḥ.. ### [2.33.2](https://indike.org/pramana/in.purana.vayu.2.33.2) kimarthaṃ bhuvanaṃ dagdhamapavasyaṃ mahātmanām. kārtavīryeṇa vikramya tannaḥ prabrūhi pṛcchatām .. 33.1 .. ### [2.33.3](https://indike.org/pramana/in.purana.vayu.2.33.3) rakṣitā sa tu rājarṣiḥ prajānāmiti naḥ śrutam. kathaṃ sa rakṣitā bhūtvānāśayattattapovanam .. 33.2 .. ### [2.33.4](https://indike.org/pramana/in.purana.vayu.2.33.4) sūta uvāca.. ### [2.33.5](https://indike.org/pramana/in.purana.vayu.2.33.5) ādityo viprarūpeṇa kārtavīryamupasthitaḥ. tṛptikāmaḥ prayacchānnamādityo'haṃ na saṃśayaḥ .. 33.3 .. ### [2.33.6](https://indike.org/pramana/in.purana.vayu.2.33.6) rājovāca.. ### [2.33.7](https://indike.org/pramana/in.purana.vayu.2.33.7) bhagavan kena te tuṣṭirbhavedbrūhi divākara. kīdṛśaṃ bhojanaṃ dajhi śrutvā ca vidadhāmyaham .. 33.4 .. ### [2.33.8](https://indike.org/pramana/in.purana.vayu.2.33.8) sūrya uvāca.. ### [2.33.9](https://indike.org/pramana/in.purana.vayu.2.33.9) sthāvaraṃ dehi me sarvamāhāraṃ dadatāṃ vara. tena tṛpto bhaveyaṃ vai na tuṣye'nyena pārthiva .. 33.5 .. ### [2.33.10](https://indike.org/pramana/in.purana.vayu.2.33.10) rājovāca .. ### [2.33.11](https://indike.org/pramana/in.purana.vayu.2.33.11) na śakyaṃ sthāvaraṃ sarvvaṃ tejasā mānuṣeṇa tu. nirddagdhuṃ tapatāṃ śreṣṭha tvāmeva praṇamāmyaham .. 33.6 .. ### [2.33.12](https://indike.org/pramana/in.purana.vayu.2.33.12) āditya uvāca.. ### [2.33.13](https://indike.org/pramana/in.purana.vayu.2.33.13) tuṣṭaste'haṃ śarān dajhi akṣayān sarvataḥ sukhān. prakṣiptāḥ prajvaliṣyanti mama tejaḥsamanvitāḥ .. 33.7 .. ### [2.33.14](https://indike.org/pramana/in.purana.vayu.2.33.14) ādiṣṭaṃ tejasā meghasāgaraṃ śoṣayiṣyati. śuṣkaṃ bhasma kariṣyāmi tena prīto narādhipa .. 33.8 .. ### [2.33.15](https://indike.org/pramana/in.purana.vayu.2.33.15) tataḥ śarānathādityastvarjunāya prayacchati. tataḥ saṃprāpya sumahatsthāvaraṃ sarvvameva hi .. 33.9 .. ### [2.33.16](https://indike.org/pramana/in.purana.vayu.2.33.16) āśramānatha grāmāṃśca ghoṣāṃśca nagarāṇi ca. tapovanāni ramyāṇi vanānyupavanāni ca .. 33.10 .. ### [2.33.17](https://indike.org/pramana/in.purana.vayu.2.33.17) evaṃ prācīnamadahattataḥ sūryyapradakṣiṇam. nirvṛkṣā nistṛṇā bhūmirdagdhā sūryeṇa tejasā .. 33.11 .. ### [2.33.18](https://indike.org/pramana/in.purana.vayu.2.33.18) etasminneva kāle tu apo nilayamāśritaḥ. daśavarṣasahasrāṇi jalavāsā mahānṛṣiḥ .. 33.12 .. ### [2.33.19](https://indike.org/pramana/in.purana.vayu.2.33.19) pūrṇe vrate mahātejā udatiṣṭhattapodhanaḥ. so'paśyadāśramaṃ dagdhamarjunena mahānṛṣiḥ. krodhācchaśāpa rājarṣiṃ kīrttitaṃ vo yathā mayā .. 33.13 .. ### [2.33.20](https://indike.org/pramana/in.purana.vayu.2.33.20) sūta uvāca.. ### [2.33.21](https://indike.org/pramana/in.purana.vayu.2.33.21) kroṣṭoḥ śrṛṇuta rājarṣervaṃśamuttamapūruṣam. yasyānvavāye saṃbhūto vṛṣṇirvṛṣṇikulodvahaḥ .. 33.14 .. ### [2.33.22](https://indike.org/pramana/in.purana.vayu.2.33.22) kroṣṭoreko'bhavat putro vṛjinīvān mahāyaśāḥ. vārjinīvatamicchanti svāhiṃ svāhovatāṃ varam .. 33.15 .. ### [2.33.23](https://indike.org/pramana/in.purana.vayu.2.33.23) svāheḥ putro'bhavadrājā raśādurdadatāṃ varaḥ. ghṛtamprasūtamicchanti raśādoragryamātmajam .. 33.16 .. ### [2.33.24](https://indike.org/pramana/in.purana.vayu.2.33.24) mahākratubhirīje sa vividhairāptadakṣiṇaiḥ. citraiścitrarathastasya putra karmmabhiranvitaḥ .. 33.17 .. ### [2.33.25](https://indike.org/pramana/in.purana.vayu.2.33.25) evaṃ citraratho vīro yajñān vipuladakṣiṇān. śaśabinduḥ paraṃ vṛtto rājarṣīṇāmanuṣṭhitaḥ .. 33.18 .. ### [2.33.26](https://indike.org/pramana/in.purana.vayu.2.33.26) cakravarttī mahāsattvo mahāvīryo bahuprajaḥ. tatrānuvaṃśaśloko'yaṃ yasmin gītaḥ purāvidaiḥ .. 33.19 .. ### [2.33.27](https://indike.org/pramana/in.purana.vayu.2.33.27) śaśabindostu putrāṇāṃ śatānāmabhavacchatam. dhīmatāmanurūpāṇāṃ bhūridraviṇatejasām .. 33.20 .. ### [2.33.28](https://indike.org/pramana/in.purana.vayu.2.33.28) teṣāṃ ṣaṭ ca pradhānāstu pṛthuṣāṭkā mahābalāḥ. pṛthuśravā pṛthuyaśāḥ pṛthudharmmā pṛthuñjayaḥ .. 33.21 .. ### [2.33.29](https://indike.org/pramana/in.purana.vayu.2.33.29) pṛthukīrttiḥ pṛthundātā rājānaḥ śāśibindavāḥ. śaṃsanti ca purāṇāni pārthaśravasamantaram. antaraḥ sa purā yastu yajñasya tanayo'bhavat .. 33.22 .. ### [2.33.30](https://indike.org/pramana/in.purana.vayu.2.33.30) uśanā sutadharmmātmā avāpya pṛthivīmimām. ājahārāśvamedhānāṃ śatamuttamadhārmmikaḥ .. 33.23 .. ### [2.33.31](https://indike.org/pramana/in.purana.vayu.2.33.31) maruttastasya tanayo rājarṣīṇāmanuṣṭhitaḥ. vīraḥ kambalabarhistu maruttatanayaḥ smṛtaḥ .. 33.24 .. ### [2.33.32](https://indike.org/pramana/in.purana.vayu.2.33.32) putrastu rukmakavaco vidvān kambalavarhiṣaḥ. nihatya rukmakavacaḥ purā kavacino raṇe .. 33.25 .. ### [2.33.33](https://indike.org/pramana/in.purana.vayu.2.33.33) dhanvino niśitairbāṇairavāpa śriyamuttamām. brāhmaṇebhyo dadau vittamaśvamedhamahāyaśāḥ .. 33.26 .. ### [2.33.34](https://indike.org/pramana/in.purana.vayu.2.33.34) rājñastu rukmakavacādaparāvṛttya vīrahāḥ. jajñire pañca putrāstu mahāsattvā mahābalāḥ .. 33.27 .. ### [2.33.35](https://indike.org/pramana/in.purana.vayu.2.33.35) rukmeṣuḥ pṛthurukmaśca jyāmaghaḥ parigho hariḥ. parighañca hariñcaiva videhe sthāpayatpitā .. 33.28 .. ### [2.33.36](https://indike.org/pramana/in.purana.vayu.2.33.36) brahmeṣurabhavadrājā pṛthurukmastadāśrayaḥ. tebhyaḥ pravrajito rājyā jjyāmagho'bhavadāśrame .. 33.29 .. ### [2.33.37](https://indike.org/pramana/in.purana.vayu.2.33.37) praśāntastu vane ghore brāhmaṇenāvabodhitaḥ. jagāma dhanurādāya deśamadhyaṃ rathī dhvajī .. 33.30 .. ### [2.33.38](https://indike.org/pramana/in.purana.vayu.2.33.38) narmmadānūpa ekākī mekalāvṛttikā api. ṛkṣavantaṃ giriṃ gatvā śuktimanyāmathāviśat .. 33.31 .. ### [2.33.39](https://indike.org/pramana/in.purana.vayu.2.33.39) jyāmaghasyābhavadbhāryā śaibhyā balavatī bhṛśam. aputro'pi sa vai rājā bhāryāmanyāṃ na vindati .. 33.32 .. ### [2.33.40](https://indike.org/pramana/in.purana.vayu.2.33.40) tasyāsīdvijayo yuddhe tataḥ kanyāmavāpa saḥ. bhāryāmuvāca rājā sa snuṣeti tu nareśvaraḥ .. 33.33 .. ### [2.33.41](https://indike.org/pramana/in.purana.vayu.2.33.41) evamuktābravīdevaṃ kāmye yante snuṣeti sā. yaste janiṣyate putrastasya bhāryā bhaviṣyati .. 33.34 .. ### [2.33.42](https://indike.org/pramana/in.purana.vayu.2.33.42) tasya sā tapasogreṇa śaibyā vaiśaṃ prasūyata . putraṃ vidarbhaṃ subhagā śaibyā pariṇatā satī .. 33.35 .. ### [2.33.43](https://indike.org/pramana/in.purana.vayu.2.33.43) rājaputrau tu vidvāṃsau snuṣāyāṃ krathukauśikau. putrau vidarbho'janayacchūrau raṇaviśāradau .. 33.36 .. ### [2.33.44](https://indike.org/pramana/in.purana.vayu.2.33.44) lomapādaṃ tṛtīyantu paścājjajñe sudhārmikaḥ. loma pādātmajovasturāhṛtistasya cātmajaḥ .. 33.37 .. ### [2.33.45](https://indike.org/pramana/in.purana.vayu.2.33.45) kauśikasya cidiḥ putrastasmāccaidyā nṛpāḥ smṛtāḥ . krathorvidarbhaputrastu kuntistasyātmajo'bhavat .. 33.38 .. ### [2.33.46](https://indike.org/pramana/in.purana.vayu.2.33.46) kunterdhṛṣṭasuto jajñe purodhṛṣṭaḥ pratāpavān . dhṛṣṭasya putro dharmātmā nirvṛtiḥ paravīrahā .. 33.39 .. ### [2.33.47](https://indike.org/pramana/in.purana.vayu.2.33.47) tasya putro daśārhastu mahābalaparākramaḥ. daśarhasya suto vyomā tato jīmūta ucyate .. 33.40 .. ### [2.33.48](https://indike.org/pramana/in.purana.vayu.2.33.48) jīmūtaputro vikṛtistasya bhīmarathaḥ sutaḥ. atha bhīmarathasyāsīt putro rathavaraḥ kila .. 33.41 .. ### [2.33.49](https://indike.org/pramana/in.purana.vayu.2.33.49) dātā dharmmarato nityaṃ śīlasatyaparāyaṇaḥ. tasya putro navarathastato daśarathaḥ smṛtaḥ .. 33.42 .. ### [2.33.50](https://indike.org/pramana/in.purana.vayu.2.33.50) tasya caikādaśarathaḥ śakunistasya cātmajaḥ. tasmāt karambhako dhanvī devarāto'bhavattataḥ .. 33.43 .. ### [2.33.51](https://indike.org/pramana/in.purana.vayu.2.33.51) devakṣatro'bhavadrājā devarātirmmahāyaśāḥ. devakṣatrasuto jajñe devanaḥ kṣatranandanaḥ .. 33.44 .. ### [2.33.52](https://indike.org/pramana/in.purana.vayu.2.33.52) devanāt sa madhurjajñe yasya medhārthasambhavaḥ. madhoścāpi mahātejā manurmanuvaśastathā .. 33.45 .. ### [2.33.53](https://indike.org/pramana/in.purana.vayu.2.33.53) nandanaśca mahātejā mahāpuruvaśastathā. āsīt puruvaśāt putraḥ purudvān puruṣottamaḥ .. 33.46 .. ### [2.33.54](https://indike.org/pramana/in.purana.vayu.2.33.54) jajñe purudvataḥ putro bhadravatyāṃ purūdvahaḥ. aikṣākī tvabhavadbhāryā sattvastasyāmajāyata. sattvāt sattvaguṇo petaḥ sāttvataḥ kīrtivarddhanaḥ .. 33.47 .. ### [2.33.55](https://indike.org/pramana/in.purana.vayu.2.33.55) imāṃ visṛṣṭiṃ vijñāya jyāmaghasya mahātmanaḥ. prajāvāneti sāyujyaṃ rājñaḥ somasya dhīmataḥ .. 33.48 .. ### [2.33.56](https://indike.org/pramana/in.purana.vayu.2.33.56) iti śrīmahā purāṇe vāyuprokte jyāmaghavṛttāntakathanaṃ nāma trayastriṃśo'dhyāyaḥ .. 33 .. \* ## Linked texts (6) - [Vulgate](https://indike.org/pramana/in.lit.mahabharata.harivamsa*vulgate.1.36.1.36.10) — Sanskrit - [Liṅgapurāṇa](https://indike.org/pramana/in.purana.linga.1.68.22) — Vyāsa, Sanskrit - [Padmapurāṇa](https://indike.org/pramana/in.purana.padma.1.13.9) — Vyāsa, Sanskrit - [Brahmapurāṇa](https://indike.org/pramana/in.purana.brahma.15.1) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.70.1) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.77.23) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.2.33](https://indike.org/pramana/in.purana.vayu.2.33) · Pramāṇa