[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.34 # Vayupurana 2.34: adhyāyaḥ 34 Vāyupurāṇa 2.34 - **Language:** Sanskrit ### adhyāyaḥ 34 ### [2.34.1](https://indike.org/pramana/in.purana.vayu.2.34.1) sūta uvāca.. ### [2.34.2](https://indike.org/pramana/in.purana.vayu.2.34.2) sātvatī rūpasampannaṃ kauśalyā suṣuve sutam. bhajinaṃ bhajamānaṃ ca divyaṃ devāvṛdhaṃ nṛpam .. 34.1 .. ### [2.34.3](https://indike.org/pramana/in.purana.vayu.2.34.3) andhakañca sahābhojaṃ vṛṣṇiñca yadunandanam. teṣāṃ hi sargāścatvāraḥ śrṛṇudhvaṃ vistareṇa vai .. 34.2 .. ### [2.34.4](https://indike.org/pramana/in.purana.vayu.2.34.4) bhajamānasya śrṛñjayyāṃ bāhyaścopari bāhyakaḥ. śrṛñjayasya sute dve tu bāhyakaste udāvahat .. 34.3 .. ### [2.34.5](https://indike.org/pramana/in.purana.vayu.2.34.5) tasya bhārye bhaginyau te prāsūteti sutān bahūn. nimiśca paṇavaścaiva vṛṣṇiḥ parapurañjayaḥ .. 34.4 .. ### [2.34.6](https://indike.org/pramana/in.purana.vayu.2.34.6) ye bāhyakāryyaśrṛñjayyāṃ bhajamānādvijajñire. ayutāyutasāhasra śatajidatha vāmakaḥ .. 34.5 .. ### [2.34.7](https://indike.org/pramana/in.purana.vayu.2.34.7) bāhyakāryyābhaginyāṃ ye bhajamānā dvijajñire. teṣāṃ devāvṛdho rājā cacāra paramaṃ tapaḥ .. 34.6 .. ### [2.34.8](https://indike.org/pramana/in.purana.vayu.2.34.8) putraḥ sarvaguṇopeto mama bhūyāditi sma ha. saṃyojyātmānamevaṃ savarṇā sā jalamaspṛśat .. 34.7 .. ### [2.34.9](https://indike.org/pramana/in.purana.vayu.2.34.9) sā copasparśanāttasya cakāra ṛṣimāpagā. kalyāṇañca narapatestasya sā nimnagottamā .. 34.8 .. ### [2.34.10](https://indike.org/pramana/in.purana.vayu.2.34.10) cintayābhiparītāṅgā jagāmātha viniścayam. nādhigacchāmi tāṃ nārīṃ yasyāmevaṃvidhaḥ sutaḥ .. 34.9 .. ### [2.34.11](https://indike.org/pramana/in.purana.vayu.2.34.11) bhavetsarvaguṇopeto rājño devāvṛdhasya hi. tasmādasya svayaṃ cāhaṃ bhavāmyadya sahavratā. jajñe tasyāḥ svayaṃ hasto bhāvastasya yatheritaḥ .. 34.10 .. ### [2.34.12](https://indike.org/pramana/in.purana.vayu.2.34.12) atha bhūtvā kumārī tu sāvitrī paramaṃ vacaḥ. cintayāmāsa rājānaṃ tāmiyeṣa sa parthivaḥ .. 34.11 .. ### [2.34.13](https://indike.org/pramana/in.purana.vayu.2.34.13) tasyāmādhatta garbhaṃ sa tejasvinamudāradhīḥ. atha sā navame māsi suṣuve saritāṃvarā .. 34.12 .. ### [2.34.14](https://indike.org/pramana/in.purana.vayu.2.34.14) putraṃ sarvaguṇopetaṃ yathā devāvṛdhepsitaḥ. tatra vaṃśe purāṇajñā gāthāṃ gāyanti vai dvijāḥ .. 34.13 .. ### [2.34.15](https://indike.org/pramana/in.purana.vayu.2.34.15) guṇān devāvṛdhasyāpi kīrttayanto mahātmanaḥ. yathaiva śrṛṇute dūrāt saṃpaśyati tathāntikāt .. 34.14 .. ### [2.34.16](https://indike.org/pramana/in.purana.vayu.2.34.16) babhruḥ śreṣṭho manuṣyāṇāṃ devairdevāvṛdhaḥ samaḥ. puruṣāḥ pañcaṣaṣṭiśca sahasrāṇi ca saptatiḥ. ye'mṛtatvamanuprāptā babhrurdevāvṛdhādapi .. 34.15 .. ### [2.34.17](https://indike.org/pramana/in.purana.vayu.2.34.17) yajvā dānapatirvīro brahmaṇyaḥ satya vāg budhaḥ. kīrttimāṃśca mahābhāgaḥ sāttvatānāṃ mahārathaḥ .. 34.16 .. ### [2.34.18](https://indike.org/pramana/in.purana.vayu.2.34.18) tasyānvavāye sumahābhojayemārtikāvalāḥ. gāndhārī caiva mādrī ca vṛṣṇerbhāryye babhūvatuḥ .. 34.17 .. ### [2.34.19](https://indike.org/pramana/in.purana.vayu.2.34.19) gāndhārī janayāmāsa sumitraṃ mitranandanam. mādrī yudhājitaṃ putraṃ sā tu vai devamīḍhuṣam .. 34.18 .. ### [2.34.20](https://indike.org/pramana/in.purana.vayu.2.34.20) anamitraṃ sutañcaiva tāvubhau puruṣottamau. anamitrasuto nighno nighnasya dvau babhūvatuḥ .. 34.19 .. ### [2.34.21](https://indike.org/pramana/in.purana.vayu.2.34.21) prasenaśca mahābhāgaḥ śakrajicca sutāvubhau. tasya śakrajitaḥ pūrvaḥ sakhā prāṇasamo'bhavat .. 34.20 .. ### [2.34.22](https://indike.org/pramana/in.purana.vayu.2.34.22) sa kadācinniśāpāye rathena rathināṃvaraḥ. toyakūlādapaḥ spraṣṭumupasthātuṃ yayau ravim .. 34.21 .. ### [2.34.23](https://indike.org/pramana/in.purana.vayu.2.34.23) tasyopatiṣṭhataḥ sūryo vivasvānagrataḥ sthitaḥ. aspaṣṭamūrtirbhagavāṃ stejomaṇḍalavān vibhuḥ .. 34.22 .. ### [2.34.24](https://indike.org/pramana/in.purana.vayu.2.34.24) atha rājā vivasvantamuvāca sthitamagrataḥ. yathaiva vyomni paśyāmi tvāmahaṃ jyotiṣāmpate .. 34.23 .. ### [2.34.25](https://indike.org/pramana/in.purana.vayu.2.34.25) tejomaṇḍalinañcaiva tathaivāpyagrataḥ sthitam. ko viśeṣo vivasvaṃste sākṣādupagatena vai .. 34.24 .. ### [2.34.26](https://indike.org/pramana/in.purana.vayu.2.34.26) etacchrutvā sa bhagavān maṇiratnaṃ syamantakam. svakaṇṭhādavamucyātha babandha nṛpatestadā .. 34.25 .. ### [2.34.27](https://indike.org/pramana/in.purana.vayu.2.34.27) tato vigrahavantaṃ taṃ dadarśa nṛpatistadā. pratimāmatha tāṃ dṛṣṭvā muhūrttaṃ kṛtavāṃstathā .. 34.26 .. ### [2.34.28](https://indike.org/pramana/in.purana.vayu.2.34.28) tamatiprasthitaṃ bhūyo vivasvantaṃ sa śakrajit. provācāgnisavarṇaṃ tvaṃ yena lokān prayāsyati. tadaiva maṇiratnaṃ tanmāṃ bhavān dātumarhati .. 34.27 .. ### [2.34.29](https://indike.org/pramana/in.purana.vayu.2.34.29) syamantakaṃ nāma maṇiṃ dattavāṃstasya bhāskaraḥ. sa tamābaddhya nagaraṃ praviveśa mahīpatiḥ .. 34.28 .. ### [2.34.30](https://indike.org/pramana/in.purana.vayu.2.34.30) taṃ janāḥ paryadhāvanta sūryo'yaṃ gacchatīti ha. sabhāṃ vismāyayitvātha purīmantaḥpuraṃ tathā .. 34.29 .. ### [2.34.31](https://indike.org/pramana/in.purana.vayu.2.34.31) taṃ prasenijite divyaṃ maṇiratnaṃ syamantakam. dadau bhrātre narapatiḥ premṇā śakrajiduttamam .. 34.30 .. ### [2.34.32](https://indike.org/pramana/in.purana.vayu.2.34.32) syamantako nāma maṇiryasya rāṣṭre sthito bhevat . kālavarṣī ca parjanyo na ca vyādhibhayaṃ tadā .. 34.31 .. ### [2.34.33](https://indike.org/pramana/in.purana.vayu.2.34.33) lipsāṃ cakre prasenāttu maṇiratnaṃ syamantakam. govindo na ca taṃ lebhe śakto'pi na jahāra ca .. 34.32 .. ### [2.34.34](https://indike.org/pramana/in.purana.vayu.2.34.34) kadā cinmṛgayāṃ yātaḥ prasenastena bhūṣitaḥ. syamantakakṛte siṃhādvadhaṃ prāptaḥ sudāruṇam .. 34.33 .. ### [2.34.35](https://indike.org/pramana/in.purana.vayu.2.34.35) jāmbavānṛkṣarājastu taṃ siṃhaṃ nijaghāna vai . ādāya ca maṇiṃ divyaṃ svaṃ bilaṃ praviveśa ha .. 34.34 .. ### [2.34.36](https://indike.org/pramana/in.purana.vayu.2.34.36) tatkarma kṛṣṇasya tato vṛṣṇyandhakamahattarāḥ. maṇaugṛdhnuntu manvānāstameva viśaśaṅkire .. 34.35 .. ### [2.34.37](https://indike.org/pramana/in.purana.vayu.2.34.37) mithyābhiśastiṃ tebhyastāṃ balavānarisūdanaḥ. amṛṣyamāṇo bhagavān vanaṃ sa vicacāra ha .. 34.36 .. ### [2.34.38](https://indike.org/pramana/in.purana.vayu.2.34.38) sa tu prasenamṛgayāmacarattatra cāpyatha. prasenasya padaṃ gṛhya puruṣai rāptakāribhiḥ .. 34.37 .. ### [2.34.39](https://indike.org/pramana/in.purana.vayu.2.34.39) ṛkṣavantaṃ girivaraṃ vindhyañca nagamuttamam. anveṣaṇapariśrāntaḥ sa dadarśa mahāmanāḥ .. 34.38 .. ### [2.34.40](https://indike.org/pramana/in.purana.vayu.2.34.40) sāśvaṃ hataṃ prasenaṃ taṃ nāvindattatra vai maṇim. atha siṃhaḥ prasenasya śarīrasyāvidūrataḥ .. 34.39 .. ### [2.34.41](https://indike.org/pramana/in.purana.vayu.2.34.41) ṛkṣeṇa nihato dṛṣṭaḥ pādaiṛkṣasya sūcitām. padairanveṣayāmāsa guhāmṛkṣasya yādavaḥ .. 34.40 .. ### [2.34.42](https://indike.org/pramana/in.purana.vayu.2.34.42) mahatyatibile vāṇīṃ śuśrāva pramaderitām. dhātryā kumāramādāya sutaṃ jāmbavato dvijāḥ. prītimatyātha maṇinā mārodīrityudīritām .. 34.41 .. ### [2.34.43](https://indike.org/pramana/in.purana.vayu.2.34.43) ..dhātryuvāca.. ### [2.34.44](https://indike.org/pramana/in.purana.vayu.2.34.44) prasenamavadhīt siṃhaḥ siṃho jāmbavatā hataḥ. sukumāraka mārodīstava hyeṣa syamantakaḥ .. 34.42 .. ### [2.34.45](https://indike.org/pramana/in.purana.vayu.2.34.45) vyaktīkṛtañca śabdaṃ taṃ tūrṇaṃ so'pi yayau bilam. apaśyacca vilābhyāśe prasenamavadāritam.. 34.43 .. ### [2.34.46](https://indike.org/pramana/in.purana.vayu.2.34.46) praviśya cāpi bhagavāstadṛkṣabilamañjasā. dadarśa ṛkṣarājānaṃ jāmbavantamudāradhīḥ .. 34.44 .. ### [2.34.47](https://indike.org/pramana/in.purana.vayu.2.34.47) yuyudhe vāsudevastu bile jāmbavatā saha. bāhubhyāmeva govindo divasānekaviṃśatim .. 34.45 .. ### [2.34.48](https://indike.org/pramana/in.purana.vayu.2.34.48) praviṣṭe ca bilaṃ kṛṣṇe vāsudeva puraḥsarāḥ . punardvāravatīmetya hataṃ kṛṣṇaṃ nyavedayan .. 34.46 .. ### [2.34.49](https://indike.org/pramana/in.purana.vayu.2.34.49) vāsudevastu nirjitya jāmbavantaṃ mahābalam. lebhe jāmbavatīṃ kanyāmṛkṣarājasya sammatām .. 34.47 .. ### [2.34.50](https://indike.org/pramana/in.purana.vayu.2.34.50) bhagavattejasā grasto jāmbavān prasabhaṃ maṇim. sutāṃ jāmbavatīmāśu viṣvaksenāya dattavān .. 34.48 .. ### [2.34.51](https://indike.org/pramana/in.purana.vayu.2.34.51) maṇiṃ syamantakaṃ caiva jagrāhātma viśuddhaye. anunīya ṛkṣarājaṃ niryayau ca tadā bilāt .. 34.49 .. ### [2.34.52](https://indike.org/pramana/in.purana.vayu.2.34.52) evaṃ sa maṇimādāya viśoddhyātmānamātmanā. dadau satrājite taṃ vai maṇiṃ sātvatasannidhau .. 34.50 .. ### [2.34.53](https://indike.org/pramana/in.purana.vayu.2.34.53) kanyāṃ punarjāmbavatīmuvāca madhusūdanaḥ. tasmānmithyābhiśāpāt sa vyamucyata janārdanaḥ .. 34.51 .. ### [2.34.54](https://indike.org/pramana/in.purana.vayu.2.34.54) imāṃ mithyābhiśastiṃ yaḥ kṛṣṇasyeha vyapohitām. veda mithyābhiśasteḥ sa nābhiśasyati karhicit .. 34.52 .. ### [2.34.55](https://indike.org/pramana/in.purana.vayu.2.34.55) daśa svasṛbhyo bhāryyābhyaḥ śatrajittaḥ śataṃ sutāḥ. khyātimantastrayasteṣāṃ bhaṅgakārastu pūrvvajaḥ. vīro vratapatiścaiva hyapasvāntaśca supriyaḥ .. 34.53 .. ### [2.34.56](https://indike.org/pramana/in.purana.vayu.2.34.56) atha dvāravatī nāma bhaṅgakārasya suprajā. suṣuve sā kumārīstu tisro rūpaguṇānvitāḥ .. 34.54 .. ### [2.34.57](https://indike.org/pramana/in.purana.vayu.2.34.57) satya bhāmottamā strīṇāṃ vratinīva dṛḍhavratā. tathā tapasvinī caiva pitā kṛṣṇasya tāṃ dadau .. 34.55 .. ### [2.34.58](https://indike.org/pramana/in.purana.vayu.2.34.58) yattat satrājite kṛṣṇo maṇiratnaṃ syamantakam. prādāttadāharadratnaṃ bhojena śatadhanvanā .. 34.56 .. ### [2.34.59](https://indike.org/pramana/in.purana.vayu.2.34.59) tadā hi prārthayāmāsa satyabhāmāmaninditām. akrūro ratnamanvicchan maṇiñcaiva syamantakam .. 34.57 .. ### [2.34.60](https://indike.org/pramana/in.purana.vayu.2.34.60) bhadrakāraṃ tato hatvā śatadhanvā mahābalaḥ. rātrau taṃ maṇimādāya tato'krūrāya dattavān .. 34.58 .. ### [2.34.61](https://indike.org/pramana/in.purana.vayu.2.34.61) akrūrastu tadā ratnamādāya sa nararṣabhaḥ. samayaṃ kāraṇaṃ cakre bodhyo nānyaistvayetyuta .. 34.59 .. ### [2.34.62](https://indike.org/pramana/in.purana.vayu.2.34.62) vayamabhyupapatsyāmaḥ kṛṣṇena tvaṃ pradharṣitaḥ. mama ca dvārakāḥ sarvā vaśe tiṣṭantyasaṃśayam .. 34.60 .. ### [2.34.63](https://indike.org/pramana/in.purana.vayu.2.34.63) hate pitari duḥśārttā satyabhāmā yaśasvinī. prayayau rathamāruhya nagaraṃ vāraṇāvatam .. 34.61 .. ### [2.34.64](https://indike.org/pramana/in.purana.vayu.2.34.64) satyabhāmā tu tadvṛttaṃ bhojasya śatadhanvanaḥ. bharturnivedya duḥkhārttā pārśvasthāśrūṇyavartayat .. 34.62 .. ### [2.34.65](https://indike.org/pramana/in.purana.vayu.2.34.65) pāṇḍavānāntu dagdhānāṃ hariḥ kṛtvodakakriyām . tulyārthe caiva bhrātṝṇāṃ niyojayati sātyakim .. 34.63 .. ### [2.34.66](https://indike.org/pramana/in.purana.vayu.2.34.66) tata stvaritamāgamya dvārakāṃ madhusūdanaḥ. pūrvvajaṃ halinaṃ śrīmānidaṃ vacanamabravīt .. 34.64 .. ### [2.34.67](https://indike.org/pramana/in.purana.vayu.2.34.67) hataḥ prasenaḥ siṃhena satrājicchatadhanvanā. syamantakamahaṃ mārge tasya prahara he prabho .. 34.65 .. ### [2.34.68](https://indike.org/pramana/in.purana.vayu.2.34.68) tadāroha rathaṃ śīghraṃ bhojaṃ hatvā mahābalam. syamantako mahābāho tadāsmākaṃ bhaviṣyati .. 34.66 .. ### [2.34.69](https://indike.org/pramana/in.purana.vayu.2.34.69) tataḥ pravṛtte yuddhe tu tumule bhojakṛṣṇayoḥ. śatadhanvā na cākrūramavaikṣat sarvato diśi .. 34.67 .. ### [2.34.70](https://indike.org/pramana/in.purana.vayu.2.34.70) anaṣṭāśvāvarohantu kṛtvā bhojajanārdanau. śakto'pi sādhyādvārddhakyānnākrūro'bhyupapadyata .. 34.68 .. ### [2.34.71](https://indike.org/pramana/in.purana.vayu.2.34.71) apayāne tato buddhiṃ bhūyaścakre bhayānvitaḥ. yojanānāṃ śataṃ sāgraṃ yayā ca pratyapadyata .. 34.69 .. ### [2.34.72](https://indike.org/pramana/in.purana.vayu.2.34.72) vijñātahṛdayā nāma śatayojanagāminī. bhojasya vaḍhavādityo yayā kṛṣṇamayodhayat .. 34.70 .. ### [2.34.73](https://indike.org/pramana/in.purana.vayu.2.34.73) pravṛddhavegā vaḍavā tvadhvanāṃ śatayojanam. dṛṣṭā rathagatistasya śatadhanvānamarddayat .. 34.71 .. ### [2.34.74](https://indike.org/pramana/in.purana.vayu.2.34.74) tatastasya hayāste tu śramāt khedācca vai dvijāḥ. khamutpetū rathaprāṇāḥ kṛṣṇo rāmamathābravīt .. 34.72 .. ### [2.34.75](https://indike.org/pramana/in.purana.vayu.2.34.75) tiṣṭhasveha mahābāho dṛṣṭadoṣā mayā hayāḥ. padybhāṃ gatvā hariṣyāmi maṇiratnaṃ syamantakam .. 34.73 .. ### [2.34.76](https://indike.org/pramana/in.purana.vayu.2.34.76) padbhyāmeva tato gatvā śatadhanvānamacyutaḥ. mithilādhipatiṃ taṃ vai jaghāna paramāstravit .. 34.74 .. ### [2.34.77](https://indike.org/pramana/in.purana.vayu.2.34.77) syamantakaṃ na cāpaśyaddhatvā bhojaṃ mahābalam. nivṛttaṃ cābravīt kṛṣṇaṃ ratnaṃ dehīti lāṅgalī .. 34.75 .. ### [2.34.78](https://indike.org/pramana/in.purana.vayu.2.34.78) nāstīti kṛṣṇaścovāca tato rāmo ruṣānvitaḥ. dhikchabdamasakṛt pūrvvaṃ pratyuvāca janārddanam .. 34.76 .. ### [2.34.79](https://indike.org/pramana/in.purana.vayu.2.34.79) bhrātṛtvānmarṣayāmyeṣa svasti te'stu vrajāmyaham. kṛtyaṃ na me drārakayā na tvayā na ca vṛṣṇibhiḥ .. 34.77 .. ### [2.34.80](https://indike.org/pramana/in.purana.vayu.2.34.80) praviveśa tato rāmo mithilāmarimarddanaḥ. sarvvakāmairupahṛtairmaithilenaiva pūjitaḥ .. 34.78 .. ### [2.34.81](https://indike.org/pramana/in.purana.vayu.2.34.81) etasminneva kāle tu babhrurmatimatāṃvaraḥ. nānārūpān kratūn sarvvānājahāra nirargalān .. 34.79 .. ### [2.34.82](https://indike.org/pramana/in.purana.vayu.2.34.82) dīkṣāmayaṃ sakavacaṃ rakṣārthaṃ praviveśa ha. syamantakakṛte rājā gādhiputro mahāyaśāḥ .. 34.80 .. ### [2.34.83](https://indike.org/pramana/in.purana.vayu.2.34.83) arthān ratnāni cāgryāṇi dravyāṇi vividhāni ca . ṣaṣṭivarṣagate kāle yajñeṣu vinyayojayat .. 34.81 .. ### [2.34.84](https://indike.org/pramana/in.purana.vayu.2.34.84) akrūrayajña ityete khyātāstasya mahātmanaḥ. bahvannadakṣiṇāḥ sarvve sarvvakāmapradāyinaḥ .. 34.82 .. ### [2.34.85](https://indike.org/pramana/in.purana.vayu.2.34.85) atha duryyodhano rājā gatvā'tha mithilāṃ prabhuḥ. gadāśikṣāṃ tato divyāṃ balabhadrādavāptavān .. 34.83. prasādya tu tato viprā vṛṣṇyandhakamahārathaiḥ. ānīto dvārakāmeva kṛṣṇena ca mahātmanā .. 34.84 .. ### [2.34.86](https://indike.org/pramana/in.purana.vayu.2.34.86) akrūramandhakaiḥ sārddhamupāyāt puruṣarṣabhaḥ. yuddhe hatvā tu śatrugnaṃ saha bandhumatā balī .. 34.85 .. ### [2.34.87](https://indike.org/pramana/in.purana.vayu.2.34.87) śvaphalkatanayāyāntu narāyāṃ narasattamau. bhaṅgakārasya tanayo viśrutau sumahābalau .. 34.86 .. ### [2.34.88](https://indike.org/pramana/in.purana.vayu.2.34.88) jajñāte'ndhakamukhyasya śatrughno bandhumāṃśca tau. vadhārthaṃ bhaṅgakārasya kṛṣṇo na prītimān bhavet .. 34.87 .. ### [2.34.89](https://indike.org/pramana/in.purana.vayu.2.34.89) jñāti bhedabhayādbhītaḥ samupekṣitavāṃstathā. apayāte tathākrūre nāvarṣatpākaśāsanaḥ .. 34.88 .. ### [2.34.90](https://indike.org/pramana/in.purana.vayu.2.34.90) anāvṛṣṭyā hataṃ rāṣṭramabhavattadvaghodyatam. tataḥ prasādayāmāsurakrūraṃ kukurāndhakāḥ .. 34.89 .. ### [2.34.91](https://indike.org/pramana/in.purana.vayu.2.34.91) punardvāravatīṃ prāpte tadā dānapatau tathā. pravavarṣa sahasrākṣaḥ kukṣau jalanidhestataḥ .. 34.90 .. ### [2.34.92](https://indike.org/pramana/in.purana.vayu.2.34.92) kanyāñca vāsudevāya svasāraṃ śīlasammatām. akrūraḥ pradadau śrīmān prītyarthaṃ yadupuṅgavaḥ .. 34.91 .. ### [2.34.93](https://indike.org/pramana/in.purana.vayu.2.34.93) ata vijñāya yogena kṛṣṇo babhrugataṃ maṇim. sabhāmadhye tadā prāha tamakrūraṃ janārdanaḥ .. 34.92 .. ### [2.34.94](https://indike.org/pramana/in.purana.vayu.2.34.94) yacca ratnaṃ maṇivaraṃ tava hastagataṃ prabho. tatprayacchasva mānārha vimatiñcātra mā kṛthāḥ .. 34.93 .. ### [2.34.95](https://indike.org/pramana/in.purana.vayu.2.34.95) ṣaṣṭivarṣagate kāle yadroṣo'bhūttadā mama. susaṃrūḍhaḥ sakṛt prāptastatkālāśritya sa mahān .. 34.94 .. ### [2.34.96](https://indike.org/pramana/in.purana.vayu.2.34.96) tataḥ kṛṣṇasya vacanāt sarvvasātvatasaṃsadi. pradadau taṃ maṇiṃ babhrurakleśena mahāmatiḥ .. 34.95 .. ### [2.34.97](https://indike.org/pramana/in.purana.vayu.2.34.97) tata ārjjavasaṃprāptababhruhastādarindamaḥ. dadau prahṛṣṭamanasā taṃ maṇiṃ babhrave punaḥ .. 34.96 .. ### [2.34.98](https://indike.org/pramana/in.purana.vayu.2.34.98) sa kṛṣṇahastāt saṃprāpya maṇiratnaṃ syamantakam. ābaddhya gāndinīputro virarājāṃśumāniva .. 34.97 .. ### [2.34.99](https://indike.org/pramana/in.purana.vayu.2.34.99) imāṃ mithyābhiśastiṃ yo viśuddhāmapi cottamām . veda mithyābhi śastiṃ sa na vrajecca kathañcana .. 34.98 .. ### [2.34.100](https://indike.org/pramana/in.purana.vayu.2.34.100) animitrācchinirjajñe kaniṣṭhādvṛṣṇinandanāt .. 34.99 .. ### [2.34.101](https://indike.org/pramana/in.purana.vayu.2.34.101) satyavāk satyasampannaḥ satyakastasya cātmajaḥ. sātyakiryuyudhānasya tasya bhūtiḥ suto'bhavat .. 34.100 .. ### [2.34.102](https://indike.org/pramana/in.purana.vayu.2.34.102) bhūteryugandharaḥ putra iti bhautyāḥ prakīrttitāḥ. jajñāte tanayau pṛśneḥ śvaphalkaścitrakaśca yaḥ .. 34.101 .. ### [2.34.103](https://indike.org/pramana/in.purana.vayu.2.34.103) śvaphalkastu mahārājo dharmātmā yatra varttate. nāsti vyādhibhayaṃ tatra na cāvṛṣṭibhayaṃ tathā .. 34.102 .. ### [2.34.104](https://indike.org/pramana/in.purana.vayu.2.34.104) kadācit kāśirājasya vibhostu dvijasattamāḥ. trīṇi varṣāṇi viṣaye nāvarṣatpākaśāsanaḥ .. 34.103 .. ### [2.34.105](https://indike.org/pramana/in.purana.vayu.2.34.105) sa tatra vāsayāmāsa śvaphalkaṃ paramārcitam. śvaphalkaparivāsena prāvarṣatpākaśāsanaḥ .. 34.104 .. ### [2.34.106](https://indike.org/pramana/in.purana.vayu.2.34.106) śvaphalkaḥ kāśirājasya sutāṃ bhāryāmaninditām. gāndinīṃ nāma gāṃ sā hi dadau viprāya nityaśaḥ .. 34.105 .. ### [2.34.107](https://indike.org/pramana/in.purana.vayu.2.34.107) sā māturudarasthā vai bahuvarṣa śatān kila. vasati sma na vai jajñe sarbhasthāntāṃ pitābravīt .. 34.106 .. ### [2.34.108](https://indike.org/pramana/in.purana.vayu.2.34.108) jāyasva śīghraṃ bhadrante kimarthaṃ cāpi tiṣṭhasi. provāca cainaṃ garbha sthā sā kanyā gaurdine dine .. 34.107 .. ### [2.34.109](https://indike.org/pramana/in.purana.vayu.2.34.109) yadi dattā tadā syāṃ hi yadi syāmīhatāṃ pitaḥ. tathetyuvāca tāṃ tasyāḥ pitā kāmamapūpurat .. 34.108 .. ### [2.34.110](https://indike.org/pramana/in.purana.vayu.2.34.110) dātā yajvā ca śūraśca śrutavānatithipriyaḥ. tasyāḥ putraḥ smṛto'krūraḥ śvaphalko bhūridakṣiṇaḥ .. 34.109 .. ### [2.34.111](https://indike.org/pramana/in.purana.vayu.2.34.111) upamaṅgustathā maṅgurmṛduraścārimejayaḥ. girirakṣastatā yakṣaḥ śatrughno vārimarddanaḥ .. 34.110 .. ### [2.34.112](https://indike.org/pramana/in.purana.vayu.2.34.112) dharmabhṛcca śrṛṣṭacayo vargamocastathāparaḥ. āvāhaprativāhau ca vasudevā varāṅganā .. 34.111 .. ### [2.34.113](https://indike.org/pramana/in.purana.vayu.2.34.113) akrūrādugrasenyāntu sutau dvau kulanandinau. devaścānupadevaśca jajñāte devasaṃmitau .. 34.112 .. ### [2.34.114](https://indike.org/pramana/in.purana.vayu.2.34.114) citrakasyābhavan putrāḥ pṛthurvipṛthureva ca. aśvagrīvo'śvabāhuśca supārśvakagaveṣaṇau .. 34.113 .. ### [2.34.115](https://indike.org/pramana/in.purana.vayu.2.34.115) ariṣṭanemiraśvaśca suvarmā varmacarmabhṛt . abhūmirbahubhūmiśca śraviṣṭhāśravaṇe striyau .. 34.114 .. ### [2.34.116](https://indike.org/pramana/in.purana.vayu.2.34.116) satyakāt kāśiduhitā lebhe sā caturaḥ sutān. kakudaṃ bhajamānañca śamīkabalabarhiṣau .. 34.115 .. ### [2.34.117](https://indike.org/pramana/in.purana.vayu.2.34.117) kakudasya suto vṛṣṭirvṛṣṭestu tanayo'bhavat. kapotaromā tasyātha revato'bhavadātmajaḥ .. 34.116 .. ### [2.34.118](https://indike.org/pramana/in.purana.vayu.2.34.118) tasyāsīttumburusakhā vidvān putro'bhavatkila. khyāyate yasya nāmnā sa candanodakadundubhiḥ .. 34.117 .. ### [2.34.119](https://indike.org/pramana/in.purana.vayu.2.34.119) tasmāccābhijitaḥ putra utpannastu punarvasuḥ. aśvamedhantu putrārthe ājahāra narottamaḥ .. 34.118 .. ### [2.34.120](https://indike.org/pramana/in.purana.vayu.2.34.120) tasya madhye'tirātrasya sadomadhyātsamutthitam. tatastu vidvān dharmajño dātā yajvā punarvasuḥ .. 34.119 .. ### [2.34.121](https://indike.org/pramana/in.purana.vayu.2.34.121) tasyāpi putramithunaṃ bāhubāṇājitaḥ kila. āhukaścāhukī caiva khyātau matimatāṃvarau .. 34.120 .. ### [2.34.122](https://indike.org/pramana/in.purana.vayu.2.34.122) imāṃścodāharantyatra ślokān prati tamāhukam. sopāsaṅgānukarṣāṇāṃ sadhvajānāṃ varūthinām .. 34.121 .. ### [2.34.123](https://indike.org/pramana/in.purana.vayu.2.34.123) rathānāṃ meghaghoṣāṇāṃ sahasrāṇi daśaiva tu. nāsatyavādī tvāsīttu nāyajvā nāsahasradaḥ .. 34.122 .. ### [2.34.124](https://indike.org/pramana/in.purana.vayu.2.34.124) nāśucirnāpyadharmātmā nāvidvānna kṛśo'bhavat. āhukasya dhṛtiḥ putra ityevamanu śuśrumaḥ .. 34.123 .. ### [2.34.125](https://indike.org/pramana/in.purana.vayu.2.34.125) śvetena paricāreṇa kiśorapratimān hayān. aśītiyuktaniyutānyāhukapratimo'vrajat .. 34.124 .. ### [2.34.126](https://indike.org/pramana/in.purana.vayu.2.34.126) pūrvasyāndiśi nāgānāṃ bhojasya pratirejire. rūpyakāñcanakakṣāṇāṃ sahasrāṇyekaviṃśatiḥ .. 34.125 .. ### [2.34.127](https://indike.org/pramana/in.purana.vayu.2.34.127) tāvantyeva sahasrāṇi uttarasyāntathā diśi. bhūmipālasya bhojasya uttiṣṭhet kiṅkiṇī kila .. 34.126 .. ### [2.34.128](https://indike.org/pramana/in.purana.vayu.2.34.128) āhukaścāhukāndhāya svasāraṃ tvāhukīndadau. āhukāndhasya duhitā dvau putrau sambabhūvatuḥ .. 34.127 .. ### [2.34.129](https://indike.org/pramana/in.purana.vayu.2.34.129) devakaścograsenaśca devagarbhasamāvubhau . devakasya sutā vīrā jajñire tridaśopamāḥ .. 34.128 .. ### [2.34.130](https://indike.org/pramana/in.purana.vayu.2.34.130) devānāmapi devaśca sudevo devarañjitā. teṣāṃ svasāraḥ saptāsan vasudevāya saṃdadau .. 34.129 .. ### [2.34.131](https://indike.org/pramana/in.purana.vayu.2.34.131) vṛkadevopadevā ca tathānyā devarakṣitā. śrīdevā śāntidevā ca mahādevā tathāparā .. 34.130 .. ### [2.34.132](https://indike.org/pramana/in.purana.vayu.2.34.132) saptamī devakī tāsāṃ sunāmā cārudarśanā. navograsenasya sutāḥ kaṃsasteṣāntu pūrvajaḥ .. 34.131 .. ### [2.34.133](https://indike.org/pramana/in.purana.vayu.2.34.133) nyagrodhaśca sunāmā ca kadvaśaṃkuśca bhūmayaḥ. sūtanū rāṣṭrapālaśca yuddhatuṣṭaḥ supuṣṭimān .. 34.132 .. ### [2.34.134](https://indike.org/pramana/in.purana.vayu.2.34.134) teṣāṃ svasāraḥ pañcaiva karmadharmavatī tathā. śatāṅkrū rāṣṭrāpālā ca kaṅvā caiva varāṅganā .. 34.133 .. ### [2.34.135](https://indike.org/pramana/in.purana.vayu.2.34.135) ugraseno mahāpatyo vikhyātaḥ kukurodbhavaḥ. kukurāṇāmimaṃ vaṃśaṃ dhārayannamitaujasām. ātmano vipulaṃ vaṃśaṃ prajāvāṃśca bhavennaraḥ .. 34.134 .. ### [2.34.136](https://indike.org/pramana/in.purana.vayu.2.34.136) bhajamānasya putrastu rathimukhyo vidūrathaḥ. rājyādhidevaḥ śūraśca viduraśca suto'bhavat .. 34.135 .. ### [2.34.137](https://indike.org/pramana/in.purana.vayu.2.34.137) tasya śūrasya tu sutā jajñire balavattarāḥ . vātaścaiva nivātaśca śoṇitaḥ śvetavāhanaḥ .. 34.136 .. ### [2.34.138](https://indike.org/pramana/in.purana.vayu.2.34.138) śamī ca gadavarmā ca nidātaḥ śakraśakrajit. śamiputraḥ pratikṣiptaḥ pratikṣiptasya cātmajaḥ .. 34.137 .. ### [2.34.139](https://indike.org/pramana/in.purana.vayu.2.34.139) svayambhojaḥ svayambhojāddhṛdikaḥ sambabhūva ha. hṛdikasya sutāstvāsan daśa bhīmaparākramāḥ .. 34.138 .. ### [2.34.140](https://indike.org/pramana/in.purana.vayu.2.34.140) kṛtavarmā kṛtasteṣāṃ śatadhanvā tu madhyamaḥ. devārhaśca vanārhaśca bhiṣag dvaitarathaśca yaḥ .. 34.139 .. ### [2.34.141](https://indike.org/pramana/in.purana.vayu.2.34.141) sudāntaśca dhiyāntaśca nakavān kanakodbhavaḥ. devārhasya suto vidvān jajñe kambalabarhiṣaḥ .. 34.140 .. ### [2.34.142](https://indike.org/pramana/in.purana.vayu.2.34.142) asamaujāḥ sutastasya sumahaujāśca viśrutaḥ. ajāvaputrāya tataḥ pradadāvasamaujase. sudaṃṣṭrañca surūpañca kṛṣṇa ityandhakāḥ smṛtāḥ .. 34. 141 .. ### [2.34.143](https://indike.org/pramana/in.purana.vayu.2.34.143) andhakānāmimaṃ vaṃśaṃ kīrttayānastu nityaśaḥ. ātmāno vipulaṃ vaṃśaṃ labhate nātra saṃśayaḥ .. 34.142 .. ### [2.34.144](https://indike.org/pramana/in.purana.vayu.2.34.144) asmakyāṃ janayāmāsa śūro vai devamānuṣim. māṣyāntu janayāmāsa śūro vai devamīḍhuṣam .. 34.143 .. ### [2.34.145](https://indike.org/pramana/in.purana.vayu.2.34.145) bhāṣyāntu jajñire śūrādbhojāyāṃ puruṣā daśa. vasudevo mahābāhuḥ pūrvamānakadundubhiḥ .. 34.144 .. ### [2.34.146](https://indike.org/pramana/in.purana.vayu.2.34.146) jajñe tasya prasūtasya dundubhiḥ prāṇadaddivi. ānakānāñca saṃhrādaḥ sumahānabhavaddivi .. 34.145 .. ### [2.34.147](https://indike.org/pramana/in.purana.vayu.2.34.147) papāta puṣpavarṣañca śūrasya bhavane mahat. manuṣyaloke kṛtsne'pi rūpe nāsti samo bhuvi .. 34.146 .. ### [2.34.148](https://indike.org/pramana/in.purana.vayu.2.34.148) yasyāsīt puruṣāgryasya kīrttiścandramaso yathā. devabhāgastato jajñe tato devaśravāḥ punaḥ .. 34.147 .. ### [2.34.149](https://indike.org/pramana/in.purana.vayu.2.34.149) anādṛṣṭikaḍaścaiva nandanaścaiva bhṛñjinaḥ. śyāmaḥ śamīko gaṇḍūṣaḥ catasrastu varāṅganāḥ .. 34.148 .. ### [2.34.150](https://indike.org/pramana/in.purana.vayu.2.34.150) pṛthā ca śrutavedā ca śrutakīrttiḥ śrutaśravāḥ. rājādhidevī ca tathā pañcaitā vīramātaraḥ .. 34.149 .. ### [2.34.151](https://indike.org/pramana/in.purana.vayu.2.34.151) pṛthāṃ duhitaraṃ cakre kunti stāṃ pāṇḍurāvahat. anapatyāya vṛddhāya kuntibhojāya tāṃ dadau .. 34.150 .. ### [2.34.152](https://indike.org/pramana/in.purana.vayu.2.34.152) tasmāt kuntīti vikhyātā kuntībhojātmajā pṛthā. kuruvīraḥ pāṇḍumukhyastasmādbhāryāmavindata .. 34.151 .. ### [2.34.153](https://indike.org/pramana/in.purana.vayu.2.34.153) pṛthā jajñe tataḥ putrān trīnagnisamatejasaḥ. loke'pratirathān vīrān śakratulyaparākramān .. 34.152 .. ### [2.34.154](https://indike.org/pramana/in.purana.vayu.2.34.154) dharmādyudhiṣṭhiraṃ putraṃ mārutācca vṛkodaram. īndrāddhanañjayañcaiva pṛthā putrānajījanat .. 34.153 .. ### [2.34.155](https://indike.org/pramana/in.purana.vayu.2.34.155) mādravatyāntu janitāvāśvināviti viśrutam. nakulaḥ sahadevaśca rūpasattvaguṇānvitau .. 34.154 .. ### [2.34.156](https://indike.org/pramana/in.purana.vayu.2.34.156) jajñe ca śrutadevāyāṃ tanayo vṛddhaśarmaṇaḥ. karūṣādhipatirvīro dantavakro mahābalaḥ .. 34.155 .. ### [2.34.157](https://indike.org/pramana/in.purana.vayu.2.34.157) kaikeyāṃ śrutakīrtyāntu jajñe santardanaḥ punaḥ. cekitānabṛhatkṣatrau tathaivānyau mahābalau .. 34.156 .. ### [2.34.158](https://indike.org/pramana/in.purana.vayu.2.34.158) vindānuvindāvāvantyau bhrātarau sumahābalau. śrutaśravāyāṃ caidyastu śiśupālo babhūva ha .. 34.157 .. ### [2.34.159](https://indike.org/pramana/in.purana.vayu.2.34.159) damaghoṣasya rājarṣeḥ putro vikhyātapauruṣaḥ. yaḥ purāsīddaśagrīvaḥ saṃbabhūvārimardanaḥ .. 34.158 .. ### [2.34.160](https://indike.org/pramana/in.purana.vayu.2.34.160) yaduśravānujastasya rujakanyo'nujastathā. patnyastu vasudevasya trayodaśa varāṅganāḥ .. 34.159 .. ### [2.34.161](https://indike.org/pramana/in.purana.vayu.2.34.161) pauravī rohiṇī caiva madirā cāparā tathā. tathaiva bhadrā vaiśākhī devakī saptamī tathā .. 34.160 .. ### [2.34.162](https://indike.org/pramana/in.purana.vayu.2.34.162) sugandhirvanarājī ca dve cānye paricārike.. ### [2.34.163](https://indike.org/pramana/in.purana.vayu.2.34.163) rohiṇī pauravī caiva vālmīkasyātmajābhavat .. 34.161 .. ### [2.34.164](https://indike.org/pramana/in.purana.vayu.2.34.164) jyeṣṭhā patnī mahābhāgā dayitānakadundubheḥ . jyeṣṭhaṃ lebhe sutaṃ rāmaṃ sāraṇaṃ niśavaṃ tathā .. 34.162 .. ### [2.34.165](https://indike.org/pramana/in.purana.vayu.2.34.165) durddamaṃ damanaṃ śubhraṃ piṇḍārakakuśītakau. citrāṃ nāma kumārīñca rohiṇyaṣṭau vyajāyata .. 34.163 .. ### [2.34.166](https://indike.org/pramana/in.purana.vayu.2.34.166) pautrau rāmasya jajñāte vijñātau niśitotsukau. pārśvī ca pārśvanandī ca śiśuḥ satyadhṛtistathā .. 34.164 .. ### [2.34.167](https://indike.org/pramana/in.purana.vayu.2.34.167) mandabāhyo'tha rāmāṇagirikau gira eva ca. śuklagulmeti gulmaśca daridrāntaka eva ca .. 34.165 .. ### [2.34.168](https://indike.org/pramana/in.purana.vayu.2.34.168) kumāryaścāpi pañcādyā nāmatastā nibodhata. arciṣmatī sunandā ca surasā suvacāstathā .. 34.166 .. ### [2.34.169](https://indike.org/pramana/in.purana.vayu.2.34.169) tathā śatabalā caiva sāraṇasya sutāstvimāḥ. bhadrāśvo bhadraguptiśca bhadravighnastathaiva ca .. 34.167 .. ### [2.34.170](https://indike.org/pramana/in.purana.vayu.2.34.170) bhadrabāhurbhadraratho bhadrakalpastathaiva ca. supārśvakaḥ kīrttimāṃśca rohitāśvaśca bhadrajaḥ .. 34.168 .. ### [2.34.171](https://indike.org/pramana/in.purana.vayu.2.34.171) durmmadaścābhibhūtaśca rohiṇyāḥ kulajāḥ smṛtāḥ . nandopanantadau mitraśca kukṣimitrastathācalaḥ .. 34.169 .. ### [2.34.172](https://indike.org/pramana/in.purana.vayu.2.34.172) citropa citre kanye ca sthitaḥ puṣṭirathāparaḥ. madirāyāḥ sutā hyete sudevo'tha vijajñire .. 34.170 .. ### [2.34.173](https://indike.org/pramana/in.purana.vayu.2.34.173) upabimbo'tha bimbaśca sattvadantamahaujasau. catvāra ete vikhyātā bhadrāputrā mahābalāḥ .. 34.171 .. ### [2.34.174](https://indike.org/pramana/in.purana.vayu.2.34.174) vaiśākhyāṃ samadācchauriḥ putraṃ kauśikamuttamam. devakyāṃ jajñire śauriḥ suṣeṇaḥ kīrtimānapi .. 34.172 .. ### [2.34.175](https://indike.org/pramana/in.purana.vayu.2.34.175) tadayo bhadrasenaśca yajudāyaśca pañcamaḥ. ṣaṣṭho bhadravidekaśca kaṃsaḥ sarvāñjaghāna tān .. 34.173 .. ### [2.34.176](https://indike.org/pramana/in.purana.vayu.2.34.176) atha tasyāmavasthāyāmāyuṣmān saṃbabhūva ha. loka nāthaḥ punarviṣṇuḥ pūrvakṛṣṇaḥ prajāpatiḥ .. 34.174 .. ### [2.34.177](https://indike.org/pramana/in.purana.vayu.2.34.177) anujātā'bhavat kṛṣṇā subhadrā bhadrabhāṣiṇī. kṛṣṇā subhadreti punarvyākhyātā vṛṣṇinandinī .. 34.175 .. ### [2.34.178](https://indike.org/pramana/in.purana.vayu.2.34.178) subhadrāyāṃ rathī pārthādabhimanyurajāyata. vasudevasya bhāryāsu mahābhāgāsu saptasu. ye putrā jajñireśūrā nāmatastānnibodhata .. 34.176 .. ### [2.34.179](https://indike.org/pramana/in.purana.vayu.2.34.179) ato'sya saha devāyāṃ śūro jajñe'bhayāsakhaḥ. śārṅgadevājanattambuṃ śaurī jajñe kulodvaham .. 34.177 .. ### [2.34.180](https://indike.org/pramana/in.purana.vayu.2.34.180) upasaṅgaṃ vasuñcāpi tanayau devarakṣitau. evaṃ daśa sutāstasya kaṃsastānapyaghātayat .. 34.178 .. ### [2.34.181](https://indike.org/pramana/in.purana.vayu.2.34.181) vijayaṃ rojanañcaiva varddhamānaṃ tathaiva ca. etān sarvvān mahābhāgānupadevā vyajāyata .. 34.179 .. ### [2.34.182](https://indike.org/pramana/in.purana.vayu.2.34.182) svagāhavaṃ mahātmānaṃ vṛka devī tvajāyata . āgāhī ca svasā caiva surūpā śiśirāyiṇī .. 34.180 .. ### [2.34.183](https://indike.org/pramana/in.purana.vayu.2.34.183) saptamaṃ devakīputraṃ sunāsā suṣuve bhuvam. gaveṣaṇaṃ mahābhāgaṃ saṅgrāme citra yodhinam .. 34.181 .. ### [2.34.184](https://indike.org/pramana/in.purana.vayu.2.34.184) śrāddhadevaṃ purā yena vane viracitā dvijāḥ. śaibyāyāmadadacchauriḥ putraṃ kauśikamavyayam .. 34.182 .. ### [2.34.185](https://indike.org/pramana/in.purana.vayu.2.34.185) sugandhī vanarājī ca śaurerāstāṃ parigrahaḥ. puṇḍraśca kapilaścaiva vasudevātmajau hi tau. tayo rājā'bhavat puṇḍraḥ kapilastu vanaṃ yayo .. 34.183 .. ### [2.34.186](https://indike.org/pramana/in.purana.vayu.2.34.186) tasyāṃ samabhavadvīro vasudevātmajo balī. rājā nāma niṣādo'sau prathamaḥ sa dhanurddharaḥ .. 34.184 .. ### [2.34.187](https://indike.org/pramana/in.purana.vayu.2.34.187) vikhyāto devarātasya mahābhāgaḥ suto'bhavat. paṇḍitānāṃ mataṃ prāhurdevaśravasamudbhavam .. 34.185 .. ### [2.34.188](https://indike.org/pramana/in.purana.vayu.2.34.188) asmakyāṃ labhate putramanādṛṣṭiṃ yaśasvinam. nivarttaḥ śakraśatrughnaṃ śrāddhadevaṃ mahābalam .. 34.186 .. ### [2.34.189](https://indike.org/pramana/in.purana.vayu.2.34.189) ajāyata śrāddhadevo niṣadhādiryataḥ śrutaḥ. ekalavyo mahāvīryo niṣādaiḥ parivarddhitaḥ .. 34.187 .. ### [2.34.190](https://indike.org/pramana/in.purana.vayu.2.34.190) gaṇḍūṣāyānapatyāya kṛṣṇastuṣṭo'dadat sutau. cārudeṣṇañca sāmbañca kṛtāstrau śastalakṣaṇau .. 34.188 .. ### [2.34.191](https://indike.org/pramana/in.purana.vayu.2.34.191) tantijastantimālaśca svaputrau kanakasya tu. vastāvanestvaputrāya vasudevaḥ pratāpavān. sautirdadau sutaṃ vīraṃ śauriṃ kauśikameva ca .. 34.189 .. ### [2.34.192](https://indike.org/pramana/in.purana.vayu.2.34.192) tapāśca kodhanuścaiva virajāḥ śyāmasṛñjimau. anapatyo'bhavacchyāmaḥ śyāmakastu vanaṃ yayau. jugupsamāno bhojatvaṃ rājarṣitvamavāpnuyāt .. 34.190 .. ### [2.34.193](https://indike.org/pramana/in.purana.vayu.2.34.193) ya idaṃ janma kṛṣṇasya paṭhate niyatavrataḥ. śrāvayedbrāhmaṇañcāpi sumahatsukhamāpnuyāt .. 34.191 .. ### [2.34.194](https://indike.org/pramana/in.purana.vayu.2.34.194) devadevo mahātejāḥ pūrvvaṃ kṛṣṇaḥ prajāpatiḥ . vihārārthaṃ manuṣyeṣu jajñe nārāyaṇaḥ prabhuḥ .. 34.192 .. ### [2.34.195](https://indike.org/pramana/in.purana.vayu.2.34.195) devakyāṃ vasudevena tapasā puṣkarekṣaṇaḥ. caturbāhuḥ sa vijñeyo divyarūpaḥ śriyānvitaḥ .. 34.193 .. ### [2.34.196](https://indike.org/pramana/in.purana.vayu.2.34.196) prakāśo bhagavān yogī kṛṣṇo mānuṣamāgataḥ. avyakto'vyaktaliṅgasthaḥ sa eva bhagavān prabhuḥ .. 34.194 .. ### [2.34.197](https://indike.org/pramana/in.purana.vayu.2.34.197) nārāyaṇo yataścakre prabhavaṃ cāvyayo hi saḥ. devo nārāyaṇo bhūtvā harirāsītsanātanaḥ .. 34.195 .. ### [2.34.198](https://indike.org/pramana/in.purana.vayu.2.34.198) yo'sṛjaccādipuruṣaṃ purā cakre prajāpatim. aditerapi putratvametya yādavanandanaḥ. devo viṣṇuriti khyātaḥ śakrādavarajo'bhavat .. 34.196 .. ### [2.34.199](https://indike.org/pramana/in.purana.vayu.2.34.199) prasādajaṃ yasya vibhoradityāḥ putrakāraṇam. vadhārthaṃ suraśatrūṇāṃ daityadānavarakṣasām .. 34.197 .. ### [2.34.200](https://indike.org/pramana/in.purana.vayu.2.34.200) yayātivaṃśajasyātha vasudevasya dhīmataḥ. kulaṃ puṇyaṃ yataḥ karma bheje nārāyaṇaḥ prabhuḥ .. 34.198 .. _First 200 of 265 passages. [Read on](https://indike.org/pramana/in.purana.vayu.2.34)_ ## Linked texts (11) - [Brahmāṇḍapurāṇa](https://indike.org/pramana/in.purana.brahmanda.2.71.2) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.37.1) — Sanskrit - [Brahmapurāṇa](https://indike.org/pramana/in.purana.brahma.15.42) — Vyāsa, Sanskrit - [Padmapurāṇa](https://indike.org/pramana/in.purana.padma.1.13.35) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.69.4) — Vyāsa, Sanskrit - [Bhāgavatapurāṇa](https://indike.org/pramana/in.purana.bhagavata.9.24.10) — Vyāsa, Sanskrit - [Southern recension](https://indike.org/pramana/in.lit.mahabharata.vyasa*southern.2.47.5) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.3.17.9) — Sanskrit - [Agnipurāṇa](https://indike.org/pramana/in.purana.agni.274.40) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.4.15.49) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.78.5) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.2.34](https://indike.org/pramana/in.purana.vayu.2.34) · Pramāṇa