[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.36 # Vayupurana 2.36: adhyāyaḥ 36 Vāyupurāṇa 2.36 - **Language:** Sanskrit ### adhyāyaḥ 36 ### [2.36.1](https://indike.org/pramana/in.purana.vayu.2.36.1) sūta uvāca.. ### [2.36.2](https://indike.org/pramana/in.purana.vayu.2.36.2) evamārādhya deveśamīśānaṃ nīlalohitam. brahmeti praṇatastasmai prāñjalirvākyamabravīt .. 36.1 .. ### [2.36.3](https://indike.org/pramana/in.purana.vayu.2.36.3) kāvyasya gātraṃ saṃspṛśya hastena prītimān bhavaḥ. nikāmaṃ darśanaṃ dattvā tatraivāntaradhīyata .. 36.2 .. ### [2.36.4](https://indike.org/pramana/in.purana.vayu.2.36.4) tataḥ so'ntarhite tasmin deveśānucare tadā. tiṣṭhantīṃ prāñjalirbhūtvā jayantīmidamabravīt .. 36.3 .. ### [2.36.5](https://indike.org/pramana/in.purana.vayu.2.36.5) kasya tvaṃ subhage kā vā duḥkhite mayi duḥkhitā. mahatā tapasā yuktaṃ kimarthaṃ māñjugopasi .. 36.4 .. ### [2.36.6](https://indike.org/pramana/in.purana.vayu.2.36.6) anayā satataṃ bhaktyā praśrayeṇa damena ca. snehena caiva suśroṇi prīto'smi varavarṇini .. 36.5 .. ### [2.36.7](https://indike.org/pramana/in.purana.vayu.2.36.7) kimicchasi varārehe kaste kāmaḥ samṛdhyatām. taṃ te saṃpūrayāmyadya yadyapi syāt sudurlabham .. 36.6 .. ### [2.36.8](https://indike.org/pramana/in.purana.vayu.2.36.8) evamuktā''bravīdanaṃ tapasā jñātumarhasi. cikīrṣitaṃ me brahniṣṭhatvaṃ hi vettha yathātatham .. 36.7 .. ### [2.36.9](https://indike.org/pramana/in.purana.vayu.2.36.9) evamukte'bravīdenāṃ dṛṣṭvā divyena cakṣuṣā. māhendrī tvaṃ varārohe maddhitārthamihāgatā .. 36.8 .. ### [2.36.10](https://indike.org/pramana/in.purana.vayu.2.36.10) mayā saha tvaṃ suśroṇi daśa varṣāṇi bhāmini. adṛśyaṃ sarvabhūtaistu saṃprayogamihecchasi .. 36.9 .. ### [2.36.11](https://indike.org/pramana/in.purana.vayu.2.36.11) devendrānalavarṇābhe varārohe sulocane. imaṃ vṛṇīṣva kāmaṃ te matto vai valgubhāṣiṇi .. 36.10 .. ### [2.36.12](https://indike.org/pramana/in.purana.vayu.2.36.12) evaṃ bhavatu gacchāmo gṛhān vai mattakāśini . tataḥ svagṛhamāgamya jayantyā sahitaḥ prabhuḥ .. 36.11 .. ### [2.36.13](https://indike.org/pramana/in.purana.vayu.2.36.13) sa tayā saṃ va saddevyā daśa varṣāṇi bhāgaśaḥ. adṛśyaḥ sarvabhūtānāṃ māyayā saṃvṛtastadā .. 36.12 .. ### [2.36.14](https://indike.org/pramana/in.purana.vayu.2.36.14) kṛtārthamāgataṃ dṛṣṭvā kāvyaṃ sarve diteḥ sutāḥ . abhijagmurgṛhaṃ tasya muditāste didṛkṣavaḥ .. 36.13 .. ### [2.36.15](https://indike.org/pramana/in.purana.vayu.2.36.15) gatā yadā na paśyanto jayantyā saṃvṛtaṃ gurum. dākṣiṇyaṃ tasya tadbudhvā pratijagmuryathāgatam .. 36.14 .. ### [2.36.16](https://indike.org/pramana/in.purana.vayu.2.36.16) bṛhaspatistu saṃruddhaṃ jñātvā kāvyaṃ cakāra ha. pitrarthe daśa varṣāṇi jayantyā hitakāmyayā .. 36.15 .. ### [2.36.17](https://indike.org/pramana/in.purana.vayu.2.36.17) buddhvā tadantaraṃ so'tha daityānāmiva coditaḥ. kāvyasya rūpamāsthāya so'surānsamabhāṣata .. 36.16 .. ### [2.36.18](https://indike.org/pramana/in.purana.vayu.2.36.18) tataḥ samāgatān dṛṣṭvā bṛhaspatiruvāca tān. svāgataṃ mama yājyānāṃ saṃprāpto'smi hitāya ca .. 36.17 .. ### [2.36.19](https://indike.org/pramana/in.purana.vayu.2.36.19) ahaṃ vo'dhyāpayiṣyāmi prāptā vidyā mayā hi sā. tataste hṛṣṭamanaso vidyārthamupapedire .. 36.18 .. ### [2.36.20](https://indike.org/pramana/in.purana.vayu.2.36.20) pūrṇakāmastadā tasmin samaye daśavārṣike. yayau ca samakālaṃ sa sadyotpannamatistadā .. 36.19 .. ### [2.36.21](https://indike.org/pramana/in.purana.vayu.2.36.21) samayānte devayānī sadyo jātā sutā tadā. buddhiṃ cakre tataścāpi yājyānāṃ pratyavekṣaṇe .. 36.20 .. ### [2.36.22](https://indike.org/pramana/in.purana.vayu.2.36.22) ..śukra uvāca.. ### [2.36.23](https://indike.org/pramana/in.purana.vayu.2.36.23) devi gacchāmahe draṣṭuṃ tava yājyān śucismite. vibhrāntaprekṣite sādhvi trivarṇāyatalocane .. 36.21 .. ### [2.36.24](https://indike.org/pramana/in.purana.vayu.2.36.24) evamuktā'bravīddevī bhaja bhaktān mahāvrata. eṣa brahman satāṃ dharmo na dharmaṃ lopayāmi te .. 36.22 .. ### [2.36.25](https://indike.org/pramana/in.purana.vayu.2.36.25) ..sūta uvāca.. ### [2.36.26](https://indike.org/pramana/in.purana.vayu.2.36.26) tato gatvāsurān dṛṣṭvā devācāryeṇa dhīmatā. vāñcitān kāvyarūpeṇa vedhasā'suramabravīt .. 36.23 .. ### [2.36.27](https://indike.org/pramana/in.purana.vayu.2.36.27) kāvyaṃ māṃ tāta jānīdhvaṃ eṣa hyāṅgiraso bhuvi. vañcitā bata yūyaṃ vai mayi śakte tu dānavāḥ .. 36.24 .. ### [2.36.28](https://indike.org/pramana/in.purana.vayu.2.36.28) śrutvā tathā bruvāṇantaṃ sambhrāntā ditijāstataḥ. prekṣante sma hyubhau tatra sitāsitaśucismitau .. 36.25 .. ### [2.36.29](https://indike.org/pramana/in.purana.vayu.2.36.29) sampramūḍhāḥ sthitāḥ sarve prāpadyanta na kiñcana. tatasteṣu pramūḍheṣu kāvyastān punarabravīt .. 36.26 .. ### [2.36.30](https://indike.org/pramana/in.purana.vayu.2.36.30) ācāryyo vo hyahaṃ kāvyo devācāryo'yamaṅgirāḥ. anugacchata māṃ sarve tyajatainaṃ bṛhaspatim .. 36.27 .. ### [2.36.31](https://indike.org/pramana/in.purana.vayu.2.36.31) evamuktāsurāḥ sarve tāvṛbhau samavaikṣata. tadā'surā viśeṣantu na vyajānaṃstayordvayoḥ .. 36.28 .. ### [2.36.32](https://indike.org/pramana/in.purana.vayu.2.36.32) bṛhaspatiruvācaitānasambhrānto'yamaṅgirāḥ. kāvyo'haṃ yo gururdaityā madrūpo'yaṃ bṛhaspatiḥ .. 36.29 .. ### [2.36.33](https://indike.org/pramana/in.purana.vayu.2.36.33) sa mohayati rūpeṇa māmakenaiṣa vo'surāḥ. śrutvā tasya tataste vai saṃmantryārthavaco'bruvan .. 36.30 .. ### [2.36.34](https://indike.org/pramana/in.purana.vayu.2.36.34) ayanno daśa varṣāṇi satataṃ śāsti vai prabhuḥ. eṣa vai gururasmākamantarepsurayaṃ dvijaḥ .. 36.31 .. ### [2.36.35](https://indike.org/pramana/in.purana.vayu.2.36.35) tataste dānavāḥ sarve praṇipatyābhivādya ca. vacanaṃ jagṛhustasya cirābhyāsena mohitāḥ .. 36.32 .. ### [2.36.36](https://indike.org/pramana/in.purana.vayu.2.36.36) ūcustamasurāḥ sarve kruddhāḥ saṃraktalocanāḥ. ayaṅgururhite'smākaṃ gaccha tvaṃ nāsi no guruḥ .. 36.33 .. ### [2.36.37](https://indike.org/pramana/in.purana.vayu.2.36.37) bhārgavo'ṅgiraso vāyaṃ bhavatvevaiṣa noguruḥ. sthitā vayaṃ nideśe'sya gacchatvaṃ sādhu mā ciram .. 36.34 .. ### [2.36.38](https://indike.org/pramana/in.purana.vayu.2.36.38) evamuktvāsurāḥ sarve prāpadyanta bṛhaspatim. yadā na pratipadyante tenoktaṃ tanmahaddhitam .. 36.35 .. ### [2.36.39](https://indike.org/pramana/in.purana.vayu.2.36.39) cukopa bhārgavasteṣāmavalepena vai tadā. bodhitā hi mayā yasmānna māṃ bhajata dānavāḥ .. 36.36 .. ### [2.36.40](https://indike.org/pramana/in.purana.vayu.2.36.40) tasmāt pranaṣṭa saṃjñāṃ vai parābhavaṅgamiṣyatha. idi vyāhṛtya tān kāvyo jagāmātha yathāgatam .. 36.37 .. ### [2.36.41](https://indike.org/pramana/in.purana.vayu.2.36.41) jñātvā'bhiśastānasurān kāvyena tu bṛhaspatiḥ. kṛtārthaḥ sa tadā hṛṣṭaḥ svaṃ rūpaṃ pratyapadyata. buddhvā'surāṃstadā bhraṣṭān kṛtārtho'ntaradhīyata .. 36.38 .. ### [2.36.42](https://indike.org/pramana/in.purana.vayu.2.36.42) tataḥ pranaṣṭe tasmiṃste vibhrāntā dānavāstadā. aho dhig vañcitāḥ smeha parasparamathābruvan .. 36.39 .. ### [2.36.43](https://indike.org/pramana/in.purana.vayu.2.36.43) pṛṣṭhato vimukhāścaiva tāḍitā vedhasā vayam. dagdhāścaivopayogācca svesve cārtheṣu māyayā .. 36.40 .. ### [2.36.44](https://indike.org/pramana/in.purana.vayu.2.36.44) tato'surāḥ paritrastā devebhyastvaritā yayuḥ. prahlādamagrataḥ kṛtvā kāvyasyānugamaṃ punaḥ .. 36.41 .. ### [2.36.45](https://indike.org/pramana/in.purana.vayu.2.36.45) tataḥ kāvyaṃ samāsādya abhitasthu ravāṅmukhāḥ. tānāgatān punardṛṣṭvā kāvyo yājyānuvāca ha .. 36.42 .. ### [2.36.46](https://indike.org/pramana/in.purana.vayu.2.36.46) mayāpi bodhitāḥ kāle yato māṃ nābhinandatha. tatastenāvalepena gatā yūthaṃ parābhavam .. 36.43 .. ### [2.36.47](https://indike.org/pramana/in.purana.vayu.2.36.47) prahlādastamathovāca mānaṃ tvaṃ tyaja bhārgava. svān yājyān bhajamānāṃśca bhaktāṃścaiva viśeṣataḥ .. 36.44 .. ### [2.36.48](https://indike.org/pramana/in.purana.vayu.2.36.48) tvayā pṛṣṭā vayaṃ tena devācāryeṇa mohitāḥ. bhaktānarhasi nastrātuṃ jñātvā dīrgheṇa cakṣuṣā .. 36.45 .. ### [2.36.49](https://indike.org/pramana/in.purana.vayu.2.36.49) yadi nastvaṃ na kuruṣe prasādaṃ bhṛgunandana. apadhyātā stvayā hyadya pravekṣyāmo rasātalam .. 36.46 .. ### [2.36.50](https://indike.org/pramana/in.purana.vayu.2.36.50) sūta uvāca.. ### [2.36.51](https://indike.org/pramana/in.purana.vayu.2.36.51) jñātvā kāvyo yathātattvaṃ kāruṇyenānukampayā . evamukto'nunītaḥ sa stutaḥ kopaṃ nyayacchata .. 36.47 .. ### [2.36.52](https://indike.org/pramana/in.purana.vayu.2.36.52) uvācedanna bhetavyaṃ na gantanyaṃ rasātalam. avaśyambhāvī hyartho'yaṃ prāpto vo mayi jāgrati .. 36.48 .. ### [2.36.53](https://indike.org/pramana/in.purana.vayu.2.36.53) na śakyamanyathā kartuṃ dṛṣṭaṃ hi balavattaram . saṃjñā pranaṣṭā yā vo'dya kāmaṃ tāṃ pratilapsyatha .. 36.49 .. ### [2.36.54](https://indike.org/pramana/in.purana.vayu.2.36.54) prāptaḥ paryyāyakālo va iti brahmā'bhyabhāṣata. matprasādācca yuṣmābhirbhuktaṃ trailokyamūrjjitam .. 36.50 .. ### [2.36.55](https://indike.org/pramana/in.purana.vayu.2.36.55) yugākhyo daśa saṃpūrṇo devānākramya mūrddhani. tāvantameva kālaṃ vai brahmā rājyamabhāṣata .. 36.51 .. ### [2.36.56](https://indike.org/pramana/in.purana.vayu.2.36.56) sāvarṇike punastubhyaṃ rājyaṃ kila bhaviṣyati. lokānāmīśvaro bhāvī pautrastava punarbaliḥ .. 36.52 .. ### [2.36.57](https://indike.org/pramana/in.purana.vayu.2.36.57) evaṃ kilamahaṃ proktaḥ pautraste brahmaṇā svayam. tathāhṛteṣu lokeṣu tapo'sya na kilābhavat .. 36.53 .. ### [2.36.58](https://indike.org/pramana/in.purana.vayu.2.36.58) yasmāt pravṛttayaścāsya na kāmānabhisandhitāḥ. tasmādajena prītena dattaṃ sāvarṇike'ntare .. 36.54 .. ### [2.36.59](https://indike.org/pramana/in.purana.vayu.2.36.59) devarājyaṃ balerbhāvyamiti māmīśvaro'bravīt. tasmādadṛśyo bhūtānāṃ kālākāṅkṣī sa tiṣṭhati .. 36.55 .. ### [2.36.60](https://indike.org/pramana/in.purana.vayu.2.36.60) prītena cāmaratvaṃ vai dattaṃ tubyaṃ svayambhuvā. tasmānnirutsu kastvaṃ vai paryyāyaṃ saha mākulaḥ .. 36.56 .. ### [2.36.61](https://indike.org/pramana/in.purana.vayu.2.36.61) na ca śakyaṃ mayā tubhyaṃ purastādvai visarpitum . brahmaṇā pratiṣiddho'smi bhaviṣyaṃ jānatā prabho .. 36.57 .. ### [2.36.62](https://indike.org/pramana/in.purana.vayu.2.36.62) imau ca śiṣyau dvau mahyaṃ tulyāvetau bṛhaspateḥ . daivataiḥ saha saṃrabdhān sarvvān vo dhārayiṣyataḥ .. 36.58 .. ### [2.36.63](https://indike.org/pramana/in.purana.vayu.2.36.63) evamuktastu daiteyāḥ kāvyenākliṣṭakarmmaṇā. tatastābhyāṃ yayuḥ sārddhaṃ prahlādapramukhāstadā .. 36.59 .. ### [2.36.64](https://indike.org/pramana/in.purana.vayu.2.36.64) avaśyambhāvamarthatvaṃ śrutvā śukrācca dānavāḥ. sakṛdāśaṃsamānāste jayaṃ kāvyena bhāṣitam .. 36.60 .. ### [2.36.65](https://indike.org/pramana/in.purana.vayu.2.36.65) daṃśitāḥ sāyudhāḥ sarve tato devān samāhvayan. atha devāsurān dṛṣṭvā saṃgrāme samupasthitān .. 36.61 .. ### [2.36.66](https://indike.org/pramana/in.purana.vayu.2.36.66) tataḥ saṃvṛttasannāhā devāstān samayodhayan. daivāsure tatastasmin varttamāne śataṃ samāḥ. ajayannasurā devān bhagnā devā amantrayan .. 36.62 .. ### [2.36.67](https://indike.org/pramana/in.purana.vayu.2.36.67) ..devā ūcuḥ .. ### [2.36.68](https://indike.org/pramana/in.purana.vayu.2.36.68) ṣaṇḍāmārkaprabhāvaṃ na jānīmastva surairvayam. tasmādyajñaṃ samuddiśya kāryyaṃ cātmahitañca yat .. 36.63 .. ### [2.36.69](https://indike.org/pramana/in.purana.vayu.2.36.69) tajjñānāpahṛtāvetau kṛtvā jeṣyāmahe'surān . athopāmantrayan devāḥ ṣaṇḍāmārkau tu tāvubhau .. 36.64 .. ### [2.36.70](https://indike.org/pramana/in.purana.vayu.2.36.70) yajñe samāhvayiṣyāmastyajatamasurān dvijau . grahaṃ taṃ vā grahīṣyāmo hyanujitya tu dānavān .. 36.65 .. ### [2.36.71](https://indike.org/pramana/in.purana.vayu.2.36.71) evaṃ tatyajatustau tu ṣaṇḍāmārkau tadāsurān . tato devā jayaṃ prāptā dānavāśca parābhavam .. 36.66 .. ### [2.36.72](https://indike.org/pramana/in.purana.vayu.2.36.72) devāsurān parābhāvya ṣaṇḍāmārkāvupāgaman. kāvyaśāpābhibhūtāśca hyanādhārāśca te punaḥ .. 36.67 .. ### [2.36.73](https://indike.org/pramana/in.purana.vayu.2.36.73) vadhyamānāstadā devairviviśuste rasātalam. evaṃ nirudyamāste vai kṛtāḥ śakreṇa dānavāḥ. tataḥ prabhṛti śāpena bhṛgunaimittikena ca .. 36.68 .. ### [2.36.74](https://indike.org/pramana/in.purana.vayu.2.36.74) jajñe punaḥ punarviṣṇuryajñe ca śithile prabhuḥ. karttuṃ dharmmavyavasthānamadharmmasya ca nāśanam .. 36.69 .. ### [2.36.75](https://indike.org/pramana/in.purana.vayu.2.36.75) prahlādasya nideśe tu ye'surā na vyavasthitāḥ. manuṣyavadhyāṃstān sarvvān brahmā vyāhārayat prabhuḥ .. 36.70 .. ### [2.36.76](https://indike.org/pramana/in.purana.vayu.2.36.76) dharmmānnārāyaṇastasmān sambhūtaścākṣuṣe'ntare. yajñaṃ pravartayāmāsa caitye vaivasvate'ntare .. 36.71 .. ### [2.36.77](https://indike.org/pramana/in.purana.vayu.2.36.77) prādurbhāve tadānyasya brahmaivāsīt purohitaḥ. caturthyāntu yugākhyāyāmāpanneṣvasureṣvatha .. 36.72 .. ### [2.36.78](https://indike.org/pramana/in.purana.vayu.2.36.78) sambhūtaḥ sa samudrāntarhiraṇyakaśiporvadhe. dvitīyo narasiṃṅo'bhūdrudraḥ surapurassaraḥ .. 36.73 .. ### [2.36.79](https://indike.org/pramana/in.purana.vayu.2.36.79) balisaṃstheṣu lokeṣu tretāyāṃ saptame yuge. daityaistrailokya ākrānte tṛtīyo vāmano'bhavat .. 36.74 .. ### [2.36.80](https://indike.org/pramana/in.purana.vayu.2.36.80) saṃkṣipyātmānamaṅgeṣu bṛhaspatipurassaram. yajamānantu daityendramadityāḥ kulanandanaḥ. dvijo bhūtvā śubhe kāle baliṃ vairocanampurā .. 36.75 .. ### [2.36.81](https://indike.org/pramana/in.purana.vayu.2.36.81) trailokyasya bhavān rājā tvayi sarvvaṃ pratiṣṭhitam. dātumarhasi me rājan vikramāṃstrīniti prabhuḥ .. 36.76 .. ### [2.36.82](https://indike.org/pramana/in.purana.vayu.2.36.82) dadāmītyeva taṃ rājā balirvairocano'bravīt. vāmanantaṃ ca vijñāya tato'numuditaḥ svayam .. 36.77 .. ### [2.36.83](https://indike.org/pramana/in.purana.vayu.2.36.83) sa vāmano divaṃ khaṃ ca pṛthivīṃ ca dvijottamāḥ. tribhiḥ kramairviśvamidaṃ jagadākrāmata prabhuḥ .. 36.78 .. ### [2.36.84](https://indike.org/pramana/in.purana.vayu.2.36.84) atyaricyata bhūtātmā bhāskaraṃ svena tejasā. prakāśayan diśaḥ sarvvāḥ pradiśaśca mahāyaśāḥ .. 36.79 .. ### [2.36.85](https://indike.org/pramana/in.purana.vayu.2.36.85) śuśubhe sa mahābāhuḥ sarvvalokān prakāśayan. āsurīṃ śriyamāhṛtya trīṃllokāṃśca janārdanaḥ. saputrapautrānasurān pātālatalamānayat .. 36.80 .. ### [2.36.86](https://indike.org/pramana/in.purana.vayu.2.36.86) namuciḥ śambaraścaiva prahlādaścaiva viṣṇunā. krūrā hatā vinirddhūtā diśaḥ saṃpratipedire .. 36.81 .. ### [2.36.87](https://indike.org/pramana/in.purana.vayu.2.36.87) mahābhūtāni bhūtātmā saviśeṣāṇi mādhavaḥ. kālañca sakalaṃ viprāṃstatrādbhutamadarśayat .. 36.82 .. ### [2.36.88](https://indike.org/pramana/in.purana.vayu.2.36.88) tasya gātre jagatsarvamātmānamanupaśyati . na kiñcidasti lokeṣu yadavyāptaṃ mahātmanā .. 36.83 .. ### [2.36.89](https://indike.org/pramana/in.purana.vayu.2.36.89) tadvai rūpamupendrasya devadānavamānavāḥ. dṛṣṭvā sammumuhuḥ sarve viṣṇutejovimohitāḥ .. 36.84 .. ### [2.36.90](https://indike.org/pramana/in.purana.vayu.2.36.90) baliḥ silo mahāpāśaiḥ sabandhuḥ sasuhṛdgaṇaḥ. virocana kulaṃ sarvaṃ pātāle sanniveśitam .. 36.85 .. ### [2.36.91](https://indike.org/pramana/in.purana.vayu.2.36.91) tataḥ sarvāmaraiśvaryaṃ dattvendrāya mahātmane. mānuṣeṣu mahābāhuḥ prādurāsījjanārdanaḥ .. 36.86 .. ### [2.36.92](https://indike.org/pramana/in.purana.vayu.2.36.92) etāstisraḥ smṛtāstasya divyāḥ sambhūtayaḥ śubhāḥ. mānuṣyāḥ sapta yāstasya śāpajāṃstānnibodhata .. 36.87 .. ### [2.36.93](https://indike.org/pramana/in.purana.vayu.2.36.93) tretāyuge tu daśame dattātreyo babhūva ha. naṣṭe dharme caturthaśca mārkaṇḍeyapuraḥsaraḥ .. 36.88 .. ### [2.36.94](https://indike.org/pramana/in.purana.vayu.2.36.94) pañcamaḥ pañcadaśyāṃ tu tretāyāṃ sambabhūva ha. māndhātuścakravarttitve tasthau tathyapuraḥsaraḥ .. 36.89 .. ### [2.36.95](https://indike.org/pramana/in.purana.vayu.2.36.95) eko naviṃśe tretāyāṃ sarvvakṣatrāntako'bhavat. jāmadagnyastathā ṣaṣṭho viśvāmitrapuraḥsaraḥ .. 36.90 .. ### [2.36.96](https://indike.org/pramana/in.purana.vayu.2.36.96) caturviṃśe yuge rāmo vasiṣṭhena purodhasā. saptamo rāva ṇasyārthe jajñe daśarathātmajaḥ .. 36.91 .. ### [2.36.97](https://indike.org/pramana/in.purana.vayu.2.36.97) aṣṭamo dvāpare viṣṇuraṣṭāviṃśe parāśarāt . vedavyāsastato jajñe jātūkarṇapuraḥsaraḥ .. 36.92 .. ### [2.36.98](https://indike.org/pramana/in.purana.vayu.2.36.98) tathaiva navamo viṣṇuradityāḥ kaśyapātmajaḥ. devakyāṃ vasudevāttu brahnagārgyapuraḥsaraḥ .. 36.93 .. ### [2.36.99](https://indike.org/pramana/in.purana.vayu.2.36.99) aprameyo niyojyaśca yatra kāmacaro vaśī. krījate bhagavām̐ lloke bālaḥ krījanakairiva .. 36.94 .. ### [2.36.100](https://indike.org/pramana/in.purana.vayu.2.36.100) na pramātuṃ mahābāhuḥ śakyo'sau madhusūdanaḥ. paraṃ paramametasmādviśvarūpānna vidyate .. 36.95 .. ### [2.36.101](https://indike.org/pramana/in.purana.vayu.2.36.101) aṣṭāviṃśa time tadvaddvāparasyāṃśasaṅkṣaye. naṣṭe dharme tadā jajñe viṣṇurvṛṣṇikule prabhuḥ .. 36.96 .. ### [2.36.102](https://indike.org/pramana/in.purana.vayu.2.36.102) karttuṃ dharmavyavasthānamasurāṇāṃ praṇāśanam. mohayan sarvabhūtāni yogātmā yogamāyayā .. 36.97 .. ### [2.36.103](https://indike.org/pramana/in.purana.vayu.2.36.103) praviṣṭo mānuṣīṃ yoniṃ pracchannaścarate mahīm. vihārārthaṃ manuṣyeṣu sāndīpanipuraḥsaram .. 36.98 .. ### [2.36.104](https://indike.org/pramana/in.purana.vayu.2.36.104) yatra kaṃsañca śālvañca dvividañca mahāsuram. ariṣṭaṃ vṛṣabhañcaiva pūtanāṃ keśinaṃ hayam .. 36.99 .. ### [2.36.105](https://indike.org/pramana/in.purana.vayu.2.36.105) nāgaṃ kuvalayāpīḍaṃ mallarājagṛhādhipam. daityān mānuṣadehasthān sūdayāmāsa vīryavān .. 36.100 .. ### [2.36.106](https://indike.org/pramana/in.purana.vayu.2.36.106) chinnaṃ bāhusahasrañca bāṇasyādbhutakarmaṇaḥ . narakaśca hataḥ saṅkhaye yavanaśca mahābalaḥ .. 36.101 .. ### [2.36.107](https://indike.org/pramana/in.purana.vayu.2.36.107) hṛtāni ca mahīpānāṃ sarvaratnāni tejasā. durācārā śca nihatāḥ pārthivā ye rasātale .. 36.102 .. ### [2.36.108](https://indike.org/pramana/in.purana.vayu.2.36.108) ete lokahitārthāya prādurbhāvā mahātmanaḥ. asminneva yuge kṣīṇe sandhyā śliṣṭe bhaviṣyati .. 36.103 .. ### [2.36.109](https://indike.org/pramana/in.purana.vayu.2.36.109) kalkirviṣṇuyaśā nāma pārāśaryaḥ pratāpavān. daśamo bhāvyasambhūto yājñavalkyapuraḥsaraḥ .. 36.104 .. ### [2.36.110](https://indike.org/pramana/in.purana.vayu.2.36.110) anukarṣan sarvasenāṃ hastyaśvarathasaṅkulām. pragṛhītāyudhaurviprairvṛtaḥ śatasahasraśaḥ .. 36.105 .. ### [2.36.111](https://indike.org/pramana/in.purana.vayu.2.36.111) nātyarthaṃ dhārmikā ye ca ye ca dharmadviṣaḥ vkacit. īdīcyānmadhyadeśāṃśca tathā vindhyāparāntikān .. 36.106 .. ### [2.36.112](https://indike.org/pramana/in.purana.vayu.2.36.112) tathaiva dākṣiṇātyāṃśca dravijān siṃhalaiḥ saha. gāndhārān pāradāṃścaiva pahlavān yavanāñchakān .. 36.107 .. ### [2.36.113](https://indike.org/pramana/in.purana.vayu.2.36.113) tuṣārān barbarāṃścaiva pulindān daradān khasān . lampākānandhakān rudrān kirātāṃścaiva sa prabhuḥ .. 36.108 .. ### [2.36.114](https://indike.org/pramana/in.purana.vayu.2.36.114) pravṛttacakrobalavān mlecchānāmantakṛdbalī. adṛśyaḥ sarvabhūtānāṃ pṛthivīṃ vicariṣyati .. 36.109 .. ### [2.36.115](https://indike.org/pramana/in.purana.vayu.2.36.115) mānavaḥ sa tu saṃjajñe devasyāṃśena dhīmataḥ . pūrvajanmani viṣṇuryaḥ pramitirnāma vīryavān .. 36.110 .. ### [2.36.116](https://indike.org/pramana/in.purana.vayu.2.36.116) gātreṇa vai candrasamaḥ pūrṇe kaliyuge'bhavat. ityetāstasya devasya daśa sambhūtayaḥ smṛtāḥ .. 36.111 .. ### [2.36.117](https://indike.org/pramana/in.purana.vayu.2.36.117) taṃ taṃ kālañca kāryañca tattaduddiśya kāraṇam. aṃśena triṣu lokeṣu tāstā yonīḥ prapatsyate .. 36.112 .. ### [2.36.118](https://indike.org/pramana/in.purana.vayu.2.36.118) pañcaviṃśotthite kalpe pañcaviṃśati vai samāḥ. vinighnan sarvvabhūtāni mānuṣāneva sarvvaśaḥ .. 36.113 .. ### [2.36.119](https://indike.org/pramana/in.purana.vayu.2.36.119) kṛtvā bījāvaśeṣāntu mahīṃ krūreṇa karmmaṇā. saṃśātayitvā vṛṣalān prāyaśastānadhārmmikān .. 36.114 .. ### [2.36.120](https://indike.org/pramana/in.purana.vayu.2.36.120) tataḥ sa vai tadā kalkiścaritārthaḥ sasainikaḥ. karmaṇā nihatā ye tu siddhāste tu punaḥ svayam .. 36.115 .. ### [2.36.121](https://indike.org/pramana/in.purana.vayu.2.36.121) akasmāt kupitānyonyaṃ bhaviṣyanti ca mohitāḥ . kṣapayitvā tu tān sarvān bāvinārthena coditān .. 36.116 .. ### [2.36.122](https://indike.org/pramana/in.purana.vayu.2.36.122) gaṅgāyamunayormadhye niṣṭhāṃ prāpsyati sānugaḥ. tato vyatīte kalkau tu sāmānyaiḥ saha sainikaiḥ .. 36.117 .. ### [2.36.123](https://indike.org/pramana/in.purana.vayu.2.36.123) nṛpeṣvatha vinaṣṭeṣu tadā tvapragrahāḥ prajāḥ. rakṣaṇe vinivṛtte tu hatvā cānyonyamāhave .. 36.118 .. ### [2.36.124](https://indike.org/pramana/in.purana.vayu.2.36.124) parasparahṛtāśvāsā nirākrandāḥ suduḥkhitāḥ. purāṇi hitvā grāmāṃśca tulyāstā niṣparigrahāḥ .. 36.119 .. ### [2.36.125](https://indike.org/pramana/in.purana.vayu.2.36.125) pranaṣṭaśrutidharmāśca naṣṭadharmāśramāstathā. hrasvā alpāyuṣaścaiva vanaukasa ime smṛtāḥ .. 36.120 .. ### [2.36.126](https://indike.org/pramana/in.purana.vayu.2.36.126) saritparvatasevinyaḥ patramūlaphalāśanāḥ. cīra patrājinadharāḥ saṅkaraṃ ghoramāsthitāḥ .. 36.121 .. ### [2.36.127](https://indike.org/pramana/in.purana.vayu.2.36.127) alpāyuṣo naṣṭavārttā bahvābādhāḥ suduḥkhitāḥ. evaṃ kaṣṭamanuprāptāḥ kalisandhyaṃśake tadā .. 36.122 .. ### [2.36.128](https://indike.org/pramana/in.purana.vayu.2.36.128) prajāḥ kṣayaṃ prayāsyanti sārddhaṃ kaliyugena tu . kṣīṇe kaliyuge tasmin pravṛtte ca kṛte punaḥ .. 36.123 .. ### [2.36.129](https://indike.org/pramana/in.purana.vayu.2.36.129) prapatsyante yathānyāyaṃ svabhāvādeva nānyatā. ityetat kīrtitaṃ sarvaṃ devāsuraviceṣṭitam .. 36.124 .. ### [2.36.130](https://indike.org/pramana/in.purana.vayu.2.36.130) yaduvaṃśaprasaṅgena mahadvo vaiṣṇavaṃ yaśaḥ . turvasostu pravakṣyāmi pūrordruhyoranostathā .. 36.125 .. ### [2.36.131](https://indike.org/pramana/in.purana.vayu.2.36.131) iti śrīmahāpurāṇe vāyuprokte viṣṇumāhātmyakathanaṃ nāma ṣaṭ‌triṃśo'dhyāyaḥ .. 36 ..\* ## Linked texts (5) - [Brahmāṇḍapurāṇa](https://indike.org/pramana/in.purana.brahmanda.2.73.2) — Vyāsa, Sanskrit - [Southern recension](https://indike.org/pramana/in.lit.mahabharata.vyasa*southern.2.47.18) — Sanskrit - [Vulgate](https://indike.org/pramana/in.lit.mahabharata.harivamsa*vulgate.1.41.158) — Sanskrit - [Padmapurāṇa](https://indike.org/pramana/in.purana.padma.1.13.269) — Vyāsa, Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.4.12.47) — Sanskrit --- Source: [https://indike.org/pramana/in.purana.vayu.2.36](https://indike.org/pramana/in.purana.vayu.2.36) · Pramāṇa