[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.37 # Vayupurana 2.37: adhyāyaḥ 37 Vāyupurāṇa 2.37 - **Language:** Sanskrit ### adhyāyaḥ 37 ### [2.37.1](https://indike.org/pramana/in.purana.vayu.2.37.1) ..sūta uvāca.. ### [2.37.2](https://indike.org/pramana/in.purana.vayu.2.37.2) turvasostu suto vahnirvahnergobhānurātmajaḥ. gobhānostu suto vīrastrisānuraparājitaḥ .. 37.1 .. ### [2.37.3](https://indike.org/pramana/in.purana.vayu.2.37.3) karandhamastrisānostu maruttasya na cātmajaḥ. anyastvavīkṣito rājā maruttaḥ kathitaḥ purā .. 37.2 .. ### [2.37.4](https://indike.org/pramana/in.purana.vayu.2.37.4) anavatyo maruttastu sa rājāsīditi śrutam. duṣkṛtaṃ pauravaṃ cāpi sarve putramakalpayan .. 37.3 .. ### [2.37.5](https://indike.org/pramana/in.purana.vayu.2.37.5) evaṃ yayādiśāpena jarāyāḥ saṃkrameṇa tu . turvasoḥ pauravaṃ vaṃśaṃ praviveśa purā kila .. 37.4 .. ### [2.37.6](https://indike.org/pramana/in.purana.vayu.2.37.6) duṣkṛtasya tu dāyādaḥ śarūtho nāma pārthivaḥ. śarūthāttu janāpīḍaścatvārastasya cātmajāḥ .. 37.5 .. ### [2.37.7](https://indike.org/pramana/in.purana.vayu.2.37.7) pāṇḍyaśca keralaścaiva colaḥ kulyastathaiva ca. teṣāṃ janapadāḥ kulyāḥ pāṇḍyāścolāḥ sakeralāḥ .. 37.6 .. ### [2.37.8](https://indike.org/pramana/in.purana.vayu.2.37.8) druhyostu tanayau vīrau babhruḥ setuśca viśrutau. aruddhaḥ setuputrastu bābhravo ripurucyate .. 37.7 .. ### [2.37.9](https://indike.org/pramana/in.purana.vayu.2.37.9) yauvanāśvena samiti kṛcchreṇa nihato balī. yuddhaṃ sumahadāsīttu māsān pari caturdaśa .. 37.8 .. ### [2.37.10](https://indike.org/pramana/in.purana.vayu.2.37.10) aruddhasya tu dāyādo gāndhāro nāma pārthivaḥ. khyāyate yasya nāmnā tu gāndhāraviṣayo mahān .. 37.9 .. ### [2.37.11](https://indike.org/pramana/in.purana.vayu.2.37.11) gāndhāradeśajāścāpi turagā vājināṃ varāḥ. gāndhāraputro dharmmastu ghṛtastasya suto'bhavat .. 37.10 .. ### [2.37.12](https://indike.org/pramana/in.purana.vayu.2.37.12) ghṛtasya durdamo jajñe pracetāstasya cātmajaḥ . pracetasaḥ putraśataṃ rājānaḥ sarva eva te .. 37.11 .. ### [2.37.13](https://indike.org/pramana/in.purana.vayu.2.37.13) mleccharāṣṭrādhipāḥ sarve hyudīcīṃ diśamāśritāḥ. anoḥ putrā mahātmānastrayaḥ paramadhārmmikāḥ .. 37.12 .. ### [2.37.14](https://indike.org/pramana/in.purana.vayu.2.37.14) sabhānaraśca pakṣaśca parapakṣastathaiva ca. sabhānarasya putrastu vidvān kālānalo nṛpaḥ .. 37.13 .. ### [2.37.15](https://indike.org/pramana/in.purana.vayu.2.37.15) kālānalasya dharmmātmā sṛñjayo nāma dhārmikaḥ . sṛñjayasyābhavat putro vīro rājā purañjayaḥ .. 37.14 .. ### [2.37.16](https://indike.org/pramana/in.purana.vayu.2.37.16) janamejayo mahā satvaḥ purañjayasuto'bhavat. janamejayasya rājarṣermahāśālo'bhavabhṛpaḥ .. 37.15 .. ### [2.37.17](https://indike.org/pramana/in.purana.vayu.2.37.17) āsīdindrasamo rājā pratiṣṭhitayaśā divi. mahāmanāḥ sutastasya mahā śālasya dhārmikaḥ .. 37.16 .. ### [2.37.18](https://indike.org/pramana/in.purana.vayu.2.37.18) saptadvīpeśvaro rājā cakravarttī mahāyaśāḥ. mahāmanāstu putrau dvau janayāmāsa viśrutau .. 37.17 .. ### [2.37.19](https://indike.org/pramana/in.purana.vayu.2.37.19) uśīnarañca dharmajñaṃ titikṣuñcaiva dhārmikam. uśīnarasya patnyastu pañca rājarṣivaṃśajāḥ .. 37.18 .. ### [2.37.20](https://indike.org/pramana/in.purana.vayu.2.37.20) mṛgā kṛmī navā darvā pañcamī ca dṛṣadvatī. uśīnarasya putrāstu pañca tāsu kulodvahāḥ. tapasā te sumahatā jātavṛddhāśca dhārmikāḥ .. 37.19. mṛgāyāstu mṛgaḥ putro navāyā nava eva tu. kṛmyāḥ kṛmistu darvāyāḥ suvrato nāma dhārmikaḥ .. 37.20 .. ### [2.37.21](https://indike.org/pramana/in.purana.vayu.2.37.21) dṛṣadvatīsutaścāpi śivirauśīnaro dvijāḥ. śiveḥ śivapuraṃ khyātaṃ yaudheyantu mṛgasya tu .. 37.21 .. ### [2.37.22](https://indike.org/pramana/in.purana.vayu.2.37.22) navasya navarāṣṭrantu kṛmestu kṛmilā purī. suvratasya tathā vṛṣṭā śiviputrānnibodhata .. 37.22 .. ### [2.37.23](https://indike.org/pramana/in.purana.vayu.2.37.23) śivestu śivayaḥ putrāścatvāro lokasammatāḥ. vṛṣadarbhaḥ suvīrastu kekayo madrakastathā .. 37.23 .. ### [2.37.24](https://indike.org/pramana/in.purana.vayu.2.37.24) teṣāñjanapadāḥ sphītāḥ kekayā mādrakāstathā. vṛṣadarbhāḥ sūcidarbhāstitikṣoḥ śrṛṇuta prajāḥ .. 37.24 .. ### [2.37.25](https://indike.org/pramana/in.purana.vayu.2.37.25) taitikṣurabhavadrājā pūrvasyāndiśi viśrutaḥ. uśadratho mahābāhustasya hemaḥ suto'bhavat .. 37.25 .. ### [2.37.26](https://indike.org/pramana/in.purana.vayu.2.37.26) hemasya sutapā jajñe sutaḥ sutayaśā balī . jāto manuṣyayonyāṃ vai kṣīṇe vaṃśe prajepsayā .. 37.26 .. ### [2.37.27](https://indike.org/pramana/in.purana.vayu.2.37.27) mahāyogī sa tu balirbaddho yaḥ sa mahāmanāḥ. putrānutpādayāmāsa cāturvarṇyakarān bhuvi .. 37.27 .. ### [2.37.28](https://indike.org/pramana/in.purana.vayu.2.37.28) aṅgaṃ sa janayāmāsa vaṅgaṃ suhlaṃ tathaiva ca. puṇḍraṃ kaliṅgañca tathā bāleyaṃ kṣatramucyate .. 37.28 .. ### [2.37.29](https://indike.org/pramana/in.purana.vayu.2.37.29) bāleyā brāhmaṇāścaiva tasya vaṃśakarāḥ prabhoḥ. balestu brahmaṇā dattā varāḥ prītena dhīmate .. 37.29 .. ### [2.37.30](https://indike.org/pramana/in.purana.vayu.2.37.30) mahāyogitvamāyuśca kalpāyuḥparimāṇakam. saṃgrāme cāpyajeyatvaṃ dharme caiva prabhāvanā .. 37.30 .. ### [2.37.31](https://indike.org/pramana/in.purana.vayu.2.37.31) trailokyadarśanañcaiva prādhānyaṃ prasave tathā. bale cāprati matvaṃ vai dharmatattvārthadarśanam .. 37.31 .. ### [2.37.32](https://indike.org/pramana/in.purana.vayu.2.37.32) caturo niyatān varṇān tvaṃ vai sthāpayiteti ca. ityukto vibhunā rājā baliḥ śāntimparāṃ yayau .. 37.32 .. ### [2.37.33](https://indike.org/pramana/in.purana.vayu.2.37.33) kālena mahatā vidvān svaṃ vai sthānamupāgataḥ. teṣāṃ janapadāḥ sphītā vaṅgāṅgasuhlakāstathā .. 37.33 .. ### [2.37.34](https://indike.org/pramana/in.purana.vayu.2.37.34) puṇḍrāḥ kaliṅgāśca tathā teṣāṃ vaṃśaṃ nibedhata. tasya te tanayāḥ sarve kṣetrajā munisambhavāḥ. sambhūtā dīrghatamasaḥ sudeṇṇāyāṃ mahaujasaḥ .. 37.34 .. ### [2.37.35](https://indike.org/pramana/in.purana.vayu.2.37.35) ṛṣaya ūcuḥ. kathaṃ baleḥ sutāḥ pañca janitāḥ kṣetrajāḥ prabho. ṛṣiṇā dīrghatamasā etanno brūhi pṛcchatām .. 37.35 .. ### [2.37.36](https://indike.org/pramana/in.purana.vayu.2.37.36) sūta uvāca.. ### [2.37.37](https://indike.org/pramana/in.purana.vayu.2.37.37) aśijo nāma vikhyāta āsīddhīmānṛṣiḥ purā. bhāryā vai mamatā nāma babhūvāsya mahātmanaḥ .. 37.36 .. ### [2.37.38](https://indike.org/pramana/in.purana.vayu.2.37.38) aśijasya kanīyāṃstu purodhā yo divaukasām. bṛhaspatirbṛhattejā mamatāṃ so'bhyapadyata .. 37.37 .. ### [2.37.39](https://indike.org/pramana/in.purana.vayu.2.37.39) uvāca mamatā tantu bṛhaspatimanicchatī. antarvatnyasmi te bhrāturjyeṣṭhasyāṣṭamitā iti .. 37.38 .. ### [2.37.40](https://indike.org/pramana/in.purana.vayu.2.37.40) ayaṃ hi me mahāgarbho rocate'ti bṛhaspate. aśijaṃ brahma cābhyasya ṣaḍaṅgaṃ vedamudgiran .. 37.39 .. ### [2.37.41](https://indike.org/pramana/in.purana.vayu.2.37.41) amogharetāstvañcāpi na māṃ bhajitumarhasi. asminneva gate kāle yathā vā manyase prabho .. 37.40 .. ### [2.37.42](https://indike.org/pramana/in.purana.vayu.2.37.42) evamuktastayā samyag bṛhattejā bṛhaspatiḥ. kāmātmānaṃ mahātmā ca nātmānaṃ so'bhyadhārayat .. 37.41 .. ### [2.37.43](https://indike.org/pramana/in.purana.vayu.2.37.43) sambabhūvaiva dharmātmā tayā sārddhaṃ bṛhaspatiḥ. utsṛjantaṃ tadā reto garbhasthaḥ so'bhyabhāṣata .. 37.42 .. ### [2.37.44](https://indike.org/pramana/in.purana.vayu.2.37.44) no snātako nyaseddhyasmin dvayornehāsti sambhavaḥ. amogharetāstvañcāpi pūrvañcāhamihāgataḥ .. 37.43 .. ### [2.37.45](https://indike.org/pramana/in.purana.vayu.2.37.45) śaśāpa taṃ tadā kruddha evamukto bṛhaspatiḥ. āśijantaṃ sutaṃ bhrāturgarbhasthaṃ bhagavānṛṣiḥ .. 37.44 .. ### [2.37.46](https://indike.org/pramana/in.purana.vayu.2.37.46) yasmāttvamīdṛśe kāle sarvabhūtepsite sati. māmevamuktavān mohāttamo dīrghaṃ pravekṣyasi .. 37.45 .. ### [2.37.47](https://indike.org/pramana/in.purana.vayu.2.37.47) tato dīrghatamā nāma śāpādṛṣirajāyata. athāśijo bṛhatkīrttirbṛhaspatirivaujasā .. 37.46 .. ### [2.37.48](https://indike.org/pramana/in.purana.vayu.2.37.48) ūrddhvaretāstataścāpi nyavasadbhrāturāśrame. godharmaṃ saurabheyāttu vṛṣabhācchrutavān prabho .. 37.47 .. ### [2.37.49](https://indike.org/pramana/in.purana.vayu.2.37.49) tasya bhrātā pitṛvyastu cakāra bhavanaṃ tadā. tasmin hi tatra vasati yadṛcchābhyāgato vṛṣaḥ .. 37.48 .. ### [2.37.50](https://indike.org/pramana/in.purana.vayu.2.37.50) darśārthamāhṛtān darbhāṃścacāra surabhīvṛtaḥ. jagrāha taṃ dīrghatamā visphurantañca śrṛṅgayoḥ .. 37.49 .. ### [2.37.51](https://indike.org/pramana/in.purana.vayu.2.37.51) sa tena nigṛhītastu na cacāla padātpadam. tato'bravīdvṛṣastaṃ vai muñca māṃ balināṃ vara .. 37.50 .. ### [2.37.52](https://indike.org/pramana/in.purana.vayu.2.37.52) na mayāsāditastāta balavaṃstvadvidhaḥ kvacit. tryambakaṃ vahatā devaṃ yato jāto'smi bhūtale .. 37.51 .. ### [2.37.53](https://indike.org/pramana/in.purana.vayu.2.37.53) muñca māṃ balināṃ śraṣṭha prītaste'haṃ varaṃ vṛṇu. evamukto'bravīdenaṃ jīvastvaṃ me kva yāsyasi .. 37.52 .. ### [2.37.54](https://indike.org/pramana/in.purana.vayu.2.37.54) tena tvāhaṃ na mokṣyāmi parasvāhaṃ catuṣpadam. tatastaṃ dīrghatamasaṃ sa vṛṣaḥ pratyuvāca ha .. 37.53 .. ### [2.37.55](https://indike.org/pramana/in.purana.vayu.2.37.55) nāsmākaṃ vidyate tāta pātakaṃ steyameva vā. bhakṣyābhakṣyaṃ na jānīmaḥ peyāpeyañca sarvaśaḥ .. 37.54 .. ### [2.37.56](https://indike.org/pramana/in.purana.vayu.2.37.56) kāryākāryaṃ na vai vijho gamyāgamyaṃ tathaiva ca. na pāpmāno vayaṃ vipra dharmo hyeṣāṃ gavāṃ smṛtaḥ .. 37.55 .. ### [2.37.57](https://indike.org/pramana/in.purana.vayu.2.37.57) gavāṃ nāma sa vai śrutvā saṃbhrāntastvanumucya tam. bhaktyā cānuśravikayā goṣu taṃ vai prasāda yat .. 37.56 .. ### [2.37.58](https://indike.org/pramana/in.purana.vayu.2.37.58) prasādite gate tasmin godharmaṃ bhaktitastu tam. manasaiva tadādatte tanniṣṭhastatparāyaṇaḥ .. 37.57 .. ### [2.37.59](https://indike.org/pramana/in.purana.vayu.2.37.59) tato yavīyasaḥ patnīmautathyasyābhyamanyata. viceṣṭamānāṃ rudatīṃ daivāt sa mūḍhacetanaḥ .. 37.58 .. ### [2.37.60](https://indike.org/pramana/in.purana.vayu.2.37.60) avalepantu taṃ matvā śaradvāṃstasya nākṣamat. godharmaṃvai balaṃ kṛtvā snuṣāṃ sa samamanyata .. 37.59 .. ### [2.37.61](https://indike.org/pramana/in.purana.vayu.2.37.61) viparyayantu taṃ dṛṣṭvā śaradvān pratyacintayat. bhaviṣyamarthaṃ jñātvā ca mahātmā ca na mṛtyutām .. 37.60 .. ### [2.37.62](https://indike.org/pramana/in.purana.vayu.2.37.62) provāca dīrghatamasaṃ krodhāt saṃrakta locanaḥ. gamyāgamyaṃ na jīnīṣe godharmāt prārthayat snuṣām .. 37.61 .. ### [2.37.63](https://indike.org/pramana/in.purana.vayu.2.37.63) durvṛttastvaṃ tyajāmyeva gaccha tvaṃ svena karmaṇā. yasmāttvamandho vṛddhaśca bharttavyo duranuṣṭhitaḥ. tenāsi tvaṃ parityakto durācāro'si me matiḥ .. 37.62 .. ### [2.37.64](https://indike.org/pramana/in.purana.vayu.2.37.64) sūta uvāca.. ### [2.37.65](https://indike.org/pramana/in.purana.vayu.2.37.65) karmaṇyasmistataḥ krūre tasya buddhirajāyata. nirbhatsya caiva bahuśo bāhubhyāṃ parigṛhya ca. koṣṭhe samudre prakṣipya gaṅgāmbhasi samutsṛjat .. 37.63 .. ### [2.37.66](https://indike.org/pramana/in.purana.vayu.2.37.66) uhyamānaḥ samudrastu saptāhaṃ srotasā tadā. taṃ sastrīko balirnāma rājā dharmārthatattvavit. apaśyanmajjamānantu srotasābhyāśamāgatam .. 37.64 .. ### [2.37.67](https://indike.org/pramana/in.purana.vayu.2.37.67) taṃ gṛhītvā sa dharmātmā balirvairocanastadā. antaḥpure jugopainaṃ bhakṣyairbhojyaiśca tarpayan .. 37.65 .. ### [2.37.68](https://indike.org/pramana/in.purana.vayu.2.37.68) prītaḥ sa vai vareṇātha cchandayāmāsa vai balim. sa ca tasmādvaraṃ vavre putrārthaṃ dānavarṣabhaḥ .. 37.66 .. ### [2.37.69](https://indike.org/pramana/in.purana.vayu.2.37.69) ..baliruvāca.. ### [2.37.70](https://indike.org/pramana/in.purana.vayu.2.37.70) santānārthaṃ mahābhāga bhāryayā mama mānada. putrān dharmārthasaṃyuktānutpādayitumarhasi .. 37.67 .. ### [2.37.71](https://indike.org/pramana/in.purana.vayu.2.37.71) evamuktastu tenarṣistathāstvityuktavān hi tam . sudeṣṇāṃ nāma bāryāṃ vai rājāsmai prāhiṇottadā .. 37.68 .. ### [2.37.72](https://indike.org/pramana/in.purana.vayu.2.37.72) andhaṃ vṛddhañca taṃ dṛṣṭvā na sā devī jagāma ha . svāñca dhātreyakīṃ tasmai bhūṣayitvā vyasarjayat .. 37.69 .. ### [2.37.73](https://indike.org/pramana/in.purana.vayu.2.37.73) kakṣīvacakṣuṣau tasyāṃ śūdrayonyāmṛṣirvaśī. janayāmāsa dharmātmā putrāvetau mahojasau .. 37.70 .. ### [2.37.74](https://indike.org/pramana/in.purana.vayu.2.37.74) kakṣivacakṣuṣau tau tu dṛṣṭvā rājā balistadā. prādhītau vidhivatsamyagīśvarau brahmavādinau .. 37.71 .. ### [2.37.75](https://indike.org/pramana/in.purana.vayu.2.37.75) siddhau pratyakṣadharmāṇau buddhau śreṣṭhatamāvapi. mamaitāviti hovāca balirvairocanastvṛṣim .. 37.72 .. ### [2.37.76](https://indike.org/pramana/in.purana.vayu.2.37.76) netyuvāca tatastantu mamaitāviti cābravīt. utpannau śūdrayonau tu bhavacchadmā surottamau .. 37.73 .. ### [2.37.77](https://indike.org/pramana/in.purana.vayu.2.37.77) anadhaṃ bṛddhaṃ ca māṃ matvā sudeṣṇā mahiṣī tava. prāhiṇodavamānāya śūdrāṃ dhātreyakīṃ mama .. 37.74 .. ### [2.37.78](https://indike.org/pramana/in.purana.vayu.2.37.78) tataḥ prasādayāmāsa punastamṛṣisattamam. balirbhāryāṃ sudeṣṇāṃ ca bhartsayāmāsa vai prabhuḥ .. 37.75 .. ### [2.37.79](https://indike.org/pramana/in.purana.vayu.2.37.79) punaścaināmalaṃkṛtya ṛṣaye pratyapādayat. tāṃ sa dīrghatamā devīmabravīdyadi māṃ śubhe .. 37.76 .. ### [2.37.80](https://indike.org/pramana/in.purana.vayu.2.37.80) dadhnā lavaṇamiśreṇa svabya(vya)ktaṃ nagnakaṃ tathā. lihiṣyasyajugupsantī hyāpādatalamastakam .. 37.77 .. ### [2.37.81](https://indike.org/pramana/in.purana.vayu.2.37.81) tatastvaṃ prāpsyase devi putrāṃśca manasepsitān. tasya sā tadvaco devī sarvaṃ kṛtavatī tathā .. 37.78 .. ### [2.37.82](https://indike.org/pramana/in.purana.vayu.2.37.82) apānañca samāsādya jugupsantī nyavarjayat. tāmuvāca tataḥ sarṣiryatte parihṛtaṃ śubhe. vināpānaṃ kumāraṃ tvaṃ janayiṣyasi pūrvajam .. 37.79 .. ### [2.37.83](https://indike.org/pramana/in.purana.vayu.2.37.83) tatastaṃ dīrghatamasaṃ sā devī pratyuvāca ha. nārhasi tvaṃ mahābhāga putraṃ dātuṃ mamedṛśam .. 37.80 .. ### [2.37.84](https://indike.org/pramana/in.purana.vayu.2.37.84) ..ṛṣiruvāca.. ### [2.37.85](https://indike.org/pramana/in.purana.vayu.2.37.85) tavāparādho devyeṣa nānyathā bhavitānu vai . devī dānīñca te putramahaṃ dāsyāmi suvrate .. 37.81 .. ### [2.37.86](https://indike.org/pramana/in.purana.vayu.2.37.86) tasyāpānaṃ vinā caiva yogyābhāvo bhaviṣyati. tāṃ sa dīrghatamāścaiva kukṣau spṛṣṭvedamabravavīt .. 37.82 .. ### [2.37.87](https://indike.org/pramana/in.purana.vayu.2.37.87) prāśitaṃ dadhi yatte'dya mamāṅgādvai śucismite . tena te pūrito garbhaḥ paurṇamāsyāmivodadhiḥ .. 37.83 .. ### [2.37.88](https://indike.org/pramana/in.purana.vayu.2.37.88) bhaviṣyanti kumārāste pañca devasutopamāḥ. tejasvinaḥ parākrāntā yajvāno dhārmikāstathā .. 37.84 .. ### [2.37.89](https://indike.org/pramana/in.purana.vayu.2.37.89) tatoṅgastu sudeṣṇāyā jyeṣṭhaputro vyajāyata. vaṅgastasmātkaliṅgastu puṇḍro brahmastathaiva ca .. 37.85 .. ### [2.37.90](https://indike.org/pramana/in.purana.vayu.2.37.90) vaṃśabhājastu pañcaite baleḥ kṣetre'bhavaṃstadā. ityete dīrghatamasā balerdattāḥ sutāḥ purā .. 37.86 .. ### [2.37.91](https://indike.org/pramana/in.purana.vayu.2.37.91) prajāstvapahatāstasya brahmaṇā kāraṇaṃ prati. apatyā mātyadāreṣu sveṣu mā bhūnmahātmanaḥ .. 37.87 .. ### [2.37.92](https://indike.org/pramana/in.purana.vayu.2.37.92) tato manuṣyayonyāṃ vai janayāmāsa sa prajāḥ. surabhirdīrghatamasamatha prīto vaco'bravīt .. 37.88 .. ### [2.37.93](https://indike.org/pramana/in.purana.vayu.2.37.93) vicārya yasmādgodharmmaṃ tvamevaṃ kṛtavānasi . tena nyāyena mumuce hyahaṃ prītosmi tena te .. 37.89 .. ### [2.37.94](https://indike.org/pramana/in.purana.vayu.2.37.94) tasmāttava tamo dīrghaṃ nistudāmyadya paśya vai. bārhaspatyañca yatte'nyatpāpaṃ santiṣṭhate tanau .. 37.90 .. ### [2.37.95](https://indike.org/pramana/in.purana.vayu.2.37.95) jarāmṛtyubhayañcaiva āghrāya praṇudāmi te. hyāghrātamātraḥ so'paśyata sadyastamasi nāśite .. 37.91 .. ### [2.37.96](https://indike.org/pramana/in.purana.vayu.2.37.96) āyuṣmāṃśca yuvā caiva cakṣuṣmāṃśca tato'bhavat. gavā dīrghatamāḥ so'tha gautamaḥ samapadyata .. 37.92 .. ### [2.37.97](https://indike.org/pramana/in.purana.vayu.2.37.97) kakṣīvāṃstu tato gatvā saha pitrā giriprajām. yathoddiṣṭaṃ hi pitrarthe cacāra vipulaṃ tapaḥ .. 37.93 .. ### [2.37.98](https://indike.org/pramana/in.purana.vayu.2.37.98) tataḥ kālena mahatā tamasā bhāvitaḥ savai. vidhūya manujo doṣān brahmaṇyaṃ prāptavān prabhuḥ .. 37.94. tato'bravīt pitā cainaṃ putravānasmyahaṃ prabho. satputreṇa tvayā tāta kṛtārtho'smi yaśasvinā .. 37.95 .. ### [2.37.99](https://indike.org/pramana/in.purana.vayu.2.37.99) yuktātmā hi tataḥ so'tha prāptavān brahmaṇā kṣayam. brahmaṇyaṃ prāpya kakṣīvān sahasramasṛjat sutān .. 37.96 .. ### [2.37.100](https://indike.org/pramana/in.purana.vayu.2.37.100) kṛṣṇāṅgā gautamāste vai smṛtāḥ kakṣīvataḥ sutāḥ. ityeṣa dīrghatamaso balervairocanasya vai .. 37.97 .. ### [2.37.101](https://indike.org/pramana/in.purana.vayu.2.37.101) samāgamaḥ samākhyātaḥ santānañcobhayostayoḥ. balistānabiṣicyeha pañca putrānakalmaṣān .. 37.98 .. ### [2.37.102](https://indike.org/pramana/in.purana.vayu.2.37.102) kṛtārthaḥ so'pi yogātmā yogamāśritya ca prabhuḥ. adṛśyaḥ sarvabhūtānāṃ kālākāṅkṣī caratyuta .. 37.99 .. ### [2.37.103](https://indike.org/pramana/in.purana.vayu.2.37.103) tatrāṅgasya tu rājarṣe rājāsīddadhivāhanaḥ. sāparādhasudeṣṇāyā anapāno'bhavanṛpaḥ .. 37.100 .. ### [2.37.104](https://indike.org/pramana/in.purana.vayu.2.37.104) anapānasya putrastu rājā divirathaḥ smṛtaḥ. putro divirathasyāsīdvidvān dharmaratho nṛpaḥ .. 37.101 .. ### [2.37.105](https://indike.org/pramana/in.purana.vayu.2.37.105) sa vai dharmarathaḥ śrīmān yena viṣṇupade girau. somaḥ śakreṇa saha vai yajñe pīto mahātmanā .. 37.102 .. ### [2.37.106](https://indike.org/pramana/in.purana.vayu.2.37.106) sūnurdharmarathasyāpi rājā citraratho'bhavat. atha citrarathasyāpi rājā daśarathaḥ abhavat. lomapāda iti khyāto yasya śāntā sutā'bhavat .. 37.103 .. ### [2.37.107](https://indike.org/pramana/in.purana.vayu.2.37.107) (sa tu dāśarathirvīraścaturaṅo mahāmanāḥ. ṛṣyaśṛṅaprasādena jajñe'tha kulavardhanaḥ ..) caturaṅaśca putrastu pṛthulāśca iti śrutaḥ. pṛthulāśca sutaścāpi campo nāma babhūva ha .. ### [2.37.108](https://indike.org/pramana/in.purana.vayu.2.37.108) campasya tu purī ramyā ramyā yā mālinī bhavat .. ### [2.37.109](https://indike.org/pramana/in.purana.vayu.2.37.109) campāvatī purī campā caturvarṇā ca vai vasat. ṣaṣṭivarṣasahastrāṇi campāvatyāṃ purā'vasat .. ### [2.37.110](https://indike.org/pramana/in.purana.vayu.2.37.110) brāhmaṇaiḥ kṣatriyairvaiśyaiḥ sarve sve dharmānuṣṭhite. sarve dharma vai tapasā sarve viṣṇuparāyaṇāḥ .. ### [2.37.111](https://indike.org/pramana/in.purana.vayu.2.37.111) pūrṇabhadraprasādena haryaṅo'sya suto'bhavat .. ### [2.37.112](https://indike.org/pramana/in.purana.vayu.2.37.112) jajñe vai taṇḍikaratasya vāraṇaṃ śakravāraṇam. ānayāmāsa sa mahīṃ mandhorvāhanamuttamam .. 37.104 ..\*(pāṭhabhedaḥ) (maṃtrairvāhanamuttamam) haryyaṅgasya tu dāyādo rājā bhadrarathaḥ kila. atha bhadrarathasyāsīdbṛhatkarmā prajeśvaraḥ .. 37.105 .. ### [2.37.113](https://indike.org/pramana/in.purana.vayu.2.37.113) bṛhadrathaḥ sutastasya tasmājjajñe bṛhanmanāḥ. bṛhanmanāstu rājendraṃ janayāmāsa vai sutam .. 37.106 .. ### [2.37.114](https://indike.org/pramana/in.purana.vayu.2.37.114) nāmnā jayadrathaṃ nāma tasmādṝḍharatho nṛpaḥ. āsīdṝḍharathasyāpi viśvajijjanamejayaḥ .. 37.107 .. ### [2.37.115](https://indike.org/pramana/in.purana.vayu.2.37.115) dāyādastasya cāṅgebhyo yasmāt karṇo'bhavannṛpaḥ. karṇasya śūrasenastu dvija stasyātmajaḥ smṛtaḥ .. 37.108 .. ### [2.37.116](https://indike.org/pramana/in.purana.vayu.2.37.116) ..ṛṣaya ūcuḥ .. ### [2.37.117](https://indike.org/pramana/in.purana.vayu.2.37.117) sūtātmajaḥ kathaṃ karṇaḥ kathaṃ cāṅgasya vaṃśajaḥ. etadicchāmahe śrotumatyarthaṃ kuśalo hyasi .. 37.109 .. ### [2.37.118](https://indike.org/pramana/in.purana.vayu.2.37.118) ..sūta uvāca.. ### [2.37.119](https://indike.org/pramana/in.purana.vayu.2.37.119) bṛhadbhānoḥ suto jajñe nāmnā rājā bṛhanmanāḥ. tasya patnīdvayaṃ cāsīccaidyasyobhe ca te sute .. 37.110 .. ### [2.37.120](https://indike.org/pramana/in.purana.vayu.2.37.120) yaśodevī ca satyā ca tābhyāṃ vaṃśastu bhidyate. jayadrathastu rājendro yaśodevyāṃ vyajāyata .. 37.111 .. ### [2.37.121](https://indike.org/pramana/in.purana.vayu.2.37.121) brahmakṣatrāntaraḥ satyāvijayo nāma viśrutaḥ. vijayasya dhṛtiḥ putra stasya putro dhṛtavrataḥ .. 37.112 .. ### [2.37.122](https://indike.org/pramana/in.purana.vayu.2.37.122) dhṛtavratasya putrastu satyakarmā mahāyaśāḥ. satyakarmasutaścāpi sūtastvadhirathastu vai .. 37.113 .. ### [2.37.123](https://indike.org/pramana/in.purana.vayu.2.37.123) sa karṇaṃ parijagrāha tena karṇastu sūtajaḥ. etadvaḥ kathitaṃ sarvaṃ karṇe yadvai pracoditam .. 37.114 .. ### [2.37.124](https://indike.org/pramana/in.purana.vayu.2.37.124) ete'ṅgavaṃśajāḥ sarve rājānaḥ kīrttitā mayā. vistareṇānupūrvyā ca pūrostu śrṛṇuta prajāḥ .. 37.115 .. ### [2.37.125](https://indike.org/pramana/in.purana.vayu.2.37.125) sūta uvāca.. ### [2.37.126](https://indike.org/pramana/in.purana.vayu.2.37.126) pūroḥ putro mahābāhū rājāsījjanamejayaḥ. aviddhastu sutastasya yaḥ prācīmajayaddiśam .. 37.116 .. ### [2.37.127](https://indike.org/pramana/in.purana.vayu.2.37.127) aviddhataḥ pravīrastu manasyurabhavatsutaḥ. rājātho jayado nāma manasyorabhavatsutaḥ .. 37.117 .. ### [2.37.128](https://indike.org/pramana/in.purana.vayu.2.37.128) dāyādastasya cāpyāsīddhundhurnāma mahīpatiḥ. dhundhorbahu gavī putraḥ sañjātistasya cātmajaḥ .. 37.118 .. ### [2.37.129](https://indike.org/pramana/in.purana.vayu.2.37.129) sañjāteratha raudrāśvastasya putrānnibodhata. raudrāśvasya ghṛtācyāṃ vai daśāpsarasi sūnavaḥ .. 37.119 .. ### [2.37.130](https://indike.org/pramana/in.purana.vayu.2.37.130) rajeyuśca kṛte yuśca vakṣeyuḥ sthaṇḍileyu ca. ghṛteyuśca jaleyuśca sthaleyuścaiva saptamaḥ .. 37.120 .. ### [2.37.131](https://indike.org/pramana/in.purana.vayu.2.37.131) dharmeyuḥ sannateyuśca vaneyurddaśamastu saḥ. rudrā śūdrā ca madrā ca śubhā jāmalajā tathā .. 37.121 .. ### [2.37.132](https://indike.org/pramana/in.purana.vayu.2.37.132) talā khalā ca saptaitā yā ca gopajalā smṛtā. tathā tāmrarasā caiva ratnakūṭī ca tādṛśī .. 37.122 .. ### [2.37.133](https://indike.org/pramana/in.purana.vayu.2.37.133) ātreyo vaṃśatastāsāṃ bharttā nāmnā prabhākaraḥ. anādṛṣṭastu rājarṣī riveyustasya cātmajaḥ .. 37.123 .. ### [2.37.134](https://indike.org/pramana/in.purana.vayu.2.37.134) riveyorjvalanā nāma bhāryā vai takṣakātmajā. yasyāṃ devyāṃ sa rājarṣī rantiṃ nāma tvajījanat .. 37.124 .. ### [2.37.135](https://indike.org/pramana/in.purana.vayu.2.37.135) rantirnāraḥ sarasvatyāṃ putrānajanayacchubhān. trasuṃ tathā pratirathaṃ dhruvañcaivātidhārmikam .. 37.125 .. ### [2.37.136](https://indike.org/pramana/in.purana.vayu.2.37.136) gaurī kanyā ca vikhyātā māndhāturjananī śubhā. dhuryaḥ pratirathasyāpi kaṇṭhastasyābhavat sutaḥ .. 37.126 .. ### [2.37.137](https://indike.org/pramana/in.purana.vayu.2.37.137) medhātithiḥ surastasya yasmāt kāṇṭhāyanā dvijāḥ. itinānuyamasyāsīt kanyā sājanayatsutān .. 37.127 .. ### [2.37.138](https://indike.org/pramana/in.purana.vayu.2.37.138) trasuḥ sudayitaṃputraṃ malinaṃ brahmavādinam. upadātaṃ tato lebhe caturastviti sātmajān .. 37.128 .. ### [2.37.139](https://indike.org/pramana/in.purana.vayu.2.37.139) suṣmantamatha duṣyantaṃ pravīramanaghantathā. cakravarttī tato jajñe dauṣyantirnṛpasattamaḥ .. 37.129 .. ### [2.37.140](https://indike.org/pramana/in.purana.vayu.2.37.140) śakuntalāyāṃ bharato yasya nāmnā tu bhāratam. duṣyantaṃ prati rājānaṃ vāguvācāśarīriṇī .. 37.130 .. ### [2.37.141](https://indike.org/pramana/in.purana.vayu.2.37.141) mātā bhastrā pituḥ putro yena jātaḥ sa eva saḥ. bharasva putraṃ duṣyantaṃ satyamāha śakuntalā .. 37.131 .. ### [2.37.142](https://indike.org/pramana/in.purana.vayu.2.37.142) retodhāḥ putraṃ nayati naradeva yamakṣayāt. tvañcāsya dhātā garbhasya māvamaṃsthāḥ śakuntalām .. 37.132 .. ### [2.37.143](https://indike.org/pramana/in.purana.vayu.2.37.143) bharatastrisṛṣu strīṣu nava putrānajījanat. nābhyanandacca tān rājā nānurūpānmametyuta .. 37.133 .. ### [2.37.144](https://indike.org/pramana/in.purana.vayu.2.37.144) tatastā mātaraḥ kruddhāḥ putrānninyuryamakṣayam. tatastasya narendrasya vitataṃ putrajanma tat .. 37.134 .. ### [2.37.145](https://indike.org/pramana/in.purana.vayu.2.37.145) tato marudbhirānīya putrastu sa bṛhaspateḥ. saṅkrāmito bharadvājo marudbhiḥ kratubhirvibhuḥ .. 37.135 .. ### [2.37.146](https://indike.org/pramana/in.purana.vayu.2.37.146) tatraivodārahantīdaṃ bharadvājasya dhīmataḥ. janmasaṅkramaṇañcaiva marudbhirbharatāya vai .. 37.136 .. ### [2.37.147](https://indike.org/pramana/in.purana.vayu.2.37.147) patnyāmāsannagarbhāyāmaśijaḥ saṃsthitaḥ kilaḥ. bhrāturbhāryāṃ sa dṛṣṭvātha bṛhaspatiruvāca ha. alaṃkṛtya tanuṃ svāntu maithunaṃ dehi me śubhe .. 37.137 .. ### [2.37.148](https://indike.org/pramana/in.purana.vayu.2.37.148) evamuktā'bravīdena mantarvatnī hyahaṃ vibho. garbhaḥ pariṇataścāyaṃ brahma vyāharate girā .. 37.138 .. ### [2.37.149](https://indike.org/pramana/in.purana.vayu.2.37.149) amogharetāstvañcāpi dharmaścaiva vigarhitaḥ. evamukto'bravīdenāṃ smayamāno bṛhaspatiḥ .. 37.139 .. ### [2.37.150](https://indike.org/pramana/in.purana.vayu.2.37.150) vinayo nopadeṣṭavyastvayā mama kathañcana. harṣamāṇaḥ prasahyaināṃ maithunāyopacakrame .. 37.140 .. ### [2.37.151](https://indike.org/pramana/in.purana.vayu.2.37.151) tato bṛhaspatiṃ garbho harṣamāṇamuvāca ha. sanniviṣṭo hyahaṃ pūrvamiha tāta bṛhaspate .. 37.141 .. ### [2.37.152](https://indike.org/pramana/in.purana.vayu.2.37.152) amogharetāśca bhavānnāvakāśo'sti ca dvayoḥ. evamuktaḥ sa garbheṇa kupitaḥ pratyuvāca ha .. 37.142 .. ### [2.37.153](https://indike.org/pramana/in.purana.vayu.2.37.153) yasmānmāmīdṛśe kāle sarvabhūtepsite sati. pratiṣedhasitattasmāt tamo dīrghaṃ pravekṣyasi .. 37.143 .. ### [2.37.154](https://indike.org/pramana/in.purana.vayu.2.37.154) pādābhyāntena tacchannaṃ māturdvāraṃ bṛhaspateḥ. tadretastu tayormadhye nivāryaḥ śiśuko'bhavat .. 37.144 .. ### [2.37.155](https://indike.org/pramana/in.purana.vayu.2.37.155) sadyo jātaṃ kumārantaṃ dṛṣṭvā'tha mamatā'bravīt. gamiṣyāmi gṛhaṃ svaṃ vai bharadvājaṃ bṛhaspate .. 37.145 .. ### [2.37.156](https://indike.org/pramana/in.purana.vayu.2.37.156) evamuktvā gatāyāṃ sa putrantyajati tatkṣaṇāt. bharasva bāḍhamityukto bharadvājastato'bhavat .. 37.146 .. ### [2.37.157](https://indike.org/pramana/in.purana.vayu.2.37.157) mātāpitṛbhyāṃ saṃtyaktaṃ dṛṣṭvātha marutaḥ śiśum. gṛhītvainaṃ bharadvājaṃ jagmuste kṛpayā tataḥ .. 37.147 .. ### [2.37.158](https://indike.org/pramana/in.purana.vayu.2.37.158) tasmin kāle tu bharato marudbhiḥ kratubhiḥ kramāt. kāmyanaimittikairyajñairyajate putralipsayā .. 37.148 .. ### [2.37.159](https://indike.org/pramana/in.purana.vayu.2.37.159) yadā sa yajamāno vai putrānnāsādayat prabhuḥ . yajñaṃ tato marutsomaṃ putrārthe punarāharat .. 37.149 .. ### [2.37.160](https://indike.org/pramana/in.purana.vayu.2.37.160) tena te marutastasya marutsomena toṣitāḥ. bharadvājaṃ tataḥ putraṃ bārhaspatyaṃ manīṣiṇam .. 37.150 .. ### [2.37.161](https://indike.org/pramana/in.purana.vayu.2.37.161) bharatastu bharadvājaṃ putraṃ prāpya tadābravīt. prajāyāṃ saṃhṛtāyāṃ vai kṛtārtho'haṃ tvayā vibho .. 37.151 .. ### [2.37.162](https://indike.org/pramana/in.purana.vayu.2.37.162) pūrvantu vitathaṃ tasya kṛtaṃ vai putrajanma hi. tataḥ sa vitatho nāma bharadvājastathā'bhavat .. 37.152 .. ### [2.37.163](https://indike.org/pramana/in.purana.vayu.2.37.163) tasmāddivyo bharadvājo brāhmaṇyāt kṣatriyo'bhavat. dvimukhyāyananāmā sa smṛto dvipitṛkastu vai .. 37.153 .. ### [2.37.164](https://indike.org/pramana/in.purana.vayu.2.37.164) tato'tha vitathe jāte bharataḥ sa divaṃ yayau. vitathasya tu dāyādo bhuvamanyurbabhūva ha .. 37.154 .. ### [2.37.165](https://indike.org/pramana/in.purana.vayu.2.37.165) mahābhūtopamāścāsaṃścatvāro bhuvamanyujāḥ. bṛhatkṣatro mahāvīryo naro gāgraśca vīryavān .. 37.155 .. ### [2.37.166](https://indike.org/pramana/in.purana.vayu.2.37.166) narasya sāṃkṛtiḥ putrastasya putrau mahaujasau. guruvīryastridevaśca sāṃkṛtyāvavarau smṛtau .. 37.156 .. ### [2.37.167](https://indike.org/pramana/in.purana.vayu.2.37.167) dāyādāścāpi gāgrasya śinibaddhāt babhūva ha. smṛtāścaite tato gāgryāḥ kṣātropetā dvijātayaḥ .. 37.157 .. ### [2.37.168](https://indike.org/pramana/in.purana.vayu.2.37.168) mahāvīryasutaścāpi bhīmastasmādubhakṣayaḥ. tasya bhāryā viśālā tu suṣuve vai sutāṃstrayaḥ .. 37.158 .. ### [2.37.169](https://indike.org/pramana/in.purana.vayu.2.37.169) trayyāruṇiṃ puṣkariṇaṃ tṛtīyaṃ suṣuve kapim. kapeḥ kṣatravarā hyete tayoḥ proktā maharṣayaḥ .. 37.159 .. ### [2.37.170](https://indike.org/pramana/in.purana.vayu.2.37.170) gāgrāḥ sāṃkṛtayo vīryāḥ kṣātropetā dvijātayaḥ. saṃśritāṅgirasaṃ pakṣaṃ bṛhatkṣatrasya vakṣyati .. 37.160 .. ### [2.37.171](https://indike.org/pramana/in.purana.vayu.2.37.171) bṛhatkṣatrasya dāyādaḥ suhotro nāma dhārmikaḥ. suhotrasyāpi dāyādo hastī nāma babhūva ha. tenedaṃ nirmitaṃ pūrvaṃ nāmnā vai hāstinaṃ puram .. 37.161 .. ### [2.37.172](https://indike.org/pramana/in.purana.vayu.2.37.172) hastinaścāpi dāyādāstrayaḥ paramadhārmikāḥ. ajamīḍho dvimīḍhaśca purumīḍhastathaiva ca .. 37.162 .. ### [2.37.173](https://indike.org/pramana/in.purana.vayu.2.37.173) ajamīḍhasya putrāstu śabhāḥ śubhakulodvahāḥ. tapaso'nte sumahato rājño vṛddhasya dhārmikāḥ .. 37.163 .. ### [2.37.174](https://indike.org/pramana/in.purana.vayu.2.37.174) bharadvājaprasādena śrṛṇudhvaṃ tasya vistaram. aja mīḍhasya keśinyāṃ kaṇṭhaḥ samabhavatkila .. 37.164 .. ### [2.37.175](https://indike.org/pramana/in.purana.vayu.2.37.175) medhātithiḥ sutastasya tasmāt kaṇṭhāyanā dvijāḥ. ajamīḍhasya dhūminyāṃ jajñe bṛhadvasurnṛpaḥ .. 37.165 .. ### [2.37.176](https://indike.org/pramana/in.purana.vayu.2.37.176) bṛhadvasorbṛhadviṣṇuḥ putrastasya mahābalaḥ. bṛhatkarmā sutastasya putrastasya bṛhadrathaḥ .. 37.166 .. ### [2.37.177](https://indike.org/pramana/in.purana.vayu.2.37.177) viśvajittanayastasya senajittasya cātmajaḥ. atha senajitaḥ putrāścatvāro lokaviśrutāḥ .. 37.167 .. ### [2.37.178](https://indike.org/pramana/in.purana.vayu.2.37.178) rucirāśvaśca kāvyaśca rāmo dṛḍhadhanustathā. vatsaścāvantako rājā yasya te parivatsarāḥ .. 37.168 .. ### [2.37.179](https://indike.org/pramana/in.purana.vayu.2.37.179) rucirāśvasya dāyādaḥ pṛthuṣeṇo mahāyaśāḥ. pṛthuṣeṇasya pārastu pārānnīpo'tha jajñivān .. 37.169 .. ### [2.37.180](https://indike.org/pramana/in.purana.vayu.2.37.180) yasya caikaśatañcāsīt putrāṇāmiti naḥ śrutam. nīpā iti samākhyātā rājānaḥ sarva eva te .. 37.170 .. ### [2.37.181](https://indike.org/pramana/in.purana.vayu.2.37.181) teṣāṃ vaṃśakaraḥ śrīmān rājāsītkīrttivarddhanaḥ. kāmpilye samaro nāma sa ceṣṭasamaro'bhavat .. 37.171 .. ### [2.37.182](https://indike.org/pramana/in.purana.vayu.2.37.182) samarasya paraḥ pāraḥ satvadaśca iti trayaḥ. putrāḥ sarvaguṇopetāḥ pāraputro vṛṣurbabhau .. 37.172 .. ### [2.37.183](https://indike.org/pramana/in.purana.vayu.2.37.183) vṛṣostu sukṛtirnāma sukṛteneha karmaṇā. jajñe sarvaguṇopeto vibrājastasya cātmajaḥ .. 37.173 .. ### [2.37.184](https://indike.org/pramana/in.purana.vayu.2.37.184) vibhrājasya tu dāyādastvaṇuho nāma pārthivaḥ. babhūva śukajāmātā ṛcībharttā mahāyaśāḥ .. 37.174 .. ### [2.37.185](https://indike.org/pramana/in.purana.vayu.2.37.185) aṇuhasya tu dāyādo brahmadatto mahātapāḥ. yogasūnuḥ sutastasya viṣvakseno'bhavanṛpaḥ .. 37.175 .. ### [2.37.186](https://indike.org/pramana/in.purana.vayu.2.37.186) vibrājaputrā rājānaḥ kukṛteneha karmmaṇā. viṣvaksenasya putrastu udakseno babhūva ha .. 37.176 .. ### [2.37.187](https://indike.org/pramana/in.purana.vayu.2.37.187) bhallāṭastasya dāyādo yena rājā purāhataḥ. bhallāṭasya tu dāyādo rājāsījjanamejayaḥ. ugrāyudhena tasyārthe sarve nīpāḥ praṇāśitāḥ .. 37.177 .. ### [2.37.188](https://indike.org/pramana/in.purana.vayu.2.37.188) ..ṛṣaya ūcuḥ .. ### [2.37.189](https://indike.org/pramana/in.purana.vayu.2.37.189) ugrāyudhaḥ kasya sutaḥ kasmin vaṃśe ca kīrtyate. kimarthañcaiva nīpāste tena sarve praṇāśitāḥ .. 37.178 .. ### [2.37.190](https://indike.org/pramana/in.purana.vayu.2.37.190) ..sūta uvāca.. ### [2.37.191](https://indike.org/pramana/in.purana.vayu.2.37.191) dvimīḍhasya tu dāyādo vidvān jajñe yavīnaraḥ. dhṛtimāṃstasya putrastu tasya satyadhṛtiḥ sutaḥ .. 37.179 .. ### [2.37.192](https://indike.org/pramana/in.purana.vayu.2.37.192) atha satyadhṛteḥ putro dṛḍhanemiḥ pratāpavān . dṛḍhanemisutaścāpi suvarmā nāma pārthivaḥ .. 37.180 .. ### [2.37.193](https://indike.org/pramana/in.purana.vayu.2.37.193) āsītsuvarmmaṇaḥ putraḥ sārvabhaumaḥ pratāpavān. sārvabhauma iti khyātaḥ pṛthivyāmekarāḍbabhau .. 37.181 .. ### [2.37.194](https://indike.org/pramana/in.purana.vayu.2.37.194) tasyānvaye ca mahati mahatpauravanandanaḥ. mahatpauravaputrastu rājā rukmarathaḥ smṛtaḥ .. 37.182 .. ### [2.37.195](https://indike.org/pramana/in.purana.vayu.2.37.195) atha rukmarathasyāpi supārśvo nāma pārthivaḥ. supārśvatanayaścāpi sumatirnāma dhārmikaḥ .. 37.183 .. ### [2.37.196](https://indike.org/pramana/in.purana.vayu.2.37.196) sumaterapi dharmmātmā rājā sannatimān prabhuḥ. tasyāsītsanatirnāma kṛtastasya suto'bhavat .. 37.184 .. ### [2.37.197](https://indike.org/pramana/in.purana.vayu.2.37.197) śiṣyo hiraṇyanābhestu kauthumasya mahātmanaḥ. caturviṃśatidhā tena proktāstāḥ sāmasaṃhitāḥ .. 37.185 .. ### [2.37.198](https://indike.org/pramana/in.purana.vayu.2.37.198) smṛtāste prācyanāmānaḥ kārttāḥ sāmnāntu sāmagāḥ . kārtirugrāyudhaḥ so'tha vīraḥ pauravanandanaḥ .. 37.186 .. ### [2.37.199](https://indike.org/pramana/in.purana.vayu.2.37.199) babhūva yena vikramya pṛṣatasya pitāmahaḥ. nīlo nāma mahābāhuḥ pañcālādhipatirhataḥ .. 37.187 .. ### [2.37.200](https://indike.org/pramana/in.purana.vayu.2.37.200) ugrāyudhasya dāyādaḥ kṣemo nāma mahāyaśāḥ. kṣemātsu vīraḥ saṃjajñe suvīrasya nṛpañjayaḥ. nṛpañjayādvīraratho ityete pauravāḥ smṛtāḥ .. 37.188 .. _First 200 of 477 passages. [Read on](https://indike.org/pramana/in.purana.vayu.2.37)_ ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.2.74.1) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.12.9) — Ānandabhaṭṭa 1510, Sanskrit - [Agnipurāṇa](https://indike.org/pramana/in.purana.agni.277.26) — Vyāsa, Sanskrit - [Bhāgavatapurāṇa](https://indike.org/pramana/in.purana.bhagavata.12.1.19) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.4.22.13) — Sanskrit - [Nandipurāṇa](https://indike.org/pramana/in.purana.upa.saiva.nandi.2.12.29) — Sanskrit --- Source: [https://indike.org/pramana/in.purana.vayu.2.37](https://indike.org/pramana/in.purana.vayu.2.37) · Pramāṇa