[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.40 # Vayupurana 2.40: adhyāyaḥ 40 Vāyupurāṇa 2.40 - **Language:** Sanskrit ### adhyāyaḥ 40 ### [2.40.1](https://indike.org/pramana/in.purana.vayu.2.40.1) ..sūta ūvāca.. ### [2.40.2](https://indike.org/pramana/in.purana.vayu.2.40.2) pratyāhāraṃ pravakṣyāmi parasyānte svayambhuvaḥ. brahmaṇaḥ sthitikāle tu kṣīṇe tasmiṃstadā prabhoḥ .. 40.1 .. ### [2.40.3](https://indike.org/pramana/in.purana.vayu.2.40.3) yathedaṃ kurute'dhyātmaṃ susūkṣmaṃ viśvamīśvaraḥ . avyaktāngrasate vyaktaṃ pratyāhāre ca kṛtsnaśaḥ .. 40.2 .. ### [2.40.4](https://indike.org/pramana/in.purana.vayu.2.40.4) paraṃ tadanukalpānāmapūrṇe kalpasaṅkṣaye. upasthite mahāghore hyapratyakṣe tu kasyacit .. 40.3 .. ### [2.40.5](https://indike.org/pramana/in.purana.vayu.2.40.5) ante drumasya yamprāpte paścimasya manostadā . ante kaliyuge tasminkṣīṇe saṃhāra ucyate .. 40.4 .. ### [2.40.6](https://indike.org/pramana/in.purana.vayu.2.40.6) samprakṣāle tadā vṛtte pratyāhāre hyupasthite. pratyāhāre tadā tasmin bhūtatanmātrasaṃkṣaye .. 40.5 .. ### [2.40.7](https://indike.org/pramana/in.purana.vayu.2.40.7) mahadādervikārasya viśeṣāntasya saṃkṣaye. svabhāvakārite tasminpravṛtte pratisañcare .. 40.6 .. ### [2.40.8](https://indike.org/pramana/in.purana.vayu.2.40.8) āpo grasanti vai pūrvvaṃ bhūmergandhātmakaṃ guṇam. āttagandhā tato bhūmiḥ pralayatvāya kalpate . praviṣṭe gandhatanmātre toyāvasthā dharā bhavet .. 40.7 .. ### [2.40.9](https://indike.org/pramana/in.purana.vayu.2.40.9) āpastadā pranaṣṭā vai vegavatyo mahāsvanāḥ. sarvamāpūrayitvedaṃ tiṣṭhanti vicaranti ca .. 40.8 .. ### [2.40.10](https://indike.org/pramana/in.purana.vayu.2.40.10) apāmasti guṇo yastu jyotiṣe līyate rasaḥ. naśyantyāpastadānte ca rasatanmātrasaṅkṣayāt .. 40.9 .. ### [2.40.11](https://indike.org/pramana/in.purana.vayu.2.40.11) tejasā saṃhṛtarasā jyotiṣṭvaṃ prāpnuvantyuta . graste ca salile tejaḥ sarvvatomukhamīkṣyate .. 40.10 .. ### [2.40.12](https://indike.org/pramana/in.purana.vayu.2.40.12) athāgniḥ sarvato vyāpta ādatte tajjalantadā. sarvamāpūryyate'rcirbhistadā jagadidaṃ śanaiḥ .. 40.11 .. ### [2.40.13](https://indike.org/pramana/in.purana.vayu.2.40.13) arcirbhiḥ santate tasmiṃstiryagūrddhvamadhastataḥ . jyotiṣo'pi guṇaṃ rūpaṃ vāyuranti prakāśakam. pralīyate tadā tasmindīpārciriva mārute .. 40.12 .. ### [2.40.14](https://indike.org/pramana/in.purana.vayu.2.40.14) pranaṣṭe rūpatanmātre hṛtarūpo vibhāvasuḥ. upaśāmyati tejo hi vāyunā dhūyate mahat .. 40.13 .. ### [2.40.15](https://indike.org/pramana/in.purana.vayu.2.40.15) nirāloke tadā loke vāyubhūte ca tejasi. tatastu mūlamāsādya vāyuḥ sambhavamātmanaḥ .. 40.14 .. ### [2.40.16](https://indike.org/pramana/in.purana.vayu.2.40.16) ūrddhvaṃ cādhaśca tiryakca dodhavīti diśo daśa . vāyorapi guṇaṃ sparśamākāśaṃ grasate ca tat .. 40.15 .. ### [2.40.17](https://indike.org/pramana/in.purana.vayu.2.40.17) praśāmyati tadā vāyuḥ khantu tiṣṭhatyanāvṛtam. arūpamarasasparghamagandhaṃ na ca mūrtimat .. 40.16 .. ### [2.40.18](https://indike.org/pramana/in.purana.vayu.2.40.18) sarvamāpūrayannādaiḥ sumahattatprakāśate. parimaṇḍalantatsuṣiramākāśaṃ śabdalakṣaṇam .. 40.17 .. ### [2.40.19](https://indike.org/pramana/in.purana.vayu.2.40.19) śabdamātraṃ tadākāśaṃ sarvamāvṛtya tiṣṭhati. tantu śabdaguṇantasya bhūtādiṃ grasate punaḥ .. 40.18 .. ### [2.40.20](https://indike.org/pramana/in.purana.vayu.2.40.20) bhūtendriyeṣu yughapadbhūtādau saṃsthiteṣu vai. abhimānātmako hyeṣa bhūtādistāmasaḥ smṛtaḥ .. 40.19 .. ### [2.40.21](https://indike.org/pramana/in.purana.vayu.2.40.21) bhūtādiṃ grasate cāpi mahānvai buddhilakṣaṇaḥ. mahānātmā tu vijñeyaḥ saṃkalpo vyavasāyakaḥ .. 40.20 .. ### [2.40.22](https://indike.org/pramana/in.purana.vayu.2.40.22) buddhirmanaśca liṅgaśca mahānakṣara eva ca. paryāyavācakaiḥ śabdaistamāhustattvacintakāḥ .. 40.21 .. ### [2.40.23](https://indike.org/pramana/in.purana.vayu.2.40.23) sampralīneṣu bhūteṣu guṇasāmye tamomaye. svātmanyeva sthite caiva kāraṇe lokakāraṇe .. 40.22 .. ### [2.40.24](https://indike.org/pramana/in.purana.vayu.2.40.24) vinivṛtte tadā sarge prakṛtyāvasthitena vai . tadādyantaparokṣatvā dadṛṣṭatvācca kasyacit .. 40.23 .. ### [2.40.25](https://indike.org/pramana/in.purana.vayu.2.40.25) anākhyānādabodhatvādajñānājjñānināmapi. āgatāgatikatvācca grahaṇaṃ tanna vidyate .. 40.24 .. ### [2.40.26](https://indike.org/pramana/in.purana.vayu.2.40.26) bhāvagrāhyānumānācca cintayitvedamucyate. sthite tu kāraṇe tasminnitye sadasadātmike .. 40.25 .. ### [2.40.27](https://indike.org/pramana/in.purana.vayu.2.40.27) anirddeśyā pravṛttirvai svātmikā kāraṇe na tu. evaṃ saptādayo'bhyastātkramātprakṛtayastu vai .. 40.26 .. ### [2.40.28](https://indike.org/pramana/in.purana.vayu.2.40.28) pratyāhāre tadā sarge praviśyanti parasparam. yenedamāvṛtaṃ sarvaṃ maṇḍalantu pralīyate .. 40.27 .. ### [2.40.29](https://indike.org/pramana/in.purana.vayu.2.40.29) saptadvīpasamudrāntaṃ saptalokaṃ saparvatam. udakāvaraṇaṃ yacca jyotiṣāṃ līyate tu tat .. 40.28 .. ### [2.40.30](https://indike.org/pramana/in.purana.vayu.2.40.30) yattaijasaṃ cāvaraṇamākāśaṃ grasate tu tat. yadvāyavyaṃ cāvaraṇamākāśaṃ grasate tu tat .. 40.29 .. ### [2.40.31](https://indike.org/pramana/in.purana.vayu.2.40.31) ākāśāvaraṇaṃ yacca bhūtādirgrasate tu tat. bhūtādiṃ grasate cāpi mahānvai buddhi lakṣaṇaḥ .. 40.30 .. ### [2.40.32](https://indike.org/pramana/in.purana.vayu.2.40.32) mahāntaṃ grasate'vyaktaṃ guṇasāmyaṃ tataḥ param. etau saṃhāravistārau brahmāvyaktau tataḥ punaḥ .. 40.31 .. ### [2.40.33](https://indike.org/pramana/in.purana.vayu.2.40.33) sṛjate grasate caiva vikārānsargasaṃyame. saṃhārakāryakaraṇāḥ saṃsiddhā jñāninastu ye .. 40.32 .. ### [2.40.34](https://indike.org/pramana/in.purana.vayu.2.40.34) gatvā javañjavībhāve sthāneṣveṣu prasaṃyamān. pratyāhāre viyujyante kṣetrajñāḥ karaṇaiḥ punaḥ .. 40.33 .. ### [2.40.35](https://indike.org/pramana/in.purana.vayu.2.40.35) avyaktaṃ kṣetramityāhurbrahma kṣetrajña ucyate. sādharmyavaidharmmakṛtasaṃyogo'nādimāṃstayoḥ .. 40.34 .. ### [2.40.36](https://indike.org/pramana/in.purana.vayu.2.40.36) evaṃ sargeṣu vijñeyaṃ kṣetrajñeṣviha brāhmaṇāḥ . brahmaviccaiva vijñeyaḥ kṣetrajñānātpṛthakpṛthak .. 40.35 .. ### [2.40.37](https://indike.org/pramana/in.purana.vayu.2.40.37) viṣayāviṣayatvañca kṣetrakṣetrajñayoḥ smṛtam. brahmā tu viṣayo jñeyo'viṣayaḥ kṣetramucyate .. 40.36 .. ### [2.40.38](https://indike.org/pramana/in.purana.vayu.2.40.38) kṣetrajñādhiṣṭhitaṃ kṣetraṃ kṣetrajñārthaṃ pracakṣate. bahutvācca śarīrāṇāṃ śarīrī bahudhā smṛtaḥ .. 40.37 .. ### [2.40.39](https://indike.org/pramana/in.purana.vayu.2.40.39) avyūhā śaṅkarāccaiva jyotirvacca vyavasthitaḥ. yasmātpratiśarīraṃ hi sukhaduḥkhopalabdhitā. tasmātpuruṣanānātvaṃ vijñeyaṃ tu vijānatā .. 40.38 .. ### [2.40.40](https://indike.org/pramana/in.purana.vayu.2.40.40) yadā pravarttate caiṣāṃ bhedānāṃ caiva saṃyamāḥ. svabhāvakāritāḥ sarve kālena mahatā tadā .. 40.39 .. ### [2.40.41](https://indike.org/pramana/in.purana.vayu.2.40.41) nivarttate tadā tasya sthitirāgaḥ svayambhuvaḥ. sahasā yojyakaiḥ sarvairbrahmaloka nivāsibhiḥ .. 40.40 .. ### [2.40.42](https://indike.org/pramana/in.purana.vayu.2.40.42) vinivṛtte tadā rāge sthitāvātmanivāsinām. tatkālavāsināṃ teṣāṃ tadā taddoṣadarśinām .. 40.41 .. ### [2.40.43](https://indike.org/pramana/in.purana.vayu.2.40.43) utpadyate'tha vairāgyamātmavāda praṇāśanam. bhojyabhoktṛtvanānātve teṣāṃ tadbhavadarśinām .. 40.42 .. ### [2.40.44](https://indike.org/pramana/in.purana.vayu.2.40.44) pṛthagjñānena kṣetrajñāstataste brahmalaukikāḥ. prakṛtau karaṇā nītāḥ sarve nānāpradarśinaḥ .. 40.43 .. ### [2.40.45](https://indike.org/pramana/in.purana.vayu.2.40.45) svātmanyevāvatiṣṭhante praśāntā darśanātmakāḥ. śuddhā nirañjanāḥ sarve cetanācetanāstathā .. 40.44 .. ### [2.40.46](https://indike.org/pramana/in.purana.vayu.2.40.46) tatraiva parinirvāṇāḥ smṛtā nāgāminastu te. nirguṇatvānirātmānaḥ prakṛtyante vyatikramāt .. 40.45 .. ### [2.40.47](https://indike.org/pramana/in.purana.vayu.2.40.47) ityevaṃ prākṛtaḥ proktaḥ pratisargaḥ svayambhuvaḥ. bhidyante sarvabhūtānāṃ karaṇāni prasaṃyame .. 40.46 .. ### [2.40.48](https://indike.org/pramana/in.purana.vayu.2.40.48) ityeṣa saṃyamaścaiva tattvānāṃ karaṇaiḥ saha. tattvaprasaṃyamo hyeṣa smṛto hyāvarttako dvijāḥ .. 40.47 .. ### [2.40.49](https://indike.org/pramana/in.purana.vayu.2.40.49) sūta uvāca.. ### [2.40.50](https://indike.org/pramana/in.purana.vayu.2.40.50) dharmādharmau tapo jñānaṃ śubhe satyānṛte tathā. ūrddhva bhāvo hyadhobhāvo sukhaduḥkhe priyāpriye .. 40.48 .. ### [2.40.51](https://indike.org/pramana/in.purana.vayu.2.40.51) sarvametatprayātasya guṇamātrātmakaṃ smṛtam. nirindriyāṇāṃ ca tadā jñānināṃ yacchubhāśubham .. 40.49 .. ### [2.40.52](https://indike.org/pramana/in.purana.vayu.2.40.52) prakṛtyāṃ caiva tatsarvaṃ puṇyaṃ pāpaṃ pratiṣṭhati. yonyavasthā svabhāve ca dehināṃ tu niṣicyate .. 40.50 .. ### [2.40.53](https://indike.org/pramana/in.purana.vayu.2.40.53) jantūnāṃ pāpapuṇyantu prakṛtau yatpratiṣṭhitam . avyakta sthāni tānyeva puṇyapāpāni jantavaḥ. ye jayanti punardehe dehānyatve tathaiva ca .. 40.51 .. ### [2.40.54](https://indike.org/pramana/in.purana.vayu.2.40.54) dharmādharmau tu jantūnāṃ guṇamātrātmakāvubhau . karaṇaiḥ svaiḥ pracīyete kāyatveneha jantubhiḥ .. 40.52 .. ### [2.40.55](https://indike.org/pramana/in.purana.vayu.2.40.55) sucetanāḥ pralīyante kṣetrajñādhiṣṭhitā guṇāḥ. sarge ca pratisarge ca saṃsāre caiva jantavaḥ. saṃyujyante viyujyante karaṇaiḥ sañcaranti ca .. 40.53 .. ### [2.40.56](https://indike.org/pramana/in.purana.vayu.2.40.56) rājasī tāmasī caiva sātvikī caiva vṛttayaḥ. guṇamātrāḥ pravarttante puruṣādhiṣṭhitāstridhā .. 40.54 .. ### [2.40.57](https://indike.org/pramana/in.purana.vayu.2.40.57) ūrddhvaṃ devātmakaṃ sattvamadhobhāgātmakaṃ tamaḥ. tayoḥ pravarttakaṃ madye ihaivāvarttakaṃ rajaḥ .. 40.55 .. ### [2.40.58](https://indike.org/pramana/in.purana.vayu.2.40.58) ityevaṃ parivarttante trayaḥ srotoguṇātmakāḥ. lokeṣu sarvabhūtānāṃ tanna kāryaṃ vijānatā .. 40.56 .. ### [2.40.59](https://indike.org/pramana/in.purana.vayu.2.40.59) avidyāpratyayārambhā ārabhyante hi mānavaiḥ . etāstu gatayastisraḥ śubhāḥ pāpātmikāḥ smṛtāḥ .. 40.57 .. ### [2.40.60](https://indike.org/pramana/in.purana.vayu.2.40.60) tama sābhibhavājjanturyāthātathyaṃ na vindati. atatddarśanātso'tha trividhaṃ badhyate tataḥ .. 40.58 .. ### [2.40.61](https://indike.org/pramana/in.purana.vayu.2.40.61) prākṛtena ca bandhena tathā vaikārikena ca. dakṣiṇābhistṛtīyena baddho'tyantaṃ vivarttate .. 40.59 .. ### [2.40.62](https://indike.org/pramana/in.purana.vayu.2.40.62) ityete vai trayaḥ proktā bandhā hyajñānahetukāḥ. anitye nityasaṃjñā ca duḥkhe ca sukhadarśanam .. 40.60 .. ### [2.40.63](https://indike.org/pramana/in.purana.vayu.2.40.63) asve svamiti ca jñānamaśucau śuciniścayaḥ. yeṣāmete manodoṣā jñānadoṣā viparyyayāt .. 40.61 .. ### [2.40.64](https://indike.org/pramana/in.purana.vayu.2.40.64) rāgadveṣanivṛttiśca tajjñānaṃ samudāhṛtam. ajñānaṃ tamaso mūlaṃ karmmadvayaphalaṃ rajaḥ. karmmajastu punardeho mahāduḥkhaṃ pravarttate .. 40.62 .. ### [2.40.65](https://indike.org/pramana/in.purana.vayu.2.40.65) śrotrajā netrajā caiva tvagjihvāghrāṇatastathā. punarbhavakarī duḥkhā karmmaṇāṃ jāyate tu sā .. 40.63 .. ### [2.40.66](https://indike.org/pramana/in.purana.vayu.2.40.66) satṛṣṇo'bhihito bālaḥ svakṛtaiḥ karmmaṇaḥ phalaiḥ. tailapālīkavajjīvastatraiva pari varttate .. 40.64 .. ### [2.40.67](https://indike.org/pramana/in.purana.vayu.2.40.67) tasmātsthūlamanarthānāmajñānamupadiśyate . taṃ śaktamavadhāryyaikaṃ jñāne yatnaṃ samācaret .. 40.65 .. ### [2.40.68](https://indike.org/pramana/in.purana.vayu.2.40.68) jñānādvijayate sarvaṃ tyāgād‌buddhirvirajyate. vairāgyācchuddhyate cāpi śuddhaḥ sattvena mucyate .. 40.66 .. ### [2.40.69](https://indike.org/pramana/in.purana.vayu.2.40.69) ata ūrddhvaṃ pravakṣyāmi rāgaṃ bhūtāpahāriṇam. abhiṣaṅgāya yo yasmādviṣayo'pyavaśātmanaḥ .. 40.67 .. ### [2.40.70](https://indike.org/pramana/in.purana.vayu.2.40.70) aniṣṭamabhiṣaṅgaṃ hi prītitāpaviṣādanam. duḥkhalābhe na tāpañca sukhānusmaraṇaṃ tathā .. 40.68 .. ### [2.40.71](https://indike.org/pramana/in.purana.vayu.2.40.71) ityeṣa vaiṣayo rāgaḥ sambhūtyāḥ kāraṇaṃ smṛtam. brahmādau sthāvarānte vai saṃsāre hyādhibhautike. ajñānapūrvakaṃ tasmādajñānantu vivarjayet .. 40.69 .. ### [2.40.72](https://indike.org/pramana/in.purana.vayu.2.40.72) yasya cārṣaṃ na pramāṇaṃ śiṣṭācāraṃ tathaiva ca. varṇāśramavirodhī yaḥ śiṣṭaśāstravirodhakaḥ .. 40.70 .. ### [2.40.73](https://indike.org/pramana/in.purana.vayu.2.40.73) eṣa mārgo hi niradhitiryagyonau ca kāraṇam. tiryagyonigatañcaiva kāraṇaṃ sa nirucyate .. 40.71 .. ### [2.40.74](https://indike.org/pramana/in.purana.vayu.2.40.74) vividhā yātanā sthāne tiryagyonau ca ṣaḍvidhe. kāraṇe viṣaye caiva pratighātastu sarvaśaḥ .. 40.72 .. ### [2.40.75](https://indike.org/pramana/in.purana.vayu.2.40.75) anaiśvaryyantu tatsarvaṃ pratighātātmakaṃ smṛtam . ityeṣā tāmasī vṛttirbhūtādīnāṃ caturvidhā .. 40.73 .. ### [2.40.76](https://indike.org/pramana/in.purana.vayu.2.40.76) sattvasthamātrakaṃ cittaṃ yathā sattvapradarśanāt. tattvānāñca tathā tattvaṃ dṛṣṭvā vai tattvadarśanāt .. 40.74 .. ### [2.40.77](https://indike.org/pramana/in.purana.vayu.2.40.77) sattvakṣetrajñanānātvametajjñānārthadarśanam. nānātvadarśanaṃ jñānaṃ jñānādvai yogamucyate .. 40.75 .. ### [2.40.78](https://indike.org/pramana/in.purana.vayu.2.40.78) tena baddhasya vai bandho mokṣo muktasya tena ca . saṃsāre vinivṛtte tu mukto liṅgena mucyate .. 40.76 .. ### [2.40.79](https://indike.org/pramana/in.purana.vayu.2.40.79) niḥsambandho hyacaitanyaḥ svātmanyevāvatiṣṭhate. svātmavyavasthitaścāpi virūpākhyena likhyate .. 40.77 .. ### [2.40.80](https://indike.org/pramana/in.purana.vayu.2.40.80) ityetallakṣaṇaṃ proktaṃ samāsājjñānamokṣayo. sa cāpi trividhaḥ prokto mokṣo vai tattvadarśibhiḥ .. 40.78 .. ### [2.40.81](https://indike.org/pramana/in.purana.vayu.2.40.81) pūrvaṃ viyogo jñānena dvitīyo rāgasaṃkṣayāt. liṅgābhāvāttu kaivalyaṃ kaivatyāttu nirañjanam .. 40.79 .. ### [2.40.82](https://indike.org/pramana/in.purana.vayu.2.40.82) nirañjanatvācchuddhastu tato netā na vidyate. tṛṣṇākṣayāttṛtīyastu vyākhyātaṃ mokṣakāraṇam .. 40.80 .. ### [2.40.83](https://indike.org/pramana/in.purana.vayu.2.40.83) nimittamapratīghāte iṣṭaśabdādilakṣaṇe. aṣṭāvetāni rūpāṇi prākṛtāni yathākramam .. 40.81 .. ### [2.40.84](https://indike.org/pramana/in.purana.vayu.2.40.84) kṣetrajñeṣvavasajyante guṇamātrātmakāni tu. ata urddhvaṃ pravakṣyāmi vairāgyaṃ doṣadarśanāt .. 40.82 .. ### [2.40.85](https://indike.org/pramana/in.purana.vayu.2.40.85) divye ca mānuṣe caiva viṣaye pañcalakṣaṇe. apradveṣo'nabhiṣvaṅgaḥ karttavyo doṣadarśanāt .. 40.83 .. ### [2.40.86](https://indike.org/pramana/in.purana.vayu.2.40.86) tāpaprītiviṣādānāṃ kāryyantu parivarjanam. evaṃ vairāgyamāsthāya śarīrī nirmamo bhavet .. 40.84 .. ### [2.40.87](https://indike.org/pramana/in.purana.vayu.2.40.87) anityamaśivaṃ duḥkhamiti buddhyānucintya ca. viśuddhaṃ kāryyakaraṇaṃ satvābhyeti tarāntu yaḥ .. 40.85 .. ### [2.40.88](https://indike.org/pramana/in.purana.vayu.2.40.88) paripavkakaṣāyo hi kṛtsnāndoṣānprapaśyati. tataḥ prayāṇakāle hi doṣairnaimittikaistathā .. 40.86 .. ### [2.40.89](https://indike.org/pramana/in.purana.vayu.2.40.89) ūṣmā prakupitaḥ kāye tīvravāyusamīritaḥ. sa śarīramupāśritya kṛtsnāndoṣānruṇaddhi vai .. 40.87 .. ### [2.40.90](https://indike.org/pramana/in.purana.vayu.2.40.90) prāṇasthānāni bhindanhi chindanmarmāṇyatītya ca. śaityātprakupito vāyurūrddhvantu kramate tataḥ .. 40.88 .. ### [2.40.91](https://indike.org/pramana/in.purana.vayu.2.40.91) sa cāyaṃ sarvabhūtānāṃ prāṇasthāneṣvavasthitaḥ. samāsātsaṃvṛte jñāne saṃvṛteṣu ca karmmasu .. 40.89 .. ### [2.40.92](https://indike.org/pramana/in.purana.vayu.2.40.92) sa jīvo'nabhyadhiṣṭānaḥ karmmabhiḥ svaiḥ purākṛtaiḥ. aṣṭāṅgaprāṇavṛttīrvai sa vicyāvayate punaḥ .. 40.90 .. ### [2.40.93](https://indike.org/pramana/in.purana.vayu.2.40.93) śarīraṃ prajahaṃso vai nirucchvāsastato bhavet. evaṃ prāṇaiḥ parityakto mṛta ityabhidhīyate .. 40.91 .. ### [2.40.94](https://indike.org/pramana/in.purana.vayu.2.40.94) yatheha loke khadyotaṃ nīyamānamitastataḥ . rañjanaṃ tadvadhe yattu netā netā na vidyate .. 40.92 .. ### [2.40.95](https://indike.org/pramana/in.purana.vayu.2.40.95) tṛṣṇākṣayastṛtīyastu vyākhyātaṃ mokṣalakṣaṇam. śabdādye viṣaye doṣaviṣaye pañcalakṣaṇe .. 40.93 .. ### [2.40.96](https://indike.org/pramana/in.purana.vayu.2.40.96) apradveṣo'nabhiṣvaṅgaḥ prītitāpavivarjanam . vairāgyakāraṇaṃ hyete prakṛtīnāṃ layasya ca .. 40.94 .. ### [2.40.97](https://indike.org/pramana/in.purana.vayu.2.40.97) aṣṭau prakṛtayo jñeyāḥ pūrvoktā vai yathākramam. avyaktādyastu vijñeyā bhūtāntāḥ prakṛterlayāḥ .. 40.95 .. ### [2.40.98](https://indike.org/pramana/in.purana.vayu.2.40.98) varṇāśramācārayuktāḥ śiṣṭāḥ śāstrāvirodhinaḥ. varṇāśramāṇāṃ dharmmo'yaṃ devasthāneṣu kāraṇam .. 40.96 .. ### [2.40.99](https://indike.org/pramana/in.purana.vayu.2.40.99) brahmādīni piśācāntānyaṣṭau sthānāni devatā. aiśvaryyamaṇimādyaṃ hi kāraṇaṃ hyaṣṭalakṣaṇam .. 40.97 .. ### [2.40.100](https://indike.org/pramana/in.purana.vayu.2.40.100) nimittamapratīghāta iṣṭe śabdādilakṣaṇe. aṣṭāvetāni rūpāṇi prākṛtāni yathākramam .. 40.98 .. ### [2.40.101](https://indike.org/pramana/in.purana.vayu.2.40.101) kṣetrajñeṣvanusajyante gaṇamātrātmakāni tu. prāvṛṭ‌kāle pṛthaktvena paśyantīha na cakṣuṣā .. 40.99 .. ### [2.40.102](https://indike.org/pramana/in.purana.vayu.2.40.102) paśyantyevaṃvidhaṃ siddhā jīvaṃ divyena cakṣuṣā. śvāviti śvānapānaśca yonīḥ praviśatastathā .. 40.100 .. ### [2.40.103](https://indike.org/pramana/in.purana.vayu.2.40.103) tiryyagūrddhvamadhastācca dhāvato'pi yathākramam. jīvaprāṇāstathā liṅgaṃ kāraṇañca catuṣṭayam ... 40.101 .. ### [2.40.104](https://indike.org/pramana/in.purana.vayu.2.40.104) paryyāyavācakaiḥ śabdairekārthaiḥ so'bhilikhyate. vyaktāvyakte pramāṇo'yaṃ sa vai rūpaṃ tu kṛtsnaśaḥ .. 40.102 .. ### [2.40.105](https://indike.org/pramana/in.purana.vayu.2.40.105) avyaktānta gṛhītaṃ ca kṣetrajñādhiṣṭhitañca yat . evaṃ jñātvā śucirbhūttvā jñānādvai vipramucyate .. 40.103 .. ### [2.40.106](https://indike.org/pramana/in.purana.vayu.2.40.106) naṣṭañcaiva yathā tattvaṃ tattvānāṃ tattvadarśanam. yatheṣṭaṃ pariniryyāti bhinne dehe sunirvṛte .. 40.104 .. ### [2.40.107](https://indike.org/pramana/in.purana.vayu.2.40.107) bhidyate karaṇañcāpi hyavyaktājñāninastataḥ. mukto guṇaśarīreṇa prāṇādyena tu sarvaśaḥ .. 40.105 .. ### [2.40.108](https://indike.org/pramana/in.purana.vayu.2.40.108) nānyaccharīramādatte dagdhe bīje yathāṅkuraḥ. jīvikaḥ sarvasaṃsārādbījaśārīramānasaḥ .. 40.106 .. ### [2.40.109](https://indike.org/pramana/in.purana.vayu.2.40.109) jñānāccaturddaśācchuddhaḥ prakṛtiṃ so'nuvarttate. prakṛtiṃ satyamityāhu rvikāro'nṛtamucyate .. 40.107 .. ### [2.40.110](https://indike.org/pramana/in.purana.vayu.2.40.110) tatsadbhāvo'nṛtaṃ jñeyaṃ sadbhāvaḥ satyamucyate. anāmarūpakṣetrajñanāmarūpaṃ pracakṣate .. 40.108 .. ### [2.40.111](https://indike.org/pramana/in.purana.vayu.2.40.111) yasmātkṣetraṃ vijānāti tasmātkṣetrajña ucyate. kṣetrapratyayato yasmātkṣetrajñaḥ śubha ucyate .. 40.109 .. ### [2.40.112](https://indike.org/pramana/in.purana.vayu.2.40.112) kṣetrajñaḥ smaryyate tasmātkṣetraṃ tajjñairvibhāṣyate. kṣetratvapratyayaṃ dṛṣṭaṃ kṣetrajñaḥ pratyayī sadā .. 40.110 .. ### [2.40.113](https://indike.org/pramana/in.purana.vayu.2.40.113) kṣayaṇāt karaṇāccaiva kṣatatrāṇāttathaiva ca. bhojyatvādviṣayatvācca kṣetraṃ kṣetravido viduḥ .. 40.111 .. ### [2.40.114](https://indike.org/pramana/in.purana.vayu.2.40.114) mahadādyaṃ viśeṣāntaṃ savairūpyaṃ vilakṣaṇam. vikāralakṣaṇaṃ tadvai sākṣarakṣarameva ca .. 40.112 .. ### [2.40.115](https://indike.org/pramana/in.purana.vayu.2.40.115) tameva ca vikārantu yasmādvai kṣarate punaḥ. tasmācca kāraṇāccaiva kṣaramityabhidhīyate .. 40.113 .. ### [2.40.116](https://indike.org/pramana/in.purana.vayu.2.40.116) sukhaduḥkhamohabhāvā bhojyamityabhidhīyate. acetatvāddhi viṣayastaddhi dharmmavibhuḥ smṛtaḥ .. 40.114 .. ### [2.40.117](https://indike.org/pramana/in.purana.vayu.2.40.117) na kṣīyate na kṣarati vikāraprasṛtantu tat. akṣaraṃ tena cāpyuktamakṣīṇatvāttathaiva ca .. 40.115 .. ### [2.40.118](https://indike.org/pramana/in.purana.vayu.2.40.118) yasmātpuryyanuśete ca tasmātpuruṣa ucyate. purapratyayiko yasmātpūruṣetyabhidhīyate .. 40.116 .. ### [2.40.119](https://indike.org/pramana/in.purana.vayu.2.40.119) puruṣaṃ kathayasvātha kathantajjñairvibhāṣyate. śuddho nirañjanābhāso jñānājñānavivarjitaḥ .. 40.117 .. ### [2.40.120](https://indike.org/pramana/in.purana.vayu.2.40.120) asti nāstīti so'nyo vā baddho mukto gataḥ sthitaḥ. nairhetikāntanirddeśyasūktastasminna vidyate .. 40.118 .. ### [2.40.121](https://indike.org/pramana/in.purana.vayu.2.40.121) śuddhatvānna tu deśyo vai dṛṣṭatvātsamadarśanaḥ. ātmapratyayakārī sāranūnañcāpi hetukam. bhāvagrāhyamanumānyaṃ cintayanna pramuhyate .. 40.119 .. ### [2.40.122](https://indike.org/pramana/in.purana.vayu.2.40.122) yadā paśyati jñātāraṃ śāntārthaṃ darśanātmakam. dṛśyādṛśyeṣu nirddeśyaṃ tadā taduddharaṃ varam .. 40.120 .. ### [2.40.123](https://indike.org/pramana/in.purana.vayu.2.40.123) evaṃ jñātvā sa vijñātā tataḥ śāntiṃ niyacchati. kāryye ca kāraṇe caiva buddhyādau bhautike tadā .. 40.121 .. ### [2.40.124](https://indike.org/pramana/in.purana.vayu.2.40.124) saṃprayukto viyukto vā jīvato vā mṛtasya ca. vijñātā na ca dṛśyeta pṛthaktveneha sarvvaśaḥ .. 40.122 .. ### [2.40.125](https://indike.org/pramana/in.purana.vayu.2.40.125) svenātmānaṃ tamātmānaṃ kāraṇātmā niyacchati. prakṛtau kāraṇe caiva svātmanyevopatiṣṭhati .. 40.123 .. ### [2.40.126](https://indike.org/pramana/in.purana.vayu.2.40.126) asti nāstīti so'nyo vā ihāmutreti vā punaḥ. ekatvaṃ vā pṛthaktvaṃ vā kṣetrajñapuruṣeti vā .. 40.124 .. ### [2.40.127](https://indike.org/pramana/in.purana.vayu.2.40.127) ātmavān sa nirātmā vā cetano'cetano'pi vā. karttā vā so'pyakarttā vā bhoktā vā bhojyameva vā .. 40.125 .. ### [2.40.128](https://indike.org/pramana/in.purana.vayu.2.40.128) yajjñātvā na nivarttante kṣetrajñe tu nirañjane. avācyaṃ tadanākhyānādagrāhyatvādahetuni .. 40.126 .. ### [2.40.129](https://indike.org/pramana/in.purana.vayu.2.40.129) apratarkyamacintyatvādavāpyatvācca sarvaśaḥ. nābhilimpati tattattvaṃ samprāpya manasā saha .. 40.127 .. ### [2.40.130](https://indike.org/pramana/in.purana.vayu.2.40.130) kṣetrejñe nirguṇe śuddhe śānte kṣīṇe nirañjane. vyape(ye)tasukhaduḥkhe ca niruddhe śāntimāgate .. 40.128 .. ### [2.40.131](https://indike.org/pramana/in.purana.vayu.2.40.131) nirātmake punastasminvācyāvācyo na vidyate. etau saṃhāravistārau vyaktāvyaktau tataḥ punaḥ .. 40.129 .. ### [2.40.132](https://indike.org/pramana/in.purana.vayu.2.40.132) sṛjate grasate caiva grastaḥ paryavatiṣṭhate. kṣetrajñādhiṣṭhitaṃ sarvaṃ punaḥ sarvaṃ pravarttate .. 40.130 .. ### [2.40.133](https://indike.org/pramana/in.purana.vayu.2.40.133) adhiṣṭhānapravṛttena tasya te buddhipūrvakam. sādharmyavaidharmyakṛtasaṃyogo vidhitastayoḥ. anādimān sa saṃyogo mahāpuruṣajaḥ smṛtaḥ .. 40.131 .. ### [2.40.134](https://indike.org/pramana/in.purana.vayu.2.40.134) yāvacca sargapratisargakālastāvacca tiṣṭhati susannirudhya. pūrvaṃ hitavye tadabuddhipūrvaṃ pravarttate tatpuruṣārthameva .. 40.132 .. ### [2.40.135](https://indike.org/pramana/in.purana.vayu.2.40.135) eṣā nisargapratisargapūrvaṃ pradhānikī ceśvarakāritā ca. anādyanantā hyabhimānapūrvakaṃ vitrāsayantī jagadabhyupaiti .. 40.133 .. ### [2.40.136](https://indike.org/pramana/in.purana.vayu.2.40.136) ityeṣa prākṛtaḥ sargastṛtīyo hetulakṣaṇaḥ. ukto hyasmiṃstadātyantaṃ kavibhistatpramucyate .. 40.134 .. ### [2.40.137](https://indike.org/pramana/in.purana.vayu.2.40.137) ityeṣa pratisargovastrividhaḥ kīrttito mayā.. ### [2.40.138](https://indike.org/pramana/in.purana.vayu.2.40.138) vistareṇānupūrvyā ca bhūyaḥ kiṃ varttayāmyaham .. 40.135 .. ### [2.40.139](https://indike.org/pramana/in.purana.vayu.2.40.139) iti śrīmahāpurāṇe vāyuprokte catvāriṃśo'dhyāyaḥ .. 40 .. \* ## Linked texts (4) - [Brahmāṇḍapurāṇa](https://indike.org/pramana/in.purana.brahmanda.3.3.1) — Vyāsa, Sanskrit - [Brahmapurāṇa](https://indike.org/pramana/in.purana.brahma.233.14) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.6.4.13) — Sanskrit - [Agnipurāṇa](https://indike.org/pramana/in.purana.agni.367.19) — Vyāsa, Sanskrit --- Source: [https://indike.org/pramana/in.purana.vayu.2.40](https://indike.org/pramana/in.purana.vayu.2.40) · Pramāṇa