[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.41 # Vayupurana 2.41: adhyāyaḥ 41 Vāyupurāṇa 2.41 - **Language:** Sanskrit ### adhyāyaḥ 41 ### [2.41.1](https://indike.org/pramana/in.purana.vayu.2.41.1) ..ṛṣaya ūcuḥ.. ### [2.41.2](https://indike.org/pramana/in.purana.vayu.2.41.2) sūta sumahadākhyānaṃ bhavatā parikīrtitam. prajānāṃ manubhiḥ sārddhaṃ devānāmṛṣibhiḥ saha .. 41.1 .. ### [2.41.3](https://indike.org/pramana/in.purana.vayu.2.41.3) pitṛgandharvabhūtānāṃ piśācoragarakṣasām. daityānāṃ dānavānāṃ ca yakṣāṇāmeva pakṣiṇām .. 41.2 .. ### [2.41.4](https://indike.org/pramana/in.purana.vayu.2.41.4) atyadbhutāni karmmāṇi vidhimāndharmmaniścayaḥ. vicitrāśca kathāyogā janma cāgryamanuttamam .. 41.3 .. ### [2.41.5](https://indike.org/pramana/in.purana.vayu.2.41.5) tatkathyamānamasmākaṃ bhavatā ślakṣṇayā girā. manaḥkarmasukhaṃ saute prīṇātyābhūtasambhavam .. 41.4 .. ### [2.41.6](https://indike.org/pramana/in.purana.vayu.2.41.6) evamārādhya te sūtaṃ satkṛtya ca maharṣayaḥ . papracchuḥ satriṇaḥ sarve punaḥ sargapravarttanam .. 41.5 .. ### [2.41.7](https://indike.org/pramana/in.purana.vayu.2.41.7) kathaṃ sūta mahāprājña punaṃ sargaḥ prapatsyate. bandheṣu sampralīneṣu guṇasāmye tamomaye .. 41.6 .. ### [2.41.8](https://indike.org/pramana/in.purana.vayu.2.41.8) vikāreṣvavisṛṣṭoṣu hyavyakte cātmani sthite. apravṛttau brahmaṇastu mahāsāyujyagaistadā . kathaṃ prapatsyate sargastannaḥ prabrūhi pṛcchatām .. 41.7 .. ### [2.41.9](https://indike.org/pramana/in.purana.vayu.2.41.9) evamuktastataḥ sūtastadāsau lomaharṣaṇaḥ . vyākhyātumupacakrāma punaḥ sargapravarttanam .. 41.8 .. ### [2.41.10](https://indike.org/pramana/in.purana.vayu.2.41.10) ahaṃ vau varttayiṣyāmi yathā sargaḥ prapatsyate. pūrvavatsa tu vijñeyaḥ samāsāttaṃ nibodhata .. 41.9 .. ### [2.41.11](https://indike.org/pramana/in.purana.vayu.2.41.11) dṛṣṭaṃ caivānumeyañca tarkaṃ vakṣyāmi yuktitaḥ. tasmādvāco nivarttante hyaprāpya manasā saha .. 41.10 .. ### [2.41.12](https://indike.org/pramana/in.purana.vayu.2.41.12) avyaktavat parokṣatvādghrahaṇaṃ taddurāsadam. vikāraiḥ pratisaṃdṛṣṭe guṇasāmye nivarttate .. 41.11 .. ### [2.41.13](https://indike.org/pramana/in.purana.vayu.2.41.13) pradhānaṃ puruṣāṇāñca sādharmmyeṇaiva tiṣṭhati. dharmmādharmmau pralīyete avyaktau prāṇināṃ sadā .. 41.12 .. ### [2.41.14](https://indike.org/pramana/in.purana.vayu.2.41.14) sattvamātrātmako dharmmo guṇasattve pratiṣṭhitaḥ. tamomātrātmako'dharmmo guṇe tamasi tiṣṭhati .. 41.13 .. ### [2.41.15](https://indike.org/pramana/in.purana.vayu.2.41.15) avibhāgavatāvetau guṇasāmyasthitāvubhau. sarvakāryye buddhipūrvaṃ pradhānasya prapatsyate .. 41.14 .. ### [2.41.16](https://indike.org/pramana/in.purana.vayu.2.41.16) abuddhipūrvaṃ kṣetrajña adhiṣṭhāsyati tān guṇān. evaṃ tānabhimānena prapatsyeta purastadā .. 41.15 .. ### [2.41.17](https://indike.org/pramana/in.purana.vayu.2.41.17) yadā pravarttitavyantu kṣetrakṣetrajñayordvayoḥ. bhojyabhoktṛtvasambandhaṃ prapatsyete yutāvubhau .. 41.16 .. ### [2.41.18](https://indike.org/pramana/in.purana.vayu.2.41.18) tasmāccharaṇamavyaktaṃ sāmye sthitvā guṇātmakān. kṣetrajñādhiṣṭhitaṃ tacca vaiṣamyaṃ bhajate tu tat .. 41.17 .. ### [2.41.19](https://indike.org/pramana/in.purana.vayu.2.41.19) tataḥ prapatsyate vyaktaṃ kṣetrakṣetrajñayordvayoḥ. kṣetrajñādhiṣṭhitaṃ sattvaṃ vikāraṃ janayiṣyati .. 41.18 .. ### [2.41.20](https://indike.org/pramana/in.purana.vayu.2.41.20) mahadādyaṃ viśeṣāntaṃ caturviṃśaguṇātmakam. kṣetrajñasya pradhānasya puruṣasya prapatsyate .. 41.19 .. ### [2.41.21](https://indike.org/pramana/in.purana.vayu.2.41.21) brahmāṇḍe prathamaḥ so'tha bhavitā ceśvaraḥ punaḥ. tato jñeyasya kṛtsnasya sarvabhūtapatiḥ śivaḥ .. 41.20 .. ### [2.41.22](https://indike.org/pramana/in.purana.vayu.2.41.22) īśvaraḥ sarvvamuktānāṃ brahmā brahmamayo mahān. ādi devaḥ pradhānasyānugrahāya pravakṣyate .. 41.21 .. ### [2.41.23](https://indike.org/pramana/in.purana.vayu.2.41.23) anādyau svayamutpannāvubhau sūkṣmau tu tau smṛtau . anādisaṃyogayutau sarvakṣetrajñameva ca .. 41.22 .. ### [2.41.24](https://indike.org/pramana/in.purana.vayu.2.41.24) abuddhi pūrvakaṃ yuktau maśakau tu varau tadā. apratyayamanādyaṃ ca sthitāvudakamapsyaśaḥ .. 41.23 .. ### [2.41.25](https://indike.org/pramana/in.purana.vayu.2.41.25) pravṛtte pūrvataḥ pūrvaṃ punaḥ sarge prapatsyate. ajñāguṇaiḥ pravarttante rajaḥsattvatamātmakam .. 41.24 .. ### [2.41.26](https://indike.org/pramana/in.purana.vayu.2.41.26) pravṛttikāle rajasābhipannamahattvabhūtādiviśeṣyatāñca. viśeṣatāṃ cendriyatāñca yānti guṇāvasāne patibhirmanuṣyāḥ .. 41.25 .. ### [2.41.27](https://indike.org/pramana/in.purana.vayu.2.41.27) satyābhidhyāyinastasya dhyāyinaḥ sannimittakam. rajaḥsattvatamā vyaktā vidharmmāṇaḥ parasparam .. 41.26 .. ### [2.41.28](https://indike.org/pramana/in.purana.vayu.2.41.28) ādyante saṃprapatsyante kṣetratajjñāstu sarvaśaḥ. saṃsiddhakāryyakaraṇā utpadyante'bhimāninaḥ .. 41.27 .. ### [2.41.29](https://indike.org/pramana/in.purana.vayu.2.41.29) sarve satvāḥ prapadyante hyavyaktātpūrvameva ca. prasūte yā ca suvahāḥ sādhikāścāpyasādhikā .. 41.28 .. ### [2.41.30](https://indike.org/pramana/in.purana.vayu.2.41.30) saṃsarantastu te sarve stānaprakaraṇaiḥ saha. kāryyāṇi pratipatsyante utpadyante punaḥ punaḥ .. 41.29 .. ### [2.41.31](https://indike.org/pramana/in.purana.vayu.2.41.31) guṇamātrātmakāścaiva dharmmādharmmau parasparam. ārapsantīha cānyonyaṃ vareṇānugraheṇa ca .. 41.30 .. ### [2.41.32](https://indike.org/pramana/in.purana.vayu.2.41.32) sarve tulyāḥ prasṛṣṭārthaṃ sarggadau yānti vikriyām. guṇāstatpratidhāvante tasmāttattasya rocate .. 41.31 .. ### [2.41.33](https://indike.org/pramana/in.purana.vayu.2.41.33) guṇāste yāni sarvāṇi prāk dṛṣṭeḥ pratipedire. tānyeva pratipadyante sṛṣṭamānāḥ punaḥ punaḥ .. 41.32 .. ### [2.41.34](https://indike.org/pramana/in.purana.vayu.2.41.34) hiṃsrāhiṃsre mṛdukrūre dharmmādharmmāvṛtānṛte. tadbhāvitāḥ prapadyante tasmāttattasya rocate .. 41.33 .. ### [2.41.35](https://indike.org/pramana/in.purana.vayu.2.41.35) mahābhūteṣu nānātvamindriyārtheṣu mūrttiṣu. viprayogāśca bhūtānāṃ yuṇobhyaḥ saṃpravarttate .. 41.34 .. ### [2.41.36](https://indike.org/pramana/in.purana.vayu.2.41.36) ityeṣa vo mayā khyātaḥ punaḥ sargaḥ samāsataḥ. samāsādeva vakṣyāmi brahmaṇo'tha samudbhavam .. 41.35 .. ### [2.41.37](https://indike.org/pramana/in.purana.vayu.2.41.37) avyaktātkāraṇāttasmānnityātsadasadātmakāt. pradhāna puruṣābhyāntu jāyate ca maheśvaraḥ .. 41.36 .. ### [2.41.38](https://indike.org/pramana/in.purana.vayu.2.41.38) sa punaḥ sambhāvayitā jāyate brahmasaṃjñitaḥ. sṛjate sa punarlokānabhimānaguṇātmakān .. 41.37 .. ### [2.41.39](https://indike.org/pramana/in.purana.vayu.2.41.39) ahaṅkārastu mahatastasmādbhūtāni cātmanaḥ. yugapat sampravarttante bhūtānyevendriyāṇi ca. bhūtabhedāśca bhūtebhya iti sargaḥ pravarttate .. 41.38 .. ### [2.41.40](https://indike.org/pramana/in.purana.vayu.2.41.40) vistarāvayavasteṣāṃ yathāprajñaṃ yathāśrutam. kīrttitaṃ vo yathā pūrvaṃ tathaivābhyupadhāryyatām .. 41.39 .. ### [2.41.41](https://indike.org/pramana/in.purana.vayu.2.41.41) etacchrutvā naimiṣeyāstadānīṃ lokotpattiṃ saṃsthitiṃ ca vyayañca. tasmin satre'vabhṛthaṃ prāpya śuddhāḥ puṇyaṃ lokamṛṣayaḥ prāpnuvanti .. 41.40 .. ### [2.41.42](https://indike.org/pramana/in.purana.vayu.2.41.42) yathā yūyaṃ vidhivaddevatādīniṣṭvā caivāvabhṛthaṃ prāpya śuddhāḥ. tyaktvā dehānāyuṣo'nte kṛtārthānpuṇyām̐llokānprāpya yatheṣṭaṃ cariṣyatha .. 41.41 .. ### [2.41.43](https://indike.org/pramana/in.purana.vayu.2.41.43) ete te naimiṣeyā vai iṣṭvā sṛṣṭvā ca vai tadā. jagmuścāvabhṛdhasnātāḥ svargaṃ sarve tu satriṇaḥ .. 41.42 .. ### [2.41.44](https://indike.org/pramana/in.purana.vayu.2.41.44) viprāstathā yūyamapi ceṣṭvā bahuvidhairmakhaiḥ . āyuṣo'nte tataḥ svargaṃ gantāraḥ stha dvijottamāḥ .. 41.43 .. ### [2.41.45](https://indike.org/pramana/in.purana.vayu.2.41.45) prakriyā prathame pāde kathāvastuparigrahaḥ. anuṣaṅga upodvāta upasaṃhāra eva ca .. 41.44 .. ### [2.41.46](https://indike.org/pramana/in.purana.vayu.2.41.46) evametaccatuṣpādaṃ purāṇaṃ lokasammatam. uvāca bhagavān sākṣādvāyurlokahite rataḥ .. 41.45 .. ### [2.41.47](https://indike.org/pramana/in.purana.vayu.2.41.47) naimiṣe satramāsādya munibhyo munisattamāḥ . tatprasādādasaṃdigdhaṃ bhūtotpattilayāni ca .. 41.46 .. ### [2.41.48](https://indike.org/pramana/in.purana.vayu.2.41.48) prādhānikīmimāṃ sṛṣṭiṃ tathaiveśvarakāritām. samyagviditvā medhāvī na mohamadhigacchati .. 41.47 .. ### [2.41.49](https://indike.org/pramana/in.purana.vayu.2.41.49) idaṃ yo brāhmaṇo vidvānitihāsaṃ purātanam. śrṛṇuyācchrāvayedvāpi tathādhyāpayate'pi ca .. 41.48 .. ### [2.41.50](https://indike.org/pramana/in.purana.vayu.2.41.50) sthāneṣu sa mahendrasya modate śāśvatīḥ samāḥ. brahmasāyujyago bhūtvā brahmaṇā saha mokṣyate .. 41.49 .. ### [2.41.51](https://indike.org/pramana/in.purana.vayu.2.41.51) teṣāṃ kīrttimatāṃ kīrttiṃ prajeśānāṃ mahātmanām. prathayanpṛthivīśānāṃ brahmabhūyāya gacchati .. 41.50 .. ### [2.41.52](https://indike.org/pramana/in.purana.vayu.2.41.52) dhanyaṃ yaśasyamāyuṣyaṃ puṇyaṃ vedaiśca sammatam. kṛṣṇadvaipāyanenoktaṃ purāṇaṃ brahmavādinā .. 41.51 .. ### [2.41.53](https://indike.org/pramana/in.purana.vayu.2.41.53) manvantareśvarāṇāṃ ca yaḥ kīrtiṃ prathayedimām. devatānāmṛṣīṇāñca bhūridraviṇatejasām. sa sarvairmucyate pāpaiḥ puṇyañca mahadāpnuyāt .. 41.52 .. ### [2.41.54](https://indike.org/pramana/in.purana.vayu.2.41.54) yaścedaṃ śrāvayedvidvānsadā parvaṇi parvaṇi. dhūtapāpmā jitasvargo brahmabhūyāya kalpate .. 41.53 .. ### [2.41.55](https://indike.org/pramana/in.purana.vayu.2.41.55) yaścedaṃ śrāvayecchrāddhe brāhmaṇānpādamantataḥ. akṣayaṃ sārvakāmīyaṃ pitṝṃstaccopatiṣṭhati .. 41.54 .. ### [2.41.56](https://indike.org/pramana/in.purana.vayu.2.41.56) yasmātpurā hyanantīdaṃ purāṇaṃ tena cocyate. niruktamasya yo veda sarvapāpaiḥ pramucyate .. 41.55 .. ### [2.41.57](https://indike.org/pramana/in.purana.vayu.2.41.57) tathaiva triṣu varṇeṣu ye manuṣyāḥ pradhānataḥ. itihāsamimaṃ śrutvā dharmāya vidadhe matim .. 41.56 .. ### [2.41.58](https://indike.org/pramana/in.purana.vayu.2.41.58) yāvantyasya śarīreṣu romakūpāṇi sarvaśaḥ. tāvatkoṭi sahasrāṇi varṣāṇāṃ divi modate. brahmasāyujyago bhūtvā daivataiḥ saha modate .. 41.57 .. ### [2.41.59](https://indike.org/pramana/in.purana.vayu.2.41.59) sarvvapāpaharaṃ puṇyaṃ pavitrañca yaśasvi ca. brahmā dadau śāstramidaṃ purāṇaṃ mātariśvane .. 41.58 .. ### [2.41.60](https://indike.org/pramana/in.purana.vayu.2.41.60) tasmāccośanasā prāptaṃ tasmāccāpi bṛhaspatiḥ. bṛhaspatistu prevāca savitre tadanantaram .. 41.59 .. ### [2.41.61](https://indike.org/pramana/in.purana.vayu.2.41.61) savitā mṛtyave prāha mṛtyuścendrāya vai punaḥ. indraścāpi vasiṣṭhāya so'pi sārasvatāya ca .. 41.60 .. ### [2.41.62](https://indike.org/pramana/in.purana.vayu.2.41.62) sārasvatastridhāmne ca tridhāmā ca śaradvate. śaradvatastriviṣṭāya so'ntarikṣāya dattavān .. 41.61 .. ### [2.41.63](https://indike.org/pramana/in.purana.vayu.2.41.63) varṣiṇe cāntarikṣo vai so'pi trayyāruṇāya ca. trayyāruṇo dhanañjaye sa ca prādātkṛtañjaye .. 41.62 .. ### [2.41.64](https://indike.org/pramana/in.purana.vayu.2.41.64) kṛta ñjayāttṛṇañjayo bharadvājāya so'pyatha. gautamāya bharadvājaḥ so'pi niryyantare punaḥ .. 41.63 .. ### [2.41.65](https://indike.org/pramana/in.purana.vayu.2.41.65) niryantarastu provāca tathā vājaśravāya ca. sa dadau somaśūṣmāya sa dadau tṛṇabindave .. 41.64 .. ### [2.41.66](https://indike.org/pramana/in.purana.vayu.2.41.66) tṛṇabindustu dakṣāya dakṣaḥ provāca śaktaye. śakteḥ parāśaraścāpi garbhasthaḥ śrutavānidam .. 41.65 .. ### [2.41.67](https://indike.org/pramana/in.purana.vayu.2.41.67) parāśarājjātukarṇastasmāddvaipāyanaḥ prabhuḥ. dvaipāyanātpunaścāpi mayā prāptaṃ dvijottamāḥ .. 41.66 .. ### [2.41.68](https://indike.org/pramana/in.purana.vayu.2.41.68) śāṃśapāyana uvāca .. ### [2.41.69](https://indike.org/pramana/in.purana.vayu.2.41.69) mayā vai tatpunaḥ proktaṃ putrāyāmitabuddhaye. ityeva vācā brahmādiguruṇā samudāhṛtā .. 41.67 .. ### [2.41.70](https://indike.org/pramana/in.purana.vayu.2.41.70) namaskāryyaśca guravaḥ prayatnena manīṣibhiḥ. dhanyaṃ yaśasyamāyuṣyaṃ puṇyaṃ sarvārthasādhakam .. 41.68 .. ### [2.41.71](https://indike.org/pramana/in.purana.vayu.2.41.71) pāpaghnaṃ niyamenedaṃ śrotavyaṃ brāhmaṇaiḥ sadā. nāśucau nāpi pāpāya nāpyasaṃvatsaroṣite .. 41.69 .. ### [2.41.72](https://indike.org/pramana/in.purana.vayu.2.41.72) nāśraddadhānāviduṣe nāputrāya kathañcana. nāhitāya pradātavyaṃ pavitramidamuttamam .. 41.70 .. ### [2.41.73](https://indike.org/pramana/in.purana.vayu.2.41.73) avyaktaṃ vai yasya yoniṃ vadanti vyaktaṃ dehaṃ kālamantargatañca . vahniṃ vakraṃ candra sūryyau ca netre diśaḥ śrotre ghrāṇamāhuśca vāyum .. 41.71 .. ### [2.41.74](https://indike.org/pramana/in.purana.vayu.2.41.74) vāyo vedāṃścāntarikṣaṃ śarīraṃ kṣitiṃ pādau tārakā romakūpān . sarvāṇi cāṅgāni tathaiva tāni vidyāssarvā yasya pucchaṃ vadanti .. 41.72 .. ### [2.41.75](https://indike.org/pramana/in.purana.vayu.2.41.75) taṃ devadevaṃ jananaṃ janānāṃ sarvveṣu lokeṣu pratiṣṭhitañca. varaṃ varāṇāṃ varadaṃ maheśvaraṃ brahmāṇamādiṃ prayato namasye .. 41.73 .. ### [2.41.76](https://indike.org/pramana/in.purana.vayu.2.41.76) iti śrīmahāpurāṇe vāyuprokte sṛṣṭivarṇanaṃ nāma ekacatvāriṃśo'dhyāyaḥ .. 41 .. \* ## Linked texts (1) - [Brahmāṇḍapurāṇa](https://indike.org/pramana/in.purana.brahmanda.3.4.1) — Vyāsa, Sanskrit --- Source: [https://indike.org/pramana/in.purana.vayu.2.41](https://indike.org/pramana/in.purana.vayu.2.41) · Pramāṇa