[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.43 # Vayupurana 2.43: adhyāyaḥ 43 Vāyupurāṇa 2.43 - **Language:** Sanskrit ### adhyāyaḥ 43 ### [2.43.1](https://indike.org/pramana/in.purana.vayu.2.43.1) ..vāyuruvāca.. ### [2.43.2](https://indike.org/pramana/in.purana.vayu.2.43.2) ata ūrddhvaṃ pravakṣyāmi gayāmāhātmyamuttamam. yacchrutvā sarvvapāpebhyo mucyate nātrasaṃśayaḥ .. 43.1 .. ### [2.43.3](https://indike.org/pramana/in.purana.vayu.2.43.3) ..sūta uvāca.. ### [2.43.4](https://indike.org/pramana/in.purana.vayu.2.43.4) sanakādyairmmahābhāgairdevarṣiḥ sa ca nāradaḥ. sanatkumāraṃ papraccha praṇamya vidhipūrvvakam .. 43.2 .. ### [2.43.5](https://indike.org/pramana/in.purana.vayu.2.43.5) nārada uvāca.. ### [2.43.6](https://indike.org/pramana/in.purana.vayu.2.43.6) sanatkumāra me brūhi tīrthaṃ tīrthottamottamam. tārakaṃ sarvabhūtānāṃ paṭhatāṃ śrṛṇvatāṃ tathā .. 43.3 .. ### [2.43.7](https://indike.org/pramana/in.purana.vayu.2.43.7) sanatkumāra uvāca.. ### [2.43.8](https://indike.org/pramana/in.purana.vayu.2.43.8) vakṣye tīrthavaraṃ puṇyaṃ śrāddhādau sarvatārakam. gayātīrthaṃ sarvadeśe tīrthebhyo'pyadhikaṃ śrṛṇu .. 43.4 .. ### [2.43.9](https://indike.org/pramana/in.purana.vayu.2.43.9) gayāsurastapastepe brahmaṇā kratave'rthitaḥ. prāptasya tasya śirasi śilāṃ dharmo hyadhārayat .. 43.5 .. ### [2.43.10](https://indike.org/pramana/in.purana.vayu.2.43.10) tatra brahmā'karodyāgaṃ sthitaścāpi gadādharaḥ. phalgutīrthādirūpeṇa niścalārthamaharniśam. gayāsurasya viprendrabrahmādyairdaivataiḥ saha .. 43.6 .. ### [2.43.11](https://indike.org/pramana/in.purana.vayu.2.43.11) kṛtayajño dadau brahmā brāhmaṇebhyo gṛhādikam. svetakalpe tu vārāhe gayāyāgamakārayat .. 43.7 .. ### [2.43.12](https://indike.org/pramana/in.purana.vayu.2.43.12) gayānāmnā gayā khyātā kṣetraṃ brahnamabhikāṃkṣitam. kāṃkṣanti pitaraḥ putrānnarakādbhayabhīravaḥ .. 43.8 .. ### [2.43.13](https://indike.org/pramana/in.purana.vayu.2.43.13) gayāṃ yāsyati yaḥ putraḥ sa nastrātā bhaviṣyati. gayāprāptaṃ sutaṃ dṛṣṭvā pitṝṇāmutsavo bhavet. padbhyāmapi jalaṃ spṛṣṭvā so'smabhyaṃ kiṃ na dāsyati .. 43.9 .. ### [2.43.14](https://indike.org/pramana/in.purana.vayu.2.43.14) gayāṃ gatvānnadātā yaḥ pitarastena putriṇaḥ . pakṣatrayanivāsī ca punātyāsaptamaṃ kulam. no cetpañcadaśāhaṃ vā saptarātriṃ trirātrikam .. 43.10 .. ### [2.43.15](https://indike.org/pramana/in.purana.vayu.2.43.15) mahākalpakṛtaṃ pāpaṃ gayāṃ prāpya vinaśyati. piṇḍaṃ dadyācca pitrāderātmano'pi tilairvinā .. 43.11 .. ### [2.43.16](https://indike.org/pramana/in.purana.vayu.2.43.16) brahmahatyā surāpānaṃ steyaṃ gurvvaṅganāgamaḥ. pāpaṃtatsaṅgajaṃ sarvvaṃ gayāśrāddhādvinaśyati .. 43.12 .. ### [2.43.17](https://indike.org/pramana/in.purana.vayu.2.43.17) ātmajo'pyanyajo vāpi gayābhūmau yadā tadā. yannāmnā pātayetpiṇḍaṃ taṃ nayedbrahma śāśvatam .. 43.13 .. ### [2.43.18](https://indike.org/pramana/in.purana.vayu.2.43.18) brahmajñānaṃ gayāśrāddhaṃ gogṛhe maraṇaṃ tathā. vāsaḥ puṃsāṃ kurukṣetre muktireṣā caturvvidhā .. 43.14 .. ### [2.43.19](https://indike.org/pramana/in.purana.vayu.2.43.19) brahmajñānena kiṃ kāryyaṃ gogṛhe maraṇena kim. vāsena kiṃ kurukṣetre yadi putro gayāṃ vrajet .. 43.15 .. ### [2.43.20](https://indike.org/pramana/in.purana.vayu.2.43.20) gayāyāṃ sarvvakāleṣu piṇḍaṃ dadyādvicakṣaṇaḥ. adhimāse janmadine cāste'pi guruśukrayoḥ .. 43.16 .. ### [2.43.21](https://indike.org/pramana/in.purana.vayu.2.43.21) na tyaktavyaṃ gayāśrāddhaṃ siṃhasthe'pi bṛhaspatau. tathā daivapramādena prahateṣu vraṇeṣu ca. punaḥ karmmādhikārī ca śrāddhakṛdbrahmalokabhāk .. 43.17 .. ### [2.43.22](https://indike.org/pramana/in.purana.vayu.2.43.22) sakṛdgayābhigamanaṃ sakṛtpiṇḍasya pātanam. durlabhaṃ kiṃ punarnnityamasminneva vyavasthitiḥ .. 43.18 .. ### [2.43.23](https://indike.org/pramana/in.purana.vayu.2.43.23) pramādānmriyate kṣetre brahmādermuktidāyake. brahmajñānādyathā muktirlabhyate nātra saṃśayaḥ .. 43.19 .. ### [2.43.24](https://indike.org/pramana/in.purana.vayu.2.43.24) kīṭakādimṛtānāñca pitṝṇāṃ tāraṇāya ca. tasmātsarvvaprayatnena karttavyaṃ suvicakṣaṇaiḥ .. 43.20 .. ### [2.43.25](https://indike.org/pramana/in.purana.vayu.2.43.25) brahmaprakalpitānviprānhavyakavyādinā'rccayet. taistuṣṭaistoṣitāḥ sarvvāḥ pitṛbhiḥ saha devatāḥ .. 43.21 .. ### [2.43.26](https://indike.org/pramana/in.purana.vayu.2.43.26) muṇḍanaṃ copavāsaśca sarvvatīrtheṣvayaṃ vidhiḥ. varjayitvā kurukṣetraṃ viśālāṃ virajāṃ gayām .. 43.22 .. ### [2.43.27](https://indike.org/pramana/in.purana.vayu.2.43.27) daṇḍaṃpradarśayedbhikṣurgayāṃ gatvā na piṇḍadaḥ. daṇḍaṃ nyastā viṣṇupade pitṛbhiḥ saha mucyate .. 43.23 .. ### [2.43.28](https://indike.org/pramana/in.purana.vayu.2.43.28) na daṇḍī kilbiṣaṃ dhatte puṇyaṃ vā paramārthataḥ. ataḥ sarvvāṃ kriyāṃ tyaktvā viṣṇuṃ dhyāyati bhāvukaḥ .. 43.24 .. ### [2.43.29](https://indike.org/pramana/in.purana.vayu.2.43.29) saṃnyasetsarvvakarmmāṇi vedamekaṃ na saṃnyaset. muṇḍaṃ kuryyācca pūrvve'sminpaścime dakṣiṇottare .. 43.25 .. ### [2.43.30](https://indike.org/pramana/in.purana.vayu.2.43.30) sārddhaṃ krośadvayaṃ mānaṃ gayeti brahmaṇeritam. pañcakrośaṃ gayākṣetraṃ krośamekaṃ gayāśiraḥ .. 43.26 .. ### [2.43.31](https://indike.org/pramana/in.purana.vayu.2.43.31) tanmadhye sarvvatīrthāni trailokye yāni santi vai. śrāddhakṛdyo gayākṣetre pitṝṇāmanṛṇo hi saḥ .. 43.27 .. ### [2.43.32](https://indike.org/pramana/in.purana.vayu.2.43.32) śirasi śrāddhakṛdyastu kulānāṃ śatamuddharet. gṛhāccalitamātreṇa gayāyāṃ gamanaṃ prati. svargā rohaṇasopānaṃ pitṝṇāñca pade pade .. 43.28 .. ### [2.43.33](https://indike.org/pramana/in.purana.vayu.2.43.33) pade pade'śvamedhasya yatphalaṃ gacchato gayām. tatphalañca bhavennūnaṃ samagraṃ nātra saṃśayaḥ .. 43.29 .. ### [2.43.34](https://indike.org/pramana/in.purana.vayu.2.43.34) pāyasenāpi caruṇā saktunā piṣṭakena vā. taṇḍulaiḥ phalamūlādyairgayāyāṃ piṇḍapātanam .. 43.30 .. ### [2.43.35](https://indike.org/pramana/in.purana.vayu.2.43.35) tilakalkena khaṇḍena guḍena saghṛtena vā. kevalenaiva dadhnā vā ūrjena madhunā'tha vā .. 43.31 .. ### [2.43.36](https://indike.org/pramana/in.purana.vayu.2.43.36) piṇyākaṃ saghṛtaṃ khaṇḍaṃ pitṛbhyo'kṣayamityuta. ijyate vārttavaṃ bhojyaṃ haviṣyānnaṃ munīritam .. 43.32 .. ### [2.43.37](https://indike.org/pramana/in.purana.vayu.2.43.37) ekataḥ sarvvavastūni rasavanti madhūni hi. smṛtvā gadādharāṅaghryabjaṃ phalgutīrthāmbu caikataḥ .. 43.33 .. ### [2.43.38](https://indike.org/pramana/in.purana.vayu.2.43.38) piṇḍāsanaṃ piṇḍadānaṃ punaḥ pratyavanejanam. dakṣiṇā cānna saṅkalpastīrthaśrāddheṣvayaṃ vidhiḥ .. 43.34 .. ### [2.43.39](https://indike.org/pramana/in.purana.vayu.2.43.39) nāvāhanaṃ na digbandho na doṣo dṛṣṭisambhavaḥ. sakāruṇyena karttavyaṃ tīrthaśrāddhaṃ vicakṣaṇaiḥ .. 43.35 .. ### [2.43.40](https://indike.org/pramana/in.purana.vayu.2.43.40) anyatrāvāhitāḥ kāle pitaro yāntyamuṃ prati. tīrthe sadā vasantyete tasmādāvāhanaṃ na hi .. 43.36 .. ### [2.43.41](https://indike.org/pramana/in.purana.vayu.2.43.41) tīrthaśrāddhaṃ prayacchadbhiḥ puruṣaiḥ phalakāṅkṣibhiḥ. kāmaṃ krodhaṃ tathā lobhaṃ tyaktvā kāryyā kriyā'niśam .. 43.37 .. ### [2.43.42](https://indike.org/pramana/in.purana.vayu.2.43.42) brahmacāryyakabhojī ca bhūśāyī satyavākchuciḥ. sarvvabhūtahite raktaḥ sa tīrthaphalamaśnute .. 43.38 .. ### [2.43.43](https://indike.org/pramana/in.purana.vayu.2.43.43) tīrthānyanusarandhīraḥ pāṣaṇḍaṃ pūrvvatastyajet. pāṣaṇḍhaḥ sa ca vijñeyo yo bhavetkāmakārataḥ .. 43.39 .. ### [2.43.44](https://indike.org/pramana/in.purana.vayu.2.43.44) tīrtheṣu ye narā dhīrāḥ karmma kurvvanti tadghatāḥ. yathā brahmavido vedyaṃ vastu cānanyacetasaḥ. praviśanti pareśākhyaṃ brahma brahmaparāyaṇāḥ .. 43.40 .. ### [2.43.45](https://indike.org/pramana/in.purana.vayu.2.43.45) yāste vaitaraṇī nāma nadī trailokyaviśrutā. sā'vatīrṇā gayākṣetre pitṝṇāṃ tāraṇāya vai. snāto godo vaitaraṇyāṃ triḥsaptakulamuddharet .. 43.41 .. ### [2.43.46](https://indike.org/pramana/in.purana.vayu.2.43.46) tathā'kṣayavaṭaṃ gatvā viprānsantoṣayiṣyati. brahmaprakalpitānviprānhavyakavyādinā'rccayet. taistuṣṭaistoṣitāḥ sarvvāḥ pitṛbhiḥ saha devatāḥ .. 43.42 .. ### [2.43.47](https://indike.org/pramana/in.purana.vayu.2.43.47) gayāyāṃ na hi tatsthānaṃ yatra tīrthaṃ na vidyate. sānnidhyaṃ sarvvatīrthānāṃ gayātīrthaṃ tato varam .. 43.43 .. ### [2.43.48](https://indike.org/pramana/in.purana.vayu.2.43.48) mīne meṣe sthite sūryye kanyāyāṃ kārmuke ghaṭe. durllabhaṃ triṣu lokeṣu gayāyāṃ piṇḍapātanam .. 43.44 .. ### [2.43.49](https://indike.org/pramana/in.purana.vayu.2.43.49) makare varttamāne ca grahaṇe candrasūryyayoḥ . durllabhaṃ triṣu lokeṣu gayāśrāddhaṃ sudurllabham .. 43.45 .. ### [2.43.50](https://indike.org/pramana/in.purana.vayu.2.43.50) gayāyāṃ piṇḍadānena yatphalaṃ labhate naraḥ. na tacchakyaṃ mayā vaktuṃ kalpakoṭiśatairapi .. 43.46 .. ### [2.43.51](https://indike.org/pramana/in.purana.vayu.2.43.51) iti śrīmahāpurāṇe vāyuprokte gayāmāhātmyaṃ nāma tricatvāriṃśo'dyāyaḥ .. 43 ..\* ## Linked texts (6) - [Skandamahāpurāṇa (vulgate)](https://indike.org/pramana/in.purana.skanda*vulgate.16.336.19) — Sanskrit - [Garuḍapurāṇa](https://indike.org/pramana/in.purana.garuda.1.82.15) — Vyāsa, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.115.5) — Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p413) — Amṛtanātha Jhā Śarman 1800, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.72.1.7) — Kamalākarabhaṭṭa 1612, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.3.p16) — Divākarabhaṭṭa 1655, Sanskrit --- Source: [https://indike.org/pramana/in.purana.vayu.2.43](https://indike.org/pramana/in.purana.vayu.2.43) · Pramāṇa