[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.45 # Vayupurana 2.45: adhyāyaḥ 45 Vāyupurāṇa 2.45 - **Language:** Sanskrit ### adhyāyaḥ 45 ### [2.45.1](https://indike.org/pramana/in.purana.vayu.2.45.1) ..nārada uvāca.. ### [2.45.2](https://indike.org/pramana/in.purana.vayu.2.45.2) kathaṃ śilā samutpannā yayākrānto gayāsuraḥ . kiṃ rūpaṃ kiṃ ca māhātmyaṃ tasyāḥ kiṃ vada nāma ca .. 45.1 .. ### [2.45.3](https://indike.org/pramana/in.purana.vayu.2.45.3) ..sanatkumāra uvāca.. ### [2.45.4](https://indike.org/pramana/in.purana.vayu.2.45.4) āsīddharmmo mahātejāḥ sarvvavijñānapāragaḥ. viśvarupā ca tatpatnī bharttṛvrataparāyaṇā .. 45.2 .. ### [2.45.5](https://indike.org/pramana/in.purana.vayu.2.45.5) tasyāṃ dharmmavratāyāstu kanyā dharmmavratā satī. sarvva lakṣaṇasampannā lakṣmīriva guṇādhikā .. 45.3 .. ### [2.45.6](https://indike.org/pramana/in.purana.vayu.2.45.6) tasyāṃ ye tu guṇā hyāsaṃste tiṣṭhanti jagatrtraye. dharmmo dharmmavratāyāstu triṣu lokeṣu mārgayan .. 45.4 .. ### [2.45.7](https://indike.org/pramana/in.purana.vayu.2.45.7) nānu rūpaṃ varaṃ lebhe dharmmo'tha varasiddhaye. tapaḥ kuru varārthaṃ tvaṃ tathetyuktvā vanaṃ yayau .. 45.5 .. ### [2.45.8](https://indike.org/pramana/in.purana.vayu.2.45.8) kanyā sā ca tapastepe sarvveṣāṃ duṣkarañca yat. vāyubhakṣā śvetakalpe yugānāmayutaṃ purā .. 45.6 .. ### [2.45.9](https://indike.org/pramana/in.purana.vayu.2.45.9) brahmaṇo mānasaḥ putro marīcirnāma viśrutaḥ . paryyaṭanpṛthivīṃ sarvvāṃ kanyāratnaṃ dadarśa saḥ .. 45.7 .. ### [2.45.10](https://indike.org/pramana/in.purana.vayu.2.45.10) rūpayauvanasampannāṃ parame tapasi sthitām. papracchātha marīcistāṃ kā tvaṃ kasyāpi tadvada .. 45.8 .. ### [2.45.11](https://indike.org/pramana/in.purana.vayu.2.45.11) rūpeṇānena māṃ bhīru vimohayasi suvrate . brahmātmajo'haṃ vikhyāto marīcirvvedapāragaḥ .. 45.9 .. ### [2.45.12](https://indike.org/pramana/in.purana.vayu.2.45.12) marīcervvacanaṃ śrutvā kanyā provāca taṃ munim. ahaṃ dharmmavratā nāma dharmmaputrī tapo'nvitā .. 45.10 .. ### [2.45.13](https://indike.org/pramana/in.purana.vayu.2.45.13) pativratārthaṃ viprendra carāmi paramaṃ tapaḥ. dharmmavratāṃ marīcistāmuvāca prītipūrvvkam .. 45.11 .. ### [2.45.14](https://indike.org/pramana/in.purana.vayu.2.45.14) pativratā darśanānme bhaviṣyasi śubhavrate. pativratecchayā pṛthvīṃ vicarāmi hyaharniśam .. 45.12 .. ### [2.45.15](https://indike.org/pramana/in.purana.vayu.2.45.15) tvañcetpativratā jātā bhaje tvāṃ bhaja māṃ varam. loke na tvādṛśī kanyā mama tulyo na te varaḥ .. 45.13 .. ### [2.45.16](https://indike.org/pramana/in.purana.vayu.2.45.16) dharmmavrate dharmmapatnī tasmāttvaṃ bhava me'dhunā. dharmmavratā muniṃ prāha dharmmaṃ yācaya suvrata .. 45.14 .. ### [2.45.17](https://indike.org/pramana/in.purana.vayu.2.45.17) tacchrutvā dharmmamagamanmuniṃ dharmo dadarśa ha. tejaḥpuñjaṃ varaṃ natvā āsanārghyādinārccayat .. 45.15 .. ### [2.45.18](https://indike.org/pramana/in.purana.vayu.2.45.18) kimartamāgataḥ pṛṣṭo marīcirdharmmamabravīt. kanyārthaṃ bhramatā pṛthvī dṛṣṭā te kanyakā varā . mahyaṃ kanyāñca tāṃ dehi śreyastava bhaviṣyati .. 45.16 .. ### [2.45.19](https://indike.org/pramana/in.purana.vayu.2.45.19) arghyādinā samabhyarcya dharmmaṃ proce tatheti tam. dharmmavratāṃ samānīya dattavāṃstāṃ marīcaye .. 45.17 .. ### [2.45.20](https://indike.org/pramana/in.purana.vayu.2.45.20) varaṃ ca dattavāṃstasmai tadvākyaṃ yattathā kṛtam. agnihotreṇa sahitāṃ svāśramaṃ tāṃ dvijo'nayat .. 45.18 .. ### [2.45.21](https://indike.org/pramana/in.purana.vayu.2.45.21) reme munistayā sārddhaṃ yathā viṣṇuḥ śriyā saha. pārvvatyā ca yathā śambhuḥ sarasvatyā yathā hyajaḥ .. 45.19 .. ### [2.45.22](https://indike.org/pramana/in.purana.vayu.2.45.22) jajñe putraśataṃ tasyāṃ marīcerviṣṇunopamam. marīciḥ phalapuṣpārthaṃ vanaṃ gatvā samāgataḥ .. 45.20 .. ### [2.45.23](https://indike.org/pramana/in.purana.vayu.2.45.23) śrāntaḥ kadācittāṃ patnīmuvāceti pativratām. bhuktvā tu śayanasthasya pādasaṃvāhanaṃ kuru .. 45.21 .. ### [2.45.24](https://indike.org/pramana/in.purana.vayu.2.45.24) dharmmavratā tathetyuktvā śayanasthasya sā muneḥ. pādasaṃvāhanaṃ cakre ghṛte nābhyajya tatparā .. 45.22 .. ### [2.45.25](https://indike.org/pramana/in.purana.vayu.2.45.25) nidrāyamāṇe'tha munau brahmā taṃ deśamāgataḥ. ityeṣa dṛṣṭvā brahmāṇaṃ manasārccayituṃ prabhum .. 45.23 .. ### [2.45.26](https://indike.org/pramana/in.purana.vayu.2.45.26) pādasaṃvāhanaṃ kuryyāṃ kiṃ pūjyo'yaṃ jagadguruḥ. ityākulā samuttasthau matvā sā taṃ gurorgurum .. 45.24 .. ### [2.45.27](https://indike.org/pramana/in.purana.vayu.2.45.27) arghyapādyādikaṃ dattvā brahmāṇaṃ samapūjayat. satkṛtāyāntu śayyāyāṃ viśrāmamakarodajaḥ .. 45.25 .. ### [2.45.28](https://indike.org/pramana/in.purana.vayu.2.45.28) etasminnantare bharttā samuttasthau ca talpataḥ. dharmmavratāmapaśyansa vipraḥ kruddhaḥ śaśāpa tām .. 45.26 .. ### [2.45.29](https://indike.org/pramana/in.purana.vayu.2.45.29) pādasaṃvāhanaṃ tyaktvāyasmādājñāṃ vihāya me . gatānyatra tataḥ pāpācchāpadagdhā śilā bhava .. 45.27 .. ### [2.45.30](https://indike.org/pramana/in.purana.vayu.2.45.30) bhartrā dharmmavratā śaptā marīciṃ prāha sā ruṣā. śayāne tvayi saṃprāpte brahmā tvajjanako guruḥ .. 45.28 .. ### [2.45.31](https://indike.org/pramana/in.purana.vayu.2.45.31) tvayotthāya hi karttavyaṃ svaguroḥ pūjanaṃ sadā. mayā tu dharmmacāriṇyā tava kāryye kṛte mune .. 45.29 .. ### [2.45.32](https://indike.org/pramana/in.purana.vayu.2.45.32) adoṣāhaṃ yataḥ śaptā tasmācchāpaṃ dadāmi te. tvañca śāpaṃ mahādevādbharttaḥ prāpsyasyasaṃśayam .. 45.30 .. ### [2.45.33](https://indike.org/pramana/in.purana.vayu.2.45.33) vyākulaṃ taṃ patiṃ dṛṣṭvā vyākulāgātprajāpatim. natvā śayānaṃ brahmāṇamagniṃ prajvālya cendhanaiḥ .. 45.31 .. ### [2.45.34](https://indike.org/pramana/in.purana.vayu.2.45.34) gārhapatye sthitā cakre tapaḥ paramaduṣkaram. tathā śapto marīciśca tapastepe sudāruṇam .. 45.32 .. ### [2.45.35](https://indike.org/pramana/in.purana.vayu.2.45.35) pativratāyāstapasā marīcestapasā yathā. indrādayaśca santaptā gatāste śaraṇaṃ harim .. 45.33 .. ### [2.45.36](https://indike.org/pramana/in.purana.vayu.2.45.36) ūcuḥ kṣīrāmbūdau suptaṃ santaptāstapasā hare. pativratāyāśca munestrailokyaṃ rakṣa keśava .. 45.34 .. ### [2.45.37](https://indike.org/pramana/in.purana.vayu.2.45.37) indrādīnāṃ vacaḥ śrutvā viṣṇurdharmmavratāṃ yayau. etasminneva kāle tu prabuddho bhagavānajaḥ. ūcurdharmmarvatāṃ devā agnisthāṃ tāṃ sakeśavāḥ .. 45.35 .. ### [2.45.38](https://indike.org/pramana/in.purana.vayu.2.45.38) agnimadhye tapaḥ karttuṃ kasya śaktiḥ pativrate. tvayā kṛtaṃ tatparamaṃ sarvvalokabhayaṅkaram .. 45.36 .. ### [2.45.39](https://indike.org/pramana/in.purana.vayu.2.45.39) varaṃ varaya dharmmajñe asmatto yadabhīpsitam. viṣṇvādīnāṃ vacaḥ śrutvā devāndharmmavratābravīt .. 45.37 bhartṛśāpamaśaktāhaṃ nivarttayitumojasā. datto marīcinā śāpo mahyaṃ sa hyapagacchatu .. 45.38 .. ### [2.45.40](https://indike.org/pramana/in.purana.vayu.2.45.40) dharmmavratāvacaḥ śrutvā procuretāṃ surāḥ punaḥ . dharmmavrate dharmmaputri śāpo'yaṃ paramarṣiṇā .. 45.39 .. ### [2.45.41](https://indike.org/pramana/in.purana.vayu.2.45.41) dattaste na nirākarttuṃ śakyo devadvijātibhiḥ. tasmādanyaṃ varaṃ brūhi yato dharmmasya saṃsthitiḥ .. 45.40 .. ### [2.45.42](https://indike.org/pramana/in.purana.vayu.2.45.42) bhavedvai triṣu lokeṣu vedoktasya śubhavrate. devānāṃ vacanaṃ śrutvā devāndharmmavratābravīt .. 45.41 .. ### [2.45.43](https://indike.org/pramana/in.purana.vayu.2.45.43) bharttuḥ śāpānmocayituṃ na śaktāśca yadāmarāḥ. mahyaṃ varaṃ prayacchadhvamevaṃvidhamanuttamam .. 45.42 .. ### [2.45.44](https://indike.org/pramana/in.purana.vayu.2.45.44) śilāhaṃ hi bhaviṣyāmi brahmāṇḍe pāvanī śubhā. nadīnadasarastīrthadevādibhyo'tipāvanī .. 45.43 .. ### [2.45.45](https://indike.org/pramana/in.purana.vayu.2.45.45) ṛṣyādibhyo munubhyaśca mukhyadevebhya eva ca. trailokye yāni liṅgāni vyaktāvyaktātmakānyapi. tāni tiṣṭhantu maddehe tīrtharūpeṇa sarvvadā .. 45.44 .. ### [2.45.46](https://indike.org/pramana/in.purana.vayu.2.45.46) tīrthānyapi ca sarvvāṇi nakṣatrapramukhāstathā. tiṣṭhantu devāḥ sakalā devyaśca munayastathā .. 45.45 .. ### [2.45.47](https://indike.org/pramana/in.purana.vayu.2.45.47) brahmā viṣṇuśca rudraśca lakṣayitvā padaṃ mayi. pañcāgnayaḥ kumārādyā bahurupeṇa saṃsthitāḥ .. 45.46 .. ### [2.45.48](https://indike.org/pramana/in.purana.vayu.2.45.48) mūrttāmūrttasvarūpeṇa padarūpeṇa devatāḥ. śilāyāṃ krośamātreṇa mūrttirūpāḥ sthitā bhuvi .. 45.47 .. ### [2.45.49](https://indike.org/pramana/in.purana.vayu.2.45.49) tāṃ dṛṣṭvā sarvvalokaśca mahāpātakanāśinīm. pūto dharmmādhikārī ca śrāddhakṛdbrahmalokabhāk .. 45.48 .. ### [2.45.50](https://indike.org/pramana/in.purana.vayu.2.45.50) śilāsthiteṣu tīrthaṣu snātvā kṛtvātha tarpaṇam. śrāddhaṃ sapiṇḍakaṃ yeṣāṃ brahmalokaṃ prayāntu te .. 45.49 .. ### [2.45.51](https://indike.org/pramana/in.purana.vayu.2.45.51) gadādharo dṛśyatīrthaṃ sarvvatīrthottamottamam. sthāsyanti ca mariṣyanti yāntu brahmapurīṃ narāḥ. vārāṇasī prayāgaśca puruṣottamasaṃjñakam .. 45.50 .. ### [2.45.52](https://indike.org/pramana/in.purana.vayu.2.45.52) gaṅgāsāgarasaṃjñañca nityaṃ tiṣṭhatu phalguni. gadādharādhiṣṭhitaṃ tatsarvvatīrthottamottamam. muktirbhavet pitṝṇāṃ ca mṛtānāṃ śrāddhataḥ sadā .. 45.51 .. ### [2.45.53](https://indike.org/pramana/in.purana.vayu.2.45.53) jarāyujāṇḍajā vāpi svedajā vāpi codbhidaḥ. tyaktvā dehaṃ śilāyānte yāntu viṣṇusvarūpatām .. 45.52 .. ### [2.45.54](https://indike.org/pramana/in.purana.vayu.2.45.54) yathārccite harau sarvve yajñāḥ pūrṇā bhavanti hi. tathā śrāddhaṃ tarpaṇañca snānaṃ cākṣayamastviha .. 45.53 .. ### [2.45.55](https://indike.org/pramana/in.purana.vayu.2.45.55) mama dehe sureśānāṃ ye japanti śrutādikam. acireṇāpi te siddhāḥ siddhibhājo bhavantu vai .. 45.54 .. ### [2.45.56](https://indike.org/pramana/in.purana.vayu.2.45.56) pitṝṇāṃ kulasāhasramātmanā sahitaṃ naraḥ. śrāddhādinā samuddhṛtya viṣṇulokaṃ nayed‌dhruvam .. 45.55 .. ### [2.45.57](https://indike.org/pramana/in.purana.vayu.2.45.57) yāvatyo hi saricchreṣṭhā gaṅgādyāśca hradāḥ śubhāḥ. samudrādyāḥ saromukhyā mānasādyāḥ sureśvarāḥ. nṛṇāṃ śrāddhaṃ vidadhato muktaye nivasantu me .. 45.56 .. ### [2.45.58](https://indike.org/pramana/in.purana.vayu.2.45.58) śarīreṇa samāyāntu kvacinno yāntu devatāḥ. eko viṣṇustridhāmūrttiryāvatsaṅkīrtyate budhaiḥ .. 45.57 .. ### [2.45.59](https://indike.org/pramana/in.purana.vayu.2.45.59) tāvacchilāyāṃ sarvvāṇi tīrthāni saha daivataiḥ. sadā tiṣṭhantu munayo gandharvvāṇāṃ gaṇāśca ye .. 45.58 .. ### [2.45.60](https://indike.org/pramana/in.purana.vayu.2.45.60) sarvvadevasvarūpā ca nāmeyaṃ devarūpiṇī. yāvattiṣṭhati brahmāṇḍaṃ tāvattiṣṭhatu vai śilā. mama dehe'śmarūpe ca ye japanti tapanti ca .. 45.59 .. ### [2.45.61](https://indike.org/pramana/in.purana.vayu.2.45.61) juhotyagnau ca teṣāṃ vai tadakṣayyopatiṣṭhatām . akṣayantu bhavecchrāddhaṃ japahomatapāṃsi ca. śilāparvvatarūpeṇa mayi tiṣṭhatu sarvvadā .. 45.60 .. ### [2.45.62](https://indike.org/pramana/in.purana.vayu.2.45.62) pativratāvacaḥ śrutvā devāḥ procuḥ pativratām. tvayā yatprārthitaṃ sarvvaṃ tadbhaviṣyatyasaṃśayam .. 45.61 .. ### [2.45.63](https://indike.org/pramana/in.purana.vayu.2.45.63) gayāsurasya śirasi bhaviṣyasi yadā sthirā. tadā pādādirūpeṇa sthāsyāmastvayi susthirāḥ. varaṃ śilāyai dattvaivaṃ tatraivāntarddadhuḥ surāḥ .. 45.62 .. ### [2.45.64](https://indike.org/pramana/in.purana.vayu.2.45.64) iti śrīmahāpurāṇe vāyuprokte gayāmāhātmyaṃ nāma pañcacatvāriṃśo'dhyāyaḥ .. 45 .. \* ## Linked texts (1) - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.14.p1.4) — Nārāyaṇa (Mahiṣamaṅgalam) 1513, Sanskrit --- Source: [https://indike.org/pramana/in.purana.vayu.2.45](https://indike.org/pramana/in.purana.vayu.2.45) · Pramāṇa