[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.47 # Vayupurana 2.47: adhyāyaḥ 47 Vāyupurāṇa 2.47 - **Language:** Sanskrit ### adhyāyaḥ 47 ### [2.47.1](https://indike.org/pramana/in.purana.vayu.2.47.1) ..nārada uvāca.. ### [2.47.2](https://indike.org/pramana/in.purana.vayu.2.47.2) kathaṃ vyaktasvarūpeṇa sthitaścādigadādharaḥ. kathaṃ vyaktasvarūpeṇa vyaktāvyaktātmanā sthitaḥ .. 47.1 .. ### [2.47.3](https://indike.org/pramana/in.purana.vayu.2.47.3) kathaṃ gadā samutpannā yathā hyādigadādharaḥ. gadālolaṃ kathaṃ cāsīt sarvvapāpakṣayaṅkaram .. 47.2 .. ### [2.47.4](https://indike.org/pramana/in.purana.vayu.2.47.4) sanatkumāra uvāca.. ### [2.47.5](https://indike.org/pramana/in.purana.vayu.2.47.5) gado nāmāsuro hyāsīdvajrādvajrataro dṛḍhaḥ. tapasā dāruṇenāsau brahmalabdhavaraḥ purā. prārthito brahmaṇe prādātsvaśarīrāsthi dustyajam .. 47.3 .. ### [2.47.6](https://indike.org/pramana/in.purana.vayu.2.47.6) brahmokto viśvakarmmāpi gadāṃ cakre'dbhutāṃ tadā. tadasthi vajraniṣpeṣaiḥ kundaiḥ svarge hyadhārayat .. 47.4 .. ### [2.47.7](https://indike.org/pramana/in.purana.vayu.2.47.7) atha kālena mahatā manau svāyambhuve kvacita. hetī rakṣo brahmaputraḥ tapastepe sudāruṇam .. 47.5 .. ### [2.47.8](https://indike.org/pramana/in.purana.vayu.2.47.8) divyavarṣasahasrāṇāṃ śataṃ vāyumabhakṣayat. unmukhaścorddhvabāhuśca pādāṅguṣṭhabhareṇa ha .. 47.6 .. ### [2.47.9](https://indike.org/pramana/in.purana.vayu.2.47.9) ekenātiṣṭhadavyagraḥ śīrṇaparṇānilāśanaḥ. brahmādīṃstapasā tuṣṭānvaraṃ vavre varapradān .. 47.7 .. ### [2.47.10](https://indike.org/pramana/in.purana.vayu.2.47.10) devairdaityaiśca śastrairvividhairmanujādibhiḥ. kṛṣṇeśānādicakrādyairavadhyaḥ syāṃ mahābalaḥ .. 47.8 .. ### [2.47.11](https://indike.org/pramana/in.purana.vayu.2.47.11) tathetyuktvāntarhitāste hetirdevānathājayat. indratvamakaroddhetirbhītā brahmaharādayaḥ .. 47.9 .. ### [2.47.12](https://indike.org/pramana/in.purana.vayu.2.47.12) hariṃ te śaraṇaṃ jagmurūcurhetiṃ jahīti tān . ūce hariravadhyo'yaṃ hetirdevāsuraiḥ surāḥ .. 47.10 .. ### [2.47.13](https://indike.org/pramana/in.purana.vayu.2.47.13) mahāstraṃ me prayacchadhvaṃ hetiṃ hanmi hi yena tam. ityuktāste tato devā gadāṃ tāṃ haraye daduḥ .. 47.11 .. ### [2.47.14](https://indike.org/pramana/in.purana.vayu.2.47.14) dadhāra tāṃ gadāmādau devairukto gadādharaḥ . gadayā hetimāhatya devaiḥ sa tridivaṃ yayau .. 47.12 .. ### [2.47.15](https://indike.org/pramana/in.purana.vayu.2.47.15) gadāmādāvavaṣṭabhya gayāsuraśiraḥśilām. niścalārthaṃ sthito yasmāttasmādādigadādharaḥ .. 47.13 .. ### [2.47.16](https://indike.org/pramana/in.purana.vayu.2.47.16) śilāparvatarūpeṇa vyakta ādigadādharaḥ . śilāsau muṇḍapṛṣṭhādriḥ prabhāso nāmaparvvataḥ .. 47.14 .. ### [2.47.17](https://indike.org/pramana/in.purana.vayu.2.47.17) udyanto gītanādaśca bhasmakūṭo girirmmahān. gṛdhra kūṭaḥ pretakūṭaścādipālo'ravindakaḥ .. 47.15 .. ### [2.47.18](https://indike.org/pramana/in.purana.vayu.2.47.18) pañcalokaḥ saptaloko vaikuṇṭho lohadaṇḍakaḥ . krauñcapādo'kṣayavaṭaḥ phalgutīrthaṃ madhuśravāḥ .. 47.16 .. ### [2.47.19](https://indike.org/pramana/in.purana.vayu.2.47.19) dadhikulyā madhukulyā devikā ca mahānadī. vaitaraṇyādirūpeṇa vyakta ādigadādharaḥ .. 47.17 .. ### [2.47.20](https://indike.org/pramana/in.purana.vayu.2.47.20) viṣṇoḥ padaṃ rudrapadaṃ brahmaṇaḥ padamuttamam. kāśyapasya padaṃ divyaṃ dvau hastau yatra nirgatau .. 47.18 .. ### [2.47.21](https://indike.org/pramana/in.purana.vayu.2.47.21) pañcāgnīnāṃ padānyatra indrāgastyapade pare. raveśca kārttikeyasya krauñcamātaṅgayorapi .. 47.19 .. ### [2.47.22](https://indike.org/pramana/in.purana.vayu.2.47.22) mukhyaliṅgāni sarvvāṇi vyaktāvyaktātmanā sthitaḥ. ādyo gadādharaścaiva vyaktaḥ śrīmān gadādharaḥ .. 47.20 .. ### [2.47.23](https://indike.org/pramana/in.purana.vayu.2.47.23) gāyatrī caiva sāvitrī sandhyā caiva sarasvatī . gayādityaścottarārko dakṣiṇārko'pi naimiṣaḥ .. 47.21 .. ### [2.47.24](https://indike.org/pramana/in.purana.vayu.2.47.24) śvetārko gaṇanāthaśca vasavo'ṣṭau munīśvarāḥ. rudrāścaikādaśaivātha tathā saptarṣayo'pare .. 47.22 .. ### [2.47.25](https://indike.org/pramana/in.purana.vayu.2.47.25) somanāthaśca siddheśaḥ kaparddīśo vināyakaḥ. nārāyaṇo mahālakṣmīrbrahmā śrīpuruṣottamaḥ .. 47.23 .. ### [2.47.26](https://indike.org/pramana/in.purana.vayu.2.47.26) mārkaṇḍeyeśaḥ kauṭīśo hyaṅgireśaḥ pitāmahaḥ. janārdano maṅgalā ca puṇḍarīkākṣa uttamaḥ .. 47.24 .. ### [2.47.27](https://indike.org/pramana/in.purana.vayu.2.47.27) ityādivyaktarūpeṇa sthitaścādigadādharaḥ. hetiryo rākṣasastasminhate viṣṇuḥ puraṃ gataḥ .. 47.25 .. ### [2.47.28](https://indike.org/pramana/in.purana.vayu.2.47.28) brahmaṇā saha rudrādyaiḥ kārite niścale'sure . tuṣṭāvādyagadāpāṇiṃ vedhā harṣeṇa nirvṛtaḥ .. 47.26 .. ### [2.47.29](https://indike.org/pramana/in.purana.vayu.2.47.29) brahmovāca.. ### [2.47.30](https://indike.org/pramana/in.purana.vayu.2.47.30) gadādharaṃ vyapagatakālakalmaṣaṃ gayāgataṃ viditaguṇaṃ guṇātigam. guhāgataṃ girivaragauragehagaṃ gaṇārccitaṃ varadamahaṃ namāmi .. 47.27 .. ### [2.47.31](https://indike.org/pramana/in.purana.vayu.2.47.31) ahaḥśriyaṃ tridaśagaṇādisuśriyaṃ bhavaśriyaṃ ditibhavadāraṇaśriyam. kaliśriyaṃ kalimalamardanaśriyaṃ gadādharaṃ naumi tamāśritaśriyam . 47.28 .. ### [2.47.32](https://indike.org/pramana/in.purana.vayu.2.47.32) dṛḍhādṝḍhaṃ parivṛḍhagāḍhasaṃstutaṃ kāmādbhutaṃ sudṛḍhamarūḍhirūḍhigam. tamāḍhyagaṃ dṛḍhaduritādyaḍhaukitaṃ svaḍhaukṛtaṃ dṛḍhataragotrasūktibham .. 47.29 .. ### [2.47.33](https://indike.org/pramana/in.purana.vayu.2.47.33) videhakaṃ karaṇakalāvivarjitaṃ vijanmakaṃ divakaravedibhūṣitam. gadādharaṃ dhvanimukhavarjitaṃ paraṃ namāmyahaṃ satata manādimīśvaraṃ harim .. 47.30 .. ### [2.47.34](https://indike.org/pramana/in.purana.vayu.2.47.34) mano'tigaṃ matigativarjitaṃ paraṃ sadādvayaṃ stutiśirasi saṃstutaṃ budhaiḥ. cidātmakaṃ kaligatakāraṇātigaṃ gadādharaṃ hṛdayagataṃ namāmi tam .. 47.31 .. ### [2.47.35](https://indike.org/pramana/in.purana.vayu.2.47.35) sanatkumāra uvāca.. ### [2.47.36](https://indike.org/pramana/in.purana.vayu.2.47.36) devaiḥ sārddhaṃ brahmaṇaivaṃ stutaścādigadādharaḥ . ūce varaṃ vṛṇīṣva tvaṃ varaṃ brahmā tamabravīt .. 47.32 .. ### [2.47.37](https://indike.org/pramana/in.purana.vayu.2.47.37) śilāyāṃ devarūpiṇyāṃ na tiṣṭhāmastvayā vinā. sthāsyāmo'tra tvayā sārddhaṃ nityaṃ vyaktādirūpiṇā .. 47.33 .. ### [2.47.38](https://indike.org/pramana/in.purana.vayu.2.47.38) evamastu śriyā sārddhaṃ sthitaścādigadādharaḥ. lokānāṃ rakṣaṇārthāya jagatāṃ muktihetave. suvyaktaḥ puṇḍarīkākṣo janārdana iti śrutaḥ .. 47.34 .. ### [2.47.39](https://indike.org/pramana/in.purana.vayu.2.47.39) vedairagamyā yā mūrttirādibhūtā sanātanī. suvyaktā śvetakalpe sā bhaviṣyati tathā punaḥ. vārāhakalpe hyavyaktā vyaktimapyagamatpurā .. 47.35 .. ### [2.47.40](https://indike.org/pramana/in.purana.vayu.2.47.40) santāraṇāya lokānāṃ devānāṃ rakṣaṇāya ca. gayāśirasi suvyakto bhaviṣyati na saṃśayaḥ .. 47.36 .. ### [2.47.41](https://indike.org/pramana/in.purana.vayu.2.47.41) ye drakṣyanti sadā bhaktyā devamādigadādharam. kuṣṭharogādinirmmuktā yāsyanti harimandiram .. 47.37 .. ### [2.47.42](https://indike.org/pramana/in.purana.vayu.2.47.42) ye drakṣyanti sadā bhaktyā devamādigadādharam. te prāpsyanti dhanaṃ dhānyamāyurārogyameva ca .. 47.38 .. ### [2.47.43](https://indike.org/pramana/in.purana.vayu.2.47.43) kalatraputrapautrādiguṇakīrttisukhāni ca. śraddhayā ye namasyanti rājyaṃ brahmapuraṃ tathā. bhuktvā vrajeyuḥ satataṃ puṇyapuñjaphalaṃ narāḥ .. 47.39 .. ### [2.47.44](https://indike.org/pramana/in.purana.vayu.2.47.44) gandhadānena gandhāḍhyaḥ saubhāgyaṃ puṣpadānataḥ. dhūpadānena rājyāptirdīpāddīptirbhaviṣyati .. 47.40 .. ### [2.47.45](https://indike.org/pramana/in.purana.vayu.2.47.45) dhvajadānātpāpahāniryātrākṛdbrahmalokabhāk. śrāddhapiṇḍaprado yastu viṣṇuṃ neṣyati vai pitṝn .. 47.41 .. ### [2.47.46](https://indike.org/pramana/in.purana.vayu.2.47.46) śraddhayā ye namasyanti satotreṇādigadādharam. stoṣyanti ca samabhyarcya pitṝnneṣyanti mādhavam. śivo'pi parayā prītyā tuṣṭāvādigadādharam .. 47.42 .. ### [2.47.47](https://indike.org/pramana/in.purana.vayu.2.47.47) ..śiva uvāca.. ### [2.47.48](https://indike.org/pramana/in.purana.vayu.2.47.48) avyaktarūpo yo devo muṇḍapṛṣṭhādirūpataḥ . phalgutīrthādirūpeṇa namāmyādigadādharam .. 47.43 .. ### [2.47.49](https://indike.org/pramana/in.purana.vayu.2.47.49) vyaktāvyaktasvarūpeṇa padarūpeṇa saṃsthitaḥ. mukhaliṅgādirūpeṇa namāmyādigadādharam .. 47.44 .. ### [2.47.50](https://indike.org/pramana/in.purana.vayu.2.47.50) avyaktarūpo yo devo janārdanasvarūpataḥ. muṇḍapṛṣṭhe svayaṃ jāto nāmāmyādigadā dharam .. 47.45 .. ### [2.47.51](https://indike.org/pramana/in.purana.vayu.2.47.51) śilāyāṃ devarūpiṇyāṃ sthitaṃ brahmādibhiḥ suraiḥ. pūjitaṃ satkṛtaṃ devaistaṃ namāmi gadādharam .. 47.46 .. ### [2.47.52](https://indike.org/pramana/in.purana.vayu.2.47.52) yaṃ ca dṛṣṭvā tataḥ spṛṣṭvā pūjayitvā praṇamya ca . śrāddhādau brahmalokāptirnamāmyādigadādharam .. 47.47 .. ### [2.47.53](https://indike.org/pramana/in.purana.vayu.2.47.53) mahadādeśca jagato vyaktasyaikaṃ hi kāraṇam. avyaktajñānarūpaṃ taṃ namāmyādigadādharam .. 47.48 .. ### [2.47.54](https://indike.org/pramana/in.purana.vayu.2.47.54) dehendriyamanobuddhiprāṇāhaṅkāravarjitam. jāgratsvapnavinirmuktaṃ namāmyādigadādharam .. 47.49 .. ### [2.47.55](https://indike.org/pramana/in.purana.vayu.2.47.55) nityānityavinirmuktaṃ satyamānandamavyayam. turīyaṃ jyotirātmānaṃ namāmyādigadādharam .. 47.50 .. ### [2.47.56](https://indike.org/pramana/in.purana.vayu.2.47.56) ..sanatkumāra uvāca.. ### [2.47.57](https://indike.org/pramana/in.purana.vayu.2.47.57) evaṃ stuto maheśena prīto hyādigadādharaḥ. sthito devaḥ śilāyāṃ sa brahmādyairdaivataiḥ saha .. 47.51 .. ### [2.47.58](https://indike.org/pramana/in.purana.vayu.2.47.58) saṃsthitaṃ muṇḍapṛṣṭhādrau devamādigadādharam. stuvanti pūjayantīha brahmalokaṃ prayāntu te .. 47.52 .. ### [2.47.59](https://indike.org/pramana/in.purana.vayu.2.47.59) dharmārthī prāpnuyāddharmamarthārthī cārthamāpnuyāt . kāmānavāpnuyātkāmī mokṣārthī mokṣamāpnuyāt .. 47.53 .. ### [2.47.60](https://indike.org/pramana/in.purana.vayu.2.47.60) vandhyā ca labhate putraṃ vedavedāṅgapāragam. rājā vijayamāpnoti śūdraśca sukhamāpnuyāt .. 47.54 .. ### [2.47.61](https://indike.org/pramana/in.purana.vayu.2.47.61) putrārthī labhate putrānabhyarcyādigadādharam. manasā prārthitaṃ sarvaṃ pūjādyaiḥ prāpnuyāddhareḥ .. 47.55 .. ### [2.47.62](https://indike.org/pramana/in.purana.vayu.2.47.62) iti śrīvāyupurāṇe vāyuprokte gayāmāhātmyaṃ nāma saptacatvāriṃśo'dhyāyaḥ .. 47 ..\* --- Source: [https://indike.org/pramana/in.purana.vayu.2.47](https://indike.org/pramana/in.purana.vayu.2.47) · Pramāṇa