[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.48 # Vayupurana 2.48: adhyāyaḥ 48 Vāyupurāṇa 2.48 - **Language:** Sanskrit ### adhyāyaḥ 48 ### [2.48.1](https://indike.org/pramana/in.purana.vayu.2.48.1) ..sanatkumāra uvāca.. ### [2.48.2](https://indike.org/pramana/in.purana.vayu.2.48.2) gayāyātrāṃ pravakṣyāmi śrṛṇu nārada muktidām. niṣkṛtiḥ śrāddhakartṝṇāṃ brahmaṇā gīyate purā .. 48.1 .. ### [2.48.3](https://indike.org/pramana/in.purana.vayu.2.48.3) udyataścedgayāṃ gantuṃ śrāddhaṃ kṛtvā vidhānataḥ. vidhāya kārpaṭīveśaṃ kṛtvā grāmaṃ pradakṣiṇam .. 48.2 .. ### [2.48.4](https://indike.org/pramana/in.purana.vayu.2.48.4) tato grāmāntaraṃ gatvā śrāddhaśeṣasya bhojanam. tataḥ pratidinaṃ gacchetpratigrahavivarjitaḥ .. 48.3 .. ### [2.48.5](https://indike.org/pramana/in.purana.vayu.2.48.5) pratigrahādupāvṛttaḥ santuṣṭo niyataḥ śuciḥ. ahaṅkāravimukto yaḥ sa tīrthaphalamaśnute .. 48.4 .. ### [2.48.6](https://indike.org/pramana/in.purana.vayu.2.48.6) yasya hastau ca pādau ca manaścāpi susaṃyatam. vidyā tapaśca kīrtiśca sa tīrthaphalamaśnute .. 48.5 .. ### [2.48.7](https://indike.org/pramana/in.purana.vayu.2.48.7) tato gayāpraveśe ca pūrvato'sti mahānadī . tatra toyaṃ samutpāṭya snātavyaṃ nirmale jale .. 48.6 .. ### [2.48.8](https://indike.org/pramana/in.purana.vayu.2.48.8) devādīṃstarpayitvātha śrāddhaṃ kṛtvā yathāvidhiḥ . svavedaśākhāgaditamarghyāvāhanavarjitam .. 48.7 .. ### [2.48.9](https://indike.org/pramana/in.purana.vayu.2.48.9) apare'hni śucirbhūtvā gacchedvai pretaparvate . brahmakuṇḍe tataḥ snātvā devādīṃstarpayetsudhīḥ .. 48.8 .. ### [2.48.10](https://indike.org/pramana/in.purana.vayu.2.48.10) kuryyācchrāddhaṃ sapiṇḍānāṃ prayataḥ pretaparvate. prācīnāvītinā bhāvyaṃ dakṣiṇābhimukhaḥ sudhīḥ .. 48.9 .. ### [2.48.11](https://indike.org/pramana/in.purana.vayu.2.48.11) kavyabālo'nalaḥ somo yamaścaivāryyamā tathā. agniṣvāttā barhiṣadaḥ somapāḥ pitṛdevatāḥ .. 48.10 .. ### [2.48.12](https://indike.org/pramana/in.purana.vayu.2.48.12) āgacchantu mahābhāgā yuṣmābhī rakṣitāstviha. madīyāḥ pitaro ye ca kule jātāḥ sanābhayaḥ .. 48.11 .. ### [2.48.13](https://indike.org/pramana/in.purana.vayu.2.48.13) teṣāṃ piṇḍapradānārthamāgato'smi gayāmimām. te sarve tṛptimāyāntu śrāddenānena śāśvatīm .. 48.12 .. ### [2.48.14](https://indike.org/pramana/in.purana.vayu.2.48.14) ācamyoktāva ca pañcāṅgaṃ prāṇāyāmaṃ prayatnataḥ. punarāvṛttirahitabrahmalokāptihetave .. 48.13 .. ### [2.48.15](https://indike.org/pramana/in.purana.vayu.2.48.15) evañca vidhivacchrāddhaṃ kṛtvā pūrvaṃ yatākramam. pitṝnāvāhya cābhyarcya mantraiḥ piṇḍaprado bhavet .. 48.14 .. ### [2.48.16](https://indike.org/pramana/in.purana.vayu.2.48.16) tīrthe pretaśilādau ca caruṇā saghṛtena vā . prakṣālya pūrvaṃ tatsthānaṃ pañcagavyaiḥ pṛthakpṛthak. tairmantrairatha saṃpūjya pañcagavyaiśca devatām .. 48.15 .. ### [2.48.17](https://indike.org/pramana/in.purana.vayu.2.48.17) yāvattilā manuṣyaiśca gṛhītā pitṛkarmasu. gacchanti tāvadasurāḥ siṃhatrastā yathā mṛgāḥ .. 48.16 .. ### [2.48.18](https://indike.org/pramana/in.purana.vayu.2.48.18) aṣṭakāsu ca vṛddhau ca gayāyāṃ ca mṛte'hani . mātuḥ śrāddhaṃ pṛthakkuryādanyatra patinā saha .. 48.17 .. ### [2.48.19](https://indike.org/pramana/in.purana.vayu.2.48.19) vṛddhiśrāddhe tu mātrādi gayāyāṃ pitṛpūrvakam. pādyapūrvaṃ samārabhya dakṣiṇāgrakuśaiḥ kramāt. pitrādīnāṃ samāstīrya śeṣaṃ gṛhyoktamācaret .. 48.18 .. ### [2.48.20](https://indike.org/pramana/in.purana.vayu.2.48.20) dadyuḥ śrāddhaṃ sapiṇḍānāṃ teṣāṃ dakṣiṇabhāgataḥ. kuśānāstīryaṃ vidhinā sakṛddatvā tilodakam .. 48.19 .. ### [2.48.21](https://indike.org/pramana/in.purana.vayu.2.48.21) gṛhītvāñjalinā tebhyaḥ pitṛtīrthena yatnataḥ. saktunā muṣṭimātreṇa dadyādakṣayyapiṇḍakam. sambandhinastilādbhiśca kuśeṣvāvāhayettataḥ .. 48.20 .. ### [2.48.22](https://indike.org/pramana/in.purana.vayu.2.48.22) ābrahmastambaparyantaṃ devarṣipitṛmānavāḥ. tṛpyantu pitaraḥ sarve mātṛmātāmahādayaḥ .. 48.21 .. ### [2.48.23](https://indike.org/pramana/in.purana.vayu.2.48.23) atītakulakoṭīnāṃ saptadvīpanivāsinām. ābrahmabhuvanāllokādidamastu tilodakam .. 48.22 .. ### [2.48.24](https://indike.org/pramana/in.purana.vayu.2.48.24) pitā pitāmaha ścaiva tathaiva prapitāmahaḥ. mātā pitāmahī caiva tathaiva prapitāmahī .. 48.23 .. ### [2.48.25](https://indike.org/pramana/in.purana.vayu.2.48.25) mātāmahastatpitā ca pramātāmahakādayaḥ. teṣāṃ piṇḍo mayā datto hyakṣayyamupatiṣṭhatām .. 48.24 .. ### [2.48.26](https://indike.org/pramana/in.purana.vayu.2.48.26) muṣṭimātrapramāṇañca hyārdrāmalakamātrakam. śamīphatrapramāṇaṃ vā piṇḍaṃ dadyādgayāśire. uddharetsaptagotrāṇi kulāni śatamuddharet .. 48.25 .. ### [2.48.27](https://indike.org/pramana/in.purana.vayu.2.48.27) piturmātuḥ svabhāryāyā bhaginyā duhitustathā. pitṛṣvasurmātṛṣvasuḥ sapta gotrāḥ prakīrttitāḥ .. 48.26 .. ### [2.48.28](https://indike.org/pramana/in.purana.vayu.2.48.28) caturviṃśativiṃśaśca ṣoḍaśa dvādaśaiva hi. rudrādivasavaścaiva kulānyekottaraṃ śatam .. 48.27 .. ### [2.48.29](https://indike.org/pramana/in.purana.vayu.2.48.29) nāvāhanaṃ na digbandho na doṣo dṛṣṭisambhavaḥ. na kāruṇyena karttavyaṃ tīrthaśrāddhaṃ vicakṣaṇaiḥ .. 48.28 .. ### [2.48.30](https://indike.org/pramana/in.purana.vayu.2.48.30) piṇḍāsanaṃ piṇḍadānaṃ punaḥ pratyavanejanam. dakṣiṇā cānnasaṅkalpaṃ tīrthaśrāddheṣvayaṃvidhiḥ .. 48.29 .. ### [2.48.31](https://indike.org/pramana/in.purana.vayu.2.48.31) asmatkule mṛtā ye ca gatiryeṣāṃ na vidyate. āvāhayiṣye tānsarvāndarbhapṛṣṭhe tilodakaiḥ .. 48.30 .. ### [2.48.32](https://indike.org/pramana/in.purana.vayu.2.48.32) bandhuvargakule ye ca gatiryeṣāṃ na vidyate. āvāhayiṣye tāntsarvān darbhapṛṣṭhe tilodakaiḥ .. 48.31 .. ### [2.48.33](https://indike.org/pramana/in.purana.vayu.2.48.33) ityetairmantraiḥ sajalaistilairdarbheṣu dhyānavān. āvāhyābhyarcya tebhyaśca piṇḍāndadyādyathākramam .. 48.32 .. ### [2.48.34](https://indike.org/pramana/in.purana.vayu.2.48.34) asmatkule mṛtā ye ca gatiryeṣāṃ na vidyate. teṣāmuddharaṇārthāya imaṃ piṇḍaṃ dadāmyaham .. 48.33 .. ### [2.48.35](https://indike.org/pramana/in.purana.vayu.2.48.35) mātāmahakule ye ca gatiryeṣāṃ na vidyate. teṣāmuddharaṇārthāya imaṃ piṇḍaṃ dadāmyaham .. 48.34 .. ### [2.48.36](https://indike.org/pramana/in.purana.vayu.2.48.36) bandhuvargakule ye ca gatiryeṣāṃ na vidyate. teṣāmuddharaṇārthāya imaṃ piṇḍaṃ dadāmyaham .. 48.35 .. ### [2.48.37](https://indike.org/pramana/in.purana.vayu.2.48.37) ajātadantā ye kecidye ca garbhe prapīḍitāḥ . teṣāmuddharaṇārthāya imaṃ piṇḍaṃ dadāmyaham .. 48.36 .. ### [2.48.38](https://indike.org/pramana/in.purana.vayu.2.48.38) agnidagdhāśca ye kecinnāgnidagdhāstathā pare. vidyuccorahatā ye ca tebhyaḥ piṇḍaṃ dadāmyaham .. 48.37 .. ### [2.48.39](https://indike.org/pramana/in.purana.vayu.2.48.39) dāvadāhe mṛtā ye ca siṃhavyāgrahatāśca ye. daṃṣṭribhiḥ śrṛṅgibhirvāpi tebhyaḥ piṇḍaṃ dadāmyaham .. 48.38 .. ### [2.48.40](https://indike.org/pramana/in.purana.vayu.2.48.40) udbandhanamṛtā ye ca viṣaśastrahatāśca ye. ātmāpaghātino ye ca tebhyaḥ piṇḍaṃ dadāmyaham .. 48.39 .. ### [2.48.41](https://indike.org/pramana/in.purana.vayu.2.48.41) araṇye vartmani vane kṣudhayā tṛṣayā hatāḥ. bhūtapretapiśācādyaistebhyaḥ piṇḍaṃ dadāmyaham .. 48.40 .. ### [2.48.42](https://indike.org/pramana/in.purana.vayu.2.48.42) raurave cāndhatāmisre kālasūtre ca ye gatāḥ. teṣāmuddharaṇārtāya imaṃ piṇḍaṃ dadāmyaham .. 48.41 .. ### [2.48.43](https://indike.org/pramana/in.purana.vayu.2.48.43) asipatravane ghore kumbhīpākeṣu ye gatāḥ. teṣāmuddharaṇārthāya imaṃ piṇḍaṃ dadāmyaham .. 48.42 .. ### [2.48.44](https://indike.org/pramana/in.purana.vayu.2.48.44) anekayātanāsaṃsthāḥ pretalokañca ye gatāḥ. teṣāmuddharaṇārthāya imaṃ piṇḍaṃ dadāmyaham .. 48.43 .. ### [2.48.45](https://indike.org/pramana/in.purana.vayu.2.48.45) anekayātanāsaṃsthā ye nītā yamakiṅkaraiḥ. teṣāmuddharaṇārthāya imaṃ piṇḍaṃ dadāmyaham .. 48.44 .. ### [2.48.46](https://indike.org/pramana/in.purana.vayu.2.48.46) narakeṣu samasteṣu yātanāsu ca ye sthitāḥ . teṣāmuddharaṇārthāya imaṃ piṇḍaṃ dadāmyaham .. 48.45 .. ### [2.48.47](https://indike.org/pramana/in.purana.vayu.2.48.47) paśuyoni gatā yeca pakṣikīṭasarīsṛpāḥ. athavā vṛkṣayonisthāstebhyaḥ piṇḍaṃ dadāmyaham .. 48.46 .. ### [2.48.48](https://indike.org/pramana/in.purana.vayu.2.48.48) jātyantarasahasreṣu bhramantaḥ svena karmmaṇā. mānuṣyaṃ durllabhaṃ yeṣāṃ tebhyaḥ piṇḍaṃ dadāmyaham .. 48.47 .. ### [2.48.49](https://indike.org/pramana/in.purana.vayu.2.48.49) divyantarikṣabhūmiṣṭhāḥ pitaro bāndhavādayaḥ. mṛtā asaṃskṛtā ye ca tebyaḥ piṇḍaṃ dadāmyaham .. 48.48 .. ### [2.48.50](https://indike.org/pramana/in.purana.vayu.2.48.50) ye kecitpretarūpeṇa varttante pitaro mama. te sarvve tṛptimāyāntu piṇḍenānena sarvvadā .. 48.49 .. ### [2.48.51](https://indike.org/pramana/in.purana.vayu.2.48.51) ye'bāndhavā bāndhavā vā ye'nyajanmani bāndhavāḥ. teṣāṃ piṇḍo mayā datto hyakṣayyamupatiṣṭhatām .. 48.50 .. ### [2.48.52](https://indike.org/pramana/in.purana.vayu.2.48.52) pitṛvaṃśe mṛtā ye ca mātṛvaṃśe ca ye mṛtāḥ. guruśvaśurabandhūnāṃ ye cānye bāndhavā mṛtāḥ .. 48.51 .. ### [2.48.53](https://indike.org/pramana/in.purana.vayu.2.48.53) ye me kule luptapiṇḍāḥ putradāravivarjitāḥ. kriyālopagatā ye ca jātyandhāḥ paṅgavastathā .. 48.52 .. ### [2.48.54](https://indike.org/pramana/in.purana.vayu.2.48.54) virūpā āmagarbhāśca jñātājñātāḥ kule mama. teṣāṃ piṇḍo mayā datto hyakṣayyamupatiṣṭhatām .. 48.53 .. ### [2.48.55](https://indike.org/pramana/in.purana.vayu.2.48.55) ā brahmaṇo ye pitṛvaṃśajātā mātustathā vaṃśabhavā madīyāḥ. kuladvaye ye mama dāsabhūtā bhṛtyā stathaivāśritasevakāśca .. 48.54 .. ### [2.48.56](https://indike.org/pramana/in.purana.vayu.2.48.56) mitrāṇi śiṣyāḥ paśavaśca vṛkṣā dṛṣṭā hyadṛṣṭāśca kṛtopakārāḥ. janmāntare ye mama saṅgatāśca tebhyaḥ svadhā piṇḍamahaṃ dadāmi .. 48.55 .. ### [2.48.57](https://indike.org/pramana/in.purana.vayu.2.48.57) etaiśca sarvvamantraistu strīliṅgāntaṃ samūhya ca. piṇḍāndadyādyathāpūrvvaṃ strīṇāṃ mātrādikakramāt .. 48.56 .. ### [2.48.58](https://indike.org/pramana/in.purana.vayu.2.48.58) svagotre paragotre vā dampatyoḥ piṇḍapātanam. apṛthaṅ niṣphalaṃ śrāddhaṃ piṇḍañcodakatarpaṇam .. 48.57 .. ### [2.48.59](https://indike.org/pramana/in.purana.vayu.2.48.59) piṇḍapātre tilānkṣiptvā pūrayitvā śubhodakaiḥ. pariṣicya tridhā sarvān praṇipatya samāpayet .. 48.58 .. ### [2.48.60](https://indike.org/pramana/in.purana.vayu.2.48.60) pitṝnvisṛjya cācamya sākṣiṇaḥ śrāvayetsurān . sākṣiṇaḥ santu me devā brahmeśānādayastathā. mayā gayāṃ samāsādya pitṝṇāṃ niṣkṛtiḥ kṛtā .. 48.59 .. ### [2.48.61](https://indike.org/pramana/in.purana.vayu.2.48.61) āgato'smi gayāṃ deva pitṛkāryye gadādhara. tvameva sākṣī bhagavannanṛṇo'hamṛṇatrayāt .. 48.60 .. ### [2.48.62](https://indike.org/pramana/in.purana.vayu.2.48.62) sarvvasthāneṣu caivaṃ syāt piṇḍadānantu nārada. pretaparvvatamārabhya kuryyāttīrtheṣu ca kramāt .. 48.61 .. ### [2.48.63](https://indike.org/pramana/in.purana.vayu.2.48.63) tilamiśrāṃstataḥ saktūnniḥkṣipetpretaparvvate. apasavyena devarṣe dakṣiṇābhimukhena ca .. 48.62 .. ### [2.48.64](https://indike.org/pramana/in.purana.vayu.2.48.64) ye kecitpretarūpeṇa varttante pitaro mama. te sarvve tṛptimāyāntu saktubhistilamiśritaiḥ .. 48.63 .. ### [2.48.65](https://indike.org/pramana/in.purana.vayu.2.48.65) ābrahmastambaparyyantaṃ yatkiñcitsacarācaram. mayā dattena toyena tṛptimāyāntu sarvvaśaḥ .. 48.64 .. ### [2.48.66](https://indike.org/pramana/in.purana.vayu.2.48.66) pretatvācca vimuktāḥ syuḥ pitarastasya nārada. pretatvaṃ tasya māhātmyātkule cāpi na jāyate .. 48.65 .. ### [2.48.67](https://indike.org/pramana/in.purana.vayu.2.48.67) nāmnā pretaśilā khyātā gayāśirasi muktaye. tīrthamantrādirūpeṇa sthita ścādigadādharaḥ .. 48.66 .. ### [2.48.68](https://indike.org/pramana/in.purana.vayu.2.48.68) iti śrīvāyupurāṇe vāyuprokte gayāmāhātmyaṃ nāmāṣṭacatvāriṃśo'dhyāyaḥ .. 48 .. \* ## Linked texts (9) - [Garuḍapurāṇa](https://indike.org/pramana/in.purana.garuda.1.84.13) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.16.336.42) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.115.21) — Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.11.p3) — Vācaspatimiśra, Sanskrit - [Śabdakalpadruma](https://indike.org/pramana/in.art.kosa.sabdakalpadruma.324.1.5) — Rājā Sir Rādhākānta Deb, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p273) — Mitramiśra, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.72.1.p1.24) — Kamalākarabhaṭṭa 1612, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p415) — Amṛtanātha Jhā Śarman 1800, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.3.p30) — Divākarabhaṭṭa 1655, Sanskrit --- Source: [https://indike.org/pramana/in.purana.vayu.2.48](https://indike.org/pramana/in.purana.vayu.2.48) · Pramāṇa