[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.49 # Vayupurana 2.49: adhyāyaḥ 49 Vāyupurāṇa 2.49 - **Language:** Sanskrit ### adhyāyaḥ 49 ### [2.49.1](https://indike.org/pramana/in.purana.vayu.2.49.1) ..sanatkumāra uvāca.. ### [2.49.2](https://indike.org/pramana/in.purana.vayu.2.49.2) ādau tu pañcatīrtheṣu cottare mānase vidhiḥ. ācamya kuśahastena śiraścābhyukṣya vāriṇā .. 49.1 .. ### [2.49.3](https://indike.org/pramana/in.purana.vayu.2.49.3) uttaraṃ mānasaṃ gacchenmantreṇa snānamācaret. uttare mānase snānaṃ karomyātmaviśuddhaye .. 49.2 .. ### [2.49.4](https://indike.org/pramana/in.purana.vayu.2.49.4) sūryyalokādisaṃsiddhisiddhaye pitṛmuktaye. devādīṃstarpayitvātha śrāddhaṃ kuryāt sapiṇḍakam .. 49.3 .. ### [2.49.5](https://indike.org/pramana/in.purana.vayu.2.49.5) mānasaṃ hi saro hyatra tasmāduttaramānasam. sūryyaṃ natvārccayitvātha sūryyalokaṃ nayetpitṝn .. 49.4 .. ### [2.49.6](https://indike.org/pramana/in.purana.vayu.2.49.6) namo bhagavate bhartre somabhaumajñarūpiṇe. jīvabhārgavasaureyarāhuketusvarūpiṇe .. 49.5 .. ### [2.49.7](https://indike.org/pramana/in.purana.vayu.2.49.7) uttarānmānasānmaunī vrajeddakṣiṇamānasam. udīcītīrthamityuktaṃ tatraudīcyaṃ vimuktidam . atra snāto divaṃ yāti svaśarīreṇa mānavaḥ .. 49.6 .. ### [2.49.8](https://indike.org/pramana/in.purana.vayu.2.49.8) madhye kanakhalaṃ tīrthaṃ triṣulokeṣu viśrutam. snātaḥ kanakavadbhāti naro yāti pavitratām .. 49.7 .. ### [2.49.9](https://indike.org/pramana/in.purana.vayu.2.49.9) tasya dakṣiṇabhāge ca tīrthaṃ dakṣiṇamānasam. ataḥ kanakhalaṃ loke khyātaṃ tīrthamanuttamam .. 49.8 .. ### [2.49.10](https://indike.org/pramana/in.purana.vayu.2.49.10) dakṣiṇe mānase caiva tīrthatrayamudāhṛtam. snātvā teṣu vidhānena kuyyācchrāddhaṃ pṛthakpṛthak .. 49.9 .. ### [2.49.11](https://indike.org/pramana/in.purana.vayu.2.49.11) dakṣiṇe mānase snānaṃ karomyātmaviśuddhaye. sūryyalokādisaṃsiddhisiddhaye pitṛmuktaye .. 49.10 .. ### [2.49.12](https://indike.org/pramana/in.purana.vayu.2.49.12) brahmahatyādipāpaugha yātanāyā vimuktaye. divākara karomīha snānaṃ dakṣiṇamānase .. 49.11 .. ### [2.49.13](https://indike.org/pramana/in.purana.vayu.2.49.13) namāmi sūryyaṃ tṛptyarthaṃ pitṝṇāṃ tāraṇāya ca. putrapautradhanaiśvaryyāyāyurārogya vṛddhaye .. 49.12 .. ### [2.49.14](https://indike.org/pramana/in.purana.vayu.2.49.14) anena snānapūjādi kṛtvā śrāddhaṃ sapiṇḍakam. kṛtvā natvā ca maunyarkamimaṃ mantramudīrayet .. 49.13 .. ### [2.49.15](https://indike.org/pramana/in.purana.vayu.2.49.15) phalgutīrthaṃ vrajettasmāt sarvvatīrthottamottamam. muktirbhavati karttṝṇāṃ pitṝṇāṃ śrāddhataḥ sadā .. 49.14 .. ### [2.49.16](https://indike.org/pramana/in.purana.vayu.2.49.16) brahmaṇā prārthito viṣṇuḥ phalguko hyabhavatpurā. dakṣiṇāgnau hutaṃ tatra tadrajaḥ phalgutīrthakam .. 49.15 .. ### [2.49.17](https://indike.org/pramana/in.purana.vayu.2.49.17) tasminphalati phalgvā gauḥ kāmadhenurjalaṃ mahī. dṛṣṭerantargataṃ yasmātphalgutīrthaṃ na niṣphalam .. 49.16 .. ### [2.49.18](https://indike.org/pramana/in.purana.vayu.2.49.18) tīrthāni yāni sarvvāṇi bhuvaneṣvakhileṣvapi. tāni snātuṃ samāyānti phalgutīrthaṃ suraiḥ saha .. 49.17 .. ### [2.49.19](https://indike.org/pramana/in.purana.vayu.2.49.19) gaṅgā pādodakaṃ viṣṇoḥ phalgurhyādigadādharaḥ. svayaṃ hi dravarūpeṇa tasmādgaṅgādhikaṃ viduḥ .. 49.18 .. ### [2.49.20](https://indike.org/pramana/in.purana.vayu.2.49.20) aśvamedhasahasrāṇāṃ sahasraṃ yaḥ samācaret. nāsau tatphalamāpnoti phalgutīrthe yadāpnuyāt .. 49.19 .. ### [2.49.21](https://indike.org/pramana/in.purana.vayu.2.49.21) phalgutīrthe viṣṇujale karomi snānamādṛtaḥ. pitṝṇāṃ viṣṇulokāya bhuktimuktiprasiddhaye .. 49.20 .. ### [2.49.22](https://indike.org/pramana/in.purana.vayu.2.49.22) phalgutīrthe naraḥ snātvā tarpaṇaṃ śrāddhamācaret. sapiṇḍakaṃ svasūtroktaṃ namedatha pitāmaham .. 49.21 .. ### [2.49.23](https://indike.org/pramana/in.purana.vayu.2.49.23) namaḥ śivāya devāya īśāya puruṣāya vai. aghoravāmadevāya sadyojātāya śambhave .. 49.22 .. ### [2.49.24](https://indike.org/pramana/in.purana.vayu.2.49.24) phalgutīrthe naraḥ snātvā dṛṣṭvā devaṃ gadādharam. ātmānaṃ tārayetsadyo daśa pūrvāndaśāparān .. 49.23 .. ### [2.49.25](https://indike.org/pramana/in.purana.vayu.2.49.25) natvā gadādharaṃ devaṃ mantreṇānena pūjayet . oṃ namo vāsudevāya namaḥ saṅkarṣaṇāya ca .. 49.24 .. ### [2.49.26](https://indike.org/pramana/in.purana.vayu.2.49.26) pradyumnāyāniruddhāya śrīdharāya ca viṣṇave . pañcatīrthe naraḥ snātvā brahmalokaṃ nayetpitṝn .. 49.25 .. ### [2.49.27](https://indike.org/pramana/in.purana.vayu.2.49.27) amṛtaiḥ pañcabhiḥ snānaṃ puṣpavastrādyalaṃkṛtam. na kuryyādyo gadāpāṇestasya śrāddhamasārthakam .. 49.26 .. ### [2.49.28](https://indike.org/pramana/in.purana.vayu.2.49.28) nāgakūṭādgṛdhrakūṭādyupāduttaramānasāt. etadgayāśiraḥ proktaṃ phalgutīrthantaducyate .. 49.27 .. ### [2.49.29](https://indike.org/pramana/in.purana.vayu.2.49.29) muṇḍapṛṣṭhanagādhastātphalgutīrthamanuttamam. atra śrāddhādinā sarvve pitaro mokṣamāpnuyuḥ .. 49.28 .. ### [2.49.30](https://indike.org/pramana/in.purana.vayu.2.49.30) prathame'hni vidhiḥ prokto dvitīye divase vrajet. dharmmāraṇyaṃ tatra dharmmo yasmādyajñamakārayat .. 49.29 .. ### [2.49.31](https://indike.org/pramana/in.purana.vayu.2.49.31) gamanādbrahmalokāptirbhavatyeva hi nārada. mataṅga vāpyāṃ yaḥ snātvā tarpaṇaṃ śrāddhamācaret .. 49.30 .. ### [2.49.32](https://indike.org/pramana/in.purana.vayu.2.49.32) gatvā natvā mataṅgeśamimaṃ mantramudīrayet. pramāṇaṃ devatāḥ santu lokapālāśca sākṣiṇaḥ .. 49.31 .. ### [2.49.33](https://indike.org/pramana/in.purana.vayu.2.49.33) mayāgatyamataṅge'sminpitṝṇāṃ niṣkṛtiḥ kṛtā. pūrvvaṃ hi brahmatīrthaṃ ca kūpe śrāddhādi kārayet .. 49.32 .. ### [2.49.34](https://indike.org/pramana/in.purana.vayu.2.49.34) tatkūpayūpayormmadhye sarvvāṃstārayate pitṝn. dharmmaṃ dharmmeśvaraṃ natvā mahābodhitaruṃ namet .. 49.33 .. ### [2.49.35](https://indike.org/pramana/in.purana.vayu.2.49.35) namaste'śvattharājāya brahmaviṣṇuśivātmane. bodhidramāya kartṝṇāṃ pitṝṇāṃ tāraṇāya ca .. 49.34 .. ### [2.49.36](https://indike.org/pramana/in.purana.vayu.2.49.36) ye'smatkule mātṛvaṃśe bāndhavā durgatiṃ gatāḥ. tvaddarśanātsparśanācca svargatiṃ yāntu śāśvatīm .. 49.35 .. ### [2.49.37](https://indike.org/pramana/in.purana.vayu.2.49.37) ṛṇatrayaṃ mayā dattaṃ gayāmāgatya vṛkṣarāṭ. tvatprasādānmahāpāpādvimukto'haṃ bhavārṇavāt .. 49.36 .. ### [2.49.38](https://indike.org/pramana/in.purana.vayu.2.49.38) tṛtīye brahmasarasi snātvā śrāddhaṃ sapiṇḍakam. kṛtvā sarvvapramāṇena mantreṇa vidhivatsutaḥ .. 49.37 .. ### [2.49.39](https://indike.org/pramana/in.purana.vayu.2.49.39) snānaṃ karomi tīrthe'smin ṛṇatrayavimuktaye. tatkūpayūpayormadhye brahmalokaṃ nayetpitṝn .. 49.38 .. ### [2.49.40](https://indike.org/pramana/in.purana.vayu.2.49.40) yāgaṃ kṛtvotthiyo yūpo brahmaṇā yūpa ityasau. kṛtvā brahmasaraḥśrāddhaṃ sarvvāṃstārayate pitṝn .. 49.39 .. ### [2.49.41](https://indike.org/pramana/in.purana.vayu.2.49.41) yūpaṃ pradakṣiṇīkṛtya vājapeyaphalaṃ labhet. brahmāṇaṃ ca namaskṛtya brahmalokaṃ nayetpitṝn .. 49.40 .. ### [2.49.42](https://indike.org/pramana/in.purana.vayu.2.49.42) namo'stu brahmaṇe'jāya jagajjanmādirūpiṇe . bhaktānāñca pitṝṇāñca tārakāya namo namaḥ .. 49.41 .. ### [2.49.43](https://indike.org/pramana/in.purana.vayu.2.49.43) gopracārasamīpasthā āmrā brahmaprakalpitāḥ. teṣāṃ secanamātreṇa pitaro mokṣagāminaḥ .. 49.42 .. ### [2.49.44](https://indike.org/pramana/in.purana.vayu.2.49.44) āmraṃ brahmasarodbhūtaṃ brahmadevamayaṃ tarum. viṣṇurūpaṃ prasiñcāmi pitṝṇāṃ muktihetave .. 49.43 .. ### [2.49.45](https://indike.org/pramana/in.purana.vayu.2.49.45) eko muniḥ kumbhakuśāgrahasta āmrasya mūle salilaṃ dadāmi. āmraśca tṛptā ekā kriyādvyarthakarī prasiddhā .. 49.44 .. ### [2.49.46](https://indike.org/pramana/in.purana.vayu.2.49.46) tato yama baliṃ dadyānmantreṇānena saṃyataḥ. yamarājadharmmarājau niścalārthaṃ vyavasthitau .. 49.45 .. ### [2.49.47](https://indike.org/pramana/in.purana.vayu.2.49.47) tābhyāṃ baliṃ prayacchāmi putṝṇāṃ muktihetave. tataḥ śvānabaliṃ dadyānmantreṇānena nārada .. 49.46 .. ### [2.49.48](https://indike.org/pramana/in.purana.vayu.2.49.48) dvau śvānau śyāmaśabalau vaivasvatakulodbhavau. tābhyāṃ baliṃ prayacchāmi rakṣetāṃ pathi sarvvādā .. 49.47 .. ### [2.49.49](https://indike.org/pramana/in.purana.vayu.2.49.49) tataḥ kākabaliṃ dadyānmantreṇānena nārada. aindravāruṇavāyavyayāmyā vai naiṛtāstathā .. 49.48 .. ### [2.49.50](https://indike.org/pramana/in.purana.vayu.2.49.50) vāyasāḥ pratigṛhṇantu bhūmau piṇḍaṃ samarpitam. phalgutīrthe caturthe'hni snānādikamathācaret .. 49.49 .. ### [2.49.51](https://indike.org/pramana/in.purana.vayu.2.49.51) gayāśirasyatha śrāddhaṃ pāde kuryyātsapiṇḍakam. sākṣādgayāśirastatra phalgutīrthāśritaṃ kṛtam .. 49.50 .. ### [2.49.52](https://indike.org/pramana/in.purana.vayu.2.49.52) nāgājjanārddanādbrahmayūpāccottaramānasāt. etadgayāśiraḥ proktaṃ phalgutīrthaṃ taducyate .. 49.51 .. ### [2.49.53](https://indike.org/pramana/in.purana.vayu.2.49.53) pitāmahaṃ samāsādya yāvaduttaramānasam. phalgutīrthantu vijñeyaṃ devānāmapi durlabham .. 49.52 .. ### [2.49.54](https://indike.org/pramana/in.purana.vayu.2.49.54) krauñcapādātphalgutīrthaṃ yāvatsākṣādgayāśiraḥ. mukhaṃ gayāsurasyaitattasmācchrāddhamihākṣayam .. 49.53 .. ### [2.49.55](https://indike.org/pramana/in.purana.vayu.2.49.55) muṇḍapṛṣṭhānnagādhastātsākṣāttatphalgutīrtha kam. ādyo gadādharo devo vyaktāvyaktātmanā sthitaḥ .. 49.54 .. ### [2.49.56](https://indike.org/pramana/in.purana.vayu.2.49.56) viṣṇvādipadarūpeṇa pitṝṇāṃ muktihetave. etadviṣṇupadaṃ divyaṃ darśanātpāpanāśanam .. 49.55 .. ### [2.49.57](https://indike.org/pramana/in.purana.vayu.2.49.57) sparśanātpūjanādvāpi pitṝṇāṃ dattamakṣayam. śrāddhaṃ sapiṇḍakaṃ kṛtvā kulasāhasramātmanā .. 49.56 .. ### [2.49.58](https://indike.org/pramana/in.purana.vayu.2.49.58) nayedvipṇupadaṃ divyamanantaṃ śivamavyayam. śrāddhaṃ kṛtvā rudrapade nayetkulaśataṃ naraḥ .. 49.57 .. ### [2.49.59](https://indike.org/pramana/in.purana.vayu.2.49.59) sahātmanā śivapuraṃ tathā brahmapade naraḥ. brahmalokaṃ kulaśataṃ samuddhṛtya nayetpitṝn .. 49.58 .. ### [2.49.60](https://indike.org/pramana/in.purana.vayu.2.49.60) kaśyapasya pade śrāddhī brahmalokaṃ nayetpitṝn. dakṣiṇāgnipade śrāddhī pitṝnbrahmapuraṃ nayet .. 49.59 .. ### [2.49.61](https://indike.org/pramana/in.purana.vayu.2.49.61) gārhapatyapade śrāddhī vājapeyaphalaṃ labhet. śrāddhaṃ kṛtvāhavanīye aśvamedhaphalaṃ labhet .. 49.60 .. ### [2.49.62](https://indike.org/pramana/in.purana.vayu.2.49.62) śrāddhaṃ kṛtvā sabhyapade jyotiṣṭomaphalaṃ labhet . āvasathyapade śrāddhī pitṝnbrahmapuraṃ nayet .. 49.61 .. ### [2.49.63](https://indike.org/pramana/in.purana.vayu.2.49.63) śrāddhaṃ kṛtvā śakrapade indralokaṃ nayetpitṝn. agastyasya pade śrāddhī pitṝnbrahmapuraṃ nayet .. 49.62 .. ### [2.49.64](https://indike.org/pramana/in.purana.vayu.2.49.64) krauñcamātaṅgayoḥ śrāddhī brahmalokaṃ nayetpitṝn. śrāddhī sūryyapade pañca pāpino'rkkapuraṃ nayet .. 49.63 .. ### [2.49.65](https://indike.org/pramana/in.purana.vayu.2.49.65) kārtikeyapade śrāddhī śivalokaṃ nayetpitṝn. gaṇeśasya pade śrāddhī rudralokaṃ nayetpitṝn .. 49.64 .. ### [2.49.66](https://indike.org/pramana/in.purana.vayu.2.49.66) gajakarṇatarpaṇakṛnnirmalaṃ svarnayetpitṝn. anyeṣāñca pade śrāddhī pitṝnbrahmapuraṃ nayet .. 49.65 .. ### [2.49.67](https://indike.org/pramana/in.purana.vayu.2.49.67) sarvveṣāṃ kāśyapaṃ śreṣṭhaṃ viṣṇo rudrasya vai padam. brahmaṇaśca padaṃ cāpi śreṣṭhaṃ tatra prakīrttitam .. 49.66 .. ### [2.49.68](https://indike.org/pramana/in.purana.vayu.2.49.68) prārambhe ca samāptau ca teṣāmanyatamaṃ smṛtam. śreyaskaraṃ bhavettatra śrāddhakarttuśca nārada .. 49.67 .. ### [2.49.69](https://indike.org/pramana/in.purana.vayu.2.49.69) kaśyapasya pade divye bhāradvājo muniḥ purā. śrāddhaṃ kṛtvodyato dātuṃ pitrādibhyaśca piṇḍakam .. 49.68 .. ### [2.49.70](https://indike.org/pramana/in.purana.vayu.2.49.70) śuklakṛṣṇau tato hastau padamudbhidya nirgatau. dṛṣṭvā hastadvayaṃ tatra muniḥ saṃśayamāgataḥ .. 49.69 .. ### [2.49.71](https://indike.org/pramana/in.purana.vayu.2.49.71) tataḥ svamātaraṃ śāntāṃ papraccha sa mahāmuniḥ. kaśyapasya pade divye śukle kṛṣṇe'tha vā kare .. 49.70 .. ### [2.49.72](https://indike.org/pramana/in.purana.vayu.2.49.72) piṇḍo deyo mayā mātarjānāsi pitaraṃ vada.. ### [2.49.73](https://indike.org/pramana/in.purana.vayu.2.49.73) ..śāntovāca.. ### [2.49.74](https://indike.org/pramana/in.purana.vayu.2.49.74) bhāradvāja mahāprājña dehi kṛṣṇāya piṇḍakam .. 49.71 .. ### [2.49.75](https://indike.org/pramana/in.purana.vayu.2.49.75) bhāradvājastataḥ piṇḍaṃ dātuṃ kṛṣṇāya codyataḥ. śveto'dṛśyo'bravīttatra putrastvaṃ hi mamaurasaḥ .. 49.72 .. ### [2.49.76](https://indike.org/pramana/in.purana.vayu.2.49.76) kṛṣṇo'bravīnmama kṣetraṃ tato me dehi piṇḍakam. svairiṇyathābravīddātuṃ kṣetriṇe bījine tataḥ .. 49.73 .. ### [2.49.77](https://indike.org/pramana/in.purana.vayu.2.49.77) bhāradvājastataḥ piṇḍaṃ kaśyapasya pade dadau . haṃsayuktavimānena brahmalokamubhau gatau .. 49.74 .. ### [2.49.78](https://indike.org/pramana/in.purana.vayu.2.49.78) rāmo rudrapade śrāddhe piṇḍadānāya codyataḥ. pitā daśarathaḥ svargātprasāryya karamāgataḥ .. 49.75 .. ### [2.49.79](https://indike.org/pramana/in.purana.vayu.2.49.79) nādātpiṇḍaṃ kare rāmo dadau rudrapade tataḥ. śāstrārthātikramādbhītaṃ rāmaṃ daśaratho'bravīt .. 49.76 .. ### [2.49.80](https://indike.org/pramana/in.purana.vayu.2.49.80) tārito'haṃ tvayā putra rudralokamavāpnuyām. haste piṇḍapradānena svargatirna hi me bhavet .. 49.77 .. ### [2.49.81](https://indike.org/pramana/in.purana.vayu.2.49.81) tvañca rājyaṃ ciraṃ kṛtvā pālayitvā dvijānprajāḥ. yajñānsadakṣiṇānkṛtvā viṣṇulokaṃ vrajiṣyasi .. 49.78 .. ### [2.49.82](https://indike.org/pramana/in.purana.vayu.2.49.82) puryyayodhyājanaiḥ sārddhaṃ kṛmikīṭādibhiḥ saha. ityuktvāsau daśaratho rudralokaṃ paraṃ yayau .. 49.79 .. ### [2.49.83](https://indike.org/pramana/in.purana.vayu.2.49.83) bhīṣmo viṣṇupade śreṣṭhe āhūya pitaraṃ svakam. śrāddhaṃ kṛtvodyato dātuṃ pitrādibhyaśca piṇḍakam .. 49.80 .. ### [2.49.84](https://indike.org/pramana/in.purana.vayu.2.49.84) piturvinirgatau hastau gayāśirasi śantanoḥ. nādātpiṇḍaṃ karo bhīṣmo dadau viṣṇupade tataḥ .. 49.81 .. ### [2.49.85](https://indike.org/pramana/in.purana.vayu.2.49.85) śantanuḥ prāha santuṣṭaḥ śāstrārthe niścalo bhavān. trikāladṛṣṭirbhavat cānte viṣṇuśca te gatiḥ .. 49.82 .. ### [2.49.86](https://indike.org/pramana/in.purana.vayu.2.49.86) svecchayā maraṇaṃ cāstu ityuktvā muktimāgataḥ. kanakeśañca kedāraṃ nārasiṃhaṃ ca vāmanam .. 49.83 .. ### [2.49.87](https://indike.org/pramana/in.purana.vayu.2.49.87) udaṅmārge samabhyarccya pitṝnsarvvāṃśca tārayet. gayāśirasi yaḥ piṇḍānyeṣāṃ nāmnā tu nirvapet .. 49.84 .. ### [2.49.88](https://indike.org/pramana/in.purana.vayu.2.49.88) narakasthā divaṃ yānti svargasthā mokṣamāpnuyuḥ. gayāśirasi yaḥ piṇḍaṃ śamīpatrapramāṇataḥ .. 49.85 .. ### [2.49.89](https://indike.org/pramana/in.purana.vayu.2.49.89) kandamūlaphalādyairvā dadyātsvargaṃ nayetpitṝn. padāni yatra dṛśyante viṣṇvādīnāṃ tadagrataḥ .. 49.86 .. ### [2.49.90](https://indike.org/pramana/in.purana.vayu.2.49.90) śrāddhaṃ kṛtvā sapiṇḍañca teṣāṃ lokānnayetpitṝn. sarvvatra muṇḍapṛṣṭhādriḥ padairebhiḥ sulakṣitaḥ .. 49.87 .. ### [2.49.91](https://indike.org/pramana/in.purana.vayu.2.49.91) prayānti pitaraḥ sarvve brahmalokamanāmayam. hetyasurasya yacchīrṣaṃ gadayā taddvidhākṛtam .. 49.88 .. ### [2.49.92](https://indike.org/pramana/in.purana.vayu.2.49.92) tataḥ prakṣālitā yasmāttīrthaṃ tacca vimuktaye. gadālolamiti khyātaṃ sarvveṣāmuttamottamam .. 49.89 .. ### [2.49.93](https://indike.org/pramana/in.purana.vayu.2.49.93) gadālole mahātīrthe gadāprakṣālanāddhareḥ. snānaṃ karomi siddhyarthamakṣayaṃ padamāpnuyām .. 49.90 .. ### [2.49.94](https://indike.org/pramana/in.purana.vayu.2.49.94) pañcame'hni gadālole snātvā kuryyātsapiṇḍakam. śrāddhaṃ pitṝnbrahmalokaṃ nayedātmānameva ca .. 49.91 .. ### [2.49.95](https://indike.org/pramana/in.purana.vayu.2.49.95) brahmaprakalpitānviprān havyakavyādinārccayet. taistuṣṭaistoṣitāḥ sarvvāḥ pitṛbhiḥ saha devatāḥ .. 49.92 .. ### [2.49.96](https://indike.org/pramana/in.purana.vayu.2.49.96) kṛte śrāddhe'kṣayavaṭe annenaiva prayatnataḥ. pitṝnnayedbrahmalokamakṣayantu sanātanam .. 49.93 .. ### [2.49.97](https://indike.org/pramana/in.purana.vayu.2.49.97) vaṭavṛkṣasamīpe tu śākenāpyudakena vā. ekasminbhojite vipre koṭirbhavati bhojitā .. 49.94 .. ### [2.49.98](https://indike.org/pramana/in.purana.vayu.2.49.98) deyaṃ dānaṃ ṣoḍaśakaṃ gayātīrthapurodhase. vastraṃ gandhādibhiḥ putraiḥ samyaksaṃpūjya yatnataḥ .. 49.95 .. ### [2.49.99](https://indike.org/pramana/in.purana.vayu.2.49.99) gayātīrthavaṭe caiva pitṝṇāṃ dattamakṣayam . dṛṣṭvā natvā ca saṃpūjya vaṭeśaṃ susamāhitaḥ .. 49.96 .. ### [2.49.100](https://indike.org/pramana/in.purana.vayu.2.49.100) pitṝnnayedbrahmalokamakṣayantu sanātanam. gayāyāṃ dharmmapṛṣṭhe ca sarasi brahmaṇasta thā .. 49.97 .. ### [2.49.101](https://indike.org/pramana/in.purana.vayu.2.49.101) gayāśīrṣe vaṭe caiva pitṝṇāṃ dattamakṣayam. ekārṇave vaṭasyāgre yaḥ śete yoganidrayā .. 49.98 .. ### [2.49.102](https://indike.org/pramana/in.purana.vayu.2.49.102) bālarūpadharastasmai namaste yogaśāyine. saṃsāravṛkṣaśastrāyāśeṣapāpaharāya ca .. 49.99 .. ### [2.49.103](https://indike.org/pramana/in.purana.vayu.2.49.103) akṣayabrahmadātre ca namo'kṣayavaṭāya vai. kalau māheśvarā lokā yena tasmādgadādharaḥ. liṅgarūpo'bhavattañca vande śrīprapitāmaham .. 49.100 .. ### [2.49.104](https://indike.org/pramana/in.purana.vayu.2.49.104) iti śrīvāyupurāṇe vāyuprokte gayāmāhātmyaṃ nāmonapañcāśattamo'dhyāyaḥ .. 49 .. ## Linked texts (5) - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.115.26) — Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.13.p1) — Vācaspatimiśra, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p277.3) — Mitramiśra, Sanskrit - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.15.p4) — Nārāyaṇa (Mahiṣamaṅgalam) 1513, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p416) — Amṛtanātha Jhā Śarman 1800, Sanskrit --- Source: [https://indike.org/pramana/in.purana.vayu.2.49](https://indike.org/pramana/in.purana.vayu.2.49) · Pramāṇa