[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.4 # Vayupurana 2.4 Vāyupurāṇa 2.4 - **Language:** Sanskrit ### [2.4](https://indike.org/pramana/in.purana.vayu.2.4) caturthapādaḥ adhyāyaḥ 38 adhyāyaḥ 39 adhyāyaḥ 40 adhyāyaḥ 41 adhyāyaḥ 42 adhyāyaḥ 43 105 adhyāyaḥ 44 adhyāyaḥ 45 adhyāyaḥ 46 adhyāyaḥ 47 109 adhyāyaḥ 48 adhyāyaḥ 49 adhyāyaḥ 50 112 ### [2.2.1](https://indike.org/pramana/in.purana.vayu.2.2.1) .. uttarārddham - 2 ### [2.2.2](https://indike.org/pramana/in.purana.vayu.2.2.2) ..sūta uvāca .. ### [2.2.3](https://indike.org/pramana/in.purana.vayu.2.2.3) āsīdiyaṃ samudrāntā medinīti pariśrutā. vasu dhārayate yasmādvasudhā tena cocyate .. 2.1 .. ### [2.2.4](https://indike.org/pramana/in.purana.vayu.2.2.4) madhukaiṭabhayoḥ pūrvaṃ medasā saṃpariplutā. tato'bhyupagamādrājñaḥ pṛthorvainyasya dhīmataḥ .. 2.2 .. ### [2.2.5](https://indike.org/pramana/in.purana.vayu.2.2.5) iyañcāsīt samudrāntā medinīti pariśrutā. duhitṛtvamanuprāptā pṛthivītyucyate tataḥ .. 2.3 .. ### [2.2.6](https://indike.org/pramana/in.purana.vayu.2.2.6) prathitā pravibhaktā ca śobhitā ca vasundharā. sasyākaravatī rājñā pattanākaramālinī. cāturvarṇyasamākīrṇā rakṣitā tena dhīmatā .. 2.4 .. ### [2.2.7](https://indike.org/pramana/in.purana.vayu.2.2.7) evaṃprabhāvo rājāsīdvainyaḥ sa nṛpasattamaḥ. namasyaścaiva pūjyaśca bhūtagrāmeṇa sarvaśaḥ .. 2.5 .. ### [2.2.8](https://indike.org/pramana/in.purana.vayu.2.2.8) brāhmaṇaiśca mahābhāgairvedavedāṅgapāragaiḥ. pṛthureva namaskāryo brahmayoniḥ sanātanaḥ .. 2.6 .. ### [2.2.9](https://indike.org/pramana/in.purana.vayu.2.2.9) pārthivaiśca mahābhāgaiḥ prārthayadbhirmahadyaśaḥ. ādirājā na maskāryaḥ pṛthurvainyaḥ pratāpavān .. 2.7 .. ### [2.2.10](https://indike.org/pramana/in.purana.vayu.2.2.10) yodhairapi ca saṃgrāme prārthayānairjayaṃ yudhi. ādikarttā narāṇāṃ vai namasyaḥ pṛthureva hi .. 2.8 .. ### [2.2.11](https://indike.org/pramana/in.purana.vayu.2.2.11) yo hi yoddhā raṇaṃ yāti kīrttayitvā pṛthuṃ nṛpam. sa ghorarūpe saṃgrāme kṣemī tarati kīrtimān .. 2.9 .. ### [2.2.12](https://indike.org/pramana/in.purana.vayu.2.2.12) vaiśyairapi ca rājarṣirvaiśyavṛttisamāsthitaiḥ. pṛthureva namaskāryo vṛttidātā mahāyaśāḥ .. 2.10 .. ### [2.2.13](https://indike.org/pramana/in.purana.vayu.2.2.13) ete vatsaviśeṣāśca dogdhāraḥ kṣīrameva ca. pātrāṇi ca mayoktāni sarvāṇyeva yathākramam .. 2.11 .. ### [2.2.14](https://indike.org/pramana/in.purana.vayu.2.2.14) brahmaṇā prathamaṃ dugdhā purā pṛthvī mahātmanā. vāyuṃ kṛtvā tadā vatsaṃ bījāni vasudhātale .. 2.12 .. ### [2.2.15](https://indike.org/pramana/in.purana.vayu.2.2.15) tataḥ svāyambhuve pūrvantadā manvantare punaḥ. vatsaṃ svāyambhuvaṃ kṛtvā dugdhā grīṣmeṇa vai mahī .. 2.13 .. \* manau svārociṣe dugdhā mahī caitreṇa dhīmatā. manuṃ svārociṣaṃ kṛtvā vatsaṃ sasyāni vai purā .. 2.14 .. ### [2.2.16](https://indike.org/pramana/in.purana.vayu.2.2.16) uttame'nuttamenāpi dugdhā devabhujena tu . manuṃ kṛtvottamaṃ vatsaṃ sarvasasyāni dhīmatā .. 2.15 .. ### [2.2.17](https://indike.org/pramana/in.purana.vayu.2.2.17) punaśca pañcame pṛthvī tāmasasyāntare manoḥ. dugdheyaṃ tāmasaṃ vatsaṃ kṛtvā tu balabandhunā .. 2.16 .. ### [2.2.18](https://indike.org/pramana/in.purana.vayu.2.2.18) cāriṣṇavasya devasya saṃprāpte cāntare manoḥ. dugdhā mahī purāṇena vatsañcāriṣṇavaṃ prati .. 2..17 .. ### [2.2.19](https://indike.org/pramana/in.purana.vayu.2.2.19) cākṣuṣe'pi ca samprāpte tadā manvantare punaḥ. dugdhā mahī purāṇena vatsaṃ kṛtvā tu cākṣuṣam .. 2.18 .. ### [2.2.20](https://indike.org/pramana/in.purana.vayu.2.2.20) cākṣuṣasyāntare'tīte prāpte vaivasvate punaḥ . vainyeneyaṃ mahī dugdhā yathā te kīrtitaṃ mayā .. 2.19 .. ### [2.2.21](https://indike.org/pramana/in.purana.vayu.2.2.21) etairdugdhā purā pṛthvī vyatīteṣvantareṣu vai. devādibhirmanuṣyaiśca tathā bhūtādibhiśca yā .. 2.20 .. ### [2.2.22](https://indike.org/pramana/in.purana.vayu.2.2.22) evaṃ sarveṣu vijñeyā hyatītānāgateṣviha. devā manvantareṣvasya pṛthostu śrṛṇuta prajāḥ .. 2.21 .. ### [2.2.23](https://indike.org/pramana/in.purana.vayu.2.2.23) pṛthostu putrau vikrāntau jajñāte'ntarddhipālinau. śikhaṇḍinī havirddhānamantarddhānādvyajāyata .. 2.22 .. ### [2.2.24](https://indike.org/pramana/in.purana.vayu.2.2.24) havirddhānātṣaḍāgneyī dhiṣaṇā'janayatsutān. prācīnabarhiṣaṃ śukraṃ gayaṃ kṛṣṇaṃ vrajājinau .. 2.23 .. ### [2.2.25](https://indike.org/pramana/in.purana.vayu.2.2.25) prācīnabarhirbhagavān mahānāsīt prajāpatiḥ. baluśrutatapovīryaiḥ pṛthivyāmekarāḍhasau. prācīnāgrāḥ kuśāstasya tasmātprācīna barhyasau .. 2.24 .. ### [2.2.26](https://indike.org/pramana/in.purana.vayu.2.2.26) samudratanayāyāntu kṛtadāraḥ sa vai prabhuḥ. mahatastamasaḥ pāre savarṇāyāṃ prajāpateḥ. savarṇā''dhatta sāmudrī daśa prācīna barhiṣaḥ .. 2.25 .. ### [2.2.27](https://indike.org/pramana/in.purana.vayu.2.2.27) sarve pracetaso nāma dhanurvedasya pāragāḥ. apṛthagdharmacaraṇāste'tapyanta mahattapaḥ. daśavarṣasahasrāṇi samudrasalileśayāḥ .. 2.26 .. ### [2.2.28](https://indike.org/pramana/in.purana.vayu.2.2.28) tapaścaratsu pṛthivīṃ pracetaḥsu mahīruhāḥ. arakṣyamāṇāmāvavṛrbabhūvātha prajākṣayaḥ .. 2.27 .. ### [2.2.29](https://indike.org/pramana/in.purana.vayu.2.2.29) pratyāhate tadā tasmiṃścākṣuṣasyāntare manoḥ . nāśakan māruto vātuṃ vṛtaṃ khamabhavaddrumaiḥ. daśavarṣasahasrāṇi na śekuśceṣṭituṃ prajāḥ .. 2.28 .. ### [2.2.30](https://indike.org/pramana/in.purana.vayu.2.2.30) tadupaśrutya tapasā sarve yuktāḥ pracetasaḥ. mukhebhyo vāyumagniñca sasṛjurjjātamanyavaḥ .. 2.29 .. ### [2.2.31](https://indike.org/pramana/in.purana.vayu.2.2.31) unmūlānatha tān vṛkṣān kṛtvā vāyuraśoṣayat. tānagniradahadvora evamāsīd drumakṣayaḥ .. 2.30 .. ### [2.2.32](https://indike.org/pramana/in.purana.vayu.2.2.32) drumakṣayamatho buddhvā kiñciccheṣeṣu śākhiṣu. upagamyābravīdetān rājā somaḥ pracetasaḥ .. 2.31 .. ### [2.2.33](https://indike.org/pramana/in.purana.vayu.2.2.33) dṛṣṭvā prayojanaṃ sarvaṃ lokasantānakāraṇāt. kopantyajata rājānaḥ sarvaṃ prācīnabarhiṣaḥ .. 2.32 .. ### [2.2.34](https://indike.org/pramana/in.purana.vayu.2.2.34) vṛkṣāḥ kṣityāṃ janiṣyanti śāmyetāmagnimārutau. ratnabhūtā tu kanyeyaṃ vṛkṣāṇāṃ varavarṇinī .. 2.33 .. ### [2.2.35](https://indike.org/pramana/in.purana.vayu.2.2.35) bhaviṣyaṃ jānatā hyeṣā mayā gobhirvivarddhitā. māriṣā nāma nāmnaiṣā vṛkṣaireva vinirmitā. bhāryā bhavatu vo hyeṣā somagarbhavivarddhitā .. 2.34 .. ### [2.2.36](https://indike.org/pramana/in.purana.vayu.2.2.36) yuṣmākaṃ tejaso'rddhena mama cārddhena tejasaḥ. asyāmutpatsyate vidvān dakṣo nāma prajāpatiḥ .. 2.35 .. ### [2.2.37](https://indike.org/pramana/in.purana.vayu.2.2.37) sa imāṃ dagdhabhūyiṣṭhāṃ yuṣmattejomayena vai. agnināgnisamo bhūyaḥ prajāḥ saṃvarddhayiṣyati .. 2.36 .. ### [2.2.38](https://indike.org/pramana/in.purana.vayu.2.2.38) tataḥ somasya vacanājjagṛhuste pracetasaḥ. saṃhṛtya kopaṃ vṛkṣebhyaḥ patnīṃ dharmeṇa māriṣām .. 2.37 .. ### [2.2.39](https://indike.org/pramana/in.purana.vayu.2.2.39) māriṣāyāṃ tataste vai manasā garbhamādadhuḥ. daśabhyastu pracetobhyo māriṣāyāṃ prajāpatiḥ .. 2.38 .. ### [2.2.40](https://indike.org/pramana/in.purana.vayu.2.2.40) dakṣo jajñe mahātejāḥ somasyāṃśena vīryavān . asṛjanmānasānādau prajā dakṣo'tha maithunāt .. 2.39 .. ### [2.2.41](https://indike.org/pramana/in.purana.vayu.2.2.41) acarāṃśca carāṃścaiva dvipado'tha catuṣpadān. visṛjya manasā dakṣaḥ paścādasṛjata striyaḥ .. 2.40 .. ### [2.2.42](https://indike.org/pramana/in.purana.vayu.2.2.42) dadau sa daśa dharmāya kaśyapāya trayodaśa. kālasya nayane yuktāḥ saptaviṃśatimindave .. 2.41 .. ### [2.2.43](https://indike.org/pramana/in.purana.vayu.2.2.43) ebhyo dattvā tato'nyā vai catasro'riṣṭanemine . dve caiva bāhuputrāya dve caivāṅgirase tathā. kanyāmekāṃ kṛśāśvāya tebhyo'patyaṃ nibodhata .. 2.42 .. ### [2.2.44](https://indike.org/pramana/in.purana.vayu.2.2.44) antaraṃ cākṣuṣasyātra manoḥ ṣaṣṭhantu hīyate. manorvaivasvatasyāpi saptamasya prajāpateḥ .. 2.43 .. ### [2.2.45](https://indike.org/pramana/in.purana.vayu.2.2.45) tāsu devāḥ khagā gāvo nāgā ditijadānavāḥ. gandharvopsarasaścaiva jajñire'nyāśca jātayaḥ .. 2.44 .. ### [2.2.46](https://indike.org/pramana/in.purana.vayu.2.2.46) tataḥ prabhṛti loke'smin prajā maithunasambhavāḥ. saṅkalpāddarśanātsparśātpūrveṣāṃ sṛṣṭirucyate .. 2.45 .. ### [2.2.47](https://indike.org/pramana/in.purana.vayu.2.2.47) ..ṛṣaya ūcuḥ.. ### [2.2.48](https://indike.org/pramana/in.purana.vayu.2.2.48) devānāṃ dānavānāñca devarṣīṇāñca te śubhaḥ. sambhavaḥ kathitaḥ pūrvaṃ dakṣasya ca mahātmanaḥ .. 2.46 .. ### [2.2.49](https://indike.org/pramana/in.purana.vayu.2.2.49) prāṇātprajāpaterjanma dakṣasya kathitaṃ tvayā. kathaṃ pracetasatvañca punarlebhe mahātapāḥ .. 2.47 .. ### [2.2.50](https://indike.org/pramana/in.purana.vayu.2.2.50) etannaḥ saṃśayaṃ sūta vyākhyātuṃ tvamihārhasi. sa dauhitraśca somasya kathaṃ śvaśuratāṅgataḥ .. 2.48 .. ### [2.2.51](https://indike.org/pramana/in.purana.vayu.2.2.51) ..sūta uvāca.. ### [2.2.52](https://indike.org/pramana/in.purana.vayu.2.2.52) utpattiśca nirodhaśca nityaṃ bhūteṣu sattamāḥ. ṛṣayo'tra na muhyanti vidyāvantaśca ye narāḥ .. 2.49 .. ### [2.2.53](https://indike.org/pramana/in.purana.vayu.2.2.53) yuge yuge bhavantyete sarve dakṣādayo dvijāḥ . punaścaiva nirudhyante vidvāṃstatra na muhyati .. 2.50 .. ### [2.2.54](https://indike.org/pramana/in.purana.vayu.2.2.54) jyaiṣ‌ṭhyaṃ kāniṣṭhyamapyeṣāṃ pūrvaṃ nāsīd dvijottamāḥ. tapa eva garīyo'bhūt prabhāvaścaiva kāraṇam .. 2.51 .. ### [2.2.55](https://indike.org/pramana/in.purana.vayu.2.2.55) imāṃ visṛṣṭiṃ yo veda cākṣuṣasya carācaram. prajānāmāyuruttīrṇaḥ svargaloke mahīyate .. 2.52 .. ### [2.2.56](https://indike.org/pramana/in.purana.vayu.2.2.56) eṣa sargaḥ samākhyātaścākṣuṣasya samā sataḥ. ityete ṣaḍhavisargā hikrāntā manvantarātmakāḥ. svāyambhuvādyā- saṃkṣepāccākṣuṣāntā yathākramam .. 2.53 .. ### [2.2.57](https://indike.org/pramana/in.purana.vayu.2.2.57) ete sargā yathāprajñaṃ proktā vai dvijasattamāḥ. vaivasvatanisargeṇa teṣāṃ jñeyastu vistaraḥ .. 2.54 .. ### [2.2.58](https://indike.org/pramana/in.purana.vayu.2.2.58) anantā nātiriktāśca sarve sargā vivasvataḥ. ārogyāyuṣpramāṇena dharmataḥ kāmato'rthataḥ. etāneva guṇāneti yaḥ paṭhatyanasūyakaḥ .. 2.55 .. ### [2.2.59](https://indike.org/pramana/in.purana.vayu.2.2.59) vaivasvatasya vakṣyāmi sāmpratasya mahātmanaḥ. samāsādvyāsataḥ sargaṃ bruvato me nibodhata .. 2.56 .. ### [2.2.60](https://indike.org/pramana/in.purana.vayu.2.2.60) itiśrīmahāpurāṇe vāyuprokte pṛthuvaṃśānukīrttanaṃ nāma dvitīyo'dhyāyaḥ .. 2 .. ### [2.2.61](https://indike.org/pramana/in.purana.vayu.2.2.61) 2.2.13 ### [2.2.62](https://indike.org/pramana/in.purana.vayu.2.2.62) vatsaṃ svāyambhuvaṃ kṛtvā dugdhā''gnīdhreṇa vai mahī iti pāṭhāntaraḥ ### [2.4.1](https://indike.org/pramana/in.purana.vayu.2.4.1) ..ṛṣaya ūcuḥ .. ### [2.4.2](https://indike.org/pramana/in.purana.vayu.2.4.2) śrutvā pādaṃ dvitīyantu krāntaṃ sūtena dhīmatā. atastṛtīyaṃ papraccha pādaṃ vai śāṃśapāyanaḥ .. 4.1 .. ### [2.4.3](https://indike.org/pramana/in.purana.vayu.2.4.3) pāda krānto dvitīyo'yamanu ṣaṅgeṇa yastvayā. tṛtīyaṃ vistarātpādaṃ sopodvātaṃ prakīrttaya. evamukto'bravītsūtaḥ prahṛṣṭenāntarātmanā .. 4.2 .. ### [2.4.4](https://indike.org/pramana/in.purana.vayu.2.4.4) ..sūta uvāca.. ### [2.4.5](https://indike.org/pramana/in.purana.vayu.2.4.5) kīrttayiṣye tṛtīyañca sopodvātaṃ savistaram. pādaṃ samudayādviprā gadato me nibodhata .. 4.3 .. ### [2.4.6](https://indike.org/pramana/in.purana.vayu.2.4.6) manorvaivasvatasyemaṃ sāmpratasya mahātmanaḥ. vistareṇānupūrvyā ca nisargaṃ śrṛṇuta dvijāḥ .. 4.4 .. ### [2.4.7](https://indike.org/pramana/in.purana.vayu.2.4.7) caturyugaikasaptatyā saṅkhyātaḥ pūrvameva tu. saha devagaṇaiścaiva ṛṣibhirdānavaiḥ saha .. 4.5 .. ### [2.4.8](https://indike.org/pramana/in.purana.vayu.2.4.8) pitṛgandharvayakṣaiśca rakṣobhūtagaṇaistathā. mānuṣaiḥ paśubhiścaiva pakṣibhiḥ sthāvaraiḥ saha .. 4.6 .. ### [2.4.9](https://indike.org/pramana/in.purana.vayu.2.4.9) manvādikaṃ bhaviṣyāntamākhyānairbahuvistaram . vakṣye vaivasvataṃ sargaṃ namaskṛtya vivasvate .. 4.7 .. ### [2.4.10](https://indike.org/pramana/in.purana.vayu.2.4.10) ādye manvantare'tītāḥ sargāḥ prāvarttakāśca ye. svāyambhuve'ntare pūrvaṃ saptāsan ye maharṣayaḥ. cākṣuṣasyāntare'tīte prāpte vaivasvate punaḥ .. 4.8 .. ### [2.4.11](https://indike.org/pramana/in.purana.vayu.2.4.11) dakṣasya ca ṛṣīṇāñca bhṛgvādīnāṃ mahaujasām. śāpānmaheśvarasyāsīt prādurbhāvo mahātmanām .. 4.9 .. ### [2.4.12](https://indike.org/pramana/in.purana.vayu.2.4.12) bhūyaḥ saptarṣayaste ca utpannāḥ sapta mānasāḥ. putratve kalpitāścaiva svayameva svayambhuvā .. 4.10 .. ### [2.4.13](https://indike.org/pramana/in.purana.vayu.2.4.13) prajāsantānakṛdbhistairutpadyadbhirmahātmabhiḥ. punaḥ pravarttitaḥ sargo yathāpūrvaṃ yathākramam .. 4.11 .. ### [2.4.14](https://indike.org/pramana/in.purana.vayu.2.4.14) teṣāṃ prasūtiṃ vakṣyāmi viśuddhajñānakarmaṇām. samāsavyāsayogābhyāṃ yathāvadanupūrvaśaḥ .. 4.12 .. ### [2.4.15](https://indike.org/pramana/in.purana.vayu.2.4.15) yeṣāmanvayasambhūtairloko'yaṃ sacarācaraḥ. punaḥ sa pūritaḥ sargo graha nakṣatramaṇḍitaḥ .. 4.13 .. ### [2.4.16](https://indike.org/pramana/in.purana.vayu.2.4.16) etacchrutvā vacastasya munīnāṃ saṃśayo'bhavat . tatastaṃ saṃśayāviṣṭāḥ sūtaṃ saṃśayaniścaye. satkṛtya paripapracchurmunayaḥ śaṃsitavratāḥ .. 4.14 .. ### [2.4.17](https://indike.org/pramana/in.purana.vayu.2.4.17) ..ṛṣaya ūcuḥ.. ### [2.4.18](https://indike.org/pramana/in.purana.vayu.2.4.18) kathaṃ saptarṣayaḥ pūrvvamutpannāḥ sapta mānasāḥ. putratve kalpitāścaiva tanno nigada sattama. tato'bravīnmahātejāḥ sūta paurāṇikaḥ śubham .. 4.15 .. ### [2.4.19](https://indike.org/pramana/in.purana.vayu.2.4.19) kathaṃ saptarṣayaḥ siddhā ye vai svāyambhuve'ntare. manvantaraṃ samāsādya punarvaivasvataṃ kila .. 4.16 .. ### [2.4.20](https://indike.org/pramana/in.purana.vayu.2.4.20) bhavābhiśāpātsaṃviddhā hyaprāptāste tadā tapaḥ. upapannā jane loke sakṛdāgāminastu te .. 4.17 .. ### [2.4.21](https://indike.org/pramana/in.purana.vayu.2.4.21) ūcuḥ sarve tato'nyonyaṃ janaloke maharṣayaḥ. ūcureva mahābhāgā vāruṇe vitate kratau .. 4.18 .. ### [2.4.22](https://indike.org/pramana/in.purana.vayu.2.4.22) sarve vayaṃ prasūyāmaścākṣuṣasyāntare manoḥ. pitāmahātmajāḥ sarve tataḥ śreyo bhaviṣyati .. 4.19 .. ### [2.4.23](https://indike.org/pramana/in.purana.vayu.2.4.23) svāyambhuve'ntare śaptāḥ saptārthaṃ te bhavena tu. jajñire vai punaste ha janalokāddivaṃ gatā .. 4.20 .. ### [2.4.24](https://indike.org/pramana/in.purana.vayu.2.4.24) devasya mahato yajñe vāruṇīṃ bibhratastanum. brahmaṇo juhvataḥ śukramagnau pūrvaṃ prajepsayā. ṛṣayo jajñire pūrvaṃ dvitīyamiti naḥ śrutam .. 4.21 .. ### [2.4.25](https://indike.org/pramana/in.purana.vayu.2.4.25) bhṛguraṅgirā marīciḥ pulastyaḥ pulahaḥ kratuḥ. atriścaiva vasiṣṭhaśca aṣṭau te brahmaṇaḥ sutāḥ .. 4.22 .. ### [2.4.26](https://indike.org/pramana/in.purana.vayu.2.4.26) tathāsya vitate yajñe devāḥ sarve samāgatāḥ. yajñāṅgāni ca sarvāṇi vaṣaṭkāraśca mūrtimān .. 4.23 .. ### [2.4.27](https://indike.org/pramana/in.purana.vayu.2.4.27) mūrttimanti ca sāmāni yajūṃṣi ca sahasraśaḥ. ṛgveda ścābhavattatra padakramavibhūṣitaḥ .. 4.24 .. ### [2.4.28](https://indike.org/pramana/in.purana.vayu.2.4.28) yajurvedaśca vṛttāḍhya oṅkāravadanojjvalaḥ. sthito yajñārthasaṃpṛktasūktabrāhmaṇamantravān .. 4.25 .. ### [2.4.29](https://indike.org/pramana/in.purana.vayu.2.4.29) sāmavedaśca vṛttāḍhyaḥ sarvageyapuraḥsaraḥ. viśvāvasvādibhiḥ sārddhaṃ gandharvaiḥ sambhṛto'bhavat .. 4.26 .. ### [2.4.30](https://indike.org/pramana/in.purana.vayu.2.4.30) brahma vedastathā ghoraiḥ kṛtyāvidhibhiranvitaḥ. pratyaṅgirasayogaiśca dviśarīraśiro'bhavat .. 4.27 .. ### [2.4.31](https://indike.org/pramana/in.purana.vayu.2.4.31) lakṣaṇāni svarāḥ stobhā niruktasvarabhaktayaḥ. āśrayastu vaṣaṭ‌kāro nigrahapragrahāvapi .. 4.28 .. ### [2.4.32](https://indike.org/pramana/in.purana.vayu.2.4.32) dīptā dīptirilādevī diśaḥ pradiśagīśvarāḥ . devakanyāśca patnyaśca tathā mātara eva ca .. 4.29 .. ### [2.4.33](https://indike.org/pramana/in.purana.vayu.2.4.33) āyuḥ sarvata evaite devasya yajato mukhe. mūrttimantaḥ svarūpākhyā varuṇasya vapurbhṛtaḥ .. 4.30 .. ### [2.4.34](https://indike.org/pramana/in.purana.vayu.2.4.34) svayambhuvastu tā dṛṣṭvā retaḥ samapatadbhuvi. brahmarṣerbhāvabhūtasya vidhānācca na saṃśayaḥ .. 4.31 .. ### [2.4.35](https://indike.org/pramana/in.purana.vayu.2.4.35) kṛtvā juhāva srugbhyāñca sruveṇa parigṛhya ca. ājyavajjuhuvāñjakre mantravacca pitāmahaḥ .. 4.32 .. ### [2.4.36](https://indike.org/pramana/in.purana.vayu.2.4.36) tataḥ sa janayāmāsa bhūtagrāmaṃ prajāpatiḥ. tasyārvāk tejasastasya yajñe lokeṣu taijasam. tamasābhāvavyāpyatvaṃ tathā sattvaṃ tathā rajaḥ .. 4.33 .. ### [2.4.37](https://indike.org/pramana/in.purana.vayu.2.4.37) saguṇāttejaso nityamākāśe tamasi sthitam. tamasastejasatvācca sarvabhūtāni jajñire .. 4.34 .. ### [2.4.38](https://indike.org/pramana/in.purana.vayu.2.4.38) yadā tasminnajāyanta kāle putrāstu karmajāḥ. ājyasthālyāmupādāya svaśukraṃ hutavāṃśca ha .. 4.35 .. ### [2.4.39](https://indike.org/pramana/in.purana.vayu.2.4.39) śukre hute'tha tasmiṃstu prādurbhūtā maharṣayaḥ. jvalanto vapuṣā yuktāḥ sapta vai prasavairguṇaiḥ .. 4.36 .. ### [2.4.40](https://indike.org/pramana/in.purana.vayu.2.4.40) hute cāgnau sakṛcchukre jvālāyā niḥsṛtaḥ kaviḥ. hiraṇyagarbhastaṃ dṛṣṭvā jvālāṃ bhittvā viniḥsṛtam. bhṛgustvamiti hovāca yasmāttasmātsa vai bhṛguḥ .. 4.37 .. ### [2.4.41](https://indike.org/pramana/in.purana.vayu.2.4.41) mahādevastathodbhūtaṃ dṛṣṭvā brāhmaṇamabravīt. mamaiṣa putrakāmasya dīkṣitasya tvayaṃ prabho. vijajñe'tha bhṛgurddevo mama putro bhavatvayam .. 4.38 .. ### [2.4.42](https://indike.org/pramana/in.purana.vayu.2.4.42) tathoti samanujñāto mahādevaḥ svayambhuvā. putratve kalpayāmāsa mahādevastathā bhṛgum. vāruṇā bhṛgavastasmāttadapatyañca sa prabhuḥ .. 4.39 .. ### [2.4.43](https://indike.org/pramana/in.purana.vayu.2.4.43) dvitīyantu tataḥ śukramaṅgāreṣvapatatprabhuḥ. aṅgāreṣvaṅgiro'ṅgāni saṃhitāni tato'ṅgirāḥ .. 4.40 .. ### [2.4.44](https://indike.org/pramana/in.purana.vayu.2.4.44) sambhūtiṃ tasya tāṃ dṛṣṭvā vahnirbrahmāṇamabravīt. retodhāstubhyamevāhaṃ dvitīyo'yaṃ mamāstviti .. 4.41 .. ### [2.4.45](https://indike.org/pramana/in.purana.vayu.2.4.45) evamastviti so'pyukto brahmaṇā sadasaspatiḥ. tasmādaṅgirasaścāpi āgneyā iti naḥ śrutam .. 4.42 .. ### [2.4.46](https://indike.org/pramana/in.purana.vayu.2.4.46) ṣaṭ‌kṛtyastu punaḥ śukre brahmaṇā lokakāriṇā. hute samabhavaṃstatra ṣaḍbrahmāṇa iti śrutiḥ .. 4.43 .. ### [2.4.47](https://indike.org/pramana/in.purana.vayu.2.4.47) marīciḥ prathamastatra marīcibhyaḥ samutthitaḥ. kratau tasmin suto jajñe yatastasmātsa vai kratuḥ .. 4.44 .. ### [2.4.48](https://indike.org/pramana/in.purana.vayu.2.4.48) ahaṃ tṛtīya ityarthastasmādatriḥ sa kīrttyate. keśaiśca niśitairbhūtaḥ pulastyastena sa smṛtaḥ .. 4.45 .. ### [2.4.49](https://indike.org/pramana/in.purana.vayu.2.4.49) keśairlambaiḥ samudbhūtastasmāttu pulahaḥ smṛtaḥ . vasumadhyātsamutpanno vasumān vasudhāśrayaḥ .. 4.46 .. ### [2.4.50](https://indike.org/pramana/in.purana.vayu.2.4.50) vasiṣṭha iti tattvajñaiḥ procyate vrahmavādibhiḥ . ityete brahmaṇaḥ putrā mānasāḥ ṣaṇmaharṣayaḥ .. 4.47 .. ### [2.4.51](https://indike.org/pramana/in.purana.vayu.2.4.51) lokasya santānakarāstairimā varddhitāḥ prajāḥ. prajāpataya ityevaṃ paṭhyante brahmaṇaḥ sutāḥ .. 4.48 .. ### [2.4.52](https://indike.org/pramana/in.purana.vayu.2.4.52) apare pitaro nāma etaireva maharṣibhiḥ. utpāditā ṛṣigaṇāḥ sapta lokeṣu viśrutāḥ .. 4.49 .. ### [2.4.53](https://indike.org/pramana/in.purana.vayu.2.4.53) mārīcā bhārgavāścaiva tathaivāṅgiraso'pare. paulastyāḥ paulahāścaiva vāsiṣṭhāścaiva viśrutāḥ. ātreyāśca gaṇāḥ proktāḥ pitṝṇāṃ lokaviśrutāḥ .. 4.50 .. ### [2.4.54](https://indike.org/pramana/in.purana.vayu.2.4.54) ete samāsatastāta puraiva tu guṇāstrayaḥ. apūrvaśca prakāśāśca jyotiṣmantaśca viśrutāḥ .. 4.51 .. ### [2.4.55](https://indike.org/pramana/in.purana.vayu.2.4.55) teṣāṃ rājā yamo devo yamairvihitakalmaṣāḥ. apare prajānāṃ patayastāñchṛṇudhvamatandritāḥ .. 4.52 .. ### [2.4.56](https://indike.org/pramana/in.purana.vayu.2.4.56) karddamaḥ kaśyapaḥ śeṣo vikrāntaḥ suśruvāstathā. bahuputraḥ kumāraśca vivasvān sa śuciśravāḥ .. 4.53 .. ### [2.4.57](https://indike.org/pramana/in.purana.vayu.2.4.57) pracetaso'riṣṭanemirbahulasva prajāpatiḥ. ityevamādayo'nye'pi bahavaśca prajeśvarāḥ .. 4.54 .. ### [2.4.58](https://indike.org/pramana/in.purana.vayu.2.4.58) kuśoccayā vālakhilyāḥ sambhūtāḥ paramarṣayaḥ. manojavāḥ sarvagatāḥ sārvabhaumāśca te'bhavan .. 4.55 .. ### [2.4.59](https://indike.org/pramana/in.purana.vayu.2.4.59) jātā bhasmavyapohinyāṃ brahmarṣigaṇasammatāḥ. vaikhānasā munigaṇāstapaḥśrutaparāyaṇāḥ .. 4.56 .. ### [2.4.60](https://indike.org/pramana/in.purana.vayu.2.4.60) srotobhyastasya cotpannāvaśvinau rūpasammitau. vidurjanmākṣarajaso vimalā netrasambhavāḥ 4.57 .. ### [2.4.61](https://indike.org/pramana/in.purana.vayu.2.4.61) jyeṣṭhāḥ prajānāṃ patayaḥ srotobhyastasya jajñire. ṛṣayo romakūpebhyastathā svedamalodbhavāḥ .. 4.58 .. ### [2.4.62](https://indike.org/pramana/in.purana.vayu.2.4.62) dāruṇā hi rute māsā niryāsāḥ pakṣasandhayaḥ. vatsarā ye tvahorātrāḥ pitraṃ jyotiśca dāruṇam .. 4.59 .. ### [2.4.63](https://indike.org/pramana/in.purana.vayu.2.4.63) raudraṃ lohitamityāhurlohitaṃ kanakaṃ smṛtam. tanmaitramiti vijñeyaṃ dhūmaśca paśavaḥ smṛtāḥ .. 4.60 .. ### [2.4.64](https://indike.org/pramana/in.purana.vayu.2.4.64) ye'rcciṣastasya te rudrāstathādityāḥ samudbhavāḥ. aṅgārebhyaḥ samutpannā jyotiṣo divyamānuṣāḥ .. 4.61 .. ### [2.4.65](https://indike.org/pramana/in.purana.vayu.2.4.65) ādimānasya lokasya brahmā brahmasamudbhavaḥ. sarvakāmadamityāhustatra kanyāmudāharan .. 4.62 .. ### [2.4.66](https://indike.org/pramana/in.purana.vayu.2.4.66) brahmā suragurustatra tridaśaiḥ saṃprasīdati. ime vai janayiṣyanti prajāḥ sarvāḥ prajeśvarāḥ .. 4.63 .. ### [2.4.67](https://indike.org/pramana/in.purana.vayu.2.4.67) sve prajānāṃ patayaḥ sarve cāpi tapasvinaḥ. tatprasādādimām̐llokāndhārayeyurimāḥ kriyāḥ .. 4.64 .. ### [2.4.68](https://indike.org/pramana/in.purana.vayu.2.4.68) dvandvaṃ saṃvarddhayāmāsa tava tejovivarddhanam. deveṣu vedavidvāṃsaḥ sarve rājarṣayastathā .. 4.65 .. ### [2.4.69](https://indike.org/pramana/in.purana.vayu.2.4.69) vedamantra parāḥ sarve prajāpatiguṇodbhavāḥ. anantaṃ brahma satyañca tapaśca paramaṃ bhuvi .. 4.66 .. ### [2.4.70](https://indike.org/pramana/in.purana.vayu.2.4.70) sarve hi vayamete ca tavaiva prasavaḥ prabho. brahma ca brāhmaṇāścaiva lokāścaiva carācarāḥ .. 4.67 .. ### [2.4.71](https://indike.org/pramana/in.purana.vayu.2.4.71) marīcimāditaḥ kṛtvā devāśca ṛṣibhiḥ saha. apatyānīha sañcintya te'patyaṅkāmayāmahe .. 4.68 .. ### [2.4.72](https://indike.org/pramana/in.purana.vayu.2.4.72) tasmin yajñe mahābhāgā devāśca ṛṣibhiḥ saha. etadvaṃśasamudbhūtāḥ sthānakālābhimāninaḥ .. 4.69 .. ### [2.4.73](https://indike.org/pramana/in.purana.vayu.2.4.73) na ca tenaiva rūpeṇa sthāpayeyurimāḥ prajāḥ. yugādinidhanāccaiva sthāpayeyurimāḥ prajāḥ .. 4.70 .. ### [2.4.74](https://indike.org/pramana/in.purana.vayu.2.4.74) tato'bravīllokaguruḥ paramityavicārayan . evaṃ devā viniścitya mayā sṛṣṭā na saṃśayaḥ. bhavatāṃ vaṃśasambhūtāḥ punarete maharṣayaḥ .. 4.71 .. ### [2.4.75](https://indike.org/pramana/in.purana.vayu.2.4.75) teṣāṃ bhṛghoḥ kīrtayiṣye vaṃśaṃ pūrvamahātmanaḥ. vistareṇānupūrvyā ca prathamasya prajāpateḥ .. 4.72 .. ### [2.4.76](https://indike.org/pramana/in.purana.vayu.2.4.76) bhāryā bhṛgorapratime uttame'bhijane śubhe. hiraṇyakaśipoḥ kanyā divyā nāma pariśrutā. pulomnaścāpi paulomī duhitā vara varṇinī .. 4.73 .. ### [2.4.77](https://indike.org/pramana/in.purana.vayu.2.4.77) bhṛgostvajanayaddivyā kāvyaṃ vedavidāṃ varam. devāsurāṇāmācāryaṃ śukraṅkavisutaṃ graham .. 4.74 .. ### [2.4.78](https://indike.org/pramana/in.purana.vayu.2.4.78) sa śukraścośanā khyātaḥ smṛtaḥ kāvyo'pi nāmataḥ. pitṝṇāṃ mānasī kanyā somapānāṃ yaśasvinī. śukrasya bhāryāṅgī nāma vijajñe caturaḥ sutān .. 4.75 .. ### [2.4.79](https://indike.org/pramana/in.purana.vayu.2.4.79) brāhmeṇa tejasā yuktaḥ sa cāto brahmavittamaḥ. tasyāmeva tu catvāraḥ putrāḥ śukrasya jajñire .. 4.76 .. ### [2.4.80](https://indike.org/pramana/in.purana.vayu.2.4.80) tvaṣṭā varūtrī dvāvetau śaṇḍāmarkau ca tāvubhau. te tadādityasaṅkāśā brahma kalpāḥ prabhāvataḥ .. 4.77 .. ### [2.4.81](https://indike.org/pramana/in.purana.vayu.2.4.81) rañjanaḥ pṛthuraśmiśca vidvānyaśca bṛhadgirāḥ. varūtriṇaḥ sutā hyete brahmiṣṭhāḥ surayājakāḥ .. 4.78 .. ### [2.4.82](https://indike.org/pramana/in.purana.vayu.2.4.82) ijyādharmavināśārthaṃ manumetyābhyayojayan. nirasyamānaṃ vai dharmaṃ dṛṣṭvendro manumabravīt .. 4.79 .. ### [2.4.83](https://indike.org/pramana/in.purana.vayu.2.4.83) etaireva tu kāmaṃ tvāṃ prāpayiṣyāmi yājanam. śrutvendrasya tu tadvākyaṃ tasmād deśādapākraman .. 4.80 .. ### [2.4.84](https://indike.org/pramana/in.purana.vayu.2.4.84) tirobhūteṣu teṣvindro dharmapatnīñca cetanām. graheṇa mocayitvā tu tataḥ so'nusasāra tām .. 4.81 .. ### [2.4.85](https://indike.org/pramana/in.purana.vayu.2.4.85) tata indravināśāya yatamānān yatīṃstu tān . tatrāgatān punardṛṣṭvā duṣṭānindraḥ prahanyatu. suṣvāpa devadevasya vedyāṃ vai dakṣiṇe tataḥ .. 4.82 .. ### [2.4.86](https://indike.org/pramana/in.purana.vayu.2.4.86) teṣāntu bhakṣyamāṇānāṃ tatra śālāvṛkaiḥ saha. śīrṣāṇi nyapataṃstāni kharjūrāṇyabhavaṃstataḥ .. 4.83 .. ### [2.4.87](https://indike.org/pramana/in.purana.vayu.2.4.87) evaṃ varūtriṇaḥ putrā indreṇa nihatāḥ purā. yajanyāṃ devayānī ca śukrasya duhitā'bhavat .. 4.84 .. ### [2.4.88](https://indike.org/pramana/in.purana.vayu.2.4.88) triśirā viśvarūpastu tvaṣṭuḥ putro'bhavanmahān. viśvarūpānujaścāpi viśvakarmā yamaḥ smṛtaḥ .. 4.85 .. ### [2.4.89](https://indike.org/pramana/in.purana.vayu.2.4.89) bhṛgostu bhṛgavo devā jajñire dvādaśātmajāḥ. devyāṃ tānsuṣuve sarvānkāvyaścaivātmajānprabhuḥ .. 4.86 .. ### [2.4.90](https://indike.org/pramana/in.purana.vayu.2.4.90) bhuvano bhāvanaścaiva anyaścānyāyatastathā. kratuḥśravāśca mūrddhā ca vyajayo vyaśruṣaśca yaḥ. prasava ścāpyajaścaiva dvādaśo'dhipatiḥ smṛtaḥ .. 4.87 .. ### [2.4.91](https://indike.org/pramana/in.purana.vayu.2.4.91) ityete bhṛgavo devāḥ smṛtā dvādaśa yājñikāḥ . paulomyajanayatputraṃ brahmiṣṭhaṃ vaśinaṃ vibhum .. 4.88 .. ### [2.4.92](https://indike.org/pramana/in.purana.vayu.2.4.92) vyādhitaḥ so'ṣṭame māsi garbhakrūreṇa karmaṇā. cyavanāccyavanāso'tha cetanastu pracetasaḥ. prācetasāccyavanakrodhādadhvānaṃ puruṣādajaḥ .. 4.89 .. ### [2.4.93](https://indike.org/pramana/in.purana.vayu.2.4.93) janayāmāsa putrau dvau sukanyāyāñca bhārgavaḥ. ātmavānaṃ dadhīcañca tāvubhau sādhusaṃmatau .. 4.90 .. ### [2.4.94](https://indike.org/pramana/in.purana.vayu.2.4.94) sārasvataḥ sarasvatyāṃ dadhīcāccopapadyate. rucī patnī mahābhāgā ātmavānasya nāhuṣī .. 4.91 .. ### [2.4.95](https://indike.org/pramana/in.purana.vayu.2.4.95) tasya ūrvoṛṣirjajñe ūrū bhittvā mahāyaśāḥ . aurvaścāsīdṛcīkastu dīptāgnisadṛśaprabhaḥ .. 4.92 .. ### [2.4.96](https://indike.org/pramana/in.purana.vayu.2.4.96) jamadagniṛcīkasya satyavatyāṃ vyajāyata. bhṛgośca ruciparyāye raudravaiṣṇavayostathā .. 4.93 .. ### [2.4.97](https://indike.org/pramana/in.purana.vayu.2.4.97) jamanādvaiṣṇavasyāgnerjamadagnirajāyata. reṇukā jamadagnestu śakratulyaparākramam. brahmakṣatramayaṃ rāmaṃ suṣuve'mitatejasam .. 4.94 .. ### [2.4.98](https://indike.org/pramana/in.purana.vayu.2.4.98) aurvasyāsītputraśataṃ jamadagnipurāgemam . teṣāṃ putrasahasrāṇi bhārgavāṇāṃ parasparāt .. 4.95 .. ### [2.4.99](https://indike.org/pramana/in.purana.vayu.2.4.99) ṛṣyantareṣu vai bāhyā bahavo bhārgavāḥ smṛtāḥ . vatso viśvo'śviṣeṇaśca pāṇḍaḥ pathyaḥ saśaunakaḥ. gotreṇa saptamā hyete pakṣā jñeyāstu bhārgavāḥ .. 4.96 .. ### [2.4.100](https://indike.org/pramana/in.purana.vayu.2.4.100) śrṛṇutāṅgiraso vaṃśamagneḥ putrasya dhīmataḥ. yasyānvavāye sambhūtā bhāradvājāḥ sagautamāḥ. devāścāṅgiraso mukhyāstviṣumanto mahaujasaḥ .. 4.97 .. ### [2.4.101](https://indike.org/pramana/in.purana.vayu.2.4.101) surūpā caiva mārīcī kārddamī ca tathā svarāṭ. pathyā ca mānavī kanyā tisro bhāryāstvatharvaṇaḥ. ityetāṅgirasaḥ patnyastāsu vakṣyāmi santatim .. 4.98 .. ### [2.4.102](https://indike.org/pramana/in.purana.vayu.2.4.102) atharvaṇastu dāyādāstāsu jātāḥ kulodvahāḥ. utpannā mahatā caiva tapasā bhāvitātmanām .. 4.99 .. ### [2.4.103](https://indike.org/pramana/in.purana.vayu.2.4.103) bṛhaspatiḥ surūpāyāṃ gautamaḥ suṣuve svarāṭ. avandhyaṃ vāmadevañca utathyamuśijantathā .. 4.100 .. ### [2.4.104](https://indike.org/pramana/in.purana.vayu.2.4.104) dhiṣṇuḥ putrastu pathyāyāṃ saṃvartaścaiva mānasaḥ. vicittaśca tathāyasyaḥ śaradvāṃścāpyutathyajaḥ .. 4.101 .. ### [2.4.105](https://indike.org/pramana/in.purana.vayu.2.4.105) aśijo dīrghatamā bṛhaduttho vāmadevajaḥ. dhiṣṇuḥ putrāḥ sudhanvāna ṛṣabhaśca sudhanvanaḥ..4.102 rathakārāḥ smṛtā devā ṛṣayo ye pariśrutāḥ. bṛhaspaterbharadvājo viśrutaḥ sumahāyaśāḥ .. 4.103 .. ### [2.4.106](https://indike.org/pramana/in.purana.vayu.2.4.106) aṅgirasastu saṃvartto devānaṅgirasaḥ śrṛṇu. bṛhaspateryavīyāṃso devā hyaṅgirasaḥ smṛtāḥ .. 4.104 .. ### [2.4.107](https://indike.org/pramana/in.purana.vayu.2.4.107) aurasāṅgirasaḥ putrāḥ surūpāyāṃ vijajñire. audāryāyurdanurdakṣo darbhaḥ prāṇastathaiva ca. haviṣmāṃśca haviṣṇuśca kratuḥ satyaśca te daśa .. 4.105 .. ### [2.4.108](https://indike.org/pramana/in.purana.vayu.2.4.108) ayasyastu utathyaśca vāmadevastathośijaḥ. bhāradvājāḥ śāṃkṛtikā gārgyakāṇvarathītarāḥ .. 4.106 .. ### [2.4.109](https://indike.org/pramana/in.purana.vayu.2.4.109) mudgalā viṣṇuvṛddhāśca haritā vāyavastathā. tathā bhākṣā bharadvājā ārṣabhāḥ kimbhayāstathā .. 4.107 .. ### [2.4.110](https://indike.org/pramana/in.purana.vayu.2.4.110) ete hyaṅgirasaḥ pakṣā vijñeyā daśa pañca ca. ṛṣyantareṣu vai bāhyā bahavo'ṅgirasaḥ smṛtāḥ .. 4.108 .. ### [2.4.111](https://indike.org/pramana/in.purana.vayu.2.4.111) mārīcaṃ parivakṣyāmi vaṃśamuttamapūruṣam. yasyānvavāye sambhūtaṃ jagatsthāvarajaṅgamam .. 4.109 .. ### [2.4.112](https://indike.org/pramana/in.purana.vayu.2.4.112) marīcirāpaścakame tābhidhyāyanprajepsayā. putraḥ sarvaguṇopetaḥ prajāvān surucirditiḥ. saṃpūjyate praśastāyāṃ manasā bhāvitā prabhuḥ .. 4.110 .. ### [2.4.113](https://indike.org/pramana/in.purana.vayu.2.4.113) āhūtāśca tataḥ sarvā āpaḥ samavasatprabhuḥ. tāsu praṇihitātmānamekaḥ so'janayatprabhuḥ .. 4.111 .. ### [2.4.114](https://indike.org/pramana/in.purana.vayu.2.4.114) putramapratimannāmnāriṣṭanemiḥ prajāpatiḥ. putraṃ marīcaṃ sūryābhaṃ vadhauveśo vyajījanat .. 4.112 .. ### [2.4.115](https://indike.org/pramana/in.purana.vayu.2.4.115) pradhyāyan hi satāṃ vācaṃ putrārthī salile sthitaḥ. saptavarṣasahasrāṇi tataḥ so'pratimo'bhavat .. 4.113 .. ### [2.4.116](https://indike.org/pramana/in.purana.vayu.2.4.116) kaśyapaḥ saviturvidvāṃstena sa brahmaṇaḥ samaḥ . manvantareṣu sarveṣu brāhmaṇāṃśena jāyate .. 4.114 .. ### [2.4.117](https://indike.org/pramana/in.purana.vayu.2.4.117) kanyānimitamityukte dakṣeṇa kupitāḥ prajāḥ . apibatsa tadā kaśyaṃ kaśyaṃ madyamihocyate .. 4.115 .. ### [2.4.118](https://indike.org/pramana/in.purana.vayu.2.4.118) hāścekasā hi vijñeyā brahmaṇaḥ kaśya ucyate. kaśyaṃ madyaṃ smṛtaṃ vipraiḥ kaśyapānāttu kaśyapaḥ .. 4.116 .. ### [2.4.119](https://indike.org/pramana/in.purana.vayu.2.4.119) karoti nāma yadvāco vācaṃ krūramudāhṛtam. dakṣābhiśaptaḥ kupitaḥ kaśyapastena so'bhavat .. 4.117 .. ### [2.4.120](https://indike.org/pramana/in.purana.vayu.2.4.120) tasmācca kaśyapenokto brahmaṇā parameṣṭhinā. tasmāddakṣaḥ kaśyapāya kanyāstāḥ pratyapadyata. sarvāśca brahmavādinyaḥ sarvāstā lokamātaraḥ .. 4.118 .. ### [2.4.121](https://indike.org/pramana/in.purana.vayu.2.4.121) ityetamṛṣisargantu puṇyaṃ yo veda vāruṇam. āyuṣmān puṇyavān śuddhaḥ sukhamāpnotyanuttamam. dhāraṇāt śravaṇāccaiva sarvapāpaiḥ pramucyate .. 4.119 .. ### [2.4.122](https://indike.org/pramana/in.purana.vayu.2.4.122) athābruvan punaḥ sarve munayo romaharṣaṇam. vinivṛtte prajāsarge ṣaṣṭhe vai cākṣuṣasya ha . nisargaḥ sampravṛtto'yaṃ manorvaiva svatasya ha .. 4.120 .. ### [2.4.123](https://indike.org/pramana/in.purana.vayu.2.4.123) ..sūta uvāca.. ### [2.4.124](https://indike.org/pramana/in.purana.vayu.2.4.124) prajāḥ sṛjeti vyādiṣṭaḥ svayaṃ dakṣaḥ svayambhuvā. sasarja dakṣo bhūtāni gatimanti dhruvāṇi ca . upasthite'ntare hyasmin manorvaivasvatasya ha .. 4.121 .. ### [2.4.125](https://indike.org/pramana/in.purana.vayu.2.4.125) tataḥ pravṛtto dakṣastuprajāḥ sraṣṭuñcaturvidhāḥ. jarāyujā aṇḍajāśca udbhijjāḥ svedajāstathā .. 4.122 .. ### [2.4.126](https://indike.org/pramana/in.purana.vayu.2.4.126) daśavarṣa sahasrāṇi taptvā ghoraṃ mahattapaḥ. sambhāvito yogabalairaṇimādyairviśeṣataḥ .. 4.123 .. ### [2.4.127](https://indike.org/pramana/in.purana.vayu.2.4.127) ātmānaṃ vyabhajan śrīmān manuṣyoragarākṣasān. devāsurasagandharvān divyasaṃhananaprajān . īśvarānātmanastulyān rūpadraviṇatejasā .. 4.124 .. ### [2.4.128](https://indike.org/pramana/in.purana.vayu.2.4.128) tathaivānyāni mudito gatimanti dhruvāṇi ca. mānasānyeva bhūtāni sisṛkṣurvividhāḥ prajāḥ .. 4.125 .. ### [2.4.129](https://indike.org/pramana/in.purana.vayu.2.4.129) ṛṣīn devān sagandharvān manuṣyoragarākṣasān. yakṣabhūtapiśācāṃśca vayaḥpaśumṛgāṃstathā .. 4.126 .. ### [2.4.130](https://indike.org/pramana/in.purana.vayu.2.4.130) yadāsya manasā sṛṣṭā na vyavarddhanta tāḥ prajāḥ. apadhyātā bhagavatā mahādevena dhīmatā .. 4.127 .. ### [2.4.131](https://indike.org/pramana/in.purana.vayu.2.4.131) maithunena ca bhāvena sisṛkṣurvividhāḥ prajāḥ. asikrīṃ cāvahat patnīṃ vīraṇasya prajāpateḥ .. 4.128 .. ### [2.4.132](https://indike.org/pramana/in.purana.vayu.2.4.132) sutāṃ sumahatā yuktāṃ tapasā lokadhāriṇīm. yayā dhṛtamidaṃ sarvaṃ jagat sthāvarajaṅgamam .. 4.129 .. ### [2.4.133](https://indike.org/pramana/in.purana.vayu.2.4.133) atrāpyudā harantīmau ślokau prācetasaṃ prati. dakṣasyodvahato bhāryāmasiknīṃ vīriṇīṃ parām .. 4.130 .. ### [2.4.134](https://indike.org/pramana/in.purana.vayu.2.4.134) kūpānāṃ niyutaṃ dakṣaḥ sarpiṇāṃ sābhimāninām. nadīgiriṣu sarjjaṃstāḥ pṛṣṭhato'nuyayau prabhuḥ .. 4.131 .. ### [2.4.135](https://indike.org/pramana/in.purana.vayu.2.4.135) taṃ dṛṣṭvā ṛṣibhiḥ proktaṃ pratiṣṭhāsyati vai prajāḥ. prathamātra dvitīyā tu dakṣasyeha prajāpateḥ .. 4.132 .. ### [2.4.136](https://indike.org/pramana/in.purana.vayu.2.4.136) tathāgacchadyathākālaṃ kūpānāṃ niyute tu saḥ. asiknīṃ vairiṇīṃ yatra dakṣaḥ prācetaso'vahat .. 4.133 .. ### [2.4.137](https://indike.org/pramana/in.purana.vayu.2.4.137) atha putrasahasraṃ sa vairiṇyāmamitaujasā. asivanyāṃ janayāmāsa dakṣaḥ prācetasaḥ prabhuḥ .. 4.134 .. _First 200 of 227 passages. [Read on](https://indike.org/pramana/in.purana.vayu.2.4)_ ## Linked texts (11) - [Brahmāṇḍapurāṇa](https://indike.org/pramana/in.purana.brahmanda.1.37.3) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.2.28) — Sanskrit - [Brahmapurāṇa](https://indike.org/pramana/in.purana.brahma.2.35) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.14.2) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.30.28) — Sanskrit - [Daśavidhahetunirūpaṇa](https://indike.org/pramana/in.vedanga.kalpa.grhya.vaikhanasa!tatparyacintamani.dasavidhahetunirupana.30.9) — Śrīnivāsamakhin, Sanskrit - [Agnipurāṇa](https://indike.org/pramana/in.purana.agni.18.20) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.63.2) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.10.22) — Ānandabhaṭṭa 1510, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.2.105) — Ṭoḍaramalla 1564, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.70.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.2.4](https://indike.org/pramana/in.purana.vayu.2.4) · Pramāṇa