[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.50 # Vayupurana 2.50: adhyāyaḥ 50 Vāyupurāṇa 2.50 - **Language:** Sanskrit ### adhyāyaḥ 50 ### [2.50.1](https://indike.org/pramana/in.purana.vayu.2.50.1) ..sanatkumāra uvāca.. ### [2.50.2](https://indike.org/pramana/in.purana.vayu.2.50.2) yajñañcakre gayo rājā bahvannaṃ bahudakṣiṇam. yatra dravyasamūhānāṃ saṃkhyā karttuṃ na śakyate .. 50.1 .. ### [2.50.3](https://indike.org/pramana/in.purana.vayu.2.50.3) sthitā gayāyāmannādiparvvatāḥ pañcaviṃśatiḥ. praśaṃsanti dvijāstatra deśe deśe supūjitāḥ .. 50.2 .. ### [2.50.4](https://indike.org/pramana/in.purana.vayu.2.50.4) naiva pūrvvaṃ kepyakurvvanna kariṣyanti cāpare. sikatā vā yathā loke yathā ca divi tārakāḥ .. 50.3 .. ### [2.50.5](https://indike.org/pramana/in.purana.vayu.2.50.5) tathā bahusuvarṇādyairasaṅkhyātāstu dakṣiṇāḥ . naiveha pūrve ye kecinna kariṣyanti cāpare .. 50.4 .. ### [2.50.6](https://indike.org/pramana/in.purana.vayu.2.50.6) praśaṃsanti dvijāstṛptā deśe deśe supūjitāḥ. gayaṃ viṣṇvādayastuṣṭā varaṃ brūhīti cābruvan .. 50.5 .. ### [2.50.7](https://indike.org/pramana/in.purana.vayu.2.50.7) gayastānprārthayāmāsa hyabhiśaptāśca ce purā. brahmaṇā te dvijāḥ pūtā bhavantu kratupūjitāḥ .. 50.6 .. ### [2.50.8](https://indike.org/pramana/in.purana.vayu.2.50.8) gayāśrāddhavidhānāya dvijā mūrttāścadurddaśa. teṣāṃ vākyaṃ prakurvvīta yadi brahmā svayaṃ bhavet .. 50.7 .. ### [2.50.9](https://indike.org/pramana/in.purana.vayu.2.50.9) gautamaṃ kāśyapaṃ kautsaṃ kauśikaṃ kaṇvameva ca. bhāradvājaṃ hyauśanasaṃ vātsyaṃ pārāśaraṃ tathā .. 50.8 .. ### [2.50.10](https://indike.org/pramana/in.purana.vayu.2.50.10) haritkumāramāṇḍavyaṃ lokākṣiṃ lokasaṃmahat. vāsiṣṭhañca tathātreyaṃ gotrāṇyeṣāṃ caturddaśa .. 50.9 .. ### [2.50.11](https://indike.org/pramana/in.purana.vayu.2.50.11) gayāpurīti mannāmnā khyātā brahma purī yathā. evamastu varaṃ dattvā tathā cāntardadhuḥ surāḥ .. 50.10 .. ### [2.50.12](https://indike.org/pramana/in.purana.vayu.2.50.12) gayaśca bhogānsambhujya viṣṇulokaṃ paraṃ yayau. viśālāyāṃ viśālo'bhūdrājā'putro 'bravīddvijān .. 50.11 .. ### [2.50.13](https://indike.org/pramana/in.purana.vayu.2.50.13) kathaṃ putrādayo me syurviśālaṃ cābruvandvijāḥ. gayāyāṃ piṇḍadānena tava sarvvaṃ bhaviṣyati .. 50.12 .. ### [2.50.14](https://indike.org/pramana/in.purana.vayu.2.50.14) viśālo'pi gayāśīrṣa piṇḍadaḥ putravānabhūt. dṛṣṭvākāśe sitaṃ raktaṃ kṛṣṇaṃ puruṣamabravīt .. 50.13 .. ### [2.50.15](https://indike.org/pramana/in.purana.vayu.2.50.15) ke yūyaṃ teṣu caivaikaḥ sitaḥ proce viśālakam. ahaṃ sitaste janaka indralokādihāgataḥ .. 50.14 .. ### [2.50.16](https://indike.org/pramana/in.purana.vayu.2.50.16) mama putra pitā rakto brahmahā pāpakṛttamaḥ . ayaṃ pitāmahaḥ kṛṣṇa ṛṣayo yena ghātitāḥ .. 50.15 .. ### [2.50.17](https://indike.org/pramana/in.purana.vayu.2.50.17) avīcinarakaṃ prāptau muktau tvatpiṇḍadānataḥ. pitṝnpitāmahāṃścaiva tathaiva prapitāmahān .. 50.16 .. ### [2.50.18](https://indike.org/pramana/in.purana.vayu.2.50.18) prīṇayāmīti yattoyaṃ tvayā dattamarindama. tenāsmadyugapadyogo jāto vākyena sattama .. 50.17 .. ### [2.50.19](https://indike.org/pramana/in.purana.vayu.2.50.19) muktiḥ kṛtā tvayā putra vrajāmaḥ svargamuttamam. evaṃ putraiḥ pitṝṇāṃ ca kartavyā muktiruttamā .. 50.18 .. ### [2.50.20](https://indike.org/pramana/in.purana.vayu.2.50.20) tvañca rājyaṃ ciraṃ kṛtvā bhuktvā bhogāṃśca durllabhān. yajñānsadakṣiṇānkṛtvā yāyādviṣṇupuraṃ tataḥ .. 50.19 .. ### [2.50.21](https://indike.org/pramana/in.purana.vayu.2.50.21) evaṃ labdhavaro rājā rājyaṃ kṛtvā divaṃgataḥ. pretarājaḥ saha pretairgayāśrāddhāddivaṃ gataḥ .. 50.20 .. ### [2.50.22](https://indike.org/pramana/in.purana.vayu.2.50.22) pretaḥ kaścidvimuktyarthaṃ vaṇijaṃ kañcidabravīt. mama nāmnā gayāśīrṣe piṇḍanirvvāpaṇaṃ kuru .. 50.21 .. ### [2.50.23](https://indike.org/pramana/in.purana.vayu.2.50.23) pretabhāvavimuktyarthaṃ tvaṃ gṛhāṇa dhanaṃ mama. tadvanaṃ sarvvamādāya gayāśrāddhavyayaṃ kuru .. 50.22 .. ### [2.50.24](https://indike.org/pramana/in.purana.vayu.2.50.24) ṣoḍaśapañcabhāgāṃśca tubhyaṃ vai dattavānaham. svanāmāni yathānyāyaṃ samyagākhyātavānaham .. 50.23 .. ### [2.50.25](https://indike.org/pramana/in.purana.vayu.2.50.25) gatvā gayāṃ gayāśīrṣa pretarājāya piṇḍakam. samadādbandhubhiḥ sārddhaṃ svapitṛbhyastato dadau .. 50.24 .. ### [2.50.26](https://indike.org/pramana/in.purana.vayu.2.50.26) pretaḥ pretatvanirmmukto vaṇik svagṛhamāgataḥ . evaṃ gayasya śambhośca kṣetraṃ viṣṇo ravestathā .. 50.25 .. ### [2.50.27](https://indike.org/pramana/in.purana.vayu.2.50.27) upoṣito'tha gāyatrītīrthe mahānadīsthite. gāyatryāḥ purataḥ snātvā prātaḥsandhyāmupāsayet .. 50.26 .. ### [2.50.28](https://indike.org/pramana/in.purana.vayu.2.50.28) śrāddhaṃ sapiṇḍakaṃ kṛtvānayedbrahmaṇyatāṃ kulam. tīrthe samudite snātvā sāvitryāḥ purato naraḥ .. 50.27 .. ### [2.50.29](https://indike.org/pramana/in.purana.vayu.2.50.29) sandhyāmupāsya madhyāhne nayetkulaśatandivam. piṇḍadānaṃ tataḥ kuryyātpitṝṇāṃ muktikāmyayā .. 50.28 .. ### [2.50.30](https://indike.org/pramana/in.purana.vayu.2.50.30) prācīsarasvatītīrthe snātvā cāpi yathāvidhi. sandhyāmupāsya sāyāhne viṣṇulokaṃ nayetpitṝn .. 50.29 .. ### [2.50.31](https://indike.org/pramana/in.purana.vayu.2.50.31) bahujanmakṛtātsandhyālopānmuktastrisandhya kṛt. viśālāyāṃ lelihāne tīrthe ca bharatāśrame .. 50.30 .. ### [2.50.32](https://indike.org/pramana/in.purana.vayu.2.50.32) pādāṅkite muṇḍapṛṣṭhe gadādharasamīpataḥ. tīrthe cākāśagaṅgāyāṃ girikarṇamukheṣu ca .. 50.31 .. ### [2.50.33](https://indike.org/pramana/in.purana.vayu.2.50.33) snāto'tha piṇḍado brahmalokaṃ kulaśataṃ nayet. devanadyāṃ vaitaraṇyāṃ snātaḥ svargaṃ nayetpitṝn .. 50.32 .. ### [2.50.34](https://indike.org/pramana/in.purana.vayu.2.50.34) snāto godo vaitaraṇyāṃ triḥsaptakulamuddharet. satyaṃ satyaṃ punaḥ satyaṃ vaitaraṇyāṃ tu nārada .. 50.33 .. ### [2.50.35](https://indike.org/pramana/in.purana.vayu.2.50.35) ekaviṃśatikulānyāhustārayennātra saṃśayaḥ. yā sā vaitaraṇī nāma nadī trailokyaviśrutā .. 50.34 .. ### [2.50.36](https://indike.org/pramana/in.purana.vayu.2.50.36) sāvatīrṇā gayākṣetre pitṝṇāṃ taraṇāya vai. godāvaryyāṃ vaitaraṇyāṃ yamunāyāṃ tathaiva ca .. 50.35 .. ### [2.50.37](https://indike.org/pramana/in.purana.vayu.2.50.37) devanadyāṃ gopracāre śrāddhadaḥ svarnayetpitṝn. puṣkariṇyāṃ ghṛtakulyāṃ madhukulyāṃ tathaiva ca .. 50.36 .. ### [2.50.38](https://indike.org/pramana/in.purana.vayu.2.50.38) koṭitīrthe rukmiṇīye piṇḍadaḥ svarnayetpitṝn. trirātropoṣaṇenaiva tīrthābhigamanena ca .. 50.37 .. ### [2.50.39](https://indike.org/pramana/in.purana.vayu.2.50.39) adattvā kāñcanaṅgāśca daridro jāyate naraḥ. ghṛtakulyā madhukulyā devikā ca mahānadī .. 50.38 .. ### [2.50.40](https://indike.org/pramana/in.purana.vayu.2.50.40) śilāyāḥ saṅgamo yatra madhusravā prakīrtitā. ayutaṃ cāśvamedhānāṃ snānakṛllabhate naraḥ .. 50.39 .. ### [2.50.41](https://indike.org/pramana/in.purana.vayu.2.50.41) śrāddhaṃ sapiṇḍakaṃ kṛtvā piṇḍadānaṃ tathaiva ca. kulānāṃ śatamuddhṛtya viṣṇulokaṃ nayennaraḥ .. 50.40 .. ### [2.50.42](https://indike.org/pramana/in.purana.vayu.2.50.42) daśāśca medhike haṃsatīrthe cāmarakaṅkaṭe. koṭitīrthe rukmakuṇḍe piṇḍadaḥ svarnayetpitṝn .. 50.41 .. ### [2.50.43](https://indike.org/pramana/in.purana.vayu.2.50.43) vaitaraṇyāṃ ghṛtakulyāṃ madhukulyāṃ tathaiva ca. koṭitīrthe naraḥ snātvā dṛṣṭvā koṭīśvarañca yaḥ .. 50.42 .. ### [2.50.44](https://indike.org/pramana/in.purana.vayu.2.50.44) koṭijanma bhavedvipro dhanāḍhyo vedapāragaḥ . mārkaṇḍeyeśakocīśau natvā syātpitṛtārakaḥ .. 50.43 .. ### [2.50.45](https://indike.org/pramana/in.purana.vayu.2.50.45) rukma pārijātavane pārvvatyā saha śaṅkaraḥ. rahasye saṃsthito reme yugānāmayutaṃ purā .. 50.44 .. ### [2.50.46](https://indike.org/pramana/in.purana.vayu.2.50.46) marīciḥ phalapuṣpārthaṃ pārijātavanaṃ gataḥ. dṛṣṭvā śapto maheśena yasmātsukhavighātakaḥ .. 50.45 .. ### [2.50.47](https://indike.org/pramana/in.purana.vayu.2.50.47) duḥkhī bhaveti tadbhīto maricistuṣṭuve śivam. tuṣṭaḥ provāca taṃ śambhurvṛṇīṣva varamuttamam .. 50.46 .. ### [2.50.48](https://indike.org/pramana/in.purana.vayu.2.50.48) śāpād bhavatu muktirmme marīciḥ prāha śaṅkaram. bhavedgayāyāṃ muktiste śivoktaḥ prayayau gayām .. 50.47 .. ### [2.50.49](https://indike.org/pramana/in.purana.vayu.2.50.49) śilāsthitastapastepe sarvveṣāṃ duṣkarañca yat. marīcirīśvarācchaptaḥ kṛṣṇatvamagamatpurā .. 50.48 .. ### [2.50.50](https://indike.org/pramana/in.purana.vayu.2.50.50) tapasā dāruṇeneha sa vipraḥ śuklatāṃ gataḥ . harirūce marīciñca varaṃ vṛṇuhi putraka .. 50.49 .. ### [2.50.51](https://indike.org/pramana/in.purana.vayu.2.50.51) kimalabhyaṃ tvayi tuṣṭe marīciḥ prāha mādhavam. haraśāpādvimukto'haṃ śilā bhavatu pāvanī .. 50.50 .. ### [2.50.52](https://indike.org/pramana/in.purana.vayu.2.50.52) pitṛmuktikarī ca syāttathetyuktvā divaṃ gataḥ. divaukasāṃ puṣkariṇīṃ samāsādya naraḥ śuciḥ .. 50.51 .. ### [2.50.53](https://indike.org/pramana/in.purana.vayu.2.50.53) yatra dattaṃ pitṛbhyastu bhavatyakṣayamityuta. tatra snāto divaṃ yāti svaśarīreṇa mānavaḥ .. 50.52 .. ### [2.50.54](https://indike.org/pramana/in.purana.vayu.2.50.54) pāpmānaṃ prajahātyeṣa jīrṇatvacamivoragaḥ. tatpaṅgajavanaṃ puṇyaṃ puṇyakṛdbhirniṣevitam .. 50.53 .. ### [2.50.55](https://indike.org/pramana/in.purana.vayu.2.50.55) pāṇḍuśilā vai tatrāste śrāddhaṃ yatrākṣayaṃ bhavet. yudhiṣṭhirastu tasyāṃ hi śrāddhaṃ karttuṃ yayau mune .. 50.54 .. ### [2.50.56](https://indike.org/pramana/in.purana.vayu.2.50.56) tatra kāle pāṇḍunoktaṃ maddhaste dehi piṇḍakam. hastaṃ tyaktvā śilāyāñca piṇḍadānañcakāra saḥ .. 50.55 .. ### [2.50.57](https://indike.org/pramana/in.purana.vayu.2.50.57) śilāyāṃ piṇḍadānena prahṛṣṭo vyāsanandanaḥ. varaṃ dadau svaputrāya rājyaṃ kuru mahītale .. 50.56 .. ### [2.50.58](https://indike.org/pramana/in.purana.vayu.2.50.58) akaṇṭakantu sampūrṇaṃ tvaṃ me trātā hi putraka. svargaṃ vraja śarīreṇa bhrātṛbhiḥ parivāritaḥ .. 50.57 .. ### [2.50.59](https://indike.org/pramana/in.purana.vayu.2.50.59) dṛṣṭimātreṇa sampūtānnarakasthāndivaṃ naya. ityuktvā prayayau pāṇḍuḥ śāśvataṃ padamavyayam .. 50.58 .. ### [2.50.60](https://indike.org/pramana/in.purana.vayu.2.50.60) udbhijjāḥ svedajā vāpi hyaṇḍajā ye jarāyujāḥ. madhusravāṃ samāsādya mṛtāḥ svargapuraṃ yayuḥ .. 50.59 .. ### [2.50.61](https://indike.org/pramana/in.purana.vayu.2.50.61) daśāśvamedhike haṃsatīrthe śrāddhāddivaṃ vrajet. daśāśvamedhahaṃsau ca natvā śivapuraṃ vrajet .. 50.60 .. ### [2.50.62](https://indike.org/pramana/in.purana.vayu.2.50.62) bharatasyāśrame śrāddhānnayedbrahmālayaṃ pitṝn. mataṅgasya pade śrāddhī brahmalokaṃ nayetpitṝn .. 50.61 .. ### [2.50.63](https://indike.org/pramana/in.purana.vayu.2.50.63) nirmmathyāgniṃ śamīgarbhe vidhirviṣṇvādibhiḥ saha. lebhe tīrthantu yajñārthaṃ triṣu lokeṣu viśrutam .. 50.62 .. ### [2.50.64](https://indike.org/pramana/in.purana.vayu.2.50.64) makhasaṃjñantu tattīrthaṃ pitṝṇāṃ mukti dāyakam. snātvā ca tarpaṇaṃ kṛtvā piṇḍado muktimāpnuyāt .. 50.63 .. ### [2.50.65](https://indike.org/pramana/in.purana.vayu.2.50.65) pitṝnsvargaṃ nayennatvā saṅgame'ṅgārakeśvarau. gayākūṭe piṇḍadānādaśvamedhaphalaṃ labhet .. 50.64 .. ### [2.50.66](https://indike.org/pramana/in.purana.vayu.2.50.66) bhasmakūṭe bhasmanāthaṃ natvā ca tārayetpitṝn . tyaktapāpo bhavenmuktaḥ saṅgame snānamācaret .. 50.65 .. ### [2.50.67](https://indike.org/pramana/in.purana.vayu.2.50.67) iṣṭiṃ cakre'śvamedhākhyaṃ vasiṣṭho munisattamaḥ. iṣṭito nirgataḥ śambhurvaraṃ vṛṇu vasiṣṭhakam .. 50.66 .. ### [2.50.68](https://indike.org/pramana/in.purana.vayu.2.50.68) prāheti taṃ vasiṣṭho'pi śiva tuṣṭho'si me yadi. vastavyaṃ cātra deveśa tathetyuktvā śivaḥ sthitaḥ .. 50.67 .. ### [2.50.69](https://indike.org/pramana/in.purana.vayu.2.50.69) piṇḍado dhenukāraṇye kāmadhenupadeṣu ca. snātvā natvātha sampūjya brahmalokaṃ nayetpitṝn .. 50.68 .. ### [2.50.70](https://indike.org/pramana/in.purana.vayu.2.50.70) karddamāle gayānābhau muṇḍapṛṣṭhasamīpataḥ. snātvā śrāddhādikaṃ kṛtvā pitṝṇāmanṛṇo bhavet .. 50.69 .. ### [2.50.71](https://indike.org/pramana/in.purana.vayu.2.50.71) phalgucaṇḍīśmaśānākṣīmaṅgalādyāḥ samarccayet. gayāyāñca vṛṣotsargātriḥ saptakulamuddharet .. 50.70 .. ### [2.50.72](https://indike.org/pramana/in.purana.vayu.2.50.72) yatra tatra sthitā devā ṛṣayo'pi jitendriyāḥ . ādyaṃ gadādharaṃ dhyāyañchrāddhapiṇḍādidānataḥ .. 50.71 .. ### [2.50.73](https://indike.org/pramana/in.purana.vayu.2.50.73) kulānāṃ śatamuddhṛtya brahmalokaṃ nayet pitṝn. gayā gayo gayā dityo gāyatrī ca gadādharaḥ .. 50.72 .. ### [2.50.74](https://indike.org/pramana/in.purana.vayu.2.50.74) gayā gayāsuraścaiva ṣaṅgayā muktidāyakāḥ. gayākhyānamidaṃ puṇyaṃ yaḥ paṭhetsatataṃ naraḥ .. 50.73 .. ### [2.50.75](https://indike.org/pramana/in.purana.vayu.2.50.75) śrṛṇuyācchraddhayā yastu sa yāti paramāṃ gatim. pāṭhayedvā gayākhyānaṃ viprebhyaḥ puṇyakṛnnaraḥ .. 50.74 .. ### [2.50.76](https://indike.org/pramana/in.purana.vayu.2.50.76) gayāśrāddhaṃ kṛtaṃ tena kṛtaṃ tena suniścitam. gayāyā mahimānañca hyabhyasedyaḥ samāhitaḥ .. 50.75 .. ### [2.50.77](https://indike.org/pramana/in.purana.vayu.2.50.77) teneṣṭaṃ rājasūyena aśvamedhena nārada. likhedvā lekhayedvāpi pūjayedvāpi pustakam .. 50.76 .. ### [2.50.78](https://indike.org/pramana/in.purana.vayu.2.50.78) tasya gehe sthirā lakṣmīḥ suprasannā bhaviṣyati. upākhyānamidaṃ puṇyaṃ gṛhe tiṣṭhati pustakam .. 50.77 .. ### [2.50.79](https://indike.org/pramana/in.purana.vayu.2.50.79) sarpāgnicaurajanitaṃ bhayaṃ tatra na vidyate. śrāddhakāle paṭhedyastu gayāmāhātmyamuttamam .. 50.78 .. ### [2.50.80](https://indike.org/pramana/in.purana.vayu.2.50.80) vidhihīnantu tatsarvaṃ pitṝṇāntu gayāsamam. yāni tīrthāni trailokye tāni dṛṣṭāni tatra vai. yena jñātaṃ gayākhyānaṃ śrutaṃ vā paṭhitaṃ mune .. 50.79 .. ### [2.50.81](https://indike.org/pramana/in.purana.vayu.2.50.81) ..sūta uvāca.. ### [2.50.82](https://indike.org/pramana/in.purana.vayu.2.50.82) sanatkumāro munipuṅgavāya puṇyāṃ kathāñcātha nivedya bhaktyā. svamāśramaṃ puṇyavanairupetaṃ visṛjya saṃgītaguruṃ jagāma .. 50.80 .. ### [2.50.83](https://indike.org/pramana/in.purana.vayu.2.50.83) iti śrīmahāpurāṇe vāyuprokte gayāmahātmyaṃ nāma pañcāśattamo'dhyāyaḥ .. 50 .. samāptamidaṃ vāyupurāṇam .. \* .. ### [2.1.p1](https://indike.org/pramana/in.purana.vayu.2.1.p1) uttarārddham .. śrīgaṇeśāya namaḥ .. ### [2.1.1](https://indike.org/pramana/in.purana.vayu.2.1.1) śāṃśapāyana uvāca.. kramaṃ manvantarāṇāntu jñātumicchāmi tattvataḥ . daivatānāṃ ca sarveṣāṃ ye ca yasyāntare manoḥ ..1.. ### [2.1.2](https://indike.org/pramana/in.purana.vayu.2.1.2) sūta uvāca.. manvantarāṇāṃ yāni syuratītānāgatāni ha . samāsādvistarāccaiva bruvato vai nibodata ..2.. ### [2.1.3](https://indike.org/pramana/in.purana.vayu.2.1.3) svāyambhuvo manuḥ pūrvaṃ manuḥ svārociṣastathā . auttamastāmasaścaiva tathā raivatacākṣuṣau . ṣaḍete manavo'tītā vakṣyāmyaṣṭāvanāgatān ..3.. ### [2.1.4](https://indike.org/pramana/in.purana.vayu.2.1.4) sāvarṇāḥ pañca raucyaśca bhautyo vaivasvatastathā . vakṣyāmyetān purastāttu manorvaivasvatasya ha ..4.. ### [2.1.5](https://indike.org/pramana/in.purana.vayu.2.1.5) manavaḥ pañca ye'tītā mānavāṃstān nibodhata . manvantaraṃ mayā coktaṃ krāntaṃ svāyambhuvasya ha ..5.. ### [2.1.6](https://indike.org/pramana/in.purana.vayu.2.1.6) ata ūrddhvaṃ pravakṣyāmi manoḥ svārociṣasya ha . prajāsargaṃ samāsena dvitīyasya mahātmanaḥ ..6.. ### [2.1.7](https://indike.org/pramana/in.purana.vayu.2.1.7) āsan vai tuṣitā devā manusvārociṣe'ntare . pārāvatāśca vidvāṃso dvāveva tu gaṇau smṛtau ..7.. ### [2.1.8](https://indike.org/pramana/in.purana.vayu.2.1.8) tuṣitāyāṃ samutpannāḥ kratoḥ putrāḥ svarociṣaḥ . pārāvatāśca śiṣṭāśca dvādaśautau gaṇau smṛtau . chandajāśca caturviṃśaddevāste vai tadā smṛtāḥ ..8.. ### [2.1.9](https://indike.org/pramana/in.purana.vayu.2.1.9) dhaivasyaśo'tha vāmānyo gopā devāyatastathā . ajaśca bhagavān devo duroṇaśca mahābalaḥ ..9.. ### [2.1.10](https://indike.org/pramana/in.purana.vayu.2.1.10) āpaścāpi mahābāhurmahaujāścāpi vīryavān . cikitvān nibhṛto yaśca aṃśoyaścaiva paṭhyate . ityete kratuputrāstu tadāsan somapāyinaḥ ..2.1.10.. 62.10 ### [2.1.11](https://indike.org/pramana/in.purana.vayu.2.1.11) pracetāścaiva yo devo viśvedevāstathaiva ca . samañjo viśruto yaśca ajihmaścārimarddanaḥ ..11.. ### [2.1.12](https://indike.org/pramana/in.purana.vayu.2.1.12) ajoṣau ca mahābhāgau yavīyaśca mahābalaḥ ..12.. ### [2.1.13](https://indike.org/pramana/in.purana.vayu.2.1.13) hotā yajvāca ityete parākrāntāḥ parāvatāḥ . ityetā devatā hyāsanmanusvārociṣentare ..13.. ### [2.1.14](https://indike.org/pramana/in.purana.vayu.2.1.14) somapāstu tadā hyetāścaturviṃśatidevatāḥ . teṣāmindrastadā hyāsīdvaidhaśca lokaviśrutaḥ ..14.. ### [2.1.15](https://indike.org/pramana/in.purana.vayu.2.1.15) ūrjau vasiṣṭhaputrastu stambhaḥ kāśyapa eva ca . bhārgavaśca tadā droṇo ṛṣabho'ṅgirasastathā ..15.. ### [2.1.16](https://indike.org/pramana/in.purana.vayu.2.1.16) paulastyaścaiva dattātrirātreyo niścalastathā . paulahasya ca dhāvāṃstu ete saptarṣayaḥ smṛtāḥ ..16.. ### [2.1.17](https://indike.org/pramana/in.purana.vayu.2.1.17) bṛhadguho navaścaiva sutāścaite nava smṛtāḥ ..17.. ### [2.1.18](https://indike.org/pramana/in.purana.vayu.2.1.18) manoḥ svārociṣasyaite putrā vaṃśakarāḥ smṛtāḥ . purāṇe parisaṅkhyātā dvitīyaṃ caitadantaram ..18.. ### [2.1.19](https://indike.org/pramana/in.purana.vayu.2.1.19) saptarṣayo manurdevāḥ pitaraśca catuṣṭayam . mūlaṃ manvantarasyaite teṣāṃ caivāntare prajāḥ ..19.. ### [2.1.20](https://indike.org/pramana/in.purana.vayu.2.1.20) ṛṣīṇāṃ devatāḥ putrāḥ pitaro devasūnavaḥ . ṛṣayo devaputrāśca iti śāstraviniścayaḥ ..2.1.20.. 62.21 ### [2.1.21](https://indike.org/pramana/in.purana.vayu.2.1.21) manoḥ kṣatraṃ viśaścaiva saptarṣibhyo dvijātayaḥ . etanmanvantaraṃ proktaṃ samāsānna tu vistarāt ..21.. ### [2.1.22](https://indike.org/pramana/in.purana.vayu.2.1.22) svāyambhuvena vistāro jñeyaḥ svārociṣasya tu . na śakyo vistarastasya vaktuṃ varṣaśatairapi . punaruktabahutvāttu prajānāṃ vaikule kule ..22.. ### [2.1.23](https://indike.org/pramana/in.purana.vayu.2.1.23) tṛtīyastvatha paryāya auttamasyāntare manoḥ . pañca caiva gaṇāḥ proktāstān vakṣyāmi nibodhata ..23.. ### [2.1.24](https://indike.org/pramana/in.purana.vayu.2.1.24) sudhāmānaśca devāśca ye cānye vaśavarttinaḥ . pratarddanāḥ śivāḥ satyā gaṇā dvādaśa vai smṛtāḥ ..24.. ### [2.1.25](https://indike.org/pramana/in.purana.vayu.2.1.25) satyo dhṛtirdamo dāntaḥ kṣamaḥ kṣāmo dhṛtiḥ śuciḥ . īṣorjāśca tathā jyeṣṭho vapuṣmāṃścaiva dvādaśa . ityete nāmabhiḥ krāntāḥ sudhāmānastu dvādaśa ..25 . ### [2.1.26](https://indike.org/pramana/in.purana.vayu.2.1.26) sahasradhāro viśvātmā śamitāro bṛhadvasuḥ . viśvadhāviśvakarmā ca manasvanto virāḍyaśāḥ ..26.. ### [2.1.27](https://indike.org/pramana/in.purana.vayu.2.1.27) jyotiścaiva vibhāvyaśca kīrttimān vaṃśakāriṇaḥ . anyānārādhito devo vasudhiṣṇo vivasvasuḥ ..27.. ### [2.1.28](https://indike.org/pramana/in.purana.vayu.2.1.28) dinakratuḥ sudharmā ca dhṛtavarmā yaśasvinaḥ . ketumāṃścaiva ityete kīrtitāstu pramarddanāḥ ..28.. ### [2.1.29](https://indike.org/pramana/in.purana.vayu.2.1.29) haṃsasvaro'hihā caiva pratarddanayaśaskarau . sudāno vasudānaśca sumañjasaviṣāvubhau ..29.. ### [2.1.30](https://indike.org/pramana/in.purana.vayu.2.1.30) jantuvāhayatiścaiva suvittasunayastathā . śivā hyete tu vijñeyā yajñiyā dvādaśāparāḥ ..2.1.30.. 62.30 ### [2.1.31](https://indike.org/pramana/in.purana.vayu.2.1.31) satyānāmapi nāmāni nibodhata yathāmatam . dikpatirvākpatiścaiva viśvaḥ śambhustathaiva ca ..31.. ### [2.1.32](https://indike.org/pramana/in.purana.vayu.2.1.32) svamṛḍīko'dhipaścaiva varccodhā muhyasarvvaśaḥ . vāsavaśca sadāśvaśca kṣemānandau tathaiva ca ..32.. ### [2.1.33](https://indike.org/pramana/in.purana.vayu.2.1.33) satyā hyete parikrāntā yajñiyā dvādaśāparāḥ . ityete devatā hyāsannauttamasyāntare manoḥ ..33.. ### [2.1.34](https://indike.org/pramana/in.purana.vayu.2.1.34) ajaśca paraśuścaiva divyo divyauṣadhirnnayaḥ . devānujaścāpratimo mahotsāhauśijastathā ..34.. ### [2.1.35](https://indike.org/pramana/in.purana.vayu.2.1.35) vinītaśca suketuśca sumitraḥ subalaḥ śuciḥ . auttamasya manoḥ putrāstrayodaśa mahātmanaḥ . ete kṣatrapraṇetārastṛtīyaṃ caitadantaram ..35.. ### [2.1.36](https://indike.org/pramana/in.purana.vayu.2.1.36) auttame parisaṅkhyātaḥ sargaḥ svārociṣeṇa tu . vistareṇānupūrvyā ca tāmasastānnibodhata ..36.. ### [2.1.37](https://indike.org/pramana/in.purana.vayu.2.1.37) caturthetvatha paryāye tāmasasyāntare manoḥ . satyā svarūpāḥ sudhiyo harayaścaturo gaṇāḥ ..37.. ### [2.1.38](https://indike.org/pramana/in.purana.vayu.2.1.38) pulastyaputrastu śīrṣyaṇyāstamaścaivāṣṭamastathā . indriyāṇi tadā devā manostasyāntare smṛtāḥ ..38.. ### [2.1.39](https://indike.org/pramana/in.purana.vayu.2.1.39) indriyāṇāṃ śataṃ yaddhimunayaḥ pratijānate . satyaprāṇāstu śīrṣyaṇyāstamaścaivāṣṭamastathā . indriyāṇi tadā devā manostasyāntare smṛtāḥ ..39.. ### [2.1.40](https://indike.org/pramana/in.purana.vayu.2.1.40) teṣāṃ ca prabhudevānāṃ śivirindraḥ pratāpavān . saptarṣayo'ntare caiva tānnibodhata sattamāḥ ..2.1.40.. 62.40 ### [2.1.41](https://indike.org/pramana/in.purana.vayu.2.1.41) kāvyo harṣastathā caiva kāśyapaḥ pṛthureva ca . ātreyaścāgnirityeva jyotirdhāmā ca bhārgavaḥ ..41.. ### [2.1.42](https://indike.org/pramana/in.purana.vayu.2.1.42) paulaho vanapīṭhaśca gotre vāsiṣṭha eva ca . caitrastathāpi paulastya ṛṣayastāmase'ntare ..42.. ### [2.1.43](https://indike.org/pramana/in.purana.vayu.2.1.43) januvaṇḍastathā śāntirnaraḥ khyātirbhayastathā . priyabhṛtyo hyavakṣiśca pṛṣṭaloḍho dṛḍhodyataḥ . ṛtaśca ṛtabandhuśca tāmasasya manoḥ sutāḥ ..43.. ### [2.1.44](https://indike.org/pramana/in.purana.vayu.2.1.44) pañcametvatha paryāye manoścāriṣṇave'ntare . gaṇāstu susamākhyātā devatānāṃ nibodhata ..44.. ### [2.1.45](https://indike.org/pramana/in.purana.vayu.2.1.45) amṛtā bhābhūtarajovikuṇṭhāḥ sasumedhasaḥ . cariṣṇostu śubhāḥ putrā vasiṣṭhasya prajāpateḥ . caturdaśa ca catvāro gaṇāsteṣāntu bhāsvarāḥ ..45.. ### [2.1.46](https://indike.org/pramana/in.purana.vayu.2.1.46) svatravipregnibhāsasva pratyetiṣṭhāmṛtastathā . sumatirvāvirāvaśca vācinodaḥ sravastathā ..46.. ### [2.1.47](https://indike.org/pramana/in.purana.vayu.2.1.47) pravirāśī ca vādaśca prāśaśceti caturdaśa . amṛtābhāḥ smṛtā hyete devāścāriṣṇave'ntare ..47.. ### [2.1.48](https://indike.org/pramana/in.purana.vayu.2.1.48) matiśca sumatiścaiva ṛtasatyau tathaiva ca . āvṛtirvivṛtiścaiva mado vinaya eva ca ..48.. ### [2.1.49](https://indike.org/pramana/in.purana.vayu.2.1.49) jetā jiṣṇuḥ sahaścaiva dyutimān sravasastathā . ityetānīha nāmāni ābhūtarajasāṃ viduḥ ..49.. ### [2.1.50](https://indike.org/pramana/in.purana.vayu.2.1.50) vṛṣabhettā jayo bhīmaḥ śucirdānto yaśo damaḥ . nātho vidvānajeyaśca kṛśo gauro dhruvastathā . kīrtitāstu vikuṇṭhā vai sumedhāstu nibodhata ..2.1.50.. 62.50 ### [2.1.51](https://indike.org/pramana/in.purana.vayu.2.1.51) medhā medhātithiścaiva satyamedhāstathaiva ca . pṛśrimedhālpamedhāśca bhūyomedhādayaḥ prabhuḥ ..51.. ### [2.1.52](https://indike.org/pramana/in.purana.vayu.2.1.52) dīptimedhā yaśomedhāḥ sthiramedhāstathaiva ca . sarvamedhāśvamedhāśca pratimedhāśca yaḥ smṛtaḥ . medhāvān medhaharttā ca kīrttitāstu sumedhasaḥ ..52.. ### [2.1.53](https://indike.org/pramana/in.purana.vayu.2.1.53) vibhurindrastadā teṣāmāsīdvikrāntapauruṣaḥ . paulastyo vedabāhuśca yajurnāmā ca kāśyapaḥ ..53.. ### [2.1.54](https://indike.org/pramana/in.purana.vayu.2.1.54) hiraṇyaromāṅgiraso vedaśrīścaiva bhārgavaḥ . ūrddhvabāhuśca vāsiṣṭhaḥ parjanyaḥ paulahastathā . satyanetrastathātreya ṛṣayo raivatāntare ..54.. ### [2.1.55](https://indike.org/pramana/in.purana.vayu.2.1.55) mahāpurāṇasambhāvyaḥ pratyaṅgaparahā śuciḥ . balabandhurnirāmitraḥ ketubhṛṅgo dṛḍhavrataḥ . cariṣṇavasya putrāste pañcamañcaitadantaram ..55.. ### [2.1.56](https://indike.org/pramana/in.purana.vayu.2.1.56) svārociṣottamaścaiva tāmaso raivatastathā . priyavratānvayā hyete catvāro manavastathā ..56.. ### [2.1.57](https://indike.org/pramana/in.purana.vayu.2.1.57) ṣaṣṭhe khalvatha paryāye devā ye cākṣuṣe'ntare . ādyāḥ prasūtā bhāvyāśca pṛthukāśca divaukasaḥ . mahānubhāvalekhāśca pañca devagaṇāḥ smṛtaḥ ..57.. ### [2.1.58](https://indike.org/pramana/in.purana.vayu.2.1.58) divaukasaḥ sarga eṣa procyate mātṛnāmabhiḥ . atreḥ putrasya naptāra āraṇyasya prajāpateḥ . gaṇāśca teṣāṃ devānāmekaiko hyaṣṭakaḥ smṛtaḥ ..58.. ### [2.1.59](https://indike.org/pramana/in.purana.vayu.2.1.59) antarikṣo vasuhayo hyatithiśca priyavataḥ . śrotā mantā sumantā ca ādyā hyete prakīrttitāḥ ..59.. ### [2.1.60](https://indike.org/pramana/in.purana.vayu.2.1.60) śyenabhadrastathā paśyaḥ pathyanetro mahāyaśāḥ . sumanāśca suvetāśca raivataḥ supracetasaḥ . dyutiścaiva mahāsattvaḥ prasūtāḥ parikīrttitāḥ ..2.1.60.. 62.60 ### [2.1.61](https://indike.org/pramana/in.purana.vayu.2.1.61) vijayaḥ sujayaścaiva manodyānau tathaiva ca . sumatiḥ supariścaiva vijñāto'rthapatiśca yaḥ . bhāvyā hyete smṛtā devāḥ pṛthukāṃstu nibodhata ..61.. ### [2.1.62](https://indike.org/pramana/in.purana.vayu.2.1.62) ajiṣṭaḥ śākyano devo vānapṛṣṭhastathaiva ca . śāṅkaraḥ satyadhṛṣṇuśca viṣṇuśca vijayastathā . ajitaśca mahābhāgaḥ pṛthukāste divaukasaḥ ..62.. ### [2.1.63](https://indike.org/pramana/in.purana.vayu.2.1.63) lekhāṃstathā pravakṣyāmi bruvato me nibodhata . manojavaḥ praghāsastu pracetāstu mahāyaśāḥ ..63.. ### [2.1.64](https://indike.org/pramana/in.purana.vayu.2.1.64) vāto dhruvakṣitiścaiva adbhutaścaiva vīryavān . avano bṛhaspatiścaiva lekhāḥ samparikīrttitāḥ ..64.. ### [2.1.65](https://indike.org/pramana/in.purana.vayu.2.1.65) manojavo mahāvīryasteṣāmindrastadābhavat . unnato bhārgavaścaiva haviṣmānaṅgiraḥsutaḥ ..65.. ### [2.1.66](https://indike.org/pramana/in.purana.vayu.2.1.66) sudhāmā kāśyapaścaiva vāsiṣṭho virajastathā . atimānaśca paulastyaḥ sahiṣṇuḥ paulahastathā . madhurā treya ityete sapta vai cākṣuṣe'ntare ..66.. ### [2.1.67](https://indike.org/pramana/in.purana.vayu.2.1.67) ūruḥ pūruḥ śatadyumnastapasvī satyavāk kṛtiḥ . agniṣṭudatirātraśca sudyumnaśceti te nava ..67.. ### [2.1.68](https://indike.org/pramana/in.purana.vayu.2.1.68) abhimanyuśca daśamo nādvaleyā manoḥ sutāḥ . cākṣuṣasya sutā hyete ṣaṣṭhaṃ caiva tadantaram ..68.. ### [2.1.69](https://indike.org/pramana/in.purana.vayu.2.1.69) vaivasvatena saṅkhyātastasya sargo mahātmanaḥ . vistareṇānupūrvyā ca kathitaṃ vai mayā dvijāḥ ..69.. ### [2.1.70](https://indike.org/pramana/in.purana.vayu.2.1.70) ..ṛṣaya ūcuḥ.. cākṣuṣasya tu dāyādaḥ sambhūtaḥ kaśyapānvaye . tasyānvavāye ye'pyanye tanno brūhi yathātatham ..2.1.70.. 62.70 ### [2.1.71](https://indike.org/pramana/in.purana.vayu.2.1.71) sūta uvāca.. cākṣuṣasya nisargantu samāsācchrotumarhatha . tasyānvavāye sambhūtaḥ pṛthurvainyaḥ pratāpavān ..71.. ### [2.1.72](https://indike.org/pramana/in.purana.vayu.2.1.72) prajānāṃ patayaścānye dakṣaḥ prācetasastathā . uttānapādaṃ jagrāha putramatriḥ prajāpatiḥ ..72.. ### [2.1.73](https://indike.org/pramana/in.purana.vayu.2.1.73) dakṣakasya tu putro'sya rājā hyāsīt prajāpateḥ . svāyambhuvena manunā datto'treḥ kāraṇaṃ prati ..73.. ### [2.1.74](https://indike.org/pramana/in.purana.vayu.2.1.74) manvantaramathāsādya bhaviṣyaṃ cākṣuṣasya ha . ṣaṣṭhaṃ tadanuvakṣyāmi upodghātena vai dvijāḥ ..74.. ### [2.1.75](https://indike.org/pramana/in.purana.vayu.2.1.75) uttānapādāccaturā sūnṛtā vittabhāvinī . utpannā cādhidharmeṇa dhruvasya jananī śubhā . dharmasya patnyāṃ lakṣmyāṃ vai utpannā sā śucismitā ..75.. ### [2.1.76](https://indike.org/pramana/in.purana.vayu.2.1.76) dhruvañca kīrttimantañca ayasmantaṃ vasuṃ tathā . uttānapādo'janayat kanye dve ca śucismite . manasvinīṃ svarāñcaiva trayoḥ putrāḥ prakīrttitāḥ ..76.. ### [2.1.77](https://indike.org/pramana/in.purana.vayu.2.1.77) dhruvo varṣasahasrāṇi daśa divyāni vīryavān . tapastepe nirāhāraḥ prārthayan vipulaṃ yaśaḥ ..77.. ### [2.1.78](https://indike.org/pramana/in.purana.vayu.2.1.78) tretāyuge tu prathame pautraḥ svāyambhuvasya saḥ . ātmānaṃ dhārayan yogāt prārthayan sumahadyaśaḥ ..78.. ### [2.1.79](https://indike.org/pramana/in.purana.vayu.2.1.79) tasmai brahmā dadau prīto jyotiṣāṃ sthānamuttamam . ābhūtasaṃplavaṃ hṛdyamastodayavivarjitam ..79.. ### [2.1.80](https://indike.org/pramana/in.purana.vayu.2.1.80) tasyātimātrāmṛddhiṃ ca mahimānaṃ nirīkṣya ha . daityāsurāṇāmācāryaḥ ślokamapyuśanā jagau..2.1.80.. 62.80 ### [2.1.81](https://indike.org/pramana/in.purana.vayu.2.1.81) aho sya tapaso vīryamaho śrutamaho hutam. sthitāḥ saptarṣayaḥ kṛtvā yadenamupari dhruvam . dhruve divaṃ samāsaktamīśvaraḥ sa divaspatiḥ ..81.. ### [2.1.82](https://indike.org/pramana/in.purana.vayu.2.1.82) dhruvātpuṣṭiñca bhavyañca bhūmiḥ sā suṣuve nṛpau . svāṃ chāyāmāha vai puṣṭirbhava nārī tu tāṃ vibhuḥ ..82.. ### [2.1.83](https://indike.org/pramana/in.purana.vayu.2.1.83) satyābhivyāhṛte tasya sadyaḥ strī sābhavattadā . divyasaṃhana nācchāyā divyābharaṇabhūṣitā ..83.. ### [2.1.84](https://indike.org/pramana/in.purana.vayu.2.1.84) chāyāyāṃ puṣṭirādhatta pañca putrānakalmaṣān . prācīnagarbhaṃ vṛṣakaṃ vṛkañca vṛkalaṃ dhṛtim ..84.. ### [2.1.85](https://indike.org/pramana/in.purana.vayu.2.1.85) patnī prācīnagarbhasya bhūvarcā suṣuve nṛpam . nāmnodāradhiyaṃ putramindro yaḥ pūrvajanmani ..85.. ### [2.1.86](https://indike.org/pramana/in.purana.vayu.2.1.86) saṃvatsarasahasrānte sakṛdāhāramāharat . evaṃ manvantaraṃ yuktamindratvaṃ prāptavānvibhuḥ ..86.. ### [2.1.87](https://indike.org/pramana/in.purana.vayu.2.1.87) udāradheḥ sutaṃ bhadrājanayatsā divañjayam . ripuṃ ripuñjayaṃ jajñe varāṅgī sā divañjayāt ..87.. ### [2.1.88](https://indike.org/pramana/in.purana.vayu.2.1.88) riporādhatta bṛhatī cākṣuṣaṃ sarvatejasam . vyajījanat puṣkariṇyāṃ vāruṇyāṃ cākṣuṇo manum . prajāpaterātmajāyāmāraṇyasya mahātmanaḥ ..88.. ### [2.1.89](https://indike.org/pramana/in.purana.vayu.2.1.89) manorajāyanta daśanadvalāyāṃ śubhāḥ sutāḥ . kanyāyāṃ vai mahābhāga vairājasya prajāpateḥ ..89.. ### [2.1.90](https://indike.org/pramana/in.purana.vayu.2.1.90) ūruḥ pūruḥ śatadyumnastapasvī satyavāk kaviḥ . agniṣṭudatirātraśca sudyumnaśceti te nava . abhimanyuśca daśamo nadvalāyāṃ manoḥ sutāḥ ..2.1.90.. 62.90 ### [2.1.91](https://indike.org/pramana/in.purana.vayu.2.1.91) ūrorajanayat putrān ṣaḍāgneyī mahāprabhān . aṅgaṃ sumanasaṃ svātiṃ kratumaṅgirasaṃ śivam ..91.. ### [2.1.92](https://indike.org/pramana/in.purana.vayu.2.1.92) aṅgāta sunīthāpatyaṃ vai venamekaṃ vyajāyata . apacāreṇa venasya prakopaḥ sumahānabhūt ..92.. ### [2.1.93](https://indike.org/pramana/in.purana.vayu.2.1.93) prajārthamṛṣayastasya mamanthurdakṣiṇaṃ karam . venasya pāṇau mathite sambabhūva mahānnṛpaḥ . vainyo nāma mahīpālo yaḥ pṛthuḥ parikīrttitaḥ ..93.. ### [2.1.94](https://indike.org/pramana/in.purana.vayu.2.1.94) sa dhanvī kavacī jātastejasā prajvalanniva . pṛthurvainyaḥ sarvalokān rarakṣa kṣatrapūrvajaḥ ..94.. ### [2.1.95](https://indike.org/pramana/in.purana.vayu.2.1.95) tasya stavārthamutpannau nipuṇau sūtamāgadhau ..95.. ### [2.1.96](https://indike.org/pramana/in.purana.vayu.2.1.96) teneyaṃ gaurmahārājñā dugdhā sasyāni dhīmatā . prajānāṃ vṛttikāmānāṃ devaiṛṣigaṇaiḥ saha ..96.. ### [2.1.97](https://indike.org/pramana/in.purana.vayu.2.1.97) pitṛbhirdānavaiścaiva gandharvairapsarogaṇaiḥ . sarvaiḥ puṇyajanaiścaiva vīrudbhiḥ parvataistathā ..97.. ### [2.1.98](https://indike.org/pramana/in.purana.vayu.2.1.98) teṣu teṣu tu pātreṣu duhyamānā vasundharā . prādādyathepsitaṃ kṣīraṃ tena lokāṃstvadhārayat ..98.. ### [2.1.99](https://indike.org/pramana/in.purana.vayu.2.1.99) ṛṣaya ūcuḥ.. vistareṇa pṛthorjanma kīrttayasva mahā mate . yathā mahātmanā dugdhā pūrvaṃ tena vasundharā ..99.. ### [2.1.100](https://indike.org/pramana/in.purana.vayu.2.1.100) yathā devaiśca nāgaiśca yathā brahmarṣibhiḥ saha . yathā yakṣaiḥ sagandharvairapsarobhiryathā purā ..2.1.100.. 62.100 ### [2.1.101](https://indike.org/pramana/in.purana.vayu.2.1.101) teṣāṃ pātraviśeṣāṃśca dogdhāraṃ kṣīrameva ca . tathā vatsaviśeṣāṃśca tannaḥ prabrūhi pṛcchatām ..101.. ### [2.1.102](https://indike.org/pramana/in.purana.vayu.2.1.102) yasmiṃśca kāraṇe pāṇirvenasya mathitaḥ purā . kruddhairmaharṣibhiḥ pūrvaṃ tat sarvaṃ kathayasva naḥ ..102.. ### [2.1.103](https://indike.org/pramana/in.purana.vayu.2.1.103) ..sūta uvāca.. varṇayiṣyāmi vo viprāḥ pṛthorvainyasya sambhavam . ekāgrāḥ prayatāścaiva śūśrūṣadhvaṃ dvijottamāḥ ..103.. ### [2.1.104](https://indike.org/pramana/in.purana.vayu.2.1.104) nāśucernāpi pāpāya nāśiṣyāyāhitāya ca . varṇayeyamimaṃ puṇyaṃ nāvratāya kathañcana ..104.. ### [2.1.105](https://indike.org/pramana/in.purana.vayu.2.1.105) svargyaṃ yaśasyamāyuṣyaṃ puṇyaṃ vedaiśca sammitam . rahasyamṛṣibhiḥ proktaṃ śrṛṇuyādyo'nasūyakaḥ ..105.. ### [2.1.106](https://indike.org/pramana/in.purana.vayu.2.1.106) yaścemaṃ śrāvayenmartyaḥ pṛthorvainyasya sambhavam . brāhmaṇebhyo namaskṛtya na sa śocet kṛtākṛtam . goptā dharmasya rājāsau babhūvātrisamaḥ prabhuḥ ..106.. ### [2.1.107](https://indike.org/pramana/in.purana.vayu.2.1.107) atrivaṃśasamutpanno hyaṅgo nāma prajāpatiḥ . yasya putro'bhavadveno nātyarthaṃ dhārmika stathā ..107.. ### [2.1.108](https://indike.org/pramana/in.purana.vayu.2.1.108) jāto mṛtyusutāyāṃ vai sunīthāyāṃ prajāpatiḥ . sa mātāmahadoṣeṇa venaḥ kālātmajātmajaḥ ..108.. ### [2.1.109](https://indike.org/pramana/in.purana.vayu.2.1.109) sa dharmaṃ pṛṣṭhataḥ kṛtvā kāmāllobhe vyavarttata . sthāpanaṃ sthāpayāmāsa dharmāpetaṃ sa pārthivaḥ ..109.. ### [2.1.110](https://indike.org/pramana/in.purana.vayu.2.1.110) vedaśāstrāṇyatikramya hyadharme nirato'bhavat . niḥsvādhyāyavaṣaṭkārāḥ prajā stasmin praśāsati . āsanna ca papuḥ somaṃ hutaṃ yajñeṣu devatāḥ ..2.1.110.. 62.110 ### [2.1.111](https://indike.org/pramana/in.purana.vayu.2.1.111) na yaṣṭavyaṃ na hotavyamiti tasya prajāpateḥ . āsīt pratijñā krūreyaṃ vināśe pratyupasthite ..111.. ### [2.1.112](https://indike.org/pramana/in.purana.vayu.2.1.112) ahamijyaśca pūjyaśca sarvayajñe dvijātibhiḥ . mayi yajño vidhātavyo mayi hotavyamityapi ..112.. ### [2.1.113](https://indike.org/pramana/in.purana.vayu.2.1.113) tamatikrāntamaryādamādadānamasāmpratam . ūcurmaharṣayaḥ sarve marīcipramukhāstathā ..113.. ### [2.1.114](https://indike.org/pramana/in.purana.vayu.2.1.114) vayaṃ dīkṣāṃ pravekṣyāmaḥ saṃvatsaraśatān bahūn . mā'dharmaṃ vena kārṣīstvaṃ naiṣa dharmaḥ sanātanaḥ . nidhane ca prasūto'si prajāpatirasaṃśayaḥ ..114.. ### [2.1.115](https://indike.org/pramana/in.purana.vayu.2.1.115) pālayiṣye prajāśceti tvayā pūrvaṃ pratiśrutam . tāṃstathā vādinaḥ sarvān brahmarṣīnabravīttadā ..115.. ### [2.1.116](https://indike.org/pramana/in.purana.vayu.2.1.116) sa prahasya tu durbuddhiridaṃ vacanakovidaḥ . sraṣṭā dharmasya kaścānyaḥ śrotavyaṃ kasya vai mayā ..116.. _First 200 of 308 passages. [Read on](https://indike.org/pramana/in.purana.vayu.2.50)_ ## Linked texts (8) - [Skandamahāpurāṇa (vulgate)](https://indike.org/pramana/in.purana.skanda*vulgate.16.336.70) — Sanskrit - [Southern recension](https://indike.org/pramana/in.lit.mahabharata.vyasa*southern.7.69.3) — Sanskrit - [Padmapurāṇa](https://indike.org/pramana/in.purana.padma.2.28.14) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.79.1) — Vyāsa, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.115.57) — Sanskrit - [Bhṛgusaṃhitā](https://indike.org/pramana/in.astro.samhita.rsi.bhrgusamhita.35.226) — Bhṛgu, Sanskrit - [Prakīrṇādhikāra](https://indike.org/pramana/in.sampradaya.vaisnava.vaikhanasa.bhrgu.prakirnadhikara.35.224) — Bhṛgu, Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.13.p50) — Vācaspatimiśra, Sanskrit --- Source: [https://indike.org/pramana/in.purana.vayu.2.50](https://indike.org/pramana/in.purana.vayu.2.50) · Pramāṇa