[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.5 # Vayupurana 2.5: adhyāyaḥ 5 Vāyupurāṇa 2.5 - **Language:** Sanskrit ### adhyāyaḥ 5 ### [2.5.1](https://indike.org/pramana/in.purana.vayu.2.5.1) ..ṛṣaya ūcuḥ .. ### [2.5.2](https://indike.org/pramana/in.purana.vayu.2.5.2) devānāṃ dānavānāñca daityānāñcaiva sarvaśaḥ. utpattiṃ vistareṇeha brūhi vaivasvate'ntare .. 5.1 .. ### [2.5.3](https://indike.org/pramana/in.purana.vayu.2.5.3) ..sūta uvāca.. ### [2.5.4](https://indike.org/pramana/in.purana.vayu.2.5.4) dharmasya tāvadvakṣyāmi nisargaṃ taṃ nibodhata. arundhatī vasuryāmī lambā bhānurmarutvatī .. 5.2 .. ### [2.5.5](https://indike.org/pramana/in.purana.vayu.2.5.5) saṅkalpā ca muhūrtā ca sādhyā viśvā tathaiva ca. dharmapatnyo daśatvetā dakṣaḥ prācetaso dadau .. 5.3 .. ### [2.5.6](https://indike.org/pramana/in.purana.vayu.2.5.6) sādhyā putrāṃstu dharmasya sādhyān dvādaśa jajñire. sādhyā nāma mahābhāgāśchandajā yajñabhāginaḥ. devebhyastān parān devān devajñāḥ paricakṣire .. 5.4 .. ### [2.5.7](https://indike.org/pramana/in.purana.vayu.2.5.7) brahmaṇo vai mukhāt sṛṣṭā jayā devāḥ prajepsayā. sarve mantraśarīrāste smṛtā manvantareṣviha .. 5.5 .. ### [2.5.8](https://indike.org/pramana/in.purana.vayu.2.5.8) darśaśca paurṇamāsaśca bṛhadyacca rathantaram . cittiścaiva vicittiśca ākūtiḥ kūtireva ca .. 5.6 .. ### [2.5.9](https://indike.org/pramana/in.purana.vayu.2.5.9) vijñātā caiva vijñāto mano yajñaśca te smṛtāḥ . nāmānyetāni teṣāṃ vai jayānāṃ prathitāni ca .. 5.7 .. ### [2.5.10](https://indike.org/pramana/in.purana.vayu.2.5.10) brahmaśāpena te jātāḥ punaḥ svāyambhuve jitāḥ. svārociṣe vai tuṣitāḥ satyāścaivottame punaḥ .. 5.8 .. ### [2.5.11](https://indike.org/pramana/in.purana.vayu.2.5.11) tāmase harayo nāma vaikuṇṭhā raivatāntare. sādhyāśca cākṣuṣe nāmnā chandajā jajñire surāḥ .. 5.9 .. ### [2.5.12](https://indike.org/pramana/in.purana.vayu.2.5.12) dharmaputrā mahābhāgāḥ sādhyā ye dvādaśāmarāḥ. pūrvaṃ sma anusūyante cākṣuṣasyāntare manoḥ .. 5.10 .. ### [2.5.13](https://indike.org/pramana/in.purana.vayu.2.5.13) svārociṣe'ntare'tītā devā ye vai mahaujasaḥ. tuṣitā nāma te'nyonyamūcurvai cākṣuṣe'ntare .. 5.11 .. ### [2.5.14](https://indike.org/pramana/in.purana.vayu.2.5.14) kiñcicchiṣṭe tadā tasmin devā vai tuṣitā'bhruvan. itaretaraṃ mahābhāgān vayaṃ sādhyān praviśya vai. manvantare bhaviṣyāmastannaḥ śreyo bhaviṣyati .. 5.12 .. ### [2.5.15](https://indike.org/pramana/in.purana.vayu.2.5.15) evamuktvātu te sarve cākṣuṣasyāntare manoḥ. tasmāddvādaśasambhūtān dharmān svāyambhuvāt punaḥ .. 5.13 .. ### [2.5.16](https://indike.org/pramana/in.purana.vayu.2.5.16) naranārāyaṇau tatra jajñāte punareva hi. vipaścidindro yaścāsīttathā satyo hariśca tau. svārociṣe'ntare pūrvamāstāntau tuṣitau surau .. 5.14 .. ### [2.5.17](https://indike.org/pramana/in.purana.vayu.2.5.17) tuṣitānāntu sādhyatve nāmānyetāni vakṣyate. mano'numantā prāṇaśca naro yānaśca vīryavān .. 5.15 .. ### [2.5.18](https://indike.org/pramana/in.purana.vayu.2.5.18) cittirhayo nayaścaiva haṃso nārāyaṇastathā. prabhavo'tha vibhuścaiva sādhyā dvādaśa jajñire .. 5.16 .. ### [2.5.19](https://indike.org/pramana/in.purana.vayu.2.5.19) svāyambhuve'ntare pūrvaṃ tataḥ svārociṣe punaḥ. nāmānyāsan punastāni tuṣitānāṃ nibodhata .. 5.17 .. ### [2.5.20](https://indike.org/pramana/in.purana.vayu.2.5.20) prāṇo'pānastathodānaḥ samāno vyāna eva ca. cakṣuḥ śrotraṃ tathā prāṇaḥ sparśo buddhirmanastathā .. 5.18 .. ### [2.5.21](https://indike.org/pramana/in.purana.vayu.2.5.21) prāṇāpānāvudānaśca samāno vyāna eva ca. nāmānyetāni pūrvantu tuṣitānāṃ smṛtāni ha .. 5.19 .. ### [2.5.22](https://indike.org/pramana/in.purana.vayu.2.5.22) vasostu vasavaḥ putrāḥ sādhyānāmanujāḥ smṛtāḥ . dharo dhruvaśca somaśca āpaścaivānalo'nilaḥ. pratyūṣaśca prabhāsaśca vasavo'ṣṭau prakīrttitāḥ .. 5.20 .. ### [2.5.23](https://indike.org/pramana/in.purana.vayu.2.5.23) dharasya putro draviṇo hutahavyavahastathā. dhruvaputro bhavo nāmnā kālo lokaprakālanaḥ .. 5.21 .. ### [2.5.24](https://indike.org/pramana/in.purana.vayu.2.5.24) somasya bhagavān varcā budhaśca grahabodhanaḥ. rohiṇyāṃ tau samutpannau triṣu lokeṣu viśrutau .. 5.22 .. ### [2.5.25](https://indike.org/pramana/in.purana.vayu.2.5.25) dhārormikalilāścaiva trayaścandramasaḥ sutāḥ. āpasya putro vaitaṇḍyaḥ śamaḥ śāntastathaiva ca .. 5.23 .. ### [2.5.26](https://indike.org/pramana/in.purana.vayu.2.5.26) skandaḥ sanatkumāraśca jajñe pādena tejasaḥ. agniputraḥ kumārastu śarastambe vyajāyata. tasya śākho viśakhaśca naigameyaśca pṛṣṭhajāḥ .. 5.24 .. ### [2.5.27](https://indike.org/pramana/in.purana.vayu.2.5.27) anilasya śivā bhāryā tasyāḥ putro manojavaḥ. avijñātagatiścaiva dvau putrāvanilasya ca .. 5.25 .. ### [2.5.28](https://indike.org/pramana/in.purana.vayu.2.5.28) pratyūṣasya viduḥ putra ṛṣirnāmnā tu devalaḥ. dvau putrau devalasyāpi kṣamāvantau manīṣiṇau .. 5.26 .. ### [2.5.29](https://indike.org/pramana/in.purana.vayu.2.5.29) bṛhaspatestu bhaginī varastrī brahmacāriṇī. yogasiddhā jagatkṛtsnamasaktā vicaratyuta .. 5.27 .. ### [2.5.30](https://indike.org/pramana/in.purana.vayu.2.5.30) prabhāsasya tu yā bhāryā vasūnāmaṣṭamasya ha. viśvakarmā sutastasyā jātaḥ śilpiprajāpatiḥ .. 5.28 .. ### [2.5.31](https://indike.org/pramana/in.purana.vayu.2.5.31) sa karttā sarvaśilpānāṃ tridaśānāñca varddhakiḥ. bhūṣaṇānāñca sarveṣāṃ karttā kārayitā ca saḥ .. 5.29 .. ### [2.5.32](https://indike.org/pramana/in.purana.vayu.2.5.32) sarveṣāñca vimānāni daivatānāṃ karoti saḥ. mānuṣāścopajīvanti yasya śilpāni śilpinaḥ .. 5.30 .. ### [2.5.33](https://indike.org/pramana/in.purana.vayu.2.5.33) viśvedevāstu viśvāyā jajñire daśa viśrutāḥ. kraturdakṣaḥ śravaḥ satyaḥ kālaḥ kāmo dhunistathā .. 5.31 .. ### [2.5.34](https://indike.org/pramana/in.purana.vayu.2.5.34) kuruvān prabhavāṃścaiva rocamānaśca te daśa. dharmaputrāḥ smṛtā hyete viśvāyāṃ jajñire śubhāḥ .. 5.32 .. ### [2.5.35](https://indike.org/pramana/in.purana.vayu.2.5.35) marutvatyāṃ marutvanto bhānavo bhānujāḥ smṛtāḥ . muhūrttāśca muhūrttāyāṃ ghoṣaṃ lambā vyajāyata .. 5.33 .. ### [2.5.36](https://indike.org/pramana/in.purana.vayu.2.5.36) saṅkalpāyāntu saṃjajñe vidvān saṅkalpa eva ca. nāgavīthyastu jāmyāñca pathatrayasamāśritāḥ .. 5.34 .. ### [2.5.37](https://indike.org/pramana/in.purana.vayu.2.5.37) pṛthivīviṣayaṃ sarvamarundhatyāṃ vyajāyata. eṣa sargaḥ samākhyāto vidvān dharmasya śāśvataḥ .. 5.35 .. ### [2.5.38](https://indike.org/pramana/in.purana.vayu.2.5.38) muhūrttāścaiva tithyaśca patibhiḥ saha suvratāḥ. nāmataḥ saṃpravakṣyāmi bruvato me nibodhata .. 5.36 .. ### [2.5.39](https://indike.org/pramana/in.purana.vayu.2.5.39) ahorātravibhāgaśca nakṣatrāṇi samāsataḥ. muhūrttāḥ sarvanakṣatrā ahorātravidastathā .. 5.37 .. ### [2.5.40](https://indike.org/pramana/in.purana.vayu.2.5.40) ahorātrakalānāntu ṣaṭ‌śatītyadhikā smṛtā. ravergativiśeṣeṇa sarveṣu ṛtumicchataḥ .. 5.38 .. ### [2.5.41](https://indike.org/pramana/in.purana.vayu.2.5.41) tato vedavidaścaitāṃ tithimicchanti parvasu. aviśeṣeṣu kāleṣu yojyaḥ sa pitṛdānataḥ .. 5.39 .. ### [2.5.42](https://indike.org/pramana/in.purana.vayu.2.5.42) raudraḥ sārvastathā maitraḥ piṇḍyavāsava eva ca. āpyo'tha vaiśvadevaśca brāhmo madhyāhnasaṃśritaḥ .. 5.40 .. ### [2.5.43](https://indike.org/pramana/in.purana.vayu.2.5.43) prājāpatyastathā aindrastathendro niṛtistathā. vāruṇaśca tathāryamṇo bhāgāścāpi dināśritāḥ .. 5.41 .. ### [2.5.44](https://indike.org/pramana/in.purana.vayu.2.5.44) ete dinamuhūrttāśca divākaravinirmitāḥ. śaṅkucchāyāniśeṣeṇa vodetavyāḥ pramāṇataḥ .. 5.42 .. ### [2.5.45](https://indike.org/pramana/in.purana.vayu.2.5.45) ajāstathāhirbudhnyaśca pūṣā hi yamadevatāḥ. āgneyaścāpi vijñeyaḥ prājāpatyastathaiva ca .. 5.43 .. ### [2.5.46](https://indike.org/pramana/in.purana.vayu.2.5.46) brahmasaumyastathādityo bārhaspatyo'tha vaiṣṇavaḥ. sāvitro'tha tathā tvāṣṭro vāyavyaśceti saṃgrahaḥ .. 5.44 .. ### [2.5.47](https://indike.org/pramana/in.purana.vayu.2.5.47) ekarātrimuhūrttāḥ syuḥ kramoktā daśa pañca ca. indorgatyudayā jñeyā nālikāḥ pādikāstathā. kālāvasthāsvigāstvete muhūrtā devatāḥ smṛtāḥ .. 5.45 .. ### [2.5.48](https://indike.org/pramana/in.purana.vayu.2.5.48) sarvagrahāṇāṃ trīṇyeva sthānāni vihitāni ca. dakṣiṇottaramadhyāni tāni vidyādyathākramam .. 5.46 .. ### [2.5.49](https://indike.org/pramana/in.purana.vayu.2.5.49) sthānaṃ jāradgavaṃ madhye tathairāvatamuttaram. vaiśvānaraṃ dakṣiṇato nirddiṣṭamiha tattvataḥ .. 5.47 .. ### [2.5.50](https://indike.org/pramana/in.purana.vayu.2.5.50) aśvinī kṛttikā yāmyā nāgavīthiriti smṛtā . puṣyo'śleṣā punarvasū vīthirairāvatī matā. tisrastu vīthayo hyetā uttare mārga ucyate .. 5.48 .. ### [2.5.51](https://indike.org/pramana/in.purana.vayu.2.5.51) pūrvottare phālgunyau ca maghā caivāryamī smṛtā . hastacitre tathā svātī govīthītyabhiśabdhitā .. 5.49 .. ### [2.5.52](https://indike.org/pramana/in.purana.vayu.2.5.52) jyeṣṭhā viśākhānurādhā vīthī jāradgavī smṛtā. etāstu vīthayastisro madhyame mārga ucyate .. 5.50 .. ### [2.5.53](https://indike.org/pramana/in.purana.vayu.2.5.53) mūlañcāṣāḍhe dve cāpi ajavīthyabhiśabditā . śravaṇañca dhaniṣṭhā ca gārgī śatabhiṣaktathā .. 5.51 .. ### [2.5.54](https://indike.org/pramana/in.purana.vayu.2.5.54) vaiśvānarī bhādrapade revatī caiva kīrtitā. smṛtā vīthyastu tisrastā mārge vai dakṣiṇe budhaiḥ .. 5.52 .. ### [2.5.55](https://indike.org/pramana/in.purana.vayu.2.5.55) saptaviṃśattu yāḥ kanyā dakṣaḥ somāya tā dadau. sarvā nakṣatranāmnyastā jyotiṣe caiva kīrttitāḥ. tāsāmapatyānyabhavan dīptānyamitatejasā .. 5.53 .. ### [2.5.56](https://indike.org/pramana/in.purana.vayu.2.5.56) yāstu śeṣāstadā kanyāḥ pratijagrāha kaśyapaḥ. caturdaśa mahābhāgāḥ sarvāstā lokamātaraḥ .. 5.54 .. ### [2.5.57](https://indike.org/pramana/in.purana.vayu.2.5.57) aditirditirdanuḥ kālā ariṣṭā surasā tathā. surabhirvinatā caiva tāmrā krodhavaśā irā. kadrurmuniśca dharmajñaḥ prajāstāsāṃ nibodhata .. 5.55 .. ### [2.5.58](https://indike.org/pramana/in.purana.vayu.2.5.58) cāriṣṇave'ntare'tīte ye dvādaśa purogamāḥ. vaikuṇṭhānāma te sātryā babhūvuścākṣuṣe'ntare .. 5.56 .. ### [2.5.59](https://indike.org/pramana/in.purana.vayu.2.5.59) upasthite'ntare hyasmin punarvaivasvatasya ha. ārādhitā hyadityā te sametyāhuḥ parasparam .. 5.57 .. ### [2.5.60](https://indike.org/pramana/in.purana.vayu.2.5.60) etāmeva mahābhāgāmaditiṃ saṃpraviśya vai. vaivasvate'ntare hyasmin yogādarddhena cetasaḥ .. 5.58 .. ### [2.5.61](https://indike.org/pramana/in.purana.vayu.2.5.61) gacchāmaḥ putratāmasyāstannaḥ śreyo bhaviṣyati. adityāstu prasūtānāmādityatvaṃ bhaviṣyati .. 5.59 .. ### [2.5.62](https://indike.org/pramana/in.purana.vayu.2.5.62) evamuktvā tu te sarve cākṣuṣasyāntare manoḥ. jajñire dvādaśādityā mārīcāt kaśyapātpunaḥ .. 5.60. śatakratuśca viṣṇuśca jajñāte punareva hi . vaivasvate'ntare hyasmin naranārāyaṇau surau .. 5.61 .. ### [2.5.63](https://indike.org/pramana/in.purana.vayu.2.5.63) teṣāmapi hi devānāṃ nidhanotpattirucyate. yathā sūryasya loke'smin udayāstamayāvubhau. prajāpateśca viṣṇośca bhavasya ca mahātmanaḥ .. 5.62 .. ### [2.5.64](https://indike.org/pramana/in.purana.vayu.2.5.64) śreṣṭhānuśravike yasmācchaktāḥ śabdādilakṣaṇe. aṣṭātmake'ṇimādye ca tasmātte cajñire surāḥ .. 5.63 .. ### [2.5.65](https://indike.org/pramana/in.purana.vayu.2.5.65) ityeṣa viṣye rāgaḥ sambhūtyāḥ kāraṇaṃ smṛtam. brahmaśāpena sambhūtā jayāḥ svāyambhuve jitāḥ .. 5.64 .. ### [2.5.66](https://indike.org/pramana/in.purana.vayu.2.5.66) svārociṣe vai tuṣitāḥ satyāścaivottame punaḥ. tāmase harayo devā jātāścāriṣṇave tu vai. vaikuṇṭhāścākṣuṣe sādhyā ādityāḥ sāmprate punaḥ .. 5.65 .. ### [2.5.67](https://indike.org/pramana/in.purana.vayu.2.5.67) dhātā'ryamā ca mitraśca varuṇoṃ'śo bhagastathā. indro vivasvān pūṣā ca parjanyo daśamaḥ smṛtaḥ .. 5.66 .. ### [2.5.68](https://indike.org/pramana/in.purana.vayu.2.5.68) tatastvaṣṭā tato viṣṇurajaghanyo'jaghanyajaḥ. ityete dvādaśādityāḥ kaśyapasya sutāḥ smṛtāḥ .. 5.67 .. ### [2.5.69](https://indike.org/pramana/in.purana.vayu.2.5.69) surabhī kaśyapādrudrānekādaśa vijajñire. mahādevaprasādena tapasā bhāvitā satī .. 5.68 .. ### [2.5.70](https://indike.org/pramana/in.purana.vayu.2.5.70) aṅgārakaṃ tathā sarpaṃ niṛtiṃ sadasaspatim. ajaikapādahirbughnyamūrddhvaketuṃ jvaraṃ tathā .. 5.69 .. ### [2.5.71](https://indike.org/pramana/in.purana.vayu.2.5.71) bhuvanañceśvaraṃ mṛtyuṃ kapālañcaiva viśrutam. devānekādaśaitāṃstu rudrāṃstribhuvaneśvarān. tapasā tena mahatā surabhī tānajījanat .. 5.70 .. ### [2.5.72](https://indike.org/pramana/in.purana.vayu.2.5.72) tato duhitarāvanye surabhī dve vyajāyata. rohiṇī caiva rudrābhā gāndhārī ca yaśasvinī .. 5.71 .. ### [2.5.73](https://indike.org/pramana/in.purana.vayu.2.5.73) rohiṇyāṃ jajñire kanyāścatasro lokaviśrutāḥ. surūpā haṃsakīlā ca bhadrā kāmadughā tathā. suṣuve kāmadughā tu surūpā tanayadvayam .. 5.72 .. ### [2.5.74](https://indike.org/pramana/in.purana.vayu.2.5.74) haṃsakīlā nṛpa mṛṣīn bhadrāyāstu vyajāyata. viśrutāstu mahābhāgā gandharvā vājinaḥ sutāḥ .. 5.73 .. ### [2.5.75](https://indike.org/pramana/in.purana.vayu.2.5.75) uccaiḥśravāstadā jātāḥ khecarāste manojavāḥ. śvetāḥ śyenāḥ piśaṅgāśca sāraṅgā haritārjunāḥ. rudrā devopabāhyāste gandharvayonayo hayāḥ .. 5.74 .. ### [2.5.76](https://indike.org/pramana/in.purana.vayu.2.5.76) bhūyo jajñe surabhyāstu śrīmān candrābhasuprabhaḥ. sragvī kakujhī dyutimānamṛtālayasambhavaḥ. surabhyanumate datto dhvajo māheśvarastu saḥ .. 5.75 .. ### [2.5.77](https://indike.org/pramana/in.purana.vayu.2.5.77) ityete kaśyapasutā rudrādityāḥ prakīrttitāḥ. dharmaputrāḥ smṛtāḥ sādhyā viśve ca vasavastathā .. 5.76 .. ### [2.5.78](https://indike.org/pramana/in.purana.vayu.2.5.78) ariṣṭanemipatnīnāmapatyānīha ṣoḍaśa. bahuputrasya viduṣaścatasro vidyutaḥ smṛtāḥ. pratyaṅgirasajāḥ śreṣṭhā ṛco brahmarṣisatkṛtāḥ .. 5.77 .. ### [2.5.79](https://indike.org/pramana/in.purana.vayu.2.5.79) kṛśāśvasya tu devarṣerdevapraharaṇāḥ smṛtāḥ . ete yugasahasrānte jāyante punareva hi .. 5.78 .. ### [2.5.80](https://indike.org/pramana/in.purana.vayu.2.5.80) sarve devagaṇā viprāstraya striṃśattu chandajāḥ. eteṣāmapi devānāṃ nirodhotpattirucyate .. 5.79 .. ### [2.5.81](https://indike.org/pramana/in.purana.vayu.2.5.81) yathā sūryasya loke'smin udayāstamayāvubhau. ete devanikāyāste sambhavanti yuge yuge .. 5.80 .. ### [2.5.82](https://indike.org/pramana/in.purana.vayu.2.5.82) ..ṛṣaya ūcuḥ.. ### [2.5.83](https://indike.org/pramana/in.purana.vayu.2.5.83) sādhyāśca vasavo viśve rudrādityāstathaiva ca. abhijātyā prabhāvaiśca karmabhiścaiva viśrutāḥ .. 5.81 .. ### [2.5.84](https://indike.org/pramana/in.purana.vayu.2.5.84) prajāpateśca viṣṇośca bhavasya ca mahātmanaḥ. antaraṃ jñātumicchāmo yaśca yasmādviśiṣyate .. 5.82 .. ### [2.5.85](https://indike.org/pramana/in.purana.vayu.2.5.85) yaśca yasmāt prabhavati yaśca yasmin pratiṣṭhitaḥ. jyāyānyo madhyamaścaiva kanīyān yaśca teṣu vai .. 5.83 .. ### [2.5.86](https://indike.org/pramana/in.purana.vayu.2.5.86) pradhānabhūto yasteṣāṃ guṇabhūtaśca teṣu yaḥ. karmabhiścābhijātyā ca prabhāveṇa ca yo mahān. etat prabhrūhi naḥ sarvaṃ tvaṃ hi vettha yathāyatham .. 5.84 .. ### [2.5.87](https://indike.org/pramana/in.purana.vayu.2.5.87) ..sūta uvāca.. ### [2.5.88](https://indike.org/pramana/in.purana.vayu.2.5.88) atra vo varṇayiṣyehamantaranteṣu yat smṛtam. yadbrahmaviṣṇurudrāṇāṃ śrṛṇudhvaṃ me vivakṣataḥ .. 5.85 .. ### [2.5.89](https://indike.org/pramana/in.purana.vayu.2.5.89) rājasī tāmasī caiva sāttvikī caiva tāḥ smṛtāḥ . tanvaḥ svayambhuvaḥ proktāḥ kāle kāle bhavanti yāḥ .. 5.86 .. ### [2.5.90](https://indike.org/pramana/in.purana.vayu.2.5.90) etāsāmantaraṃ vaktuṃ naiva śakyaṃ dvijottamāḥ. guṇavṛddhinibandhatvād dvidhānugrahabandhataḥ .. 5.87 .. ### [2.5.91](https://indike.org/pramana/in.purana.vayu.2.5.91) pravṛttiñca nivṛttiñca guṇavṛddhimiha dvijāḥ. yathāśakti pravakṣyāmi tanūnāṃ tannibodhata .. 5.88 .. ### [2.5.92](https://indike.org/pramana/in.purana.vayu.2.5.92) ekā tu kurute tāsāṃ rājasī sarvataḥ prajāḥ. ekā caivārṇavasthā tu sānugṛhṇāti sāttvikī. ekā sā kṣipate kāle tāmasī grasate prajāḥ .. 5.89 .. ### [2.5.93](https://indike.org/pramana/in.purana.vayu.2.5.93) rajasā tu samudrikto brahmā sambhavate yadā. puruṣākhyā tadā tasya sāttvikī vinivarttate .. 5.90 .. ### [2.5.94](https://indike.org/pramana/in.purana.vayu.2.5.94) yadā bhavati kālātmā udrekāttamasastu saḥ. brahmākhyā sā tadā tvasya rājasī vinivarttate .. 5.91 .. ### [2.5.95](https://indike.org/pramana/in.purana.vayu.2.5.95) sattvodrekāttu puruṣo yadā bhavati sa prabhuḥ. kālākhyā sā tadā tasya punarnabhavatīti vai .. 5.92 .. ### [2.5.96](https://indike.org/pramana/in.purana.vayu.2.5.96) kramāttasya nivarttante rūpaṃ nāma ca karma ca. trailokye varttamānasya sarvānugrahanigrahaiḥ .. 5.93 .. ### [2.5.97](https://indike.org/pramana/in.purana.vayu.2.5.97) yadā bhavati brahmā ca tadā cāntaramucyate. yadā ca puruṣo brahmā na caiva puruṣastu saḥ .. 5.94 .. ### [2.5.98](https://indike.org/pramana/in.purana.vayu.2.5.98) maṇirvibhajate varṇān vicitrān sphaṭike yathā. vaimalyādāśrayavaśāttadvarṇaḥ syāttadañjanaḥ .. 5.95 .. ### [2.5.99](https://indike.org/pramana/in.purana.vayu.2.5.99) tadā guṇavaśāttasya svayambhoranurañjanam. ekatve ca pṛthaktve ca proktametannidarghanam .. 5.96 .. ### [2.5.100](https://indike.org/pramana/in.purana.vayu.2.5.100) eko bhūtvā yathā meghaḥ pṛthaktvenāvatiṣṭhate. rūpato varṇataścaiva tathā guṇavaśāttu saḥ .. 5.97 .. ### [2.5.101](https://indike.org/pramana/in.purana.vayu.2.5.101) bhavatyeko dvidhā caiva tridhā mūrtivināśanāt. eko brahmāntakṛccaiva puruṣaśceti te trayaḥ .. 5.98 .. ### [2.5.102](https://indike.org/pramana/in.purana.vayu.2.5.102) ekasyaitāḥ smṛtāstisrastanavastu svayambhuvaḥ. brāhmī ca pauruṣī caiva antakārī ca te trayaḥ .. 5.99 .. ### [2.5.103](https://indike.org/pramana/in.purana.vayu.2.5.103) tatra yā rājasī tasya tanuḥ sā vai prajākarī. yā tāmasī tu kālākhyā prajākṣayakarī tu sā. sāttvikī pauruṣī yā tu sānugrahakarī smṛtā .. 5.100 .. ### [2.5.104](https://indike.org/pramana/in.purana.vayu.2.5.104) rājasyā brahmaṇoṃ'śena marīciḥ kaśyapo'bhavat. tāmasī cāntakṛdyā tu tadaṃśenābhavadbhavaḥ .. 5.101 .. ### [2.5.105](https://indike.org/pramana/in.purana.vayu.2.5.105) sāttvikī pauruṣī yā sā tasyāḥ śociṣṇurucyate. trailokye tāḥ smṛtāstisrastanavastu svayambhuvaḥ .. 5.102 .. ### [2.5.106](https://indike.org/pramana/in.purana.vayu.2.5.106) nānāprayojanārthāṃ hi kālo'vasthāṃ karoti yaḥ. brahmatvena prajāḥ sṛṣṭhvā viṣṇutvenānugṛhya ca. vaiṣṇavyānugṛhītā stā raudyānugrasate punaḥ .. 5.103 .. ### [2.5.107](https://indike.org/pramana/in.purana.vayu.2.5.107) ekaḥ svayambhuvaḥ kālastribhistrīn vai karoti saḥ. sṛjate cānugṛhṇāti prajāḥ saṃharate tathā .. 5.104 .. ### [2.5.108](https://indike.org/pramana/in.purana.vayu.2.5.108) ityetāḥ kathitā stisrastanavastu svayambhuvaḥ. prajāpatyā ca raudrī ca vaiṣṇavī caiva tāḥ smṛtāḥ .. 5.105 .. ### [2.5.109](https://indike.org/pramana/in.purana.vayu.2.5.109) ekā tanuḥ smṛtā vede dharmaśāstre purātane. sāṅkhyayogapare vīraiḥ pṛthaktvaikatvadarśibhiḥ. abhijātaprabhāvajñaiṛṣibhistattvadarśibhiḥ .. 5.106 .. ### [2.5.110](https://indike.org/pramana/in.purana.vayu.2.5.110) ekatve ca pṛthaktve ca tāsu bhinnāḥ prajāstviha . idaṃ paramidaṃ neti bruvato bhinnadarśanāḥ .. 5.107 .. ### [2.5.111](https://indike.org/pramana/in.purana.vayu.2.5.111) brahmāṇaṃ kāraṇaṃ kecit kecit prāhuḥ prajāpatim. kecicchivaṃ paratvena prāhurviṣṇuṃ tathā'pare. avijñānena saṃsaktāḥ saktā ratyādicetasā .. 5.108 .. ### [2.5.112](https://indike.org/pramana/in.purana.vayu.2.5.112) tattvaṃ kālañca deśañca kāryāṇyāvekṣya tattvataḥ. kāraṇañca smṛtā hyetā nānārtheṣviha devatāḥ .. 5.109 .. ### [2.5.113](https://indike.org/pramana/in.purana.vayu.2.5.113) ekaṃ nindati yasteṣāṃ sarvānena sa nindati. ekaṃ praśasamānastu sarvāneva praśaṃsati. ekaṃ yo vetti puruṣaṃ tamāhurbrahmavādinam .. 5.110 .. ### [2.5.114](https://indike.org/pramana/in.purana.vayu.2.5.114) adveṣastu sadā kāryo devatāsu vijānatā. na śakyamīśvaraṃ jñātumaiśvaryeṇa vyavasthitam .. 5.111 .. ### [2.5.115](https://indike.org/pramana/in.purana.vayu.2.5.115) ekātmā sa tridhā bhūtvā saṃmohayati yaḥ prajāḥ. eteṣāñca trayāṇāntu vicarantyantaraṃ janāḥ .. 5.112 .. ### [2.5.116](https://indike.org/pramana/in.purana.vayu.2.5.116) jijñāsantaḥ parīkṣantaḥ saktā rūpāvicetasaḥ. idaṃ paramidaṃ neti vadanti bhinnadarśinaḥ .. 5.113 .. ### [2.5.117](https://indike.org/pramana/in.purana.vayu.2.5.117) yātudhānān viśantyetāḥ piśācāṃścaiva tānnarān . ekatvena pṛthaktvena svayambhūrvyavatiṣṭhate .. 5.114 .. ### [2.5.118](https://indike.org/pramana/in.purana.vayu.2.5.118) guṇamātrātmikābhistu tanubhirmohayan prajāḥ. teṣvekaṃ yajate yastu sa tadā yajate trayam .. 5.115 .. ### [2.5.119](https://indike.org/pramana/in.purana.vayu.2.5.119) tasmāddevāstrayo hyete nairantarye vyavasthitāḥ. tasmāt pṛthaktvamekatvasaṅkhyā saṅkhyāgatāgatam. ekatvaṃ vā bahutvaṃ vā teṣu ko jñātumarhati .. 5.116 .. ### [2.5.120](https://indike.org/pramana/in.purana.vayu.2.5.120) yasmāt sṛṣṭvānugṛhṇīte grasate caiva te prajāḥ . guṇātmakatvātrtraikālye tasmādekaḥ sa ucyate .. 5.117 .. ### [2.5.121](https://indike.org/pramana/in.purana.vayu.2.5.121) rudraṃ brah‌māṇamindrañca loka pālān ṛṣīn danūn. devaṃ tamekaṃ bahudhā prāhurnārāyaṇaṃ dvijāḥ .. 5.118 .. ### [2.5.122](https://indike.org/pramana/in.purana.vayu.2.5.122) prājāpatyā tanuryā ca tanuryā caiva vaiṣṇavī. manvantare ca kalpe ca āvarttante punaḥ punaḥ .. 5.119 .. ### [2.5.123](https://indike.org/pramana/in.purana.vayu.2.5.123) tejasā yaśasā buddhyā śrutena ca balena ca . jāyante tatsamāścaiva tānapīha nibodhata .. 5.120 .. ### [2.5.124](https://indike.org/pramana/in.purana.vayu.2.5.124) rājasyā brāhmaṇoṃ'śena marīciḥ kaśyapo'bhavat. tāmasyāstasya cāṃśena kālātmā rudra ucyate . sāttvikyāḥ puruṣāṃśena yajñe viṣṇurabhūttadā .. 5.121 .. ### [2.5.125](https://indike.org/pramana/in.purana.vayu.2.5.125) triṣu kāleṣu tasyaitā brahmaṇastanavoṃ'śajāḥ. kālo bhūtvā punaścāsau rudraḥ saṃharate prajāḥ .. 5.122 .. ### [2.5.126](https://indike.org/pramana/in.purana.vayu.2.5.126) samprāpte caiva kalpānte saptaraśmirddivākaraḥ. bhūtvā saṃvarttakādityo lokāṃstrīn sa tadādahat .. 5.123 .. ### [2.5.127](https://indike.org/pramana/in.purana.vayu.2.5.127) viṣṇuḥ prajānugṛhṇāti nāmarupaviparyaye . tasyāntasyāmavasthāyāṃ tattadutpattikāraṇam .. 5.124 .. ### [2.5.128](https://indike.org/pramana/in.purana.vayu.2.5.128) sattvodriktā tu yā proktā brahmaṇaḥ pauruṣī tanuḥ. tasyāṃśena vijajñe sa iha svāyambhuve'ntare. ākūtyāṃ manaso deva utpannaḥ prathame vibhuḥ .. 5.125 .. ### [2.5.129](https://indike.org/pramana/in.purana.vayu.2.5.129) tataḥ punaḥ sa vai devo prāpte svārociṣe'ntare. tuṣitāyāṃ samutpanno hyatītastuṣitaiḥ saha .. 5.126 .. ### [2.5.130](https://indike.org/pramana/in.purana.vayu.2.5.130) auttame cāntare caiva tuṣitastu viduḥ sa vai. vaśavarttibhirutpanno vaśavarttī hariḥ punaḥ .. 5.127 .. ### [2.5.131](https://indike.org/pramana/in.purana.vayu.2.5.131) satyāyāmabhavatsatyaḥ satyaiḥ saha surottamaiḥ. tāmasasyāntare cāpi samprāpte punareva hi. bhāryāyāṃ haribhiḥ sārddhaṃ harireva babhūva ha .. 5.128 .. ### [2.5.132](https://indike.org/pramana/in.purana.vayu.2.5.132) cāriṣṇave'ntare cāpi harirdavaḥ punastu saḥ. vaikuṇṭhāyāmasau jajñe hyābhūtarajasaiḥ saha. vaikuṇṭhaḥ sa punarddevaḥ samprāpte cākṣuṣe'ntare .. 5.129 .. ### [2.5.133](https://indike.org/pramana/in.purana.vayu.2.5.133) dharmo nārāyaṇaḥ sādhyaḥ sādhyaiḥ saha surairabhūt . sa tu nārāyaṇaḥ sādhyaḥ prāpte vaivasvate'ntare .. 5.130 .. ### [2.5.134](https://indike.org/pramana/in.purana.vayu.2.5.134) mārīcāt kaśyapādviṣṇuradityāṃ sambamūva ha. tristriḥ kramairimān lokān jitvā viṣṇururukramam .. 5.131 .. ### [2.5.135](https://indike.org/pramana/in.purana.vayu.2.5.135) pratyapādayadindrāya devebhyaścaiva sa prabhuḥ. ityetāsatanavastasya vyatītāḥ sapta saptasu. manvantareṣvatīteṣu yābhiḥ saṃrakṣitāḥ prajāḥ .. 5.132 .. ### [2.5.136](https://indike.org/pramana/in.purana.vayu.2.5.136) tasmādviṣṭamidaṃ sarvaṃ vāmaneneha jāyatā. tasmātsa vai smṛto viṣṇurviśerdhātoḥ praveśanāt .. 5.133 .. ### [2.5.137](https://indike.org/pramana/in.purana.vayu.2.5.137) ityete brahmaṇaścaiva vāmanasya mahātmanaḥ. ekatvañca pṛthaktvañca viśiṣṭatvañca kīrttitam .. 5.134 .. ### [2.5.138](https://indike.org/pramana/in.purana.vayu.2.5.138) devatānāmihāṃśena jāyante yāstu devatāḥ. tāsāntāstejasā buddhyā śrutena ca balena ca. jāyante tatsamāścaiva tā vai teṣāmanugrahāt .. 5.135 .. ### [2.5.139](https://indike.org/pramana/in.purana.vayu.2.5.139) yadyadvibhūtimatsattvaṃ śrīmadūrjitameva vā. tattadevāvagacchaghvaṃ viṣṇostejoṃ'śasambhavam .. 5.136 .. ### [2.5.140](https://indike.org/pramana/in.purana.vayu.2.5.140) sa evaṃ jāyateṃ'śena kecidicchanti mānavāḥ. tato'pare bruvantīmamanyonyāṃśena jāyate .. 5.137 .. ### [2.5.141](https://indike.org/pramana/in.purana.vayu.2.5.141) evaṃ vivadamānāste dṛṣṭvā tānvai bruvanti ha. yasmānna vidyate bhedo manasaścetasaśca ha. tasmādanugrahāsteṣāṃ kṣetrajñāste bhavantyuta .. 5.138 .. ### [2.5.142](https://indike.org/pramana/in.purana.vayu.2.5.142) ekastu prabhuśaktyā vai bahudhā bhavatīśvaraḥ. bhūtvā yasmācca bahudhā bhavanyekaḥ punastu saḥ .. 5.139 .. ### [2.5.143](https://indike.org/pramana/in.purana.vayu.2.5.143) tasmātsumanaso bhedājjāyante tejasaśca ha. manvantareṣu sarveṣu prajāḥ sthāvarajaṅgamāḥ. sargādau sakṛdutpannāstiṣṭhantīha praśaṃsayā .. 5.140 .. ### [2.5.144](https://indike.org/pramana/in.purana.vayu.2.5.144) prāpte prāpte tu kalpānte rudraḥ saṃharati prajāḥ. jāyante mohayanto'nyānīśvarā yogamāyayā .. 5.141 .. ### [2.5.145](https://indike.org/pramana/in.purana.vayu.2.5.145) aiśvaryeṇa carantaste mohayanti hyanīśvarāḥ. tasmāddoṣapracāreṣu yuktāyuktaṃ na vidyate .. 5.142 .. ### [2.5.146](https://indike.org/pramana/in.purana.vayu.2.5.146) bhūtāpavādino duṣṭā madhyasthā bhūtabhāvinaḥ. bhūtāpavādinaḥ śaktāstrayo vedāḥ pravādinām .. 5.143 .. ### [2.5.147](https://indike.org/pramana/in.purana.vayu.2.5.147) dṛḍhapūrvaśrutatvācca pravādāccaiva laukikāt. caturbhiḥ kāraṇairebhiryathātattvaṃ na vindati .. 5.144 .. ### [2.5.148](https://indike.org/pramana/in.purana.vayu.2.5.148) pūrvamarthāntare nyastāḥ kālāntaragatā api. tenānyat santamapyarthaṃ dveṣānna pratipadyate .. 5.145 .. ### [2.5.149](https://indike.org/pramana/in.purana.vayu.2.5.149) darśānāṃ dravyabhūto yo guṇabhūtastu teṣu yaḥ. karmaṇāṃ manasāṃ karttā abhijātyā ca yo mahān. śrutajñaiḥ kāraṇairetaiścaturbhiḥ parikīrttyate .. 5.146 .. ### [2.5.150](https://indike.org/pramana/in.purana.vayu.2.5.150) aśaktaruṣṭo jānāti devatāḥ pravibhāgaśaḥ. imau codāharantyatra ślokau yogeśvaraṃ prati .. 5.147 .. ### [2.5.151](https://indike.org/pramana/in.purana.vayu.2.5.151) ātmanaḥ pratirūpāṇi pareṣāñca sahasraśaḥ. kuryādyogabalamprāpya taiśca sarvaiḥ sahācaret .. 5.148 .. ### [2.5.152](https://indike.org/pramana/in.purana.vayu.2.5.152) prāpnuyādviṣayāścaiva tathaivogratapaścaran . saṃharecca punaḥ sarvān sūryatejo guṇāniva .. 5.149 .. ### [2.5.153](https://indike.org/pramana/in.purana.vayu.2.5.153) iti śrīmahāpurāṇe vāyuprokte kaśyapīyaprajāsargo nāma pañcamo'dhyāyaḥ .. 5 .. \* ## Linked texts (10) - [Brahmāṇḍapurāṇa](https://indike.org/pramana/in.purana.brahmanda.2.3.1) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.15.115) — Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.3.37) — Sanskrit - [Brahmapurāṇa](https://indike.org/pramana/in.purana.brahma.3.39) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.31.5.31.30) — Sanskrit - [Agnipurāṇa](https://indike.org/pramana/in.purana.agni.18.41) — Vyāsa, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.2.139) — Ṭoḍaramalla 1564, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.176.p5) — Hemādri, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.170.p5) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.170.p5) — Hemādri, Sanskrit --- Source: [https://indike.org/pramana/in.purana.vayu.2.5](https://indike.org/pramana/in.purana.vayu.2.5) · Pramāṇa