[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.6 # Vayupurana 2.6: adhyāyaḥ 6 Vāyupurāṇa 2.6 - **Language:** Sanskrit ### adhyāyaḥ 6 ### [2.6.1](https://indike.org/pramana/in.purana.vayu.2.6.1) ..ṛṣaya ucuḥ .. ### [2.6.2](https://indike.org/pramana/in.purana.vayu.2.6.2) etacchrutvā vacastasya naimiṣeyāstapasvinaḥ. papracchuṛṣayaḥ śreṣṭhaṃ vacanasya yathākramam .. 6.1 .. ### [2.6.3](https://indike.org/pramana/in.purana.vayu.2.6.3) saptasviha kathaṃ devā jātā manvantareṣviha. indraviṣṇupradhānāste ādityāstu mahaujasaḥ. etat prabrūhi naḥ sarvaṃ vistarādromaharṣaṇa .. 6.2 .. ### [2.6.4](https://indike.org/pramana/in.purana.vayu.2.6.4) eva muktastadā sūto vinayī brahmavādibhiḥ. uvāca vadatāṃ śreṣṭho yathā pṛṣṭo maharṣibhiḥ .. 6.3 .. ### [2.6.5](https://indike.org/pramana/in.purana.vayu.2.6.5) ..sūta uvāca.. ### [2.6.6](https://indike.org/pramana/in.purana.vayu.2.6.6) vrahmaṇo vai mukhāt sṛṣṭā yathā devāḥ prajepsayā. sarva mantraśarīrāste smṛtā manvatareṣviha .. 6.4 .. ### [2.6.7](https://indike.org/pramana/in.purana.vayu.2.6.7) darśaśca paurṇamāsaśca bṛhadyacca rathantaram. ākūtaḥ prathamasteṣāṃ tatastvākūtireva ca .. 6.5 .. ### [2.6.8](https://indike.org/pramana/in.purana.vayu.2.6.8) vittiścaiva suvittiśca ākūtiḥ kūtireva ca. adhīṣṭastu tato jñeyaḥ adhītiścaiva tattvataḥ. vijñātiścaiva vijñāto mānavo ye ca dvādaśa .. 6.6 .. ### [2.6.9](https://indike.org/pramana/in.purana.vayu.2.6.9) jñeyo dvādaśaputraśca yaścābdena samājayet. taṃ dṛṣṭvā cābravīdbrahmā jayā devānasūyata .. 6.7 .. ### [2.6.10](https://indike.org/pramana/in.purana.vayu.2.6.10) dārā grihotrasaṃyoge mithyāmārabhateti ca. evamuktvā tu taṃ vrahmā tatraivāntaradhīyata .. 6.8 .. ### [2.6.11](https://indike.org/pramana/in.purana.vayu.2.6.11) tataste nābhyanandanta tadvākyaṃ parameṣṭhinaḥ. satyasyeha tu karmāṇi vāṅmanaḥ karmajāni tu .. 6.9 .. ### [2.6.12](https://indike.org/pramana/in.purana.vayu.2.6.12) ya evāpyavatiṣṭhante doṣaṃ dṛṣṭvā tu karmasu. kṣayātiśayayuktantu te dṛṣṭvā karmaṇāṃ phalam .. 6.10 .. ### [2.6.13](https://indike.org/pramana/in.purana.vayu.2.6.13) jugupsantaḥ prasūtiñca nistandrā nirmamābhavan. ajasraṃ kāṃkṣamāṇāste viraktā doṣadarśinaḥ .. 6.11 .. ### [2.6.14](https://indike.org/pramana/in.purana.vayu.2.6.14) arthaṃ dharmañca kāmañca hitvā te vai vyavasthitāḥ. pauruṣaṃ jñānamāsthāya tejaḥ saṃkṣipya cāsthitāḥ .. 6.12 .. ### [2.6.15](https://indike.org/pramana/in.purana.vayu.2.6.15) teṣāñca tamabhiprāyaṃ jñātvā brahmā cukopa ha. tānabravīttadā brahmā nirutsāhāt surānatha .. 6.13 .. ### [2.6.16](https://indike.org/pramana/in.purana.vayu.2.6.16) prajārthamiha yūyaṃ vai prajāsraṣṭā'smi nānyathā. prasūyadhvaṃ jayaghvañcetyuktavānasmi yat purā .. 6.14 .. ### [2.6.17](https://indike.org/pramana/in.purana.vayu.2.6.17) yasmādvākyamanādṛtya mama vairāgyamāsthitāḥ. jugupsamānāḥ svaṃ janma santatiṃ nābhi nandatha .. 6.15 .. ### [2.6.18](https://indike.org/pramana/in.purana.vayu.2.6.18) karmaṇāñca kṛto nyāso hyamṛtattvābhikāṃkṣayā. tasmādyūyamanādṛtya saptakṛtvastu yāsyatha .. 6.16 .. ### [2.6.19](https://indike.org/pramana/in.purana.vayu.2.6.19) te śaptā brahmaṇā devā jayāstaṃ vai prasādayan. kṣamāsmākaṃ mahādeva yadajñānāt kṛtaṃ vibho .. 6.17 .. ### [2.6.20](https://indike.org/pramana/in.purana.vayu.2.6.20) praṇipatya sānunayaṃ brahmā tānabravīt punaḥ. loke mayānanujñātaḥ kaḥ svātantryamihārhasi .. 6.18 .. ### [2.6.21](https://indike.org/pramana/in.purana.vayu.2.6.21) mayā parigataṃ sarvaṃ kathamacchandato mama. pratipatsyanti bhūtāni śubhaṃ vā yadi vā'śubham .. 6.19 .. ### [2.6.22](https://indike.org/pramana/in.purana.vayu.2.6.22) loke yadasti kiñcidvai sattvāsattvavyavasthitam. buddhyātmanā mayā vyāptaṃ ko māṃ loke'tisandhayet .. 6.20 .. ### [2.6.23](https://indike.org/pramana/in.purana.vayu.2.6.23) bhūtānāṃ tarkitaṃ yacca yaccāpyeṣāṃ vidhāritam. tathā vicāritaṃ yacca tatsarvaṃ viditaṃ mama .. 6.21 .. ### [2.6.24](https://indike.org/pramana/in.purana.vayu.2.6.24) mayā sthitamidaṃ sarvaṃ jagat sthāvarajaṅgamam. āśāmayena tattvena kathaṃ chettumihotsahe .. 6.22 .. ### [2.6.25](https://indike.org/pramana/in.purana.vayu.2.6.25) yasmāccāhaṃ vivṛtto vai sargārthamiha nānyathā. iha karmāṇyanārabhya ko me chandādvimokṣyate .. 6.23 .. ### [2.6.26](https://indike.org/pramana/in.purana.vayu.2.6.26) paribhāṣya tato devān jayān vai naṣṭacetasaḥ. abravītsa punastān vai dhṛtān daṇḍe prajāpatiḥ .. 6.24 .. ### [2.6.27](https://indike.org/pramana/in.purana.vayu.2.6.27) yasmānmamābhisandhāya sannyāso vaḥ kṛtaḥ purā. yasmātsa viphalo'yanno hyapārastveṣa yaḥ kṛtaḥ. bhavitā'taḥ sukhodarko devā bhāveṣu jāyatām .. 6.25 .. ### [2.6.28](https://indike.org/pramana/in.purana.vayu.2.6.28) ātmacchandena vo janma bhaviṣyati surottamāḥ. manvantareṣu saṃmūḍhāḥ ṣaṭ‌su sarve gamiṣyatha .. 6.26 .. ### [2.6.29](https://indike.org/pramana/in.purana.vayu.2.6.29) vaivasvatānteṣu surāstathā svāyambhuvādiṣu. tān jñātvā brahmaṇā tatra śloko gītaḥ purātanaḥ .. 6.27 .. ### [2.6.30](https://indike.org/pramana/in.purana.vayu.2.6.30) trayīṃ vidyāṃ brahmacaryaṃ prasūtiṃ śrāddhameva ca . yajñañcaiva tu dānañca eṣāmeva tu kurvatām. sa hi sma virajā bhūtvā vasate'nyapraśaṃsayā .. 6.28 .. ### [2.6.31](https://indike.org/pramana/in.purana.vayu.2.6.31) sa evaṃ slokaṃ dṛṣṭvā tu jayā devānathābravīt. vaivasvate'ntare'tīte matsamīpamiheṣyatha .. 6.29 .. ### [2.6.32](https://indike.org/pramana/in.purana.vayu.2.6.32) tato yūyaṃ mayā sārddhaṃ siddhiṃ prāpsyatha śāśvatīm. evamuktvā tu tān brahmā tatraivāntaradhīyata .. 6.30 .. ### [2.6.33](https://indike.org/pramana/in.purana.vayu.2.6.33) tato devāstirobhūte īśvare hyakutobhayam. prapannā aṇimādyaiśca yuktā yogabalānvitāḥ .. 6.31 .. ### [2.6.34](https://indike.org/pramana/in.purana.vayu.2.6.34) tatasteṣāntu yāstanvastā'bhavan dvādaśa hradāḥ. jayā iti samākhyātā jātā ścodadhisannibhāḥ .. 6.32 .. ### [2.6.35](https://indike.org/pramana/in.purana.vayu.2.6.35) tataḥ svāyambhuve tasmin sargete jajñire surāḥ. ajitāyāṃ ruceḥ putrā ajitā dvādaśātmakaḥ .. 6.33 .. ### [2.6.36](https://indike.org/pramana/in.purana.vayu.2.6.36) vidhiśca munayaścaiva kṣemo nando'vyayastathā. prāṇo'pānaḥ sudhāmā ca kratuśaktivyavasthitāḥ . ityete mānasāḥ sarve ajitā dvādaśa smṛtāḥ .. 6.34 .. ### [2.6.37](https://indike.org/pramana/in.purana.vayu.2.6.37) te ca yajñe suraiḥ sārddhaṃ yajñabhājastadā smṛtāḥ. svāyambhuve'ntare pūrve tataḥ svārociṣe punaḥ. tuṣitāyāṃ samutpannāḥ punaḥ putrāḥ svarociṣaḥ .. 6.35 .. ### [2.6.38](https://indike.org/pramana/in.purana.vayu.2.6.38) tuṣitā nāma te hyāsan prāṇākhyā yātrikāḥ surāḥ. punaste tuṣitā devā uttame tvantare svayam .. 6.36 .. ### [2.6.39](https://indike.org/pramana/in.purana.vayu.2.6.39) uttamasya tu te putrāḥ satyāyāṃ jajñire śubhāḥ. tataḥ satyāḥ smṛtā devā uttame cāntare tadā .. 6.37 .. ### [2.6.40](https://indike.org/pramana/in.purana.vayu.2.6.40) abhajan yajñabhājaste tṛtīye dvāparāntare. te tu satyāḥ punarddevāḥ samprāpte tāmase'ntare .. 6.38 .. ### [2.6.41](https://indike.org/pramana/in.purana.vayu.2.6.41) harṣā ye tamasaḥ putrā jajñire dvādaśaiva tu . harayo nāma te devā yajñabhājastathā'bhavan .. 6.39 .. ### [2.6.42](https://indike.org/pramana/in.purana.vayu.2.6.42) tataste harayo devāḥ prāpte cāriṣṇave'ntare. vaikuṇṭhāyāṃ tataste vai cariṣṇorjajñire surāḥ. vaikuṇṭhā nāma te devāḥ pañcamasyāntare manoḥ .. 6.40 .. ### [2.6.43](https://indike.org/pramana/in.purana.vayu.2.6.43) tataste vai punarddevā vaikuṇṭhāḥ prāpya cākṣuṣam. sādhyāyāṃ dvādaśa sutā jajñire dharmasūnavaḥ .. 6.41 .. ### [2.6.44](https://indike.org/pramana/in.purana.vayu.2.6.44) tataste vai punaḥ sādhyāḥ saṃkṣīṇe cākṣuṣe'ntare . upasthite manoḥ sarge punarvaivasvatasya ha .. 6.42 .. ### [2.6.45](https://indike.org/pramana/in.purana.vayu.2.6.45) ādye tretāyugamukhe prāpte vaivasvatasya tu . aṃśena sādhyāste'dityāṃ mārīcāt kaśyapāt punaḥ .. 6.43 .. ### [2.6.46](https://indike.org/pramana/in.purana.vayu.2.6.46) jajñire dvādaśādityā varttamāne'ntare punaḥ. yadā tvete samutpannāścākṣuṣasyāntare manoḥ .. 6.44 .. ### [2.6.47](https://indike.org/pramana/in.purana.vayu.2.6.47) tataḥ svāyambhuve sādhyā jajñire dvādaśāmarāḥ. evamādyā jayāste vai śāpātsamabhavaṃstadā .. 6.45 .. ### [2.6.48](https://indike.org/pramana/in.purana.vayu.2.6.48) ya imāṃ saptasambhūtiṃ devānāṃ devaśāsanāt . paṭhedyaḥ śraddhayā yuktaḥ pratvāyaṃ na gacchati .. 6.46 .. ### [2.6.49](https://indike.org/pramana/in.purana.vayu.2.6.49) ityete bhūtayaḥ sapta jayānāṃ saptalakṣaṇāḥ. parikrāntā mayā cādya kimbhūyaḥ śrotumicchatha .. 6.47 .. ### [2.6.50](https://indike.org/pramana/in.purana.vayu.2.6.50) ..ṛṣa ūcuḥ .. ### [2.6.51](https://indike.org/pramana/in.purana.vayu.2.6.51) daityānāṃ dānavānāñca gandharvoragarakṣasām. sarvabhūtapiśācānāṃ paśūnāṃ pakṣivīrudhām. utpattiṃ nidhanañcaiva vistarāt kathayasva naḥ .. 6.48 .. ### [2.6.52](https://indike.org/pramana/in.purana.vayu.2.6.52) evamuktastadā sūta uvāca ṛṣisattamān . diteḥ putradvayaṃ jajñe kaśyapāditi naḥ śrutam .. 6.49 .. ### [2.6.53](https://indike.org/pramana/in.purana.vayu.2.6.53) kaśyapasyātmajau tau vai sarvebhyaḥ pūrvajau smṛtau. sūtye'hanyatirātrasya kaśyapasyāśvamedhike .. 6.50 .. ### [2.6.54](https://indike.org/pramana/in.purana.vayu.2.6.54) hiraṇyakaśipurnāma prathamaṃ ṛtvigāsanam. dityā garbhādviniḥsṛtya tatrāsīnoccasaṃsadi. hiraṇyakaśipustasmāt karmaṇā tena sa smṛtaḥ .. 6.51 .. ### [2.6.55](https://indike.org/pramana/in.purana.vayu.2.6.55) ..ṛṣaya ūcuḥ .. ### [2.6.56](https://indike.org/pramana/in.purana.vayu.2.6.56) hiraṇyakaśipornāma janma caiva mahātmanaḥ. prabhāva़ñcaiva daityasya vistarādbrūhi naḥ prabho .. 6.52 .. ### [2.6.57](https://indike.org/pramana/in.purana.vayu.2.6.57) ..sūta uvāca.. ### [2.6.58](https://indike.org/pramana/in.purana.vayu.2.6.58) kaśyapasyāśvamedho'bhūt puṇyo vai puṣkare purā. ṛṣibhirddevatābhiśca gandharvai rupaśobhitaḥ .. 6.53 .. ### [2.6.59](https://indike.org/pramana/in.purana.vayu.2.6.59) utkṛṣṭenaiva vidhinā ākhyānādau yathāvidhi. āsanānyupaklṛptāni kāñcanāni tu pañca vai .. 6.54 .. ### [2.6.60](https://indike.org/pramana/in.purana.vayu.2.6.60) kuśapūtāni trīṇyatra kūrcaphalakameva ca. mukhyārtvijaśca catvārasteṣāntānyupakalpayet .. 6.55 .. ### [2.6.61](https://indike.org/pramana/in.purana.vayu.2.6.61) śubhaṃ tatrāsanaṃ yattu hoturarthe prakalpitam. hiraṇmayaṃ tathā divyaṃ divyāstaraṇasaṃstṛtam .. 6.56 .. ### [2.6.62](https://indike.org/pramana/in.purana.vayu.2.6.62) antarvatnī ditiścaiva patnītvaṃ smupāgatā. daśa varṣasahasrāṇi garbhastasyā avartata .. 6.57 .. ### [2.6.63](https://indike.org/pramana/in.purana.vayu.2.6.63) sa tu garbhādviniḥsṛtya māturvai udarāttadā. upaklṛptāsanaṃ yattu hoturarthe hiraṇmayam. niṣasāda sagarbho'tra tatrāsīnaḥ śaśaṃsa ca .. 6.58 .. ### [2.6.64](https://indike.org/pramana/in.purana.vayu.2.6.64) ākyānapañcamān vedān maharṣiḥ kāśyapo yathā. taṃ dṛṣṭvā munayastasya nāmākurvaṃstu tadvidham .. 6.59 .. ### [2.6.65](https://indike.org/pramana/in.purana.vayu.2.6.65) hiraṇyakaśipustasmāt karmaṇā tena viśrutaḥ. hiraṇyākṣo'nujastasya siṃhikā tasya cānujā. rāhoḥ sā jananī devī vipracitteḥ parigrahāt .. 6.60 .. ### [2.6.66](https://indike.org/pramana/in.purana.vayu.2.6.66) hiraṇyakaśipurddaityaścacāra paramaṃ tapaḥ. śataṃ varṣasahasrāṇāṃ nirāhāro hyadhaḥśirāḥ .. 6.61 .. ### [2.6.67](https://indike.org/pramana/in.purana.vayu.2.6.67) taṃ brahmā chandayāmāsa daityaṃ tuṣṭo vareṇa tu. sarvāmaratvaṃ viprebhyaḥ sarvabhūtebhya eva ca. yogāddevān vinirjitya sarvadevatvamāsthitaḥ .. 6.62 .. ### [2.6.68](https://indike.org/pramana/in.purana.vayu.2.6.68) dānavāścāsurāścaiva devāḥ samā bhavantu vai. māruteryanmahaiśvaryameṣa me dīyatāṃ varaḥ .. 6.63 .. ### [2.6.69](https://indike.org/pramana/in.purana.vayu.2.6.69) evamukto'tha brahmā tu tasmai dattvā yathepsitam. dattvā tasmai varān divyān tatraivāntaradhīyata. hiraṇyakaśipurdaityaḥ ślokairgītaḥ purātanaiḥ .. 6.64 .. ### [2.6.70](https://indike.org/pramana/in.purana.vayu.2.6.70) rājā hiraṇyakaśipuryāṃ yāmāśāṃ niṣevate. tasyāstasyā diśo devā namaścakrurmaharṣibhiḥ .. 6.65 .. ### [2.6.71](https://indike.org/pramana/in.purana.vayu.2.6.71) evaṃprabhāvo daityendro hiraṇyakaśipu rdvijāḥ. tasyāsīnnarasiṃhaḥ sa viṣṇurmṛtyuḥ purā kila. nakhaistu tena nirbhinnastataḥ śuddhā nakhāḥ smṛtāḥ .. 6.66 .. ### [2.6.72](https://indike.org/pramana/in.purana.vayu.2.6.72) hiraṇyākṣasutāḥ pañca vikrāntāḥ sumahā balāḥ. utkuraḥ śakuniścaiva kālanābhastathaiva ca .. 6.67 .. ### [2.6.73](https://indike.org/pramana/in.purana.vayu.2.6.73) mahānābhaśca vikrānto bhūtasantāpanastathā. hiraṇyākṣasutāḥ hyete devairapi durāsadāḥ .. 6.68 .. ### [2.6.74](https://indike.org/pramana/in.purana.vayu.2.6.74) teṣāṃ putrāśca pautrāśca bāḍeyaḥ sagaṇaḥ smṛtaḥ. śatantāni sahasrāṇi nihatāstārakāmaye .. 6.69 .. ### [2.6.75](https://indike.org/pramana/in.purana.vayu.2.6.75) hiraṇyakaśipoḥ putrāścatvārastu mahābalāḥ. prahlādaḥ pūrvajasteṣāmanuhlādastathaiva ca. saṃhrādaśca hradaścaiva hradaputrānnibodhata .. 6.70 .. ### [2.6.76](https://indike.org/pramana/in.purana.vayu.2.6.76) hrādo nisundaśca tatā hradaputrau babhūvatuḥ. sundopasundau vikrāntau nisundatana yāvubhau .. 6.71 .. ### [2.6.77](https://indike.org/pramana/in.purana.vayu.2.6.77) brahmaghnastu mahāvīryo mūkastu hradadāyinaḥ. mārīcaḥ sundaputrastu tāḍakāmupapadyate .. 6.72 .. ### [2.6.78](https://indike.org/pramana/in.purana.vayu.2.6.78) tāḍakā nihatā sā'tha rāghaveṇa balīyasā. mūko vinihataścāpi kirāte savyasācinā .. 6.73 .. ### [2.6.79](https://indike.org/pramana/in.purana.vayu.2.6.79) utpannā mahatā caiva tapasā bhāvitāḥ svayam. tisraḥ koṭyastu teṣāṃ vai maṇivarttanivāsinām. avadhyā devatānāṃ vai nihatāḥ savyasācinā .. 6.74 .. ### [2.6.80](https://indike.org/pramana/in.purana.vayu.2.6.80) anuhlādasuto vāyuḥ śinīvālī tathaiva ca . teṣāntu śatasāhasro gaṇo hālāhalaḥ smṛtaḥ .. 6.75 .. ### [2.6.81](https://indike.org/pramana/in.purana.vayu.2.6.81) vairocanastu prāhlādiḥ pañca tasyātmajāḥ smṛtāḥ. gaveṣṭhī kālanemiśca jambho bāṣkala eva ca. śambhustu anujasteṣāṃ smṛtāḥ prāhlādisūnavaḥ .. 6.76 .. ### [2.6.82](https://indike.org/pramana/in.purana.vayu.2.6.82) yathāpradhānaṃ vakṣyāmi teṣāṃ putrān durāsadān. śumbhaścaiva niśumbhaśca viṣvakseno mahaujasaḥ .. 6.77 .. ### [2.6.83](https://indike.org/pramana/in.purana.vayu.2.6.83) gaveṣṭhinaḥ sutā hyete jambhasya śatadundubhiḥ. tathā dakṣaśca khaṇḍaśca trayastu jambhasūnavaḥ .. 6.78 .. ### [2.6.84](https://indike.org/pramana/in.purana.vayu.2.6.84) virodhaśca manuścaiva vṛkṣāyuḥ kuśalīmukhaḥ. bāṣkalasya sutā hyete kālanemisutān śrṛṇu .. 6.79 .. ### [2.6.85](https://indike.org/pramana/in.purana.vayu.2.6.85) brahmajit kṣatrajiccaiva devāntakanarāntakau . kālanemisutā hyete śambhostu śrṛṇuta prajāḥ .. 6.80 .. ### [2.6.86](https://indike.org/pramana/in.purana.vayu.2.6.86) dhanuko hyasilomā ca nābalaśca sagomukhaḥ. gavākṣaścaiva gomāṃśca śambhoḥ putrāḥ prakīrttitāḥ .. 6.81 .. ### [2.6.87](https://indike.org/pramana/in.purana.vayu.2.6.87) virocanasya putrastu balirekaḥ pratāpavān. baleḥ putraśataṃ jajñe rājānaḥ sarva eva te .. 6.82 .. ### [2.6.88](https://indike.org/pramana/in.purana.vayu.2.6.88) teṣāṃ pradhānāścatvāro vikrāntāḥ sumahābalāḥ. sahasrabāhurjyeṣṭhastu bāṇo draviṇasammataḥ. kumbhanābho garddabhākṣaḥ kuśirityevamādayaḥ .. 6.83 .. ### [2.6.89](https://indike.org/pramana/in.purana.vayu.2.6.89) śakunī pūtanā caiva kanye dve tu baleḥ sute. baleḥ putrāśca pautrāśca śataśo'tha sahasraśaḥ .. 6.84 .. ### [2.6.90](https://indike.org/pramana/in.purana.vayu.2.6.90) baliryo nāmavikhyāto gaṇo vikrāntapauruṣaḥ. bāṇasya candra manaso lauhityamupapadyate .. 6.85 .. ### [2.6.91](https://indike.org/pramana/in.purana.vayu.2.6.91) ditirvinaṣṭaputrā vai toṣayāmāsa kaśyapam. sa kaśyapaḥ prasannātmā samyagārādhitastayā . vareṇa cchandayāmāsa sā ca vavre varaṃ tataḥ .. 6.86 .. ### [2.6.92](https://indike.org/pramana/in.purana.vayu.2.6.92) sa tu tasyai varaṃ prādāt prārthitaṃ bhagavan prabhuḥ. kimicchasi mayi śubhre mārīcastāmabhāṣata .. 6.87 .. ### [2.6.93](https://indike.org/pramana/in.purana.vayu.2.6.93) mārīcaṃ kaśyapaṃ tuṣṭaṃ bhartāraṃ prāñjalistathā. hataputrāsmi bhagavān ādityaistava sūnubhiḥ .. 6.88 .. ### [2.6.94](https://indike.org/pramana/in.purana.vayu.2.6.94) śakrahantāramiccheyaṃ putraṃ dīrghatapo'nvitam. ahaṃ tapaścariṣyāmi garbha mādhātumarhasi .. 6.89 .. ### [2.6.95](https://indike.org/pramana/in.purana.vayu.2.6.95) tasyāstadvacanaṃ śrutvā mārīcaḥ kaśyapastathā. pratyuvāca mahātejā ditiṃ paramaduḥkhitām .. 6.90 .. ### [2.6.96](https://indike.org/pramana/in.purana.vayu.2.6.96) evaṃ bhavatu bhadrante śucirbhava tapodhane. janayiṣyasi satputraṃ śakrahantāramāhave .. 6.91 .. ### [2.6.97](https://indike.org/pramana/in.purana.vayu.2.6.97) pūrṇaṃ varṣaśataṃ tāvat śuciryadi bhaviṣyasi . putraṃ trilokapracaramathatvaṃ janayiṣyasi .. 6.92 .. ### [2.6.98](https://indike.org/pramana/in.purana.vayu.2.6.98) evamuktvā mahātejāstayā samavasat prabhuḥ . tāmāliṅgya tribhuvanaṃ jagāma bhagavānṛṣiḥ .. 6.93 .. ### [2.6.99](https://indike.org/pramana/in.purana.vayu.2.6.99) gate bharttari sā devī ditiḥ paramaharṣitā. kuśalaṃ vanamāsādya tapastepe sudāruṇam .. 6.94 .. ### [2.6.100](https://indike.org/pramana/in.purana.vayu.2.6.100) tapastasyāntu kurvantyāṃ paricaryāñcakāra ha. sahasrākṣaḥ suraśreṣṭhaḥ parayā guṇasampadā .. 6.95 .. ### [2.6.101](https://indike.org/pramana/in.purana.vayu.2.6.101) agniṃ samitkuśaṃ kāṣṭhaṃ phalaṃ mūlaṃ tathaiva ca. nyavedayat sahasrākṣo yaccānyadapi kiñcana .. 6.96 .. ### [2.6.102](https://indike.org/pramana/in.purana.vayu.2.6.102) gātrasaṃvāhanaiścaiva śramāpanayanaistathā. śakraḥ sarveṣu (lokeṣu) kāleṣu ditiṃ paricacāra ha . evamārādhitā śakramuvācātha ditistathā .. 6.97 .. ### [2.6.103](https://indike.org/pramana/in.purana.vayu.2.6.103) ..ditiruvāca.. ### [2.6.104](https://indike.org/pramana/in.purana.vayu.2.6.104) prītā te'haṃ suraśreṣṭha daśavarṣāṇi putraka. avaśiṣṭāni bhadrānte bhrātaraṃ drakṣyase tataḥ .. 6.98 .. ### [2.6.105](https://indike.org/pramana/in.purana.vayu.2.6.105) jayalipsāṃ samādhāsye labdhvāhaṃ tādṛśaṃ sutam. trailokyavijayaṃ pūtra prāpsyāmi saha tena vai .. 6.99 .. ### [2.6.106](https://indike.org/pramana/in.purana.vayu.2.6.106) evamuktvā ditiḥ śakraṃ madhyaṃ prāpte divākare . nidrayāpahṛtā devī jānvoḥ kṛtvā śirastadā .. 6.100 .. ### [2.6.107](https://indike.org/pramana/in.purana.vayu.2.6.107) dṛṣṭvā tāmaśuciṃ śakraḥ pādayorgatamūrddhajām . tasyāstadantaraṃ labdhvā jahāsa ca mumoda ca .. 6.101 .. ### [2.6.108](https://indike.org/pramana/in.purana.vayu.2.6.108) tasyāḥ śarīraṃ vivṛtaṃ viveśātha purandaraḥ. praviśya cāmitaṃ dṛṣṭvā garbhamindro mahaujasam. abhinatsa pradhānantu kuliśena mahāyaśāḥ .. 6.102 .. ### [2.6.109](https://indike.org/pramana/in.purana.vayu.2.6.109) bhidyamānastadā garbho vajreṇa śataparvaṇā. ruroda sasvaraṃ bhīmaṃ vepamānaḥ punaḥ punaḥ . mārodīriti taṃ garbhaṃ śakraḥ punarabhāṣata .. 6.103 .. ### [2.6.110](https://indike.org/pramana/in.purana.vayu.2.6.110) taṃ garbhaṃ saptadhābhūtaṃ hyekaikaṃ saptadhā punaḥ. kuliśena bibhedendrastato ditirabudhyata .. 6.104 .. ### [2.6.111](https://indike.org/pramana/in.purana.vayu.2.6.111) na hantavyo na hantavya ityevaṃ ditirabravīt . niṣpapātodarādvajrī māturvacanagauravāt. prāñjalirvajrasahito ditiṃ śakro'bhyabhāṣata .. 6.105 .. ### [2.6.112](https://indike.org/pramana/in.purana.vayu.2.6.112) aśucirdevi suptāsi pādayorgatamūrddhajā. tadantaramahaṃ labdhvā śakrahantāramāhave. bhinnavān garbhametante bahudhā kṣantumarhasi .. 6.106 .. ### [2.6.113](https://indike.org/pramana/in.purana.vayu.2.6.113) tasmistu viphale garbhe ditiḥ paramaduḥkhitā. sahasrākṣaṃ tato vākyaṃ māturnayanamabravīt .. 6.107 .. ### [2.6.114](https://indike.org/pramana/in.purana.vayu.2.6.114) mamāparādhādgarbho'yaṃ yadi te viphalīkṛtaḥ. nāparādho'sti deveśa ṛṣiputra mahābala .. 6.108 .. ### [2.6.115](https://indike.org/pramana/in.purana.vayu.2.6.115) śatrorvadhe na doṣo'sti tena tvāṃ na śapāmi bhoḥ. priyantu karttumicchāmi śreyo garbhasya me kuru .. 6.109 .. ### [2.6.116](https://indike.org/pramana/in.purana.vayu.2.6.116) bhavantu mama putrāṇāṃ sapta sthānāni vai divi. vātaskandhānimān sapta carantu mama putrakāḥ. marutaśceti vikhyātā gaṇāste sapta saptakāḥ .. 6.110 .. ### [2.6.117](https://indike.org/pramana/in.purana.vayu.2.6.117) pṛthivyāṃ prathamaskandho dvitīyaścaiva bhāskare. some tṛtīyo vijñeyaścaturtho jyotiṣāṃ gaṇe .. 6.111 .. ### [2.6.118](https://indike.org/pramana/in.purana.vayu.2.6.118) graheṣu pañcamaścaiva ṣaṣṭhaḥ saptarṣimaṇḍale. dhruve tu saptamaścaiva vātaskandhaḥ parastu saḥ .. 6.112 .. ### [2.6.119](https://indike.org/pramana/in.purana.vayu.2.6.119) tānyete vicarantvadya kāle kāle mamātmajāḥ. vātaskandhānimān bhūtvā carantu mama putrakāḥ .. 6.113 .. ### [2.6.120](https://indike.org/pramana/in.purana.vayu.2.6.120) pṛthivyāṃ prathamaskandho amedhyebhyo ya āvahaḥ. carantu mama putrāste prathamaścaratāṅgaṇaḥ .. 6.114 .. ### [2.6.121](https://indike.org/pramana/in.purana.vayu.2.6.121) dvitīyaścāpi medhyebhya āsūryāt pravahastu yaḥ. vātaskandhaṃ dvitīyantu dvitīyaścaratāṅgaṇaḥ .. 6.115 .. ### [2.6.122](https://indike.org/pramana/in.purana.vayu.2.6.122) sūryorddhvantu tataḥ somādudvaho yastu vai smṛtaḥ. vātaskandhantu taṃ prāhustṛtīyaścaratāṅgaṇaḥ .. 6.116 .. ### [2.6.123](https://indike.org/pramana/in.purana.vayu.2.6.123) somādūrddhvaṃ tatharkṣebhyaścaturthaḥ suvahastu yaḥ. caturtho mama putrāṇāṃ gaṇastu caratāṃ vibho .. 6.117 .. ### [2.6.124](https://indike.org/pramana/in.purana.vayu.2.6.124) yakṣebhyaśca tathaivorddhvamāgrahādvivahastu yaḥ. pañcamaṃ pañcamaḥ saumyaḥ skandhastu caratāṅgaṇaḥ .. 6.118 .. ### [2.6.125](https://indike.org/pramana/in.purana.vayu.2.6.125) ūrddhvaṃ grahādṛṣibhyastu ṣaṣṭho yo vai parāhataḥ . carantu mama putrāstu tatra ṣaṣṭhe gaṇe tu ye .. 6.119 .. ### [2.6.126](https://indike.org/pramana/in.purana.vayu.2.6.126) saptarṣayastathaivorddhvamādhruvāt saptamastu yaḥ. vāta skandhaḥ parivahastatra tiṣṭhantu me sutāḥ .. 6.120 .. ### [2.6.127](https://indike.org/pramana/in.purana.vayu.2.6.127) etat sarvaṃ carantvete kāle kāle mamātmajāḥ. tatra tena ca nāmnā vai bhavantu marutastvime .. 6.121 .. ### [2.6.128](https://indike.org/pramana/in.purana.vayu.2.6.128) tatasteṣāntu nāmāni mātāputrau pracakratuḥ. tatkṛte karmabhiścaiva maruto vai pṛthak pṛthak .. 6.122 .. ### [2.6.129](https://indike.org/pramana/in.purana.vayu.2.6.129) sattvajyotistathādityaḥ satyajyotistathā'paraḥ. tiryagjyotiśca sajyotirjjyotiṣmānaparastathā .. 6.123 .. ### [2.6.130](https://indike.org/pramana/in.purana.vayu.2.6.130) prathamastu gaṇaḥ prokto dvitīyaṃ me nibodhata. ṛtajitsatyajiccaiva suṣeṇaḥ senajittathā .. 6.124 .. ### [2.6.131](https://indike.org/pramana/in.purana.vayu.2.6.131) satmitro'bhimitraśca harimitrastathā'paraḥ. gaṇa eṣa dvitīyastu tṛtīyaṃ me nibodhata .. 6.125 .. ### [2.6.132](https://indike.org/pramana/in.purana.vayu.2.6.132) kṛtaḥ satyo \* \* \* \* dhruvo dharttā vidhārayaḥ . dhvāntaścaiva dhuniścaiva hyugro bhīmastathaiva ca. abhiyuḥ sakṣipaścaivamāhvayaśca gaṇaḥ smṛtaḥ .. 6.126 .. ### [2.6.133](https://indike.org/pramana/in.purana.vayu.2.6.133) īdṛkū caiva tathānyādṛk yādṛk ca pratikṛttathā. (?) samitiścaiva saṃrambhaśca tathā gaṇaḥ .. 6.127 .. ### [2.6.134](https://indike.org/pramana/in.purana.vayu.2.6.134) īdṛk ca puruṣaścaiva anyādṛkṣācca cetasaḥ. samitāsamitadṛkṣācca pratidṛkṣācca vai guṇāḥ .. 6.128 .. ### [2.6.135](https://indike.org/pramana/in.purana.vayu.2.6.135) ete hyeko napañcāśanmaruto nāmataḥ smṛtāḥ. prasaṃkhyātāstathā tābhyāṃ dityā candreṇa caiva hi .. 6.129 .. ### [2.6.136](https://indike.org/pramana/in.purana.vayu.2.6.136) śrutvā teṣāntu nāmāni ditirindramuvāca ha. vāta skandhaṃ carantvete mama putrāśca putraka. vicarantu ca bhadrante devaiḥ saha mamātmajāḥ .. 6.130 .. ### [2.6.137](https://indike.org/pramana/in.purana.vayu.2.6.137) tasyāstadvacanaṃ śrutvā sahasrākṣaḥ purandaraḥ. uvāca prāñjalirbhūtvā mātarbhavatu tattathā .. 6.131 .. ### [2.6.138](https://indike.org/pramana/in.purana.vayu.2.6.138) sarvametadyathoktante bhaviṣyati na saṃśayaḥ. devabhūtā mahātmānaḥ kumārā devasaṃmatāḥ. devaiḥ saha bhaviṣyanti yajña bhājastathātmajāḥ .. 6.132 .. ### [2.6.139](https://indike.org/pramana/in.purana.vayu.2.6.139) tasmātte maruto devāḥ sarve cendrānujāmarāḥ. vijñeyāścāmarāḥ sarve ditiputrāstapasvinaḥ .. 6.133 .. ### [2.6.140](https://indike.org/pramana/in.purana.vayu.2.6.140) evaṃ tau niścayaṃ jñātvā mātāputrau tapodhanau. jagmatustridivaṃ hṛṣṭau śakro'pi tridivaṃ gataḥ .. 6.134 .. ### [2.6.141](https://indike.org/pramana/in.purana.vayu.2.6.141) marutāṃ hi śubhaṃ janma śrṛṇuyādyaḥ paṭheta vā. nāvṛṣṭibhayamāpnoti bahvāyuśca bhavettataḥ .. 6.135 .. ### [2.6.142](https://indike.org/pramana/in.purana.vayu.2.6.142) iti śrīmahāpurāṇe vāyuprokte kaśyapīyaprajāsargo nāma ṣaṣṭho'dhyāyaḥ .. 6 .. ## Linked texts (8) - [Brahmāṇḍapurāṇa](https://indike.org/pramana/in.purana.brahmanda.2.4.5) — Vyāsa, Sanskrit - [Critical edition (Baroda)](https://indike.org/pramana/in.lit.ramayana.valmiki*crit.1.45.4) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.33.4) — Sanskrit - [Agnipurāṇa](https://indike.org/pramana/in.purana.agni.19.19) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.21.30) — Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.174.p4) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.174.p4) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.180.p6) — Hemādri, Sanskrit --- Source: [https://indike.org/pramana/in.purana.vayu.2.6](https://indike.org/pramana/in.purana.vayu.2.6) · Pramāṇa