[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.7 # Vayupurana 2.7: adhyāyaḥ 7 Vāyupurāṇa 2.7 - **Language:** Sanskrit ### adhyāyaḥ 7 ### [2.7.1](https://indike.org/pramana/in.purana.vayu.2.7.1) ..sūta uvāca.. ### [2.7.2](https://indike.org/pramana/in.purana.vayu.2.7.2) ata ūrddhvaṃ pravakṣyāmi danuputrānnibodhata. abhavan danuputrāstu vaṃśe khyātā mahāsurāḥ .. 7.1 .. ### [2.7.3](https://indike.org/pramana/in.purana.vayu.2.7.3) vipracittipradhānāste śataṃ tīvraparākramāḥ. sarve labdhavarāścaiva sutaptatapasastathā .. 7.2 .. ### [2.7.4](https://indike.org/pramana/in.purana.vayu.2.7.4) satyasandhāḥ parākrāntāḥ krūrā māyāvinaśca te . mahābalā ayajvāno hyabrahmaṇyāśca dānavāḥ . kīrttyamānānmayā sarvān prādhānyena nibodhata .. 7.3 .. ### [2.7.5](https://indike.org/pramana/in.purana.vayu.2.7.5) dvimūrddhā śaṅkuvarṇaśca tathā śaṅkunirāmayaḥ. śaṅkukarṇo mahāviśvo gaveṣṭhirdundubhistathā .. 7.4 .. ### [2.7.6](https://indike.org/pramana/in.purana.vayu.2.7.6) ajāmukho'tha bhagavān śilo vāmanasastathā. marīcirakṣakaścaiva mahāgārgyo'ṅgirāvṛtaḥ .. 7.5 .. ### [2.7.7](https://indike.org/pramana/in.purana.vayu.2.7.7) vikṣobhyaśca suketuśca suvīryaḥ suhṛdastathā. indrajidviśvajiccaiva tathāsura vimarddanaḥ .. 7.6 .. ### [2.7.8](https://indike.org/pramana/in.purana.vayu.2.7.8) ekacakraḥ subāhuśca tārakaśca mahābalaḥ. vaiśvānaraḥ pulomā ca pravīṇo'tha mahāśirāḥ .. 7.7 .. ### [2.7.9](https://indike.org/pramana/in.purana.vayu.2.7.9) svarbhānurvṛṣaparvā ca muṇḍakaśca mahāsuraḥ. dhṛtarāṣṭraśca sūryaśca candra indraśca tāpinaḥ .. 7.8 .. ### [2.7.10](https://indike.org/pramana/in.purana.vayu.2.7.10) sūkṣmaścaiva nicandraśca ūrṇanābho mahāgiriḥ. asilomā sukeśaśca sadaśca balako daśa .. 7.9 .. ### [2.7.11](https://indike.org/pramana/in.purana.vayu.2.7.11) tathā gaganamūrddhā ca kumbhanābhā mahodaraḥ. pramodāhaśca kupatho hayagrīvaśca vīryavān .. 7.10 .. ### [2.7.12](https://indike.org/pramana/in.purana.vayu.2.7.12) asuraśca virupākṣaḥ supatho'tha mahāsuraḥ. ajo hiraṇmayaścaiva śatamāyuśca śambaraḥ .. 7.11 .. ### [2.7.13](https://indike.org/pramana/in.purana.vayu.2.7.13) śarabhaḥ śalabhaścaiva sūryācandramasāvubhau. asurāṇāṃ surāvetau surāṇāṃ sāmpratāvimau .. 7.12 .. ### [2.7.14](https://indike.org/pramana/in.purana.vayu.2.7.14) iti putrā danorvaṃśāḥ pradhānāḥ parikīrtitāḥ. teṣāmaparisaṅkhyeyaṃ putrapautrādyanantakam .. 7.13 .. ### [2.7.15](https://indike.org/pramana/in.purana.vayu.2.7.15) ityete tvasurāḥ proktā daiteyā dānavāśca ye. svarbhānustu smṛto daityo hyanubhānurdanoḥ sutaḥ. ime tu vaṃśānugatā danoḥ putrāstu ye smṛtāḥ .. 7.14 .. ### [2.7.16](https://indike.org/pramana/in.purana.vayu.2.7.16) ekākṣa ṛṣabho'riṣṭaḥ prabandhanarakāvapi. indrabādhanakeśī ca meruḥ śambo'tha dhenukaḥ .. 7.15 .. ### [2.7.17](https://indike.org/pramana/in.purana.vayu.2.7.17) gaveṣṭhiśca gavākṣaśca tālaketuśca vīryavān. ete manuṣyadharmāstu danoḥ putrā mayā smṛtāḥ .. 7.16 .. ### [2.7.18](https://indike.org/pramana/in.purana.vayu.2.7.18) daityadānavasaṃharṣe jātā bhīmaparākramāḥ. siṃhikāyāmathotpannā vipracittisutāstvime .. 7.17 .. ### [2.7.19](https://indike.org/pramana/in.purana.vayu.2.7.19) saiṃhikeyā iti khyātāścaturddaśa mahāsurāḥ. śatagālaśca balavānnyāsaḥ śāmbastathaiva ca . 7.18 .. ### [2.7.20](https://indike.org/pramana/in.purana.vayu.2.7.20) anulomaḥ śuciścaiva vātāpiśca sitāṃśukaḥ. haraḥ kalpaḥ kālanābho bhaumaśca narakastathā .. 7.19 .. ### [2.7.21](https://indike.org/pramana/in.purana.vayu.2.7.21) rāhurjyaṣṭhastu teṣāṃ vai candrasūryapramardanaḥ. ityete siṃhikāputrā devairapi durāsadāḥ .. 7.20 .. ### [2.7.22](https://indike.org/pramana/in.purana.vayu.2.7.22) dāruṇābhijanāḥ krūrāḥ sarve brahmadviṣaśca te. daśānyāni sahasrāṇi saiṃhikeyo gaṇaḥ smṛtaḥ .. 7.21 .. ### [2.7.23](https://indike.org/pramana/in.purana.vayu.2.7.23) nihato jāmadagnyena bhārgaveṇa balīyasā. svarbhānostu prabhā kanyā pulomno'tha śacī tathā .. 7.22 .. ### [2.7.24](https://indike.org/pramana/in.purana.vayu.2.7.24) upadānavī yamasyāpi śarmiṣṭhā vārṣa parvaṇī. pulomā kālikā caiva vaiśvānarasute ubhe .. 7.23 .. ### [2.7.25](https://indike.org/pramana/in.purana.vayu.2.7.25) prabhāyā nahuṣaḥ putro jayantaśca śacīsutaḥ. puruṃjajñe'tha śarmiṣṭhā duṣmantamupadānavī .. 7.24 .. ### [2.7.26](https://indike.org/pramana/in.purana.vayu.2.7.26) vaiśvānarasute hyete pulomā kālikā ubhe . ubhe hyapi tu te kanye mārīcasya parigrahe . 7.25 .. ### [2.7.27](https://indike.org/pramana/in.purana.vayu.2.7.27) tābhyāṃ putrasahasrāṇi ṣaṣṭirdānavapuṅgavāḥ. caturdaśa tathānyāni hiraṇyapuravāsinām .. 7.26 .. ### [2.7.28](https://indike.org/pramana/in.purana.vayu.2.7.28) paulomāḥ kālakeyāśca dānavāḥ sumahābalāḥ. avadhyā dānavānāṃ te nihatāḥ savyasācinā .. 7.27 .. ### [2.7.29](https://indike.org/pramana/in.purana.vayu.2.7.29) mayasya jātā ye putrāḥ sarve vīraparākramāḥ. māyāvī dundubhiścaiva vṛṣaśca mahiṣastathā .. 7.28 .. ### [2.7.30](https://indike.org/pramana/in.purana.vayu.2.7.30) bāliko vajrakarṇaśca kanyā mandodarī tathā. daityānāṃ dānavānāñca sarga eṣa prakīrttitaḥ .. 7.29 .. ### [2.7.31](https://indike.org/pramana/in.purana.vayu.2.7.31) danāyuṣāyāḥ putrāstu smṛtāḥ pañca mahābalāḥ. arūrurbālijambhau ca virakṣaśca viṣastathā .. 7.30 .. ### [2.7.32](https://indike.org/pramana/in.purana.vayu.2.7.32) aruro stanayaḥ krūro dhundhurnāma mahāsuraḥ. nihataḥ kuvalāśvena uttaṅkavacanāt kila .. 7.31 .. ### [2.7.33](https://indike.org/pramana/in.purana.vayu.2.7.33) baleḥ putrau mahāvīryau tejasāpratimāvubhau. kumbhilaścakravarmā ca sa karṇaḥ pūrvajanmani .. 7.32 .. ### [2.7.34](https://indike.org/pramana/in.purana.vayu.2.7.34) virakṣasyāpi putrau dvau kālakaśca varaśca tau. viṣasya tvabhavan putrāścatvāraḥ krūrakarmaṇaḥ. śrāddhahā yajñahā caiva brahmahā paśuhā tathā .. 7.33 .. ### [2.7.35](https://indike.org/pramana/in.purana.vayu.2.7.35) krāntā danāyuṣāputrā vṛtrasyāpi nibodhata. jajñire śvasanāddhorādvṛtrasyendreṇa yudhyataḥ .. 7.34 .. ### [2.7.36](https://indike.org/pramana/in.purana.vayu.2.7.36) bharttāro manasā khyātā rākṣasāḥ sumahābalāḥ . śataṃ tāni sahasrāṇi mahendrānucarāḥ smṛtāḥ .. 7.35 .. ### [2.7.37](https://indike.org/pramana/in.purana.vayu.2.7.37) sarve brahmavidaḥ saumyā dhārmikāḥ sūkṣmamūrttayaḥ. prajāsvantargatāḥ sarve nivasanti sudhārmikāḥ .. 7.36 .. ### [2.7.38](https://indike.org/pramana/in.purana.vayu.2.7.38) daityānāṃ dānavānāñca sarga eṣa prakīrttitaḥ. pravāhyajanayat putrān yajñe vai gāyanottamān .. 7.37 .. ### [2.7.39](https://indike.org/pramana/in.purana.vayu.2.7.39) sattvanaḥ satvātmakaścaiva kalāpaścaiva vīryavān . kṛtavīryo brahmacārī supāṇḍuścaiva saptamaḥ .. 7.38 .. ### [2.7.40](https://indike.org/pramana/in.purana.vayu.2.7.40) panaścaiva taraṇyaśca sucandro daśamastathā. ityete devagandharvā vijñeyāḥ parikīrttitāḥ .. 7.39 .. ### [2.7.41](https://indike.org/pramana/in.purana.vayu.2.7.41) iti śrīmahāpurāṇe vāyuprokte kaśyapīyaprajāsargo nāma saptamo'dhyāyaḥ .. 7 .. \* ## Linked texts (3) - [Brahmāṇḍapurāṇa](https://indike.org/pramana/in.purana.brahmanda.2.6.2) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.3.69x76-4) — Sanskrit - [Brahmapurāṇa](https://indike.org/pramana/in.purana.brahma.3.81) — Vyāsa, Sanskrit --- Source: [https://indike.org/pramana/in.purana.vayu.2.7](https://indike.org/pramana/in.purana.vayu.2.7) · Pramāṇa