[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.9 # Vayupurana 2.9: adhyāyaḥ 9 Vāyupurāṇa 2.9 - **Language:** Sanskrit ### adhyāyaḥ 9 ### [2.9.1](https://indike.org/pramana/in.purana.vayu.2.9.1) ..sūta uvāca.. ### [2.9.2](https://indike.org/pramana/in.purana.vayu.2.9.2) evaṃ prajāsu sṛṣṭāsu kaśyape na mahātmanā. pratiṣṭhitāsu sarvāsu sthāvarāsu carāsu ca .. 9.1 .. ### [2.9.3](https://indike.org/pramana/in.purana.vayu.2.9.3) abhiṣicyādhipatyeṣu teṣāṃ mukhyaḥ prajāpatiḥ. tataḥ krameṇa rājyāni vyādeṣṭumupacakrame .. 9.2 .. ### [2.9.4](https://indike.org/pramana/in.purana.vayu.2.9.4) dvijātīnāṃ vīrudhāñca nakṣatrāṇāṃ grahaiḥ saha. yajñānāṃ tapasāñcaiva somaṃ rājye'bhyaṣecayata .. 9.3 .. ### [2.9.5](https://indike.org/pramana/in.purana.vayu.2.9.5) bṛhaspatiṃ tu viśveṣāṃ dadāvaṅgirasāṃ patim. bhṛgūṇāmadhipañcaiva kāvyaṃ rājye'bhyaṣecayat .. 9.4 .. ### [2.9.6](https://indike.org/pramana/in.purana.vayu.2.9.6) ādityānāṃ punarviṣṇuṃ vasūnāmatha pāvakam . prajāpatīnāṃ dakṣañca marutāmatha vāsavam .. 9.5 .. ### [2.9.7](https://indike.org/pramana/in.purana.vayu.2.9.7) daityānāmatha rājānaṃ prahlādaṃ ditinandanam. nārāyaṇaṃ tu sādhyānāṃ rudrāṇāṃ vṛṣabhadhvajam .. 9.6 .. ### [2.9.8](https://indike.org/pramana/in.purana.vayu.2.9.8) vipracittiñca rājānaṃ dānavānāmathādiśat. apāṃ tu varuṇaṃ rājye rājñāṃ vaiśravaṇaṃ patim. yakṣāṇāṃ rākṣasānāñca pārthivānāṃ dhanasya ca .. 9.7 .. ### [2.9.9](https://indike.org/pramana/in.purana.vayu.2.9.9) vaivasvataṃ pitṝṇāñca yamaṃ rājye'bhyaṣecayat. sarvabhūtapiśācānāṃ giriśaṃ śūlapāṇinam .. 9.8 .. ### [2.9.10](https://indike.org/pramana/in.purana.vayu.2.9.10) śailānāṃ himavantañca nadīnāmatha sāgaram. gandharvāṇāmadhipatiṃ cakre citrarathaṃ tadā .. 9.9 .. ### [2.9.11](https://indike.org/pramana/in.purana.vayu.2.9.11) uccaiḥśravasamaśvānāṃ rājānañcābhyaṣecayat. mṛgāṇāmatha śārdūlaṃ govṛṣañca catuṣpadām .. 9.10 .. ### [2.9.12](https://indike.org/pramana/in.purana.vayu.2.9.12) pakṣiṇāmatha sarveṣāṃ garuḍaṃ patatāṃ varam. gandhānāṃ mātulañcaiva bhūtānāmaśarīriṇām .. 9.11 .. ### [2.9.13](https://indike.org/pramana/in.purana.vayu.2.9.13) śabdākāśabalānāñca vāyuṃ balavatāṃ varam. sarveṣāṃ daṃṣṭriṇāṃ śeṣaṃ nāgānāmatha vāsukim .. 9.12 .. ### [2.9.14](https://indike.org/pramana/in.purana.vayu.2.9.14) sarīsṛpāṇāṃ sarpāṇāṃ nāgānāñcaiva takṣakam. sāgarāṇāṃ nadīnāñca meghānāṃ varṣitasya ca. ādityānāmanyatamaṃ parjanyamabhiṣiktavān .. 9.13 .. ### [2.9.15](https://indike.org/pramana/in.purana.vayu.2.9.15) sarvāpsarogaṇānāñca kāmadevaṃ tathaiva ca. ṛtūnāmatha māsānāmārttavānāṃ tathaiva ca .. 9.14 .. ### [2.9.16](https://indike.org/pramana/in.purana.vayu.2.9.16) pakṣāṇāñca vipakṣāṇāṃ muhūrttānāñca parvaṇām. kalākāṣṭhāpramāṇānāṃ gate rayanayostathā. gaṇitasyātha yogasya cakre saṃvatsaraṃ prabhum .. 9.15 .. ### [2.9.17](https://indike.org/pramana/in.purana.vayu.2.9.17) prajāpatirvai rajasaḥ pūrvasyāndiśi viśrutam. putraṃ nāmnā sudhāmānaṃ rājānaṃ so'bhyaṣecayat .. 9.16 .. ### [2.9.18](https://indike.org/pramana/in.purana.vayu.2.9.18) paścimāyāṃ diśi tathā rajasaḥ putramacyutam. ketumantaṃ mahātmānaṃ rājānaṃ so'bhyaṣecayat .. 9.17 .. ### [2.9.19](https://indike.org/pramana/in.purana.vayu.2.9.19) manuṣyāṇāmadhipatiṃ cakre caiva sutaṃ manum. tairiyaṃ pṛthivī sarvā saptadvīpā sapattanā . yathāpradeśamadyāpi dharmeṇa paripālyate .. 9.18 .. ### [2.9.20](https://indike.org/pramana/in.purana.vayu.2.9.20) svāyambhuve'ntare pūrvaṃ brahmaṇā te'bhiṣecitāḥ. nṛpā hyete'bhiṣicyante manavo ye bhavanti vai .. 9.19 .. ### [2.9.21](https://indike.org/pramana/in.purana.vayu.2.9.21) manvantareṣvatīteṣu gatā hyeteṣu pārthivāḥ. evamanye'bhiṣicyante prāpte manvantare punaḥ. atītānāgatāḥ sarve smṛtā manvantareśvarāḥ .. 9.20 .. ### [2.9.22](https://indike.org/pramana/in.purana.vayu.2.9.22) rājasūye'bhiṣiktaśca pṛthurebhirnarottamaiḥ. vedadṛṣṭena vidhinā kṛto rājā pratāpavān .. 9.21 .. ### [2.9.23](https://indike.org/pramana/in.purana.vayu.2.9.23) etānutpādya putrāṃstu prajāsantānakāraṇāt . punareva mahābhāgaḥ prajānāṃ patirīśvaraḥ .. 9.22 .. ### [2.9.24](https://indike.org/pramana/in.purana.vayu.2.9.24) kaśyapo gotrakāmastu cacāra paramaṃ tapaḥ . putrau gotrakarau mahyaṃ bhavetāmityacintayat .. 9.23 .. ### [2.9.25](https://indike.org/pramana/in.purana.vayu.2.9.25) tasya pradhyāyamānasya kaśyapasya mahātmanaḥ. brahmaṇoṃ'śau sutau paścāt prādurbhūtau mahaujasau .. 9.24 .. ### [2.9.26](https://indike.org/pramana/in.purana.vayu.2.9.26) vatsāraścāsitaścaiva tāvubhau brahmavādinau. vatsārānnidhruvo jajñe raibhyaśca sa mahāyaśāḥ .. 9.25 .. ### [2.9.27](https://indike.org/pramana/in.purana.vayu.2.9.27) raibhyasya raibhyā vijñeyā nidhruvasya nibodhata. cyavanasya sukanyāyāṃ sumedhāḥ samapadyata .. 9.26 .. ### [2.9.28](https://indike.org/pramana/in.purana.vayu.2.9.28) nidhruvasya tu yā patnī mātā vai kuṇḍapāyinām. asitasyaikaparṇāyāṃ brahmiṣṭhaḥ samapadyata .. 9.27 .. ### [2.9.29](https://indike.org/pramana/in.purana.vayu.2.9.29) śāṇḍilyānāṃ vacaḥ śrutvā devalaḥ sumahāyaśāḥ. nidhruvāḥ śāṇḍilyā raibhyāstrayaḥ paścāttu kaśyapāḥ .. 9.28 .. ### [2.9.30](https://indike.org/pramana/in.purana.vayu.2.9.30) varaprabhṛtayo devā devalasya prajāstvimāḥ. caturyuge tvatikrānte manorhyekādaśe prajāḥ. athāvaśiṣṭe tasmistu dvāpare sampravartate .. 9.29 .. ### [2.9.31](https://indike.org/pramana/in.purana.vayu.2.9.31) mānasasya cariṣyantastasya putro damaḥ kila. mānasastasya dāyādastṛṇabinduriti śrutaḥ .. 9.30 .. ### [2.9.32](https://indike.org/pramana/in.purana.vayu.2.9.32) tretāyugamukhe rājā tṛtīye sambabhūva ha. tasya kanyā tviḍaviḍā rūpeṇāpratimābhavat. pulastyāya sa rājarṣistāṃ kanyāṃ pratyapādayat .. 9.31 .. ### [2.9.33](https://indike.org/pramana/in.purana.vayu.2.9.33) ṛṣiriḍaviḍāyāntu viśravāḥ samapadyata. tasya patnyaścatasrastu paulastyakulavarddhanāḥ .. 9.32 .. ### [2.9.34](https://indike.org/pramana/in.purana.vayu.2.9.34) bṛhaspaterbṛhatkīrttirdevācāryasya kīrttitaḥ . kanyāṃ tasyopayeme sa nāmnā vai devavarṇinīm .. 9.33 .. ### [2.9.35](https://indike.org/pramana/in.purana.vayu.2.9.35) puṣpotkakaṭāñca vākāñca sute mālyavataḥ sthitau. kaikasīṃ mālinaḥ kanyāṃ tāsāntu śrṛṇuta prajāḥ .. 9.34 .. ### [2.9.36](https://indike.org/pramana/in.purana.vayu.2.9.36) jyeṣṭhaṃ vaiśravaṇaṃ tasya suṣuve devavarṇinī. divyena vidhinā yuktamārṣeṇaiva śrutena ca. rākṣasena ca rūpeṇa āsureṇa balena ca .. 9.35 .. ### [2.9.37](https://indike.org/pramana/in.purana.vayu.2.9.37) tripādaṃ sumahākāyaṃ sthūlaśīrṣaṃ mahātanum. aṣṭadaṃṣṭraṃ haricchmaśruṃ śaṅkukarṇaṃ vilohitam .. 9.36 .. ### [2.9.38](https://indike.org/pramana/in.purana.vayu.2.9.38) hrasva bāhuṃ prabāhuñca piṅgalaṃ suvibhīṣaṇam. vaivartajñānasampannaṃ sambuddhaṃ jñānasampadā .. 9.37 .. ### [2.9.39](https://indike.org/pramana/in.purana.vayu.2.9.39) evaṃvidhaṃ sutaṃ dṛṣṭvā viśvarūpadharaṃ tathā. pitā dṛṣṭvābravīttatra kubero'yamiti svayam .. 9.38 .. ### [2.9.40](https://indike.org/pramana/in.purana.vayu.2.9.40) kutsāyāṃ kvitiśabdo'yaṃ śarīraṃ beramucyate . kuberaḥ kuśarīratvānnāmnā tena ca so'ṅkitaḥ .. 9.39 .. ### [2.9.41](https://indike.org/pramana/in.purana.vayu.2.9.41) yasmādviśravaso'patyaṃ sādṛśyādviśravā iva. tasmādvaiśravaṇo nāma nāmnā loke bhaviṣyati .. 9.40 .. ### [2.9.42](https://indike.org/pramana/in.purana.vayu.2.9.42) ṛddhyāṃ kubero'janayadviśrutaṃ nalakūbaram. rāvaṇaṃ kumbhakarṇañca kanyāṃ śūrpaṇakhāntathā. vibhīṣaṇaṃ caturthāṃstānkaikasyajanayetsutān .. 9.41 .. ### [2.9.43](https://indike.org/pramana/in.purana.vayu.2.9.43) śaṅkukarṇo daśagrīvaḥ piṅgalo raktamūrddhajaḥ. catuṣpādviṃśatibujo mahākāyo mahā balaḥ .. 9.42 .. ### [2.9.44](https://indike.org/pramana/in.purana.vayu.2.9.44) jātyāñjananibho daṃṣṭro lohitagrīva eva ca. rājaseno jayayukto rūpeṇa ca balena ca .. 9.43 .. ### [2.9.45](https://indike.org/pramana/in.purana.vayu.2.9.45) satyabuddhirdṛḍhatanū rākṣasaireva rāvaṇaḥ . nisargāddāruṇaḥ krūro rāvaṇādrāvaṇastu saḥ .. 9.44 .. ### [2.9.46](https://indike.org/pramana/in.purana.vayu.2.9.46) hiraṇyakaśipustvāsītsa rājā pūrvajanmani. caturyugāni rājātra trayodaśa sa rākṣasaḥ .. 9.45 .. ### [2.9.47](https://indike.org/pramana/in.purana.vayu.2.9.47) tāḥ pañcakoṭyo varṣāṇāmākhyātāḥ saṅkhyayā dvijaiḥ. niyutānyekaṣaṣṭiśca saṅkhyāvidbhirudāhṛtā .. 9.46 .. ### [2.9.48](https://indike.org/pramana/in.purana.vayu.2.9.48) ṣaṣṭiśatasahasrāṇi varṣāṇāntu sa rāvaṇaḥ . devatānāṃ ṛṣīṇāñca ghoraṃ kṛtvā prajāgaram .. 9.47 .. ### [2.9.49](https://indike.org/pramana/in.purana.vayu.2.9.49) tretāyuge caturviṃśe rāvaṇastapasaḥ kṣayāt. rāmaṃ dāśarathiṃ prāpya sagaṇaḥ kṣayamīyivān .. 9.48 .. ### [2.9.50](https://indike.org/pramana/in.purana.vayu.2.9.50) mahodayaḥ prahastaśca mahāpāṃśukharastathā. puṣpotkaṭāyāḥ putrāste kanyā kumbhīnasī tathā .. 9.49 .. ### [2.9.51](https://indike.org/pramana/in.purana.vayu.2.9.51) triśirā dūṣaṇaścaiva vidyujjihvaśca rākṣasaḥ. kanyā hyasalikā caiva vākāyāḥ prasavāḥ smṛtāḥ .. 9.50 .. ### [2.9.52](https://indike.org/pramana/in.purana.vayu.2.9.52) ityete krūrakarmāṇaḥ paulastyā rākṣasā daśa. dāruṇābijanāḥ sarve devairapi durāsadāḥ .. 9.51 .. ### [2.9.53](https://indike.org/pramana/in.purana.vayu.2.9.53) sarve labdhavarāścaiva putrapautrasamanvitāḥ. yakṣāṇāñcaiva sarveṣāṃ paulastyā ye ca rākṣasāḥ .. 9.52 .. ### [2.9.54](https://indike.org/pramana/in.purana.vayu.2.9.54) āgastyavaiśvāmitrāṇāṃ krūrāṇāṃ brahmarakṣasām. vedādhyayanaśīlānāṃ tapovrataniṣeviṇām .. 9.53 .. ### [2.9.55](https://indike.org/pramana/in.purana.vayu.2.9.55) teṣāmaiḍaviḍo rājā paulastyaḥ savyapiṅgalaḥ. itare vai yajñamukhāstena rakṣogaṇāstrayaḥ .. 9.54 .. ### [2.9.56](https://indike.org/pramana/in.purana.vayu.2.9.56) yātu dhānā brahmadhānā vārttāścaiva divācarāḥ . niśācaragaṇāsteṣāṃ catvāraḥ kavibhiḥ smṛtāḥ .. 9.55 .. ### [2.9.57](https://indike.org/pramana/in.purana.vayu.2.9.57) paulastyā naiṛtāścaiva āgatsyāḥ kauśikāstathā. ityetāḥ sapta teṣāṃ vai jātayo rākṣasāḥ smṛtāḥ .. 9.56 .. ### [2.9.58](https://indike.org/pramana/in.purana.vayu.2.9.58) teṣāṃ rūpaṃ pravakṣyāmi svabhāvena vyavasthitam. vṛttākṣāḥ piṅgalāścaiva mahākāyā mahodarāḥ .. 9.57 .. ### [2.9.59](https://indike.org/pramana/in.purana.vayu.2.9.59) aṣṭadaṃṣṭrā śaṅkukarṇā ūrddhvaromāṇa eva ca. ākarṇadāritāsyāśca muñjadhūmorddhvamūrddhajāḥ .. 9.58 .. ### [2.9.60](https://indike.org/pramana/in.purana.vayu.2.9.60) sthūlaśīrṣāḥ sitābhāśca hrasvakāśca pravāhukāḥ. tāmrāsyā lambajihvauṣṭhā lambabhūsthūlanāsikāḥ .. 9.59 .. ### [2.9.61](https://indike.org/pramana/in.purana.vayu.2.9.61) nīlāṅgā lohitagrīvā gambhīrākṣā vibīṣaṇāḥ . mahāghorasvarāścaiva vikaṭā baddhapiṇḍikāḥ .. 9.60 .. ### [2.9.62](https://indike.org/pramana/in.purana.vayu.2.9.62) sthūlāśca tuṅganāsāśca śilāsaṃhananā dṛḍhāḥ. dāruṇābhijanāḥ krūrāḥ prāyaśaḥ kliṣṭakarmiṇaḥ .. 9.61 .. ### [2.9.63](https://indike.org/pramana/in.purana.vayu.2.9.63) sakuṇḍalāṅgadāpīḍā mukuṭoṣṇīṣadhāriṇaḥ. vicitra vastrābharaṇāścitrasraganulepanāḥ .. 9.62 .. ### [2.9.64](https://indike.org/pramana/in.purana.vayu.2.9.64) annādāḥ piśitādāśca puruṣādāśca te smṛtāḥ. ityetadrūpasādharmyaṃ rākṣasānāṃ budhaiḥ smṛtam. na samastabalaṃ buddhaṃ yato māyākṛtaṃ hi tat .. 9.63 .. ### [2.9.65](https://indike.org/pramana/in.purana.vayu.2.9.65) pulahasya mṛgāḥ putrāḥ sarve vyālāśca daṃṣṭriṇaḥ . bhūtāḥ piśācāḥ sarpāśca bhramarā hastinastathā .. 9.64 .. ### [2.9.66](https://indike.org/pramana/in.purana.vayu.2.9.66) vānarāḥ kinnarāścaiva yamakimpuruṣāstathā. ye'nye caiva parikrāntā māyākrodhavaśānugāḥ .. 9.65 .. ### [2.9.67](https://indike.org/pramana/in.purana.vayu.2.9.67) anapatyaḥ kratustasmin smṛto vaivasvate'ntare. na tasya putraḥ pautro vā tejaḥ saṃkṣipya vā sthitaḥ .. 9.66. atrervaṃśaṃ pravakṣyāmi tṛtīyasya prajāpateḥ. tasya patnyaśca sundaryo daśaivāsanpativratāḥ .. 9.67 .. ### [2.9.68](https://indike.org/pramana/in.purana.vayu.2.9.68) bhadrāśvasya ghṛtācyāṃ vai daśāpsarasi sūnavaḥ. bhadrā śūdrā ca madrā ca śaladā maladā tathā .. 9.68 .. ### [2.9.69](https://indike.org/pramana/in.purana.vayu.2.9.69) velā khalā ca saptaitā yā ca gocapalā smṛtā . tathā mānarasā caiva ratnakṛṭā ca tā daśa .. 9.69 .. ### [2.9.70](https://indike.org/pramana/in.purana.vayu.2.9.70) ātreyavaṃśakṛttāsāṃ bharttā nāmnā prabhākaraḥ. bhadrāyāṃ janayāmāsa somaṃ putraṃ yaśasvinam .. 9.70 .. ### [2.9.71](https://indike.org/pramana/in.purana.vayu.2.9.71) svarbhānunā hate sūrye patamāno divo mahīm. tamo'bhibhūte loke'smin prabhā yena pravarttitā .. 9.71 .. ### [2.9.72](https://indike.org/pramana/in.purana.vayu.2.9.72) svasti te'stviti coktaḥ sa patanniha divākaraḥ. brahmarṣervacanāttasya na papāta divo mahīm .. 9.72 .. ### [2.9.73](https://indike.org/pramana/in.purana.vayu.2.9.73) atriśreṣṭhāni gotrāṇi yaścakāra mahātapāḥ . yajñeṣvatrighanaścaiva surairyaśca pravarttitaḥ .. 9.73 .. ### [2.9.74](https://indike.org/pramana/in.purana.vayu.2.9.74) sa tāsvajanayat putrānātmatulyānanāmakān. daśa tāsveva mahatā tapasā bhāvitaprabhā .. 9.74 .. ### [2.9.75](https://indike.org/pramana/in.purana.vayu.2.9.75) svastyātreyā iti khyātā ṛṣayo vedapāragāḥ . teṣāṃ vikhyātayaśasau brahmiṣṭhau sumahaujasau .. 9.75 .. ### [2.9.76](https://indike.org/pramana/in.purana.vayu.2.9.76) dattātreyastasya jyeṣṭho durvāsāstasya cānujaḥ . yavīyasī sutā tasyā mabalā brahmavādinī. atrāpyudāharantīmaṃ ślokaṃ paurāṇikāḥ purā .. 9.76 .. ### [2.9.77](https://indike.org/pramana/in.purana.vayu.2.9.77) atreḥ putraṃ mahātmānaṃ śāntātmānamakalmaṣam. dattātreyaṃ tanuṃ viṣṇoḥ purāṇajñāḥ pracakṣate .. 9.77 .. ### [2.9.78](https://indike.org/pramana/in.purana.vayu.2.9.78) tasya gotrānvaye jātāścatvāraḥ prathitā bhuvi. śyāmāśca mudgalāścaiva balārakagaviṣṭhirāḥ. ete nṛṇāntu catvāraḥ smṛtāḥ pakṣā mahaujasām .. 9.78 .. ### [2.9.79](https://indike.org/pramana/in.purana.vayu.2.9.79) kaśyapānnāradaścaiva parvato'rundhatī tathā. jajñire ca tvarundhatyāstānnibodhata sattamāḥ .. 9.79 .. ### [2.9.80](https://indike.org/pramana/in.purana.vayu.2.9.80) nāradastu vasiṣṭhāyārundhatīṃ pratyapādayat. ūrddhvaretā mahātejā vṛkṣaśāpāttu nāradaḥ .. 9.80 .. ### [2.9.81](https://indike.org/pramana/in.purana.vayu.2.9.81) purā devāsure tasminsaṃgrāma tārakāmaye. anāvṛṣṭyā hate loke vyagre śakre suraiḥ saha. vasiṣṭhastapasā dhīmāndhārayāmāsa vai prajāḥ .. 9.81 .. ### [2.9.82](https://indike.org/pramana/in.purana.vayu.2.9.82) atrauṣadhaṃ mūlaphalamoṣadhīśca pravarttayan . tāstena jīvayāmāsa kāruṇyādoṣadhena tu .. 9.82 .. ### [2.9.83](https://indike.org/pramana/in.purana.vayu.2.9.83) arundhatyāṃ vasiṣṭhastu śaktimutpādayaddvijāḥ. sāgarañjanayacchakteradṛśyantī parāśaram .. 9.83 .. ### [2.9.84](https://indike.org/pramana/in.purana.vayu.2.9.84) kālī parāśarājjajñe kṛṣṇadvaipāyanaṃ prabhum. dvaipāyanādaraṇyāṃ vai śuko jajñe guṇānvitaḥ .. 9.84 .. ### [2.9.85](https://indike.org/pramana/in.purana.vayu.2.9.85) utpadyante ca pīvaryāṃ ṣaḍime śukasūnavaḥ. bhūriśravāḥ prabhuḥ śambhuḥ kṛṣṇo gauraśca pañcamaḥ .. 9.85 .. ### [2.9.86](https://indike.org/pramana/in.purana.vayu.2.9.86) kanyā kīrtimatī caiva yogamātā dṛḍhavratā. jananī brahmadattasya patnī sattvaguhasya ca .. 9.86 .. ### [2.9.87](https://indike.org/pramana/in.purana.vayu.2.9.87) śvetāḥ kṛṣṇāśca gaurāśca śyāmā dhūmrāḥ samūlikāḥ. ūṣmapā dārakāścaiva nīlāścaiva parāśarāḥ. parāśarāṇāmaṣṭau te pakṣāḥ proktā mahātmanām .. 9.87 .. ### [2.9.88](https://indike.org/pramana/in.purana.vayu.2.9.88) ata ūrddhvaṃ nibodhadhvamindrapratimasambhavam. vasiṣṭhasya kapiñjalyāṃ ghṛtācyāṃ samapadyata. kuśītiyaḥ samākhyāta indrapratima ucyate .. 9.88 .. ### [2.9.89](https://indike.org/pramana/in.purana.vayu.2.9.89) pṛthoḥ sutāyāḥ sambhūtaḥ putrastasyā bhavadvasuḥ. upamanyuḥ sutastasya yasyeme upamanyavaḥ .. 9.89 .. ### [2.9.90](https://indike.org/pramana/in.purana.vayu.2.9.90) mitrāvaruṇayoścaiva kuṇḍino ye pariśrutāḥ. ekārṣeyāstathaivānye vasiṣṭhā nāma viśrutāḥ. ete pakṣā vasiṣṭhānāṃ smṛtā ekādaśeva tu .. 9.90 .. ### [2.9.91](https://indike.org/pramana/in.purana.vayu.2.9.91) ityete brahmaṇaḥ putrā mānasā hyaṣṭa viśrutāḥ. bhrātaraḥ sumahābhāgā teṣāṃ vaṃśāḥ pratiṣṭhitāḥ .. 9.91 .. ### [2.9.92](https://indike.org/pramana/in.purana.vayu.2.9.92) trīṃllokāndhārayantīmāndevarṣigaṇasaṅkulān . teṣāṃ putrāśca pautrāśca śataśo'tha sahasraśaḥ. yairvyāptā pṛthivī sarvā sūryyasyeva gabhastibhiḥ .. 9.92 .. ### [2.9.93](https://indike.org/pramana/in.purana.vayu.2.9.93) iti śrīmahāpurāṇe vāyuprokte ṛṣivaṃśānukīrttanaṃ nāma navamo'dhyāyaḥ .. 9 .. \* ## Linked texts (9) - [Brahmāṇḍapurāṇa](https://indike.org/pramana/in.purana.brahmanda.2.8.2) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.63.43) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.16.20.16) — Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.4.3) — Sanskrit - [Brahmapurāṇa](https://indike.org/pramana/in.purana.brahma.4.3) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.33.21) — Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.22.13) — Sanskrit - [Saurapurāṇa](https://indike.org/pramana/in.purana.upa.saiva.saura.30.26) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.70.43) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.2.9](https://indike.org/pramana/in.purana.vayu.2.9) · Pramāṇa