Vishnupurana 22

Ātmaprakāśa 22

Language: Sanskrit

22.2

pūrvvaṃ śastrasarpagajādīn dṛṣṭvā anena ko'pi mantrādiḥ pratīkāraḥ kṛtaḥ | tasmādavijñātaṃ yathā bhavatyevaṃ sarvvabhakṣyeṣu khaṇḍalaḍḍukādiṣu viṣaṃ dattvā hanyatāmityarthaḥ |

22.4

anantasya nāmnā bhakṣyabhojyādi sarvvam abhimantrya tasmai nivedya taducchiṣṭaṃ prasādarūpeṇa nityamasau bhuṅkte| atastadāsau viṣamugraṃ tathaiva bubhuje |

22.5

tasmādanantasya khyātyā kīrttyā nirvīryyatvādavikāraṃ yathā bhavatyevaṃ jārayāmāsa |

22.6

sarvvasmād brahmaśaktiradhiketi matvā brāhmaṇān niyuṅkte ‘tvaryyatā’miti |

22.10

aṣṭādaśo'dhyāyaḥ | ceṣṭām upadeśarūpām |

22.17

yathā yairyairdoṣairetadayuktam, tathā sarvān doṣān ko bravīti ? doṣānantyānna ko'pi vaktuṃ śaknotītyarthaḥ | tathāpi kiñcid vakṣyāmītyāha—‘kintvi’ti |

22.18

kimanantena sādhvitītyādi punaruktiḥ sopālambhākṣepārthā |

22.20

idaṃ puruṣārthacatuṣṭayaṃ yasmādanantād bhavati | tasmāt kiṃ syāditi idaṃ nirarthakavākyaṃ kimiti vṛthaivocyate ityarthaḥ |

22.21

puruṣārthacatuṣṭaya-prāptimevodāharannāha--‘marīcimiśrai'riti caturbhiḥ | miśraśabdasya pūjye prayogāt marīcimiśrairmarīcimukhyairityarthaḥ |

22.23

ekatālabhyaṃ samadṛṣṭimātrasulabhaṃ harerārādhanameva sampadādīnāṃ vimukteśca mūlam |

22.24

yato dharmādi caturvidhaṃ phalaṃ tenāpi anantena | kimityeva kimidamucyate |

sopālambhoktiṃ nigamayati—'kiñce'ti |
evaṃ vipakṣastutiyuktaṃ vākyaṃ bhūyo na vakṣyasīti matvā pūrvamasmābhistvaṃ rakṣito'si | abuddhimān tvamiti tu naiva jñāto'si |
mohagrāham abuddhikṛtaṃ durāgraham |
asat samācaran ātmaivātmānaṃ hanti | sādhu samācarannātmaiva ātmānaṃ rakṣati cetyanvayaḥ |
pādyorvyāsairnikṣepaiḥ, kṣatā kṣitiryasyāḥ sā tathā |
khaṇḍitaṃ bhagnaṃ sat bhūmau jagāma papāta |
abhyavapadyata rakṣaṇārthaṃ tadabhimukham adhāvadityarthaḥ |

22.43

spaṣṭamanyat |
(ña) yatheti yata ityarthaḥ | tatheti tata ityarthaḥ | (ṭa) pāpaḥ vidveṣavān na asmi | (ḍa) praśrayeṇa vinayena anvitaṃ praśrayeṇa prītimūlakaprārthanayā vā anvitaṃ taṃ prahlādam, athavā kriyāviśeṣaṇamidam | (ḍha) ācacakṣurityatra parasmaipadamasārṣam | iti śrīdharasvāmikṛtāyāmātmaprakāśābhidhāyāṃ svaprakāśābhidhāyāṃ vā viṣṇupurāṇaṭīkāyāṃ prathamāṃśe aṣṭādaśo'dhyāyaḥ ||

Linked texts (1)

Viṣṇupurāṇa — Vyāsa, Sanskrit