Vishnupurana 65
Ātmaprakāśa 65
- Language
- Sanskrit
65.1
kuruputrasyaiva jahnorvaṃśamāha, —'jahno'riti |
65.2
pūrvoktād ajamīḍhaputrādṛkṣādanyaḥ |
65.3
viṃśaḥ adhyāyaḥ viṃśe tu kuruputrāṇāṃ vaṃśānāha parāśaraḥ | yatra svapurasantānadhṛtarāṣṭrādisantatiḥ || kurutaḥ putrāṇāṃ madhye sudhanuṣo vaṃśa uktaḥ, idānīṃ kuruputrasyaiva parikṣito vaṃśa ucyate—'parikṣita' iti |
65.8
devāpervaṃśo nābhavadityāśayenāha—‘devāpiri’ti |
yaṃ yaṃ jantuṃ spṛśati, sa sa yauvanameti, śāntiñcāpnoti | etāvatā yauvanādirūpaṃ śaṃ kalyāṇaṃ tanotīti śāntanunāmaniruktirukteti jñeyam |
prasaṃgāt parivedanadoṣamāha—‘tasye’tyādinā ‘na vavarṣa bhagavān parjanya’ ityantena |
6||
aśmasāriṇā aśmasārināmnā svayameva tapasviveśadhāriṇaḥ pravrājitāḥ |
atyṛjumateḥ yathāśrutārthagrāhiṇaḥ |
65.10
maṇipuraṃ nāma nagaraṃ tatpateḥ putryāṃ putrikādharmeṇa "asyāṃ yo jāyate putraḥ sa me putro bhavediti" kanyādātururvvagvasthene |
65.11
śāntanorvvaṃśamativistareṇāgre vakṣyan prathamaṃ bāhlīkavaṃśamāha—'bāhlīkasye'ti |
6|| mama parāśarasya putraḥ matputraḥ bhujiṣyāyāṃ dāsyām |
65.12
sāmpratamityanena parikṣidrājyakāla eva parāśaramaitreyasaṃvāda iti gamyate | akhaṇḍitā āyatiḥ prabhāvo yatra tadyathā syāditi kriyāviśeṣaṇam | 'syāt prabhāvo'pi āyati'rityamaraḥ| āyatiruttaraphalaṃ dhanādi sampat sā akhaṇḍitā yatra tad yathā syāditi vā |
65.13
parikṣīṇeṣu kuruṣviti bhagavatastadrakṣaṇe parikṣinnāmaniruktau ca hetuḥ| ātmecchāmātrakāraṇena mānuṣarūpaṃ dharttuṃ śīlaṃ yasya tasya, punarujjīvitamavāpya parikṣit jajñe |
iti śrīdharasvāmikṛtāyāṃ svaprakāśākhyāyāmātmaprakāśākhyāyāṃ vā śrīviṣṇupurāṇaṭīkāyāṃ caturthe'śe viṃśo'dhyāyaḥ ||
Linked texts (1)
- Viṣṇupurāṇa — Vyāsa, Sanskrit