Vishnupurana 97

Viṣṇucittīya 97

Language: Sanskrit

97.1

cintayāmāseti || mayā-mattaḥ || 2, 3 || pāpamiti || saṃkalpanāmayam - aditidevakyādyārādhanasaṃkalpānurūpaṃ hi bhagavato devamanuṣyādisajātīyam idaṃ rūpam | idaṃ vibhavārcāvatārasādhāraṇam | yathā ha ye yathā māṃ prapadyante iti | hṛdayopāsane'pi upāsakasaṃkalpādhīnāṅgapratyaṅgarūpādimattvamuktaṃ hṛdi saṃkalpya yadrūpamityādinā | athavā saṃkalpanāmayamitisvasaṃkalpakṛtamiti ; icchāgṛhītetyādi | yathoktam hṛdyoge bahirārādhanārthaṃ tu yā mūrtiravatiṣṭhate | tadākāraṃ vicintyātha yajetsarveśvaraṃ harim || iti |

97.4

vinirjagmuriti || dhāma-dhāmnāṃ tejasāṃ sthānaṃ, tejo vā || 5-6 || dṛṣṭveti || anantādim-ādyantarahitam || 7, 8 || sarvātmeti || sarvasyātmā sarvabhūteṣvavasthitaḥ- vyomavadityuktya vyāpī, nāmrivāgvādivadvicchidyate || 9-11 || yo'nanta iti || śekhareti-śekharasaṃniveśena sthitām | saḥ-rāmaḥ |

97.12

pitṛputreti || atra pitrādirūpeṇa pariṇatā guṇamayī vicitrakāryakaratvena māyetyucyate |

97.14

yajvabhiriti || sāttvataiḥ-bhagavacchāstraniṣṭhaiḥ || 15-17 || itthamiti || bhaktinamrātmamānasaḥ-bhaktiprahvaśarīrāntaḥkaraṇaḥ | kiṃcitsūrye virājati-astāsanne |

97.18

sa iti || ādohane-dohasthāne |

97.19

praphulleti || āyāmatuṅgorassthalaṃ-viśālapīnoraskamityarthaḥ || 20, 21 || bibhrāṇamiti || sendunīlācalābhaṃ-sitāmbhojāvataṃsavatvāt || 22, 23 || prāṃśumiti || uttuṅgabāhuṃsaṃ-pīnabāhuṃsam || 24, 25 || tadetaditi || dhāma-tejaḥ | paramaṃ padaṃ-paramaṃ prāpyam | padyate iti padaṃ, bhagavadvāsudevāṃśatvāt |

Linked texts (1)

Viṣṇupurāṇa — Vyāsa, Sanskrit