<!-- Pramāṇa, a library of Indian primary sources · https://indike.org/pramana/in.purana.visnu.4.20.12 -->

[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vishnupurana](https://indike.org/pramana/in.purana.visnu) › 4.20.12

# Vishnupurana 4.20.12

Viṣṇupurāṇa 4.20.12

- **Language:** Sanskrit

### [4.20.12](https://indike.org/pramana/in.purana.visnu.4.20.12)

arjunasyāpy ulūpyāṃ nāgakanyāyām irāvān nāma putro 'bhūt |  
maṇipurapatiputryāṃ ca putrikādharmeṇa babhruvāhanaṃ nāma putram arjuno 'janayat ||

### [4.20.12.p1](https://indike.org/pramana/in.purana.visnu.4.20.12.p1)

subhadrāyāṃ cārbhakatve 'pi yo 'sāv atibalaparākramasamastārātirathavijetā so 'bhimanyur ajāyata |  
abhimanyor uttarāyāṃ parikṣīṇeṣu kuruṣv aśvatthāmaprayuktabrahmāstreṇa garbha eva bhasmīkṛto bhagavataḥ sakalasurāsuravanditacaraṇayugalasyātmecchākāraṇamānuṣarūpadhāriṇo 'nubhāvāt punar jīvitam avāpya parīkṣij jajñe |  
yo 'yaṃ sāmpratam etad bhūmaṇḍalam akhaṇḍitāyatidharmeṇa pālayati|420.13 ||

### [4.20.12.p2](https://indike.org/pramana/in.purana.visnu.4.20.12.p2)

iti śrīviṣṇupurāṇe caturthe 'ṃśe viṃśo 'dhyāyaḥ

---
Source: [https://indike.org/pramana/in.purana.visnu.4.20.12](https://indike.org/pramana/in.purana.visnu.4.20.12) · Pramāṇa