Vishnupurana 4.6

4.6.1

maitreya uvāca:
sūryasya bhagavan vaṃśaḥ kathito bhavatā mama
somasya vaṃśe tv akhilāñ śrotum icchāmi pārthivān //

4.6.2

kīrtyate sthirakīrtīnāṃ yeṣām adyāpi saṃtatiḥ
prasādasumukhas tan me brahmann ākhyātum arhasi //

4.6.3

parāśara uvāca:
śrūyatāṃ muniśārdūla vaṃśaḥ prathitatejasaḥ |
somasyānukramāt khyātā yatrorvīpatayo 'bhavan ||

4.6.4

ayaṃ hi vaṃśo 'tibalaparākramadyutiśīlaceṣṭāvadbhir atiguṇānvitair nahuṣayayātikārtavīryārjunādibhir bhūpālair alaṃkṛtaḥ |
tam ahaṃ kathayāmi śrūyatām ||

4.6.5

akhilajagatsraṣṭur bhagavannārāyaṇanābhisarojinīsamudbhavābjayoner brahmaṇaḥ putro 'trir atreḥ somaḥ ||

4.6.6

taṃ ca bhagavān abjayonir aśeṣauṣadhīdvijanakṣatrāṇām ādhipatye 'bhyaṣecayat ||

4.6.7

sa ca rājasūyam akarot |
tatprabhāvād atyutkṛṣṭādhipatyādhiṣṭhātṛtvāc cainaṃ mada āviveśa ||

4.6.8

madāvalepāc cāsau sakaladevaguror bṛhaspates tārāṃ nāma patnīṃ jahāra ||

4.6.9

bahuśas tu bṛhaspaticoditena bhagavatā brahmaṇā codyamānaḥ sakalaiś ca devarṣibhir yācyamāno 'pi na mumoca ||

4.6.10

tasya ca bṛhaspatidveṣād uśanā pārṣṇigrāho 'bhavat ||

4.6.11

aṅgiraḥ sakāśād upalabdhavidyo bhagavān rudro bṛhaspateḥ sahāyyam akarot ||

4.6.12

yataś cośanā tato jambhakumbhādyāḥ samastā eva daityadānavanikāyā mahāntam udyamaṃ cakruḥ |
bṛhaspater api sakaladevasainyasahāyaḥ śakro 'bhavat ||

4.6.13

evaṃ ca tayor atīvograḥ saṃgrāmas tārānimittas tārakāmayo nāmābhavat |
tataḥ samastaśastrāṇy asureṣu rudrapurogamā devā deveṣu cāśeṣadānavā mumucuḥ ||

4.6.14

evaṃ ca devāsurāhavakṣobhakṣubdhahṛdayam aśeṣaṃ eva jagad brahmāṇaṃ śaraṇaṃ jagāma ||

4.6.15

tataś ca bhagavān apy uśanasaṃ śaṃkaram asurān devāṃś ca nivārya bṛhaspataye tārām adadāt |
tāṃ cāntaḥprasavām avalokya bṛhaspatir āha ||

4.6.16

naiṣa mama kṣetre bhavatyānyasya suto dhāryaḥ samutsṛjainam alam atidhārṣṭyeneti ||

4.6.17

sā ca tenaivam uktātipativratā bhartṛvacanāt tam īṣikāstambe garbham utsasarja ||

4.6.18

sa cotsṛṣṭamātra evātitejasā devānāṃ tejāṃsy ācikṣepa ||

4.6.19

bṛhaspatim induṃ ca tasya kumārasyāticārutayā sābhilāṣau dṛṣṭvā devāḥ samutpannasaṃdehās tārāṃ papracchuḥ ||

4.6.21

satyaṃ kathayāsmākam atisubhage kasyāyam ātmajaḥ somasyātha bṛhaspateḥ putraḥ |
ityuktāpi sā tārā hriyā na kiṃcid uvāca |
bahuśo 'py abhihitā yadāsau devebhyo nācacakṣe tataś ca sa kumāras tāṃ śaptum udyataḥ prāha ca |
duṣṭe kasmān mama tātaṃ nākhyāsi |
adyaiva te 'līkalajjāvatyās tathā śāstim ayam ahaṃ karomi yathā naivam anyāpy atimantharavacanā bhaviṣyatīti
atha bhagavān pitāmahas taṃ kumāraṃ saṃnivārya svayam apṛcchat tārām |
kathaya vatse kasyāyam ātmajaḥ somasya atha bṛhaspater ity uktā lajjājaḍam āha somasyeti ||

4.6.22

tataḥ sphuraducchvasitāmalakapolakāntir bhagavān uḍupatis tam āliṅgya kumāraṃ sādhu sādhu vatsa prājño 'sīti budha iti nāma cakre ||

4.6.23

sa cākhyātam evaitad yathelāyām ātmajapurūravasam utpādayām āsa |
purūravās tv atidānaśīlo 'tiyajvātitejasvī yaṃ satyavādinam atirūpiṇaṃ mitrāvaruṇaśāpān mānuṣe loke mayā vastavyam iti kṛtamatir urvaśī dadarśa ||

4.6.24

dṛṣṭamātre ca yasminn apahāya mānam aśeṣasvargābhilāṣam apāsya tanmanaskā bhūtvā tam evopatasthe ||

4.6.25

so 'pi ca tām atiśayitasakalalokastrīkāntisaukumāryalāvaṇyagativilāsahāsādiguṇām avalokya tadāyattacittavṛttir babhūva ||

4.6.26

ubhayam api tanmanaskam ananyadṛṣṭi parityaktasamastānyatprayojanam abhūt ||

4.6.27

rājā tu prāgalbhyāt tām āha ||

4.6.28

subhru tvām aham atikāmo 'smi |
prasīdānurāgam udvahety uktā lajjāvakhaṇḍitam urvaśī prāha ||

4.6.29

bhavatv evaṃ yadi me samayaparipālanaṃ bhavān karoti ||

4.6.30

ākhyāhi me samayam ity atha pṛṣṭā punar abravīt |
śayanasamīpe mamoraṇakadvayaṃ putrabhūtaṃ nāpaneyam |
bhavāṃś ca mayā nagno na draṣṭavyaḥ |
ghṛtamātraṃ ca mamāhāra ity evam eveti bhūpatir āha |
tayā ca sahāvanīpatir alakāyāṃ caitrarathādivaneṣv amalapadmaṣaṇḍeṣu saraḥsv abhiramamāṇa ekaṣaṣṭivarṣāṇy anudinapravardhamānapramodo 'nayat ||

4.6.31

urvaśī ca tadupabhogāt pratidinapravardhamānānurāgā amaralokavāse 'pi na spṛhāṃ cakāra ||

4.6.32

vinā corvaśyā suraloko 'psarasāṃ siddhagandharvāṇāṃ ca nātiramaṇīyo 'bhavat ||

4.6.33

tataś corvaśīpurūravasoḥ samayavid viśvāvasur gandharvasamaveto niśi śayanābhyāśād ekam uraṇakaṃ jahāra ||

4.6.34

tasyākāśe nīyamānasyorvaśī śabdam aśṛṇot |
āha ca mamānāthāyāḥ putraḥ kenāpy'pahriyate kaṃ śaraṇam upayāmīty V iti ākarṇya rājā nagnaṃ māṃ devī drakṣyatīti na yayau |
athānyam apy uraṇakam ādāya gandharvā yayuḥ |
tasyāpy apahriyamāṇasyaśabdam ākarṇya'kāśe punar apy anāthāsmy aham abhartṛkā kupuruṣāśrayety ārtarāviṇī babhūva ||

4.6.35

rājāpy amarṣavaśād andhakāram etad iti khaḍgam ādāya duṣṭa duṣṭa hato 'sīti vyāharann abhyadhāvat ||

4.6.36

tāvac ca gandharvair atīvojjvalā vidyuj janitā |
tatprabhayā corvaśī rājānam apagatāmbaraṃ dṛṣṭvāpavṛttasamayā tatkṣaṇād evāpakrāntā ||

4.6.37

parityajya tāv uraṇakau gandharvāḥ suralokam upagatāḥ ||

4.6.38

rājāpi ca tau meṣāv ādāya hṛṣṭamanāḥ svaśayanam āyāto norvaśīṃ dadarśa ||

4.6.39

tāṃ cāpaśyann apagatāmbara evonmattarūpo babhrāma |
kurukṣetre cāmbhojasarasy anyābhiś catasṛbhir apsarobhiḥ samavetām urvaśīṃ dadarśa |
tataś conmattarūpo jāye he tiṣṭha manasi ghore tiṣṭha vacasīty anekaprakāraṃ sūktam avocat ||

4.6.40

āha corvaśī |
mahārājālam anenāvivekaceṣṭitenāntarvatny aham abdānte bhavatātrāgantavyaṃ kumāras te bhaviṣyatīty ekāṃ ca niśām ahaṃ tvayā saha vatsyāmīty uktaḥ prahṛṣṭaḥ svapuraṃ jagāma ||

4.6.41

tāsāṃ cāpsarasām urvaśī kathayām āsa |
ayaṃ sa puruṣotkarṣṭo yenāham etāvantaṃ kālam anurāgākṛṣṭamānasā sahoṣitety evam uktās tām apsarasa ūcuḥ |
sādhu sādhv asya rūpam anena sahāsmākam api sarvakālam abhirantuṃ spṛhā bhavet |
ity abde ca pūrṇe sa rājā tatrājagāma |
kumāraṃ cāyuṣam asmai tadorvaśī dadau ||

4.6.42

ekāṃ ca niśāṃ tena rājñā sahoṣitvā pañcaputrotpattaye garbham avāpa ||

4.6.43

uvāca cainaṃ rājānam asmatprītyā mahārājāya sarva eva gandharvā varadāḥ saṃvṛttā vriyatāṃ vara iti ||

4.6.44

āha rājā |
vijitasakalārātir avihatendriyasāmarthyo bandhumān amitabalakośo nānyad asmākam urvaśīsālokyād aprāpyam asti |
tad aham anayā sahorvaśyā kālaṃ netum abhilaṣāmi ||

4.6.45

ity ukte gandharvā rājñe 'gnisthālīṃ daduḥ ||

After he had spoken this the Gandharvas brought to him a vessel with fire and said,—"Take this fire and according to the precepts of the Vedas divide it into three parts: then offer oblation to it for Urvasi and your desires shall thus be gratified". The Gandharvas having said this, the king took the vessel and went away. Then coming to a forest he thought—"Oh, what stupid I am; I have brought this vessel but not Urvasi". Then leaving the vessel there he came back to his capital. When half the night had passed he awoke and thought—"The Gandharvas conferred upon me this vessel of fire to enable me to live with Urvasi. I have left that in the forest. I shall go there to bring it". Having said this he went there but did not find the vessel. Then beholding a young Ashwattha tree growing out of a Sami plant he argued within himself—"I left here a vessel of fire and I now see a young Ashwattha tree growing out of a Sami plant. I shall take this type of fire to my capital and having created fire by their attrition I will worship it".

4.6.46

ūcuś cainam agnim āmnāyānusārī bhūtvā tridhā kṛtvorvaśīsalokatāmanoratham uddiśya samyag yajethās tato 'vaśyam abhilaṣitam avāpsyasīty uktas tām agnisthālīm ādāyājagāma antar aṭavyām acintayad aho me 'timūḍhatā yad agnisthalī mayānītā norvaśīti |
athainām aṭavyām evāgnisthālīṃ tatyāja svapuraṃ cājagāma ||

After he had spoken this the Gandharvas brought to him a vessel with fire and said,—"Take this fire and according to the precepts of the Vedas divide it into three parts: then offer oblation to it for Urvasi and your desires shall thus be gratified". The Gandharvas having said this, the king took the vessel and went away. Then coming to a forest he thought—"Oh, what stupid I am; I have brought this vessel but not Urvasi". Then leaving the vessel there he came back to his capital. When half the night had passed he awoke and thought—"The Gandharvas conferred upon me this vessel of fire to enable me to live with Urvasi. I have left that in the forest. I shall go there to bring it". Having said this he went there but did not find the vessel. Then beholding a young Ashwattha tree growing out of a Sami plant he argued within himself—"I left here a vessel of fire and I now see a young Ashwattha tree growing out of a Sami plant. I shall take this type of fire to my capital and having created fire by their attrition I will worship it".

4.6.47

vyatītārdharātrasamaye vinidraś cācintayat |
mamorvaśīsālokyaprāptyartham agnisthālī gandharvair dattā sā ca mayāṭavyāṃ parityaktā |
tad ahaṃ tatra tadāharaṇāya yāsyāmīty utthāya tatrāpy upagato nāgnisthālīm apaśyat |
śamīgarbhaṃ cāśvattham agnisthālīsthāne dṛṣṭvācintayat |
mayātra sthālī nikṣiptā sā cāśvatthaḥ śamīgarbho 'bhūt |
tad enam evāham agnirūpam ādāya svapuram abhigamyāraṇīṃ kṛtvā tadutpannāgner upāstiṃ kariṣyāmīty evam eva svapuram upagato 'raṇiṃ cakāra ||

After he had spoken this the Gandharvas brought to him a vessel with fire and said,—"Take this fire and according to the precepts of the Vedas divide it into three parts: then offer oblation to it for Urvasi and your desires shall thus be gratified". The Gandharvas having said this, the king took the vessel and went away. Then coming to a forest he thought—"Oh, what stupid I am; I have brought this vessel but not Urvasi". Then leaving the vessel there he came back to his capital. When half the night had passed he awoke and thought—"The Gandharvas conferred upon me this vessel of fire to enable me to live with Urvasi. I have left that in the forest. I shall go there to bring it". Having said this he went there but did not find the vessel. Then beholding a young Ashwattha tree growing out of a Sami plant he argued within himself—"I left here a vessel of fire and I now see a young Ashwattha tree growing out of a Sami plant. I shall take this type of fire to my capital and having created fire by their attrition I will worship it".

4.6.48

tatpramāṇaṃ cāṅgulaiḥ kurvan gāyatrīm apaṭhat |
paṭhataś cākṣarasaṃkhyāny evāṅgulāny araṇy abhavat |
tatrāgniṃ nirmathyāgnitrayam āmnāyānusārī bhūtvā juhāva urvaśīsālokyaṃ ca phalam abhisaṃhitavān ||

Having thus made up his mind he took the plants to his city and made their wood for attrition with pieces of as many inches as there are syllables in the Gayatri. He recited that verse and rubbed together sticks of as many inches as he recited syllables in the Gayatri, Having created fire there-from he divided it into three portions according to the precepts of the Vedas and offered oblations to it with the view of obtaining re-union with Urvasi. Having performed many sacrifices with this fire he attained to the region of the Gandharvas and suffered no more separation from his beloved Urvasi. Thus fire, that was at first one, was made three-fold in the present Manwantara by the son of Ilā.

4.6.49

tenaivāgnividhinā bahuvidhān yajñān iṣṭvā gāndharvalokān avāpyorvaśyā saha viyogaṃ nāvāpa ||

Having thus made up his mind he took the plants to his city and made their wood for attrition with pieces of as many inches as there are syllables in the Gayatri. He recited that verse and rubbed together sticks of as many inches as he recited syllables in the Gayatri, Having created fire there-from he divided it into three portions according to the precepts of the Vedas and offered oblations to it with the view of obtaining re-union with Urvasi. Having performed many sacrifices with this fire he attained to the region of the Gandharvas and suffered no more separation from his beloved Urvasi. Thus fire, that was at first one, was made three-fold in the present Manwantara by the son of Ilā.

4.6.50

eko 'gnir ādāv abhavad ailena tv atra manvantare tredhā pravartita iti ||

Having thus made up his mind he took the plants to his city and made their wood for attrition with pieces of as many inches as there are syllables in the Gayatri. He recited that verse and rubbed together sticks of as many inches as he recited syllables in the Gayatri, Having created fire there-from he divided it into three portions according to the precepts of the Vedas and offered oblations to it with the view of obtaining re-union with Urvasi. Having performed many sacrifices with this fire he attained to the region of the Gandharvas and suffered no more separation from his beloved Urvasi. Thus fire, that was at first one, was made three-fold in the present Manwantara by the son of Ilā.

4.6.50.p1

iti śrīviṣṇupurāṇe caturthe 'ṃśe ṣaṣṭho 'dhyāyaḥ

Having thus made up his mind he took the plants to his city and made their wood for attrition with pieces of as many inches as there are syllables in the Gayatri. He recited that verse and rubbed together sticks of as many inches as he recited syllables in the Gayatri, Having created fire there-from he divided it into three portions according to the precepts of the Vedas and offered oblations to it with the view of obtaining re-union with Urvasi. Having performed many sacrifices with this fire he attained to the region of the Gandharvas and suffered no more separation from his beloved Urvasi. Thus fire, that was at first one, was made three-fold in the present Manwantara by the son of Ilā.