Ambastotra 2
Ambāstotra 2
- Language
- Sanskrit
2.1
ānandaṃ diśatu śrīhastigirau khastidā sadā mahyam
yā kautukaṃ vidhatte sākūtenāvalokanena hareḥ
2.2
yannāma kīrtanīyaṃ śrīrityādau priyaṃ harernityam
(sā) me samastajananī santatamudayāya bhūyase bhūyāt
2.3
śrīvaradeśvaradayite vāñchāmi tvāṃ yathāmati stotum
svalpo'pi ḍimbhajalpo mātuḥ prītiṃ kathaṃ na sañjanayet
2.4
muraripumohanadhāmne mūrtirvinirdhūtaviṣphuraddhamne
diviṣadameyavibhramne lakṣmīnāmne paraṃ namo bhūmne
2.5
karigirināyakakānte dāntajanasvāntapaṅkajaniśānte
mayi bhavamaraṇāśrānte karuṇāṃ śaraṇāgate kuru praguṇām
2.6
vācāmapyaktrimāṇāmapi munimanasāmagocare devi !
tvaddarśane madīyāṃ kāṅkṣāṃ saphalāṃ karotu te karuṇā
2.7
mākhadvidhubimbāsye maṅgalasaumyākṛte guruśroṇi
bhṛgunandini mandagate romalatāhe jayābdhikulaketo !
2.8
dhanyaṃ prasūnagarbhaṃ dhammillaṃ devi tāvakaṃ manye
prasavaśareṇa nyastaṃ tūṇaṃ bāṇaughapūrṇamarṇavaje
Linked texts (1)
- Ambāstotra — Māruti, Sanskrit