Pramāṇa · Search · About · API

Candikavaca 2

Caṇḍīkavaca 2

Language
Sanskrit

2.1

iti
śrīvāśāhnugrahāṣṭakaṃ saṃpūrṇam
233. caṇḍīkavacam
śrīgaṇeśāya namaḥ || asya śrīcaṇḍīkavacasya brahmā ṛṣiḥ, anuṣṭup
chaṃdaḥ, cāmuṇḍā devatā, aṃganyāsoktamātaro bījam, digbaṃdhadevatāstattvam, śrījagadaṃbāprītyarthe jape viniyogaḥ | oṃnamaścaṇḍikāyai| oṃ
mārkaṇḍeya uvāca || oṃyadguhyaṃ paramaṃ loke sarvarakṣākaraṃ nṛṇām | yanna
kasyacidākhyātaṃ tanme brūhi pitāmaha

2.2

brahmovāca || asti guhyatamaṃ
vipra sarvabhūtopakārakam | devyāstu kavacaṃ puṇyaṃ tacchṛṇuṣva mahāmune

2.3

prathamaṃ śailaputrīti dvitīyaṃ brahmacāriṇī | tṛtīyaṃ candraghaṇṭeti
kūṣmāṇḍeti caturthakam

2.4

paṃcamaṃ skandamāteti ṣaṣṭhaṃ kātyāyanīti
ca | saptamaṃ kālarātriśca mahāgaurīti cāṣṭamam

2.5

navamaṃ
siddhidātrī ca navadurgāḥ prakīrtitāḥ | uktānyetāni nāmāni brahmaṇaiva
mahātmanā

2.6

agninā dahyamānastu śatrumadhye gato raṇe | viṣame
durgame caiva bhayārtāḥ śaraṇaṃ gatāḥ

2.7

na teṣāṃ jāyate kiṃcidaśubhaṃ
raṇasaṃkaṭe | nāpadaṃ tasya paśyāmi śokaduḥkhabhayaṃ nahi

2.8

yaistu
bhaktyā smṛtā nūnaṃ teṣāṃ siddhiḥ prajāyate | pretasaṃsthā tu cāmuṇḍā
vārāhī mahiṣāsanā

2.9

aindrī gajasamārūḍhā vaiṣṇavī garuḍāsanā
māheśvarī vṛṣārūḍhā kaumārī śikhivāhanā

2.10

brāhmī haṃsasamārūḍhā sarvābharaṇabhūṣitā | nānābharaṇaśobhāḍhyā nānāratnopaśobhitā

2.11

dṛśyante rathamārūḍhā devyaḥ krodhasamākulāḥ | śaṃkhaṃ cakraṃ gadāṃ śaktiṃ halaṃ ca musalāyudham

2.12

kheṭakaṃ tomaraṃ caiva paraśuṃ pāśameva ca | kuntāyudhaṃ triśūlaṃ ca śārṅgamāyudhamuttamam

2.13

daityānāṃ dehanāśāya bhaktānāmabhayāya ca | dhārayantyāyudhānītthaṃ devānāṃ ca hitāya vai

2.14

mahābale mahotsāhe mahābhayavināśini | trāhi māṃ devi duṣprekṣye śatrūṇāṃ bhayavardhini

2.15

prācyāṃ rakṣatu māmaindrī āgneyyāmagnidevatā | dakṣiṇe'vatu vārāhī nairṛtyāṃ khaḍgadhāriṇī

2.16

pratīcyāṃ vāruṇī rakṣedvāyavyāṃ mṛgavāhinī | udīcyāṃ rakṣa kauberi īśānyāṃ śūladhāriṇi

2.17

ūrdhvaṃ brahmāṇī me rakṣedadhastādvaiṣṇavī tathā | evaṃ daśa diśo rakṣeccāmuṇḍā śava-vāhanā

2.18

jayā me agrataḥ sthātu vijayā sthātu pṛṣṭhataḥ | ajitā vāmapārśve tu dakṣiṇe cāparājitā

2.19

śikhāṃ me dyotinī rakṣedumā mūrdhni vyavasthitā | mālādharī lalāṭe ca bhruvau rakṣedyaśasvinī

2.20

trinetrā ca bhruvormadhye yamaghaṇṭā ca nāsike | śaṃkhinī cakṣuṣormadhye śrotrayordvāravāsinī

2.21

kapolau kālikā rakṣetkarṇamūle tu śāṃkarī | nāsikāyāṃ sugandhā ca uttaroṣṭhe ca carcikā

2.22

adhare cāmṛtakalā jihvāyāṃ ca sarasvatī | dantān rakṣatu kaumārī kaṇṭhamadhye tu caṇḍikā

2.23

ghaṇṭikāṃ citraghaṇṭā ca mahāmāyā ca tāluke | kāmākṣī cibukaṃ rakṣedvācaṃ me sarvamaṃgalā

2.24

grīvāyāṃ bhadrakālī ca pṛṣṭhavaṃśe dhanurdharī | nīlagrīvā bahiḥkaṇṭhe nalikāṃ nalakūbarī

2.25

khaḍgadhāriṇyubhau skaṃdhau vāhū me vajradhāriṇī | hastayordaṇḍinī rakṣedambikā
cāṃgulīstathā

2.26

nakhāñchūleśvarī rakṣet kukṣau rakṣennaleśvarī
stanau rakṣenmahālakṣmīrmanaḥśokavināśinī

2.27

hṛdaye lalitādevī udare śūladhāriṇī | nābhau ca kāminī rakṣedguhyaṃ guhyeśvarī tathā

2.28

kaṭyāṃ bhagavatī rakṣejjānunī vindhyavāsinī | bhūtanāthā ca
meḍhraṃ me ūrū mahiṣavāhinī

2.29

jaṃghe mahābalā proktā sarvakāmapradāyinī | gulphayornārasiṃhī ca pādau cāmitatejasī

2.30

pādāṃgulīḥ śrīmaṃ rakṣetpādādhastalavāsinī | nakhāndaṃṣṭrākarālīṃ ca
keśāṃścaivordhvakeśinī

2.31

romakūpeṣu kauberī tvacaṃ vāgīśvarī
tathā | raktamajjāvasāmāṃsānyasthimedāṃsi pārvatī

2.32

antrāṇi
kālarātriśca pittaṃ ca mukuṭeśvarī | padmāvatī padmakośe kaphe cūḍāmaṇistathā

2.33

jvālāmukhī nakhajvālā abhedyā sarvasaṃdhiṣu | śukraṃ
brahmāṇī me rakṣecchāyāṃ chatreśvarī tathā

2.34

ahaṃkāraṃ mano buddhiṃ
rakṣa me dharmacāriṇi | prāṇāpānau tathā vyānaṃ samānodānameva ca

2.35

yaśaḥ kīrtiṃ ca lakṣmīṃ ca sadā rakṣatu vaiṣṇavī | gotramindrāṇī
me rakṣetpaśūnme rakṣa caṇḍike

2.36

putrān rakṣenmahālakṣmīrbhāryāṃ
rakṣatu bhairavī | mārgaṃ kṣemakarī rakṣedvijayā sarvataḥ sthitā

2.37

rakṣāhīnaṃ tu yatsthānaṃ varjitaṃ kavacena tu | tatsarvaṃ rakṣa me devi jayantī
pāpanāśinī

2.38

padamekaṃ na gacchettu yadīcchecchubhamātmanaḥ
kavacenāvṛto nityaṃ yatra yatrādhigacchati

2.39

tatra tatrārthalābhaśca
vijayaḥ sārvakāmikaḥ | yaṃ yaṃ kāmayate kāmaṃ taṃ taṃ prāpnoti niścitam

2.40

paramaiśvaryamatulaṃ prāpsyate bhūtale pumān | nirbhayo jāyate
martyaḥ saṃgrāmeṣvaparājitaḥ

2.41

trailokye tu bhavetpūjyaḥ kavacenāvṛtaḥ pumān | idaṃ tu devyāḥ kavacaṃ devānāmapi durlabham

Linked texts (4)