[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Durgā, Caṇḍī and Kālī](https://indike.org/pramana/in.sampradaya.general.devistotra.durga) › [Devistuti](https://indike.org/pramana/in.sampradaya.general.devistotra.durga.devistuti) › 12 # Devistuti 12 Devīstuti 12 - **Language:** Sanskrit ### [12](https://indike.org/pramana/in.sampradaya.general.devistotra.durga.devistuti.12) yā brahmaśaktiḥ sattvasthā 1sānantā vai prakīrtitā etāsāṃ sarvabhedeṣu pṛthagekaikaśo ghare sarvāsāṃ bhagavān rudraḥ 2sarvagatvāt patirbhavet yāvantyastā mahāśaktyastāvadrūpāṇi śaṃkaraḥ kṛtavāṃstāṃśca bhajate patirūpeṇa sarvadā yaścārādhayate 3tāstu tasya rudreṣu toṣate siddhayantyastāstadā devyo mantriṇo nātra saṃśayaḥ |" iti devyā stutyā hareḥ prītiḥ | harivaṃśe hariṇā proktasyāsyā stavasyāvasāne devīṃ prati" ye ca tvāṃ matprabhāvajñāḥ praṇamiṣyanti mānavāḥ na teṣāṃ durlabhaṃ kiṃcit putrato dhanato'pi vā kāntāreṣvavasannānāṃ magnānāṃ ca mahārṇave dasyubhirvā niruddhānāṃ tvaṃ gatiḥ paramā nṛṇām tvāṃ tu stoṣyanti ye bhaktyā stavenānena suvrate tasyāhaṃ na praṇaśyāmi sa ca me na praṇaśyati ||" iti harerevaṃ vacanenāvagamyate | harivaṃśe aniruddhakṛtadevīstotrāvasāne tu devyā nāmakīrtanamātreṇa brahmādikasya sarvasya jagataḥ prītiruktā ; " brahmā viṣṇuśca śakraśca candrasūryāgnimārutāḥ aśvinau vasavaścaiva viśve sādhyāstathaiva ca marutā saha parjanyo dhātā bhūmirdiśo daśa gāvo nakṣatravaṃśāśca grahā nadyo hṛdāstathā saritaḥ sāgarāścaiva nāgāvidyādharoragāḥ tathā yakṣāḥ suparṇāśca gandharvāpsarasāṃ gaṇāḥ kṛtsnaṃ jagadidaṃ prītiṃ devyā nāmānukīrtanāt |" iti viṣṇupurāṇe'pi devīstutyā bhagavataḥ prītiruktā ; ityekādaśaḥ ślokaḥ (11) kāntāramadhyadṛḍhalagnatayā'vasannā magnāśca vāridhijale ripubhiśca ruddhāḥ yasyāḥ prapadya caraṇau vipadastaranti sā me sadā'stu hṛdi sarvajagatsavitrī - [Previous: 11](https://indike.org/pramana/in.sampradaya.general.devistotra.durga.devistuti.11) - [Next: 13](https://indike.org/pramana/in.sampradaya.general.devistotra.durga.devistuti.13) --- Source: [https://indike.org/pramana/in.sampradaya.general.devistotra.durga.devistuti.12](https://indike.org/pramana/in.sampradaya.general.devistotra.durga.devistuti.12) · Pramāṇa