[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Durgā, Caṇḍī and Kālī](https://indike.org/pramana/in.sampradaya.general.devistotra.durga) › [Devistuti](https://indike.org/pramana/in.sampradaya.general.devistotra.durga.devistuti) › 15 # Devistuti 15 Devīstuti 15 - **Language:** Sanskrit ### [15](https://indike.org/pramana/in.sampradaya.general.devistotra.durga.devistuti.15) iti tena kṛtamupāśvāsanaṃ copanyasyat | "tato devīṃ sa kaumārīṃ rakṣārthaṃ śaraṇaṃ gataḥ" ityuktam | yacca aniruddhena kṛtam ; "mahendraviṣṇubhaginīṃ namāmyātmahitāya vai manasā bhāvaśuddhena śuciḥ stoṣye kṛtāñjaliḥ ||" ityādi, "tvatprasādādavighnena kṣipraṃ mucyeta bandhanāt avekṣasva viśālākṣi pādau te śaraṇaṃ vraje ||" ityantam | draupadīvastrāpaharaṇakāle saubhavadhavyāsaṅgenaiva kenacit mahatā devakāryasaṅgena kṛṣṇasya idānīmihāgamane vighno mā bhūt | śīghramāgatya bhagavān asmān bāṇakṛtāt tadgṛhe virodhāt svātmānaṃ mocayitum ityetadarthaṃ ca; devī tu, 'kṛṣṇenaiva aniruddhasya nāgapāśamokṣaḥ kāryaḥ' iti devakṛtāṃ maryādām anvīkṣya tasya vedanāparihārāya dṛḍhaṃ nāgapāśabandhaṃ śithilīkṛtya, śīghraṃ kṛṣṇāgamananivedanena tamāśvāsitavatīti tadanantaramuktam "nāgapāśena baddhasya hṛtasyoddhatacetasaḥ sphoṭayitvā karāgreṇa pañjaraṃ vajrasaṃnibham 1ruddhaṃ bāṇapure vīramaniruddhamabhāṣata 2sāntvayantī ca sā devī prasādābhimukhī tadā ||" iti | śrīdevyuvāca— "cakrāyudho mokṣayitāniruddha tvāṃ bandhanādāśu sahasva kālam chittvāśu bāṇasya ca bāhucakraṃ purīṃ nijāṃ neṣyati daityasūdana ||" iti yattu tadanantaram—"namo'stu te devi varaprade śive" ityādi ; "prīyatāṃ me jagannātha śailaputri vasuṃdhare trāyasva māṃ mahādevi nārāyaṇi namo'stu te namāmi śirasā devīṃ bandhanastho vimocitaḥ rudrapriye mahābhāge bhaktānāmārtināśini namo'stu te jagannāthe priye dānte mahāvrate iti caturdaśaḥ ślokaḥ (14) evaṃ prāptāṃ vipadaṃ nivārayituṃ bhagavadbhāvapreraṇāya rukmiṇyā kṛtaṃ devyārādhanaṃ saṃgṛhṇāti— pāpaḥ pulastyatanayaḥ punarutthito māmadyāpi hartumayamāgata ityudītam yatsevanena mayamindirayāvadhūtaṃ tāmādidevatasaraṇīṃ śaraṇaṃ gato'smi - [Previous: 14](https://indike.org/pramana/in.sampradaya.general.devistotra.durga.devistuti.14) - [Next: 16](https://indike.org/pramana/in.sampradaya.general.devistotra.durga.devistuti.16) --- Source: [https://indike.org/pramana/in.sampradaya.general.devistotra.durga.devistuti.15](https://indike.org/pramana/in.sampradaya.general.devistotra.durga.devistuti.15) · Pramāṇa