[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Durgā, Caṇḍī and Kālī](https://indike.org/pramana/in.sampradaya.general.devistotra.durga) › [Devistuti](https://indike.org/pramana/in.sampradaya.general.devistotra.durga.devistuti) › 3 # Devistuti 3 Devīstuti 3 - **Language:** Sanskrit ### [3](https://indike.org/pramana/in.sampradaya.general.devistotra.durga.devistuti.3) ‘‘prabodhaṃ ca jagatsvāmī nīyatāmacyuto laghu bodhaṃ ca kriyatāmasya hantumetau mahāsurau||’’ ‘‘yā hyeṣā gahvarī māyā nidreti jagati sthitā sā karmānveṣiṇī ghorā kālarātrī mahīpate asyāstanustamodvārā niśādivasanāśinī jīvitārthaharī ghorā sarvaprāṇabhṛtāṃ bhuvi naitayā kaścidāviṣṭo jṛmbhamāṇe muhurmuhuḥ śaktaḥ prasahinuṃ vegaṃ majjanniva mahārṇave annajā bhuvi martyānāṃ śramajā vā kathaṃcana naiśā bhavati lokasya nidrā sarvasya laukikī sukhānte kṣīyate hyeṣā prāyaśo bhuvi dehinām mṛtyukālābhibhūtānāṃ prāṇān sthāpayate bhṛśam deveṣvapi dadhārenāṃ nānyo nārāyaṇāhṛte sakhī sarvarahasyeṣā māyā viṣṇoḥ śarīrajā1 saiṣā nārāyaṇamukhe dṛṣṭā2 kamalalocanā lokānalpena kālena grasate bhṛśamohinī3 iti dvitīyaḥ ślokaḥ (2) prāṅnirjaraiṣu nihatairnijaśaktileśairekībhavadbhiruditākhilalokagupyai saṃpannaśastranikarā ca tadāyudhasthairmātā mamāstu mahiṣāntakarī purastāt - [Previous: 2](https://indike.org/pramana/in.sampradaya.general.devistotra.durga.devistuti.2) - [Next: 4](https://indike.org/pramana/in.sampradaya.general.devistotra.durga.devistuti.4) --- Source: [https://indike.org/pramana/in.sampradaya.general.devistotra.durga.devistuti.3](https://indike.org/pramana/in.sampradaya.general.devistotra.durga.devistuti.3) · Pramāṇa