Pramāṇa · Search · About · API

Devyargalastotra 1

Devyargalāstotra 1

Language
Sanskrit

1.1

mārkaṇḍeya uvāca—
jayantī maṅgalā kālī bhadrakālī kapālinī
durgā kṣamā śivā dhātrī svāhā svadhā namo'stu te

1.2

madhukaiṭabhavidrāvi vidhātṛvarade namaḥ
rūpaṃ dehi jayaṃ dehi yaśo dehi dviṣo jahi

1.3

mahiṣāsuranirṇāśi vidhātri varade namaḥ
rūpaṃ dehi jayaṃ dehi yaśo dehi dviṣo jahi

1.4

vanditāṅghriyuge devi sarvasaubhāgyadāyini
rūpaṃ dehi jayaṃ dehi yaśo dehi dviṣo jahi

1.5

raktabījavadhe devi caṇḍamuṇḍavināśini
rūpaṃ dehi jayaṃ dehi yaśo dehi dviṣo jahi

1.6

acintyarūpacarite sarvaśatruvināśini
rūpaṃ dehi jayaṃ dehi yaśo dehi dviṣo jahi

1.7

natebhyaḥ sarvadā bhaktyā caṇḍike praṇatāya me
rūpaṃ dehi jayaṃ dehi yaśo dehi dviṣo jahi

1.8

stuvadbhyo bhaktipūrvaṃ tvāṃ caṇḍike vyādhināśini
rūpaṃ dehi jayaṃ dehi yaśo dehi dviṣo jahi

1.9

caṇḍike satataṃ ye tvāmarcayantīha bhaktitaḥ
rūpaṃ dehi jayaṃ dehi yaśo dehi dviṣo jahi

1.10

dehi saubhāgyamārogyaṃ dehi devi paraṃ sukham
rūpaṃ dehi jayaṃ dehi yaśo dehi dviṣo jahi

1.11

vidhehi dviṣatāṃ nāśaṃ vidhehi balamuccakaiḥ
rūpaṃ dehi jayaṃ dehi yaśo dehi dviṣo jahi

1.12

vidhehi devi kalyāṇaṃ vidhehi vipulaṃ śriyam
rūpaṃ dehi jayaṃ dehi yaśo dehi dviṣo jahi

1.13

vidyāvantaṃ yaśasvantaṃ lakṣmīvantaṃ janaṃ kuru
rūpaṃ dehi jayaṃ dehi yaśo dehi dviṣo jahi

1.14

pracaṇḍadaityadarpaghne caṇḍike praṇatāya me
rūpaṃ dehi jayaṃ dehi yaśo dehi dviṣo jahi

1.15

caturbhuje caturvaktrasaṃstute parameśvari
rūpaṃ dehi jayaṃ dehi yaśo dehi dviṣo jahi

1.16

kṛṣṇena saṃstute devi śaśvadbhaktyā tvamambike
rūpaṃ dehi jayaṃ dehi yaśo dehi dviṣo jahi

1.17

himācalasutanāthapūjite parameśvari
rūpaṃ dehi jayaṃ dehi yaśo dehi dviṣo jahi

1.18

surāsuraśiroratnanighṛṣṭacaraṇe'mbike
rūpaṃ dehi jayaṃ dehi yaśo dehi dviṣo jahi

1.19

indrāṇīpatisadbhāvapūjite parameśvari
rūpaṃ dehi jayaṃ dehi yaśo dehi dviṣo jahi

1.20

devi pracaṇḍadordaṇḍadaityadarpavināśini
rūpaṃ dehi jayaṃ dehi yaśo dehi dviṣo jahi

1.21

devi bhaktajanoddāmadattānandodaye'mbike
rūpaṃ dehi jayaṃ dehi yaśo dehi dviṣo jahi

1.22

patnīṃ manoramāṃ dehi manovṛttānusāriṇīm
tāriṇīṃ durgasaṃsārasāgarasya kulodbhavām

1.23

idaṃ stotraṃ japitvā tu mahāstotraṃ paṭhennaraḥ
sa tu saptaśatīsaṃkhyāvaramāpnoti sampadaḥ

Linked texts (2)