Durgapancanga 2
Durgāpañcāṅga 2
- Language
- Sanskrit
2.p1
sāmānyārghyasya vāme trikoṇaṣaṭkoṇavṛttacaturasraṃ maṇḍalaṃ kṛtvā
tanmaṇḍalaṃ ṣaḍaṅgenābhyarcya mūlamuccārya | śrīdurgākalaśamaṇḍalāya
namaḥ | tataḥ pūrvavanmūlenābhyarcya tatrāstrakṣālitāṃ tripādikāṃ saṃsthāpya | raṃ vahnimaṇḍalāya daśakalāmane nama ityabhyarcya | tatrāstrākṣālitaṃ kalaśaṃ saṃsthāpya | aṃ arkamaṇḍalāya dvādaśakalātmane nama
ityabhyarcya tatrānāmikāṅguṣṭhakarā mṛtadhārāpātena kalaśamāpūrya sauḥ
somamaṇḍalāya ṣoḍaśakalātmane namaḥ | ityabhyarcya | oṃ hrīṃ dāṃ
hūṃ dauṃ dūṃ deṃ dauṃ daḥ duṃ aṃ amṛte amṛtodbhave amṛtavarṣiṇi amṛtaṃ
srāvaya srāvaya śukraśāpaṃ mocaya mocaya | hrīṃ duṃ surādevyai vauṣaṭ
iti saptadhābhimantrya oṃ duṃ hrī oṃ sadakṣamalavara yūṃ ānandabhairavāya
vauṣaṭ oṃ hrīṃ duṃ ānandabhairavāya sudhādevīpādukābhyo namaḥ
iti sampūjya dhenuyonimudrāṃ pradarśya
sūryamaṇḍalasambhṛte varuṇālayasambhave
amāvājamaye devi śukraśāpād vimucyatām
ekameva paraṃ brahma sthūlaṃ sūkṣmamayaṃ param
kacodbhavāṃ brahmahatyāṃ tena te nāśayāmyaham
pāpamānaḥ parāvandaḥ pavamānaḥ parorasaḥ
pavamānaṃ paraṃ jñānaṃ tena tvāṃ pāvayāmyaham
vedānāṃ praṇavo bījaṃ brahmānandamayaṃ yadi
tena satyena te devi ! brahmahatyā vyapohatu
kṛṣṇaśāpavinirmuktā tvaṃ muktā brahmaśāpataḥ
vimuktā rudraśāpena pavitrā bhava sarvadā
iti kalaśaṃ sampūjya | dhenuyonimatsyamudrāḥ pradarśya garuḍamudrayācchādayediti dravyaśuddhiḥ
oṃ hrīṃ duṃ kṛtāvatāro hariṇā kalinā pīḍitaṃ jagat
balinā nigṛhītaṃ tu kaulikānāṃ hitāya ca
śrīdurgāparitoṣārthaṃ svayaṃ mīno'bhavat prabhuḥ
iti mudrātrayaṃ pradarśya śuddhi viśodhayet
oṃ hrīṃ duṃ chāgalādigavāṃtādikṛtarūpāya vai namaḥ
vadyarthaṃ devadevyośca pavitrībhava sāmpratam
mūlaṃ tridhā japtvā mudrātrayaṃ darśayediti
oṃ hrīṃ duṃ durgārcinakāle tu yāni yānīha sāmpratam
vastūni saurabheyāni pavitrāṇīha siddhaye
2.p2
iti mūlaṃ tridhā japediti mudrātraye sarvasyopari darśayediti vidhiḥ
Linked texts (5)
- Devīrahasya — Sanskrit
- Devīrahasya — Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit
- Devīrahasyatantra — Sanskrit