Kilanastava 2
Kīlanastava 2
- Language
- Sanskrit
Contents
- 2.14 — 1 part
2.1
iti mārkaṇḍeyapurāṇe argalāstotraṃ sampūrṇam
atha kīlakam
asya śrīkīlakamaṃtrasya śiva ṛṣiḥ anuṣṭup chandaḥ
śrīmahāsarasvatī devatā śrījagadambāprītyarthe jape viniyogaḥ
oṃ namaścaṇḍikāyai || mārkaṇḍeya uvāca
viśuddhajñānadehāya trivedīdivyacakṣuṣe
śreyaḥprāptinimittāya namaḥ somārdhadhāriṇe
2.2
sarvametadvinā yastu mantrāṇāmapi kīlakam
so'pi kṣemamavāpnoti satataṃ jāpyatatparaḥ
2.3
siddhyantyuccāṭanādīni vastūni sakalānyapi
etena stuvatāṃ nityaṃ stotramātreṇa siddhyati
2.4
na mantro nauṣadhaṃ tatra na kiñcidapi vidyate
vinā jāpyena siddhyeta sarvamuccāṭanādikam
2.5
samagrāṇyapi sidhyanti lokaśaṅkāmimāṃ haraḥ
kṛtvā nimantrayāmāsa sarvamevamidaṃ śubham
2.6
stotraṃ vai caṇḍikāyāstu tacca guhyaṃ cakāra saḥ
samāpnoti sa puṇyena tāṃ yathāvanniyantraṇām
2.7
sopi kṣemamavāpnoti sarvameva na saṃśayaḥ
kṛṣṇāyāṃ vā caturdaśyāmaṣṭamyāṃ vā samāhitaḥ
2.8
dadāti pratigṛhṇāti nānyathaiṣā prasīdati
itthaṃ rūpeṇa kīlena mahādevena kīlitam
2.6-2
yo niṣkīlāṃ vidhāyaināṃ nityaṃ japati susphuṭam
sa siddhaḥ sa gaṇaḥ so'pi gandharvo jāyate naraḥ
2.10
na caivāpyaṭatastasya bhayaṃ kvāpi hi jāyate
nālpamṛtyuvaśaṃ yāti mṛto mokṣamavāpnuyāt
2.11
jñātvā prārabhya kurvīta hyakurvāṇo vinaśyati
tato jñātvaiva sampannamidaṃ prārabhyate budhaiḥ
2.12
saubhāgyādi ca yatkiñcid dṛśyate lalanājane
tatsarvaṃ tatprasādena tena jāpyamidaṃ śubham
2.13
śanaistu japyamāne'smin stotre sampattiruccakaiḥ
bhavatyeva samagrāpi tataḥ prārabhyameva tat
2.14
aiśvaryaṃ yatprasādena saubhāgyarogyasampadaḥ
śatruhāniḥ paro mokṣaḥ stūyate sā na kiṃ janaiḥ
2.14.p1
oṃ asya śrīnavārṇamantrasya | brahmaviṣṇumaheśvarā ṛṣayaḥ
gāyatryuṣṇiganuṣṭupchandāṃsi | śrīmahākālīmahālakṣmīmahāsarasvatyo devatāḥ | nandāśākambharībhīmāḥ śaktayaḥ
raktadantikādurgābhrāmaryo bījāni | agnivāyusūryāstattvāni
saptaśatīpāṭhāṃgatvena navārṇamantrajape viniyogaḥ
oṃ brahmaviṣṇumaheśvaraṛṣibhyo namaḥ śirasi
oṃ gāyatryuṣṇiganuṣṭupchandobhyo namaḥ mukhe
oṃ śrīmahākālīmahālakṣmīmahāsarasvatīdevatābhyo
namaḥ hṛdaye
oṃ nandāśākambharībhīmāśaktibhyo namaḥ dakṣiṇastane