Pramāṇa · Search · About · API

Karpurastava 2

Karpūrastava 2

Language
Sanskrit

2.p1

gṛhe sammārjan‍yā parigalitavīryaṃ hi cikuraṃ samūlaṃ madhyāhne vitarati citāyāṃ kujadine| samuccārya premṇā manumapi sakṛt kāli satataṃ gajārūḍho yāti kṣitiparivṛḍhaḥ satkavivaraḥ

2.p2

bhavāni śrīmātarnijagalitavīryāṃsacikuramatha premṇā labdhvā vacanabhuvaneśīyutamanum | samuccārya kṣoṇītanayadivase pretasadane sa dīrghāyurvāgmī bhavati śatahomāt kṣititale | tārākarpūra stotra

2.p3

nakhaṃ keśaṃ svavīryaṃ ca yad yat sammārjanīgatam | muktakeśo diśāvāsā mūlamantrapurassaram | kujavāre madhyarātrau juhuyād vai śmaśānake | paṭhennāma sahasraṃ ca pṛthvīśākarṣaṇaṃ caret | kulacūḍāmaṇi | cikuraṃ yogamāsādya śuklotsāraṇameva ca | japtvā śrī dakṣiṇāṃ kālīṃ śaktipātaśataṃ bhavet | pūjanapaddhati

2.p4

māṃsaṃ raktaṃ tilaṃ keśaṃ nakhaṃ bhaktaṃ ca pāyasam | ājyaṃ caiva viśeṣeṇa juhuyāt sarvasiddhaye | evaṃ kṛtena sarvatra labhate siddhimuttamām | yad yat kāmayate kāmī tat tat prāpnoti niścitam| devavat mānavo bhūtvā bhunakti bahulaṃ sukham | uttara tantra

2.p5

mūlādhāragate devi devatāgnisamujjvale | dharmādharmānvite nyasaiḥ mūlamantrapurassaram | ahaṃ juhomi svāheti pratyekaṃ juhuyāt sudhīḥ | ahantā'satyapaiśunyakāmakrodhādikaṃ haviḥ | mana eva sruvaḥ prokta unmanī srugudīritā

2.p6

dharmādharmahavirdīptāvātmāgnau manasā sruvā | suṣumnāvartmanā nityamakṣavṛttīrjuhomyaham svāhā

2.p7

sadāśivena deveśi kṣaṇamātraṃ ramet priye | amṛtaṃ jāyate devi tatkṣaṇāt parameśvari | tadudbhavomṛtaṃ devi lākṣārasamaprabham | tenāmṛtena deveśi tarpayet paradevatām

2.p8

yasmin jape ca home ca saṃkhyā noktā manīṣibhiḥ | tatreyaṃ gaṇanā proktā gajādhikasahasrakam | ·kulacūḍāmaṇi

2.p9

svapuṣpairākīrṇaṃ kusumadhanuṣo mandiramaho puro dhyāyan dhyāyan yadi japati bhaktastava manum | sa gandharvaśreṇīpatirapi kavitvāmṛtanadīnadīnaḥ paryante paramapadalīnaḥ prabhavati

2.p10

puṣpahīnā paśoḥ śaktiḥ vīrasya puṣpasaṃyutā| kulacūḍāmaṇi

2.p11

pañcapuṣpeṇa vā saptapuṣpeṇa pūjayet śivām | pūjayitvā niśīthe tu ramaṇaṃ śaktibhiḥ saha | svapuṣpaṃ ca svayambhū ca vajraṃ kuṇḍodbhavaṃ śiva | golakaṃ pañcadhā puṣpaiḥ pūjayet parameśvarīm | gopīcandanapuṣpeṇa vīrapuṣpeṇa śaṅkara | saptapuṣpeṇa saṃpūjya niśīthe ramaṇena tu | uddhṛtenaiva puṣpeṇa yantraṃ kṛtvā'rcayet śivām | (1) sva puṣpamvivāhitāyāḥ kanyāyāḥ prathame ṛtusaṅgame | tat śoṇitaṃ maheśāna svapuṣpaṃ parikīrtitam | (2) vīra puṣpamsvastrīṣu maithune deva yat puṣpaṃ samupasthitam | tat puṣpaṃ vīrapuṣpaṃ ca svayambhūkusumaṃ śrṛṇu | (3) svayambhū puṣpamavivāhitāyāḥ kanyāyāḥ liṅgasparśād rajasvalā | tad dravyaṃ ca mahādeva svayambhūkusumaṃ prabho | (4) vajra puṣpam-vivāhitāyāḥ kanyāyāḥ puruṣasya ca tāḍanāt | yadi puṣpaṃ samudbhūtaṃ vajraṃ tat parikalpitam | (5) gopīcandana puṣpampuruṣe maithune yukte yad raktaṃ śukramiśritam | kṣarate ca bhagād raktaṃ tad dravyaṃ gopīcandanam | (6) kuṇḍodbhava puṣpambhartṛyuktā ca yā nārī puruṣānyasya yogataḥ | raktaṃ samuddhared yonyā athavā garbhasaṅkaṭāt | kuṇḍodbhavaṃ tad vijñeyaṃ śṛṇu golodbhavaṃ priya | (7) golaka puṣpam — svāmiśūnyā ca yā nārī jārayogād rajasvalā | tad raktaṃ golakaṃ jñeyaṃ sarvakālodbhavaṃ śṛṇu | (8) sarvakālodbhava puṣpam — māsi māsi ca yad raktaṃ kṣarate yonimaṇḍalāt | tad raktaṃ parameśāna sarvakālodbhavaṃ priya | sarvollāsa tantra

2.p12

āliṅgana cumbana stanamardana darśana sparśana vikāśana gharṣaṇa praveśana śaktisthāpana -āliṅganaṃ cumbanaṃ ca stanayormadanaṃ tataḥ | darśanaṃ sparśanaṃ yonau vikāso liṅgadharṣaṇam | praveśaḥ sthāpanaṃ śakternava puṣpāṇi pūjane | puraścaryārṇava

2.p13

kumbha, śaṅkha, śrī, śakti, guru, mukti, yoginī, bhairava, balipātra — kumbhaṃ śaṅkhaṃ śriyaṃ śaktiṃ guruṃ muktiṃ tathaiva ca | yoginīṃ bhairavaṃ caiva balipātraṃ śubhaṃ nava | puṣpairabhyarcya sādhāraṃ śaṅkhaṃ saṃdhārayāmyaham | lalitāhṛdaya

2.p14

rajaḥkīrṇaṃ bhagaṃ nāryāḥ dhyāyan yo'yutamājapet | sa kavitvena ramyeṇa janān mohayati dhruvam

2.p15

ṛtumatyā bhagaṃ paśyannayutaṃ prajapen naraḥ | anarghyakavitā tasya gadyapadyamayī bhavet

2.p16

kulāgāraṃ puṣpitāyā dṛṣṭvā yo japate naraḥ | ayutaikapramāṇeṇa sādhakaḥ sthiramānasaḥ | kevalaṃ guptabhāvena sa tu vidyānidhirbhavet | saṃskṛtāḥ prākṛtāḥ śabdā laukikā vaidikāśca ye | vaśamāyānti te sarve sādhakasya nacānyathā

2.p17

kulapuṣpayutaṃ dṛṣṭvā tatra kālīṃ vicintya ca | vidyārājñīṃ tu sampūjya paṭhennāma sahasrakam | manorathamayī siddhistasya haste sadā bhavet

2.p18

maloditāṃ tathā dṛṣṭvā lakṣaṃ japati bhūmipaḥ

2.p19

ratādyāvasthā ke anantara ratāntimāvasthā kā, santuṣṭāvasthā kā ullekha asthānīya na hogā| ratānta meṃ yoni meṃ tāmratā ā jātī hai, jisakā pramukha kāraṇa hai kṣarita rajaṃ| kāma śāstra kā kathana hai ki ‘tadā yoniḥ ātāmrā vikaśitā ca jāyate|’

2.p20

(2) rajovirahitā yoni— yadi sādhaka rajovirahita yoni ke darśana vyāja se āpakā dhyāna usake mukhāravinda se nirgata sarasvatīpravāha se sahṛdaya mugdha ho

2.p21

nagnāmbarayutāṃ paśyannayutaṃ yastu sādhakaḥ| prajapet sa bhavet sadyo vidyāyā vallabhaḥ svayam| tasya darśanamātreṇa vādinaḥ kuṇṭhatāṃ gatāḥ| gadyapadyamayī vāṇī tasya vaktrāt pravartate| tatpade sudhiyaḥ sarve praṇamanti mudānvitāḥ| tasya vākyaparicayāj jaḍā bhavanti vāgminaḥ| kālī tantra

2.p22

api śiśurakaviḥ kaviḥ prasādād bhavati kaviśca mahākaviḥ krameṇa| haravijaya mahākāvya

2.p23

sudṛśo madanāvāsaṃ paśyan yaḥ prajapen manum| ayutaṃ sa cirādeva vākpateḥ samatāmiyāt| mantramahodadhi

2.p24

nirmalaṃ ca tathā dṛṣṭvā vaśyārthamayutaṃ japet| pūjanapaddhati| nādhītya chandaḥśāstrāṇi vinālāpaṃ kaverapi| gadyapadyamayī vāṇī vaktrāt tasya prajāyate

2.p25

śaktiḥ kavitvabījarūpaḥ (devatādiprasādajanmā) saṃskāraviśeṣaḥ, yāṃ vinā kāvyaṃ na prasaret, prasṛtaṃ vā upahasanīyaṃ syāt

2.p26

yoni stotram bhagarūpā jaganmātā sṛṣṭisthitilayānvitā || daśavidyāsvarūpātmā yonirmāṃ pātu sarvadā ||1|| koṇatrayayutā devi stutinindāvivarjitā || jagadānandasambhūtā yonirmāṃ pātu sarvadā ||2|| raktarūpā jaganmātā yonimadhye sadā sthitā || brahmaviṣṇuśivaprāṇā yonirmāṃ pātu sarvadā ||3|| kārtikīkuntalaṃ rūpaṃ yonyupari suśobhitam || bhuktimuktipradā yoniḥ yonirmāṃ pātu sarvadā ||4|| vīryarūpā śailaputrī madhyasthāne virājitā || brahmaviṣṇuśivaśreṣṭhā yonirmāṃ pātu sarvadā ||5|| yonimadhye mahākālī chidrarūpā suśobhanā || sukhadā madanāgārā yonirmāṃ pātu sarvadā ||6|| kālyādiyoginī devī yonikoṇeṣu saṃsthitā || manoharā duḥkhalayā yonirmāṃ pātu sarvadā ||7|| sadāśivo merurūpo yonimadhye vaset sadā || kaivalyadā kāmayuktā yonirmāṃ pātu sarvadā ||8|| sarvadevastutā yoniḥ sarvadevaprapūjitā || sarvaprasavakartrī tvaṃ yonirmāṃ pātu sarvadā ||6|| sarvatīrthamayī yoniḥ sarvapāpapraṇāśinī || sarvagehe sthitā yoniḥ yonirmāṃ pātu sarvadā ||10|| muktidā dhanadā devi sukhadā kīrtidā tathā || ārogyadā vīraratā pañcatattvayutā sadā ||11|| yonistotramidaṃ proktaṃ yaḥ paṭhed yonisannidhau || śaktirūpā mahādevī tasya gehe sadā sthitā ||12

2.p27

mantrārthaṃ mantracaitanyaṃ yonimudrāṃ na vetti yaḥ | lakṣakoṭijapenāpi tasya vidyā na sidhyati

2.p28

tasminnādhārapāthoje karṇikāyāṃ suśobhanā | trikoṇā vartate yoniḥ sarvatantreṣu gopitā

2.p29

svakīyahṛdaye dhyāyed yonimaṇḍalamuttamam | rajobhiśca samopetaṃ trikoṇaṃ sarvavarṇakam

2.p30

tripañcāre pīṭhe śavaśivahṛdi smeravadanāṃ mahākālenoccairmadanarasalāvaṇyaniratām | samāsakto naktaṃ svayamapi ratānandanirato jano yo dhyāyet tvāmayi janani sa syāt smaraharaḥ | anvaya ayi janani, naktaṃ svayam api ratānandanirataḥ, tvayi samāsaktaḥ yaḥ api tripañcāre pīṭhe śavaśivahṛdi mahākālena uccaiḥ madanarasalāvaṇyaniratāṃ smeravadanāṃ tvāṃ dhyāyet api, saḥ smaraharaḥ syāt

2.p31

vāgarthāviva saṃpṛktau vāgarthapratipattaye | jagataḥ pitarau vande pārvatīparameśvarau | kālidāsa | strīpuṃrūpamidaṃ viśvaṃ śivaśaktyātmakaṃ budhaiḥ | bhāvādṛśairupāsyaṃ syāt śivajñānaviśāradaiḥ | śiva purāṇa

2.p32

sa imā viśvā bhuvanānyajanayat kālaḥ sa īyate prathamo'nudevaḥ | sa eva saṃbhuvanānyābharat sa eva saṃbhuvanāni paryait | pitā sanna bhavata putra eṣāṃ tasmādvai nānyat paramasti tejaḥ | kālo'mūṃ divamajanayat kāla imāḥ pṛthavīrūtaḥ | kālehabhūtaṃ bhavyaṃ ceṣitaṃ havistiṣṭhate | atharvaveda

2.p33

tripañcāre mahāpīṭhe śavasya hṛdi saṃsthitām | mahākālena devena mārayuddhaṃ prakurvatīm | tāṃ dhyāyan smeravadanāṃ vidadhat surataṃ svayam | japet sahasramapi yaḥ sa śaṅkarasamo bhavet | mantramahodadhi | asmin pīṭhe yajed devīṃ śivarūpaśavasthitām | mahākālaratāsaktāṃ śivābhirdignu veṣṭitām | mantramahodadhi

2.p34

athāhaṃ kālikāyāste yantroddhāraṃ bravīmyaham | sarvārthasiddhidaṃ loke sarvakāmaprapūrakam | trikoṇasthaṃ śūnyaṃ tadupari śaratkoṇasahitaṃ trikoṇaṃ ṣaṭkoṇaṃ bhagavati ca vṛttaṃ vasudalam | trivṛttaṃ tadvāhye kṣitibhavanayuktaṃ vijayatām idaṃ śyāmāyantraṃ maraṇabhayavargapramathanam | devī rahasya | uttarāsyo likhen yantraṃ guruṃ natvā śivaṃ smaran | nijabījaṃ tato vinduṃ lajjābījamataḥ param | paṅktikame likhitvā tu trikoṇapañcakaṃ kramāt | likhitvā veṣṭayet samyag vṛttena parameśvari | tato'ṣṭadalapadmaṃ ca tato vṛttaṃ likhed budhaḥ | kālīyantram

2.p35

trikoṇasthaṃ śūnyaṃ tadupari śaratkoṇasahitaṃ trikoṇaṃ ṣaṭkoṇaṃ bhagavati ca vṛttaṃ vasudalam | trivṛttaṃ tadvāhye kṣitibhavanayuktaṃ vijayatām idaṃ śyāmāyantraṃ maraṇabhayavargapramathanam | devī rahasya | tato dvārāṇi kurvīta caturdikṣu samāhitaḥ | evaṃ yantraṃ prakurvīta kālikāpūjane budhaḥ | kālī rahasya

2.p36

ādau yantraṃ pravakṣyāmi yaj jñātvā 'maratāṃ vrajet | ādau trikoṇaṃ vinyasya trikoṇaṃ tadvahirnyaset | tato vai vilikhenmantrī trikoṇatrayamuttamam | tato vṛttaṃ samālikhya likhed aṣṭadalaṃ tataḥ | vṛttaṃ vilikhya vidhivallikhed bhūpuramekakam | caturasraṃ caturdvāramevaṃ maṇḍalamālikhet | kālī tantra

2.p37

ādau trikoṇaṃ vinyasya trikoṇaṃ tadvahirnyaset | vahitrikoṇamālikhya 1ṣaṭkoṇaṃ ca likhed vahiḥ | madhye tu vaindavaṃ cakraṃ bījamāyāvibhūṣitam | ṣaṭkoṇāttu vahirvṛttaṃ tataścāṣṭadalaṃ likhet | vahirvṛttena saṃyuktaṃ bhūpuraikeṇa veṣṭitam | jñātvaivaṃ muktimāpnoti yantramenaṃ na saṃśayaḥ | kumārī tantra

2.p38

adhovaktraṃ pañcakoṇam anyonyaṃ cāpyalagnakam | evaṃbhūtaṃ mahāyantraṃ sthāpayet siṃhaviṣṭare | siddheśvara tantra

2.p39

ādau ṣaṭkoṇamāracya trikoṇatritayaṃ tataḥ | padmamaṣṭadalaṃ vāhye bhūpuraṃ tatra pūjayet | mantramahodadhi

2.p40

yatra yatra mahāvidyā śaktividyā prakāśitā | tatra tatra trikoṇaṃ ca adhomukhamudīritam | devatrikoṇe kartavye ūrdhvāsyaṃ parikīrtitam

2.p41

tripañcāre—

2.p42

divyācāra mūlaka artha—

2.p43

yā devī sarvabhūteṣu chāyārūpeṇa saṃsthitā | namastasyai namastasyai namastasyai namo namaḥ | saptaśatī

2.p44

nirlepaṃ nirguṇaṃ śuddhaṃ svātmānaṃ tripurāmayam | ātmābhedena sañcintya yāti tanmayatāṃ naraḥ | athavā'dvaitabhāvena ātmānaṃ tanmayaṃ smaret | advaitabhāvasampannaḥ tripurīkṛtavigrahaḥ | ātmanyeva yajed devīm upacārairyathāvidhi | gandharva tantra

2.p45

mahāniśāyāṃ brāhme vā muhūrte dhyānatatparaḥ | tadrūpaṃ paramānandaṃ tadā paśyati niścitam | bṛhannīla tantra

2.p46

salomāsthi svairaṃ palalamapi mārjāramasite paraṃ cauṣṭraṃ maiṣaṃ naramahiṣayośchāgamapi vā | baliṃ te pūjāyāmapi vitaratāṃ martyavasatāṃ satāṃ siddhiḥ sarvā pratipadamapūrvā prabhavati

2.p47

meṣa, mahiṣa, mārjāra, mūṣaka, śūkara, chāga, gaja, khara, ūm̐ṭa, hariṇa, khaṅga, śaśaka, kapota, ṭiṭṭibha, kāka, kokila, ulūka matsya,

2.p48

caṇḍikāṃ balidānena toṣayet sādhakaḥ sadā| pakṣiṇaḥ kacchapā grāhāḥ chāgalāśca balāhakāḥ| mahiṣā godhikā| śeṣāḥ tathā navavidhā mṛgāḥ| cāmarāḥ kṛṣṇasārāśca śarāḥ pañcānanāstathā| matsyāḥ svagātrarudhiraiḥ cāṣṭadhā balayo matāḥ| abhāve ca tathaivaiṣāṃ kadācit hayahastinau| chāgalāḥ śarabhāścaiva naraścaiva yathākramāt

2.p49

niśīthe kalyāṇi pramuditamanā yaḥ pitṛvane baliṃ te meṣādyaiḥ sanaramahiṣairvā paricaret | sa rājānaṃ kṣipraṃ vaśayati mṛgākṣīsamudayaṃ trilokīṃ vā bhūmau sa bhavati janaḥ satkavivaraḥ

2.p50

asthilomatvacāyuktaṃ māṃsaṃ mārjārameṣayoḥ | uṣṭrasya mahiṣasyāpi baliṃ yastu samarpayet | bhūtāṣṭamyormadhyarātre vaśyāḥ syustasya jantavaḥ | vidyālakṣmīyaśaḥputraiḥ suciraṃ sukhamedhate

2.p51

chāgaṃ vā mahiṣaṃ vāpi śūkaraṃ vā patatriṇam | hastinaṃ mūṣakaṃ vāpi mārjāraṃ cāpi meṣakam | datvā devi mahādevyai sa bhavet kulanāyakaḥ

2.p52

meṣamāhiṣamārjārakharachāganarādikaiḥ | khaṅgiśūkarakāpotaiḥ ṭiṭṭibhaiḥ śaśakaiḥ palaiḥ | śoṇitaiḥ sāsthimāṃsaiśca kāraṇḍaiḥ dugdhapāyasaiḥ | svajātikusumaiḥ pūjyāṃ japānte tarpayet śivām | sarvasāmrājyanāmnā tu stutvā natvā svaśaktitaḥ | śaktyā labhan paṭhet stotraṃ kālīrūpo dinatrayāt | dakṣiṇā kālikā tasya gehe tiṣṭhati nānyathā

2.p53

meṣamāhiṣaraktena nararaktena caiva hi | mūṣamārjāraraktena tarpayed devatāṃ parām | evaṃ tarpaṇamātreṇa sākṣāt siddhīśvaro bhavet | kavitā jāyate tasya drākṣārasaparamparā | bṛhaspatisamo bhūtvā devavad bhuvi modate | na tasya pāpapuṇyāni jīvanmukto bhaved dhruvam | kālī tantra | asṛjā mahiṣādīnāṃ kālikāṃ yastu tarpayet | tasya syuracirādeva karasthāḥ sarvasiddhayaḥ | mantramahodadhi

2.p54

śastrāṇi vaśagāni syuḥ hutānmārjāramāṃsataḥ | dhanarddhiḥ chāgamāṃsena vidyāprāptistu pāyasaiḥ | sadyonihatamārjāramāṃsena madhusarpiṣā | yuktenāntyajakeśādyaiḥ hutairākarṣati striyaḥ | madhvaktaśaśamāṃsena tatphalaṃ vidyayā saha | unmattatarubhirdīpte citāgnau juhuyāc chadaiḥ | kokilākākayormantrī mārayedacirād arīn | vāyasolūkayoḥ patraiḥ homād vidveṣayed arīn | garbhapātaḥ sagarbhāṇām ulūkacchadanairbhavet

2.p55

chāgoṣṭrameṣān ālabhya | krītvā labdhvā vā 'svayaṃmṛtān āhṛtya pacet | māsadvayaṃ tu matsyaiḥ | māsatrayaṃ tu hāriṇena | catura aurabhreṇa | pañca śākunena | ṣaṭ chāgena | sapta kaurmeṇa | aṣṭau vārāheṇa | nava meṣamāṃsena | daśa māhiṣeṇa | ekādaśa pārṣatena | saṃvatsaraṃ tu gavyena payasā | pāyasena vā | vārdhrīnasamāṃsena dvādaśa varṣāṇi | (saptamī kaṇḍikā 6-16) athākṣayyatṛptiḥ | khaḍgamāṃsaṃ kālaśākaṃ lohacchāgaṃ ca māṃsam | madhumahāśalkaḥ | (aṣṭamī kaṇḍikā 1-3)

2.p56

brāhmaṇo niyataḥ śuddhaḥ sāttvikaṃ balimācaret | viprāṇāṃ kṣīrabalayaḥ śālyannaṃ vātha pāyasam | ghṛtaplutaṃ carvyaphalaṃ puṣpaṃ tasya ghṛtānvitam | dadyāt kṣīraṃ ca dugdhānnaṃ bhaktānnaṃ vā nivedayet | śālyannaṃ vātha samadhu kṛṣaraṃ khaṇḍamodakam

2.p57

rājñāṃ hi paśavaḥ śastā vaiśyānāṃ vrīhayastathā | kṣaudraṃ vṛṣalajātīnāṃ sarveṣāṃ paśavo 'thavā

2.p58

vānaprastho brahmacārī gṛhastho vā dayāparaḥ | sāttviko brahmaniṣṭhaśca yaśca hiṃsāvivarjitaḥ | te na dadyuḥ paśubalim anukalpaṃ dadatvapi

2.p59

sāttviko jīvahiṃsāṃ vai kadācidapi nācaret

2.p60

kumāṇḍa-panasā'lābu-karkaṭī-vilva-dāḍimāḥ | drākṣā-kharjūra-lakuca-rasālā-''malaka-jambukam | balitulyāni caitāni chāgatulyāni tṛptiṣu

2.p61

ikṣudaṇḍaṃ ca kūṣmāṇḍaṃ tathā vanyaphalādikam | kṣīrapiṇḍaiḥ śālicūrṇaiḥ paśuṃ kṛtvā cared balim

2.p62

kṛtvā ghṛtamayaṃ siṃhaṃ naraṃ vyāghraṃ ca bhairava | athavā'pūpavikṛtaṃ yavakṣodamayaṃ tathā | ghātayeccandrahāsena tena mantreṇa saṃskṛtam

2.p63

pāyasaṃ tu gajatvena mārjāratve kulutthakam | vṛntākaṃ kukkuṭatvena meṣatvena ca tumbikām | māhiṣatve mūrānnam uṣṭratvena ca tumbikām

2.p64

rājā narabali dadyān nānyopi parameśvari

2.p65

vaśī lakṣaṃ mantraṃ prajapati haviṣyāśanarato divā māturyuṣmaccaraṇakamaladhyānanirataḥ | paraṃ naktaṃ nagno nidhuvanavinodena ca manuṃ japellakṣaṃ sa syāt smaraharasamānaḥ kṣititale

2.p66

prathamaṃ śailaputrī ca dvitīyaṃ brahmacāriṇī | tṛtīyaṃ candraghaṇṭeti kūṣmāṇḍeti caturthakam | pañcamaṃ skandamāteti ṣaṣṭhaṃ kātyāyanīti ca | saptamaṃ kālarātriśca mahāgaurīti cāṣṭamam | navamaṃ siddhidātrī ca nava durgāḥ prakīrtitāḥ | saptaśatī kavaca

2.p67

śataṃ bhāle śataṃ keśe śataṃ sindūramaṇḍale | śatatrayaṃ kucadvandve śataṃ nābhau maheśvari | śataṃ yonau maheśāni saṃyoge ca śatatrayam | japet tatra maheśāni tadante prapaṭhet stavam | pūjanapaddhati

2.p68

yo haviṣyāśanarato divā devīṃ smaran japet | naktaṃ nidhuvanāsaktaḥ lakṣaṃ sa syād dharāpatiḥ | tantrakalpadruma | ādau puraskrāiyāṃ kuryāt niyamena yathāvidhi | lakṣamekaṃ japed vidyāṃ haviṣyāśī divā śuciḥ | rātrau tāmbūlapūrṇāsyaḥ śayyāyāṃ lakṣamānataḥ | tataḥ siddhamanurmantrī prayogārho nacānyathā | kālī tantra | paśubhāvarato mantrī divā lakṣaṃ japaṃ caret | svācāranirato vīro rātrau lakṣaṃ japaṃ caret | pūjanapaddhati

2.p69

athavā muktakeśaśca havirbhuktvā susaṃyutaḥ | japet lakṣapramāṇe na sa tu vidyānidhirbhavet | pūjanapaddhati

2.p70

prātaḥkālaṃ samārabhya japen madhyadināvadhi | prathame'hani yaj japtaṃ taj japtavyaṃ dine dine | muṇḍamālā

2.p71

gate tu prathame yāme tṛtīyapraharāvadhi | niśāyāṃ tu prajaptavyaṃ rātri śeṣe japenna ca muṇḍamāla uttamā nityapūjā ca madhyamā parvapūjanam | adhamā māsamadhye tu māsādūrdhvaṃ paśurbhavet

2.p72

kālarātryāṃ mahārātryāṃ vīrarātryāmapi priye | mahārātryāṃ caturdaśyām aṣṭamyāṃ saṃkrame'pi vā | kuhūpūrṇanduśukreṣu bhaumāmāyāṃ niśāmukhe | navamyāṃ maṅgaladine tathā kulatithau śive

2.p73

ṣaṣṭhī bhādrapade māse iṣe kṛṣṇe tu pañcamī | kārtikī navamīyuktā mārgaśīrṣe tu pūrṇimā | pauṣe caturdaśī kṛṣṇā māghe śukle caturthikā | phālgune navamī kṛṣṇā caitre kāmacaturdaśī | rādhe'kṣayatṛtīyā ca jyeṣṭhe kṛṣṇacaturdaśī | āṣār̤he navamī kṛṣṇā śrāvaṇe kṛṣṇapañcamī

2.p74

śuklakṛṣṇanavamyāṃ ca tathā'ṣṭamyāṃ viśeṣataḥ | ekādaśyāṃ caturdaśyāṃ paurṇamāsyāṃ kahūdine | vyatīpāte ca saṃkrāntau tathābhiṣekavāsare | avaśyaṃ pūjayed devīṃ pañcatattvaiḥ prayatnataḥ

2.p75

phālgune ca mahārātriḥ kṛṣṇaikādaśikā tithiḥ | jyeṣṭhe yā daśamī śuklā devi vārayutā bhṛgoḥ | rātrāvekādaśī cet syāt divyarāniḥ prakīrtitā | amā bhaume saṃkramasya kularddhagrahaṇaṃ yadi | bhāvarātriru saṃproktā bhāgyādeva tu labhyate | siddharātriraṣṭamī syāt caitrasaṃkramaṇānvitā | tṛtīyā mādhave śuklā kularce dāruṇā tithiḥ | dīpotsavacaturdaśyāmamayā yoga eva ca | kālarātrimaheśāni tārākālīpriyaṃkarī | kṛṣṇajanmāṣṭamī devi moharātriḥ prakīrtitā | caitraśuklanavamyāṃ tu krodharātriḥ prakīrtitā | ghorarātrirmārgaśīrṣe kṛṣṇāṣṭamyāṃ maheśvari | caturdaśī bhaumayuktā makāreṇa samanvitā | kulavṛkṣasamāyuktā bīrarātriḥ prakīrtitā | svatantra tantra | phalastuti idaṃ stotraṃ mātastava manusamuddhāraśamanusvarūpāravyaṃ pādāmbujayugalapūjāvidhiyutam | niśārdhe vā pūjāsamayamadhi vā yastu paṭhati pralāpastasyāpi prasarati kavitvāmṛtarasaḥ

2.p76

pūjāyate hyaneneti vedeṣvarthasya yojanā | pūbhoṃgaphalasiddhiśca jāyate tena karmaṇā | śiva purāṇa

2.p77

dvividhā mama pūjā syād bāhyā cābhyantarāpi ca | bāhyāpi dvividhā proktā vaidikī tāntrikī tathā | śrīmaddevībhāgavata

2.p78

kuraṅgākṣīvṛndaṃ tamanusarati prematahlaṃ vaśastasya kṣoṇīpatirapi kuberapratinidhiḥ | ripuḥ kārāgāraṃ kalayati ca taṃ kelikalayā ciraṃ jīvanmuktaḥ prabhavati sa bhaktaḥ pratijanuḥ

2.p79

anekajanmasaṃsiddhastato yāti parāṃ gatim| gītā

2.p80

śrī mahākāla mahārāja (1) karpūrastavarāja tathā (2) mahākāla saṃhitā| vibhinna śailī meṃ viracita hone ke kāraṇa ina donoṃ granthoṃ ko ekakartṛka mānanā vivāda kahane kā avaśya sāhasa kareṃge ki mahākāla saṃhitā ke ādhāra para isa kapūrastabarāja ke praṇetā śrī mahākāla mahārāja hī haiṃ| mahākālarudroditaṃ stotrametat sadā bhaktibhāvena yo'dhyeti bhaktaḥ | na cāpanna śoko na rogo na mṛtyuḥ, bhavet siddhirante ca kaivalyalābhaḥ | ādinātha, paramaśiva, parameśvara ādi aneka nāmoṃ se vyavahṛta pralayānala ke samāna mahābhayānaka isa mahākāla kā samudbhava mahākālānala ke samāna dedīpyamāna citābhasma bhāsamāna śmaśānodyānamālī muṇḍamālī kṛtabhaktecchitapūrti manoharamūrti ghoracumbanapriya niṣkriya sakriya kālikānurakta ratāsakta jaṭājūṭadhārī bhavabhayahārī oṃ hūṃ hūṃ mahākāla prasīda prasīda hrīṃ hrīṃ svāhā | mahākālamantrasya kālikā ṛṣiḥ, virāṭ chandaḥ, mahākālaḥ devatā, hūṃ bījam, hrīṃ śaktiḥ, svāhā kīlakaṃ, kālyarthe viniyogaḥ | svarūpākhyānammahākālaḥ mahābhīmaḥ pralayānalasannibhaḥ | kālīmāyāsamutpannaḥ kālīmānasikaḥ śivaḥ | mahākālaḥ paraḥ śambhuḥ parātītaguṇākaraḥ | dhyānamkoṭikālāṃnalābhāsaṃ caturbāhuṃ trilocanam | śmaśānāṣṭakamadhyasthaṃ muṇḍāṣṭakavibhūṣitam | pañcapretasthitaṃ devaṃ triśūlaṃ ḍamaruṃ tathā | khaḍgaṃ ca kharparaṃ caiva vāmadakṣiṇayogataḥ | bibhrataṃ sundaraṃ dehaṃ śmaśāne bhasmabhūṣitam | nānāśavaiḥ krīḍamānaṃ kālikāṃ hṛdayasthitām | lālayantaṃ ratāsaktaṃ ghoracumbanatatparam | gṛddhagomāyusaṃyuktaṃ pheravīgaṇasaṃyutam | jaṭāpaṭalaśobhāḍhyaṃ sarvaśūnyālaye sthitam | sarvaśūnyaṃ muṇḍabhūṣaṃ prasannavadanaṃ śivam | mantramasya mantraṃ pravakṣyāmi yena rakṣejjagattrayam | kūrcayugmaṃ mahākāla prasīdeti padadvayam | lajjāyugmaṃ vahnijāyāsaṃyuktaḥ ṣoḍaśārṇakaḥ | ṣoḍaśārṇā yathā mukhyāḥ sarvaśrīcakramaṇḍale | tathāyaṃ sarvakālīṣu mahākālaḥ prakīrtitaḥ | kālikā'sya ṛṣiḥ prokto virāṭ chandaḥ prakīrtitam | devatā tu mahākālaḥ sarvarūpī nirañjanaḥ | kūrcaṃ bījaṃ tathā māyā śaktirasya prakīrtitā | svāhā kīlakamuddiṣṭaṃ kālyarthe viniyogatā | gandhaṃ puṣpaṃ tathā dhūpaṃ dīpaṃ naivedyameva ca | ete pañcopacārāśca kaivalyaphaladāyinaḥ

2.p81

pādyārghyācamanīyaṃ snānīyaṃ catvāryanukramāt | gandhaṃ puṣpaṃ ca dhūpaṃ ca dīpaṃ naivedyameva ca | punarācamanīyaṃ ca daśaitān saṃpracakṣate

2.p82

pādyārghyācamanaṃ snānaṃ punarācamanīyakam | gandhākṣataprasūnāni dhūpadīpanivedyakam | tāmbūlaṃ dvādaśa proktā upacārāḥ prapūjane

2.p83

pādyārghyācamanasnāna - vasanābharaṇāni ca | gandhapuṣpe dhūpadīpau naivedyācamane tathā | tāmbūlamarcanā stotraṃ tarpaṇaṃ ca namaskriyā | prayojayed arcanāyām upacārāṃstu ṣoḍaśa | śāradātilaka

2.p84

( ṅa ) aṣṭādaśa upacāra— āsanaṃ svāgataṃ pādyam arghyam ācamanīyakam | snānaṃ vāsopavītaṃ ca bhūṣaṇāni ca sarvaśaḥ | gandhaṃ puṣpaṃ tathā dhūpaṃ dīpam annaṃ ca tarpaṇam | mālyānulepanaṃ caiva namaskāraṃ visarjanam | aṣṭādaśopacāraistu mantrī pūjāṃ samācaret | navaratneśvara

2.p85

( ca ) ṣaṭtriṃśad upacāra— āsanābhyañjane tadvad udvartananirīkṣaṇe | sammānaṃ vai sarpirādeḥ snapanāvahane tataḥ | pādyārghācamanīyāni snānīyamadhuparkakau | punarācamanīyaṃ ca vastraṃ yajñopavītakam | alaṅkārā gandhapuṣpe dhūpadīpau tathaiva ca | tāmbūlāni ca naivedyaṃ puṣpamālā tathaiva ca | anulepanaśayye ca cāmaraṃ vyajanaṃ tathā | ādarśadarśanaṃ caiva namaskāropyanantaram | gītavādyavitānāni stutirhomaḥ pradakṣiṇam | dantakāṣṭhapradānaṃ ca tato devavisarjanam | upacārā ime jñeyāḥ ṣaṭtriṃśat surapūjane | sundarīrahasyavṛtti | manomayī maṇimayī hiraṇmayī rajatamayī tāmramayī kāṃsyamayī rītimayī lohamayī ālekhyamayī ālepyamayī pāṣāṇamayī mṛnmayī bālukāmayī dārumayī

2.p86

sauvarṇī rājatī tāmrī mṛnmayī ca tathā bhavet | pāṣāṇadhātusaṃyuktā rītikāṃsyamayī tathā | śuddhadārumayī vāpi devatārcā praśasyate

2.p87

śailī dārumayī lauhī lepyā lekhyā ca saikatī | manomayī maṇimayī pratimāṣṭavidhā smṛtā

2.p88

kāṣṭhaṃ madhukasyaiva

2.p89

tatra kāṣṭheṣu madhukamānīya ca vasundhare | kṛtvā tatpratimāṃ caiva pratiṣṭhāvidhinā'rcayet

2.p90

mṛddārulākṣāgomedamadhūcchiṣṭamayī na tu

2.p91

pūjana-prakaraṇa

2.p92

uṣaṣi māgadhamaṅgalagāyanairbhaṭiti jāgṛhi jāgṛhi jāgṛhi | ayi kṛpārdrakaṭākṣavilokanairjagadidaṃ jagadamba sukhīkuru | pascreenpūjā

2.p93

(1) āvāhanam—

2.p94

mahāpadmavanāntaḥsthe kāraṇānandavigrahe | sarvahitarate māta: ehyehi parameśvari | ehyehi devadeveśi kālike devapūjite | parāmṛtapriye śīghraṃ sānnidhyaṃ kuru siddhide | deveśi bhaktisulabhe parivārasamanvite | yāvat tvāṃ pūjayiṣyāmi tāvat tvaṃ susthirā bhava | kanakamayavitardi śobhamānaṃ diśi diśi pūrṇasuvarṇakumbhayuktam | maṇimayamahapamadhyehi mātarmama kṛpayā hi samarcanaṃ grahītum

2.p95

(2) āsanam--

2.p96

pauṣpaṃ. dārumayaṃ vāstraṃ cārmakauśeyataijasam | ṣaḍvidhaṃ cāsanaṃ proktaṃ devatāprītikārakam

2.p97

kanakamayavitardisthāpite tūlikāḍhye vividhakusumakīrṇe koṭibālārkavarṇe | bhagavati ramaṇīye ratnasiṃhāsane'sminnupaviśa padayugmaṃ hemapīṭhe nidhehi

2.p98

svāgataṃ kuśalapraśnaṃ nigadedagratastataḥ

2.p99

pādyaṃ padāmbuje dadyād devasya hṛdayāṇunā

2.p100

dūrvayā sarasijānvitaviṣṇukrāntayā ca sahitaṃ kusumāḍhyam | padmayugmasadṛśe padayugme pādyametadurarīkuru mātaḥ

2.p101

hastābjayostato dadyād arghyaṃ toyaiḥ suvāsitaiḥ

2.p102

yadyapi kramadīpikā ke ādhāra paradattvā''sanaṃ svāgatamityudīrya tathārghyapādyācamanīyakāni | vividha pūjāpaddhatiyoṃ se pratikūla hone ke kāraṇa isakī mānyatā gandhapuṣpayavasarpapadurvāsaṃyutaṃ tilakuśākṣatayuktam | hemapātranihitaṃ saha ratnairghyametadurarīkuru mātaḥ | (6) ācamanīyakamtadanantara jāyaphala, lauṃga, kaṃkola ādi sugandhita dravyoṃ se suvāsita ācamanīyaka ke rūpa meṃ samarpaṇa karanā cāhie | svadhā mantreṇa vadane dadyād ācanīyakam | jātīlavaṅgakaṅkolaiḥ taduktaṃ mantravedibhiḥ | jalajadyutinārikelajātīphalakaṅkolalavaṅgagandhayuktaiḥ | amṛtairamṛtairivātiśītairbhagavatyācamanaṃ vidhīyatāṃ he | (7) madhuparkatadanantara dūdha, dahī, ghṛta, madhu evaṃ śarkarā se vihita madhuparka kā svadhāṇunā tataḥ kuryān madhuparkaṃ mukhāmbuje | śāradātilaka | mākṣikaṃ śarkarā sarpirdadhi kṣīrayutaṃ tathā | madhuparkaṃ kalpayitvā pradadyād vidhipūrvakam | sarvataḥ kṣaudramadhikaṃ dadhi sarpiḥ sitā samam | kṣīraṃ tu sarvataḥ svalpaṃ madhuparkaṃ udāhṛtaḥ | kuloḍḍīśa | nihitaṃ kanakasya sampuṭe pihitaṃ ratnapidhānakena yat | tadidaṃ bhavatīkare'rpitaṃ madhuparkaṃ janani pragṛhyatām | (8) punarācamanam-

2.p103

ucchiṣṭo'pyaśucirvāpi yasyāḥ smaraṇamātrataḥ | śuddhimāpnoti tasyai syāt punarācamanīyakam | śrī bagalāpūjanapaddhati | (6) tailam-

2.p104

etaccampakatailamamba vividhaiḥ puṣpairmuhurvāsitaṃ nyastaṃ ratnamaye suvarṇa caṣake bhṛṅgairbhramadbhivṛtam | sānandaṃ surasundarībhirabhito hastairdhṛtaṃ tanmayā keśeṣu bhramaraprabheṣu sakaleṣvaṅgeṣu cālipyate | (10-11) udvartanam - uṣṇodaka snānam --

2.p105

udvartanaṃ vidhāyātha snāpayed uṣṇavāriṇā | merutantra | mātaḥ kuṅkumapaṅkanirmitamidaṃ dehe tavodvartanaṃ bhaktyā he kalayāmi hemarajasā saṃmiśritaṃ keśaraiḥ | keśānāmalakairviśodhya viśadaṃ kastūrikādyanvitaiḥ snānaṃ te navaratnakumbhasahitaiḥ saṃkāśatoṣṇodakaiḥ | ( 12-13 ) dugdhasnānam - śuddha jalasnānam -

2.p106

kāmadhenusamudbhūtaṃ sarveṣāṃ jīvanaṃ param | pāvanaṃ yajñahetuśca payaḥ snānārthamarpitam | ( 14-15 ) dadhisnānam-śuddha jalasnānam-

2.p107

payasastu samudbhūtaṃ madhurāmlaṃ śaśiprabham | dadhyānītaṃ mayā devi snānārthaṃ pratigṛhyatām | ( 16-17 ) ghṛtasnānam- śuddha jalasnānam-

2.p108

navanītasamudbhūtaṃ sarvasantoṣakārakam | ghṛtaṃ tubhyaṃ pradāsyāmi snānārthaṃ pratigṛhyatām | ( 18-16 ) madhusnānam- śuddha jalasnānam -

2.p109

tarupuṣpasamudbhūtaṃ susvādu madhuraṃ madhu | tejaḥpuṣṭikaṃ divyaṃ snānārthaṃ pratigṛhyatām | ( 20-21 ) śarkarāsnānam--śuddha jalasnānam--

2.p110

ikṣusārasamudbhūtā śarkarā puṣṭikārikā | malāpahārikā divyā snānārthaṃ pratigṛhyatām | ( 22 ) śuddha jalasnānam--

2.p111

elośīrasuvāsitaiḥ sakusumairgaṅgāditīrthodakaiḥ māṇikyāṃ maṇimauktikāmṛtayutaiḥ svacchaiḥ suvarṇādikaiḥ | mantrān vaidikatāntrikān paripaṭhan sānandamanyādṛśaṃ snānīyaṃ parikalpayāmi janani, snānaṃ tvamaṅgīkuru

2.p112

piṣṭātako'tha kastūrī rocanaṃ kuṅkumaṃ tathā | guḍaḥ kṣaudraṃ pañcagavyaṃ sarvoṣadhigaṇāstathā | sitā nirmmañjanaṃ tailaṃ snigdhatailena tattilāḥ | ante toyamiti proktaṃ snānīyaṃ kalpakovidaiḥ | bālārkadyuti dāḍamīkusumaprasparddhi sarvottamaṃ mātastvaṃ paridhehi divyavasanaṃ bhaktyā mayā kalpitam| muktābhirgrathitaṃ ca kañcukamidaṃ svīkṛtya pītaprabhaṃ taptaṃ svarṇasamānavarṇamatulaṃ prāvarṇamaṅgīkuru

2.p113

tailādidūṣitād rogaḥ, sacchidrād bādhyatā bhavet| parakīyācca dāridryaṃ, jīrṇād āyuḥkṣayo bhavet| dagdhād vipad bhaved āsyadatte gātrāvalambite| sūcīviddhāt sphoṭakādi, malināt kāntihīnatā| uptakeśe putranāśaḥ, cādhaute dīnatā bhavet| mithyābhiśāpo bhavati śleṣmamūtrādidūṣite| merutantra

2.p114

sauvīrāñjanamidamamba cakṣuṣoste vinyastaṃ kanakaśālākayā mayā yat| tannūnaṃ malinamapi tvadakṣisaṅgād brahmendrādyabhilaṣaṇīyatāmiyāya

2.p115

mañjīre padayornidhāya rucirāṃ vinyasya kāñcīṃ kaṭau muktāhāramurojayoranupamāṃ nakṣatramālāṃ gale| keyūrāṇi bhujeṣu ratnavalayaśreṇīḥ kareṣu kramāt tāṭaṅke tava karṇayorvinidadhe śīrṣe ca cūḍāmaṇim| saṃgharṣajaḥ parimalaḥ kṣodajaḥ prāṇisambhavaḥ | kṛṣṇāsārābhidhānaśca gandhaḥ pañcavidho mataḥ | siddhāntasaṅgraha

2.p116

mātarbhālatale tavātivimale kāśmīrakastūrikākarpūrāgurubhiḥ karomi tilakaṃ dehe'ṅgarāgaṃ tataḥ| vakṣobhrājiṣu yakṣakadmarasaiḥ siktvārdrapuṣpadravaiḥ pādau kuṅkumalepanādibhirahaṃ saṃpūjayāmi kramāt

2.p117

sīmante te bhagavati mayā sādaraṃ nyastametat sindūraṃ me hṛdayakamale devi harṣaṃ tanotu | bālādityadyutiriva sadā lohitā yasya kāntirantardhvāntaṃ haratu jagataścetasā cintayāmi

2.p118

ratnākṣataistvāṃ paripūjayāmi muktāphalairvā rucirairabiddhaiḥ | akhaṇḍitairdevi yavādibhirvā kāśmīrapaṅkāṅkitatandulairvā | vilvapatraṃ yathā prītikaraṃ devyā varānane | na tathā'nyat kiñcidasti puṣpepu prītikārakam | ato yatnena dātavyaṃ vilvapatraṃ tripatrayuk | mahākāla saṃhitā

2.p119

nānāpuṣpairviracitā dātavyāḥ puṣpamālikāḥ | mahākāla saṃhitā

2.p120

puṣpaiḥ devāḥ prasīdanti, puṣpe devāśca saṃsthitāḥ | carācarāśca sakalāḥ sadā puṣparasāḥ smṛtāḥ | kiṃ cātibahunoktena puṣpasyoktirmatallikā | paraṃ jyotiḥ puṣpagataṃ puṣpeṇaiva prasīdati | trivargasādhanaṃ puṣpaṃ tuṣṭiśrīpuṣṭimodhadam | puṣpamūle vased brahmā puṣpamadhye tu keśavaḥ | puṣpāgre tu mahādevaḥ sarve devāḥ sthitā dale | tasmāt puṣpairyajed devīṃ nityaṃ bhaktiyuto naraḥ | kālikā purāṇa

2.p121

śvetapuṣpaṃ japāpuṣpaṃ karavīraṃ tathā priye | tagaraṃ mālatī jātī sevantī yūthikā tathā | dhattūrāśokabakulaśvetakṛṣṇāparājitāḥ | bakapuṣpaṃ tathā vilvaṃ campakaṃ nāgakeśaram | mallikā jhiṇṭikā kāñcī raktaṃ yat parikīrtitam | arkapuṣpaṃ barbaraṃ ca bandhūkaṃ ca priyaṃvadā | aṣṭamyāṃ ca viśeṣeṇa tuṣṭā bhavati pārvatī | muṇḍamālā | śirīṣaiḥ karṇikāraiśca campakaiḥ kovidārakaiḥ | bakulaiścaiva mandāraiḥ kundapuṣpaiḥ kuraṇṭakaiḥ | latābhirbrahmavṛkṣasya mṛdu dūrvāṅkurairapi | kāñcanārairaśokaiśca punnāgaiḥ ketakīdalaiḥ | śephālikābhiyūṃthībhirjātībhirdamanairapi | śatapatraiḥ mallikābhiramlānaiḥ bandhujīvakaiḥ | jhieṭībhiśca japāpuṣpaiḥ karavīraiśca kiṃśukaiḥ | pārijātaiḥ pāṭalaiśca padmairnīlotpalairapi | mādhavībhiḥ maruvakairaparājitayā'pi ca | aśanaiśca kadambaiśca droṇapuṣpaiḥ sakeśaraiḥ | arcayet kusumairebhiḥ devīṃ sādhakasattamaḥ

2.p122

nāsācchirandhrasukhadaḥ sugandho'timanoharaḥ | sa dhūpa iti vijñeyo devānāṃ tuṣṭikārakaḥ | dhūtāśeṣamahādoṣaḥ pūtigandhaprahāritaḥ | paramāmodajananād dhūpa ityabhidhīyate

2.p123

lākṣāsaṃmilitaiḥ sitābhrasahitaiḥ śrīvāsasaṃmiśritaiḥ karpūrākalitaiḥ sitāmadhuyutairgosarpiṣā loḍitaiḥ | śrīkhaṇḍāguruguggulaprabhṛtibhirnānāvidhairvastubhiḥ dhūpaṃ te parikalpayāmi janani dhūpaṃ tvamaṅgīkuru

2.p124

suprakāśo mahādīptaḥ sarvatra timirāpahaḥ | sabāhyābhyantarajyotiḥ dīpo'yaṃ pratigṛhyatām | dīrghājñānamahādhvāntāhaṅkāraparivarjanāt | paratattvaprakāśācca dīpa ityabhidhīyate | dīpena lokān jayati dīpastejodbhavaḥ smṛtaḥ | caturvargaprado dīpaḥ tasmād dīpairyajet parām | naiva nirvāpayed dīpaṃ devārthamupakalpitam | dīpahartā bhavedandhaḥ kāṇo nirvāpako bhavet | kālikā purāṇa

2.p125

ghṛtapradīpaḥ prathamaḥ tilatailodbhavastataḥ | sārṣapaḥ phalaniryāsotjātaḥ vārājikodbhavaḥ | dadhijaścānnajaścaiva dīpāḥ sapta prakīrtitāḥ | (33) naivedyam--

2.p126

mātastvāṃ dadhidugdhapāyasamahāśālyannasantānakān sūpāpūpasitāghṛtaiḥ subaṭakaiḥ saddrākṣarambhāphalaiḥ | elājīrakahiṅgunāgaraniśākaustumbaraiḥ saṃskṛtaiḥ śākaiḥ sākamahaṃ sudhādhikarasaiḥ santarpayāmyarpaṇan | (34) dugdham—

2.p127

kṣīrametadidamuttamottamaṃ prājyamājyamidamujjvalaṃ madhu | mātaretadamṛtopamaṃ payaḥ sambhrameṇa paripīyatāṃ muhuḥ | (35) ācamanam—

2.p128

atiśītamuśīravāsitaṃ tava pānāya mayā niveditam | paṭapūtamidaṃ jitāmṛtaṃ śuci gaṅgāmṛtamamba pīyatām | uṣṇodakaiḥ pāṇiyugaṃ mukhaṃ ca prakṣālya mātaḥ kaladhautapātre | karpūramiśreṇa sakukumena hastau samudvarttaya candanena | (36) phalāni—

2.p129

āmrāmlarambhāphalasaṃyutāni dākṣāphalākṣoṭasamanvitāni | sanārikelāni sadāḍimāni phalāni te devi samarpayāmi | kūṣmāṇḍakośātakasaṃyutāni jambīranāraṅgisamanvitāni | sabījapūrāṇi sayāvanāni phalāni te devi samarpayāmi| (37) tāmbūlam—

2.p130

karpūraiṇa yutaiḥ lavaṅgasahitaiḥ kaṅkolacūrṇānvitaiḥ susvādukramukaiḥ sagaurakhadiraiḥ susnigdhajātīphalaiḥ | mātaḥ ketakapatrapāṇḍurucibhistāmbūlavallīdalaiḥ sānandaṃ mukhavāsanārthamatulaṃ tāmbūlamaṅgīkuru | (38) pūgīphalam—

2.p131

elālavaṅgādisamanvitāni kaṅkolakarpūravimiśritāni | tāmbūlavallīdalasaṃyutāni pūgāni te devi samarpayāmi | (36) chatram—

2.p132

mātaḥ kāñcanadaṇḍamaṇḍitamidaṃ pūrṇendubimbaprabhaṃ nānāratnaviśobhi hemakalaśaṃ lokatrayāhlādakam | bhāsvanmauktikajālikāparivṛtaṃ prītyātmahaste dhṛtaṃ chatraṃ te parikalpayāmi śirasi tvaṣṭrā svayaṃ nirmitam | (40-41) cāmaram—vyajanam

2.p133

śaradindumarīcigauravarṇaiḥ maṇimuktākhacitaiḥ suvarṇadaṇḍaiḥ | jagadamba vicitracāmaraistvām ahamānandabhareṇa bījayāmi | (42) ādarśadarśanam—

2.p134

mārtaṇḍamaṇḍalanabho jagadamba yo'yaṃ bhaktyā mayā maṇimayo mukuro'rpitaste | pūrgendubimbaruciraṃ vadanaṃ svakīyam asmān vilokaya vilolavilocane tvam | (43-44-45) vādyam—gānam--nṛtyam—

2.p135

abhinavakamanīyaiḥ nṛtyavāditragītaiḥ bhagavati bhavadīyaṃ mānasaṃ rañjayāmi | (46) mantra japaḥ—

2.p136

kṣaṇaṃ sāvadhānena cittena mātaḥ samākarṇyatāṃ bho mayā prārthitāsi | ṛṣyādinyāsa

2.p137

ṛṣicchandā'parijñānāt na mantraḥ phalado bhavet | daurbalyaṃ yāti mantrāṇāṃ viniyogamajānatām | bṛhanmatsya sūkta | ṛṣicchandodevatānāṃ vinyāsena vinā yadi | karoti sādhako yacca tat sarvaṃ viphalaṃ bhavet | śāktānanda taraṅgiṇī | āgamoktena mārgeṇa nyāsān nityaṃ karoti yaḥ | devatābhāvamāpnoti mantrasiddhiḥ prajāyate | yo nyāsakavacchanno mantraṃ japati taṃ priye | dṛṣṭvā vighnāḥ palāyante siṃhaṃ dṛṣṭvā yathā gajāḥ | akṛtvā nyāsajālaṃ yo mūḍhātmā kurute japam | vighnaiḥ sa bādhyate nūnaṃ vyāghrairmṛgaśiśuryathā | meru tantra | hai vijñāna kā prāpaka | maheśvaramukhāt jñātvā yaḥ sākṣāt tapasā manum | saṃsādhayati śuddhātmā sa tasya ṛṣirīritaḥ | kālānala tantra | ṛgatāviti dhātostu ṛvarṇaḥ prāpako mataḥ | ṣivarṇārthastu vijñānam atastatprāpakastu saḥ | meru tantra | chanda--jisake dvārā mantra ke sampūrṇa tattvoṃ kā ācchādana hotā sarveṣāṃ mantratattvānāṃ chādanāt chanda ucyate | bṛhanmatsya sūkta | krīḍārthakād divo dhātoḥ sampūrṇa devatāpadam | sādhakāya dadātīti devatā parikīrtitā | meru tantra | ṛṣi ke guru hone ke kāraṇa isakā nyāsa śīrṣa deśa meṃ aṅguṣṭha ke devatā ke hṛdayastha hone ke kāraṇa isakā nyāsa hṛdaya meṃ aṅguṣṭharahita gurutvāt mastake ṛṣeḥ nyāsastu parikīrtitaḥ | akṣaratvāt padatvācca mukhe chandaḥ prakīrtitaḥ | hṛdayāmbhojamadhyasthāṃ devatāṃ tatra tāṃ nyaset | gautamīya tantra | ṛṣiṃ nyaset mūrdhina deśe chandastu mukhapaṅkaje | devatāṃ hṛdaye caiva bījastu guhyadeśake | śaktistu pādayoścaiva sarvāṅge kīlakaṃ nyaset | śāktānanda taraṅgiṇī | aṅguṣṭhaṃ ca śīrṣadeśe madhyamānāmike mukhe | aṅguṣṭharahitaṃ devi hṛdi devaṃ vinirdeśet | tattvākhyamudrayā devi guhye bījaṃ vinirdeśet | śaktistu vinyased bhadre madhyāṅgulyā padadvaye | kīlakaṃ vinyased devi sarvāṅge kalayostathā | kālyarcana candrikā

2.p138

karanyāsa-aṅganyāsa

2.p139

pūjājapārcanāhomāḥ siddhamantrakṛtā api | aṅganyāsena vidhurā na dāsyanti phalānyamīḥ | muṇḍamālā | nyasedaṅguṣṭhamukhyeṣu jātibhirnamasā'thavā | hṛdādiṣu ṣaḍaṅgeṣu jātiṣaṭkena vinyaset | namaḥ svāhā vaṣaṭ huṃ vauṣaṭ phaḍaitāśca jātayaḥ | yāmala | hṛdayāya namaḥ pūrvaṃ śirase vahnivallabhām | śikhāyai vaṣaḍityuktaṃ kavacāya humīritam | netratrayāya vauṣaṭ syād astrāya phaḍiti kramāt | śāradā tilaka | hṛdayaṃ madhyamānāmātarjanībhiḥ smṛtaṃ śiraṃḥ | madhyamātarjanībhyāṃ syād aṅguṣṭhena śikhā smṛtā | daśabhiḥ kavacaṃ proktaṃ tisṛbhirnetramīritam | tarjanīmadhyamānāmā proktā netratraye kramāt | tarjanīmadhyamābhyāṃ tu tato'straṃ vinyaset priye | tantrasāra

2.p140

oṃ asya śrī vidyārājñīmantrasya mahākāla ṛṣiḥ, uṣṇig chandaḥ, dakṣiṇakālikā devatā hrīṃ bījaṃ, hūṃ śaktiḥ, krīṃ kīlakam, puruṣārthacatuṣṭayasiddhaye (kāmanāsiddhaye vā) bhagavatī dakṣiṇakālikā prītyarthaṃ jape viniyogaḥ

2.p141

oṃ mahākālāya namaḥ | oṃ uṣṇig chandase namaḥ | oṃ śrī maddakṣiṇakālikāyai devatāyai namaḥ| oṃ hrīṃ bījāya namaḥ | oṃ hūṃ śaktaye namaḥ | oṃ krīṃ kīlakāya namaḥ | (3) karanyāsaḥoṃ krāṃ aṅguṣṭhābhyāṃ namaḥ | oṃ krīṃ tarjanībhyāṃ svāhā | oṃ krūṃ madhyamābhyāṃ vaṣaṭ | oṃ kraiṃ anāmikābhyāṃ huṃ | oṃ krauṃ kaniṣṭhikābhyāṃ vauṣaṭ | oṃ kraḥ karatalakarapṛṣṭhābhyāṃ phaṭ | (4) aṅganyāsaoṃ krāṃ hṛdayāya namaḥ | oṃ krīṃ śirase svāhā | oṃ krūṃ śikhāyai vaṣaṭ | oṃ kraiṃ kavacāya huṃ | oṃ krauṃ netratrayāya vauṣaṭ | oṃ kraḥ astrāya phaṭ | (5) varṇanyāsaa ā i ī u ū ṛ ṝ ḷ ḹ namaḥ hṛdaye | e ai o au aṃ aḥ ka kha ga gha namaḥ dakṣabhuje | ṅa ca cha ja jha ña ṭa ṭha ḍa ḍha namaḥ vāmabhuje | ṇa ta tha da dha na pa pha ba bha namaḥ vāmajaṅghāyām | ma ya ra la va śa ṣa sa ha kṣa namaḥ vāmajaṅghāyām

2.p142

(47) havanam

2.p143

(48) tarpaṇam-

2.p144

(46) vali —

2.p145

valiṃ te pūjāyāmayi vitaratāṃ martyavasatāṃ satāṃ siddhiḥ sarvā pratipadamapūrvā prabhavati | (50) nīrājanam-

2.p146

indrādayo'pyatitarairmukuṭapradīpairnīrājayanti satataṃ tava pādapīṭham | tasmādahaṃ tava śarīramaśeṣametannīrājayāmi jagadamba sahasradīpaiḥ

2.p147

śirasi vinihito'yaṃ raktapuṣpāñjaliste hṛdayakamalamadhye devi harṣaṃ tanotu

2.p148

pade-pade yā paripūjakebhyaḥ sadyo'śvamedhasya phalaṃ dadāti | tāṃ sarvapāpakṣayahetubhūtāṃ pradakṣiṇāṃ te paritaḥ karomi

2.p149

namo namo dakṣiṇakālikāyai

2.p150

stotramadhye sthitaṃ yad yad tat sarvaṃ stotrarūpakam | phalastutyādikaṃ devi aṅgamityabhidhīyate

Linked texts (30)