Pramāṇa · Search · About · API

Kundalinistava 1

Kuṇḍalinīstava 1

Language
Sanskrit

1.p23

ślō.. paṭhitvā siddhimāpnōti . tat stōtraṁ śr̥ṇu bhairava! .. 28

1.p24

ślō.. janmōddhāranirakṣiṇīhataruṇī! vēdādibījādimā nityaṁ cētasi bhāvyatē bhuvi kadā sadvākyasaṁcāriṇī . māṁ pātu priyadā savipadaṁ saṁhārayitri dharē dhātri tvaṁ svayamādidēvavanitā dīnātidīnaṁ paśum .. 29

1.p25

ślō.. raktābhāmr̥tacaṁdrikālipimayī sarvākr̥tirnidritā jāgratkūrmasamāśritā bhagavatī tvaṁ māṁ samālōkaya . māṁsōdgaṁdhakugaṁdhadōṣajaḍitaṁ vēdādikāryānvitaṁ svalpānyāmalacaṁdrakōṭikiraṇairnityaṁ śarīraṁ kuru .. 30

1.p26

ślō.. siddhārthī nijadōṣavit sthalagatirvyājīyatē vidyayā kuṁḍalyākulamārgamuktanagarīmāyākumārgaḥ śriyā . yadyēvaṁ bhajati prabhātasamayē madhyāhnakālē'thavā nityaṁ yaḥ kulakuṁḍalījapapadāṁbhōjaṁ sa siddhō bhavēt .. 31

1.p27

ślō.. vāyvākāśacaturdalē'tivimalē vāṁchāphalōnmūlakē nityaṁ saṁprati nityadēhaghaṭitā saṁkētitābhāvitā . vidyākuṁḍalamāninī svajananī māyākriyā bhāvyatē yaistaiḥ siddhakulōdbhavaiḥ praṇatibhiḥ satstōtrakaiḥ śaṁbhubhiḥ .. 32

1.p28

ślō.. dhātāśaṁkaramōhinītribhuvanacchāyāpaṭōdgāminī saṁsārādimahāsukhaprahariṇī tatrasthitā yōginī . sarvagraṁthivibhēdinī svabhujagā sūkṣmātisūkṣmā parā brahmajñānavinōdinī kulakuṭī vyāghātinī bhāvyatē .. 33

1.p29

ślō.. vaṁdē śrīkulakuṁḍalītrivalibhiḥ sāṁgaiḥ svayaṁbhūṁ priyaṁ prāvēṣṭsyāṁbaramāracittacapalā bālābalāniṣkalā . yā dēvī paribhāti vēdavadanā saṁbhāvinī tāpinī iṣṭānāṁ śirasi svayaṁbhuvanitāṁ saṁbhāvayāmi kriyām .. 34

1.p30

ślō.. vāṇī kōṭimr̥daṁganādamadanāniśrēṇikōṭidhvaniḥ prāṇēśī rasarāśamūlakamalōllāsaikapūrṇānanā . āṣāḍhōdbhavamēghavājaniyutadhvāntānanā sthāyinī mātā sā paripātu sūkṣmapathagā māṁ yōgināṁ śaṁkarī .. 35

1.p31

ślō.. tvāmāśritya narā vrajanti sahasā vaikuṁṭhakailāsayō - rānaṁdaikavilāsinīṁ śaśiśatānaṁdānanāṁ kāraṇāma् . mātaḥ śrīkulakuṁḍalīpriyakarē kālī kulōddīpanē tatsthānaṁ praṇamāmi bhadravanitē māmuddhara tvaṁ paśum .. 36

1.p32

ślō.. kuṁḍalīśaktimārgasthaṁ stōtrāṣṭakamahāphalam . yaḥ paṭhēt prātarutthāya sa yōgī bhavati dhruvam .. 37

1.p33

ślō.. kṣaṇādēva hi pāṭhēna kavināthō bhavēdiha . paṭhēt śrīkuṁḍalō yōgō brahmalīnō bhavēt mahān .. 38

1.p34

ślō.. iti tē kathitaṁ nātha! kuṁḍalīkōmalaṁ stavam . ētat stōtraprasādēna dēvēṣu gurugīṣpatiḥ .. 39

1.p35

ślō.. sarvē dēvāḥ siddhiyutāḥ asyāḥ stōtraprasādataḥ . dviparārdhaṁ ciraṁjīvī brahmā sarvasurēśvaraḥ .. 40

1.p36

ślō.. tvaṣṭāpi mama nikaṭē sthitō bhagavatīpatiḥ . māṁ viddhi paramāṁ śaktiṁ sthūlasūkṣmasvarūpiṇīm .. 41

1.p37

ślō.. sarvaprakāśakāraṇīṁ vindhyaparvatavāsinīm . himālayasutāṁ siddhāṁ siddhamantrasvarūpiṇīm .. 42 ślō.. vēdāṁtaśaktitaṁtrasthāṁ kulataṁtrārthagāminīm . rudrayāmala madhyasthāṁ sthitisthāpakabhāvinīm .. 43 ślō.. paṁcamudrāsvarūpāṁ ca śaktiyāmalamālinīm . ratnamālāvalīkōṭyāṁ caṁdrasūryaprakāśinīm .. 44 ślō.. sarvabhūtamahābuddhidāyinīṁ dānavāpahām . sthityutpattilayakārīṁ karuṇāsāgarasthitām .. 45 ślō.. mahāmōhanivāsādhyāṁ dāmōdaraśarīragām . chatracāmararatnāḍhyāṁ mahāśūlakarāṁ parām .. 46 ślō.. jñānadāṁ vr̥ddhidāṁ jñānaratnamālākalāpadām . sarvatējaḥsvarūpābhāmanaṁtakōṭivigrahām

1.p38

ślō daridradhanadāṁ lakṣmīṁ nārāyaṇamanōramām sadā bhāvaya śaṁbhō tvaṁ yōganāyakapaṁḍita

1.p39

ślō.. punarbhavaṁ paśōrēva śr̥ṇu sādarapūrvakam . akasmāt siddhimāpnōti paśunārāyaṇōpamaḥ .. 49

1.p40

ślō.. vaikuṁṭhanagarē yāti caturbhujakalēvaraḥ . śaṁkhacakragadāpadmahastō garuḍavāhanaḥ .. 50

1.p41

ślō.. mahādharmasvarūpō'sau mahāvidyāprasādataḥ . paśubhāvaṁ mahābhāvaṁ bhāvānāṁ siddhidaṁ punaḥ .. 51

1.p42

ślō.. ādau bhāvaṁ paśōḥ kr̥tvā paścāt kuryādavaśyakam . vīrabhāvaṁ mahābhāvaṁ sarvabhāvōttamōttamam .. 52

1.p43

ślō.. tatpaścādatisauṁdaryaṁ divyabhāvaṁ mahāphalam . phalākāṁkṣī mōkṣagaśca sarvabhūtahitē rataḥ .. 53

1.p44

ślō.. vidyākāṁkṣī dhanākāṁkṣī ratnākāṁkṣī ca yō naraḥ . kuryād bhāvatrayaṁ divyaṁ bhāvasādhanamuttamam .. 54

1.p45

ślō.. bhāvēna labhatē vādyaṁ dhanaṁ ratnaṁ mahāphalam . kōṭigōdānajaiḥ puṇyaiḥ kōṭiśālagrāmadānajaiḥ .. 55 ślō.. vārāṇasyāṁ kōṭiliṁgapūjanēna ca yatphalam . tatphalaṁ labhatē martyaḥ kṣaṇādēva na saṁśayaḥ .. 56

1.p46

ślō.. ādau daśamadaṁḍē tu paśubhāvamathāpi vā . madhyāhnē daśadaṁḍē tu vīrabhāvamudāhr̥tam .. 57

1.p47

ślō.. sāyāhnadaśadaṁḍē tu divyabhāvaṁ śubhapradam . athavā paśubhāvasthō yajēdiṣṭādidēvatām .. 58

1.p48

ślō.. janmāvadhi yajēnmaṁtrī mahāsiddhimavāpnuyāt . sarvēṣāṁ gururūpaḥ syādaiśvaryaṁ च dinē dinē .. 59 ślō.. yadi gurusvabhāvaḥ syāt tadā madhumatīṁ labhēt . yadi vivēkī niryāti mahāvananivāsavān .. 60

1.p49

ślō.. brahmacaryavratasthō vā athavā svapurē vasan . pīṭhabrāhmaṇamātrēṇa mahāṣōḍhāśramēṇa ca .. ślō.. paśubhāvasthitō maṁtrī siddhavidyāmavāpnuyāt . yadi pūrvāparasthāṁ ca mahākaulikadēvatām .. ślō.. kulamārgasthitō maṁtrī siddhimāpnōti niścitam . yadi vidyāḥ prasīdanti vīrabhāvaṁ tadā labhēt ..

1.p50

ślō.. vīrabhāvaprasādēna divyabhāvamavāpnuyāt . divyabhāvaṁ vīrabhāvaṁ yē gr̥hṇanti narōttamāḥ .. 64 ślo|| vāñchākalpadrumalatāpatayaste na saṃśayaḥ | āśramī dhyānaniṣṭhaśca mantratantraviśāradaḥ || 65 ślo|| bhūtvā vasenmahāpīṭhaṃ sadā jñānī bhavedyatiḥ | kimanyena phalenāpi yadi bhāvādikaṃ labhet || 66 ślo|| bhāvagrahaṇamātreṇa mama jñānī bhavennaraḥ | vākyasiddhirbhavet kṣipraṃ vāṇī hṛdayagāminī || 67

1.p51

ślō.. nārāyaṇaṁ parihāya లక్ష్మీstiṣṭhati mandire | mama pūrṇaṃ tu mādṛṣṭi tasya dehe na saṃśayaḥ || 68

1.p52

ślō.. avaśyaṁ siddhimāpnōti satyaṁ satyaṁ na saṁśayaḥ .

1.p53

mahābhairava uvāca

1.p54

sūcitaṁ tu mahādēvi kathayasvānukaṁpayā .. 69

1.p55

ślō.. sarvataṁtrēṣu vidyāsu bhāvasaṁkētamēva hi . tathāpi śaktitaṁtrēṣu viśēṣāt sarvasiddhidam .. 70 ślō.. bhāvavidyāvidhiṁ vidyē! vistārya bhāvasādhanam . bhāvavidyāvidhiḥ ānaṁdabhairaviruvāca bhāvastu trividhō dēva divyavīrapaśukramāt .. 71 ślō.. gururasya tridhā cātra tathaiva maṁtradēvatāḥ . divyabhāvō mahādēva! śrēyasāṁ sarvasiddhidam .. 72

1.p56

ślō.. dvitīyō madhyamaḥ prōktaḥ tr̥tīyaḥ sarvaniṁditaḥ . bahūjapāt tathā hōmāt kāyaklēśādivistaraiḥ .. 73

1.p57

ślō.. na bhāvēna vinā dēva taṁtramaṁtrāḥ phalapradāḥ . kiṁ vīrasādhanēnaiva mōkṣavidyākulēna kim .. 74 ślō.. kiṁ pīṭhapūjanēnaiva kiṁ kanyābhōjanādibhiḥ . svayōṣit prītidānēna kiṁ parēṣāṁ tathaiva ca .. 75 ślō.. kiṁ jitēṁdriyabhāvēna kiṁ kulācārakarmaṇā . yadi bhāvō viśuddhārthō na syāt kulaparāyaṇaḥ .. 76

1.p58

ślō.. bhāvēna labhatē muktiḥ bhāvēna kulavardhanam . bhāvēna gōtravr̥ddhiḥ syād bhāvēna kulaśōdhanam .. 77

1.p59

ślō.. kiṁ tathā pūjanēnaiva yadi bhāvō na jāyatē . kēna vā pūjyatē vidyā kēna vā pūjyatē manuḥ .. 78

1.p60

ślō.. phalābhāvaśca dēvēśa! bhāvābhāvāt prajāyatē . ētanmaṁtrasya kathanē śaṁkatē mama mānasaḥ ..

1.p61

ślō.. trilōkaṁ saṁjayēt prāyaḥ sarvaratnasamāgamaḥ . nāvīkṣya nirjanaṁ kuryāt kathaṁ tat kathayāmi tē ..

1.p62

śrī ānaṁdabhairava uvāca ślō.. tvat prasādānmahādēvi! vidyāsvapnaprabōdhini! . sarvapaṁcaprapaṁcānāṁ dīkṣā dēyā mahēśvari! .. ślō.. yadyatō dēvi sarvēṣāṁ bhūtānāṁ svāpakāraṇam . karōmi kathaya tvaṁ māṁ bhāvamārgōttamōttamam ..

1.p63

ślō.. prathamaṁ divyabhāvastu kaulikē śr̥ṇu yatnataḥ . sarvadēvārcitāṁ vidyāṁ tējaḥpuṁjaprapūritām .. 83

1.p64

ślō.. tējōmayāṁ jagatsarvāṁ vibhāvya mūrtikalpanām . tattanmūrtimayaiḥ rūpaiḥ snēhaśūnyēna vā punaḥ .. 84

1.p65

ślō.. ātmānaṁ tanmayaṁ kr̥tvā sarvabhāvaṁ tathaiva ca . tatsarvāṁ yōṣitaṁ dhyātvā pūjayēdyatamānasaḥ .. 85

1.p66

ślō.. aśēṣakulasaṁpannāṁ nānājātisamudbhavām . nānādēśōdbhavāṁ vāpi sadguṇālāsyasaṁyutām .. 86

1.p67

శ్లో|| dvitīyavatsarādūrdhvaṃ yāvat syādaṣṭamābdakam . tāvajjaptvā pūjayitvā kanyāṁ suṁdaramōhinīm .. 87

1.p68

ślō.. divyabhāvasthitaḥ sākṣāt taṁtramaṁtraphalaṁ labhēt . kumārīpūjanādēva kumārībhōjanādibhiḥ .. 88

1.p69

ślō.. ēkadvitryādibījānāṁ phaladā nātra saṁśayaḥ . tābhyaḥ puṣpaphalaṁ datvā anulēpādikaṁ tathā .. 89 ślō.. balipriyaṁ ca naivēdyaṁ datvā tadbhāvabhāvitaḥ . mudā tadaṁgamālyānāṁ bālabhāvavicēṣṭitaḥ .. 90 ślō.. jātipriyakathālāpakrīḍākautūhalānvitaḥ . yathārthaṁ tat priyaṁ tatra kr̥tvā siddhīśvarō bhavēt .. 91

1.p70

ślō.. kanyā sarvasamr̥ddhiḥ syāt kanyā sarvaparaṁtapā . hōmaṁ maṁtrārcanaṁ nityakriyā kaulikasatkriyā .. 92 ślō.. nānāphalaṁ mahādharmaṁ kumārīpūjanaṁ vinā . tattadardhaphalaṁ nātha prāpnōti sādhakōttamaḥ .. 93

1.p71

ślō.. phalaṁ kōṭiguṇaṁ vīraḥ kumārī pūjayā labhēt . kusumāṁjalipūrṇaṁ ca kanyāyāṁ kulapaṁḍitaḥ .. 94

1.p72

ślō.. dadāti yadi tatpuṣpaṁ kōṭimērupradō bhavēt . tad jñānajaṁ mahāpuṇyaṁ kṣaṇādēva samālabhēt .. 95

1.p73

ślō.. kumārī bhōjitā yēna trailōkyaṁ tēna bhōjitam . ēkavarṣā bhavēt saṁdhyā dvivarṣā ca sarasvatī .. 96

1.p74

ślō.. trivarṣā ca tridhāmūrticaturvarṣā ca kālikā . sūryagā paṁcavarṣā ca ṣaḍvarṣā caiva rōhiṇī .. 97

1.p75

ślō.. saptabhirmālinī sākṣādaṣṭavarṣā ca kubjikā . navabhiḥ kālasaṁdātrī daśabhiścāparājitā .. 98

1.p76

ślō.. ēkādaśē ca rudrāṇī dvādaśē'bdē tu bhairavī . trayōdaśē mahālakṣmīḥ dvisaptā pīṭhanāyikā .. 99

1.p77

ślō.. kṣētrajñā paṁcadaśābdiḥ ṣōḍaśē cāṁbikā matā . ēvaṁ kramēṇa saṁpūjyā yāvatpuṣpaṁ na vidyatē .. 100

1.p78

11. 11 .. - rudrāṇi 12. 12 .. - bhairavi 13. 13 .. - mahālakṣmī 14. 14 .. - pīṭhanāyika 15. 15 .. - kṣētrajña 16. 16 .. - aṁbika

1.p79

ślō.. pratipadādipūrṇāntaṁ vr̥ddhibhēdēna pūjayēt . mahāparvasu sarvēṣu viśēṣān ca pavitrakē .. 101 ślō.. mahānavamyāṁ dēvēśa kumāryaśca prapūjayēt . tasmāt ṣōḍaśaparyantaṁ yuvatīti pracakṣatē .. 102

1.p80

ślō.. tatra bhāvaprakāśaḥ syāt sabhāvaḥ paramō mataḥ . rakṣitavyaṁ prayatnēna rakṣitāstāḥ prakāśayēt .. 103

1.p81

ślō.. mahāpūjādikaṁ kr̥tvā vastrālaṁkārabhōjanaiḥ . pūjayēnmaṁdabhāgyō'pi labhatē jayamaṁgalam .. 104

1.p82

ślō.. anyēṣāṁ kathanēnātha prayōjanamahāphalam . vidhinā pūjayēdyastu divyavīrapaśusthitaḥ .. 105 ślō.. bhāvatrayē mahāsaukhyaṁ divyē satkarma satphalam .. 106

1.p83

iti śrī rudrayāmalē uttarataṁtrē mahātaṁtrōddīpanē kumāryupacaryāvilāsē siddhamaṁtraprakaraṇē bhāvanirṇayē ṣaṣṭhaḥ paṭalaḥ ..

Linked texts (11)