Kundalinistava 2.p39

2.p39

ślō.. sarvadēvamanūnāṁ ca caitanyāya susiddhayē . aṇimādyaṣṭasiddhyarthaṁ sādhakānāṁ hitāya ca .. 192 ślō.. brāhmaṇāya pradātavyaṁ - kuladravyaparāya ca . akulīnē॒ brahmaṇē ca - na dēyaḥ kuṇḍalīstavaḥ .. 193 ślō.. pravr̥ttē kuṇḍalīcakrē - sarvē varṇā dvijātayaḥ . nivr̥ttē bhairavīcakrē - sarvē varṇāḥ pr̥thak pr̥thak .. 194 ślō.. kulīnāya pradātavyaṁ - sādhakāya viśēṣataḥ . dānādēva hi siddhiḥ - syānmamājñābalahētunā .. 195 ślō.. mama kriyāyāṁ yaḥ tiṣṭhēt - sa mē putrō na saṁśayaḥ . sa āyāti mama padaṁ jīvanmuktaḥ sa mānavaḥ .. 196 ślō.. āsavēna samāṁsēna - kulavahnau mahāniśi . nāma pratyēkamuccārya - juhuyāt kāryasiddhayē .. 197 ślō.. paṁcācāraratē bhūtvā - ūrdhvarētā bhavēt yatiḥ . saṁvatsarāt mama sthānē - āyāti nātra saṁśayaḥ .. 198 ślō.. ihikē kāryasiddhiḥ syāt - daihikē sarvasiddhidaḥ . vaśī bhūtvā trimārgasthāḥ - svargabhūtalavāsinaḥ .. 199 ślō.. asya bhr̥tyāḥ prabhavanti - indrādilōkapālakāḥ . sa ēva yōgī paramō - yasyārthē'yaṁ suniścalaḥ .. 200 ślō.. yō lōkaḥ prajapa tvēvaṁ - sa śivō na ca mānuṣaḥ . sa samādhigatō nityō - dhyānasthō yōgivallabhaḥ .. 201 ślō.. caturvyūhagatō dēvaḥ - sahasā nātra saṁśayaḥ . yaḥ pradhārayatē bhaktyā - kaṇṭhē vā mastakē bhujē .. 202 ślō.. sa bhavēt kālikāputrō - vidyānāthaḥ svayaṁbhuvi . dhanēśaḥ putravān yōgī - yatīśaḥ sarvagō bhavēt .. 203 ślō.. vāmā vāmakarē dhr̥tvā sarvasiddhīśvarō bhavēt . 204 ślō.. yadi patati manuṣyō mānuṣī vā mahatyā sakaladhanajanēśī putriṇī jīvavatsā . kulapātiriha lōkē svargamōkṣaikahētuḥ sa bhavati bhavanāthō yōginīvallabhēśaḥ .. 205 ślō.. paṭhati ya iha nityaṁ bhaktibhāvēna martyōharaṇamapi karōti prāṇaviprāṇayōgaḥ . stavanapaṭhanapuṇyaṁ kōṭijanmāghanāśaṁ kathitumapi na śaktō'haṁ mahāmāṁsabhakṣā .. 206