<!-- Pramāṇa, a library of Indian primary sources · https://indike.org/pramana/in.sampradaya.general.devistotra.laghustuti.52 -->

[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Laghustutih (vrittisameta)](https://indike.org/pramana/in.sampradaya.general.devistotra.laghustuti) › 52

# Laghustutih (vrittisameta) 52

Laghustutiḥ (vṛttisametā) 52

- **Language:** Sanskrit

### [52](https://indike.org/pramana/in.sampradaya.general.devistotra.laghustuti.52)

ityādyupadiṣṭe ācāryaiśca prapañcasāre - prakṛtiḥ puruṣaścaiva  
nityāvityādinānugṛhīte . kena karmaṇā punardevyaghacchedanābhimukhī  
bhavedityapekṣāyāṃ tadupāyopāsanāsthānaviṣayasādhanānvāviṣkartuṃ  
jyotirmayaṃ vāṅmayaṃ ca devyāḥ padatrayamāha - aindrasyetyādinā .  
madhyelalāṭaṃ lalāṭasya madhye ājñāsthāne . aindrasya śarāsanasyeva prabhāṃ  
dadhatī . hṛdayapadmasthā  
bhrūmadhyapadmaparyantadīptaśuklaraktakṛṣṇatejomātramūrtistryavayavna  
kāmabījenopāsyeti yāvat . śirasi dvādaśāntapadme anuṣṇagoścandrasyeva  
śauklīṃ kāntiṃ sarvata ātanvatī . ājñāpadmasthā tāvadvyāpta  
śaśiprabhāsadṛśaprabhārūpā śaktibījenopāsyeti yāvat . hṛdi  
hṛdayapuṇḍarīke . ahaḥsthitā uditā uṣṇāṃśoḥ raveḥ dyutiḥ prabheva sthitā  
mūlādhārapadmasthā hṛtpadmaparyantaprabhā codyadarkasadṛśajyotīrūpā  
vāgbhavenopāsyeti yāvat . yathoktaṃ śrīsaubhāgyahṛdaye -

> “In the yoni \[resembling\] a mass of gold, in the heart radiant like a flash of lightning, / in the ājñā like the moon is your splendor, O supreme goddess!”  
> — English (machine translation) (machine translation)

- [Previous: 51](https://indike.org/pramana/in.sampradaya.general.devistotra.laghustuti.51)
- [Next: 53](https://indike.org/pramana/in.sampradaya.general.devistotra.laghustuti.53)

## Translations (1)

- [English (machine translation)](https://indike.org/pramana/in.sampradaya.general.devistotra.laghustuti~en-mt.52) — English, machine translation

## Commentaries (1)

- [Laghustutivṛtti](https://indike.org/pramana/in.sampradaya.general.devistotra.laghustuti!laghustutivrtti.49) — Sanskrit

---
Source: [https://indike.org/pramana/in.sampradaya.general.devistotra.laghustuti.52](https://indike.org/pramana/in.sampradaya.general.devistotra.laghustuti.52) · Pramāṇa