Pramāṇa · Search · About · API

Lagjustava 3

Lagjustava 3

Language
Sanskrit

3.1

'oṃ aiṃ oṃ aiṃ krīṃ lakṣmīṃ kuru kuru svāhā' trikālajāpāt dhanāḍhyatā bhavati
iti ladhvācāryaviracita-śrītripurāstotramantravidhānaṃ saṃpūrṇam
śrīlaghustavastotrasya siddhasārasvata ṛṣiḥ, tripurabhairavī devatā, śārdūlavikrīḍitacchandaḥ, bhuktimuktyarthe viniyogaḥ
śrī
oṃ namo mātaṅgyai namaḥ
iti śrīmātaṅgīstotraṃ samāptam || cha
oṃ klīṃ mātaṅgyai namaḥ
mātaṅgīṃ navayāvakārdracaraṇāṃ prollāsikṛṣṇāṃśukāṃ
vīnollāsikarāṃ samunnatakucāṃ muktāpravālāvalīm
hṛdyāṅgīṃ sitaśaṅkhakuṇḍaladharāṃ bimbādharāṃ susmitāṃ
ākīrṇālakaveṇimañjanayanāṃ dhyāyet śuka-iyāmalām

3.2

kalādhīśottaṃsāṃ karakalitavīṇāhitarasāṃ
kalindāpatyābhāṃ kalitahṛdayāraktavasanām
purāṇīṃ kalyāṇīṃ puramathanapuṇyodayakalāṃ
adhīrākṣīmenāmabutaṭasannaddhakabarīm

3.3

karodañcadvīṇaṃ kanakadalatāḍaṅkanihitaṃ
stanābhyāmānamraṃ taruṇamihirāraktavasanam
mahaḥ kalyāṇaṃ tanmadhumadabharātāmranayanaṃ
tamālaśyāmaṃ naḥ stabakayatu saukhyāni satatam

3.4

karāñcitavipañcikāṃ kalitacandracūḍāmaṇiṃ
kapolavilasanmahaḥkanakapatratāḍaṅkinīm
tapaḥkalamadhīśitastaruṇabhānuraktāmbarāṃ
tamāladalamecakāṃ taralalocanāmāśraye

3.5

kastūrīracitābhirāmatilakā kalyāṇatāḍaṅkinī
bālā śītamayūkhaśoṇavasanā prālambibadhammillakā
hārodañcitapīvarastanataṭā hālāmadollāsinī
śyāmā kācana kāminī vijayate cañcadvipañcīkarā

3.6

mātā marakataśyāmā, mātaṅgī mṛdubhāṣiṇī
kaṭākṣaye tu kalyāṇī kadambavanavāsinī

3.7

bhṛṅge sumeroḥ sahacāriṇībhirgīyanti mātaṅgi tavāvadānam
āmodinīmāgalamāpibantaḥ kādambarīmambaravāsinaste

3.8

ekena cāpamapareṇa kareṇa bāṇānanyena pāśamitareṇa śrṛṇiṃ dadhānā
ānandakandalitavidrumabālavallī
saṃvinmayī sphuratu kācana devatā me

3.9

gajadānakalaṅkikaṇṭhamūlā
kabarīveṣṭanakāñcaṇīyaguñchā
kurutād duritād vimokṣaṇaṃ me
kuhunā bhillakuṭumbinī bhavānī

3.10

pāṇau mṛṇālasaguṇaṃ dadhatīkṣucāpaṃ
pṛṣṭhe lasatkanakaketakabāṇakośau
aṅge pravālakavacaṃ vanavāsinī sā
pañcānanaṃ mṛgayate kadalīvanānte

3.11

vāme vistṛtiśālini stanataṭe vinyasya vīṇāmukhaṃ
tantrīṃ tāravirāvaviṇīmasakalairāsphālayantī nakhaiḥ
ardhonmīladapāṅgadikṣuvalitagrīvaṃ mukhaṃ bibhratī
māyā kācana mohinī vijayate mātaṅgakanyāmayī

3.12

pratikṣaṇapayodhara-pravilasadvipaśrīguṇaprasāri karapaṃkajaṃ balabhidaśmapuñjopamam
kadambavanamālikāśaśikalāsamudrāsitaṃ
mataṅgakulamaṇḍanaṃ manasi me maho jṛmbhatām

3.13

lākṣālohitapādapaṅkajadalāmāpīnatuṅgastanīṃ
karpūrojvalacāruśaṅkhavalayāṃ kāśmīrapatrāṅkurām
tantrītāḍanapāṭalāṅgulidalāṃ vandāmahe mātaram
mātaṅgīṃ madamantharāṃ marakataśyāmāṃ manohāriṇīm

3.14

srastaṃ keśaradāmabhirvalayitaṃ dhammillamābibhratī
tālīpatrapuṭāntaraiḥ sughaṭitaistāḍaṅkinī mauktikaiḥ
mūle kalpatarormadaskhalitadṛg dṛṣṭacaiva saṃmohinī
kācid gāyanadevatā vijayate vīṇāvatī vāsanā

3.15

yat ṣaṭpatraṃ kamalamuditaṃ tasya yatkarṇikāntarū
jyotistasyāpyudarakuhare yattadoṅkārapīṭham
tasyāpyantaḥ stanabharanatāṃ kuṇḍalīti prasiddhāṃ
śyāmākārāṃ sakalajananīṃ santataṃ bhāvayāmi

3.16

niśi niśi balimasyai bhuktaśeṣeṇa dattvā
manu manu gaṇanāto mantrajāpaṃ vitanvan
bhavati nṛpatipūjyo yoṣitāṃ prītipātraṃ
vrajati ca punarante śāśvatīṃ mūrtimādyām

3.17

kāsārānti payodhayo viṣadharāḥ karpūrahārānti ca
śrīkhaṇḍanti davānalā vanagajāḥ sāraṅgaśāvanti ca
dāsantyadbhutaśātravāḥ kimaparaṃ puṣyanti vajrāṇyapi
śrīdāmodarasodare bhagavati ! tvatpādaniṣṭhātmanām

3.18

kuvalayanibhā kauśeyārdrorukā mukuṭojjvalā
halamuśalinī sadbhaktebhyo varābhayadāyinī
kapilanayanā madhyekṣāmā kaṭhoraghanastanī
jayati jagatāṃ mātaḥ ! sā te varāhamukhī tanuḥ

3.19

amṛtamahodadhimadhye ratnadvīpe sakalpavṛkṣavane
navamaṇimaṇḍapamadhye maṇimayasiṃhāsanasyordhvam

3.20

mātaṅgīṃ bhūṣitāṅgīṃ madhumadamuditāṃ ghūrṇamāṇākṣiyugmām
svidyadvaktrāṃ kadambaprasavaparilasadgaṇḍikāmāttavīṇām
bimboṣṭhīṃ raktavastrāṃ mṛgamadatilakāmindulekhāvataṃsām
karṇodyacchaṅkhapatrāṃ kaṭhinakucabharākrāntakāntāvalagnām

3.21

unmīladyauvanāḍhyāṃ nibiḍamadabharodvegalīlāvakāśām
ratnagraiveyahārāṅgadakaṭakakaṭīsūtramañjīrabhūṣām
ānīyārthānabhīṣṭān smitamadhurahaśā sādhakaṃ tarpayantīṃ
dhyāyed devīṃ śukābhāṃ śukamakhilakalārūpamasyāśca pārśve

3.22

amṛtodadhimadhye'tra ratnadvīpe manorame
kadambabilvanilaye kalpavṛkṣopaśobhite

3.23

tasya madhye sukhāstīrṇe ratnasiṃhāsane śubhe
trikoṇakarṇikāmadhye tadgahiḥ paścapatrakam

3.24

aṣṭapatraṃ mahāpadmaṃ kesarāḍhyaṃ sakarṇikam
tatpārśve'ṣṭadalaṃ proktaṃ catuḥpatraṃ punaḥ priye

3.25

caturasraṃ ca tadbāhye evaṃ devyāsanaṃ bhavet
tasya madhye sukhāsīnāṃ śyāmavarṇāṃ śucismitām

3.26

kadambamālāparitaḥ prāntabaddhaśiroruhām
prālambālakasaṃyuktāṃ candralekhāvataṃsakām

3.27

lalāṭatilakopetāṃ īṣatprahasitānanām
kiñcitsvedāmburacitalalāṭaphalakojjvalām

3.28

trivalītaraṅgamadhyastharomarājivirājitām
sarvālaṅkārasaṃyuktāṃ sarvābharaṇabhūṣaṇām

3.29

nūpurai ratnakhacitaiḥ kaṭisūtrairalaṅkṛtām
valayai ratnaracitaiḥ keyūrairmaṇibhūṣaṇaiḥ

3.30

bhūṣitāṃ dvibhujāṃ bālāṃ madāghūrṇitalocanām
vādayantīṃ sadā vīṇāṃ śaṅkhakuṇḍalabhūṣaṇām

3.31

prālambikarṇābharaṇāṃ karṇottaṃsavirājitām
yauvanonmādinīṃ vīrāṃ raktāṃśukaparigrahām

3.32

tamālanīlāṃ taruṇīṃ madamattāṃ mataṅginīm
catuḥṣaṣṭikalārūpāṃ pārśvasthaśukasārikām

3.33

mātaṅgeśīṃ mahādevīṃ niḥśvasyaināntarātmanā
sūryakoṭipratīkāśāṃ japākusumasannibhām

3.34

athavā pītavarṇāṃ ca śyāmāmevāparāṃ śraye
niṣpāpasya manuṣyasya kiṃ na siddhyati bhūtale

3.35

kāmavaccarate bhūmau sākṣād vaiśravaṇāyate
gadyapadyamayī vāṇī tasya vaktrād vinirgatā

3.36

bhairavī tripurā lakṣmīrvāṇī mātaṅginīti ca
paryāyavācakā hyete satyametad bravīmi te

3.37

trika-pañcakāṣṭayugalaṃ ṣoḍaśakoṣṭhāṣṭakaṃ catuḥṣaṣṭhau
dhyātvā''ṅgadevatānāṃ devyāḥ parito yajeta bhāvena

3.38

mātaṅgi ! mātarīśe ! madhumathanārādhite ! mahāmāye !
mohini ! mohapramathini ! manmathamathanapriye namaste'stu

3.39

stutiṣu tava devi ! vidhirapi vihitamatirbhavati [cā]pyavihitamatiḥ
yadyapi bhaktirmāmapi bhavatīṃ stotuṃ vilobhayati

3.40

yatijanahṛdayāvāse ! vāsavabandye varāṅgi mātaṅgi !
vīṇāvādyavinodairnāradagīte ! namo devi !

3.41

devi ! prasīda sundari pīnastani kambukaṇṭhi ghanakeśi !
iyāmāṅgi vidrumoṣṭhi smitamukhi mugdhākṣi mauktikābharaṇe !

3.42

bharaṇe triviṣṭapasya prabhavasi tata eva bhairavī tvamasi
tvadṛktilabdhavibhavo bhavati kṣudro'pi bhuvanapatiḥ

3.43

patitaḥ kṛpaṇo mūko'pyamba ! bhavatyāḥ prasādaleśena
pūjyaḥ subhago vāgmī bhavati jaḍaścāpi sarvajñaḥ

3.44

jñānātmake jaganmayi nirañjane nityaśuddhapade !
nirvāṇarūpiṇi pare tripure ! śaraṇaṃ prapannastvām

3.45

tvāṃ manasi kṣaṇamapi yo dhyāyati muktābṛtāṃ iyāmām
tasya jagatritaye'smin kāstā yā na striyaḥ sādhyāḥ

3.46

sādhyākṣaragarbhitapañcanavatyakṣarātmike jaganmātaḥ !
bhagavati mātaṅgeśvari ! namo'stu tubhyaṃ mahādevi !

3.47

vidyādharasurakinnaraguhyakagandharvasiddhyakṣavaraiḥ
ārādhite ! namaste'stu prasīda kṛpayaiva mātaṅgi !

3.48

mātaṅgīstutiriyamanvahaṃ prajalpā
jantūnāṃ vitarati kauśalaṃ kriyāsu
vāgmitvaṃ śriyamadhikāṃ ca mānaśaktim
saubhāgyaṃ nṛpatibhirarcanīyatāṃ sa yāti

3.49

mātaṅgīmanudinamevamarcayantaḥ
śrīmantaḥ subhagatarāḥ kavitvabhājaḥ
prāpyānte sakalasamīhitārthavargaṃ
dehānte vimalataraṃ viśanti dhāma

3.50

avadutaṭaghaṭitacolīṃ tāḍitatārīṃ palāśatāḍaṅkām
vīṇāvādanavelākampitaśirasaṃ namāmi mātaṅgīm

3.51

vīṇāvādananirataṃ tadalābusthagitavāmakṛtakucam
śyāmalakomalagātraṃ pāṭalanayanaṃ paraṃ bhaje dhāma

3.52

aṅkitapāṇicatuṣṭayamaṅkuśapāśekṣupuṣpacāpaśaraiḥ
śaṅkarajīvitamitraṃ paṅkajanayanaṃ paraṃ bhaje dhāma

3.53

karakalitakanakavīṇālābukakadalīkṛtaikakucakamalā
jayati jagadekamātā mātaṅgī maṅgalāyatanā

3.54

aṅgalālitamanaṅgavidviṣastuṅgapīnakucabhārabhaṅguram
śyāmala śaśinibhānanaṃ bhaje komalaṃ kuṭilakuntalaṃ mahaḥ

3.55

vīṇāvādyavinodagītaniratāṃ līlāśrukollāsinīṃ
bimboṣṭhīṃ navayāvakārdracaraṇāmākīrṇakeśālakām
hṛdyāṅgīṃ sitaśaṅkakuṇḍaladharālaṃkāraveṣojjvalāṃ
mātaṅgīṃ praṇato'smi susmitamukhīṃ devīṃ śukaśyāmalām

3.56

veṇīmūlavirājitenduśakalāṃ vīṇāninādapriyām,
kṣoṇīpālasurendrapannagagaṇairārādhitāṃṅghridvayām
eṇīcañcalalocanāṃ suvadanāṃ vāṇīṃ purāṇojjvalām,
śroṇībhārabhara Sampsonālasāmanimiṣāṃ paśyāmi viśveśvarīm

3.57

kucakalaśaniṣaṇṇakelivīṇām kalamadhuradhvanikaṃpitottamāṅgīm
marakatamaṇibhaṅgamecakābhām madanavirodhimanasvinīmupāse

3.58

tāḍīdalollasitakomalakarṇapālīm keśāvalīkalitadīrghasunīlaveṇīm
vakṣojapīṭhanihitojjvalanādavīṇām vāṇīṃ namāmi ma dirāruṇanetrayugmām

3.59

yāmāmananti munayaḥ prakṛtiṃ purāṇīm vidyeti yāṃ śrutirahasyavido gṛṇanti
tāmarddhapallavitaśaṃkararūpamudrām devīmananyaśaraṇaḥ śaraṇaṃ prapadye

3.60

yaḥ sphāṭikākṣavarapustakakuṇḍikāḍhyām
vyākhyāsamudyatakarāṃ śaradinduśubhrām
padmāsanāṃ ca hṛdaye bhavatīmupāste
mātaḥ ! sa viśvakavitārkikacakravartī

3.61

barhāvataṃsaghanabandhurakeśapāśām
guñjāvalīkṛtaghanastanahāraśobhām
śyāmāṃ pravālavasanāṃ śaracāpahastām
tāmeva naumi śabarīṃ śabarasya nāthām

3.62

ajñātasambhavamanākalitānvavāyam
bhikṣuṃ kapālinamavāsasamadvitīyam
pūrvaṃ karagrahaṇamaṅgalato bhavatyāḥ
śambhuḥ ka eva bubudhe girirājakanye !

3.63

carmāmbaraṃ ca śavabhasmavilepanaṃ ca
bhikṣāṭanaṃ ca naṭanaṃ ca paretabhūmau
vetālasaṃhatiparigrahatāṃ ca śambhoḥ
śobhāṃ vahanti girije ! tava sāhacaryāt

3.64

gale guñjābījāvalimapi ca karṇe śikhiśikhām
śiro raṅge nṛtyatkanakakadalīmañjuladalam
dhanurvāme cāṃse śaramaparapāṇau ca dadhatīm
nitambe barhālīṃ kuṭilakabarīṃ siddhaśabarīm

3.65

lasadguñjāpuñjābharaṇakiraṇāraktanayanām
japākarṇābhūṣāṃ śikhivarakalāpāmbaravatīm
nadajjhillīpallīvanatarudalaiḥ saṃparivṛtām
namāmi vāmoruṃ kuṭilakabarīṃ siddhaśabarīm

3.66

aparṇāhoparṇāṃ sirasakadalīsaṃbhavamalam
bhavaṃ jetuṃ prauḍhiṃ kila manasi bālā vidadhatī
nadajjhillīpallīvanataruṣu hallīsakarucirlasatpallībhillī karakalitabhallī vijayate

3.67

dhanināmavinābhavanmadānām, bhavanadvāri durāśayā śayānām
avalokaya māmagendrakanye ! karuṇākandalitaiḥ kaṭākṣamokṣaiḥ

3.68

kuvalayadalanīlaṃ barbarasnigdhakeśam
pṛthutarakucabhārākrāntakāntāvalagnam
kimiti bahubhiruktaistvatsvarūpaṃ padaṃ naḥ
sakalajanani mātaḥ ! saṃtataṃ sannidhattām

3.69

mithaḥ keśākeśi pradhananidhanāstarkaghaṭanā
bahuśraddhābhaktipraṇativiṣayāśvāsavidhayaḥ
prasīda pratyakṣībhava girisute ! dehi śaraṇam
nirālambe ! cetaḥ pariluṭhati pāriplavamidam

3.70

lasadguñjāhārastanabharanamanmadhyalatikāmudaścaddharmāmbhaḥkaṇaguṇitavaktrāmbujarucam
śivaṃ pārthatrāṇapraṇavamṛgayākārakaraṇam
śivāmanvakṣyāntīṃ śaraṇamahamanvemi śabarīm

3.71

śirasi dhanuraṭanyā tāḍyamānasya śambhoralaka-nayana-koṇe kiñcidālajyamāne
upaniṣadupagītaṃ rudramudghoṣayantī
pariharati mṛḍānī madhyamaṃ pāṇḍavānām

3.72

yadgalābharaṇatantuvaibhavān nāyako garalamāgalaṃ yau
tāṃ carācaraguroḥ kuṭumbinīm naumi yauvanabhareṇa lālasām

3.73

sudhāmapyāsvādya pratibhayaharā mṛtyuharaṇīm
vipadyante sarve vidhi-śatamakhādyā diviṣadaḥ
karālaṃ yat kṣveḍaṃ kavalitavataḥ kālakalanā
na śambhostanmūlaṃ janani ! tava tāḍaṅkamahimā

3.74

karopānte kānte vitaraṇiniśānte vidadhatīm
lasadvīṇāśoṇāṃ nakharucibhireṇāṅkavadanām
sadā vande saṃdetaruruhavaśaṃdeśakavaśāt
kṛpālambāmambāṃ kusumitakadambāṅgaṇagṛhām

3.75

karṇalambitakadambamañjarīkesarāruṇakapolamaṇḍalam
kevalaṃ nigamavādagocaraṃ nīlimānamavalokayāmahe

3.76

akṛśaṃ kucayoḥ kṛśaṃ vilagne vipulaṃ cakṣuṣi vistṛtaṃ nitambe
aruṇādharamāvirastu citte karuṇāśālikapālibhāgadheyam

3.77

anabhaṅgurakeśapāśamamba ! prabhayā kīcakamecakaṃ vapuste
paritaḥ parito vilokayāmaḥ pratipaccandrakalādhirūḍhacūḍam

3.78

dhyāyeyaṃ ratnapīṭhe śukakalapaṭhitaṃ śṛṇvatīṃ śyāmagātrīm
nyastaikāṅghrīsaroje śaśiśekaradharāṃ valkīṃ vādayantīm
kahlārābaddhabhālāṃ niyamitavilasaccūlikāṃ raktavastrām
mātaṅgīṃ śāṅkhapatrāṃ madhumadavivaśāṃ citrakodrāsibhālām

3.79

ārādhya mātaśvaraṇāmbujaṃ te brahmādayo viśrutakīrtimāpuḥ
anye paraṃ vāgvibhavaṃ munīndrāḥ parāṃ śriyaṃ bhaktibhareṇa cānye

3.80

namāmi devīṃ navacandramaulim mātaṅginīṃ candrakalāvataṃsām
āmnāyavāgbhiḥ pratipāditārtham prabodhayantīṃ śukamādareṇa

3.81

vinamradevāsuramauliratnaiḥ nīrājitaṃ te caraṇāravindam
bhajanti ye devi ! mahīpatīnām parāṃ śriyaṃ bhaktimupāśrayanti

3.82

mātaṅgi ! līlāgamane ! bhavatyāḥ saṃjātamañjīramiṣād bhajante
mātastvadīyaṃ caraṇāravindam akṛtrimāṇāṃ vacasāṃ vigumphāḥ

3.83

padātpadaṃ siñjitanūpurābhyām kṛtārthayantī padavīṃ padābhyām
āsphālayantī kalavalkīṃ tām mātaṅginī me hṛdayaṃ dhinotu

3.84

līlāṃśukābaddhanitambabimbām tāḍīdalenārpitakarṇabhūṣām
mādhvīmadāghūrṇitanetrapadmām ghanastanīṃ śambhuvadhūṃ smarāmi

3.85

taḍillatākāntamalambadhūṣam, cireṇa lakṣyaṃ navaromarājyā
smarāmi bhaktyā jagatāmadhīśi ! valitrayāṅkaṃ tava madhyamamba !

3.86

nīlotpalānāṃ śriyamāharantīm kāntyāḥ kaṭākṣaiḥ kamalākarāṇām
kadambamālāścitakeśapāśām mātaṅgakanyāṃ hṛdi bhāvayāmi

3.87

dhyāyeyamāraktakapolakāntam bimbādharaṃ nyastalalāṭaramyam
ālolalīlāyitamāyatākṣam mandasmitaṃ te vadanaṃ maheśi !

3.88

vāmastanāsaṅgasakhīṃ vipañcīm udghāṭayantīmaruṇāṅgulībhiḥ
tadutthasaubhāgyavilolamaulim śyāmāṃ bhaje yauvanabhārakhinnām

3.89

stutyānayā śaṃkara-dharmapatnīm mātaṅginīṃ vāgadhidevatāṃ tām
stuvanti ye bhaktiyutā manuṣyāḥ parāṃ śriyaṃ bhaktimupāśrayanti

3.90

gehaṃ nākati garvitaḥ praṇamati strīsaṃgamo mokṣati,
mṛtyurvaidyati dūṣaṇaṃ ca guṇati kṣmāvallabho dāsati
vajraṃ puṣpati pannago'janalati hālāhalaṃ bhujyati,
dveṣī mitrati pātakaṃ sukṛtati tvatpādasaṃcintanāt

3.91

ehyehi mātastripure pavitre ! yantrāntare tvaṃ vasatiṃ vidhehi
gṛhṇasva gṛhṇasva baliṃ prapūjām trikoṇaṣaṭkoṇadale'ṣṭakuṇḍe

3.92

ehyehi mātastripure madīye netre nivāsaṃ kuru mañjunetre
bhūtātmakaṃ viśvamidaṃ narasya me darśaya tvaṃ tava citsvarūpam

3.93

ehyehi mātastripure madīye vaktre nivāsaṃ kuru candravaktre
parāpavādaṃ vacanaṃ narasya vāgīśvaraṃ me vadatāṃ kuruṣva

3.94

ehyehi mātastripure madīye citte nivāsaṃ kuru kalpavalli
vegena jāḍyādi tamo nirasya vidhehi dīsaṃ tava citsvarūpam

3.95

anena stotrapāṭhena sarvapāpahareṇa vai
prīyatāṃ paramā śaktirmātaṅgī sarvakāmadā

Linked texts (10)