Lagjustava 4

Language: Sanskrit

4.1

ityāgamasāre umāsahācāryaviracitaṃ
śrīmātaṅgīstotraṃ saṃpūrṇam
anubhūtasiddhasārasvatastavaḥ
kalamarālavihaṅgamavāhanā sitadukūlavibhūṣaṇalepanā
praṇatabhūmiruhāmṛtasāriṇī pravaradehavibhābharadhāriṇī

4.2

amṛtapūrṇakamaṇḍaludhāriṇī tridaśadānavamānavasevitā
bhagavatī paramaiva sarasvatī mama punātu sadā nayanāmbujam

4.3

jinapatiprathitākhilavāṅmayī gaṇadharānanmaṇḍapanartakī
gurumukhāmbujakhelanahaṃsikā vijayate jagati śrutadevatā

4.4

amṛtadīdhitibimbasamānanāṃ trijagatījananirmitamānanām
navarasāmṛtavīcisarasvatīṃ pramuditaḥ praṇamāmi sarasvatīm

4.5

vitataketakapatravilocane vihitasaṃsṛtiduḥkṛtamocane
dhavalapakṣavihaṅgamalāñchite jaya sarasvati pūritavāñchite

4.6

bhavadanugrahaleśataraṅgitāstaducitaṃ pravadanti vipaścitaḥ
nṛpasabhāsu yataḥ kamalāvalākucakalālalanāni vitanvate

4.7

gatadhanā api hi tvadanugrahāt kalitakomalavākyasudhormayaḥ
cakitabālakuraṅgavilocanā janamanāṃsi harantitarāṃ narāḥ

4.8

karasaroruhakhelanacañcalā tava vibhāti varā japamālikā
śrutipayonidhimadhyavikasvarojvalataraṅgakalāgrahasāgrahā

4.9

dviradakesarimāribhujaṅgamāsahanataskararājirujāṃ bhayam
tava guṇāvaligānataraṃgiṇāṃ na bhavināṃ bhavati śrutadevate

4.10

oṃ hrīṃ krīṃ blīṃ tataḥ śrīṃ tadanu hasakala hrīmatho aiṃ namo'nte
lakṣaṃ sākṣājjapan'yaḥ karasamavidhinā sattapā brahmacārī
niryāntī candrabimbāt kalayati manasā tvāṃ jagacandrikābhāṃ
so'tyarthaṃ vahnikuṇḍe vihitaghṛtahutiḥ syād daśāṃśena vidvān

4.11

re re lakṣaṇakāvyanāṭakakathāṃ campūsamālokane
kāyāsaṃ vitanoṣi bāliśa mudhā kiṃ namravaktrāmbujaḥ
bhaktyārādhaexisting...
bhaktyārādhya mantrarājasahasā yernāniśaṃ bhāratīṃ
tena tvaṃ kavitāvitānasavitādvaitaprabuddhāyase

4.12

cañcaccandramukhī prasiddhamahimā svācchandarājyapradā'nāyāsena surāsuragaṇairabhyarcitā bhaktitaḥ
devī saṃstutavaibhavā malayajālepāṅgaraṅgadyutiḥ
sā māṃ pātu sarasvatī bhagavatī trailokyasañjīvinī

4.13

stavanametadanekaguṇānvitaṃ paṭhati yo bhavikaḥ pramanāḥ prage
sa sahasā madhurairvacanāmṛtairnṛpagaṇānapi rañjayati sphuṭam

Linked texts (9)

Tripurāstotra (Laghu Paṇḍita) — Laghu Paṇḍita, Sanskrit
Devīstotra (Laghu Paṇḍita) — Laghu Paṇḍita, Sanskrit
Laghubhaṭṭārikā — Sanskrit
Laghustava — Kālidāsa, Sanskrit
Laghustava (Laghu Ācārya) — Laghu Ācārya, Sanskrit
Laghustava (Laghvācārya) — Laghvācārya, Sanskrit
Tripurābhāratīstotra — Laghu Paṇḍita, Sanskrit
Bhagavatīstotra (Laghu Paṇḍita) — Laghu Paṇḍita, Sanskrit
Caturviṃśatikā (Bappabhaṭṭi) — Bappabhaṭṭi, Sanskrit