[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Lagjustava](https://indike.org/pramana/in.sampradaya.general.devistotra.lagjustava) › 4 # Lagjustava 4 Lagjustava 4 - **Language:** Sanskrit ### [4.1](https://indike.org/pramana/in.sampradaya.general.devistotra.lagjustava.4.1) ityāgamasāre umāsahācāryaviracitaṃ śrīmātaṅgīstotraṃ saṃpūrṇam anubhūtasiddhasārasvatastavaḥ kalamarālavihaṅgamavāhanā sitadukūlavibhūṣaṇalepanā praṇatabhūmiruhāmṛtasāriṇī pravaradehavibhābharadhāriṇī ### [4.2](https://indike.org/pramana/in.sampradaya.general.devistotra.lagjustava.4.2) amṛtapūrṇakamaṇḍaludhāriṇī tridaśadānavamānavasevitā bhagavatī paramaiva sarasvatī mama punātu sadā nayanāmbujam ### [4.3](https://indike.org/pramana/in.sampradaya.general.devistotra.lagjustava.4.3) jinapatiprathitākhilavāṅmayī gaṇadharānanmaṇḍapanartakī gurumukhāmbujakhelanahaṃsikā vijayate jagati śrutadevatā ### [4.4](https://indike.org/pramana/in.sampradaya.general.devistotra.lagjustava.4.4) amṛtadīdhitibimbasamānanāṃ trijagatījananirmitamānanām navarasāmṛtavīcisarasvatīṃ pramuditaḥ praṇamāmi sarasvatīm ### [4.5](https://indike.org/pramana/in.sampradaya.general.devistotra.lagjustava.4.5) vitataketakapatravilocane vihitasaṃsṛtiduḥkṛtamocane dhavalapakṣavihaṅgamalāñchite jaya sarasvati pūritavāñchite ### [4.6](https://indike.org/pramana/in.sampradaya.general.devistotra.lagjustava.4.6) bhavadanugrahaleśataraṅgitāstaducitaṃ pravadanti vipaścitaḥ nṛpasabhāsu yataḥ kamalāvalākucakalālalanāni vitanvate ### [4.7](https://indike.org/pramana/in.sampradaya.general.devistotra.lagjustava.4.7) gatadhanā api hi tvadanugrahāt kalitakomalavākyasudhormayaḥ cakitabālakuraṅgavilocanā janamanāṃsi harantitarāṃ narāḥ ### [4.8](https://indike.org/pramana/in.sampradaya.general.devistotra.lagjustava.4.8) karasaroruhakhelanacañcalā tava vibhāti varā japamālikā śrutipayonidhimadhyavikasvarojvalataraṅgakalāgrahasāgrahā ### [4.9](https://indike.org/pramana/in.sampradaya.general.devistotra.lagjustava.4.9) dviradakesarimāribhujaṅgamāsahanataskararājirujāṃ bhayam tava guṇāvaligānataraṃgiṇāṃ na bhavināṃ bhavati śrutadevate ### [4.10](https://indike.org/pramana/in.sampradaya.general.devistotra.lagjustava.4.10) oṃ hrīṃ krīṃ blīṃ tataḥ śrīṃ tadanu hasakala hrīmatho aiṃ namo'nte lakṣaṃ sākṣājjapan'yaḥ karasamavidhinā sattapā brahmacārī niryāntī candrabimbāt kalayati manasā tvāṃ jagacandrikābhāṃ so'tyarthaṃ vahnikuṇḍe vihitaghṛtahutiḥ syād daśāṃśena vidvān ### [4.11](https://indike.org/pramana/in.sampradaya.general.devistotra.lagjustava.4.11) re re lakṣaṇakāvyanāṭakakathāṃ campūsamālokane kāyāsaṃ vitanoṣi bāliśa mudhā kiṃ namravaktrāmbujaḥ bhaktyārādhaexisting... bhaktyārādhya mantrarājasahasā yernāniśaṃ bhāratīṃ tena tvaṃ kavitāvitānasavitādvaitaprabuddhāyase ### [4.12](https://indike.org/pramana/in.sampradaya.general.devistotra.lagjustava.4.12) cañcaccandramukhī prasiddhamahimā svācchandarājyapradā'nāyāsena surāsuragaṇairabhyarcitā bhaktitaḥ devī saṃstutavaibhavā malayajālepāṅgaraṅgadyutiḥ sā māṃ pātu sarasvatī bhagavatī trailokyasañjīvinī ### [4.13](https://indike.org/pramana/in.sampradaya.general.devistotra.lagjustava.4.13) stavanametadanekaguṇānvitaṃ paṭhati yo bhavikaḥ pramanāḥ prage sa sahasā madhurairvacanāmṛtairnṛpagaṇānapi rañjayati sphuṭam ## Linked texts (9) - [Tripurāstotra (Laghu Paṇḍita)](https://indike.org/pramana/in.sampradaya.general.devistotra.lalita.tripurastotra.4.1) — Laghu Paṇḍita, Sanskrit - [Devīstotra (Laghu Paṇḍita)](https://indike.org/pramana/in.sampradaya.saiva.stotra.devistotra-laghu-pandita.4.1) — Laghu Paṇḍita, Sanskrit - [Laghubhaṭṭārikā](https://indike.org/pramana/in.sampradaya.general.devistotra.laghubhattarika.4.1) — Sanskrit - [Laghustava](https://indike.org/pramana/in.sampradaya.general.devistotra.lalita.laghustava.4.1) — Kālidāsa, Sanskrit - [Laghustava (Laghu Ācārya)](https://indike.org/pramana/in.sampradaya.general.devistotra.lalita.laghustava-laghu-acarya.4.1) — Laghu Ācārya, Sanskrit - [Laghustava (Laghvācārya)](https://indike.org/pramana/in.sampradaya.general.devistotra.lalita.laghustava-laghvacarya.4.1) — Laghvācārya, Sanskrit - [Tripurābhāratīstotra](https://indike.org/pramana/in.sampradaya.general.devistotra.lalita.tripurabharatistotra.4.1) — Laghu Paṇḍita, Sanskrit - [Bhagavatīstotra (Laghu Paṇḍita)](https://indike.org/pramana/in.sampradaya.general.devistotra.bhagavatistotra-laghupandita.4.1) — Laghu Paṇḍita, Sanskrit - [Caturviṃśatikā (Bappabhaṭṭi)](https://indike.org/pramana/in.jaina.post.stotra.bappabhatti.7.3.8) — Bappabhaṭṭi, Sanskrit --- Source: [https://indike.org/pramana/in.sampradaya.general.devistotra.lagjustava.4](https://indike.org/pramana/in.sampradaya.general.devistotra.lagjustava.4) · Pramāṇa