Lagjustava 5
Lagjustava 5
- Language
- Sanskrit
Contents
- 5.9 — 1 part
5.1
ityanubhūtasiddhasārasvatastavaḥ paripūrṇaḥ
oṃ namaḥ śāradāyai
vyāptānantasamastalokanikaraiṃkārā samastā sthirā
yā''rādhyā gurubhirgurorapi gururdevaistu yā vandyate
devānāmapi devatā vitaratā vāgdevatā devatā
svāhāntaḥ kṣipa oṃ yataḥ stavamukhaṃ yasyāḥ sa mantro varaḥ
5.2
oṃ hrīṃ śrīṃ prathamā prasiddhamahimā santaptacitte himā
sauṃ aiṃ madhyahitā jagattrayahitā sarvajñanāthā hitā
hrīṃ krīṃ blīṃ caramā guṇānuparamā jāyeta yasyā ramā
vidyaiṣā ṣaḍindragīḥpatikarī vāṇīṃ stuve tāmaham
5.3
oṃ karṇe varakarṇabhūṣitatanuḥ karṇe'tha karṇeśvarī
hrīṃsvāhāntapadāṃ samastavipadāṃ chetrī padaṃ saṃpadām
saṃsārārṇavatāriṇī vijayate vidyāvadāte śubhe
yasyāḥ sā padavī sadā śivapure devīvataṃsīkṛtā
5.4
sarvācāravicāriṇī pratariṇī naurvāgbhavābdhau nṛṇām
vīṇāveṇuvarakkaṇātisubhagā duḥkhādrividrāviṇī
sā vāṇī pravaṇā mahāguṇagaṇā nyāyapravīṇā'malaṃ
śete yā taraṇīraṇīsu nipuṇā jainī punātu dhruvam
5.5
oṃ hrīṃbījamukhā vidhūtavimukhā saṃsevitā sanmukhā
aiṃ klīṃ sauṃ sahitā surendramahitā vidvajjanebhyo hitā
vidyā visphurati sphuṭaṃ hitaratiryasyā viśuddhā matiḥ
sā brāhmī jinavaktravajralalane līnā'tilīnātu mām
5.6
oṃ arhanmukhapadmavāsini śubhe jvālāsahasrāṃśubhe
pāpaprakṣayakāriṇi śrutadhare pāpaṃ dahatyāśubhe
kṣāṃ kṣīṃ kṣūṃ varabījadugdhadhavale vaṃ vaṃ vaṃ haṃ svāvahā
śrīvāgdevyamṛtodbhave yadi bhave manmānase sā bhave
5.7
haste śarmadapustikāṃ vidadhatī śatapatrakaṃ cāparaṃ
lokānāṃ sukhadaṃ prabhūtavaradaṃ sajjñānamudraṃ param
tubhyaṃ bālamṛṇālakandalalasallīlāvilolaṃ karam
prakhyātā śrutadevatā vidadhatī saukhyaṃ nṛṇāṃ sūnṛtam
5.8
haṃsohaṃso'tigarvaṃ vahati hi vidhṛtā yanmayaiṣā mayaiṣā
yantraṃ yantraṃ yadetat sphuṭati sitatarāṃ saiva yakṣāvayakṣā
sādhvī sādhvī śaṭhāryā pravidhūtabhuvanā durdharā yā dharāyāḥ
devī devījanārghyā ramatu mama sadā mānase mānase sā
5.9
spaṣṭapāṭhaṃ paṭhatyetad dhyānena paṭunā'ṣṭakam
ajasraṃ yo janastasya bhavantyuttamasaṃpadaḥ
5.9.p1
iti paṭhitasiddhasārasvatastavaḥ
Linked texts (9)
- Paṭhitasiddhasārasvatastotra — Sanskrit
- Tripurāstotra (Laghu Paṇḍita) — Laghu Paṇḍita, Sanskrit
- Devīstotra (Laghu Paṇḍita) — Laghu Paṇḍita, Sanskrit
- Laghubhaṭṭārikā — Sanskrit
- Laghustava — Kālidāsa, Sanskrit
- Laghustava (Laghu Ācārya) — Laghu Ācārya, Sanskrit
- Laghustava (Laghvācārya) — Laghvācārya, Sanskrit
- Tripurābhāratīstotra — Laghu Paṇḍita, Sanskrit
- Bhagavatīstotra (Laghu Paṇḍita) — Laghu Paṇḍita, Sanskrit