Navaksharistotra 1
Navākṣarīstotra 1
- Language
- Sanskrit
1.1
21. navākṣarīstotram¹
tyāgarājaviracitam
śrīgurucaraṇasarojaṃ śrīkarabhavataraṇasukaradṛḍhanāvam
maccittamadhupajhaṃkṛtamānandaṃ naumi śāṃkaraṃ śaraṇyam
1.2
aindradhanurmaratakabhāmairāvatanāthagīrbhirabhyarcyam
aiṃkārārthasvarūpāaiśānīnāthasevitāṃ vande
1.3
hīnatadaityasamūhāṃ hṛdyāṃ suralokasevitāṅghriyugām
hrīṃkārāntyasvarūpāṃ hṛdayavilāsapracoditāṃ vande
1.4
klīṃkārakāmajananīṃ klīmitiprapūritadigantām
klībastrīpuṃśabdakrīḍārūpāṃ namāmi viśvamayīm
1.5
cāmarabibhradvāṇīcandrasajātāsusevyapārśvayugām
caraṇatalamahiṣamuṇḍāṃ cāpādikarāṃ namāmi cāmuṇḍām
1.6
muṇḍamaṇihārakaṇṭhīṃ mukurakapolaprabhāsuśobhamukhīm
muhurāsphālitadhanuṣaṃ muraharabhaginīṃ namāmi mugdhatanum
1.7
ḍākinyādyabhituṣṭāṃ ḍamarukanādena pūritadigantām
ḍambhābhimānahantrīṃ ḍāmaratantraprakāśitāṃ vande
1.8
yaivarṇasatyamāyāsyai dattānyāyudhāni śakrādyaiḥ
yauvanamadasāmrājyāyai tasyai namo'stu vidyāyai
1.9
viśvottīrṇāṃ vidyāṃ vividhajagaccitrakalpanārūpām
viyadādisṛṣṭihetuṃ viśvāptaikaprakāśitāṃ naumi
1.10
cetasi nitarāṃ vāsitacetomayi caityacetane cature
campakakalikānāse cāmīkarabhāsurāṅgi naumi tvām
1.11
akṣaranavākṣarīyaṃ nikṣepamayī suvāksudhārūpā
etat stotraṃ paṭhatāṃ yacchati saubhāgyakīrtipuṣṭidhṛtīḥ¹