[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Lalitā Tripurasundarī](https://indike.org/pramana/in.sampradaya.general.devistotra.lalita) › [The Five Hymns (Laghustava etc.) and the hymns of Durvāsas](https://indike.org/pramana/in.sampradaya.general.devistotra.lalita.pancastavi-works) › [Pancastavi](https://indike.org/pramana/in.sampradaya.general.devistotra.lalita.pancastavi-works.pancastavi) › 1 # Pancastavi 1 Pañcastavī 1 - **Language:** Sanskrit ### [1.1](https://indike.org/pramana/in.sampradaya.general.devistotra.lalita.pancastavi-works.pancastavi.1.1) gacchataḥ skhalanaṃ kvāpi bhavatyeva pramādataḥ hasanti durjanāstatra samādadhati satjanāḥ oṃ pañcastavī laghustavaḥ prathamaḥ oṃnamastripurasundaryai aindrasyeva śarāsanasya dadhatī madhye lalāṭaṃ prabhāṃ śauklīṃ kāṃti manuṣṇagoriva śirasyātanvatī sarvataḥ eṣāsau tripurā hṛdi dyutirivoṣṇāṃśoḥ sadāhaḥ sthitā chindyānnaḥ sahasā padaistribhiraghaṃ jyotirmayī vāṅmayī ### [1.2](https://indike.org/pramana/in.sampradaya.general.devistotra.lalita.pancastavi-works.pancastavi.1.2) yā mātrā trapusīlatātanulasattantūtthitisapardhinī vāgbīje prathame sthitā tava sadā tāṃ manmahe te vayam śaktiṃ kuṇḍalinīti viśvajananavyāpārabaddhodyamā jñātvethaṃ na punaḥ spṛśanti jananīgarbhe'rbhakatvaṃ narāḥ ### [1.3](https://indike.org/pramana/in.sampradaya.general.devistotra.lalita.pancastavi-works.pancastavi.1.3) dṛṣṭvā saṃbhramakāri vastu sahasā ai ai iti vyāhṛtaṃ yenākṛtatavaśādapīha varade binduṃ vināpyakṣaram tasyāpi dhruvameva devi tarasā jāte tavānugrahe vācaḥ sūktisudhārasadravamuco niryānti vaktrāmbujāt ### [1.4](https://indike.org/pramana/in.sampradaya.general.devistotra.lalita.pancastavi-works.pancastavi.1.4) yannitye ! tava kāmarājamaparaṃ mantrākṣaraṃ niṣkalaṃ tatsārasvatamityavaiti viralaḥ kaścidbudhaścedbhuvi ākhyānaṃ pratiparva satyatapaso yatkīrtayanto dvijāḥ prārambhe praṇavāspadapraṇayitāṃ nītvoccaranti sphuṭam ### [1.5](https://indike.org/pramana/in.sampradaya.general.devistotra.lalita.pancastavi-works.pancastavi.1.5) yattatsadyo vacasāṃ pravṛttikaraṇe dṛṣṭaprabhāvaṃ budhai- stārtīyīkamahaṃ namāmi manasā tvadvījaminduprabham astyaurvo'pi sarasvatīmanugato jāḍyāmbuvicchittaye gośabdo giri vartate sa niyataṃ yogaṃ vinā siddhidaḥ ### [1.6](https://indike.org/pramana/in.sampradaya.general.devistotra.lalita.pancastavi-works.pancastavi.1.6) ekaikaṃ tava devi bījamanaghaṃ savyañnāvyañjanaṃ kūṭasthaṃ yadi vā pṛthakkramagataṃ yadvā sthitaṃ vyutkramāt yaṃ yaṃ kāmamapekṣya yena vidhinā kenāpi vā cintitaṃ japtaṃ vā safalīkaroti sahasā taṃ taṃ samastaṃ nṛṇām ### [1.7](https://indike.org/pramana/in.sampradaya.general.devistotra.lalita.pancastavi-works.pancastavi.1.7) vāme pustukadhāriṇimabhayadāṃ sākṣasrajaṃ dakṣiṇe bhaktebhyo varadānapeśalakarāṃ karpūrakundojjvalām ujjṛmbhāmbujapatrakāntanayanasnigdhaprabhālokinīṃ ye tvāmamba! na śīlayanti manasā teṣāṃ kavitvaṃ kutaḥ ### [1.8](https://indike.org/pramana/in.sampradaya.general.devistotra.lalita.pancastavi-works.pancastavi.1.8) ye tvāṃ pāṇḍura puṇḍarīka paṭala spaṣṭābhirāmaprabhāṃ siñcantīmamṛtadravairiva śiro dhyāyanti mūrdhni sthitām aśrāntaṃ vikaṭasphuṭākṣarapadā niryāti vaktrāmbujātteṣāṃ bhārati ! bhāratī surasaritkallolalolormivat ### [1.10](https://indike.org/pramana/in.sampradaya.general.devistotra.lalita.pancastavi-works.pancastavi.1.10) ye sindūra parāga puñja pihitāṃ tvattejasā dyāmimā- murvī cāpi vilīnayāvaka rasa prastāramagnāmiva paśyanti kṣaṇamapyananyamanasaste bāmanaṅgajvara klāntāstrasta kuraṅga śāvakadṛśo vaśyā bhavanti sphuṭam 6 cañcatkāñcana kuṇḍalāṅgadadharāmā baddhakāñcīsrajaṃ ye tvāṃ cetasi tadgate kṣaṇamapi dhyāyanti kṛtvā sthitim teṣāṃ veśmasu vibhramādaharahaḥ sphārībhavantyaściraṃ mādyatkuñjara karṇatālataralāḥ sthairyaṃ bhajante śriyaḥ ### [1.11](https://indike.org/pramana/in.sampradaya.general.devistotra.lalita.pancastavi-works.pancastavi.1.11) ārbhaṭyā śaśikhaṇḍa maṇḍitajaṭājūṭāṃ nṛmuṇḍasrajaṃ bandhūka prasavāruṇāmbaradharāṃ pretāsanādhyāsinīm tvāṃ dhyāyanti caturbhujāṃ trinayanāmā pīnatuṅgastanīṃ madhye nimnavalitrayāṃkitatanuṃ tvadrūpasaṃvittaye ### [1.12](https://indike.org/pramana/in.sampradaya.general.devistotra.lalita.pancastavi-works.pancastavi.1.12) jāto'pyalpaparicchade kṣitibhujāṃ sāmānyamātre kule niḥ śeṣāvani cakravarttipadavīṃ labdhvā pratāponnataḥ yadvidyādharavṛndavanditapadaḥ śrīvatsarājo'bhava- ddevi! tvaccaraṇāmbuja praṇātijaḥ soyaṃ prasādodayaḥ ### [1.13](https://indike.org/pramana/in.sampradaya.general.devistotra.lalita.pancastavi-works.pancastavi.1.13) caṇḍi tvaccaraṇāmbujārcanavidhau bilvīdalolluṇṭhana- truṭyatkaṇṭaka koṭibhiḥ paricayaṃ yeṣāṃ na jagmu karāḥ te daṇḍāṃkuśa cakra cāpa kuliśa śrīvatsa matsyāṃkitai- rjāyante pṛthivībhujaḥ kathamivāmbhojaprabhaiḥ pāṇibhiḥ ### [1.14](https://indike.org/pramana/in.sampradaya.general.devistotra.lalita.pancastavi-works.pancastavi.1.14) viprāḥ kṣoṇibhujo viśastaditare kṣīrājyamadhvāsavai stvāṃ devi! tripure! parāparamayīṃ santarpya pūjāvidhau yāṃ yāṃ prārthayate manaḥ sthiradhiyāṃ teṣāṃ ta eva dhruvaṃ tāṃ tāṃ siddhimavāpnuvanti tarasā vighnairavighnīkṛtāḥ ### [1.15](https://indike.org/pramana/in.sampradaya.general.devistotra.lalita.pancastavi-works.pancastavi.1.15) śabdānāṃ jananī tvamatra bhuvane vāgvādinītyucyase tvattaḥ keśava vāsava prabhṛtayo'pyāvirbhavanti sphuṭam līyante khalu yatra kalpavirame brahmādayastepya mī sā tvaṃ kācidacintyarūpamahimā śaktiḥ parā gīyase ### [1.16](https://indike.org/pramana/in.sampradaya.general.devistotra.lalita.pancastavi-works.pancastavi.1.16) devānāṃ tritayaṃ trayī hutabhujāṃ śaktitrayaṃ trisvarā strailokyaṃ tripadī tripuṣkarama tho tribrahma varṇāstrayaḥ yatkiñcijjagati tridhā niyamitaṃ vastu trivargātmakaṃ tatsarvaṃ tripureti nāma bhagavatyanveti te tattvataḥ ### [1.17](https://indike.org/pramana/in.sampradaya.general.devistotra.lalita.pancastavi-works.pancastavi.1.17) lakṣmīṃ rājakule jayāṃ raṇabhuvi kṣemaṃkarīmadhvani kravyād dvipa sarpa bhāji śavarīṃ kāntāradurge girau bhūta preta piśāca jambukabhaye smṛtvā mahābhairavīṃ vyāmohe tripurāṃ taranti vipadastārāṃ ca toyaplave ### [1.18](https://indike.org/pramana/in.sampradaya.general.devistotra.lalita.pancastavi-works.pancastavi.1.18) māyā kuṇḍalinī kriyā madhumatī kālī kalā mālinī mātaṅgī vijayā jayā bhagavatī devī śivā śāmbhavī śaktiḥ śaṅkaravallabhā trinayanā vāgvādinī bhairavī hrīṃkārī tripurā parāparamayī mātā kumārītyasi ### [1.16-2](https://indike.org/pramana/in.sampradaya.general.devistotra.lalita.pancastavi-works.pancastavi.1.16-2) āīpallavitaiḥ parasparayutairdvitrikramādyakṣaraiḥ kādyaiḥ kṣāntagataiḥ svarādibhiratha kṣāntaiśca taiḥ sasvaraiḥ nāmāni tripure! bhavanti khalu yānyatyantaguhyāni te tebhyo bhairavapatni! viṃśatisahasrebhyaḥ parebhyo namaḥ ### [1.20](https://indike.org/pramana/in.sampradaya.general.devistotra.lalita.pancastavi-works.pancastavi.1.20) boddhavyā nipuṇaṃ budhaiḥ stutiriyaṃ kṛtvā manastadgataṃ bhāratyā tripuretyananyamanasā yatrādyavṛtte sphuṭam ekadvi tripad krameṇa kathitastvatpāda saṃkhyākṣarai- rmantroddhāra vidhi viśeṣa sahitaḥ satsaṃ pradāyā nvitaḥ ### [1.21](https://indike.org/pramana/in.sampradaya.general.devistotra.lalita.pancastavi-works.pancastavi.1.21) sāvadyaṃ niravadyamastu yadi vā kiṃvā'nayā cintayā nūnaṃ stotramidaṃ paṭhiṣyati naro yasyāsti bhaktistvayi saṃcintyāpi saghutvamātmani dṛḍhaṃ saṃjāyamānaṃ haṭhā- ttvadbhaktyā mukharīkṛtena racitaṃ yasmānmayāpi bravam ## Linked texts (6) - [Laghustavacarcāstavau](https://indike.org/pramana/in.sampradaya.general.devistotra.laghustavacarcastavau.p41) — Sanskrit - [Devīstotra (Laghu Paṇḍita)](https://indike.org/pramana/in.sampradaya.general.devistotra.lalita.other.devistotra-laghu-pandita.1.1-2) — Laghu Paṇḍita, Sanskrit - [Laghustava (Laghu Ācārya)](https://indike.org/pramana/in.sampradaya.general.devistotra.lalita.pancastavi-works.laghustava-laghu-acarya.1.1-2) — Laghu Ācārya, Sanskrit - [Devīpañcastavī](https://indike.org/pramana/in.sampradaya.saiva.agama.krama.devipancastavi.1.1) — Kālidāsa, Sanskrit - [Laghustava](https://indike.org/pramana/in.sampradaya.saiva.agama.srividya.stotra.acaryastotra.laghustava.p1) — Laghubhaṭṭāraka, Sanskrit - [Divyatattva](https://indike.org/pramana/in.niti.dharma.vyavahara.pramana.divyatattva-2.4.1) — Devanātha 1629, Sanskrit --- Source: [https://indike.org/pramana/in.sampradaya.general.devistotra.lalita.pancastavi-works.pancastavi.1](https://indike.org/pramana/in.sampradaya.general.devistotra.lalita.pancastavi-works.pancastavi.1) · Pramāṇa