[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Pancastavi](https://indike.org/pramana/in.sampradaya.general.devistotra.pancastavi) › 2 # Pancastavi 2 Pañcastavī 2 - **Language:** Sanskrit ### [2.1](https://indike.org/pramana/in.sampradaya.general.devistotra.pancastavi.2.1) iti śrīpañcastavyāṃ laghustavaḥ carcāstavo dvitīyaḥ oṃnamastripurasundarya oṃ ānandasundarapurandaramuktamālyaṃ maulau haṭhena nihitaṃ mahiṣāsurasya pādāmbujaṃ bhavatu me vijayāya mañju mañjīraśiñjitamanoharamambikāyāḥ ### [2.2](https://indike.org/pramana/in.sampradaya.general.devistotra.pancastavi.2.2) saundaryavibhramabhuvo bhuvanādhipatya sampattikalpataravastripure jayanti ete kavitvakumudaprakarāvabodha pūrṇendavastvayi jagajjanani praṇāmā ### [2.3](https://indike.org/pramana/in.sampradaya.general.devistotra.pancastavi.2.3) deviḥ ! stutivyatikare kṛtabuddhayaste vācaspatiprabhṛtayopi jaḍībhavanti tasmānnisargajaḍimā katamohamatra stotraṃ tava tripuratāpanapatni kartum ### [2.4](https://indike.org/pramana/in.sampradaya.general.devistotra.pancastavi.2.4) mātāstathāpi bhavatīṃ bhavatīvratāpa vicchittaye stuti mahārṇavakarṇadhāraḥ stotuṃ bhavāni! sa bhavaccaraṇārabinda bhaktigrahaḥ kimapi māṃ mukharīkaroti ### [2.5](https://indike.org/pramana/in.sampradaya.general.devistotra.pancastavi.2.5) sūte jaganti bhavatī bhavatī bibharti jāgarti takṣayakṛte bhavatī bhavāni ! mohaṃ bhinatti bhavatī bhavatī ruṇaddhi līlāyitaṃ jayati citramidaṃ bhavatyā ### [2.6](https://indike.org/pramana/in.sampradaya.general.devistotra.pancastavi.2.6) yasminmanāgapi navāmbujapatragauri ! gauri ! prasāda madhurāṃ dṛśamādadhāsi tasminnirantarama naṅgaśaraprakīrṇā sīmantinī nayana saṃtatayaḥ patanti ### [2.7](https://indike.org/pramana/in.sampradaya.general.devistotra.pancastavi.2.7) pṛthvībhujo'pyudayanapravarasya tasya vidyādhara praṇati cumbita pādapīṭhaḥ yaccakravartipadavīpraṇayaḥ sa eṣa tvatpāda paṅkajarajaḥ kaṇajaḥ prasāda ### [2.8](https://indike.org/pramana/in.sampradaya.general.devistotra.pancastavi.2.8) tvatpādapaṅkajarajaḥ praṇipātapūtaiḥ puṇyairanalpamatibhiḥ kṛtibhiḥ kavīndraiḥ kṣīrakṣapākaradukūlahimāvadātā kairapyavāpi bhuvanatritaye'pi kīrti ### [2.6-2](https://indike.org/pramana/in.sampradaya.general.devistotra.pancastavi.2.6-2) kalpadrumaprasavakalpitacitrapūjā- muddīpitapriyatamā madaraktagītim nityaṃ bhavāni ! bhavatīmupavīṇayanti vidyādharāḥ kanaka śaila guhā gṛheṣu ### [2.10](https://indike.org/pramana/in.sampradaya.general.devistotra.pancastavi.2.10) lakṣmīvaśīkaranakarmaṇi kāminīnā- mā karṣaṇavyatikareṣu ca siddhamantraḥ nīrandhramohātimira cchidura pradīpo devi tvadaṃghrijanito jayati prasādaḥ ### [2.11](https://indike.org/pramana/in.sampradaya.general.devistotra.pancastavi.2.11) devi ! tvadaṃghrinakharatnabhuvo mayūkhāḥ pratyagramauktika ruco mudamudvahanti sevā nati vyatikare surasundarīṇāṃ sīmantasīmni kusumastavakāyitaṃ yaiḥ ### [2.12](https://indike.org/pramana/in.sampradaya.general.devistotra.pancastavi.2.12) mūrdhni sphurattuhina dīdhiti dīptidīptaṃ madhye lalāṭama'marāyudha raśmicitram hṛccakra cumbi hutabhukkaṇikānurūpaṃ jyotiryadetadidamamba tava svarūpama ### [2.13](https://indike.org/pramana/in.sampradaya.general.devistotra.pancastavi.2.13) rūpaṃ tava sphuritacaṃdramarīcigaura- mālokate manasi vāgadhidaivataṃ yaḥ nissīmasūktiracanāmṛtanirbharasya tasya prasādamadhurāḥ prasaranti vācaḥ ### [2.14](https://indike.org/pramana/in.sampradaya.general.devistotra.pancastavi.2.14) sindūrapāṃsupaṭalacchuritāmiva dyāṃ tvattejasā jaturasasnapitāmivorvīm yaḥ paśyati kṣaṇamapi tripure vihāya vrīḍāṃ mṛḍāni ! sudṛśastamunudravanti ### [2.15](https://indike.org/pramana/in.sampradaya.general.devistotra.pancastavi.2.15) mātarmuhūrtamapi yaḥ smarati svarūpaṃ lākṣārasaprasarasantulinibhaṃ bhavatyāḥ dhyāyantyananyamanasastama'naṅgataptāḥ prathañcasīnni subhagatvaguṇaṃ taruṇyaḥ ### [2.16](https://indike.org/pramana/in.sampradaya.general.devistotra.pancastavi.2.16) yoyaṃ cakāsti gaganārṇavaratnamindu- yoyaṃ surāsuraguruḥ puruṣaḥ purāṇaḥ yadvāmama'rdhamidama'ndhakasūnasya devi tvameva taditi pratipādayanti ### [2.17](https://indike.org/pramana/in.sampradaya.general.devistotra.pancastavi.2.17) icchānurūpamanurūpaguṇaprakarṣaṃ saṅkarṣaṇa tvamanusṛtya yadā bibharṣi jāyeta sa tribhuvanaikagurustadānīṃ devaḥ śivopi bhuvanatrayasūtradhāraḥ ### [2.18](https://indike.org/pramana/in.sampradaya.general.devistotra.pancastavi.2.18) rudrāṇi vidrumamayīṃ pratimāumiva tvāṃ ye cintayantyaruṇakāntimananyarūṣām tānetya padmadṛśaḥ prasabhaṃ bhajante kaṇṭhāvasaktamṛdubāhulatastaruṇayaḥ ### [2.16-2](https://indike.org/pramana/in.sampradaya.general.devistotra.pancastavi.2.16-2) tvadrūpamullasita dāḍima puṣparakta- mudbhāvayenmadana daivatapakṣaraṃ yaḥ taṃ rūpahīnamapi manmathanirviśeṣa- mālokayantyu runitambabharā staruṇyaḥ ### [2.20](https://indike.org/pramana/in.sampradaya.general.devistotra.pancastavi.2.20) dhyātāsi haimavati yena himāṃśurāśmi- mālā'maladyutirakalmaṣamānasena tasyā'vilambamanavadyamanantakalpa- malpairdinaiḥ sṛjasi sundari vāgvilāsam ### [2.21](https://indike.org/pramana/in.sampradaya.general.devistotra.pancastavi.2.21) ādhāra māruta nirodhavaśena yeṣāṃ sindūrarañjita saroja guṇānukāri tīvraṃ hṛdi sphurati devi ! vapustvadīyaṃ dhyāyanti tāniha samīhitasiddhasādhyā ### [2.22](https://indike.org/pramana/in.sampradaya.general.devistotra.pancastavi.2.22) tvāmaindavīmiva kalāma'nubhāladeśa- mudbhāsitāmbaratalāma'valokayantaḥ sadyo bhavāni ! sudhiyaḥ kavayo bhavanti tvaṃ bhāvanāhitadhiyāṃ kulakāmadhenuḥ ### [2.23](https://indike.org/pramana/in.sampradaya.general.devistotra.pancastavi.2.23) tvāṃ vyāpinīti sumanā iti kuṇḍalīti tvāṃ kāminīti kamaleti kalāvatīti tvāṃ mālinīti lalitetyaparājiteti devi ! stuvanti vijayeti jayetyumeti ### [2.24](https://indike.org/pramana/in.sampradaya.general.devistotra.pancastavi.2.24) ye cintayantyaruṇa maṇḍalamadhyavarti rūpaṃ tavāmba ! navayāvakapaṃ kapiṃgam teṣāṃ sadaiva kusumāyudha bāṇabhinna- vakṣaḥsthalā mṛgadṛśo vaśagā bhavanti ### [2.25](https://indike.org/pramana/in.sampradaya.general.devistotra.pancastavi.2.25) uttaptahemarucire tripure ! punīhi cetaścirantanamaghaughavanaṃ lunīhi kārāgṛhe nigaḍabandhanapīḍitasya tvatsaṃsmṛtau jhaṭiti me nigaḍāstruṭanti ### [2.26](https://indike.org/pramana/in.sampradaya.general.devistotra.pancastavi.2.26) śarvāṇi ! sarvajanavanditapādapadme padmacchada cchavi viḍambita netraladmi niṣpāpamūrtijanamānasarājahaṃsi! haṃsi tvamāpadamanekavidhāṃ janasya ### [2.28](https://indike.org/pramana/in.sampradaya.general.devistotra.pancastavi.2.28) tvadrūpaikarirūpaṇapraṇayitābandho dṛśostvadguṇa- grāmākarṇanarāgitā śravaṇayostvatsaṃsmṛtiścetasi tvatpādārcanacāturī karayuge tvatkīrtanaṃ vāci me kutrāpi tvadupāsanavyasanitā me devi! mā śāmyatu 27 uddāmakaum̐ma paramārtha sarojaṣaṇḍa- caṇḍadyutiyutimupāsitaṣaṭa prakārām moha dvipendra kadanodyatabodhasiṃha- līlāguhāṃ bhagavatīṃ tripurāṃ namāmi ### [2.26-2](https://indike.org/pramana/in.sampradaya.general.devistotra.pancastavi.2.26-2) gaṇeśavaṭukastutā ratisahāyakāmānvitā smarārivaraviṣṭarā kusumabāṇabāṇauryutā anaṃgakusumādibhiḥ parivṛtā ca siddhaistribhiḥ kadambavanamadhyagā tripurasundarī pātu naḥ ## Linked texts (3) - [Carcāstava](https://indike.org/pramana/in.sampradaya.general.stotra.carcastava.1.19) — Sanskrit - [Carcāstuti](https://indike.org/pramana/in.lit.kavya.stotra.carcastuti.p17) — Kālidāsa, Sanskrit - [Devīpañcastavī](https://indike.org/pramana/in.sampradaya.saiva.agama.krama.devipancastavi.2.1) — Kālidāsa, Sanskrit --- Source: [https://indike.org/pramana/in.sampradaya.general.devistotra.pancastavi.2](https://indike.org/pramana/in.sampradaya.general.devistotra.pancastavi.2) · Pramāṇa