Pitambarastotra (Pītāmbarāstotra)

पीताम्बरास्तोत्र

Language: Sanskrit
Date: 700–750 CE
Author: Śaṅkara
Extent: 39 passages, 510 words
Text: partly digitised
Source: archiveorg · Nitya Karma Vidhi Shiv Mahimna And Pitambara Stotra Adya Shakti Mahakali Siddha Ashram Haridvar; Adya Shakti… · Scan of a printed edition hosted by the Internet Archive (archive.org); the ancient text is in the public…

1 — 37 parts
2 — 1 part

Text

1.2

gadābhighātena ca dakṣiṇena pītāmbarāḍhyāṃ dvibhujāṃ namāmi

1.3

triśūladhāriṇīmambāṃ sarvasaubhāgyadāyinīm
sarvaśṛṃgāraveśāḍhyāṃ devīṃ dhyātvā prapūjayet

1.4

pītavastrāṃ trinetrāṃ ca dvibhujāṃ hāṭakojjvalām
śilāparvatahastāṃ ca smaret tāṃ bagalāmukhīm

1.5

ripujihvāgrahāṃ devīṃ pītapuṣpavibhūṣitām
vairinirdalanāthāya smaret tāṃ bagalāmukhīm

1.6

gambhīrāṃ ca madonmattāṃ svarṇakāntisamaprabhām
caturbhujāṃ trinetrāṃ ca kamalāsanasaṃsthitām

1.7

mudgaraṃ dakṣiṇe pāśaṃ vāme jihvāṃ ca vajrakam
pītāmbaradharāṃ sāndradṛḍhapīnapayodharām

1.8

hemakuṇḍalabhūṣāṃ ca pītacandrārdhaśekharām
pītabhūṣaṇapītāṃgīṃ svarṇasiṃhāsane sthitām

1.9

evaṃ dhyātvā japet stotramekāgrakṛtamānasaḥ
sarvasiddhimavāpnoti mantradhyānapurasaram

ārādhyā jagadamba divyakavidhiḥ sāmājikaiḥ stotṛbhiḥ
mālyaiścandanakuṃkumaiḥ parimalairabhyarcitā sādarāt
samyaṅnyāsisamastabhūtanivahe saubhāgyaśobhāprade
śrīmugdhe bagale prasīda vimale duḥkhāpahe pāhi mām

1.11

ānandakāriṇī devī ripustambhanakāriṇī
madanonmādinī caiva prītistambhanakāriṇī

1.12

mahāvidyā mahāmāyā sādhakasya phalapradā
yasyāḥ smaraṇamātreṇa trailokyaṃ syatambhayet kṣaṇāt

1.13

vāme pāśāṃkuśau śakti tasyādhastādvaraṃ śubham
dakṣiṇe kramato vajraṃ gadājihvā'bhayāni ca

1.14

vibhratīṃ saṃsmarennityaṃ pītamālyānulepanām
pītāmbaradharāṃ devīṃ brahmādisuravanditām

1.15

keyūrāṃgadakuṇḍalabhūṣāṃ bālārkadyutiraṃjitaveṣām
taruṇādityasamānapratimāṃ kauśeyāṃśukabaddhanitambām

1.16

kalpadrumatalanihitaśilāyāṃ pramuditacittollasadalakāntām
paṃcapretaniketanabaddhāṃ bhaktajanebhyo vitaraṇaśīlām

1.17

evaṃvidhāṃ tāṃ bagalāṃ dhyātvā manasi sādhakaḥ
sarvasampatsamṛddhyarthaṃ stotrametadudīrayet

1.18

calatkanakakuṇḍalollasitacārugaṇḍasthalām
lasatkanakacampakadyutimadindubimbānanām
gadāhatavipakṣakāṃ kalitalolajihvāṃ calām
smarāmi bagalāmukhīṃ vimukhavāṅmukhastambhinīm

1.19

pīyūṣodadhimadhyacārubilasadratnojjvale maṇḍape
tatsiṃhāsanamūlapātitaripuṃ pretāsanādhyāsinīm
svarṇābhāṃ kapīḍitārirasanāṃ bhrāmyadgadāṃ vibhramāṃ
yastvāṃ dhyāyati, yānti tasya vilayaṃ sadyo'tha sarvāpadaḥ

1.20

devi tvaccaraṇāmbujārcanakṛte yaḥ pītapuṣpāṃjaliṃ
mudrāṃ vāmakare vidhāya ca punarmantrī manojñākṣaram
pītādhyānaparo'tha kumbhakavaśād bījaṃ smaret pārthivaṃ
tasyāmitramukhasya vāci hṛdaye jāḍyaṃ bhavet tatkṣaṇāt

1.21

mantrastāvadalaṃ vipakṣadalane stotraṃ pavitraṃ ca te
yantraṃ vādiniyamraṇe trijagatāṃ jaitraṃ na citraṃ hi tat
mātaḥ śrībagaleti nāma lalitaṃ yasyāsti jantormukhe
tannāmasmaraṇena saṃsadi mukhastambho bhavedvādinām

1.22

vādī mūkati raṃkati kṣitipatirvaiśvānaraḥ śītati
krodhī śāmyati durjanaḥ sujanati kṣiprānugaḥ khaṃjati
garvvī kharbati sarvavicca jaḍati tvadyantraṇāyantritaḥ
śrīnitye bagalāmukhi pratidinaṃ kalyāṇi tubhyaṃ namaḥ

1.23

duṣṭastambhanamugravighnaśamanaṃ dāridryavidrāvaṇaṃ
bhūbhṛtsaṃnamanaṃ ca yanmṛgadṛśāṃ cetaḥsamākarṣaṇam
saubhāgyaikaniketanaṃ samadṛśāṃ kāruṇyapūrṇekṣaṇe
śatrormāraṇamāvirastu purato māstvadīyaṃ vapuḥ

1.24

mātarbhaṃjaya madvipakṣavadanaṃ jihvāṃ ca saṃkīlaya
brāhmī yantraya mudrayāśu dhiṣaṇāmugrāṃ gatiṃ stambhaya
śatrūṃścūrṇaya cūrṇayāśu gadayā gaurāṃgi pītāmbare
vighnaughaṃ vagale hara praṇamatāṃ kāruṇyapūrṇekṣaṇe

1.25

mātarbhairavi bhadrakāli vijaye bārāhi viśvāśraye
śrīvidye samaye maheśi bagale kāmeśi vāme rame
mātaṃgi tripure parātparatare svargāpavargaprade
dāso'haṃ śaraṇāgato'smi kṛpayā viśveśvari trāhi mām

1.26

tvaṃ vidyā paramā trilokajananī vighnaughavidhvaṃsinī
yoṣākarṣaṇakāriṇī trijagatāmānandasaṃvardhinī
duṣṭoccāṭanakāriṇī paśumanaḥsaṃmohasaṃdāyinī
jihvāḥkīlaya vairiṇāṃ vijayase brahmāstravidyā parā

1.27

mātaryastu manoramaṃ stavamimaṃ devyāḥ paṭhet sādaram
dhṛtvā yantramidaṃ tathaiva samare bāhvoḥ kare vā gale
rājāno varayoṣito'tha kariṇaḥ sarpā mṛgendrāḥ khalāste
vai yānti vimohitā ripugaṇā lakṣmīḥ sthirā sarvadā

1.28

anudinamabhirāmaṃ sādhako yastrikālaṃ
paṭhati sa bhuvane'sau pūjyate devavargaiḥ
sakalamamalakṛtyaṃ tattvadṛṣṭyā ca loke
bhavati paramasiddhā lokamātā parāmbā

1.29

pītavastravasanāmaridehapretajāsananiveśitadehām
phullapuṣparavilocanaramyāṃ daityajāladahanojjvalabhūṣām

1.30

paryaṃkopari lasaddvibhujāṃ kambuhemanatakuṇḍalalolām
vairiṇirdalanakāraṇaroṣāṃ cintayāmi bagalāṃ hṛdayābje

1.31

cintayāmi subhujāṃ śṛṇihastāṃ sad‌bhujāṃ ca suravanditacaraṇām
ṣaṣṭhisaptatiśatairdhṛtaśastrairbāhubhiḥ parivṛtāṃ bagalāmbām

1.32

caurāṇāṃ saṃkaṭe vā praharasamaye bandhane vārimadhye
vahnau vāde vivādaṃ bhṛgunṛpatau divyakāle niśāyām
vaśye vā stambhane vā ripuvadhasamaye prāṇabādhe raṇe vā
gacchaṃstiṣṭhaṃstrikālaṃ stavapaṭhanamidaṃ kārayedāśu dhīraḥ

1.33

vidyā lakṣmīḥ sarvasaubhāgyamāyuḥ putrāḥ sampada rājyamiṣṭaṃ ca siddhiḥ
mātaḥ śreyaḥ sarvavaśyatvasiddhiḥ prāptaṃ sarva bhūtale tvatpareṇa

1.34

gehaṃ nākati garvitaḥ praṇamati strīsaṃgamo mokṣati
dveṣī mitrati pātakaṃ sukṛtati kṣmāvallabho dāsati
mṛtyurvaidyati dūṣaṇaṃ guṇati vai yatpādasaṃsevanāt
tāṃ vande bhavabhītibhaṃjanakarīṃ gaurīṃ girīśapriyām

1.35

yat kṛtaṃ japasaṃdhyānaṃ cintanaṃ parameśvari
śatrūṇāṃ stambhanārthāya tad gṛhāṇa namo'stu te

1.36

brahmāstrametad vikhyātaṃ triṣu lokeṣu durlabham
gurubhaktāya dātavyaṃ na deyaṃ yasya kasyacit

1.37

pītāmbarāṃ ca dvibhujāṃ trinetrāṃ gātrakojjvalām
śilāmudgarahastāṃ ca smaret tāṃ bagalāmukhīm

1.38

siddhiṃ sadye'vagantuṃ guruvaravacaneṣvārhaviśvāsabhājām
svāntaḥ padmāsanasthāṃ vararucibagalāṃ dhyāyatāṃ tāratārām
gāyatrīpūtavācāṃ hariharamanane tatparāṇāṃ narāṇām
prātarmadhyāhnakāle stavapaṭhanamidaṃ kāryasiddhipradaṃ syāt

1.38.p1

iti śrīrudrayāmale uttarakhaṇḍe

2.p1

śrī brahmāstra mahāvidyābagalāmukhīstotraṃ
sampūrṇam
śrīpītāmbarā-bagalāmukhī-khaḍgamālāmantraḥ
śrīgaṇeśāya namaḥ:
oṃ asya śrīpītāmbarā-bagalāmukhī-khaḍgamālāmantrasya nārāyaṇa ṛṣiḥ, triṣṭup chandaḥ,
bagalāmukhī devatā, hlīṃ bījaṃ, svāhā śaktiḥ, oṃ kīlakaṃ, mamābhīṣṭasiddhyarthe jape
viniyogaḥ| nārāyaṇa ṛṣaye namaḥ śirasi, triṣṭupchandase namo mukhe,
śrībagalāmukhīdevatāyai namaḥ hṛdaye, hlīṃ bījāya namo guhyeḥ, svāhā śaktaye namaḥ
pādayoḥ, oṃ kīlakāya namaḥ sarvāṃge| oṃ hlīṃ aṃguṣṭhābhyāṃ namaḥ, bagalāmukhi

Pitambarastotra (Pītāmbarāstotra)

Contents

Text

See also: more in Bagalāmukhī and Pītāmbarā