Shashthidevi (Ṣaṣṭhīdevī)
षष्ठीदेवी
- Language
- Sanskrit
- Author
- Nārāyaṇa
- Extent
- 65 passages, 668 words
- Text
- partly digitised
- Source
- archiveorg · Putra Pradam Abhilashtak Stotra With Shashti Devi Stotra By Veniram Sharma Gaud Master Kheladilal And Sons;… · Scan of a printed edition hosted by the Internet Archive (archive.org); the ancient text is in the public…
Contents
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 35
- 33
- 34
- 35-2
- 36
- 37
- 38
- 39
- 40
- 41
- 42
- 43
- 44
- 45
- 46
- 47
- 48 — 1 part
- 49
- 50
- 51
- 52
- 53
- 54
- 55 — 2 parts
- 56
- 57
- 58
- 49-2
- 60
- 61
- 62
- 63
- 64
- 65
- 66
- 67
- 68
- 69
- 70
- 71 — 1 part
Text
11
taṃ dṛṣṭavā ruruduḥ sarvā nāryaśca bāndhavastriyaḥ
mūrcchāmavāpa tanmātā putraśokena bhūyasā
12
śmaśānaṃ ca yayau rājā gṛhītvā bālakaṃ mune !
haroda tatra kāntāre putraṃ kṛtvā svavakṣasi
13
notsṛjad bālakaṃ rājā prāṇāṃstyaktuṃ samudyataḥ
jñānayogena visasmāra putraśokāt sudāruṇāt
14
etasminnantare tatra vimānaṃ ca dadarśa saḥ
śuddhasphaṭikasaṅkāśaṃ maṇirājavinirmitam
15
tejasā jvalitaṃ śaśvacchobhitaṃ kṣaumavāsasā
nānācitravicitrāḍhyaṃ puṣpamālāvirājitam
16
dadarśa tatra devīṃ ca kamanīyāṃ manoharām
śvetacampakavarṇābhāṃ śaśvat susthirayauvanām
17
īṣaddhāsyaprasannāsyāṃ ratnabhūṣaṇabhūṣitām
kṛpāmayīṃ yogasiddhāṃ bhaktānugrahakātarām
18
dṛṣṭvā tāṃ purato rājā tuṣṭāva paramādaram
cakāra pūjanaṃ tasyā vihāya bālakaṃ bhuvi
19
papraccha rājā tāṃ tuṣṭāṃ grīṣmasūryasamaprabhām
tejasā jvalitāṃ śāntāṃ kāntāṃ skandasya nārada !
20
rājovāca-kā tvaṃ suśobhane ! kānte ! kasya kāntāsi suvrate !
kasya kanyā varārohe ! dhanyā mānyā ca yoṣitām
21
nṛpendrasya vaca: śrutvā jaganmaṅgalacaṇḍikā
uvāca devasenā sā devānāṃ raṇakāriṇī
22
devānāṃ daitya-grastānāṃ purā senā babhūva sā
jayaṃ dadau sā tebhyaśca devasenā ca tena sā
23
devasenovāca—
brahmaṇo mānasī kanyā devasenā'hamīśvarī
sṛṣṭvā māṃ manasā dhātā dadau skandāya bhūmipa !
24
mātṛkāsu ca vikhyātā skandabhāryā ca suvratā
viśve ṣaṣṭhīti vikhyātā ṣaṣṭhāṃśā prakṛteḥ parā
25
aputrāya putradā'haṃ priyādātrī priyāya ca
dhanadā'haṃ daridrebhyaḥ karmibhyaśca svakarmadā
26
sukhaṃ duḥkhaṃ bhayaṃ śoko harṣo maṃgalameva ca
sampattiśca vipattiśca sarvaṃ bhavati karmaṇā
27
karmaṇā bahuputrāśca vaṃśahīnaḥ svakarmaṇā
karmaṇā mṛtaputraśca karmaṇā cirajīvinaḥ
28
karmaṇā guṇavāṃścaiva karmaṇā cāṃgahīnakaḥ
karmaṇā bahubhāryaśca bhāryāhīnaśca karmaṇā
29
karmaṇā rūpavān dharmī rogī śāśvat svakarmaṇā
karmaṇā ca bhaved vyādhiḥ karmaṇā''rogyameva ca
30
tasmāt karmaparaṃ rājan ! sarvebhyaśca śrutau śrutam
ityevamuktvā sā devī gṛhītvā bālakaṃ mune !
31
mahājñānena sā devī jīvayāmāsa līlayā
rājā dadarśa taṃ bālaṃ sasmitaṃ kanakaprabham
35
devasenā ca paśyantaṃ nṛpamāpṛcchaca sā tadā
gṛhītvā bālakaṃ devī gaganaṃ gantumudyatā
33
punastuṣṭāva tāṃ rājā śuṣkakaṇṭhoṣṭhatālukaḥ
nṛpastotreṇa sā devī parituṣṭā babhūva ha
34
uvāca taṃ nṛpaṃ brahman ! vedoktaṃ karmanirmitam
devyuvāca—
triṣu lokeṣu tvaṃ rājā svāyambhuvamanoḥ sutaḥ
35-2
mama pūjāṃ ca sarvatra kārayitvā svayaṃ kuru
tadā dāsyāmi putraṃ te kulapadmaṃ manoharam
36
suvrataṃ nāma vikhyātaṃ guṇavantaṃ supaṇḍitam
jātismaraṃ ca yogīndraṃ nārāyaṇakalātmakam
37
śatakratukaraṃ śreṣṭhaṃ kṣatriyāṇāṃ ca vanditam
mattamātaṅgalakṣāṇāṃ dhṛtavantaṃ balaṃ śubham
38
dhaninaṃ guṇinaṃ śuddhaṃ viduṣāṃ priyameva ca
yogināṃ jñānināṃ caiva siddhirūpaṃ tapasvinām
39
yaśasvinaṃ ca lokeṣu dātāraṃ sarvasampadām
ityevamuktvā sā devī tasmai tadbālakaṃ dadau
40
rājā cakāra svīkāraṃ pūjārtha ca priyavrataḥ
jagāma devī svargaṃ ca dattvā tasmai śubhaṃ varam
41
ājagāma sahāmātyaḥ svagṛhaṃ hṛṣṭamānasaḥ
āgatya kathayāmāsa vṛttāntaṃ putrahetukam
42
śrutvā'vabhūvuḥ santuṣṭā narā nārāyaṇaśca nārada
maṅgalaṃ kārayāmāsa sarvatra putrahetukam
43
devīṃ ca pūjayāmāsa brāhmaṇebhyo dhanaṃ dadau
rājā ca pratimāseṣu śuklaṣaṣṭhayāṃ mahotsavam
44
ṣaṣṭhyā devyāśca yatnena kārayāmāsa sarvataḥ
bālānāṃ sūtikāgāre ṣaṣṭhāhe yatnapūrvakam
45
tatpūjāṃ kārayāmāsa caikaviṃśativāre
bālānāṃ śubhakārye ca śubhānnaprāśane tathā
46
sarvatra pūjayāmāsa svayameva cakāra ha
dhyānaṃ pūjāvidhānaṃ ca stotraṃ matto niśāmaya
47
yacchrutaṃ dharmavaktreṇa kauthumoktaṃ ca suvrata !
śālagrāme ghaṭe vā'tha vaṭamūle'thavā mune !
48
bhittyāṃ puttalikāṃ kṛtvā pūjayedvā vicakṣaṇaḥ
ṣaṣṭhāṃśāṃ prakṛteḥ śuddhāṃ pratiṣṭhāpya ca suprabhām
48.p1
dhyāna
49
suputradāṃ ca śubhadāṃ dayārūpāṃ jagatprasūm
śvetavarṇābhāṃ ratnabhūṣaṇabhūṣitām
50
yavinnarupāṃ paramāṃ devasenāṃ parāṃ bhaje
iti dhyātvā svaśirasi puṣpaṃ datvā vicakṣaṇā
51
punardhyātvā ca mūlena pūjayet suvratāṃ satīm
pādyārghyācamanīyaiśca gandha-puṣpa-pradīpakaiḥ
52
naivedyairvividhaiścāpi phalena śobhanena ca
oṃ hrīṃ ṣaṣṭhīdevyai svāheti vidhipūrvakam
53
aṣṭākṣaraṃ mahāmantraṃ yathāśakti japennaraḥ
tataḥ stutvā ca praṇamedbhaktiyuktaḥ samāhitaḥ
54
stotraṃ ca sāmavedoktaṃ varaṃ putraphalapradam
aṣṭākṣaraṃ mahāmantraṃ lakṣadhā yo japet tataḥ
55
suputraṃ sa labhennūnamityāha kamalodbhavaḥ
stotraṃ śṛṇu muniśreṣṭha ! sarvakāmaśubhāvaham
55.p1
vāñchāpradaṃ ca sarveṣāṃ gūr̤ha vedeṣu nārada !
55.p2
stotra-
56
namo devyai mahādevyai siddhayai śāntyai namo namaḥ
57
śubhāyai devasenāyai ṣaṣṭhyai devyai namo namaḥ
varadāyai putradāyai dhanadāyai namo namaḥ
58
sukhadāyai mokṣadāyai ṣaṣṭhīdevyai namo namaḥ
ṣaṣṭhyai ṣaṣṭhāṃśarūpāyai siddhāyai ca namo namaḥ
49-2
māyāyai siddhayoginyai ṣaṣṭhīdevyai namo namaḥ
sārāyai śāradāyai ca parādevyai namo namaḥ
60
bālādhiṣṭhātṛdevyai ca ṣaṣṭhīdevyai namo namaḥ
kalyāṇadāyeṃ kalyāṇyai phaladāyai ca karmaṇām
61
pratyakṣāyaiṃ svabhaktānāṃ ṣaṣṭhīdevyai namo namaḥ
pūjyāyaiṃ skandakāntāyai sarveṣāṃ sarvakarmasu
62
devarakṣaṇakārinyai ṣaṣṭhīdevyai namo namaḥ
śuddhasattvasvarūpāyai vanditāyai nṛṇāṃ sadā
63
hiṃsākrodhavarjitāyai ṣaṣṭhīdevyai namo namaḥ
dhanaṃ dehi priyāṃ dehi putraṃ dehi sureśvari
64
mānaṃ dehi jayaṃ dehi dviṣo jahi maheśvari
dharmaṃ dehi yaśo dehi ṣaṣṭhīdevyai namo namaḥ
65
dehi bhūmiṃ prajāṃ dehi vidyāṃ dehi supūjite
kalyāṇaṃ ca jayaṃ dehi ṣaṣṭhīdevyai namo namaḥ
66
iti devīṃ ca saṃstūya labhate putraṃ priyavrataḥ
yaśasvinaṃ ca rājendraḥ ṣaṣṭhīdevyāḥ prasādataḥ
67
ṣaṣṭhīstotramidaṃ brahman ! yaḥ śṛṇoti tu vatsaram
aputro labhate putraṃ varaṃ sucirajīvinam
68
varṣamekaṃ ca yo bhaktyā sampūjyedaṃ śṛṇoti ca
sarvapāpādvinirmukto mahāvandhyā prasūyate
69
vīraṃ putraṃ ca guṇinaṃ vidyāvantaṃ yaśasvinam
sucirāyuṣyavantaṃ ca sūte devīprasādataḥ
70
kākāvandhyā ca yā nārī mṛtavatsā ca yā bhavet
varṣaṃ śrutvā labhet putraṃ ṣaṣṭhīdevīprasādataḥ
71
rogayukte ca bāle ca pitā mātā śṛṇoti cet
māsena mucyate bālaḥ ṣaṣṭhīdevīprasādataḥ
71.p1
8--pūrge putravatī yā sā sarvacid vandhyā bhavedyadi
kākavandhyā tu sā jñeyā cikitsā tatra kathyate
viṣṇukrāntāṃ samūlāṃ tu piṣṭvā mahiṣīdugdhake
mahiṣīnavanītena ṛtukāle tu bhojayet
evaṃ saptadinaṃ kuryāt punargarbhaśca labhyate