Pramāṇa · Search · About · API

Shitaladevyashtaka 2

Śītalādevyaṣṭaka 2

Language
Sanskrit

2.1

oṃ asya śrīśītalāṣṭakastotrasya mahādeva ṛṣiḥ, anuṣṭup chandaḥ,
śītalādevatā, lakṣmībījam, bhavānī śaktiḥ, sarvavisphoṭaka-nivṛttaye
jape viniyogaḥ
vande'haṃ śītalāṃ devīṃ rāsabhasthāṃ digambarām
mārjanrīkalaśopetāṃ śūrpālaṅkṛtamastakām

2.2

vande'haṃ śītalāṃ devīṃ sarvarogabhayāpahām
yāmāsādya nivarteta visphoṭakabhayaṃ mahat

2.3

śītale śītale ceti yo brūyād dāhapīḍitaḥ
visphoṭakabhayaṃ ghoraṃ kṣipraṃ tasya praṇaśyati

2.4

yastvāmudakamadhye tu dhṛtvā pūjayate naraḥ
visphoṭakabhayaṃ ghoraṃ gṛhe tasya na jāyate

2.5

śītale jvaradagdhasya pūtigandhayutasya ca
praṇaṣṭacakṣuṣaḥ puṃsastvāmāhurjīvanauṣadham

2.6

śītale tanujān rogānnṛṇāṃ harasi dustyajān
visphoṭaka-vidīrṇānāṃ tvamekā'mṛtavarṣiṇī

2.7

galagaṇḍagrahā rogā ye cā'nye dāruṇā nṛṇām
tvadanudhyānamātreṇa śītale yānti saṃkṣayam

2.8

na mantro nauṣadhaṃ tasya pāparogasya vidyate
tvāmekāṃ śītale dhātrīṃ nā'nyāṃ paśyāmi devatām

2.9

mṛṇālatantusadṛśīṃ nābhihṛnmadhyasaṃsthitām
yastvāṃ sañcintayed devi tasya mṛtyurna jāyate

2.10

aṣṭakaṃ śītalādevyā yo naraḥ prapaṭhet sadā
visphoṭakabhayaṃ ghoraṃ gṛhe tasya na jāyate

2.11

śrotavyaṃ paṭhitavyaṃ ca śraddhā-bhakti-samanvitaiḥ
upasargavināśāya paraṃ svastyayanaṃ mahat

2.12

śītale tvaṃ jaganmātā śītale tvaṃ jagat-pitā
śītale tvaṃ jagaddhātrī śītalāyai namo namaḥ

2.13

rāsabho gardabhaścaiva kharo vaiśākhanandanaḥ
śītalāvāhanaścaiva dūrvākandatikṛntanaḥ

2.14

etāni kharanāmāni śītalāgre tu yaḥ paṭhet
tasya gehe śiśūnāṃ ca śītalāruṅ na jāyate

2.15

śītalāṣṭakamevedaṃ na deyaṃ yasya-kasyacit
dātavyaṃ ca sadā tasmai śraddhā-bhakti-yutāya vai

2.145

iti śrīskandapurāṇe śītalāṣṭakastotraṃ sampūrṇam

Linked texts (6)